Luq kar 9
9
Yer suq Ghig sa cuh yad teq chi ni ghad haq tuhz kae pe se
(Mth 10:5-15; Mk 6:7-13)
1Awg khad nuhr Awg yand U ve awg khuhn Yer suq Ghig sa yawd ve cuh yad teq chi ni ghad haq kug vid lehq yawd mehz khuhd suhr huh lag phawnq daq se yaog kheh te lehq yawd kand pax I hehd haq pid se yaog khawehd te le lehz koz ver ned haeg sar tanr ted maq le lea haq chaw yad teq pa awg khuhn lo ghaq kog lehq a nar te ceng le lea nag se chaw haq te khehnd vid se yaog. 2Kheh te peg lehq Yer suq I hehd teq pa haq yehd lehq tuhz kae pe lehq Ghig sa chaw yad teq pa haq khawehd khe te haq sax se awg lawn ca koz mar vid se yaog kheh te lehq chaw nag haq liz te khehnd vid se yaog. 3I hehd teq pa tuhz kae lehd te lehq Yer suq I hehd haq tawd pid lehq koz vid se, “yaq kaw haq kae se te yand teq chaw lehaq tad yug kae juhd fir tag, lag sax, cad tug, phu, beq ke veq tug lo-aq maq gha yug kae hawg. 4Nawg hehd teq pa khar ve te med khar ve ted khaz khar ve yehg khuhn ve chaw nawg hehd haq haq yug liz U ve ted yehg khuhn chehd lar med he lehq khaz U ve khuhn nawg hehd tuhez kae thad kha gag, 5chaw yad teq pa khar ve te med khuhn ve nawg hehd haq mad haq yug ver U ve te med haq phaw kae lo kheh te lehq A Jeq nawg hehd ve khi haq hehr chehd se naz siz kha lar haz I hehd Ghig sa ve tawd khuhd haq maq na yug lehq te yaq se haq sa khiz te daq lehq Ghig sa suhz jehg vid tug.”
6Kheh te peg lehq Yer suq Ghig sa ve awg laq ghuhd teq pa te khaz le lea te med le lea lo kae lehq I hehd teq pa Ghig sa ve awg lawn ha lehg se tawd khuhd te ghad le lea haq ca mar vid lehq chaw nag chehd se haq liz haq sax lehg te khehnd vid se yaog.
Her roq duhd har se awg ceng cawg se
(Mth 14:1-12; Mk 6:14-29)
7Awg yand u ve awg khuhn Her roq A tiq paq Gar rir lehd muhd mig haq haq sax chehd se te yand Yer suq Ghiq sa te tuhax se awg lawn awg ceng kha peg haq gha kad se yaog. Kheh te se haq te lehq yawd ni ma khuhn duhd har duhd khinx se yaog Awg lawn koz ver I hehd khuhn chehd se ted pehg koz se, “yawd awr lehr Yod hanr A kaz tur par yaog Ghig sa yawd haq kawq teq vid vehr se yaog.” lehd koz se yaog 8Ted pehg kawq koz se, “Yawd awr lehr Id lid yaq yaog muhd nuh maq lo chehd se te pawz kawq lag vehor lehd koz se yaog” Kheh te lehq awg nuz awr ve chaw ted pehg kawq koz se, “yawd awr lehr cuh kar par teq pa khuhn ve te ghad A sawehd lo ve cuh kar par te ghad kawq teq tuag se yaog lehd koz vid se yaog.” 9Kheh ma khuhd Her roq yawd koz se, “Yod hanr mehz hawg awg lawn koz ver ngag Yod hanr ve A kor haq tawz vehr se yaog kheh te lar lehr chaw U ve te ghad ngag gha kad chehd se U ve A sug lehr nar?” Kheh te lehq Her roq liz Yer suq Ghig sa haq mawg daq tug awg yand ca se yaog.
Yer suq Ghig sa chaw ngag pand ghad haq car vid se
(Mth 14:13-21; Mk 6:30-44; Yh 6:1-14)
10Kheh te peg lehq cuh yad teq pa teq chi ni ghad kae pe lar se kaw kawaq lehq I hehd te peg se awg ceng teq pa Yer suq Ghig sa haq ca kawq koz vid se yaog kheh te peg lehq Yer suq I hehd haq lehax sir ve lehq yawd geh Ber sehd daz med lo kae se yaog. 11Kheh te peg lehq Awg yand U ve khuhn chaw yad teq pa Yer suq Ghig sa he lehq cuh yad teq pa chehd se awg lawn U ve haq gha kad se te yand I hehd teq pa yawd khad nuhr kae lehq gag vehr se yand Yer suq awr lehr I hehd haq haq yug se yaog Kheh te lehq Ghig sa khawehd kheh te haq sax se awg lawn I hehd haq koz mar vid lehq nag chehd se chaw A nar haq khehnd gad se chaw teq pa haq te khehnd vid se yaog.
12Muhd ni kehg vehr lehd te huh cuh yad teq chi ni ghad Yer suq chehd lo lag lehq koz vid se, sar lar-o “chaw yad teq pa haq phehd kawq peo I hehd teq pa yehg he lehq ti mi teq pa huh saod kig yuhq kig ca kae vid lehq cad tug ca cad kae vid awg lawn koz ver chuhr huh awr lehr teq chaweh lehaq mad cawg awg god khehz phehq se yaog.”
13Kheh ma khehd Yer suq Ghig sa I hehd haq koz vid se, “nawg hehd teq pa yawd hehd haq car vid lor lehd koz vid se yaog.”
Awg laq ghuhd teq pa koz se ngag hehd teq pa car ve maq lawq, “ngag hehd teq pa awr paw neh ngad mag he lehq ngad nid mag lehax cawg se yaog nawg ngag hehd teq pa haq cad tug ca yug lehq chaw awg mor kha peg haq car vid-oz lehd koz seawg lar?” lehz koz lehq (14I hehd teq pa U kheh koz se yaog awg lawn koz ver awg ti U ve khuhn haw khaz A lag ngag pand ghad cawg se yaog.)
Yer suq Ghig sa yawd ved awg laq ghuhd teq pa haq tawd pid lehq koz se, “chaw yad che teq pa mi cuh-or teq mor ve ngad chi ghad.”
15Kheh te lehq awg laq ghuhd te pa liz yer suq Ghig sa koz vid heh te lehq chaw yad teq pa haq awg mor te mi cuh se yaog. 16Kheh te peg lehq Yer suq awr paw neh ngad mag he lehq ngad nid mag haq yug lehq muhd nuh maq lo yawd kor chid ngawx lehq cad tug awg pon Ghig sa ve awg bon haq chi muh lehq yawd cad tug pehg lehq awg laq ghuhd teq pa haq pi se yaog. kheh te lehq awg laq ghuhd teq pa chaw yad teq pa haq ca kawg pehg vid se yaog. 17I hehd te ghad le lea gha cad buhz lehq awg nuz awr ve awg lenx kawq ghawz ngawx se teq chi niq puhr luhd gha se yaog.
Per toq roq koz kad se Yer suq Ghig sa awr lehr khreq phehq se yaog.
(Mth 16:13-19; Mk 8:27-29)
18Chehd lag se Teq ni gag lehq Yer suq Ghig sa yawd chaw yad teq pa geh tuhz kae lehq te ghad lehax bon lawg chehd huh Yer suq ve awg laq ghuhd teq pa lehax yawd geh chehd se yaog Yer suq yawd ved awg laq ghuhd teq pa haq na ngawx se, “chaw yad teq pa koz daq se ngag haq a suawg lehd koz yonr chehd seawg le?”
19I hehd kawq koz se, “ted pehg koz se nawg lehr Yod hanr a kaz tur par kawq teq vehr sea lehd koz se yaog awg nuz ve chaw koz se nawg lehr cuh kar par Id lid yaq kawq tuhaz se yaog lehd koz se yaog awg nuz ve chaw teq pa koz se nawg lehr cuh kar par u huh thad ve te ghad kawq teq se yaog lehd koz vid se yaog.”
20Kheh te peg lehq Yer suq I hehd haq na ngawx se, “nawg hehd teq pa hehq ngag A suawg le?” per toq roq koz se, “ Ghig sa pea lawq lehd koz lehq kaq tiq te lar se Ghig sa ve khreq ga lehq yug pong ax ser phad yaog lehd koz vid se yaog.”
Yer suq Ghig sa yawd gha suh tug awg kawd ped lo aq koz lar se
(Mth 16:20-28; Mk 8:30-9:1)
21Kheh te peg lehq Yer suq Ghig sa I hehd haq tawd pid lehq koz se awg lawn che ve te ghad lehaq haq tag ca koz vid lehd koz vid se yaog. 22Kheh te lehq Yer suq Ghig sa I hehd haq kawq koz vid se, ngag awg pon A yed Ir jad se yaog “Ngag, chaw yad ve yad phu awr lehr ted ceng le lea haq gha toq khanr jad tug yaog Awg hox chaw mawd chaw kehx teq pa paw khod awg hox teq pa liq buhq par teq pa Ngag awr lehr khreq phehq lehq I hehd teq pa ga lehq yug pong ax ser phad haq liz mad haq yug he lehq chaw yad teq pa ngag haq dawz vehr tug yaog, kheh ma khuhd sehr ni gag ver Ghig sa ngag haq kawq teq tuag tug yaog.”
23Kheh te peg lehq Yer suq chaw yad teq pa haq koz vid se, “A sug te ghad ma koz ngag ve awg laq ghuhd te gad lehq ngag khad nuhr ghaq gad ver A sug yawd te gad se A lor haq duhd chez lehq Yer suq haq yonr kheh te lehq toq se khanr se awg khuhn lo yeg khanr lehq suh thad kha gag A saq tand se U ve phad yaog ngag ve awg laq ghuhd A sug yawd ved laq kan taz lehq ni gha lea ngag khad nuhr laor. 24Awg lawn koz ver, A sug te ghad ma koz mig gig che khuhn yawd ved A saq pong tug te ver yawd ved co ha gha sond tug yaog teq co teq pi A saq teq se haq maq gha hawg, kheh ma khuhd A sug te ghad ma koz ngag awg pon te lehq yawd ved A saq tand ver, U ve phad ve co ha haq haq sax vid tug yaog kheh te lehq U ve phad awr lehr teq co teq pi A saq teq se haq gha se yaog. 25Kheh te ver A sug te ghad mig gig khod haq cawg se awg ceng kha peg yawd saw gha vehr liz yawd ved A saq sond vehr ver A thoq awg bon cawg hawg le? 26Kheh te se haq te lehq A sug te ghad lehd ma koz ngag ved awg laq ghuhd phehq se awg lawn haq yaq taw lehq ngag ved tawd khuhd haq yaq taw se teq pa awr lehr, Ngag, chaw yad ve yad phu liz U ve te ghad ve awg lawn haq yaq taw tug yaog ngag mig gig khod lo kawaq se te yand ngag ved kand pax Ir jad muh jad se he lehq Awr pa Ghig sa Ir jad muh jad se he lehq daq kehg se muhd nuh maq cuh yad teq pa Ir jad muh jad se muhd nuh maq lo lag se yaog. 27Ngag nawg hehd haq awg cehg mag koz-ax laq chuhr chehd se chaw ted pehg pehar suh se haq maq sinr se yaog I hehd, Ghig sa yawd ve chaw yad teq pa haq haq sax se haq mad gha mawg ser ceh ceh yaog.”
Yer suq Ghig sa awg hoq awg han pa se
(Mth 17:1-8; Mk 9:2-8)
28Yer suq Ghig sa yawd tawd khuhd che haq koz peg khad nuhr A lag teq sinx kar maq Yer suq awr lehr per toq roq, Yod hanr he lehq yar koq haq sir ve lehq keh khad lo bon lawg tug awg pon thaez se yaog. 29Yer suq bon lawg chehd huh yawd ved mehz khuhd awg hoq awg han pa se yaog kheh te lehq yer suq ve A poq liz awg phu sehx phehq lehq awg ghiz ba ba te tuhaz se yaog. 30Awg yand U ve khuhn chaw ni ghad Yer suq haq tawd ox daq chehd se yaog chaw che ni ghad awr lehr Mod ser he lehq awg lawd ped thad lo-oq koz ax par Id lid yaq yaog. 31Muhd muh maq lo Ir jad se awg ghiz cawg se ni ghad tuhaz lehq Yer suq Ghig sa gheh nag ox te se yaog Yer suq yawd mig gig che haq gha suh tug awg lawn che awr lehr Yer ruq sar lehnr med khuhn phehq tuhaz lehq U huh peg tug yaog. 32Per toq roq yar koq he lehq Yod hanr awr lehr A sug liz yuhq mir jo chehd se teq yand kheh ma khuhd I hehd teq pa nuhd-ag lehq Yer suq Ghig sa ve awg mig awg phond muhd nuh maq lo lag se Yer suq geh haw khaz ni ghad hox chehd se haq gha mawg se yaog. 33Chaw U ve ni ghad Yer suq Ghig sa haq phaz daq ka veh huh per toq roq Yer suq haq tawd ox vid se, “Jawd mawd-og, ngag hehd chuhr chehd se lehg daq jad se yaog. ngag hehd haq hax po sehz yehg te cuhar nawg awg pon ted yehg mod ser awg pon ted yehg he lehq Id lid yaq awg pon ted yehg” (Per toq roq yawd awg ton A thoq koz chehd se lehr nar yawd awg ton yawd maq sinr se yaog.)
34Per toq roq tawd u ve ox chehd huh mog dig lag lehq I hehd haq hoz beh se yaog kheh te lehq cuh yad teq pa moeg dig khuhn chehd se te yand kuhz jad ve yaog. 35Kheh te lehq moeg dig khuhn Ghig sa ve awg khuhd buhg tawaz se, “chaw che phad awr lehr ngag ved yad phu ngag lez yug lar seawr yawd khuhd na yug lor.”
36Ghig sa ve Awg khuhd U ve taq chuhx ghad phehq vehr nuhr Yer suq Ghig sa te ghad lehax U huh chehd lawz se yaog kheh ma khuhd cuh yad U ve seh ghad awr lehr awg lawn che ve teq pa kha peg ni ma khuhn tawd lar lehr I hehd gha kad gha mawg se awg ceng Awg yand U ve huh te ghad lehaq haq ma koz vid se yaog.
Haw khaz var nehax te ghad ned haeg jad se yawd khuhn geh se haq Yer suq Ghig sa ghaq tuhz vid se
(Mth 17:14-18; Mk 9:14-27)
37Awg khad nuhr teq ni gag lehq Yer suq Ghig sa he lehq awg laq ghuhd seh ghad kehaq lo yaq se te yand chaw yad teq pa kha peh nux yawd haq lag mawg daq se yaog. 38chaw awg mor U ve khuhn chaw yad te ghad phad kug tuhaz lehq koz se, “sar lar-og, ha kax lehq ngag ved yad par haq ga laog. Awg lawn koz ver yawd awr lehr ngag ved yad pa te ghad lehax phehq se yaog. 39Ned haeg se chaw yad nehax U ve khuhn khar thad geh liz che thad chaw yad nehax u ve kug tuhaz lehq chaw yad nehax U ve haq awg hehd maq phez phez te vid lehq mawg kaw khuhn cux ghig phoz buhd buhd te lehq yawd chaw yad nehax ve haq kawq te kawq te te lehq ma tuhez tag se yaog. 40ngag awr lehr nawg ved awg laq ghuhd teq pa haq lawg lehq ngag ved yad par khuhn ghaq tuhez pe cuh se yaog. Kheh ma khuhd I hehd teq pa te maq gha law kand pax mad cawg te lehq.”
41Yer suq Ghig sa U kheh te gha kad se te yand chaw yad teq pa U huh chehd se haq kawq koz khuhq vid se, “O nawg hehq teq pa Ghig haq maq Yonr lehq vend bax cawg se chaw teq pa-og ngag nawg hehd geh khawehd kheh muh maq gha chehd lawg se hawg le? kheh te lehq ngag nawg hehd geh khawehd kheh muh maq gha yeng khanr tug se hawg le?” Kheh koz peg lehq Yer suq Ghig sa haw khaz var U ve haq koz vid se, “nawg ved yad par chor lo sir veh-a ngawx.”
42Yad par nehax U ve Yer suq Ghig sa chehd lo lag tod huh ned haeg jad se U ve awr lehr yad par nehax haq mig kag lo phez phez te vid se yaog. kheh te lehq Yer suq Ghig sa chaq chiz se ned haeg sar tanr U ve haq chaw yad nehax khuhn ghaq tuhaz lehq yad par nehax U ve khehnd vehr lehq awr pa haq kawq khuhq pid se yaog kheh te lehq chaw yad nehax ved awr pa haq koz vid se che ve nawg yad par yaog lehd koz vid se yaog. 43Ghig sa ve kand pax khuhn Ir jad muh jad se chaw yad teq pa kha peg gha mawg lehq A sug liz and jad se yaog.
Yer suq Ghig sa yawd gha suh tug awg kawd ped lo aq koz lar se
(Mth 17:22-23; Mk 9:30-32)
Awg yand U ve haq chaw yad teq pa Yer suq Ghig sa te se ted ceng le lea and jad chehd huh yer suq yawd ved awg laq ghuhd teq pa haq koz vid se, 44“Ngag nawg hehd haq koz ax lar se tawd khuhd haq kha nehax tawnd laor chaw yad ve yad phu awr lehr kand pax cawg se cand par ve lag kuhr khuhn chid pid tug yaog.” 45Kheh ma khuhd awg laq ghuhd teq pa tawd khuhd che teq pa haq na maq gha awg lawn koz ver tawd khuhd U ve I hehd geh khuhd ceh lar seawg I hehd duhd ngawx maq gha tug awg pon kheh te lehq I hehd awg lawn U ve yer suq haq na ngawx maq pir.
Su haq keh Ir jad se A sug awg le
(Mth 18:1-5; Mk 9:33-37)
46Kheh te peg lehq awg laq ghuhd ted pa ve awg mor khuhn a sug vawr su haq keh Ir jad hawg le lehd ded daq se yaog. 47Yer suq Ghig sa awr lehr I hehd teq pa ni ma khuhn duhd chehd se haq sir se yaog kheh te lehq yer suq chaw yad nehax te ghad yawd awg pad lo lag hox vid se yaog. 48kheh te peg lehq Yer suq I hehd haq kawq koz vid se, “A sug teq ghad chaw yad nehax che haq ngag ved awg meh khuhn haq yug ver U ve phad awr lehr ngag haq haq yug se yaog kheh te lehq ngag haq haq yug se awr lehr ngag haq lag pea sehr phad Ghig sa haq haq yug se haq kha sua phehq se yaog Awg lawn koz ver A sug lehq ni ma nud nehq lehq su ceng te se U ve phad yaog su haq keh Ir jad se.”
A sug nawg haq maq hez daq liz nawg phawd ve yaog
(Mk 9:38-40)
49Kheh te peg lehq Yod hanr koz vid se, “sar lar-og, ngag hehd teq pa haw khaz te ghad gha mawg se nawg ved awg meh khuhn cud lehq chaw yad teq pa khuhn ned haeg sar tanr haq ghaq kog se haq gha mawg se yaog Kheh te lehq ngag hehd tag te o saod lor lehd koz vid se yaog awg lawn koz ver yawd lehr ngag hehd geh nawg khad nuhr mad ghaq lag se haq te lehq yaog.”
50Kheh ma khuhd Yer suq Ghig sa Yod hanr he lehq cuh yad ted pa haq kawq koz vid se, “yawd haq taq taw tar log awg lawn koz ver a sug te ghad lehq nawg haq ma hez daq ver nawg hehd ve awg chawd phehq se yaog.”
Sar mar riq te khaz Yer suq Ghig sa haq mad haq yug
51Yer suq Ghig sa muhd nuh maq lo kawq taz kaweq tug awg yand gag lehq Yer suq Yer ruq sar lehnr med lo kae tug yawd duhd chez lar se yaog. 52Yer suq yawd ved kanx te par haq cuh pea lehq yawd haq keh awg kawd ped kae se yaog I hehd sar mar riq chaw khaz khuhn lo gehe lehq Yer suq he lehq awg lar ghuhd te ghad le lea awg pon muhd khax ver yuhq tug ted ceng le lea ca ghu vid se yaog. 53Kheh ma khuhd chaw yad teq pa khaz U ve khuhn ve Yer suq Ghig sa he lehq awg laq ghuhd teq pa haq mad haq yug I hehd ve yehg khuhn ca yuhq lehd te liz awg lawn koz ver Yer suq Ghig sa Yer ruq sar lehnr med lo kae tod se haq I hehd teq pa sinr se haq te lehq yaog. 54Yer su ve awg laq ghuhd Yar koq he lehq Yod hanr awg ceng u ve haq gha mawg lehq yawd haq na ngawx se “Jawd mawd-og nawg ngag hehd teq pa haq muhd nuh maq lo ve A mir che-ag vid lehq chaw che teq pa haq saw toq kha vid lor la?”
55Kheh ma khuhd Yer suq Ghig sa kuhr phuhz ngawx lehq I hehd haq ded lehq ( koz vid se, “nawg hehd maq sir seawg la nawg hehd ve ni ma khawehd kheh duhd chehd se khawehd te le lehd koz ver chaw yad ve yad phu lag se awr lehr chaw yad ve A saq haq te lug tug awg pon lag se mehz hawg, kheh ma khuhd chaw yad haq yug pong vid lehq thaer khuhq vid tug awg pon lag se yaog.”) 56Kheh te peg lehq Yer suq Ghig sa he lehq awg laq ghuhd teq pa awg nuz awr ve te khaz lo kae se yaog.
Yer suq khad nuhr ghaq kae gad se chaw
(Mth 8:19-22)
57Yer suq Ghig sa he lehq awg laq ghuhd teq pa yaq kaw u ve haq kae tod huh haw khaz te ghad Yer suq haq koz vid se, “nawg khar lo kae liz ngag liz u huh nawg geh kae tug yaog.”
58Yer suq Ghig sa yawd haq kawq koz khuhq vid se, “Heh phid awr lehr, awg kor cawg lehq, Ngaz teq pa liz awg phi cawg lehq Ngag vawr, muhd nuh maq lo lag se chaw yad ve yad phu awr lehr A kor tar lehq yuhq kig yawd ve yeg mad cawg se yaog.” 59Yer suq haw khaz te ghad haq kawq koz vid se, “ngag khad nuhr laor lehd koz vid se yaog.”
Kheh ma khuhd haw khaz U ve phad kawq koz se, “Jawd ma wd-og ngag lawg khawx lehq ngar pa haq ca kawq tur vid lar haz sar lehd koz vid se yaog.”
60Yer suq Ghig sa U ve phad haq kawq koz khuhq vid se, “Co ha phawr suh chehd se chaw Ghig sa koz khuhd maq na lehq Ghig sa khuhn ma chehd se chaw chawad chaw awg suhr awg saq phawr suh chehd se haq ghawz tur daq vi-oq lehd koz vid se yaog, kheh ma khuhd nawg awr lehr Ghig sa khawed khe te haq sax se awg lawn ha lehg se tawd khuhd te ghad le lea haq ca koz mar vid oz.” 61Chaw awg nuz awr ve te ghad kawq koz se, “Jawd mawd-og, ngag nawg khad nuhr ghaq kae tug yaog, kheh ma khuhd ngag lawg khawx lehq kawq kaweq lehq yehg khuh chehd se chaw teq pa haq ca kawq lawg lar haz sar.”
62Yer suq Ghig sa yawd haq koz vid se, “A sug te ghad ma koz ti mi thehox tug haq yug lar lehr kawr phuhz ngawx lehq khawehd duhd nuhq duhd te se chaw awr lehr Ghig sa yawd chaw yad teq pa haq haq sax se teq ni gag ver Ghig sa ve kanx awg bon cawg se haq maq te kenr hawg Ghig sa ve kanx te par heh te lehq te maq gha hawg.”
ទើបបានជ្រើសរើសហើយ៖
Luq kar 9: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 9
9
Yer suq Ghig sa cuh yad teq chi ni ghad haq tuhz kae pe se
(Mth 10:5-15; Mk 6:7-13)
1Awg khad nuhr Awg yand U ve awg khuhn Yer suq Ghig sa yawd ve cuh yad teq chi ni ghad haq kug vid lehq yawd mehz khuhd suhr huh lag phawnq daq se yaog kheh te lehq yawd kand pax I hehd haq pid se yaog khawehd te le lehz koz ver ned haeg sar tanr ted maq le lea haq chaw yad teq pa awg khuhn lo ghaq kog lehq a nar te ceng le lea nag se chaw haq te khehnd vid se yaog. 2Kheh te peg lehq Yer suq I hehd teq pa haq yehd lehq tuhz kae pe lehq Ghig sa chaw yad teq pa haq khawehd khe te haq sax se awg lawn ca koz mar vid se yaog kheh te lehq chaw nag haq liz te khehnd vid se yaog. 3I hehd teq pa tuhz kae lehd te lehq Yer suq I hehd haq tawd pid lehq koz vid se, “yaq kaw haq kae se te yand teq chaw lehaq tad yug kae juhd fir tag, lag sax, cad tug, phu, beq ke veq tug lo-aq maq gha yug kae hawg. 4Nawg hehd teq pa khar ve te med khar ve ted khaz khar ve yehg khuhn ve chaw nawg hehd haq haq yug liz U ve ted yehg khuhn chehd lar med he lehq khaz U ve khuhn nawg hehd tuhez kae thad kha gag, 5chaw yad teq pa khar ve te med khuhn ve nawg hehd haq mad haq yug ver U ve te med haq phaw kae lo kheh te lehq A Jeq nawg hehd ve khi haq hehr chehd se naz siz kha lar haz I hehd Ghig sa ve tawd khuhd haq maq na yug lehq te yaq se haq sa khiz te daq lehq Ghig sa suhz jehg vid tug.”
6Kheh te peg lehq Yer suq Ghig sa ve awg laq ghuhd teq pa te khaz le lea te med le lea lo kae lehq I hehd teq pa Ghig sa ve awg lawn ha lehg se tawd khuhd te ghad le lea haq ca mar vid lehq chaw nag chehd se haq liz haq sax lehg te khehnd vid se yaog.
Her roq duhd har se awg ceng cawg se
(Mth 14:1-12; Mk 6:14-29)
7Awg yand u ve awg khuhn Her roq A tiq paq Gar rir lehd muhd mig haq haq sax chehd se te yand Yer suq Ghiq sa te tuhax se awg lawn awg ceng kha peg haq gha kad se yaog. Kheh te se haq te lehq yawd ni ma khuhn duhd har duhd khinx se yaog Awg lawn koz ver I hehd khuhn chehd se ted pehg koz se, “yawd awr lehr Yod hanr A kaz tur par yaog Ghig sa yawd haq kawq teq vid vehr se yaog.” lehd koz se yaog 8Ted pehg kawq koz se, “Yawd awr lehr Id lid yaq yaog muhd nuh maq lo chehd se te pawz kawq lag vehor lehd koz se yaog” Kheh te lehq awg nuz awr ve chaw ted pehg kawq koz se, “yawd awr lehr cuh kar par teq pa khuhn ve te ghad A sawehd lo ve cuh kar par te ghad kawq teq tuag se yaog lehd koz vid se yaog.” 9Kheh ma khuhd Her roq yawd koz se, “Yod hanr mehz hawg awg lawn koz ver ngag Yod hanr ve A kor haq tawz vehr se yaog kheh te lar lehr chaw U ve te ghad ngag gha kad chehd se U ve A sug lehr nar?” Kheh te lehq Her roq liz Yer suq Ghig sa haq mawg daq tug awg yand ca se yaog.
Yer suq Ghig sa chaw ngag pand ghad haq car vid se
(Mth 14:13-21; Mk 6:30-44; Yh 6:1-14)
10Kheh te peg lehq cuh yad teq pa teq chi ni ghad kae pe lar se kaw kawaq lehq I hehd te peg se awg ceng teq pa Yer suq Ghig sa haq ca kawq koz vid se yaog kheh te peg lehq Yer suq I hehd haq lehax sir ve lehq yawd geh Ber sehd daz med lo kae se yaog. 11Kheh te peg lehq Awg yand U ve khuhn chaw yad teq pa Yer suq Ghig sa he lehq cuh yad teq pa chehd se awg lawn U ve haq gha kad se te yand I hehd teq pa yawd khad nuhr kae lehq gag vehr se yand Yer suq awr lehr I hehd haq haq yug se yaog Kheh te lehq Ghig sa khawehd kheh te haq sax se awg lawn I hehd haq koz mar vid lehq nag chehd se chaw A nar haq khehnd gad se chaw teq pa haq te khehnd vid se yaog.
12Muhd ni kehg vehr lehd te huh cuh yad teq chi ni ghad Yer suq chehd lo lag lehq koz vid se, sar lar-o “chaw yad teq pa haq phehd kawq peo I hehd teq pa yehg he lehq ti mi teq pa huh saod kig yuhq kig ca kae vid lehq cad tug ca cad kae vid awg lawn koz ver chuhr huh awr lehr teq chaweh lehaq mad cawg awg god khehz phehq se yaog.”
13Kheh ma khehd Yer suq Ghig sa I hehd haq koz vid se, “nawg hehd teq pa yawd hehd haq car vid lor lehd koz vid se yaog.”
Awg laq ghuhd teq pa koz se ngag hehd teq pa car ve maq lawq, “ngag hehd teq pa awr paw neh ngad mag he lehq ngad nid mag lehax cawg se yaog nawg ngag hehd teq pa haq cad tug ca yug lehq chaw awg mor kha peg haq car vid-oz lehd koz seawg lar?” lehz koz lehq (14I hehd teq pa U kheh koz se yaog awg lawn koz ver awg ti U ve khuhn haw khaz A lag ngag pand ghad cawg se yaog.)
Yer suq Ghig sa yawd ved awg laq ghuhd teq pa haq tawd pid lehq koz se, “chaw yad che teq pa mi cuh-or teq mor ve ngad chi ghad.”
15Kheh te lehq awg laq ghuhd te pa liz yer suq Ghig sa koz vid heh te lehq chaw yad teq pa haq awg mor te mi cuh se yaog. 16Kheh te peg lehq Yer suq awr paw neh ngad mag he lehq ngad nid mag haq yug lehq muhd nuh maq lo yawd kor chid ngawx lehq cad tug awg pon Ghig sa ve awg bon haq chi muh lehq yawd cad tug pehg lehq awg laq ghuhd teq pa haq pi se yaog. kheh te lehq awg laq ghuhd teq pa chaw yad teq pa haq ca kawg pehg vid se yaog. 17I hehd te ghad le lea gha cad buhz lehq awg nuz awr ve awg lenx kawq ghawz ngawx se teq chi niq puhr luhd gha se yaog.
Per toq roq koz kad se Yer suq Ghig sa awr lehr khreq phehq se yaog.
(Mth 16:13-19; Mk 8:27-29)
18Chehd lag se Teq ni gag lehq Yer suq Ghig sa yawd chaw yad teq pa geh tuhz kae lehq te ghad lehax bon lawg chehd huh Yer suq ve awg laq ghuhd teq pa lehax yawd geh chehd se yaog Yer suq yawd ved awg laq ghuhd teq pa haq na ngawx se, “chaw yad teq pa koz daq se ngag haq a suawg lehd koz yonr chehd seawg le?”
19I hehd kawq koz se, “ted pehg koz se nawg lehr Yod hanr a kaz tur par kawq teq vehr sea lehd koz se yaog awg nuz ve chaw koz se nawg lehr cuh kar par Id lid yaq kawq tuhaz se yaog lehd koz se yaog awg nuz ve chaw teq pa koz se nawg lehr cuh kar par u huh thad ve te ghad kawq teq se yaog lehd koz vid se yaog.”
20Kheh te peg lehq Yer suq I hehd haq na ngawx se, “nawg hehd teq pa hehq ngag A suawg le?” per toq roq koz se, “ Ghig sa pea lawq lehd koz lehq kaq tiq te lar se Ghig sa ve khreq ga lehq yug pong ax ser phad yaog lehd koz vid se yaog.”
Yer suq Ghig sa yawd gha suh tug awg kawd ped lo aq koz lar se
(Mth 16:20-28; Mk 8:30-9:1)
21Kheh te peg lehq Yer suq Ghig sa I hehd haq tawd pid lehq koz se awg lawn che ve te ghad lehaq haq tag ca koz vid lehd koz vid se yaog. 22Kheh te lehq Yer suq Ghig sa I hehd haq kawq koz vid se, ngag awg pon A yed Ir jad se yaog “Ngag, chaw yad ve yad phu awr lehr ted ceng le lea haq gha toq khanr jad tug yaog Awg hox chaw mawd chaw kehx teq pa paw khod awg hox teq pa liq buhq par teq pa Ngag awr lehr khreq phehq lehq I hehd teq pa ga lehq yug pong ax ser phad haq liz mad haq yug he lehq chaw yad teq pa ngag haq dawz vehr tug yaog, kheh ma khuhd sehr ni gag ver Ghig sa ngag haq kawq teq tuag tug yaog.”
23Kheh te peg lehq Yer suq chaw yad teq pa haq koz vid se, “A sug te ghad ma koz ngag ve awg laq ghuhd te gad lehq ngag khad nuhr ghaq gad ver A sug yawd te gad se A lor haq duhd chez lehq Yer suq haq yonr kheh te lehq toq se khanr se awg khuhn lo yeg khanr lehq suh thad kha gag A saq tand se U ve phad yaog ngag ve awg laq ghuhd A sug yawd ved laq kan taz lehq ni gha lea ngag khad nuhr laor. 24Awg lawn koz ver, A sug te ghad ma koz mig gig che khuhn yawd ved A saq pong tug te ver yawd ved co ha gha sond tug yaog teq co teq pi A saq teq se haq maq gha hawg, kheh ma khuhd A sug te ghad ma koz ngag awg pon te lehq yawd ved A saq tand ver, U ve phad ve co ha haq haq sax vid tug yaog kheh te lehq U ve phad awr lehr teq co teq pi A saq teq se haq gha se yaog. 25Kheh te ver A sug te ghad mig gig khod haq cawg se awg ceng kha peg yawd saw gha vehr liz yawd ved A saq sond vehr ver A thoq awg bon cawg hawg le? 26Kheh te se haq te lehq A sug te ghad lehd ma koz ngag ved awg laq ghuhd phehq se awg lawn haq yaq taw lehq ngag ved tawd khuhd haq yaq taw se teq pa awr lehr, Ngag, chaw yad ve yad phu liz U ve te ghad ve awg lawn haq yaq taw tug yaog ngag mig gig khod lo kawaq se te yand ngag ved kand pax Ir jad muh jad se he lehq Awr pa Ghig sa Ir jad muh jad se he lehq daq kehg se muhd nuh maq cuh yad teq pa Ir jad muh jad se muhd nuh maq lo lag se yaog. 27Ngag nawg hehd haq awg cehg mag koz-ax laq chuhr chehd se chaw ted pehg pehar suh se haq maq sinr se yaog I hehd, Ghig sa yawd ve chaw yad teq pa haq haq sax se haq mad gha mawg ser ceh ceh yaog.”
Yer suq Ghig sa awg hoq awg han pa se
(Mth 17:1-8; Mk 9:2-8)
28Yer suq Ghig sa yawd tawd khuhd che haq koz peg khad nuhr A lag teq sinx kar maq Yer suq awr lehr per toq roq, Yod hanr he lehq yar koq haq sir ve lehq keh khad lo bon lawg tug awg pon thaez se yaog. 29Yer suq bon lawg chehd huh yawd ved mehz khuhd awg hoq awg han pa se yaog kheh te lehq yer suq ve A poq liz awg phu sehx phehq lehq awg ghiz ba ba te tuhaz se yaog. 30Awg yand U ve khuhn chaw ni ghad Yer suq haq tawd ox daq chehd se yaog chaw che ni ghad awr lehr Mod ser he lehq awg lawd ped thad lo-oq koz ax par Id lid yaq yaog. 31Muhd muh maq lo Ir jad se awg ghiz cawg se ni ghad tuhaz lehq Yer suq Ghig sa gheh nag ox te se yaog Yer suq yawd mig gig che haq gha suh tug awg lawn che awr lehr Yer ruq sar lehnr med khuhn phehq tuhaz lehq U huh peg tug yaog. 32Per toq roq yar koq he lehq Yod hanr awr lehr A sug liz yuhq mir jo chehd se teq yand kheh ma khuhd I hehd teq pa nuhd-ag lehq Yer suq Ghig sa ve awg mig awg phond muhd nuh maq lo lag se Yer suq geh haw khaz ni ghad hox chehd se haq gha mawg se yaog. 33Chaw U ve ni ghad Yer suq Ghig sa haq phaz daq ka veh huh per toq roq Yer suq haq tawd ox vid se, “Jawd mawd-og, ngag hehd chuhr chehd se lehg daq jad se yaog. ngag hehd haq hax po sehz yehg te cuhar nawg awg pon ted yehg mod ser awg pon ted yehg he lehq Id lid yaq awg pon ted yehg” (Per toq roq yawd awg ton A thoq koz chehd se lehr nar yawd awg ton yawd maq sinr se yaog.)
34Per toq roq tawd u ve ox chehd huh mog dig lag lehq I hehd haq hoz beh se yaog kheh te lehq cuh yad teq pa moeg dig khuhn chehd se te yand kuhz jad ve yaog. 35Kheh te lehq moeg dig khuhn Ghig sa ve awg khuhd buhg tawaz se, “chaw che phad awr lehr ngag ved yad phu ngag lez yug lar seawr yawd khuhd na yug lor.”
36Ghig sa ve Awg khuhd U ve taq chuhx ghad phehq vehr nuhr Yer suq Ghig sa te ghad lehax U huh chehd lawz se yaog kheh ma khuhd cuh yad U ve seh ghad awr lehr awg lawn che ve teq pa kha peg ni ma khuhn tawd lar lehr I hehd gha kad gha mawg se awg ceng Awg yand U ve huh te ghad lehaq haq ma koz vid se yaog.
Haw khaz var nehax te ghad ned haeg jad se yawd khuhn geh se haq Yer suq Ghig sa ghaq tuhz vid se
(Mth 17:14-18; Mk 9:14-27)
37Awg khad nuhr teq ni gag lehq Yer suq Ghig sa he lehq awg laq ghuhd seh ghad kehaq lo yaq se te yand chaw yad teq pa kha peh nux yawd haq lag mawg daq se yaog. 38chaw awg mor U ve khuhn chaw yad te ghad phad kug tuhaz lehq koz se, “sar lar-og, ha kax lehq ngag ved yad par haq ga laog. Awg lawn koz ver yawd awr lehr ngag ved yad pa te ghad lehax phehq se yaog. 39Ned haeg se chaw yad nehax U ve khuhn khar thad geh liz che thad chaw yad nehax u ve kug tuhaz lehq chaw yad nehax U ve haq awg hehd maq phez phez te vid lehq mawg kaw khuhn cux ghig phoz buhd buhd te lehq yawd chaw yad nehax ve haq kawq te kawq te te lehq ma tuhez tag se yaog. 40ngag awr lehr nawg ved awg laq ghuhd teq pa haq lawg lehq ngag ved yad par khuhn ghaq tuhez pe cuh se yaog. Kheh ma khuhd I hehd teq pa te maq gha law kand pax mad cawg te lehq.”
41Yer suq Ghig sa U kheh te gha kad se te yand chaw yad teq pa U huh chehd se haq kawq koz khuhq vid se, “O nawg hehq teq pa Ghig haq maq Yonr lehq vend bax cawg se chaw teq pa-og ngag nawg hehd geh khawehd kheh muh maq gha chehd lawg se hawg le? kheh te lehq ngag nawg hehd geh khawehd kheh muh maq gha yeng khanr tug se hawg le?” Kheh koz peg lehq Yer suq Ghig sa haw khaz var U ve haq koz vid se, “nawg ved yad par chor lo sir veh-a ngawx.”
42Yad par nehax U ve Yer suq Ghig sa chehd lo lag tod huh ned haeg jad se U ve awr lehr yad par nehax haq mig kag lo phez phez te vid se yaog. kheh te lehq Yer suq Ghig sa chaq chiz se ned haeg sar tanr U ve haq chaw yad nehax khuhn ghaq tuhaz lehq yad par nehax U ve khehnd vehr lehq awr pa haq kawq khuhq pid se yaog kheh te lehq chaw yad nehax ved awr pa haq koz vid se che ve nawg yad par yaog lehd koz vid se yaog. 43Ghig sa ve kand pax khuhn Ir jad muh jad se chaw yad teq pa kha peg gha mawg lehq A sug liz and jad se yaog.
Yer suq Ghig sa yawd gha suh tug awg kawd ped lo aq koz lar se
(Mth 17:22-23; Mk 9:30-32)
Awg yand U ve haq chaw yad teq pa Yer suq Ghig sa te se ted ceng le lea and jad chehd huh yer suq yawd ved awg laq ghuhd teq pa haq koz vid se, 44“Ngag nawg hehd haq koz ax lar se tawd khuhd haq kha nehax tawnd laor chaw yad ve yad phu awr lehr kand pax cawg se cand par ve lag kuhr khuhn chid pid tug yaog.” 45Kheh ma khuhd awg laq ghuhd teq pa tawd khuhd che teq pa haq na maq gha awg lawn koz ver tawd khuhd U ve I hehd geh khuhd ceh lar seawg I hehd duhd ngawx maq gha tug awg pon kheh te lehq I hehd awg lawn U ve yer suq haq na ngawx maq pir.
Su haq keh Ir jad se A sug awg le
(Mth 18:1-5; Mk 9:33-37)
46Kheh te peg lehq awg laq ghuhd ted pa ve awg mor khuhn a sug vawr su haq keh Ir jad hawg le lehd ded daq se yaog. 47Yer suq Ghig sa awr lehr I hehd teq pa ni ma khuhn duhd chehd se haq sir se yaog kheh te lehq yer suq chaw yad nehax te ghad yawd awg pad lo lag hox vid se yaog. 48kheh te peg lehq Yer suq I hehd haq kawq koz vid se, “A sug teq ghad chaw yad nehax che haq ngag ved awg meh khuhn haq yug ver U ve phad awr lehr ngag haq haq yug se yaog kheh te lehq ngag haq haq yug se awr lehr ngag haq lag pea sehr phad Ghig sa haq haq yug se haq kha sua phehq se yaog Awg lawn koz ver A sug lehq ni ma nud nehq lehq su ceng te se U ve phad yaog su haq keh Ir jad se.”
A sug nawg haq maq hez daq liz nawg phawd ve yaog
(Mk 9:38-40)
49Kheh te peg lehq Yod hanr koz vid se, “sar lar-og, ngag hehd teq pa haw khaz te ghad gha mawg se nawg ved awg meh khuhn cud lehq chaw yad teq pa khuhn ned haeg sar tanr haq ghaq kog se haq gha mawg se yaog Kheh te lehq ngag hehd tag te o saod lor lehd koz vid se yaog awg lawn koz ver yawd lehr ngag hehd geh nawg khad nuhr mad ghaq lag se haq te lehq yaog.”
50Kheh ma khuhd Yer suq Ghig sa Yod hanr he lehq cuh yad ted pa haq kawq koz vid se, “yawd haq taq taw tar log awg lawn koz ver a sug te ghad lehq nawg haq ma hez daq ver nawg hehd ve awg chawd phehq se yaog.”
Sar mar riq te khaz Yer suq Ghig sa haq mad haq yug
51Yer suq Ghig sa muhd nuh maq lo kawq taz kaweq tug awg yand gag lehq Yer suq Yer ruq sar lehnr med lo kae tug yawd duhd chez lar se yaog. 52Yer suq yawd ved kanx te par haq cuh pea lehq yawd haq keh awg kawd ped kae se yaog I hehd sar mar riq chaw khaz khuhn lo gehe lehq Yer suq he lehq awg lar ghuhd te ghad le lea awg pon muhd khax ver yuhq tug ted ceng le lea ca ghu vid se yaog. 53Kheh ma khuhd chaw yad teq pa khaz U ve khuhn ve Yer suq Ghig sa he lehq awg laq ghuhd teq pa haq mad haq yug I hehd ve yehg khuhn ca yuhq lehd te liz awg lawn koz ver Yer suq Ghig sa Yer ruq sar lehnr med lo kae tod se haq I hehd teq pa sinr se haq te lehq yaog. 54Yer su ve awg laq ghuhd Yar koq he lehq Yod hanr awg ceng u ve haq gha mawg lehq yawd haq na ngawx se “Jawd mawd-og nawg ngag hehd teq pa haq muhd nuh maq lo ve A mir che-ag vid lehq chaw che teq pa haq saw toq kha vid lor la?”
55Kheh ma khuhd Yer suq Ghig sa kuhr phuhz ngawx lehq I hehd haq ded lehq ( koz vid se, “nawg hehd maq sir seawg la nawg hehd ve ni ma khawehd kheh duhd chehd se khawehd te le lehd koz ver chaw yad ve yad phu lag se awr lehr chaw yad ve A saq haq te lug tug awg pon lag se mehz hawg, kheh ma khuhd chaw yad haq yug pong vid lehq thaer khuhq vid tug awg pon lag se yaog.”) 56Kheh te peg lehq Yer suq Ghig sa he lehq awg laq ghuhd teq pa awg nuz awr ve te khaz lo kae se yaog.
Yer suq khad nuhr ghaq kae gad se chaw
(Mth 8:19-22)
57Yer suq Ghig sa he lehq awg laq ghuhd teq pa yaq kaw u ve haq kae tod huh haw khaz te ghad Yer suq haq koz vid se, “nawg khar lo kae liz ngag liz u huh nawg geh kae tug yaog.”
58Yer suq Ghig sa yawd haq kawq koz khuhq vid se, “Heh phid awr lehr, awg kor cawg lehq, Ngaz teq pa liz awg phi cawg lehq Ngag vawr, muhd nuh maq lo lag se chaw yad ve yad phu awr lehr A kor tar lehq yuhq kig yawd ve yeg mad cawg se yaog.” 59Yer suq haw khaz te ghad haq kawq koz vid se, “ngag khad nuhr laor lehd koz vid se yaog.”
Kheh ma khuhd haw khaz U ve phad kawq koz se, “Jawd ma wd-og ngag lawg khawx lehq ngar pa haq ca kawq tur vid lar haz sar lehd koz vid se yaog.”
60Yer suq Ghig sa U ve phad haq kawq koz khuhq vid se, “Co ha phawr suh chehd se chaw Ghig sa koz khuhd maq na lehq Ghig sa khuhn ma chehd se chaw chawad chaw awg suhr awg saq phawr suh chehd se haq ghawz tur daq vi-oq lehd koz vid se yaog, kheh ma khuhd nawg awr lehr Ghig sa khawed khe te haq sax se awg lawn ha lehg se tawd khuhd te ghad le lea haq ca koz mar vid oz.” 61Chaw awg nuz awr ve te ghad kawq koz se, “Jawd mawd-og, ngag nawg khad nuhr ghaq kae tug yaog, kheh ma khuhd ngag lawg khawx lehq kawq kaweq lehq yehg khuh chehd se chaw teq pa haq ca kawq lawg lar haz sar.”
62Yer suq Ghig sa yawd haq koz vid se, “A sug te ghad ma koz ti mi thehox tug haq yug lar lehr kawr phuhz ngawx lehq khawehd duhd nuhq duhd te se chaw awr lehr Ghig sa yawd chaw yad teq pa haq haq sax se teq ni gag ver Ghig sa ve kanx awg bon cawg se haq maq te kenr hawg Ghig sa ve kanx te par heh te lehq te maq gha hawg.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.