လုကာ 5
5
အခန်း (၅)
ကိုယ်တော်ယေရူက ပထမဦးဆုံးတပည့်တော်ရက်
(မဿဲ ၄:၁၈-၂၂။ မာကု ၁:၁၆-၂၀)
1ယက်တာဂါရပ် ကိုယ်တော်ယေရှုနာ ဂင်္နေသရက်အိန်းဂြိန်နား#5:1 ဂင်္နေသရက်အိန်းကန်းနာ ဂါလိလဲအိန်းကန်က အယောက်ကအမိန်းဆူးဝါဖြစ်ဟေ စက်တုန်းဂရပ် လူထုပရိသတ်ရက်စာ ဘုရားရှင်ကနှုတ်ကပတ်တော်ဝင် အတေးကဇိစ် ကိုယ်တော်ဂါးပတ်လည်ယာ စုဂို့ထုန်ဗာ(ဖ်)လင်ဂါဟေ။ 2ကျီးကအိမ် ကိုယ်တော်နာ ကမ်းစပ်အာ ကတ်ပီဟေကား တနာရိန်ဟေကား ဟိုးနှစ်စင်းငင် ပိုလင်ကဟေ။ တံငါသည်ရက်အ(လ်) ဟိုးဖုံးငါဘင်း ဆတ်ကျီးဂို့ တနာရိန်က ပိုက်ကွန်ရက်အင် ကဇမ်းတုန်းလင်ကဟေ။ 3ကိုယ်တော်ယေရူနာ အိမ်မားလှေနှစ်စင်ထဲယာက ရှိမုန်ဂါး ဟိုးဖုံးငါချယ်ဂို့ ဟိုးဝင် ကမ်းခြေအိမ် လင်းစံပြောင်ဆာလင်ဂါးဇိစ် ငှားလင်ကဟေ။ ကျီးကအိမ် ကိုယ်တော်နာ ဟိုးဖုံးငါတုန်းဂို့ လူးရက်အင် ဆနိန်အီးလင်ကဟေ။ 4တရားဟောဂိုကျီးဟေကားအချိန်ငါ ကိုယ်တော်စာ ရှိမုန်ငင် "အိန်းစိဟေကဟိုက်နီးယာ ဟိုးဝင်လှော်ဂို့ တနာရိန်ကဇိစ်အတွက် နင်က တနာတန်နူးယင် အဟိုက်နက်အင်" ငါးဂို့ င့ါလင်ကဟေ။ 5ရှိမုန်ယဲ့ "ကိုယ်တော်၊ ငါရက် ယက်တာပတ်လုံး ကြိုးစားဂို့ တနာရိန်ဟေငါးဒင်း မာရာယေ့ ရိန်ဂို့အလှုပါ(လ်)။ ညီးင့ဒင့်ယဲ့ ကိုယ်တော် လိစ်ကဖန်းကအတွက် တနာရိန်ဂါးပိုက်အင် အယောက်ဟက်တာ ငါအဟြက်နိုင်ဂါးဟေ" ငါးဂို့ ဖြေလင်ကဟေ။ 6အိမ်မဒေလေ တနာရိန်ကပိုက်ရက်အင် အဟြန်နက်ကရပ် အမာရက်စာ တန်းနူ(ဖ်)ရက် အဆပ်စာရောက်မှ တနာဘောင်းကိုအင် ရိန်ကိုလှုလင်ကဟေ။ 7မှအကြောင်းအိမ် အမှာရက်နာ တစ်ခြားဟိုးဖုံးငါငါဟေက အလိစ်မက်တာလိစ်ဟေက အဖက်ရာအင် အမှာရက်အင် ကူညီဂါဇီးကအတွက် အချက်ဆနပ်ကို အော်နက်ကဟေ။ အိမ်မားလူးရက် ထုန်ဗာ(ဖ်)ဂို ဟိုးနှစ်စင်းလုံးငါ တနာရက်ထည်ကို့ယူကရပ် အမာရက်ကဟိုးယဲ့ မြုပ်ကဇိစ် ဖြစ်ကလင်ကဟေ။ 8မှအဖြစ်အပျက်ရက်အင် ပိုဟေကအခါ ရှိမုန်ပေတရုစာ#5:8 ရှိမုန်ငင် ကိုယ်တော်ယေရူနာ ပေတရုငါ့ဟေကအမိန်းငင် ဟေဘရူးတူးအိမ် ကျောက်ခဲငါ့ကို အဓိပ္ပာယ်လှူဟေ။ ကိုယ်တော်ယေရှုဂါ အတာရင်းငါ ဒူးထောက်ဂို့ "ကိုယ်တော်၊ ငါနာ အမိကားအလိစ်ရက်အင် လိစ်ဟေကဒေါင်း ငင်ပီဒက်ကို့ ပြုကလင်ဒက်"ငါးဂို့ လျှောက်တင်လင်ကဟေ။ 9-10အတတ်ကဒေလေငါ့ပိုကနာ ရှိမုန်အိမ်မက်တာ အမာကအဖက်ရက်ဖြစ်ဟေကား ဇေဗေဒဲက အဆာနိမ့်ဟူးဖြစ်ဟေကား ယာကုပ်အိမ်ယောဟန်ရက်နာ အမာရက်ရိန်ကို့လှုဟေကား တနာစာပြိစ်ဟေကတောင်း အံ့ဩကို့အဆုံးနန်းဖြစ်တုန်းဟေကအကြောင့် ဖြစ်ဟေ။ ကိုယ်တော်ယေရူယေ ရှိမုန်ငင် "အစက်အဲ။ နင်နာ အတတ်ပင့်စကို့ တနာရိန်ပိုကအစား လူရက်အင်စုကို့#5:9-10 မူရင်းကျမ်းငါ လူးရက်အင် ရိန်ဟေကားလူးဖြစ်ပေါ်ကားငါ့ကို ရေးပီးဟေ။ ငါကနောက်လိုက်တပည့်ရက်ဖြစ်ကဇိစ် လိစ်ပိုကား"ငါ့ကို ငါ့လင်ကဟေ။ 11အိမ်မှအခါ အမှာရက်အ(လ်) ဟိုးရက်အင် ကမ်းဖုံးငါ ကိ(လ်)တင်ကိုကျီးကရပ် ငါဟေကားစုတ်ရက်အင် မလောက်ကို ကိုယ်တော်ကအလိုဝါ ယိုးလင်ကဟေ။
အနာကြီးရောဂါဆေလူဝင် ကုသအီကား
(မဿဲ ၈:၁-၄။ မာကု ၁:၄၀-၄၅)
12ဟက်တာကရပ် ကိုယ်တော်ယေရူစာ မြို့တစ်မြို့ယာငါတုန်းကရပ် အိမ်မှနေရာယာ တစ်ကိုယ်လုံးငါ အမန်ပြောင်ရောဂါစွဲကပ်တုန်းကလူး တာဆာပြိုင်းဟူးဝါ ငါ့လင်ကဟေ။ အမာစာ ကိုယ်တော်ယင်ပေါ်ကအိမ် ရှေ့ယာပုပ်ကို "ကိုယ်တော်၊ ကိုယ်တော်အလိုငါနဲ့က(လ်) ငါကအနာရောဂါယင် ပျောက်စိမ်းလှုဟေ။ မှအကြောင့်အိမ် ငါကရောဂါယင် ပျောက်စိမ်းယန်နက်နိမ့်"ငါ့ကို လျှောက်တင်လင်ကဟေ။ 13မှအကြောင့် ကိုယ်တော်နာ တာဟူးဝင်အဖြောင်ကို့ အိမ်မာလူးယင် တာဟူးအိမ်တိုးကို "ငါအလိုငါဟေ၊ ပျောက်လင်ပါစေ" ငှားနက်ကအိမ်ချက်ချင်းဒင့် အိမ်မာလူးက ရောဂါနာပျောက်လင်ကဟေ။ 14မှနောက်အာ ကိုယ်တော်နာ အမင် အတတ်ကဒေလေ ရောဂါပျောက်ကလင်ကား ဟူးဝါဇိစ်ယဲ့အငါကဇိစ် အမိန့်အီကျီးကရပ် "ပုရောဟိတ်ကမားလင်ဂို နင်ကခန္တာကိုယ်ဝင် ဆနပ်အင်း။ ကျီးနဲ့က(လ်) နင်ကရောဂါပျောက်က လူရက်ကရှေ့ယာ သက်သေဖြစ်ကဇိစ် မောရှေပညတ်ကျမ်းယာ ဆနပ်ပီဒက်ကအတိုင်း ပူဇော်ကအမူအင် လင်ကိုလိစ်အင်း"ငါ့ကို ငါ့လင်ကဟေ။ 15ညီးငါ့ဒင့်ယေ ကိုယ်တော်ယေရှုဂါးဂုဏ်သတင်းနာ နေရာဆန်စူရက်အာ ပြန်နှံ့ကလင်ကတောင်း လူထုပရိသတ်ရက်စာ ကိုယ်တော်က ဆနိန်အီဟေကရက်အင် အတေးကအိမ် ဟာပိုဆာအငါကမှဘင်း ပျောက်ဇိစ်ကလှုမနီး စုရုံးဗန်(ဖ်)ကဟေ။ 16ညီးငါ့ဒင့်ယေ ကိုယ်တော်နာ မကြာခဏ လူးအ့ငါကအရပ်အာ တစ်ပါးတည်းလင်ဂို ဆုစိန်လင်ကဟေ။
ဒုစရိုက်အပြစ်ရက်အင် ခွင့်လွတ်လှူက အခွင့်အာဏာ
(မဿဲ ၉:၁-၈။ မာကု ၂:၁-၁၂)
17ယက်တာကရပ် ကိုယ်တော်ယေရှုနာ တရားဟောဆနပ်တုန်းကရပ် ဂါလိလဲပြည်၊ ယုဒပြည်ယာငါ့ဟေကား ထိန်ရက်အိမ် ဂျေရုဆလင်မြို့ဝါဘင်း ဗန်ဟေကား ဖာရိရှဲရက်အိမ်#5:17 ဖာရိရှဲ့ငါ့ဟေကနာ ဂရိဘာသာတူးအိမ်( သီးသန့်တုန်းဟေကလူး) ဟေဘရူးတူး(ဖ်)အိမ် ခွဲခွာသူ၊ သီးသန့်တုန်းဟေကားလူးငါ့ကို အဓိပ္ပာယ်လူဟေ။ ယေရူခရစ်တော်ကာလယာ အမာရက်နာ ဘာသာရေးအာဏာအဖွဲ့အစည်းဆူးဝါအဖြစ် အခိုင်အမာရပ်တည်တုန်ဒက်ကို့ နဂိုဦးတည်ချက်အာဘင်း ကွဲလွဲကို့ နောက်ပိုင်းငါ ဘာသာရေးဟန်းဆောင်ကိုင်းရှိုင်းဟေကလူးရက် ဖြစ်ယောဝန်လင်ကဟေ။ (ဘုရားရှင်ကငင်ဆန့်ကျင်ကန့်ကွက်လူး၊ အယောင်ဆောင်လူးရက်ငါ့ကို အဓိပ္ပယ်လူဟေ။) မောရှေကျမ်းတတ်ဆရာရက်ယဲ့ အိမ်မှားနေရာနား တုန်းဂို့ငှားလင်ကဟေ။ ဘုရားရှင်နာ ကိုယ်တော်ဇိစ် လူးရက်က အနာရောဂါရက်ပျောက်မနီး တန်ခိုးတော်ယင် အီပီလင်ကဟေ။ 18အိမ်မာကရပ် လူအချိူ့စာ လေဖြတ်တုန်းက လူးဟူးဝါယင် ဟြရ်ပိဖုံးငါတင်ကို ကိန်းတာဟုန်းငါလာကန်းကို ကိုယ်တော်ကရှေ့ယာ အဟြန်ကဇိစ် ကြိုးစားလင်ကဟေ။ 19ညီးငါ့ဒင့်ယေ လူထုပရိသတ်ဘောင်းကိုငါတုန်းကကြောင့် ကိန်းတာဟုန်းငါဆင်ကဇိစ် လင်းဆုံးဂို့အလှုကို ဆာဟနူးဖုန်ငါရှေဂို့ ဆာဟာနိမ့်(လ်)ငင်ကွားဂို့ လူရက်ကအလယ်ယာငါ့ဟေကား ကိုယ်တော်ယေရှုကရှေ့အာ အိမ်မှလေဖြတ်တုန်းကလူးယင် ဟြက်ပိအိမ်မက်တာ အဟြရ်နက်ကဟေ။ 20အိမ်မှလူးရက်က ယုံကြည့်ချက်ခိုင်မားကား ကိုယ်တော်ပိုဟေကအခါ လေဖြတ်တုန်းကလူးယင် "မိတ်ဆွေ၊ နင်ကအပြစ်ဒုစရိုက်ရက်အင် ခွင့်လွတ်အီနက်နန်း"ငါ့ကို ငါ့လင်ကဟေ။ 21အိမ်မားကအခါ ဖာရိရှဲရက်အိမ် ကျမ်းတတ်ဆရာရက်စာ "မှလူးနာ အမာကအမာ အယူငါ့ကိုထင်ကို့ အတတ်ကဒေလေ ဘုရားရှင်ငင် စော်ကားတူး(ဖ်)ယင် ပြိစ်တုန်းကယား။ အမာကအမာ ဘုရားရှင်ငါ့ကို ထင်တုန်းဟေလဲ။ အဇာရိကို့အငါနဲ့ ဘုရားရှင်လွဲကို ဟူးဝါယဲ့ အပြစ်ရက်အင် ခွင့်လွတ်ကို့အအီလှုပါ(လ်)"ငါ့ကို စဉ်းစားကိုတုန်းလင်ကဟေ။ 22ညီးင့ဒင့်ယဲ့ ကိုယ်တော်နာ အိမ်မားလူးရက် အဆာမီစဉ်းစားတုန်းဟေယားငါဟေကား ချေးတုန်ကို အိမ်မားလူးရက်အင် "နနိန်ရက် အဇာရိဂို့မဒေတွေးတုန်းဂါယာ။ 23'နင်ဂါးအပြစ်ဒုစရိုက်ရက်အင် ခွင့်လွတ်အီနက်နန်း' ငါ့ကိုပြိစ်နက်ကအိမ် 'ရိပ်ကိုလင်းဟာ' ငါဟေကအိမ် အဇာက(လ်)ပိုကိုလွယ်ဟေယား။ 24ညီးငါဒင့်ယေ နနိန်ရက်အင်ငါချေးဇိစ်ကက်ဟေ "လူ့သားတော်နာ #5:24 လူ့သားတော်လူ့သားတော်ငါ့ဟေကနာ အမာကအမာတင်စားကို့ အော်ဟေကားအမိန်းဖြစ်ဟေ။မှကမ္ဘာလောကယာငါဟေကား အပြစ်စုတ်ရက်အင် ခွင့်လွတ်လှုဟေကား အခွင့်အာဏာငါဟေကင် နနိန်ရက်ချေးမနီး ငါဆနပ်အန်ကား" ငှားဂို့ လေဖြတ်တုန်းဟေကလူးယင် "ငါပြိစ်ယန်ကား ၊ ရိပ်အင့်ဒက်၊ နင်ကားဟြရ်ပိအင်လာဂို ကိန်းငင်လင်ဒက်" ငါးဂို့ ငှားလင်ကဟေ။ 25ငှားနက်ကအိမ်ချက်ချင်းဒင့် အိမ်မှလူးနာ လူရက်ကရှေးယာ စက်ဂို့ အမှာမျန်တုန်းဟေကဟြက်ပိအင် ကဒုံးဂို့ကျီးကရပ် ဘုရားရှင်ကဂုဏ်တော်ယင် ချီးမွမ်းဂို့ ကိန်းငါပြန်ကလင်ဂါဟေ။ 26လူထုပရိသတ်ရက်အ(လ်) တဗျင်းအံ့ဩကလင်ဂို "ယက် အံ့ဩကမီးကား အူဇာရက်အင် ငါရက်ပေါ်ဒက်နန်း"ငါ့ကို ကြောက်ရွံမူအပြည့်အိမ် ဘုရားရှင်ငင် ချီးမွမ်းလင်ကဟေ။
ကိုယ်တော်ယေရူ လေဝိငါ့ကိုအော်ဟေကားလူးယင် အမာကတပည့်အဖြစ် ရွေးချယ်ဟေကား
(မဿဲ ၉:၉-၁၃။ မာကု ၂:၁၃-၁၇)
27အိမ်ဒေလေဖြစ်ပျက်ကျီးကရပ် ကိုယ်တော်ယေရှုနာ အိမ်မာနေရာယာဘင်း ပြုယောဝန်ကို လေဝိငါ့ကို#5:27 လေဝိက အယောက်ကအမိန်းဆူးဝါနာ မဿဲဖြစ်ဟေ။ အော်ဟေကား အခွန်ကုန်ဟေကလူဟူးဝါးနာ အခွန်ကုန်ဟေက တဲအတောင်ဟုန်းငါ တုန်းတုန်းဟေကပိုဂါရပ် "ငါကအလိုဝါယိုးဝန်ကို့ ငါကအတပည့်လိစ်အင်း"ငါးဂို့ ငှားလင်ကဟေ။ 28မှအကြောင့် လေဝိယဲ့ရိပ့်ကို ငါဟေကားစုတ်ရက်အင် မလောက်ပီးဒက်ဂို့ ကိုယ်တော်ကအလိုဝါ ယိုးလင်ဂါဟေ။ 29ကျီးကအိမ် လေဝိစာ ကြီးကျယ်ခမ်းနားဟေကား စားသောက်ပွဲအိမ် အမာကကိန်းငါ ကိုယ်တော်အိမ် တပည့်တော်ရက်အင် ဧည့်ခံလင်ကဟေ။ ဘောင်းကိုက အခွန်ကောက်ကလူးရက်အိမ် တစ်ခြားအနင်းရက်အ(လ်) အမာရက်အိမ်မက်တာ ညစာစားပွဲယင် ဆာလင်ကဟေ။ 30ညီးငါ့ဒင့်ယေ အမာရက်ကအဖွဲ့ထဲကဖြစ်ဟေကား ဖာရိရှဲအချို့ရက်အိမ် ကျမ်းတတ်ဆရားရက်နာ ကိုယ်တော်ကတပည့်တော်ရက်အင် "နနိန်ရက်နာ မှအခွန်ကောက်ဟေကလူးရက်၊ တစ်ခြားအပြစ်ဒုစရိုက်သမားရက်အိမ် အဇာရိ(လ်)ကားမက်တာ ပုပ်ဆာတုန်းကယား"ငါ့ကို ဝေဖန်ကို့ပြိစ်တုန်းလင်ကဟေ။ 31ကိုယ်တော်နာ အမှာရာအင် ဖြေနက်ကနာ "ဟာပိုဆာငါ့ဟေကလူးရက်ကအတွက် ဆရာဝန် အစိုးပါ(လ်)။ ဟပိုဆာအရိကားလူရက်မေ ဆရာဝန် စိုးဟေ။ 32အိမ်မှဒေလေဟုန်း ဖြောင့်မတ်ဟေငါ့ကိုထင်တုန်းကလူးရက်အင် ငါအော်ကဇိစ်ဗန်ကအရိ(လ်)ပါ(လ်)။ အိမ်မှအစား အပြစ်ဒုစရိုက်သမားရက် နောင်တလှုကဇိစ်အတွက် ငါအော်ကဇိစ်ဗန်ဟေကဖြစ်ဟေ "ငါ့ကို ငှားလင်ကဟေ။
အစာရှောင်ဟေကအိမ်ပတ်သက်ကို့ ကိုယ်တော်ယေရူယင် မေးခွန်းကတာဟေကား
(မဿဲ ၉:၁၄-၁၇။ မာကု ၂:၁၈-၂၂)
33မှနောက်အာ လူတစ်ချို့နာ ကိုယ်တော်ယေရူယင် "အိန်းမြှုပ်မင်္ဂလာဆရာယောဟန်အိမ် အမာကတပည့်ရက်နာ အစာရှောင်ကိုဆုစိန်ဟေကား ခကြာခဏ လိစ်တတ်ကဟေ။ ဖာရိရှဲရက်က တပည့်တော်ရက်အ(လ်) အတတ်ကဒေလေ လိစ်တက်ဟေ။ ညီးင့ဒင့်ယဲ့ နင်ကတပည့်တော်ရက်က(လ်) ဆာတုန်းကို အယောက်ကလူးရက်ဒေလေ အဇာရိ(လ်)ကို အစာအရှောင်ကယား"ငါ့ကို ကတာလင်ကဟေ။ 34ကိုယ်တော်ယေရှုနာ "မင်္ဂလာပွဲဗန်(ဖ်)ကအနင်းရက်နာ သတို့ဆားအိမ်မက်တာ ငါဟေကရပ် အစာရှောင်လှုဂါလဲ။ အတတ်ကဒေလေ ဟူးဝါယေ့ အလိစ်အန်လှုပါ(လ်)ကား။ 35ညီးင့ဒင့်ယေ့ သတို့ဆားယင် အမာရက်ထနဲ့ကင့် အော်လားလင်ကအချိန်ထုန်ဗာ(ဖ်)နဲ့က(လ်) အမှာရက်နာ အဆာအအူထမ်း အစာရှောင်တုန်းလင်ဂါ"ငါ့ကို င့ါလင်ကဟေ။ 36မှနောက်အာ ကိုယ်တော်ယေရှုနာ အမာရက်အင် ပုံဥပမာဆူဝါ ငှားဆနပ်လင်ကနာ "အဝတ်စားအနန်းငါကပိတ်စယင် အဆိုက်ကို့ အဝတ်အဟိုးကအဟုန်းငင် ဖားဟေကလူးအငါပါ(လ်)။ အိမ်မှဒေလေလိစ်နဲ့က(လ်) အဝတ်အနန်းငင် အဆိုက်နက်ပိုကတောင်မာဒင့် ဖားနက်က အဝတ်စားအနန်းင(လ်) အဝတ်အဟိုးအိမ် လိုက်ဖက်လင်ကအရိန်ပါ(လ်)။ 37အိမ်မှအတိုင်း စပျစ်ဝိုင်အနန်းငင် သားရေဘူးအဟိုးထဲယာ ဟူးဝါးယေ့ အထဲပါ(လ်)။ အတတ်ကဒေလေ လိစ်နဲ့က(လ်) စပျစ်ဝိုင် အနန်းနာ သားရေဘူးငင် အဆိုက်စိမ်းလှုကတောင်း စပျစ်ဝိုင်ကအိန်းယေ့ယိုဖိတ်ဂို့ သားရေဘူးယေ့ အစီးလင်ကား။ 38မှအကြောင့် စပျစ်ဝိုင် အနန်းငင် သားရေဘူးအနန်းငါမယ် ထဲပိုဂါး။ 39အိမ်မှတောင်မာဒင့် စပျစ်ဝိုင် အဟိုးဝင်အူးကျီးကလူတိုင်းနာ စပျစ်ဝိုင်အဟိုးနာ မီဟေငါ့ကို စပျစ်ဝိုင်အနန်းငင် အူလင်ကက်ကားအရိန်နန်း"ငါ့ကို ငါ့လင်ကဟေ။
ទើបបានជ្រើសរើសហើយ៖
လုကာ 5: CKH
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 5
5
အခန်း (၅)
ကိုယ်တော်ယေရူက ပထမဦးဆုံးတပည့်တော်ရက်
(မဿဲ ၄:၁၈-၂၂။ မာကု ၁:၁၆-၂၀)
1ယက်တာဂါရပ် ကိုယ်တော်ယေရှုနာ ဂင်္နေသရက်အိန်းဂြိန်နား#5:1 ဂင်္နေသရက်အိန်းကန်းနာ ဂါလိလဲအိန်းကန်က အယောက်ကအမိန်းဆူးဝါဖြစ်ဟေ စက်တုန်းဂရပ် လူထုပရိသတ်ရက်စာ ဘုရားရှင်ကနှုတ်ကပတ်တော်ဝင် အတေးကဇိစ် ကိုယ်တော်ဂါးပတ်လည်ယာ စုဂို့ထုန်ဗာ(ဖ်)လင်ဂါဟေ။ 2ကျီးကအိမ် ကိုယ်တော်နာ ကမ်းစပ်အာ ကတ်ပီဟေကား တနာရိန်ဟေကား ဟိုးနှစ်စင်းငင် ပိုလင်ကဟေ။ တံငါသည်ရက်အ(လ်) ဟိုးဖုံးငါဘင်း ဆတ်ကျီးဂို့ တနာရိန်က ပိုက်ကွန်ရက်အင် ကဇမ်းတုန်းလင်ကဟေ။ 3ကိုယ်တော်ယေရူနာ အိမ်မားလှေနှစ်စင်ထဲယာက ရှိမုန်ဂါး ဟိုးဖုံးငါချယ်ဂို့ ဟိုးဝင် ကမ်းခြေအိမ် လင်းစံပြောင်ဆာလင်ဂါးဇိစ် ငှားလင်ကဟေ။ ကျီးကအိမ် ကိုယ်တော်နာ ဟိုးဖုံးငါတုန်းဂို့ လူးရက်အင် ဆနိန်အီးလင်ကဟေ။ 4တရားဟောဂိုကျီးဟေကားအချိန်ငါ ကိုယ်တော်စာ ရှိမုန်ငင် "အိန်းစိဟေကဟိုက်နီးယာ ဟိုးဝင်လှော်ဂို့ တနာရိန်ကဇိစ်အတွက် နင်က တနာတန်နူးယင် အဟိုက်နက်အင်" ငါးဂို့ င့ါလင်ကဟေ။ 5ရှိမုန်ယဲ့ "ကိုယ်တော်၊ ငါရက် ယက်တာပတ်လုံး ကြိုးစားဂို့ တနာရိန်ဟေငါးဒင်း မာရာယေ့ ရိန်ဂို့အလှုပါ(လ်)။ ညီးင့ဒင့်ယဲ့ ကိုယ်တော် လိစ်ကဖန်းကအတွက် တနာရိန်ဂါးပိုက်အင် အယောက်ဟက်တာ ငါအဟြက်နိုင်ဂါးဟေ" ငါးဂို့ ဖြေလင်ကဟေ။ 6အိမ်မဒေလေ တနာရိန်ကပိုက်ရက်အင် အဟြန်နက်ကရပ် အမာရက်စာ တန်းနူ(ဖ်)ရက် အဆပ်စာရောက်မှ တနာဘောင်းကိုအင် ရိန်ကိုလှုလင်ကဟေ။ 7မှအကြောင်းအိမ် အမှာရက်နာ တစ်ခြားဟိုးဖုံးငါငါဟေက အလိစ်မက်တာလိစ်ဟေက အဖက်ရာအင် အမှာရက်အင် ကူညီဂါဇီးကအတွက် အချက်ဆနပ်ကို အော်နက်ကဟေ။ အိမ်မားလူးရက် ထုန်ဗာ(ဖ်)ဂို ဟိုးနှစ်စင်းလုံးငါ တနာရက်ထည်ကို့ယူကရပ် အမာရက်ကဟိုးယဲ့ မြုပ်ကဇိစ် ဖြစ်ကလင်ကဟေ။ 8မှအဖြစ်အပျက်ရက်အင် ပိုဟေကအခါ ရှိမုန်ပေတရုစာ#5:8 ရှိမုန်ငင် ကိုယ်တော်ယေရူနာ ပေတရုငါ့ဟေကအမိန်းငင် ဟေဘရူးတူးအိမ် ကျောက်ခဲငါ့ကို အဓိပ္ပာယ်လှူဟေ။ ကိုယ်တော်ယေရှုဂါ အတာရင်းငါ ဒူးထောက်ဂို့ "ကိုယ်တော်၊ ငါနာ အမိကားအလိစ်ရက်အင် လိစ်ဟေကဒေါင်း ငင်ပီဒက်ကို့ ပြုကလင်ဒက်"ငါးဂို့ လျှောက်တင်လင်ကဟေ။ 9-10အတတ်ကဒေလေငါ့ပိုကနာ ရှိမုန်အိမ်မက်တာ အမာကအဖက်ရက်ဖြစ်ဟေကား ဇေဗေဒဲက အဆာနိမ့်ဟူးဖြစ်ဟေကား ယာကုပ်အိမ်ယောဟန်ရက်နာ အမာရက်ရိန်ကို့လှုဟေကား တနာစာပြိစ်ဟေကတောင်း အံ့ဩကို့အဆုံးနန်းဖြစ်တုန်းဟေကအကြောင့် ဖြစ်ဟေ။ ကိုယ်တော်ယေရူယေ ရှိမုန်ငင် "အစက်အဲ။ နင်နာ အတတ်ပင့်စကို့ တနာရိန်ပိုကအစား လူရက်အင်စုကို့#5:9-10 မူရင်းကျမ်းငါ လူးရက်အင် ရိန်ဟေကားလူးဖြစ်ပေါ်ကားငါ့ကို ရေးပီးဟေ။ ငါကနောက်လိုက်တပည့်ရက်ဖြစ်ကဇိစ် လိစ်ပိုကား"ငါ့ကို ငါ့လင်ကဟေ။ 11အိမ်မှအခါ အမှာရက်အ(လ်) ဟိုးရက်အင် ကမ်းဖုံးငါ ကိ(လ်)တင်ကိုကျီးကရပ် ငါဟေကားစုတ်ရက်အင် မလောက်ကို ကိုယ်တော်ကအလိုဝါ ယိုးလင်ကဟေ။
အနာကြီးရောဂါဆေလူဝင် ကုသအီကား
(မဿဲ ၈:၁-၄။ မာကု ၁:၄၀-၄၅)
12ဟက်တာကရပ် ကိုယ်တော်ယေရူစာ မြို့တစ်မြို့ယာငါတုန်းကရပ် အိမ်မှနေရာယာ တစ်ကိုယ်လုံးငါ အမန်ပြောင်ရောဂါစွဲကပ်တုန်းကလူး တာဆာပြိုင်းဟူးဝါ ငါ့လင်ကဟေ။ အမာစာ ကိုယ်တော်ယင်ပေါ်ကအိမ် ရှေ့ယာပုပ်ကို "ကိုယ်တော်၊ ကိုယ်တော်အလိုငါနဲ့က(လ်) ငါကအနာရောဂါယင် ပျောက်စိမ်းလှုဟေ။ မှအကြောင့်အိမ် ငါကရောဂါယင် ပျောက်စိမ်းယန်နက်နိမ့်"ငါ့ကို လျှောက်တင်လင်ကဟေ။ 13မှအကြောင့် ကိုယ်တော်နာ တာဟူးဝင်အဖြောင်ကို့ အိမ်မာလူးယင် တာဟူးအိမ်တိုးကို "ငါအလိုငါဟေ၊ ပျောက်လင်ပါစေ" ငှားနက်ကအိမ်ချက်ချင်းဒင့် အိမ်မာလူးက ရောဂါနာပျောက်လင်ကဟေ။ 14မှနောက်အာ ကိုယ်တော်နာ အမင် အတတ်ကဒေလေ ရောဂါပျောက်ကလင်ကား ဟူးဝါဇိစ်ယဲ့အငါကဇိစ် အမိန့်အီကျီးကရပ် "ပုရောဟိတ်ကမားလင်ဂို နင်ကခန္တာကိုယ်ဝင် ဆနပ်အင်း။ ကျီးနဲ့က(လ်) နင်ကရောဂါပျောက်က လူရက်ကရှေ့ယာ သက်သေဖြစ်ကဇိစ် မောရှေပညတ်ကျမ်းယာ ဆနပ်ပီဒက်ကအတိုင်း ပူဇော်ကအမူအင် လင်ကိုလိစ်အင်း"ငါ့ကို ငါ့လင်ကဟေ။ 15ညီးငါ့ဒင့်ယေ ကိုယ်တော်ယေရှုဂါးဂုဏ်သတင်းနာ နေရာဆန်စူရက်အာ ပြန်နှံ့ကလင်ကတောင်း လူထုပရိသတ်ရက်စာ ကိုယ်တော်က ဆနိန်အီဟေကရက်အင် အတေးကအိမ် ဟာပိုဆာအငါကမှဘင်း ပျောက်ဇိစ်ကလှုမနီး စုရုံးဗန်(ဖ်)ကဟေ။ 16ညီးငါ့ဒင့်ယေ ကိုယ်တော်နာ မကြာခဏ လူးအ့ငါကအရပ်အာ တစ်ပါးတည်းလင်ဂို ဆုစိန်လင်ကဟေ။
ဒုစရိုက်အပြစ်ရက်အင် ခွင့်လွတ်လှူက အခွင့်အာဏာ
(မဿဲ ၉:၁-၈။ မာကု ၂:၁-၁၂)
17ယက်တာကရပ် ကိုယ်တော်ယေရှုနာ တရားဟောဆနပ်တုန်းကရပ် ဂါလိလဲပြည်၊ ယုဒပြည်ယာငါ့ဟေကား ထိန်ရက်အိမ် ဂျေရုဆလင်မြို့ဝါဘင်း ဗန်ဟေကား ဖာရိရှဲရက်အိမ်#5:17 ဖာရိရှဲ့ငါ့ဟေကနာ ဂရိဘာသာတူးအိမ်( သီးသန့်တုန်းဟေကလူး) ဟေဘရူးတူး(ဖ်)အိမ် ခွဲခွာသူ၊ သီးသန့်တုန်းဟေကားလူးငါ့ကို အဓိပ္ပာယ်လူဟေ။ ယေရူခရစ်တော်ကာလယာ အမာရက်နာ ဘာသာရေးအာဏာအဖွဲ့အစည်းဆူးဝါအဖြစ် အခိုင်အမာရပ်တည်တုန်ဒက်ကို့ နဂိုဦးတည်ချက်အာဘင်း ကွဲလွဲကို့ နောက်ပိုင်းငါ ဘာသာရေးဟန်းဆောင်ကိုင်းရှိုင်းဟေကလူးရက် ဖြစ်ယောဝန်လင်ကဟေ။ (ဘုရားရှင်ကငင်ဆန့်ကျင်ကန့်ကွက်လူး၊ အယောင်ဆောင်လူးရက်ငါ့ကို အဓိပ္ပယ်လူဟေ။) မောရှေကျမ်းတတ်ဆရာရက်ယဲ့ အိမ်မှားနေရာနား တုန်းဂို့ငှားလင်ကဟေ။ ဘုရားရှင်နာ ကိုယ်တော်ဇိစ် လူးရက်က အနာရောဂါရက်ပျောက်မနီး တန်ခိုးတော်ယင် အီပီလင်ကဟေ။ 18အိမ်မာကရပ် လူအချိူ့စာ လေဖြတ်တုန်းက လူးဟူးဝါယင် ဟြရ်ပိဖုံးငါတင်ကို ကိန်းတာဟုန်းငါလာကန်းကို ကိုယ်တော်ကရှေ့ယာ အဟြန်ကဇိစ် ကြိုးစားလင်ကဟေ။ 19ညီးငါ့ဒင့်ယေ လူထုပရိသတ်ဘောင်းကိုငါတုန်းကကြောင့် ကိန်းတာဟုန်းငါဆင်ကဇိစ် လင်းဆုံးဂို့အလှုကို ဆာဟနူးဖုန်ငါရှေဂို့ ဆာဟာနိမ့်(လ်)ငင်ကွားဂို့ လူရက်ကအလယ်ယာငါ့ဟေကား ကိုယ်တော်ယေရှုကရှေ့အာ အိမ်မှလေဖြတ်တုန်းကလူးယင် ဟြက်ပိအိမ်မက်တာ အဟြရ်နက်ကဟေ။ 20အိမ်မှလူးရက်က ယုံကြည့်ချက်ခိုင်မားကား ကိုယ်တော်ပိုဟေကအခါ လေဖြတ်တုန်းကလူးယင် "မိတ်ဆွေ၊ နင်ကအပြစ်ဒုစရိုက်ရက်အင် ခွင့်လွတ်အီနက်နန်း"ငါ့ကို ငါ့လင်ကဟေ။ 21အိမ်မားကအခါ ဖာရိရှဲရက်အိမ် ကျမ်းတတ်ဆရာရက်စာ "မှလူးနာ အမာကအမာ အယူငါ့ကိုထင်ကို့ အတတ်ကဒေလေ ဘုရားရှင်ငင် စော်ကားတူး(ဖ်)ယင် ပြိစ်တုန်းကယား။ အမာကအမာ ဘုရားရှင်ငါ့ကို ထင်တုန်းဟေလဲ။ အဇာရိကို့အငါနဲ့ ဘုရားရှင်လွဲကို ဟူးဝါယဲ့ အပြစ်ရက်အင် ခွင့်လွတ်ကို့အအီလှုပါ(လ်)"ငါ့ကို စဉ်းစားကိုတုန်းလင်ကဟေ။ 22ညီးင့ဒင့်ယဲ့ ကိုယ်တော်နာ အိမ်မားလူးရက် အဆာမီစဉ်းစားတုန်းဟေယားငါဟေကား ချေးတုန်ကို အိမ်မားလူးရက်အင် "နနိန်ရက် အဇာရိဂို့မဒေတွေးတုန်းဂါယာ။ 23'နင်ဂါးအပြစ်ဒုစရိုက်ရက်အင် ခွင့်လွတ်အီနက်နန်း' ငါ့ကိုပြိစ်နက်ကအိမ် 'ရိပ်ကိုလင်းဟာ' ငါဟေကအိမ် အဇာက(လ်)ပိုကိုလွယ်ဟေယား။ 24ညီးငါဒင့်ယေ နနိန်ရက်အင်ငါချေးဇိစ်ကက်ဟေ "လူ့သားတော်နာ #5:24 လူ့သားတော်လူ့သားတော်ငါ့ဟေကနာ အမာကအမာတင်စားကို့ အော်ဟေကားအမိန်းဖြစ်ဟေ။မှကမ္ဘာလောကယာငါဟေကား အပြစ်စုတ်ရက်အင် ခွင့်လွတ်လှုဟေကား အခွင့်အာဏာငါဟေကင် နနိန်ရက်ချေးမနီး ငါဆနပ်အန်ကား" ငှားဂို့ လေဖြတ်တုန်းဟေကလူးယင် "ငါပြိစ်ယန်ကား ၊ ရိပ်အင့်ဒက်၊ နင်ကားဟြရ်ပိအင်လာဂို ကိန်းငင်လင်ဒက်" ငါးဂို့ ငှားလင်ကဟေ။ 25ငှားနက်ကအိမ်ချက်ချင်းဒင့် အိမ်မှလူးနာ လူရက်ကရှေးယာ စက်ဂို့ အမှာမျန်တုန်းဟေကဟြက်ပိအင် ကဒုံးဂို့ကျီးကရပ် ဘုရားရှင်ကဂုဏ်တော်ယင် ချီးမွမ်းဂို့ ကိန်းငါပြန်ကလင်ဂါဟေ။ 26လူထုပရိသတ်ရက်အ(လ်) တဗျင်းအံ့ဩကလင်ဂို "ယက် အံ့ဩကမီးကား အူဇာရက်အင် ငါရက်ပေါ်ဒက်နန်း"ငါ့ကို ကြောက်ရွံမူအပြည့်အိမ် ဘုရားရှင်ငင် ချီးမွမ်းလင်ကဟေ။
ကိုယ်တော်ယေရူ လေဝိငါ့ကိုအော်ဟေကားလူးယင် အမာကတပည့်အဖြစ် ရွေးချယ်ဟေကား
(မဿဲ ၉:၉-၁၃။ မာကု ၂:၁၃-၁၇)
27အိမ်ဒေလေဖြစ်ပျက်ကျီးကရပ် ကိုယ်တော်ယေရှုနာ အိမ်မာနေရာယာဘင်း ပြုယောဝန်ကို လေဝိငါ့ကို#5:27 လေဝိက အယောက်ကအမိန်းဆူးဝါနာ မဿဲဖြစ်ဟေ။ အော်ဟေကား အခွန်ကုန်ဟေကလူဟူးဝါးနာ အခွန်ကုန်ဟေက တဲအတောင်ဟုန်းငါ တုန်းတုန်းဟေကပိုဂါရပ် "ငါကအလိုဝါယိုးဝန်ကို့ ငါကအတပည့်လိစ်အင်း"ငါးဂို့ ငှားလင်ကဟေ။ 28မှအကြောင့် လေဝိယဲ့ရိပ့်ကို ငါဟေကားစုတ်ရက်အင် မလောက်ပီးဒက်ဂို့ ကိုယ်တော်ကအလိုဝါ ယိုးလင်ဂါဟေ။ 29ကျီးကအိမ် လေဝိစာ ကြီးကျယ်ခမ်းနားဟေကား စားသောက်ပွဲအိမ် အမာကကိန်းငါ ကိုယ်တော်အိမ် တပည့်တော်ရက်အင် ဧည့်ခံလင်ကဟေ။ ဘောင်းကိုက အခွန်ကောက်ကလူးရက်အိမ် တစ်ခြားအနင်းရက်အ(လ်) အမာရက်အိမ်မက်တာ ညစာစားပွဲယင် ဆာလင်ကဟေ။ 30ညီးငါ့ဒင့်ယေ အမာရက်ကအဖွဲ့ထဲကဖြစ်ဟေကား ဖာရိရှဲအချို့ရက်အိမ် ကျမ်းတတ်ဆရားရက်နာ ကိုယ်တော်ကတပည့်တော်ရက်အင် "နနိန်ရက်နာ မှအခွန်ကောက်ဟေကလူးရက်၊ တစ်ခြားအပြစ်ဒုစရိုက်သမားရက်အိမ် အဇာရိ(လ်)ကားမက်တာ ပုပ်ဆာတုန်းကယား"ငါ့ကို ဝေဖန်ကို့ပြိစ်တုန်းလင်ကဟေ။ 31ကိုယ်တော်နာ အမှာရာအင် ဖြေနက်ကနာ "ဟာပိုဆာငါ့ဟေကလူးရက်ကအတွက် ဆရာဝန် အစိုးပါ(လ်)။ ဟပိုဆာအရိကားလူရက်မေ ဆရာဝန် စိုးဟေ။ 32အိမ်မှဒေလေဟုန်း ဖြောင့်မတ်ဟေငါ့ကိုထင်တုန်းကလူးရက်အင် ငါအော်ကဇိစ်ဗန်ကအရိ(လ်)ပါ(လ်)။ အိမ်မှအစား အပြစ်ဒုစရိုက်သမားရက် နောင်တလှုကဇိစ်အတွက် ငါအော်ကဇိစ်ဗန်ဟေကဖြစ်ဟေ "ငါ့ကို ငှားလင်ကဟေ။
အစာရှောင်ဟေကအိမ်ပတ်သက်ကို့ ကိုယ်တော်ယေရူယင် မေးခွန်းကတာဟေကား
(မဿဲ ၉:၁၄-၁၇။ မာကု ၂:၁၈-၂၂)
33မှနောက်အာ လူတစ်ချို့နာ ကိုယ်တော်ယေရူယင် "အိန်းမြှုပ်မင်္ဂလာဆရာယောဟန်အိမ် အမာကတပည့်ရက်နာ အစာရှောင်ကိုဆုစိန်ဟေကား ခကြာခဏ လိစ်တတ်ကဟေ။ ဖာရိရှဲရက်က တပည့်တော်ရက်အ(လ်) အတတ်ကဒေလေ လိစ်တက်ဟေ။ ညီးင့ဒင့်ယဲ့ နင်ကတပည့်တော်ရက်က(လ်) ဆာတုန်းကို အယောက်ကလူးရက်ဒေလေ အဇာရိ(လ်)ကို အစာအရှောင်ကယား"ငါ့ကို ကတာလင်ကဟေ။ 34ကိုယ်တော်ယေရှုနာ "မင်္ဂလာပွဲဗန်(ဖ်)ကအနင်းရက်နာ သတို့ဆားအိမ်မက်တာ ငါဟေကရပ် အစာရှောင်လှုဂါလဲ။ အတတ်ကဒေလေ ဟူးဝါယေ့ အလိစ်အန်လှုပါ(လ်)ကား။ 35ညီးင့ဒင့်ယေ့ သတို့ဆားယင် အမာရက်ထနဲ့ကင့် အော်လားလင်ကအချိန်ထုန်ဗာ(ဖ်)နဲ့က(လ်) အမှာရက်နာ အဆာအအူထမ်း အစာရှောင်တုန်းလင်ဂါ"ငါ့ကို င့ါလင်ကဟေ။ 36မှနောက်အာ ကိုယ်တော်ယေရှုနာ အမာရက်အင် ပုံဥပမာဆူဝါ ငှားဆနပ်လင်ကနာ "အဝတ်စားအနန်းငါကပိတ်စယင် အဆိုက်ကို့ အဝတ်အဟိုးကအဟုန်းငင် ဖားဟေကလူးအငါပါ(လ်)။ အိမ်မှဒေလေလိစ်နဲ့က(လ်) အဝတ်အနန်းငင် အဆိုက်နက်ပိုကတောင်မာဒင့် ဖားနက်က အဝတ်စားအနန်းင(လ်) အဝတ်အဟိုးအိမ် လိုက်ဖက်လင်ကအရိန်ပါ(လ်)။ 37အိမ်မှအတိုင်း စပျစ်ဝိုင်အနန်းငင် သားရေဘူးအဟိုးထဲယာ ဟူးဝါးယေ့ အထဲပါ(လ်)။ အတတ်ကဒေလေ လိစ်နဲ့က(လ်) စပျစ်ဝိုင် အနန်းနာ သားရေဘူးငင် အဆိုက်စိမ်းလှုကတောင်း စပျစ်ဝိုင်ကအိန်းယေ့ယိုဖိတ်ဂို့ သားရေဘူးယေ့ အစီးလင်ကား။ 38မှအကြောင့် စပျစ်ဝိုင် အနန်းငင် သားရေဘူးအနန်းငါမယ် ထဲပိုဂါး။ 39အိမ်မှတောင်မာဒင့် စပျစ်ဝိုင် အဟိုးဝင်အူးကျီးကလူတိုင်းနာ စပျစ်ဝိုင်အဟိုးနာ မီဟေငါ့ကို စပျစ်ဝိုင်အနန်းငင် အူလင်ကက်ကားအရိန်နန်း"ငါ့ကို ငါ့လင်ကဟေ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thet (သက်) Bible by Beyond Translation is licensed under Creative Commons Attribution-ShareAlike 4.0 License.