လုကာ 6
6
အခန်း (၆)
ဥပုသ်နေ့ကအရှင်သခင်
(မဿဲ ၁၂:၁-၈။ မာကု ၂:၂၃-၂၈)
1ဥပုသ်နေ့ယက်တာဂါးရပ် ကိုယ်တော်ယေရှုအိမ် တပည့်တော်ရက်နာ ဂျုံခင်းငင် ဖြတ်ဗန်ကရပ် တပည့်တော်ရက်နာ ဂျုံတူ(ဖ်)ရက်အင်ကုန်ဂို့ တာဟူးအိမ် ဂျုံတူ(ဖ်)ရက်အင် အလက်ကွားဂို ဂျုံတူ(ဖ်)ရက်အင်ဆာလင်ကဟေ။ 2အိမ်မာကရပ် ဖာရိရှဲတစ်ချို့နာ ကိုယ်တော်က တပည့်ရက်အင် "နနိန်ရက်နာ ဥပုသ်နေ့ရယက်အာ လိစ်ကခွင့်အအီးကအူဇာရက်အင် အဇာရိဂို့လိစ်ဟေကယာ" ငါ့ဂို့ ငှားလင်ကဟေ။ 3ကိုယ်တော်ယေရှုယေ့ "ဘုရင်ဒါဝိဒ်အိမ် အမှာဂါနောက်လိုက်ရက်နာ ပုတ်ရုန်တုန်းကအခါ အမှာအဇာလိစ်ဟေငါ့ဟေကင့် ကျမ်းစာနား#6:3 ဓမ္မရာဇဝင် ပထမစာစောင် ၂၁း၁-၆ ဘုရင်ရှောလုကအန္တာရယ်ဘင်း ကပ်တုန်းကအချိန် နနိန်ရက်အဖတ်ဟြာလေ။ 4အမှာနာ ဘုရားရှင်ကကိန်းတာဟုန်းငါဆင်ကို ပုရောဟိတ်ဇိစ် သီးသန့်ကပ်လှုပီးဟေက ပေါင်းမုန့်ရက်အင် အမှာကိုယ်တိုင်း ဆာဂို့အကျီးပါ(လ်) အမှာဂါနောက်လိုက်ရက်အင်ဘာ ကျွေးလင်ကဟေ"ငါ့ကို ငါ့လင်ကဟေ။ 5အိမ်မှဒေလေငါ့ဆနပ်ကို့ကျီးဟေကရပ် ကိုယ်တော်နာ "လူ့သားတော်ဖြစ်ဟေကား ငါနာ ဥပုသ်ရယက်ကား အရှင်သခင်ဖြစ်ဟေ" ငါးဂို့ ငှားဆနပ်လင်ကဟေ။
ကိုယ်တော်ယေရူ ဥပုသ်နေ့ယာ ပုတ်ဆာလက်ဖက်တာဟူး ဆိန်းတုန်းကလူးဝင် ကုအီဟေကား
(မဿဲ ၁၂:၉-၁၄။ မာကု ၃:၁-၆)
6အယောက်ယက်တာကဥပုသ်နေ့ယာ ကိုယ်တော်နာ ဂျူးဓမ္မာရုံငါ ဆနိန်တုန်းဂါရပ် အိမ်မှနေရာနား ပုတ်ဆလက်ဖက် ဆိန်းတုန်းကလူဟူးဝါ ငါးလင်ကဟေ။ 7အိမ်မှနေရာငါဟေကား ဖာရိရှဲအိမ် ကျမ်းတတ်ဆရာအချို့စာ ဥပုသ်နေ့အာ လေဖြတ်တုန်းကလူးယင် ကုအီးဂါငါးနဲ့ စွပ်စွဲစရာအကြောင်းပြချက် ဆုံးကိုပေါ်ကဇိစ် ကိုယ်တော်ယင် အနီးကပ်စောင့်ဂို့ တုန်းလင်ကဟေ။ 8ညီးင့ဒင့်ယဲ့ ကိုယ်တော်ယေရူနာ အိမ်မှာလူးရက် အဆာမှီးတွေးတုန်းဟေကယာငါးဟေကင့် ချေးတုန်းကို အိမ်မားပုတ်ဆာလက်ဖက်ဆိန်းတုန်းကလူးယင် "ရိပ်ကို လူးရက်ကရှေ့ယာ စက်နက်အင်း"ငါ့ကို ငါ့နက်ကရပ် အိမ်မားလူးယေ ရိပ်ကို စက်လင်ကဟေ။ 9အိမ်မှနောက်အာ ကိုယ်တော်ယေရှုနာ အမာရက်အင် "နနိန်ရက်အင် ငါဆူးဝါကတာဂါး။ မှာဒေဥပုသ်နေ့အာ မှီးဟေက လိစ်ပိုဂါလေ့။ အမှီးကလုပ်ပိုဂါလေ့။ အရိနဲ့ ဟူဝါပါဆာကအဆက်အင် ကယ်တင်ပိုဂါလေ။ ဟူးဝါပါဆား ကတိုက်ပိုဂါးလေ" ငါးဂို့ ကတာလင်ကဟေ။ 10မှနောက်အာ ကိုယ်တော်နာ ဘေးပတ်ဝန်းကျင်ယာ ငါဟေကလူးရက်အင် လှည့်ယူကို ပုတ်ဆာလက်ဖက်ဆိန်းတုန်းကလူးယင် "နင်ကတာဟူးယင် အဖြောင်နက်အင်း"ငါ့ကို ငါ့နက်ကရပ် အိမ်မားလူးယဲ့ တာဟူးဝါအဖြောင့်နက်ကို အမာကတာဟူးနာ ပကတိအကောင်းတိုင်း ဖြစ်လင်ကဟေ။ 11မှအခါ ဖာရိရှဲရက်အိမ် ကျမ်းတတ်ဆရာရက်နာ မန်ချေဂို့ ကိုယ်တော်ယေရူယင် အဆာမီရိနဲ့မီးကယားငါ့ဟေကင့် ဟူးဝါအိမ်ဟူးဝါ တိုင်ပင်လင်ကဟေ။
ကိုယ်တော်ယေရူ တပည့်သာဝက တစ်ဆယ့်နှစ်ဦးဝင် ရွေးချယ်ဟေကား
(မဿဲ ၁၀:၁-၄။ မာကု ၃:၁၃-၁၉)
12ယက်တာကရပ် ကိုယ်တော်ယေရှုနာ ဆုစိန်ကဇိစ် တဂို့ဖုံးငါချေလင်ကဟေ။ မှနောက်အာ အမာနာ ထင်းနာလုံးလုံး ဘုရားရှင်ကမား ဝတ်ပြုဆုစိန်လင်ကဟေ။ 13ဟင်းချီးကရပ် တပည့်တော်ရက်အင် အမာကမား စုဝေးအော်ဂို့ အမှာရက်ထဲယာကား တစ်ဆယ့်နှစ်ယောက်အင် သာဝကရက်အဖြစ်#6:13 သဝကငါ့ဟေကားနာ ကိုယ်တော်ယေရူအထူးရွေးချယ်ပီးဟေကား တပည့်ရက်ဖြစ်ဟေ။ ရွေးဂို့ဆာပြုလင်ကဟေ။ 14အိမ်မားလူးရက်ကမား ပေတရုငါ့ကို ကိုယ်တော် အမိန်းအီဒက်ဟေကား ရှိမုန်အိမ် အမာကအနေးဆီ ဖြစ်ဟေကလူး အန္ဒြေ၊ ယာကုပ်၊ ယောဟန်၊ ဖိလိပ္ပု၊ ဗာသောလမဲ 15မဿဲ၊ သောမ၊ အာလဖဲဂါးအဆာ ယာကုပ်၊ မျိူးချစ်ပုဂ္ဂိုလ်ငါ့ကိုအော်ဟေကား ရှိမုန်#6:15 ရောမတာဟူးဝါဘင်း ဂျူးလူမျိူးရက် လွတ်မြောက်ကဇိစ် တိုက်ခိုက်တက်ကား အဖွဲ့ဝင်အဟိုးဖြစ်ဟေ။၊ 16ယာကုပ်ဂါးအဆာ ယုဒအိမ်နောင်ငါ ကိုယ်တော်ယေရူယင် သစ္စာဖောက်ကလူး ယုဒရှကာရုတ်ရက်ဖြစ်လင်ကဟေ#6:16 ယုဒရှကာရုတ်နာ နောက်ဆုံးကတိသစ္စာပြုစားပွဲယာ ကိုယ်တော်ယေရူယင် သစ္စာဖောက်ကို့ကျီးဟေကရပ် အိမ်မှဒေလေသစ္စာဖောက်တက်ကအတွက် နောင်တလှုကို့ အပါနာကအပါနာ အဆုံးစီရင်တက်ဟေ။ မဿဲ ၂၇;၅။
လူးရက်အင် ဆနိန်အီဟေကအိမ် ကုသအီကား
(မဿဲ ၄:၂၃-၂၅)
17ကျီးကအိမ် ကိုယ်တော်နာ သာဝကရက်အိမ်မက်တာ တဂိုးဖုံးငါဘင်း ကြွဗန်(ဖ်)ကို မြေပြန့်အရပ်အာ စက်တုန်းလင်ကဟေ။ အိမ်မှာနေရာနား တပည့်တော်ရက်အိမ်မက်တာ ယုဒပြည်၊ ဂျေရုဆလင်မြို့၊ ဇိဒုန်အိမ်တုရုမြို့ ကမ်းပါးတစ်လျှောက်လုံးငါက မြို့ရက်အာက လူထုပရိသတ်ရက်နာ အိမ်မှာနေရာ ထုန်တုန်းကဟေ။ 18အမှာရက်နာ ကိုယ်တော်ယေရှုဂါ တရားဟောကရက်အင် အတေးကဇီအိမ် အမာရက်က အနာရောဂါရက် ပျောက်မှလိစ်ကဇိစ် ဗန်(ဖ်)ဟေကားဖြစ်ဟေ။ မကောင်းဆိုးဝါးပူကပ်တုန်းဟေက လူရက်အ(လ်) အကောင်းပကတိအတိုင်း ဖြစ်လင်ကဟေ။ 19ကိုယ်တော်ကမားဘင်း တန်ခိုးတော်ရက်ပြုကို အနာရောဂါ စုတ်ရက်အင် ပျောက်ဇိစ်ဟေကတောင်း လူတိုင်းရက်အ(လ်) ကိုယ်တော်ယေရူယင် တိုးလှုမနီးကြိုစားလင်ကဟေ။
ကံမီးယန်ကားလူးရက်
(မဿဲ ၅:၁-၁၂)
20မှနောက်အာ ကိုယ်တော်နာ တပည့်တော်ရက်ကဟိုက်နိမ့်ယာ အမန်းလှည့်ကို အမာရက်အင်
"အတတ်ဆင်းရဲနွမ်းပါးတုန်းဂါ လူးရက် ဝမ်းသာယင့်ဂီး။
အဇာရိကိုအ့ငါနဲ့ ဘုရားရှင်က သာသနာတော်နာ နနိန်ရက်ကအတွက်ဖြစ်ဟေ။
21ဘုရားရှင်စာ ရုန်တုန်းကလူးရက်အင် ကံကောင်းခြင်းအပေါင်းအိမ် ပြည့်စုံဇိစ်ကို ဆာကဇမ်းအစုံအလင်အိမ် ပြည့်ဝဇိစ်လင်ကား။
ဘုရားရှင်စာ ဟြန်တုန်းကလူးရက်အင် အညီးဇိစ်လင်ကဟေ။
22လူ့သားတော်ကအကြောင့်အိမ် နနိန်ရက်အင် မုန်းနဲ့က(လ်)၊
ပစ်ပယ်စာဟင်းဟေကရပ်အ(လ်)၊ စော်ကားငါ့စာဟင်းကို
ရိုင်ရိုင်းစိုင်းစိုင်းငါ့စာ ဟင်းပိုနဲ့က(လ်) နနိန်ရက်နာ ကံမီးဟေ။
23အိမ်မဒေဖြစ်နဲ့က(လ်) ဝမ်းသာအားရအဆင်ဂီး။ အဇာကြောင့်ငါးနဲ့ ရွှေမြို့တော်ဝါ နနိန်ရက်လှုကားဆုလာဘ်စာ ကြီးမြတ်ဟေကားကြောင့်ဖြစ်ဟေ။ အယင်ဟိုက်ဂါရပ်ပင်း အိမ်မှာလူးရက်က ဘိုးဘေးရက်အ(လ်) ပရောဖက်ရက်အင် အိမ်မှနည်းအတိုင်း လိစ်တက်ကအကြောင့်ဖြစ်ဟေ။
ဆင်းရဲဒုက္ခအိမ် ကြုံငန်ပိုကားလူရက်
24ညီးငါ့ဒင့်ယေ
ချမ်းသာဟေကားလူးရက်နာ တဗျင်းဒုက္ခဆင်းရဲအိမ် ကြုံလင်ပိုကား။
အဇာရိကို့အငါနဲ့ အတတ်ကဘဝယာ နနိန်ရက်လူက မီဟေကားအူဇာစုတ်ရက်အင် ခံစားဒက်ပိုနန်းကတောင်းဖြစ်ဟေ။
25အတတ် ကင်မနီးဆာတုန်းပိုဟေကလူရက်နာ ဒုက္ခဆင်းရဲဗြောင်အိမ် ကြုံလင်ပေါ်ကား။
အဇာရိကိုအငါနဲ့ အမာရက်နာ ဆိုးရွားဟေကား ဆာလောင်မူအိမ်ကြုံငန်ပိုကဟေတောင်းဖြစ်ဟေ။
အတတ်ကား အညီးတုန်းကလူးရက်စာ ဒုက္ခဆင်းရဲဗြောင်အိမ် ကြုံလင်ပိုကား။
အဇာရိကိုအငါနဲ့ နနိန်ရက်နာ တဗျင်းပူပန်သောကထုန်ကို့ ဟြာရ်လင်ပိုကား။
26အတတ် လူးရက်က ချီးမွမ်းဟေကား ဟင်းတုန်းပိုကားလူးရက်နာ ဒုက္ခကြုံတွေ့လင်ပေါ်ကား။
အဇာရိကိုငါနဲ့ အိမ်မားလူးရက်က ဘိုးဘေးရက်အ(လ်) အယောင်ဆောင်ပရောဖက်ရက်အင် အိမ်မဒေလေမယ် ချီးမွမ်းပြိစ်တုန်းကတောင်းဖြစ်ဟေ"
ငါ့ကို ငါ့လင်ကဟေ။
ရန်ဆူဝင်မေတ္တာပီးယင့်
(မဿဲ ၅:၃၈-၄၈၊ ၇:၁၂)
27ညီးငါ့ဒင့်ယေ ကိုယ်တော်နာ ဆက်ကို့ အတတ်အတေးတုန်းကနနိန်ရက်အင် ငါပြိစ်ယန်ကား။ ရန်သူကအပေါ် မေတ္တာပီးယင့်။ အပါနာယင် မုန်းတီးတုန်းကလူးရက်ဇိစ် အမာရက်ကကောင်းကျိူးယင် လိစ်အီယင့်။ 28နင်ငင် အတျဲကလူးဝင်ယဲ့ ဘုရားရှင်ကောင်းကျိူးမင်္ဂလာအီယန်မာနီး ဆုစိန်အီးယင်။ နနိန်ရက်အင် ရက်စက်ဟေကား လူးအပေါင်းရက်အင်ယဲ့ ဆုစိန်အီယင့်။ 29လူးဟူးဝါနာ နင်ကအာနာဘင်း ဟိုက်တာပေါက်နဲက(လ်) အယောက်ဟိုက်တာယဲ့ ပေါက်ဇိစ်ယင့်။ လူးဝါနာ နင်ကပါဇူယင် စိန်နဲ့က(လ်) နင်ကအထဲခံယင်ဒင့်အီယင့်။ 30နင်ကမား ဆူဝါပါဆာ စိန်ဗာ(ဖ်)ဟေကားလူးရက်ဇိစ်ယေ့ အီနက်အင့်ဂီ။ လူးဟူးဝါနာ နင်ကအူဇာရက်အင် လာပီနဲ့က(လ်) အိမ်မှလူးထနဲ့က ပြန်ကိုအစိန်ယဲ့။ 31အပါနာရက်ကအပေါ်ဝါ ပြုမူဆက်ဆံဇိစ်ကက်ကဒေလေ အယောက်ကလူးရက်ကအပေါ်ဝါယဲ့ ပြုမူဆက်ဆံအီးယင်။ 32အပါနာ မေတ္တာပီးဟေကားလူးဝါးမေ ချစ်ခင်တုန်းနဲ့ ဘုရားရှင်နာ နင်ငင် အဆာမှီ ချီးမွမ်းလှုဂါးယာ။ အဇာရိကို့အငါနဲ့ အပြစ်ဒုစရိုက်သမားရက်ဒင့် အမာရက်အင် မေတ္တာပီးဟေကားလူးရက်အင် ပြန်ကိုချစ်ခင်ကထောင်းဟေ။ 33နင်ကအပေါ်မီးဟေကားလူးရက်အင်မယ် နင်စာ ပြန်ကိုမီကားငါ့နဲ့က(လ်) ဘုရားရှင်ကမား ဆုလာဘ်လှုကဇိစ် အမျှော်လင်းငဲ့။ အဇာရိကို့အငါနဲ့ အပြစ်ဒုစရိုက်သမားရက်တင့် အိမ်မဒေလေ လိစ်လှုဟေ။ 34ပြန်ကိုလှုဝန်ကငါ့ကို မျှော်လင့်ကို အယောက်ကလူးရက်အင် နနိန်ရက်ချေးငှားနဲ့က(လ်) ဘုရားရှင်စာ နနိန်ရက်အင် ချီးမွမ်းလင်ကား ငါ့ကိုထင်တုန်းဟေလဲ။ အပြစ်ဒုစရိုက်သမားရက်တင့် အီပီဟေကပမာဏအတိုင်း ပြန်ကိုလှုကဇိစ်ကအတွက် အမာရက်ကအချင်းချင်း ချေးငှားဟေ။ 35ညီးငါ့ဒင့်ယေ နနိန်းရက်နာ ရန်သူရက်အင် မေတ္တာပီကို အမာရက်ကအတွက် ကောင်းကျိူးလိစ်အီယင့်။ ပြန်ဂိုလှုဂါးငါဂို့အမျှော်လင့်ထန်း တင်္ဂါချေးအီယင်း။ ဘုရားရှင်စာ ကျေးဇူးအချေးကလှုရက်အိမ် အကျင့်ဆိုးကလူးရက်အင်ဒင့် မေတ္တာပီဟေဖြစ်ကို နနိန်ရက် အိမ်မဒေလေလိစ်နဲ့က(လ်) အကျိူးကျေးဇူးဘောင်းကိုလှုဂို့ အမြင့်မြတ်ဆုံးက ဘုရားရှင်ကအဆာ၊ဆာအိရက် ဖြစ်လင်ကား။ 36နနိန်ရက်က အဗား(ဖ်)ဘုရားရှင်စာ နနိန်ရက်ကအပေါ်ဝါ မေတ္တာဂရုဏာပီးဟေဖြစ်ကို နနိန်ရက်အ(လ်) အယောက်ကလူးရက်ကအပေါ်ဝါ မေတ္တာကရုဏာပီးယင့်ဂီး။
လူးရက်အင် အစီရင်ယဲ့
(မဿဲ ၇:၁-၅)
37အယောက်ဟက်တာ ကိုယ်တော်နာ လူးရက်အင် အစီရင်ငဲ့။ ညီးင့တောင်မယ် နနိန်ရက်အ(လ်) စီရင်ဟေကားဟင်းလင်ပေါ်ကအရိ(လ်)ပါ(လ်)။ လူးရက်အင် ပြစ်တင်အဝေဖန်ယဲ့၊ ညီးင့တောင်မယ် နနိန်ရက်အ(လ်) ပြစ်တင်ဝေဖန်ဟေကား ဟင်းလင်ပေါ်ကားအရိ(လ်)ပါ(လ်)။ လူးရက်အင် ခွင့်လွတ်အီယင်း။ အိမ်မဒေလေငါ့တောင်မယ် နနိန်ရက်အ(လ်) ခွင့်လွတ်ကဟင်းလင်ပိုကား။ 38လူးရက်ဇိစ် ပေးကမ်းယင်။ အိမ်မဒေလေလိစ်နဲ့က(လ်) နနိန်ရက်ဇိစ်ယေ့ ပေးကမ်းလင်ကား။ နနိန်ရက်က အိတ်ထဲယာ ဘောင်းကိုထည့်လှုမနီး ရမှိ(လ်)ကို့ထည့်ကယေ့ ဘေးယာဟြန်မနီးက များပြားဟေကားပမဏာယင် ဘုရားရှင်နာ ထည်အီလင်ကား။ နနိန်ရက်တိုင်တာကို့အီဟေကား ပမာဏာအတိုင်း နနိန်ရက်ဇိစ်ယေ့ တိုင်းတာကို့အီလင်ကား"ငါ့ကို ငါ့လင်ကဟေ။ 39ကျီးကရပ် ကိုယ်တော်နာ အမှာရက်အင် ပုံဥပမာ ဆူးဝါငါ့ဆနပ်ကနာ အမိတ်အပိုကားလူဟူးဝါးနာ အယောက်ကအမိတ်အပိုကလူဟူးဝါ ဦးဆောင်ဂို့လင်းဆနပ်လှုဂါးလေ။ မှာနီးဟူးစလုံးနာ မြောင်းထဲငါ ဟြတ်လင်ကအရီလဲ။ 40ဆရာတောင်မှာဒင့် ပြောင်ဟေကားတပည့်အငါ့ပါ(လ်)။ ညီးင့ဒင့်ယဲ့ ပြည့်ပြည့်စုံစုံဆနိန်ကို့ထောင်းဟေကားလူးရက်က(လ်) အပါနာကဆရားဒေလေ ဖြစ်ယောဝန်လင်ကား။ 41နင်နာ နင်ကမိတ်ဆွေက ဖုန်မှုန့်ဒတ်ဆာက အကာမင်ငင် ပိုကို့ နင်ကအမိတ်တူ(ဖ်)တာဟုန်းငါက ဖုန့်တာဒိုးဒေပြောင်ဟေကား နင်က အကာမင်ရက်အင် သတိအပီးထမ်း အတုန်းသင့်ပါ(လ်)။ 42နင်က အမှားရက်အင် အဖြေရှင်းမိ နင်ကမိတ်ဆွေယင် 'မိတ်ဆွေ၊ နင်ကအမှားယင် ငါပြုပြင်ကို့အီနက်ပိုဇိစ်'ငါ့ကို ငါ့ဟေကနာ ကာမင်ဟေ။ အိမ်မဒေလေလိစ်နဲ့က(လ်) နင်နာ သူတော်ကောင်းယောင်ဆောင်ကလူးဖြစ်လင်ကား။ မလားကင့်မား နင်ကအမှားရက်အင် ပြင်ဆင်သင့်ဟေ။ ကျီးတောင်းမယ် နင်ကမိတ်ဆွေက အမှားရက်အင် ပြင်ဆင်ကဇိစ် နင်ကူညီအီလင်လှုကားဖြစ်ဟေ"ငါ့ကို ငါ့လင်ကဟေ။
အဖင်အိမ်အဆီး
(မဿဲ ၇:၁၆-၂၀၊ ၁၂:၃၃-၃၅)
43အယောက်ဟက်တာ ကိုယ်တော်နာ မီဟေကားအဖင်းနာ အမီကအဆီယင် အဆီလှုကဒေလေ အမီကအဖင်းယေ့ မီကားအဆီယင် ဆီလင်လှုကအရိ(လ်)ပါ(လ်)။ 44အဆီးငင်ယူဂို့ အဖင်အကြောင့်ငင် ချေးဟေ။ အဇာရိကို့အငါနဲ့ မရက်အဖင်းငါဘင်း သဖန်းသီးယင် အလာလှုကဒေလေ ခြုံပုတ်အင်ဘင်းယေ့ စပျစ်ဆီးအင် တန့်ဂို့အလှုဝိုင်းပါ(လ်)ဂါး။ 45အိမ်နည်းအတိုင်း မီဟေကားလူးနာ အမာကစိတ်နှလုံးထဲယာကား မီဟေကအူဇာရက်အင်မယ် ဆနပ်ဟေ။ အမီကလူးနာ အမာရက်ကစိတ်နှလုံးထဲယာကား အမီကအူဇာရက်အင်မယ် ဆနပ်ဟေ။ မှအကြောင့်အိမ် နနိန်ရက်က အင်းဆီငါဘင်း ပြုဟေကား စကားလုံးရက်နာ နနိန်ရက်ကစိတ်နေစိတ်ထားယင် ဆနပ်တုန်းကဖြစ်ဟေ"ငါ့ကို ငါ့လင်ကဟေ။
ကိန်းပြုကားလူးနိန်ဟူး
(မဿဲ ၇:၂၄-၂၇)
46ကိုယ်တော်ယေရူနာ ဆက်ကို့ အမာရက် "နနိန်ရက်နာ ငါကတူးဝင်အတေးထမ်း အဇာရိဂို့ ငင် 'အရှင်' 'အရှင်'ငါ့ကို့ အော်တုန်းဟေကယား။ 47ငါ့ထနဲ့ဗန်ဂို့ ငါဂါတရားရက်အတေးဂို့ လိုက်နာဟေကလူးရက်နာ အယူအိမ်တူဟေယာငါးဟေကင့် နနိန်ရက်ဇိစ် ငါ ငှားဆနပ်အန်ဂါး။ 48အိမ်မားလူးနာ ကျောက်ခံကဇက်ဖုံးငါ ဂြရ်ငင်နက်မားနီထူကို ကိန်းပြုကလှုအိမ်တူဟေ။ အိန်းပြောင်ကို မြစ်ရေတိုက်စားကကြုံပေါ်ကရပ် အိမ်မားကိန်းနာ ခိုင်ခိုင်မာမာပြုပီကအတွက် ရမိ(လ်)က အငါထမ်း ကြံကြံခံလင်လှုကား။ 49ညီးငါ့ဒင့်ယေ ငါဂါးတရားတော်ရက်အင် အတေးဂို့ အလိုက်နာကားလူးနာ အုတ်မြစ်အဟြက်ထမ်း ကိန်းပြူဂါးလူးအိမ်တူဟေ။ ဟြင်ဗဲဂို့ အိန်းပြောင်ဟေကခါ အိမ်မှကိန်းနာ ချက်ချင်း ရုပ်ကန်ဂါး" ငါးဂို့ ငှားလင်ကဟေ။
ទើបបានជ្រើសរើសហើយ៖
လုကာ 6: CKH
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 6
6
အခန်း (၆)
ဥပုသ်နေ့ကအရှင်သခင်
(မဿဲ ၁၂:၁-၈။ မာကု ၂:၂၃-၂၈)
1ဥပုသ်နေ့ယက်တာဂါးရပ် ကိုယ်တော်ယေရှုအိမ် တပည့်တော်ရက်နာ ဂျုံခင်းငင် ဖြတ်ဗန်ကရပ် တပည့်တော်ရက်နာ ဂျုံတူ(ဖ်)ရက်အင်ကုန်ဂို့ တာဟူးအိမ် ဂျုံတူ(ဖ်)ရက်အင် အလက်ကွားဂို ဂျုံတူ(ဖ်)ရက်အင်ဆာလင်ကဟေ။ 2အိမ်မာကရပ် ဖာရိရှဲတစ်ချို့နာ ကိုယ်တော်က တပည့်ရက်အင် "နနိန်ရက်နာ ဥပုသ်နေ့ရယက်အာ လိစ်ကခွင့်အအီးကအူဇာရက်အင် အဇာရိဂို့လိစ်ဟေကယာ" ငါ့ဂို့ ငှားလင်ကဟေ။ 3ကိုယ်တော်ယေရှုယေ့ "ဘုရင်ဒါဝိဒ်အိမ် အမှာဂါနောက်လိုက်ရက်နာ ပုတ်ရုန်တုန်းကအခါ အမှာအဇာလိစ်ဟေငါ့ဟေကင့် ကျမ်းစာနား#6:3 ဓမ္မရာဇဝင် ပထမစာစောင် ၂၁း၁-၆ ဘုရင်ရှောလုကအန္တာရယ်ဘင်း ကပ်တုန်းကအချိန် နနိန်ရက်အဖတ်ဟြာလေ။ 4အမှာနာ ဘုရားရှင်ကကိန်းတာဟုန်းငါဆင်ကို ပုရောဟိတ်ဇိစ် သီးသန့်ကပ်လှုပီးဟေက ပေါင်းမုန့်ရက်အင် အမှာကိုယ်တိုင်း ဆာဂို့အကျီးပါ(လ်) အမှာဂါနောက်လိုက်ရက်အင်ဘာ ကျွေးလင်ကဟေ"ငါ့ကို ငါ့လင်ကဟေ။ 5အိမ်မှဒေလေငါ့ဆနပ်ကို့ကျီးဟေကရပ် ကိုယ်တော်နာ "လူ့သားတော်ဖြစ်ဟေကား ငါနာ ဥပုသ်ရယက်ကား အရှင်သခင်ဖြစ်ဟေ" ငါးဂို့ ငှားဆနပ်လင်ကဟေ။
ကိုယ်တော်ယေရူ ဥပုသ်နေ့ယာ ပုတ်ဆာလက်ဖက်တာဟူး ဆိန်းတုန်းကလူးဝင် ကုအီဟေကား
(မဿဲ ၁၂:၉-၁၄။ မာကု ၃:၁-၆)
6အယောက်ယက်တာကဥပုသ်နေ့ယာ ကိုယ်တော်နာ ဂျူးဓမ္မာရုံငါ ဆနိန်တုန်းဂါရပ် အိမ်မှနေရာနား ပုတ်ဆလက်ဖက် ဆိန်းတုန်းကလူဟူးဝါ ငါးလင်ကဟေ။ 7အိမ်မှနေရာငါဟေကား ဖာရိရှဲအိမ် ကျမ်းတတ်ဆရာအချို့စာ ဥပုသ်နေ့အာ လေဖြတ်တုန်းကလူးယင် ကုအီးဂါငါးနဲ့ စွပ်စွဲစရာအကြောင်းပြချက် ဆုံးကိုပေါ်ကဇိစ် ကိုယ်တော်ယင် အနီးကပ်စောင့်ဂို့ တုန်းလင်ကဟေ။ 8ညီးင့ဒင့်ယဲ့ ကိုယ်တော်ယေရူနာ အိမ်မှာလူးရက် အဆာမှီးတွေးတုန်းဟေကယာငါးဟေကင့် ချေးတုန်းကို အိမ်မားပုတ်ဆာလက်ဖက်ဆိန်းတုန်းကလူးယင် "ရိပ်ကို လူးရက်ကရှေ့ယာ စက်နက်အင်း"ငါ့ကို ငါ့နက်ကရပ် အိမ်မားလူးယေ ရိပ်ကို စက်လင်ကဟေ။ 9အိမ်မှနောက်အာ ကိုယ်တော်ယေရှုနာ အမာရက်အင် "နနိန်ရက်အင် ငါဆူးဝါကတာဂါး။ မှာဒေဥပုသ်နေ့အာ မှီးဟေက လိစ်ပိုဂါလေ့။ အမှီးကလုပ်ပိုဂါလေ့။ အရိနဲ့ ဟူဝါပါဆာကအဆက်အင် ကယ်တင်ပိုဂါလေ။ ဟူးဝါပါဆား ကတိုက်ပိုဂါးလေ" ငါးဂို့ ကတာလင်ကဟေ။ 10မှနောက်အာ ကိုယ်တော်နာ ဘေးပတ်ဝန်းကျင်ယာ ငါဟေကလူးရက်အင် လှည့်ယူကို ပုတ်ဆာလက်ဖက်ဆိန်းတုန်းကလူးယင် "နင်ကတာဟူးယင် အဖြောင်နက်အင်း"ငါ့ကို ငါ့နက်ကရပ် အိမ်မားလူးယဲ့ တာဟူးဝါအဖြောင့်နက်ကို အမာကတာဟူးနာ ပကတိအကောင်းတိုင်း ဖြစ်လင်ကဟေ။ 11မှအခါ ဖာရိရှဲရက်အိမ် ကျမ်းတတ်ဆရာရက်နာ မန်ချေဂို့ ကိုယ်တော်ယေရူယင် အဆာမီရိနဲ့မီးကယားငါ့ဟေကင့် ဟူးဝါအိမ်ဟူးဝါ တိုင်ပင်လင်ကဟေ။
ကိုယ်တော်ယေရူ တပည့်သာဝက တစ်ဆယ့်နှစ်ဦးဝင် ရွေးချယ်ဟေကား
(မဿဲ ၁၀:၁-၄။ မာကု ၃:၁၃-၁၉)
12ယက်တာကရပ် ကိုယ်တော်ယေရှုနာ ဆုစိန်ကဇိစ် တဂို့ဖုံးငါချေလင်ကဟေ။ မှနောက်အာ အမာနာ ထင်းနာလုံးလုံး ဘုရားရှင်ကမား ဝတ်ပြုဆုစိန်လင်ကဟေ။ 13ဟင်းချီးကရပ် တပည့်တော်ရက်အင် အမာကမား စုဝေးအော်ဂို့ အမှာရက်ထဲယာကား တစ်ဆယ့်နှစ်ယောက်အင် သာဝကရက်အဖြစ်#6:13 သဝကငါ့ဟေကားနာ ကိုယ်တော်ယေရူအထူးရွေးချယ်ပီးဟေကား တပည့်ရက်ဖြစ်ဟေ။ ရွေးဂို့ဆာပြုလင်ကဟေ။ 14အိမ်မားလူးရက်ကမား ပေတရုငါ့ကို ကိုယ်တော် အမိန်းအီဒက်ဟေကား ရှိမုန်အိမ် အမာကအနေးဆီ ဖြစ်ဟေကလူး အန္ဒြေ၊ ယာကုပ်၊ ယောဟန်၊ ဖိလိပ္ပု၊ ဗာသောလမဲ 15မဿဲ၊ သောမ၊ အာလဖဲဂါးအဆာ ယာကုပ်၊ မျိူးချစ်ပုဂ္ဂိုလ်ငါ့ကိုအော်ဟေကား ရှိမုန်#6:15 ရောမတာဟူးဝါဘင်း ဂျူးလူမျိူးရက် လွတ်မြောက်ကဇိစ် တိုက်ခိုက်တက်ကား အဖွဲ့ဝင်အဟိုးဖြစ်ဟေ။၊ 16ယာကုပ်ဂါးအဆာ ယုဒအိမ်နောင်ငါ ကိုယ်တော်ယေရူယင် သစ္စာဖောက်ကလူး ယုဒရှကာရုတ်ရက်ဖြစ်လင်ကဟေ#6:16 ယုဒရှကာရုတ်နာ နောက်ဆုံးကတိသစ္စာပြုစားပွဲယာ ကိုယ်တော်ယေရူယင် သစ္စာဖောက်ကို့ကျီးဟေကရပ် အိမ်မှဒေလေသစ္စာဖောက်တက်ကအတွက် နောင်တလှုကို့ အပါနာကအပါနာ အဆုံးစီရင်တက်ဟေ။ မဿဲ ၂၇;၅။
လူးရက်အင် ဆနိန်အီဟေကအိမ် ကုသအီကား
(မဿဲ ၄:၂၃-၂၅)
17ကျီးကအိမ် ကိုယ်တော်နာ သာဝကရက်အိမ်မက်တာ တဂိုးဖုံးငါဘင်း ကြွဗန်(ဖ်)ကို မြေပြန့်အရပ်အာ စက်တုန်းလင်ကဟေ။ အိမ်မှာနေရာနား တပည့်တော်ရက်အိမ်မက်တာ ယုဒပြည်၊ ဂျေရုဆလင်မြို့၊ ဇိဒုန်အိမ်တုရုမြို့ ကမ်းပါးတစ်လျှောက်လုံးငါက မြို့ရက်အာက လူထုပရိသတ်ရက်နာ အိမ်မှာနေရာ ထုန်တုန်းကဟေ။ 18အမှာရက်နာ ကိုယ်တော်ယေရှုဂါ တရားဟောကရက်အင် အတေးကဇီအိမ် အမာရက်က အနာရောဂါရက် ပျောက်မှလိစ်ကဇိစ် ဗန်(ဖ်)ဟေကားဖြစ်ဟေ။ မကောင်းဆိုးဝါးပူကပ်တုန်းဟေက လူရက်အ(လ်) အကောင်းပကတိအတိုင်း ဖြစ်လင်ကဟေ။ 19ကိုယ်တော်ကမားဘင်း တန်ခိုးတော်ရက်ပြုကို အနာရောဂါ စုတ်ရက်အင် ပျောက်ဇိစ်ဟေကတောင်း လူတိုင်းရက်အ(လ်) ကိုယ်တော်ယေရူယင် တိုးလှုမနီးကြိုစားလင်ကဟေ။
ကံမီးယန်ကားလူးရက်
(မဿဲ ၅:၁-၁၂)
20မှနောက်အာ ကိုယ်တော်နာ တပည့်တော်ရက်ကဟိုက်နိမ့်ယာ အမန်းလှည့်ကို အမာရက်အင်
"အတတ်ဆင်းရဲနွမ်းပါးတုန်းဂါ လူးရက် ဝမ်းသာယင့်ဂီး။
အဇာရိကိုအ့ငါနဲ့ ဘုရားရှင်က သာသနာတော်နာ နနိန်ရက်ကအတွက်ဖြစ်ဟေ။
21ဘုရားရှင်စာ ရုန်တုန်းကလူးရက်အင် ကံကောင်းခြင်းအပေါင်းအိမ် ပြည့်စုံဇိစ်ကို ဆာကဇမ်းအစုံအလင်အိမ် ပြည့်ဝဇိစ်လင်ကား။
ဘုရားရှင်စာ ဟြန်တုန်းကလူးရက်အင် အညီးဇိစ်လင်ကဟေ။
22လူ့သားတော်ကအကြောင့်အိမ် နနိန်ရက်အင် မုန်းနဲ့က(လ်)၊
ပစ်ပယ်စာဟင်းဟေကရပ်အ(လ်)၊ စော်ကားငါ့စာဟင်းကို
ရိုင်ရိုင်းစိုင်းစိုင်းငါ့စာ ဟင်းပိုနဲ့က(လ်) နနိန်ရက်နာ ကံမီးဟေ။
23အိမ်မဒေဖြစ်နဲ့က(လ်) ဝမ်းသာအားရအဆင်ဂီး။ အဇာကြောင့်ငါးနဲ့ ရွှေမြို့တော်ဝါ နနိန်ရက်လှုကားဆုလာဘ်စာ ကြီးမြတ်ဟေကားကြောင့်ဖြစ်ဟေ။ အယင်ဟိုက်ဂါရပ်ပင်း အိမ်မှာလူးရက်က ဘိုးဘေးရက်အ(လ်) ပရောဖက်ရက်အင် အိမ်မှနည်းအတိုင်း လိစ်တက်ကအကြောင့်ဖြစ်ဟေ။
ဆင်းရဲဒုက္ခအိမ် ကြုံငန်ပိုကားလူရက်
24ညီးငါ့ဒင့်ယေ
ချမ်းသာဟေကားလူးရက်နာ တဗျင်းဒုက္ခဆင်းရဲအိမ် ကြုံလင်ပိုကား။
အဇာရိကို့အငါနဲ့ အတတ်ကဘဝယာ နနိန်ရက်လူက မီဟေကားအူဇာစုတ်ရက်အင် ခံစားဒက်ပိုနန်းကတောင်းဖြစ်ဟေ။
25အတတ် ကင်မနီးဆာတုန်းပိုဟေကလူရက်နာ ဒုက္ခဆင်းရဲဗြောင်အိမ် ကြုံလင်ပေါ်ကား။
အဇာရိကိုအငါနဲ့ အမာရက်နာ ဆိုးရွားဟေကား ဆာလောင်မူအိမ်ကြုံငန်ပိုကဟေတောင်းဖြစ်ဟေ။
အတတ်ကား အညီးတုန်းကလူးရက်စာ ဒုက္ခဆင်းရဲဗြောင်အိမ် ကြုံလင်ပိုကား။
အဇာရိကိုအငါနဲ့ နနိန်ရက်နာ တဗျင်းပူပန်သောကထုန်ကို့ ဟြာရ်လင်ပိုကား။
26အတတ် လူးရက်က ချီးမွမ်းဟေကား ဟင်းတုန်းပိုကားလူးရက်နာ ဒုက္ခကြုံတွေ့လင်ပေါ်ကား။
အဇာရိကိုငါနဲ့ အိမ်မားလူးရက်က ဘိုးဘေးရက်အ(လ်) အယောင်ဆောင်ပရောဖက်ရက်အင် အိမ်မဒေလေမယ် ချီးမွမ်းပြိစ်တုန်းကတောင်းဖြစ်ဟေ"
ငါ့ကို ငါ့လင်ကဟေ။
ရန်ဆူဝင်မေတ္တာပီးယင့်
(မဿဲ ၅:၃၈-၄၈၊ ၇:၁၂)
27ညီးငါ့ဒင့်ယေ ကိုယ်တော်နာ ဆက်ကို့ အတတ်အတေးတုန်းကနနိန်ရက်အင် ငါပြိစ်ယန်ကား။ ရန်သူကအပေါ် မေတ္တာပီးယင့်။ အပါနာယင် မုန်းတီးတုန်းကလူးရက်ဇိစ် အမာရက်ကကောင်းကျိူးယင် လိစ်အီယင့်။ 28နင်ငင် အတျဲကလူးဝင်ယဲ့ ဘုရားရှင်ကောင်းကျိူးမင်္ဂလာအီယန်မာနီး ဆုစိန်အီးယင်။ နနိန်ရက်အင် ရက်စက်ဟေကား လူးအပေါင်းရက်အင်ယဲ့ ဆုစိန်အီယင့်။ 29လူးဟူးဝါနာ နင်ကအာနာဘင်း ဟိုက်တာပေါက်နဲက(လ်) အယောက်ဟိုက်တာယဲ့ ပေါက်ဇိစ်ယင့်။ လူးဝါနာ နင်ကပါဇူယင် စိန်နဲ့က(လ်) နင်ကအထဲခံယင်ဒင့်အီယင့်။ 30နင်ကမား ဆူဝါပါဆာ စိန်ဗာ(ဖ်)ဟေကားလူးရက်ဇိစ်ယေ့ အီနက်အင့်ဂီ။ လူးဟူးဝါနာ နင်ကအူဇာရက်အင် လာပီနဲ့က(လ်) အိမ်မှလူးထနဲ့က ပြန်ကိုအစိန်ယဲ့။ 31အပါနာရက်ကအပေါ်ဝါ ပြုမူဆက်ဆံဇိစ်ကက်ကဒေလေ အယောက်ကလူးရက်ကအပေါ်ဝါယဲ့ ပြုမူဆက်ဆံအီးယင်။ 32အပါနာ မေတ္တာပီးဟေကားလူးဝါးမေ ချစ်ခင်တုန်းနဲ့ ဘုရားရှင်နာ နင်ငင် အဆာမှီ ချီးမွမ်းလှုဂါးယာ။ အဇာရိကို့အငါနဲ့ အပြစ်ဒုစရိုက်သမားရက်ဒင့် အမာရက်အင် မေတ္တာပီးဟေကားလူးရက်အင် ပြန်ကိုချစ်ခင်ကထောင်းဟေ။ 33နင်ကအပေါ်မီးဟေကားလူးရက်အင်မယ် နင်စာ ပြန်ကိုမီကားငါ့နဲ့က(လ်) ဘုရားရှင်ကမား ဆုလာဘ်လှုကဇိစ် အမျှော်လင်းငဲ့။ အဇာရိကို့အငါနဲ့ အပြစ်ဒုစရိုက်သမားရက်တင့် အိမ်မဒေလေ လိစ်လှုဟေ။ 34ပြန်ကိုလှုဝန်ကငါ့ကို မျှော်လင့်ကို အယောက်ကလူးရက်အင် နနိန်ရက်ချေးငှားနဲ့က(လ်) ဘုရားရှင်စာ နနိန်ရက်အင် ချီးမွမ်းလင်ကား ငါ့ကိုထင်တုန်းဟေလဲ။ အပြစ်ဒုစရိုက်သမားရက်တင့် အီပီဟေကပမာဏအတိုင်း ပြန်ကိုလှုကဇိစ်ကအတွက် အမာရက်ကအချင်းချင်း ချေးငှားဟေ။ 35ညီးငါ့ဒင့်ယေ နနိန်းရက်နာ ရန်သူရက်အင် မေတ္တာပီကို အမာရက်ကအတွက် ကောင်းကျိူးလိစ်အီယင့်။ ပြန်ဂိုလှုဂါးငါဂို့အမျှော်လင့်ထန်း တင်္ဂါချေးအီယင်း။ ဘုရားရှင်စာ ကျေးဇူးအချေးကလှုရက်အိမ် အကျင့်ဆိုးကလူးရက်အင်ဒင့် မေတ္တာပီဟေဖြစ်ကို နနိန်ရက် အိမ်မဒေလေလိစ်နဲ့က(လ်) အကျိူးကျေးဇူးဘောင်းကိုလှုဂို့ အမြင့်မြတ်ဆုံးက ဘုရားရှင်ကအဆာ၊ဆာအိရက် ဖြစ်လင်ကား။ 36နနိန်ရက်က အဗား(ဖ်)ဘုရားရှင်စာ နနိန်ရက်ကအပေါ်ဝါ မေတ္တာဂရုဏာပီးဟေဖြစ်ကို နနိန်ရက်အ(လ်) အယောက်ကလူးရက်ကအပေါ်ဝါ မေတ္တာကရုဏာပီးယင့်ဂီး။
လူးရက်အင် အစီရင်ယဲ့
(မဿဲ ၇:၁-၅)
37အယောက်ဟက်တာ ကိုယ်တော်နာ လူးရက်အင် အစီရင်ငဲ့။ ညီးင့တောင်မယ် နနိန်ရက်အ(လ်) စီရင်ဟေကားဟင်းလင်ပေါ်ကအရိ(လ်)ပါ(လ်)။ လူးရက်အင် ပြစ်တင်အဝေဖန်ယဲ့၊ ညီးင့တောင်မယ် နနိန်ရက်အ(လ်) ပြစ်တင်ဝေဖန်ဟေကား ဟင်းလင်ပေါ်ကားအရိ(လ်)ပါ(လ်)။ လူးရက်အင် ခွင့်လွတ်အီယင်း။ အိမ်မဒေလေငါ့တောင်မယ် နနိန်ရက်အ(လ်) ခွင့်လွတ်ကဟင်းလင်ပိုကား။ 38လူးရက်ဇိစ် ပေးကမ်းယင်။ အိမ်မဒေလေလိစ်နဲ့က(လ်) နနိန်ရက်ဇိစ်ယေ့ ပေးကမ်းလင်ကား။ နနိန်ရက်က အိတ်ထဲယာ ဘောင်းကိုထည့်လှုမနီး ရမှိ(လ်)ကို့ထည့်ကယေ့ ဘေးယာဟြန်မနီးက များပြားဟေကားပမဏာယင် ဘုရားရှင်နာ ထည်အီလင်ကား။ နနိန်ရက်တိုင်တာကို့အီဟေကား ပမာဏာအတိုင်း နနိန်ရက်ဇိစ်ယေ့ တိုင်းတာကို့အီလင်ကား"ငါ့ကို ငါ့လင်ကဟေ။ 39ကျီးကရပ် ကိုယ်တော်နာ အမှာရက်အင် ပုံဥပမာ ဆူးဝါငါ့ဆနပ်ကနာ အမိတ်အပိုကားလူဟူးဝါးနာ အယောက်ကအမိတ်အပိုကလူဟူးဝါ ဦးဆောင်ဂို့လင်းဆနပ်လှုဂါးလေ။ မှာနီးဟူးစလုံးနာ မြောင်းထဲငါ ဟြတ်လင်ကအရီလဲ။ 40ဆရာတောင်မှာဒင့် ပြောင်ဟေကားတပည့်အငါ့ပါ(လ်)။ ညီးင့ဒင့်ယဲ့ ပြည့်ပြည့်စုံစုံဆနိန်ကို့ထောင်းဟေကားလူးရက်က(လ်) အပါနာကဆရားဒေလေ ဖြစ်ယောဝန်လင်ကား။ 41နင်နာ နင်ကမိတ်ဆွေက ဖုန်မှုန့်ဒတ်ဆာက အကာမင်ငင် ပိုကို့ နင်ကအမိတ်တူ(ဖ်)တာဟုန်းငါက ဖုန့်တာဒိုးဒေပြောင်ဟေကား နင်က အကာမင်ရက်အင် သတိအပီးထမ်း အတုန်းသင့်ပါ(လ်)။ 42နင်က အမှားရက်အင် အဖြေရှင်းမိ နင်ကမိတ်ဆွေယင် 'မိတ်ဆွေ၊ နင်ကအမှားယင် ငါပြုပြင်ကို့အီနက်ပိုဇိစ်'ငါ့ကို ငါ့ဟေကနာ ကာမင်ဟေ။ အိမ်မဒေလေလိစ်နဲ့က(လ်) နင်နာ သူတော်ကောင်းယောင်ဆောင်ကလူးဖြစ်လင်ကား။ မလားကင့်မား နင်ကအမှားရက်အင် ပြင်ဆင်သင့်ဟေ။ ကျီးတောင်းမယ် နင်ကမိတ်ဆွေက အမှားရက်အင် ပြင်ဆင်ကဇိစ် နင်ကူညီအီလင်လှုကားဖြစ်ဟေ"ငါ့ကို ငါ့လင်ကဟေ။
အဖင်အိမ်အဆီး
(မဿဲ ၇:၁၆-၂၀၊ ၁၂:၃၃-၃၅)
43အယောက်ဟက်တာ ကိုယ်တော်နာ မီဟေကားအဖင်းနာ အမီကအဆီယင် အဆီလှုကဒေလေ အမီကအဖင်းယေ့ မီကားအဆီယင် ဆီလင်လှုကအရိ(လ်)ပါ(လ်)။ 44အဆီးငင်ယူဂို့ အဖင်အကြောင့်ငင် ချေးဟေ။ အဇာရိကို့အငါနဲ့ မရက်အဖင်းငါဘင်း သဖန်းသီးယင် အလာလှုကဒေလေ ခြုံပုတ်အင်ဘင်းယေ့ စပျစ်ဆီးအင် တန့်ဂို့အလှုဝိုင်းပါ(လ်)ဂါး။ 45အိမ်နည်းအတိုင်း မီဟေကားလူးနာ အမာကစိတ်နှလုံးထဲယာကား မီဟေကအူဇာရက်အင်မယ် ဆနပ်ဟေ။ အမီကလူးနာ အမာရက်ကစိတ်နှလုံးထဲယာကား အမီကအူဇာရက်အင်မယ် ဆနပ်ဟေ။ မှအကြောင့်အိမ် နနိန်ရက်က အင်းဆီငါဘင်း ပြုဟေကား စကားလုံးရက်နာ နနိန်ရက်ကစိတ်နေစိတ်ထားယင် ဆနပ်တုန်းကဖြစ်ဟေ"ငါ့ကို ငါ့လင်ကဟေ။
ကိန်းပြုကားလူးနိန်ဟူး
(မဿဲ ၇:၂၄-၂၇)
46ကိုယ်တော်ယေရူနာ ဆက်ကို့ အမာရက် "နနိန်ရက်နာ ငါကတူးဝင်အတေးထမ်း အဇာရိဂို့ ငင် 'အရှင်' 'အရှင်'ငါ့ကို့ အော်တုန်းဟေကယား။ 47ငါ့ထနဲ့ဗန်ဂို့ ငါဂါတရားရက်အတေးဂို့ လိုက်နာဟေကလူးရက်နာ အယူအိမ်တူဟေယာငါးဟေကင့် နနိန်ရက်ဇိစ် ငါ ငှားဆနပ်အန်ဂါး။ 48အိမ်မားလူးနာ ကျောက်ခံကဇက်ဖုံးငါ ဂြရ်ငင်နက်မားနီထူကို ကိန်းပြုကလှုအိမ်တူဟေ။ အိန်းပြောင်ကို မြစ်ရေတိုက်စားကကြုံပေါ်ကရပ် အိမ်မားကိန်းနာ ခိုင်ခိုင်မာမာပြုပီကအတွက် ရမိ(လ်)က အငါထမ်း ကြံကြံခံလင်လှုကား။ 49ညီးငါ့ဒင့်ယေ ငါဂါးတရားတော်ရက်အင် အတေးဂို့ အလိုက်နာကားလူးနာ အုတ်မြစ်အဟြက်ထမ်း ကိန်းပြူဂါးလူးအိမ်တူဟေ။ ဟြင်ဗဲဂို့ အိန်းပြောင်ဟေကခါ အိမ်မှကိန်းနာ ချက်ချင်း ရုပ်ကန်ဂါး" ငါးဂို့ ငှားလင်ကဟေ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thet (သက်) Bible by Beyond Translation is licensed under Creative Commons Attribution-ShareAlike 4.0 License.