Luq kar 8
8
Yad mid teq pa Yer suq Ghig sa geh kae se
1Lag se maq muh tand se huh Yer suq Ghig sa awr lehr te med le lea he lehq te khaz le lea lo kae lehq Ghig sa haq sax se awg lawn ha lehg se tawd khuhd ca koz mar vid tod huhn Cuh yad dghuhd teq chi ni ghad liz yawd geh kae se yaog. 2Yad mid ma U ve ted pehg geh lo ned haeg jad se geg se haq ghaq kog vid lar se chaw teq pa he lehq A nar nag se ted ceng le lea haq te khehnd vid lehq U ve awr lehr mar riq mar gar dar laq chaw (su teq pa koz daq se mar gar dar laq chaw lehd koz se) yer suq Ghig sa ned haeg sar tanr suhr kheh haq ghaq kog vid lar se chaw yaog, 3Kheh te lehq Yod hanr naz awr lehr khud saz ve awg mid ma yaog U ve phad awr lehr Her roq A tiq pa ve med ngend haq sax par phehq se yaog yad mid ma Sud sar naz he lehq yad mid teq pa laex ghad A sug yawd ved med ngend haq yehd lehg, Yer suq Ghig sa he lehq awg laq ghuhd teq pa ve kanx haq te se yaog.
Awg yuhd ser se awg lawn tawd pa hax
(Mth 13:1-9; Mk 4:1-9)
4Teq ni huh chaw yad teq pa te med le lea lo chehd se Yer suq Ghig sa chehd lo lag lehq, I hehd chaw kha peh nux lag lehq phawng daq se yaog kheh te lehq Yer suq Ghig sa tawd pa hax che te mar vid lehq koz se, 5“haw khaz var te ghad tuhez lehq, awg yuhd ca ser se yaog yawd ved ti mi khuhn awg yuhd ser chehd se awg yand khuhn awg yuhd ted pehg yaq kaw khad khuhn che lehq, chaw naz kix lehq ngaz teq pa liz thuhz cad vehr se yaog. 6Awg yuhd ted pehg A jeq he lehq hawx meh dig cawg kig lo che lehq yeg tuhaz se te yand god kae vehr se yaog awg lawn koz ver mig ma nehz se haq te lehq yaog. 7Awg yuhd ted pehq A chud de khuhn che geh se yaog. kheh te lehq A chud bid Ir tuag lehq awg yeg nehax haq huhz thiz vehr se yaog. 8Kheh te lehq, awg yuhd ted pehg, mig daq kig huh. che geh lehq, awg yeg yeg tuhaz lehq daq tuag se yaog, kheh te lehq awg sir awg no ted lawg-ehg pun nuhq se yaog.”
Kheh te peg lehq Yer suq Ghig sa kug lehq koz se, “A sug lehq nar puh cawg liz na yug log.”
Duhd law kig u ve tawd pa hax
(Mth 13:10-17; Mk 4:10-12)
9Kheh te lehq, Yer suq ve awg laq ghuhd teq pa awr lehr, Yer suq Ghig sa haq na ngawx se, “tawd pa hax che ve cuhx kig khawehd koz lar seawg le.” 10Yer suq koz se, “nawg hehd awr lehr, Ghig sa ve muhd mig awg lawn khuhd ceh lar se haq, nawg hehd haq sir cuha se yaog. kheh ma khuhd, awg nuz awr ve chaw haq vawr ngag tawd pa hax te lehq khawehd te le lehd koz ver I hehd ngawx liz ngawx mad mawg. kheh te lenq, I hehd na liz na ma gha.”
Yer suq Ghig sa awg yuhd ser se awg lawn tawd pa hax haq koz mar vid se
(Mth 13:18-23; Mk 4:13-20)
11“Tawd pa hax U ve cuhx kig awr lehr, che kheh yaog. Awg yuhd awr lehr, Ghig sa ve tawd khuhd yaog. 12Awg yuhd yaq kaw khad khuhn che geh seawr lehr, tawd khuhd haq gha kad se chaw teq pa yaog, kheh ma khuhd, ned haeg lag lehq. I hehd ni ma khuhn ve tawd khuhd yug kha vehr se yaog. I hehd teq pa maq gha yonr lehq maq gha pong vid tug awg pon yaog. 13Awg yuhd huhx meh dig kha peh mig A cehax lehax te huh che geh se awr lehr, tawd khuhd haq gha kad lehq ha lehg ha ka haq yug se chaw haq koz se yaog. kheh ma khuhd I hehd ve ni ma khuhn tawd khuhd awg chi ma cuhz nax se haq te lehq, I hehd haq ber lehq lawd ngawx se haq gha phud se te yand I hehd teq cuhx te yand lehax yonr lar haz lehq. Ghig sa ve tawd khuhd haq ched bag lar haz lehq phaw veh se yaog. 14Chaw U ve teq pa awr lehr Awg yuhd A chud de khuhn che geh se haq suhr daq se yaog, tawd khuhd haq gha kad lehq yonr peg se teq pa haq koz se yaog. kheh ma khuhd, I hehd ved A saq teq se khuhn duhd har duhd khix se teq pa he lehq phu si muhd jeq teq pa he lehq pehawr sa se awg ceng teq pa I hehd teq pa haq hoz thiz lar se yaog kheh te se haq te lehq I hehd ve awg sir awr lehr Ghig ve tawd khuhd haq maq yonr se U ve yaog Kheh maq khuhd yawd khad nax ve awg ton haq lehax yonr lehq yawd haq Ghig sa ni ma cawg vid gad se yaog. 15Kheh te lehq Awg yuhd mig daq kig huh che geh se awr lehr, Ghig sa ve tawd khuhd haq gha kad peg se teq pa haq koz se yaog. kheh te lehq ka tiq yeg se awg khuhn lo ha lehg ha ka yonr chehd se yaog I hehq teq pa gha toq khanr liz Ghig sa ve tawd khawd haq kha nehax na yug lehq yeg khanr chehd se yaog.”
Nag mand phud awg lawn tawd pa hax
(Mk 4:21-25)
16“Yer su Ghig sa kawq koz se Te ghad lehaq mad cawg hawg nag mad phud tox teh lehq awg ghiz maq gha pawd vid tug puhr luhd cuhr muhq lar se mehz liz zuhq kig kor teh huhx teh lar se, kheh ma khuhd, I hehd muh kig lo teh lar se yaog. chaw yehg khuhn kha geha se teq pa awg ghiz haq gha mawg tug awg pon yaog. 17Khawehd te le lehz koz ver, ted ceng lehaq khuhd ceh lar se haq mad pheq tuhaz se mad cawg hawg kheh te lehq teq ni ver khuhd ceh lar se ted ceng le lea haq pheq tuhaz vid lehq chaw te ghad le lea sir vid tug yaog.”
18“Kheh te se haq te lehq kha nehax te nawg hehd khawehd khe te na gha seawg le Awg lawn koz ver A sug yawd khad cawg chehd vehr se liz kawq pid tug yaog, kheh ma khuhd A sug yawd mad cawg liz yawd cawg chehd hawg lehd duhd chehd se haq yawd duhd chehd se U ve haq Ghig sa yug kha tug yaog.”
Yer suq Ghig sa ve awg ye he lehq awg nax
(Mth 12:46-50; Mk 3:31-35)
19Yer suq Ghig chaw yad teq pa haq mar ve chehd huh Yer suq Ghig sa ve awr ye he lehq awg nax var Yer suq haq tawd ox daq gad lehq yawd chehd lo lag se yaog kheh ma khuhd yawd chehd lo I hehd teq pa gehe mad gag. awg lawn koz ver, chaw mad jad se haq te lehq . 20Chaw te ghad Yer suq Ghig sa haq koz vid se, “nawr ye he lehq nawg nax var awg bag lo hox chehd aq, nawg haq mawg gad lehq ced.”
21Yer suq I hehd haq kawq koz khuhq vid se, “Ngar ye he lehq ngag nax U ve awr lehr Ghig sa ve tawd khuhd haq gha kad lehq ghaq te se teq pa yaog.”
Yer suq Ghig sa muhd huh haq sod lor lehd koz vid se
(Mth 8:23-27; Mk 4:35-41)
22Teq ni thad huh Yer suq Ghig sa Yawd ved awg laq ghuhd teq pa geh huh lawd kor khuhn geh kae lehq I hehd teq pa haq koz vid se, “A nig ghig nuh maq od pao khanr kae veg,” lehd koz vid lehq. I hehd teq pa huh lawd kor cid lehq Gar lir lehd ghig nuh maq haq khanr kae se yaog. 23Khanr kae tod se awg yand huh Yer suq Ghig sa awr lehr zuhq mir ka chehd se yaog u huh te thawz lehax nuhd huh nux lad cuhd ghig kaw Jen mez pea lehq huh lawd kor khuhn A kaz duhd ter ke pea lehq A kaz neq vehr lehd te lehq I hehd teq pa A laq-laq suh lehd te se yaog. 24Awg laq ghuhd teq pa Yer suq Ghig sa chehd lo kae lehq ca nuhr tu vid lehq koz se, “sar lar-og sar lar-og, ngag hehd teq pa A meha suh vehr lehd tea lehd koz vid lehq, Yer suq Ghig sa tuag lehq muhd huh he lehq kaz duhd haq koz vid se.” muhd huh he lehq kaz duhd teq pa te thawz lehax saod vehr se yaog. 25Kheh te peg lehq, Yer suq awg laq ghuhd teq pa haq na ngwx se, “Nawg hehd teq pa yonr se khar lo saw veh seawg le khawehd te lehq nawg hehd ngag haq maq yonr seawg la?”
Kheh ma khuhd phehq tuhaz se awg ceng haq I hehd teq pa and jad lehq kuhz jad lehq na daq se “chi phad A sug-awg le? Muhd huh he lehq A kaz duhd teq pa liz yawd khuhd na se.”
Haw khaz te ghad khuhn ned haeg jad se geh chehd se haq Yer suq Ghig sa ghaq tuhz vid se
(Mth 8:28-34; Mk 5:1-20)
26Kheh te peg lehq Yer suq Ghig sa he hehq awg laq ghuhd teq pa Gar lir lehd muhd mig haq tawr ghad huh chehd se Ger rar taq chaw chehd teq pa ve med muhd mig cuhx lo lag se yaog. 27Yer suq Ghig sa huh lawd kor U ve khuhn tuhaz se te yand med U ve khuhn chehd se haw khaz var te ghad yawd haq ca mawg daq se yaog haw khaz var U ve awr lehr ned haeg sar tanr yawd awg khuhn lae mag geh chehd se yaog awg yand muh jad veh se yaog yawd har A poq mad veq lehq yehg khuhn liz ma chehd lehq chaw tur phuh lo lehax chehd se yaog. 28Chaw U ve Yer suq Ghig sa haq gha mawg se te yand Yawd Yer suq mehz khuhd suhr khi per huh boz cuhx lar lehr awg khuhd hehd chaweh kug lehq koz se, “Ghig sa ve yad phu Ir jad muh jad se Yer suq-og nawg ngag hehd geha thop he gad lehq le A thoq te lehq nawg ngag hehd haq lag kaod te seawg le? ngag hehd teq pa nawg hag lawg khawx se yaog ngag hehd haq tad tuq khar cuha laog.” 29Haw khaz U ve te ghad yawd U kheh koz se yaog awg lawn koz ver yawd chaq chiz se ned haeg sar tanr chaw U ve phad khuhn ghaq tuhez se yaog.(khaweh te le lehz koz ver ned haeg jad se chaw U ve khuhn laex pawz geh peg lehq chaw U ve phad khuhn ned haeg geh lehq chehd se muh jad vehr se yaog. kheh te lehq chaw yad teq pa caz kheh he lehq son caz yug pheh teh lehq ke huh har se yaog. kheh te lehq yawd saw uhx theh saw cuhz chez lar haz lehq, heh pir khuhn awg god khehz te lo geh cuh vid se yaog.)
30“Yer suq Ghig sa yawd haq na ngawx se.” nawg A thoq meh seawg le?
Na ngawx se yaog “yawd koz se,” ngag ved awg meh awr lehr ned haeg awg mor nux#8:30 Ned haeg awg mor nux Rud maq ta hanx awg mor nux teq ve 4000-6000 ghad cawg se yaog meh se yaog. Awg lawn koz ver ned haeg sar tanr laex kheh yawd awg khuhn geh chehd se yaog. 31Kheh te peg lehq ned haeg awg mor U ve teq pa Yer suq Ghig sa haq lawg khawx se yaog. I hehd teq pa haq mig kor nax jad se awg khuhn lo maq gha yug gehe vid tug.
32Awg lawn che phehq tuhax se U ve awg pad huh vaq mor nux keh thawg per U ve huh ca buhd cad chehd se yaog. ned haeg U ve teq pa Yer suq Ghig sa geh lawg khawx se vaq mor U ve teq pa khuhn I hehd teq pa haq geh cuhar lehz koz vid lehq yawd A khawag pid se yaog. 33Kheh te peg lehq ned haeg sar tanr U ve teq pa haw khaz var U ve phad khuhn tuhez kae lehq vaq mor U ve khuhn gehe lehq, vaq mor U ve mox mox ciz ciz cex kae lehq ghig nuh maq khuhn saw pawz geh lehq A kaz saw ka suh vehr se yaog.
34Vaq hu par teq pa vaq ha U kheh te se awg lawn haq gha mawg lar haz lehq cex kaweq lehq awg lawn U ve med khuhn chehd se he lehq med awg kiz awg naz lo chehd se haq ca kaod koz mar vid se yaog. 35Kheh te peg lehq awg lawn U ve haq chaw kha peh ghad tuhaz lehq ga ca phoz ngawx se yaog. kheh te lehq Yer suq Ghig sa chehd huh gag se te yawd chaw U ve phad geh ned haeg sar tanr tuhez veh se haq gha mawg se yaog. har A poq deh lehq chaw cehg mag he lehq. Yer suq Ghig sa khi pad huh mi chehd lawz se haq gha mawg lehq I hehd teq pa yer suq haq kuhz jad se yaog. 36Awg lawn U ve haq gha mawg lar haz lehq chaw yad teq pa haq koz mar ved se yaog chaw awg khuhn ned geh lehq khawehd kheh te lehq Awg khuhq pir haq kha suar phehq gha seawg le 37Kheh te peg lehq chaw yad laex ghad Ger rar taq awg ti U ve huh chehd se I hehd chehd kig huh Yer suq Ghig sa haq tuhez kae lor lehd koz lehq lawg khawx se yaog awg lawn koz ver, I hehd teq pa A sug liz yawd haq kuhz jad se yaog kheh te lehq Yer suq Ghig sa he lehq awg laq ghuhd teq pa huh lawd kor khuhn gehe lehq U huh tuhez kawq veh se yaog. 38Yer suq Ghig sa he lehq awg lar ghuhd teq pa U huh ma tuhz kae ser huh awg kawd loar haw khaz var khuhn ned haeg sar tanr awg mor nux ghaq tuhz vid peg lehq Yer suq Ghig sa geh lawg khawx se, “Awg bon te lehq ngag nawg geh kae cuha.”
Kheh ma khuhd Yer suq Ghig sa yawd haq kaweq log lehd koz vid lehq koz se, 39“Nawg ved yehg ka lo kaw kaweq lehq Ghig sa nawg haq tea se awg ceng te ghad le lea haq ca kawq koz mar vid -oz.”
Kheh te lehq, haw khaz var U ve Yer suq Ghig sa yawd haq tea se ted ceng le lea, med ted mag le lea lo kha gag ca koz mar vid se yaog.
Yar Id ruq ve awg Yad mid he lehq Yad mid awg suhr yaq se Yer suq Ghig sa ve A poq med lo vad se
(Mth 9:18-26; Mk 5:21-43)
40Yer suq Ghig sa Gar rir lehd ghig po od phawd lo kawaq se te yand chaw yad teq pa Yer suq haq lag haq yug se yaog Awg lawn koz ver I hehd teq pa yawd kawaq se haq law chehd se yaog. 41Awg yand U ve khuhn haw khaz te ghad cawg se awg meh Yar Id ruq meh se phawng daq lehq bon lawg kig awg ti U ve huh ve awg hox te chehd se te ghad lag lehq Yer suq Ghig sa ve khi pag huh lag lehq khi cuhx teh lehq Yer suq haq yawd yehg lo kae tug lawg khawx se yaog, 42Awg lawn koz ver, yawd ve awg yad mid te ghad lehax cawg se A saq teq chi nid khuhq gag vehr se nag lehq sax chez vehr lehd te chehd se yaog, awg yand U ve haq Yer suq Ghig sa ka veh tod huh chaw yad teq pa Yer suq haq biz lehq biz daq caq daq te kae se yaog. 43Chaw yad U ve teq pa khuhn chehd se yad mid ma te ghad yawd A nar nag lehq awg suhr yaq se teq chi nid khuhq gag se yaog yad mid ma U ve yawd cawg lar se phu si naz cuhd saw ghu veh se yaog kheh ma khuhd yad mid ma U ve haq naz chuhd ghu par chaw te ghad lehaq te khehnd maq gha. 44Yad mid U ve Yer suq Ghig sa kuhr tehx nuhr phawd lo taq chuha jiz geha se yaog kheh te lehq Yer suq yawd ved A poq yehng maq te se awg med lo gha vad ver khehnd hawg lehd duhd se yaog kheh te lehq A nar awg suhr yaq se haq liz te thawaz lehax saod vehr se yaog. 45Kheh te lehq Yer suq Ghig sa chaw yad teq pa haq na ngawx se, “A suawg le ngag haq vad se?”
Lehd koz vid lehq I hehd teq pa A sug liz mehz hawg lehd koz lehq koz chehd se te yand per toq roq koz se, “sar lar or chaw yad awg mor nux nawg haq biz daq caq daq chehd se teq pa yaog.”
46Kheh ma khuhd Yer suq Ghig sa koz se. “chaw te ghad ngag haq vad se yaog. Khawehd te le lehd koz ver, ngag sinr se haq sex tug kand pax ngag khuhn tuhez veho.” 47Yad mid ma mawg se te yand yawd khuhd jaz maq gha veh se law lehd duhd sirn vehr lehq awg to ched ched vez vez te lehq chaw te ghad le lea mehz khuhd suhr he lehq Yer suq Ghig sa khi pad huh boz cuhx lehq yad mid Yer suq haq koz ve se, A thoq te lehq ngag nawg haq gha vad seawg le kheh te lehq ngag ve A nar naq se haq khawehd te lehq te thawaz lehax khehnd gha seawr le? 48Yer suq Ghig sa yad mid ma haq koz vid se, “Yad mid-og nawg ngag haq yonr se haq te lehq nawg haq te khehnd vehr se yaog. ha lehg ha ka te kae -ox kheh te lehq Ghig sa ve ha lehg duhd sa se nawg geh cawg kae vid-o.”
49Awg ti U ve khuhn Yer suq Ghig sa yad mid ma haq koz ve chehd huh chaw te ghad Yar id ruq yehg lo lag lehq phawng daq lehq bon lawg kig khuhn ve awg hox yawd haq koz vid se, “nawg ved yad mid suh vehor sar lar haq taq ca kawq soq saq lor.”
50Kheh ma khuhd Yer suq Ghig sa su koz daq se U ve haq gha kad lehq Yar id ruq haq koz vid se, “ta duhd har lor, ngag haq yonr se lehax teo kheh te ver ngag yad mid U ve haq te khehnd vid lehq A saq kawq teq vid tug yaog.”
51Yer suq Ghig sa Yar id roq ve yehg lo kawq gag se te yand Yer suq yawd geh te ghaed liz mad gha geh cuh vid awg laq ghuhd seh ghad lehax geh cuh vid se yaog U ve awr lehr Per toq roq, yod hanr, Yar koq he lehq yad nehax ve awr ye awr pa lehax geh se yaog. 52Awg lawn koz ver Aw ti U ve huh chaw yad nehax suh vehr lehq chaw laex ghad chaw yad nehax U ve awg pon duhd ha lehg kug huhg kehd huhg chehd huh Yer suq Ghig sa koz vid se, “tad huhg lor. chaw yad nehax U ve maq suh hawg. yad mid yuhq mir ka chehd seawg.”
53Kheh te lehq I hehd Yer suq koz se tawd khuhd haq gha kad se te yand I hehd Yer suq haq koz ghid lehq ghig se yaog. Awg lawn koz ver I hehd teq pa A sug liz sinr se yaog yad mid U ve suh vehr se haq. 54Kheh ma khuhd Yer suq Ghig sa chaw yad nehax awg hawnr khuhn geh lehq chaw yad nehax U ve laq kuhr haq yug lehq kug lehq koz se, “yad og, tu lag lor.” 55Kheh te peg lehq yad mid U ve a saq kawq teq se haq kawq khuhq gha lehq yad mid U ve te htawaz lehax tuag se yaog Yer suq Ghig sa awr pa awr ye haq koz vid se cad tug yug lehq yad mid haq car vid laog lehd koz vid se yaog. 56Yad nehax ve awr pa awr ye liz and jad se yaog, Kheh ma khuhd Yer suq Ghig sa I hehd haq tawd pid se Awg lawn U ve phehq lag se teq pa te ghad lehag ta koz vid lehd koz vid se yaog.
ទើបបានជ្រើសរើសហើយ៖
Luq kar 8: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 8
8
Yad mid teq pa Yer suq Ghig sa geh kae se
1Lag se maq muh tand se huh Yer suq Ghig sa awr lehr te med le lea he lehq te khaz le lea lo kae lehq Ghig sa haq sax se awg lawn ha lehg se tawd khuhd ca koz mar vid tod huhn Cuh yad dghuhd teq chi ni ghad liz yawd geh kae se yaog. 2Yad mid ma U ve ted pehg geh lo ned haeg jad se geg se haq ghaq kog vid lar se chaw teq pa he lehq A nar nag se ted ceng le lea haq te khehnd vid lehq U ve awr lehr mar riq mar gar dar laq chaw (su teq pa koz daq se mar gar dar laq chaw lehd koz se) yer suq Ghig sa ned haeg sar tanr suhr kheh haq ghaq kog vid lar se chaw yaog, 3Kheh te lehq Yod hanr naz awr lehr khud saz ve awg mid ma yaog U ve phad awr lehr Her roq A tiq pa ve med ngend haq sax par phehq se yaog yad mid ma Sud sar naz he lehq yad mid teq pa laex ghad A sug yawd ved med ngend haq yehd lehg, Yer suq Ghig sa he lehq awg laq ghuhd teq pa ve kanx haq te se yaog.
Awg yuhd ser se awg lawn tawd pa hax
(Mth 13:1-9; Mk 4:1-9)
4Teq ni huh chaw yad teq pa te med le lea lo chehd se Yer suq Ghig sa chehd lo lag lehq, I hehd chaw kha peh nux lag lehq phawng daq se yaog kheh te lehq Yer suq Ghig sa tawd pa hax che te mar vid lehq koz se, 5“haw khaz var te ghad tuhez lehq, awg yuhd ca ser se yaog yawd ved ti mi khuhn awg yuhd ser chehd se awg yand khuhn awg yuhd ted pehg yaq kaw khad khuhn che lehq, chaw naz kix lehq ngaz teq pa liz thuhz cad vehr se yaog. 6Awg yuhd ted pehg A jeq he lehq hawx meh dig cawg kig lo che lehq yeg tuhaz se te yand god kae vehr se yaog awg lawn koz ver mig ma nehz se haq te lehq yaog. 7Awg yuhd ted pehq A chud de khuhn che geh se yaog. kheh te lehq A chud bid Ir tuag lehq awg yeg nehax haq huhz thiz vehr se yaog. 8Kheh te lehq, awg yuhd ted pehg, mig daq kig huh. che geh lehq, awg yeg yeg tuhaz lehq daq tuag se yaog, kheh te lehq awg sir awg no ted lawg-ehg pun nuhq se yaog.”
Kheh te peg lehq Yer suq Ghig sa kug lehq koz se, “A sug lehq nar puh cawg liz na yug log.”
Duhd law kig u ve tawd pa hax
(Mth 13:10-17; Mk 4:10-12)
9Kheh te lehq, Yer suq ve awg laq ghuhd teq pa awr lehr, Yer suq Ghig sa haq na ngawx se, “tawd pa hax che ve cuhx kig khawehd koz lar seawg le.” 10Yer suq koz se, “nawg hehd awr lehr, Ghig sa ve muhd mig awg lawn khuhd ceh lar se haq, nawg hehd haq sir cuha se yaog. kheh ma khuhd, awg nuz awr ve chaw haq vawr ngag tawd pa hax te lehq khawehd te le lehd koz ver I hehd ngawx liz ngawx mad mawg. kheh te lenq, I hehd na liz na ma gha.”
Yer suq Ghig sa awg yuhd ser se awg lawn tawd pa hax haq koz mar vid se
(Mth 13:18-23; Mk 4:13-20)
11“Tawd pa hax U ve cuhx kig awr lehr, che kheh yaog. Awg yuhd awr lehr, Ghig sa ve tawd khuhd yaog. 12Awg yuhd yaq kaw khad khuhn che geh seawr lehr, tawd khuhd haq gha kad se chaw teq pa yaog, kheh ma khuhd, ned haeg lag lehq. I hehd ni ma khuhn ve tawd khuhd yug kha vehr se yaog. I hehd teq pa maq gha yonr lehq maq gha pong vid tug awg pon yaog. 13Awg yuhd huhx meh dig kha peh mig A cehax lehax te huh che geh se awr lehr, tawd khuhd haq gha kad lehq ha lehg ha ka haq yug se chaw haq koz se yaog. kheh ma khuhd I hehd ve ni ma khuhn tawd khuhd awg chi ma cuhz nax se haq te lehq, I hehd haq ber lehq lawd ngawx se haq gha phud se te yand I hehd teq cuhx te yand lehax yonr lar haz lehq. Ghig sa ve tawd khuhd haq ched bag lar haz lehq phaw veh se yaog. 14Chaw U ve teq pa awr lehr Awg yuhd A chud de khuhn che geh se haq suhr daq se yaog, tawd khuhd haq gha kad lehq yonr peg se teq pa haq koz se yaog. kheh ma khuhd, I hehd ved A saq teq se khuhn duhd har duhd khix se teq pa he lehq phu si muhd jeq teq pa he lehq pehawr sa se awg ceng teq pa I hehd teq pa haq hoz thiz lar se yaog kheh te se haq te lehq I hehd ve awg sir awr lehr Ghig ve tawd khuhd haq maq yonr se U ve yaog Kheh maq khuhd yawd khad nax ve awg ton haq lehax yonr lehq yawd haq Ghig sa ni ma cawg vid gad se yaog. 15Kheh te lehq Awg yuhd mig daq kig huh che geh se awr lehr, Ghig sa ve tawd khuhd haq gha kad peg se teq pa haq koz se yaog. kheh te lehq ka tiq yeg se awg khuhn lo ha lehg ha ka yonr chehd se yaog I hehq teq pa gha toq khanr liz Ghig sa ve tawd khawd haq kha nehax na yug lehq yeg khanr chehd se yaog.”
Nag mand phud awg lawn tawd pa hax
(Mk 4:21-25)
16“Yer su Ghig sa kawq koz se Te ghad lehaq mad cawg hawg nag mad phud tox teh lehq awg ghiz maq gha pawd vid tug puhr luhd cuhr muhq lar se mehz liz zuhq kig kor teh huhx teh lar se, kheh ma khuhd, I hehd muh kig lo teh lar se yaog. chaw yehg khuhn kha geha se teq pa awg ghiz haq gha mawg tug awg pon yaog. 17Khawehd te le lehz koz ver, ted ceng lehaq khuhd ceh lar se haq mad pheq tuhaz se mad cawg hawg kheh te lehq teq ni ver khuhd ceh lar se ted ceng le lea haq pheq tuhaz vid lehq chaw te ghad le lea sir vid tug yaog.”
18“Kheh te se haq te lehq kha nehax te nawg hehd khawehd khe te na gha seawg le Awg lawn koz ver A sug yawd khad cawg chehd vehr se liz kawq pid tug yaog, kheh ma khuhd A sug yawd mad cawg liz yawd cawg chehd hawg lehd duhd chehd se haq yawd duhd chehd se U ve haq Ghig sa yug kha tug yaog.”
Yer suq Ghig sa ve awg ye he lehq awg nax
(Mth 12:46-50; Mk 3:31-35)
19Yer suq Ghig chaw yad teq pa haq mar ve chehd huh Yer suq Ghig sa ve awr ye he lehq awg nax var Yer suq haq tawd ox daq gad lehq yawd chehd lo lag se yaog kheh ma khuhd yawd chehd lo I hehd teq pa gehe mad gag. awg lawn koz ver, chaw mad jad se haq te lehq . 20Chaw te ghad Yer suq Ghig sa haq koz vid se, “nawr ye he lehq nawg nax var awg bag lo hox chehd aq, nawg haq mawg gad lehq ced.”
21Yer suq I hehd haq kawq koz khuhq vid se, “Ngar ye he lehq ngag nax U ve awr lehr Ghig sa ve tawd khuhd haq gha kad lehq ghaq te se teq pa yaog.”
Yer suq Ghig sa muhd huh haq sod lor lehd koz vid se
(Mth 8:23-27; Mk 4:35-41)
22Teq ni thad huh Yer suq Ghig sa Yawd ved awg laq ghuhd teq pa geh huh lawd kor khuhn geh kae lehq I hehd teq pa haq koz vid se, “A nig ghig nuh maq od pao khanr kae veg,” lehd koz vid lehq. I hehd teq pa huh lawd kor cid lehq Gar lir lehd ghig nuh maq haq khanr kae se yaog. 23Khanr kae tod se awg yand huh Yer suq Ghig sa awr lehr zuhq mir ka chehd se yaog u huh te thawz lehax nuhd huh nux lad cuhd ghig kaw Jen mez pea lehq huh lawd kor khuhn A kaz duhd ter ke pea lehq A kaz neq vehr lehd te lehq I hehd teq pa A laq-laq suh lehd te se yaog. 24Awg laq ghuhd teq pa Yer suq Ghig sa chehd lo kae lehq ca nuhr tu vid lehq koz se, “sar lar-og sar lar-og, ngag hehd teq pa A meha suh vehr lehd tea lehd koz vid lehq, Yer suq Ghig sa tuag lehq muhd huh he lehq kaz duhd haq koz vid se.” muhd huh he lehq kaz duhd teq pa te thawz lehax saod vehr se yaog. 25Kheh te peg lehq, Yer suq awg laq ghuhd teq pa haq na ngwx se, “Nawg hehd teq pa yonr se khar lo saw veh seawg le khawehd te lehq nawg hehd ngag haq maq yonr seawg la?”
Kheh ma khuhd phehq tuhaz se awg ceng haq I hehd teq pa and jad lehq kuhz jad lehq na daq se “chi phad A sug-awg le? Muhd huh he lehq A kaz duhd teq pa liz yawd khuhd na se.”
Haw khaz te ghad khuhn ned haeg jad se geh chehd se haq Yer suq Ghig sa ghaq tuhz vid se
(Mth 8:28-34; Mk 5:1-20)
26Kheh te peg lehq Yer suq Ghig sa he hehq awg laq ghuhd teq pa Gar lir lehd muhd mig haq tawr ghad huh chehd se Ger rar taq chaw chehd teq pa ve med muhd mig cuhx lo lag se yaog. 27Yer suq Ghig sa huh lawd kor U ve khuhn tuhaz se te yand med U ve khuhn chehd se haw khaz var te ghad yawd haq ca mawg daq se yaog haw khaz var U ve awr lehr ned haeg sar tanr yawd awg khuhn lae mag geh chehd se yaog awg yand muh jad veh se yaog yawd har A poq mad veq lehq yehg khuhn liz ma chehd lehq chaw tur phuh lo lehax chehd se yaog. 28Chaw U ve Yer suq Ghig sa haq gha mawg se te yand Yawd Yer suq mehz khuhd suhr khi per huh boz cuhx lar lehr awg khuhd hehd chaweh kug lehq koz se, “Ghig sa ve yad phu Ir jad muh jad se Yer suq-og nawg ngag hehd geha thop he gad lehq le A thoq te lehq nawg ngag hehd haq lag kaod te seawg le? ngag hehd teq pa nawg hag lawg khawx se yaog ngag hehd haq tad tuq khar cuha laog.” 29Haw khaz U ve te ghad yawd U kheh koz se yaog awg lawn koz ver yawd chaq chiz se ned haeg sar tanr chaw U ve phad khuhn ghaq tuhez se yaog.(khaweh te le lehz koz ver ned haeg jad se chaw U ve khuhn laex pawz geh peg lehq chaw U ve phad khuhn ned haeg geh lehq chehd se muh jad vehr se yaog. kheh te lehq chaw yad teq pa caz kheh he lehq son caz yug pheh teh lehq ke huh har se yaog. kheh te lehq yawd saw uhx theh saw cuhz chez lar haz lehq, heh pir khuhn awg god khehz te lo geh cuh vid se yaog.)
30“Yer suq Ghig sa yawd haq na ngawx se.” nawg A thoq meh seawg le?
Na ngawx se yaog “yawd koz se,” ngag ved awg meh awr lehr ned haeg awg mor nux#8:30 Ned haeg awg mor nux Rud maq ta hanx awg mor nux teq ve 4000-6000 ghad cawg se yaog meh se yaog. Awg lawn koz ver ned haeg sar tanr laex kheh yawd awg khuhn geh chehd se yaog. 31Kheh te peg lehq ned haeg awg mor U ve teq pa Yer suq Ghig sa haq lawg khawx se yaog. I hehd teq pa haq mig kor nax jad se awg khuhn lo maq gha yug gehe vid tug.
32Awg lawn che phehq tuhax se U ve awg pad huh vaq mor nux keh thawg per U ve huh ca buhd cad chehd se yaog. ned haeg U ve teq pa Yer suq Ghig sa geh lawg khawx se vaq mor U ve teq pa khuhn I hehd teq pa haq geh cuhar lehz koz vid lehq yawd A khawag pid se yaog. 33Kheh te peg lehq ned haeg sar tanr U ve teq pa haw khaz var U ve phad khuhn tuhez kae lehq vaq mor U ve khuhn gehe lehq, vaq mor U ve mox mox ciz ciz cex kae lehq ghig nuh maq khuhn saw pawz geh lehq A kaz saw ka suh vehr se yaog.
34Vaq hu par teq pa vaq ha U kheh te se awg lawn haq gha mawg lar haz lehq cex kaweq lehq awg lawn U ve med khuhn chehd se he lehq med awg kiz awg naz lo chehd se haq ca kaod koz mar vid se yaog. 35Kheh te peg lehq awg lawn U ve haq chaw kha peh ghad tuhaz lehq ga ca phoz ngawx se yaog. kheh te lehq Yer suq Ghig sa chehd huh gag se te yawd chaw U ve phad geh ned haeg sar tanr tuhez veh se haq gha mawg se yaog. har A poq deh lehq chaw cehg mag he lehq. Yer suq Ghig sa khi pad huh mi chehd lawz se haq gha mawg lehq I hehd teq pa yer suq haq kuhz jad se yaog. 36Awg lawn U ve haq gha mawg lar haz lehq chaw yad teq pa haq koz mar ved se yaog chaw awg khuhn ned geh lehq khawehd kheh te lehq Awg khuhq pir haq kha suar phehq gha seawg le 37Kheh te peg lehq chaw yad laex ghad Ger rar taq awg ti U ve huh chehd se I hehd chehd kig huh Yer suq Ghig sa haq tuhez kae lor lehd koz lehq lawg khawx se yaog awg lawn koz ver, I hehd teq pa A sug liz yawd haq kuhz jad se yaog kheh te lehq Yer suq Ghig sa he lehq awg laq ghuhd teq pa huh lawd kor khuhn gehe lehq U huh tuhez kawq veh se yaog. 38Yer suq Ghig sa he lehq awg lar ghuhd teq pa U huh ma tuhz kae ser huh awg kawd loar haw khaz var khuhn ned haeg sar tanr awg mor nux ghaq tuhz vid peg lehq Yer suq Ghig sa geh lawg khawx se, “Awg bon te lehq ngag nawg geh kae cuha.”
Kheh ma khuhd Yer suq Ghig sa yawd haq kaweq log lehd koz vid lehq koz se, 39“Nawg ved yehg ka lo kaw kaweq lehq Ghig sa nawg haq tea se awg ceng te ghad le lea haq ca kawq koz mar vid -oz.”
Kheh te lehq, haw khaz var U ve Yer suq Ghig sa yawd haq tea se ted ceng le lea, med ted mag le lea lo kha gag ca koz mar vid se yaog.
Yar Id ruq ve awg Yad mid he lehq Yad mid awg suhr yaq se Yer suq Ghig sa ve A poq med lo vad se
(Mth 9:18-26; Mk 5:21-43)
40Yer suq Ghig sa Gar rir lehd ghig po od phawd lo kawaq se te yand chaw yad teq pa Yer suq haq lag haq yug se yaog Awg lawn koz ver I hehd teq pa yawd kawaq se haq law chehd se yaog. 41Awg yand U ve khuhn haw khaz te ghad cawg se awg meh Yar Id ruq meh se phawng daq lehq bon lawg kig awg ti U ve huh ve awg hox te chehd se te ghad lag lehq Yer suq Ghig sa ve khi pag huh lag lehq khi cuhx teh lehq Yer suq haq yawd yehg lo kae tug lawg khawx se yaog, 42Awg lawn koz ver, yawd ve awg yad mid te ghad lehax cawg se A saq teq chi nid khuhq gag vehr se nag lehq sax chez vehr lehd te chehd se yaog, awg yand U ve haq Yer suq Ghig sa ka veh tod huh chaw yad teq pa Yer suq haq biz lehq biz daq caq daq te kae se yaog. 43Chaw yad U ve teq pa khuhn chehd se yad mid ma te ghad yawd A nar nag lehq awg suhr yaq se teq chi nid khuhq gag se yaog yad mid ma U ve yawd cawg lar se phu si naz cuhd saw ghu veh se yaog kheh ma khuhd yad mid ma U ve haq naz chuhd ghu par chaw te ghad lehaq te khehnd maq gha. 44Yad mid U ve Yer suq Ghig sa kuhr tehx nuhr phawd lo taq chuha jiz geha se yaog kheh te lehq Yer suq yawd ved A poq yehng maq te se awg med lo gha vad ver khehnd hawg lehd duhd se yaog kheh te lehq A nar awg suhr yaq se haq liz te thawaz lehax saod vehr se yaog. 45Kheh te lehq Yer suq Ghig sa chaw yad teq pa haq na ngawx se, “A suawg le ngag haq vad se?”
Lehd koz vid lehq I hehd teq pa A sug liz mehz hawg lehd koz lehq koz chehd se te yand per toq roq koz se, “sar lar or chaw yad awg mor nux nawg haq biz daq caq daq chehd se teq pa yaog.”
46Kheh ma khuhd Yer suq Ghig sa koz se. “chaw te ghad ngag haq vad se yaog. Khawehd te le lehd koz ver, ngag sinr se haq sex tug kand pax ngag khuhn tuhez veho.” 47Yad mid ma mawg se te yand yawd khuhd jaz maq gha veh se law lehd duhd sirn vehr lehq awg to ched ched vez vez te lehq chaw te ghad le lea mehz khuhd suhr he lehq Yer suq Ghig sa khi pad huh boz cuhx lehq yad mid Yer suq haq koz ve se, A thoq te lehq ngag nawg haq gha vad seawg le kheh te lehq ngag ve A nar naq se haq khawehd te lehq te thawaz lehax khehnd gha seawr le? 48Yer suq Ghig sa yad mid ma haq koz vid se, “Yad mid-og nawg ngag haq yonr se haq te lehq nawg haq te khehnd vehr se yaog. ha lehg ha ka te kae -ox kheh te lehq Ghig sa ve ha lehg duhd sa se nawg geh cawg kae vid-o.”
49Awg ti U ve khuhn Yer suq Ghig sa yad mid ma haq koz ve chehd huh chaw te ghad Yar id ruq yehg lo lag lehq phawng daq lehq bon lawg kig khuhn ve awg hox yawd haq koz vid se, “nawg ved yad mid suh vehor sar lar haq taq ca kawq soq saq lor.”
50Kheh ma khuhd Yer suq Ghig sa su koz daq se U ve haq gha kad lehq Yar id ruq haq koz vid se, “ta duhd har lor, ngag haq yonr se lehax teo kheh te ver ngag yad mid U ve haq te khehnd vid lehq A saq kawq teq vid tug yaog.”
51Yer suq Ghig sa Yar id roq ve yehg lo kawq gag se te yand Yer suq yawd geh te ghaed liz mad gha geh cuh vid awg laq ghuhd seh ghad lehax geh cuh vid se yaog U ve awr lehr Per toq roq, yod hanr, Yar koq he lehq yad nehax ve awr ye awr pa lehax geh se yaog. 52Awg lawn koz ver Aw ti U ve huh chaw yad nehax suh vehr lehq chaw laex ghad chaw yad nehax U ve awg pon duhd ha lehg kug huhg kehd huhg chehd huh Yer suq Ghig sa koz vid se, “tad huhg lor. chaw yad nehax U ve maq suh hawg. yad mid yuhq mir ka chehd seawg.”
53Kheh te lehq I hehd Yer suq koz se tawd khuhd haq gha kad se te yand I hehd Yer suq haq koz ghid lehq ghig se yaog. Awg lawn koz ver I hehd teq pa A sug liz sinr se yaog yad mid U ve suh vehr se haq. 54Kheh ma khuhd Yer suq Ghig sa chaw yad nehax awg hawnr khuhn geh lehq chaw yad nehax U ve laq kuhr haq yug lehq kug lehq koz se, “yad og, tu lag lor.” 55Kheh te peg lehq yad mid U ve a saq kawq teq se haq kawq khuhq gha lehq yad mid U ve te htawaz lehax tuag se yaog Yer suq Ghig sa awr pa awr ye haq koz vid se cad tug yug lehq yad mid haq car vid laog lehd koz vid se yaog. 56Yad nehax ve awr pa awr ye liz and jad se yaog, Kheh ma khuhd Yer suq Ghig sa I hehd haq tawd pid se Awg lawn U ve phehq lag se teq pa te ghad lehag ta koz vid lehd koz vid se yaog.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.