ရှင်လုကာ 11
11
အခန်း (၁၁)
ကိုယ်တော်ယေရှုနား ဆုတောင်ဟိုင်အဆောင်ပက်ခေါမ်
(ရှင်မဿဲ ၆:၉-၁၃၊ ၇:၇-၁၁)
1နှိုပ်ဟှတ်တောလ် ကိုယ်တော်ယေရှု ဓိလ်ဟှတ်တောလ် ဆုအတောင်။ ဆုအတောင်ပါလ်နောလ် အတပည့်လှီ့ဒုလ့်ကာလ်ကိပွလ်ဟှတ်နား “အရှင်ငါး၊ သွီးဓေါလ်သန့်စင်ခေါမ်ပေးတိ ဆလော်ယောဟန်နား အတပည့်လှီ့အောလ် ဆုတောင်ဟိုင်အဆောင်ပက်ဘော် ကေးမီးရိုးခါ ဆုတောင်ဟိုင်ဆောင်ပက်မိုဝြား” တိရို အလျှောက်။ 2အင်မ်ဟိုဝေါလ် ကိုယ်တော်ယေရှုနား အင်မ်လှီ့အောလ် “ဆုနာမ်တောင်ဟိုဝေါလ်
‘ပေါလ်ဖုလော်ရှင်ငါး၊ ခေါင်တိုင်နား မြင့်မြတ်တိ ဖုလော်ရှင်မိန် အာမ်ရိုသေဟိုင် ကေးမီးနား ဆုကာမ်တောင်။ ဖုလော်ရှင်နား ခေါင်ပွလ်ဟှတ်စီမ်မာလ် အုပ်စိုးဟိုင်ခါ ကေးမီးနား ဆုကာမ်တောင်။
ဖုလော်ရှင် ကြွလူးထေ့နား ခေါင်ပွလ်ဟှတ်စီမာလ် အုပ်စိုးဘွတ်။
3ကေးမီးတွက် နှိုပ်တိုင်နှိုပ်တိုင်လီခေါမ် အေဟိုင်အောတ်ဟိုင်လှီ့ ပေးဘွတ်။
4ကေးမီးရိုး အပြစ်စိုင်းတိခေါင်လှီ့ခါ
ကေးမီးနား ခွင့်ကာမ်လွှတ်ဘော်
ကေးမီးဒုစရိုက်အပြစ်ခါ ခွင့်လွှတ်ပက်ဘွတ်။
ကေးမီးနား အပြစ်လှီ့စိုင်းပါ့ယဟနောလ်
ဖြားယောင်းခေါမ်ခါ ကာကွယ်ပက်ဘွတ်’ တိရို ဆုတောင်ဘွတ်စူး” တိရို အမိန့်။
တောင်းဘွတ်စူး၊ ဆူလ်ဘွတ်စူး၊ ဆောလ့်ခေါက်ဘွတ်စူး
5အင်မ်ပါလ်နောလ် ကိုယ်တော်ယေရှုနား အထာကွန်ဟှတ် “နာင်မီးဒုလ့်ကာလ်ကိ ပွလ်ဟှတ်နား ခီပွီပွလ်ဟှတ်အိမ်းမာလ် ခူယျောင်တူထိမ် ပေါင်မုန့်ပူဝေဟိုင် အဈာတ်တိရိုး ဟောင်ဝြား။ 6နာင်နား အင်မ်နောလ် ‘ခီပွီးယား၊ ကေး ခီပွီပွလ်ဟှတ် ခရီးအဈာတ်နောက်ကာလ်ကိ ကေးစငေါလ် အခိုက်လူး။ ကေးနား အင်မ်ကေခိန်းနောက်ဟိုင် အီခါမယ်တီးယခန်းနောလ် ကေးရိုး မုန့်လုံးထုမ်ဘောင် ပူမိုဝြား’ တိရို နာဟောင်နားခါ 7အင်မ်နား ‘ကေး နှောက်ယှက်ကော့အား၊ ဆော့လ်လှီ့ခါ ကေခါးပါလ်၊ ကေးစိုးလှီ့ခါ ကေးဓေါလ်ဟှတောလ် အာမ်အိပ်ဟိလ့်။ အိပ်နောက်ကာလ်ကိထောထေ့နား အီခါပေးလူးခွတ်တီးယော်’ တိရို အိမ်းဒုလ့်ကာလ်ကထု အဟောင်ဘွာလ်ဝိုက်။ 8နာင်ငေါလ် ဟောင်ဟိုင်ကေလီခေါမ်စေး အင်မ်ခေါင် နာင် ခီပွီပွလ်ဟှတ်တောလ်ထောလ်နားခါ အိပ်နောက်ကာလ်ကိထောထေ့နား နာင်ငေါလ် အီခါပေးလူးဟိုင်ဆီးယော်။ အင်မ်ဘော်နားခါ အားလျှော့ကော် ဆက်ကယ်နား နာတောင်းဟိုဝေါလ်စေး အင်မ်ခေါင်နား အပုန်းဟို့ဆီးတင်ကာကွယ်ဟိုင်တွက် အိပ်နောက်ကာလ်ကိထောထေ့နား နာင်လီခေါမ်ဟို့ အပက်လူဝိုက်။
9အင်မ်ခန်းနောလ် နာင်မီးရိုး ဟောင်ဟိုင်ကေလီခေါမ်စေး တောင်ဘွတ်စူး၊ နာမ်လောဒ့်စီရိုက်။ ဆူလ်တိနား အာမ်မှူးအိုက်။ ဆော့လ်ခေါက်ဘွတ်စူး၊ အဖွင့်ပက်တိုက်။ 10တောင်တိတိုင်နား အာမ်လောဒ်အိုက်။ ဆူလ်တိတိုင်နား အမှူးလောဒ့်အိုက်။ ဆော့လ်ခေါက်တိတိုင်ငေါလ် ဖွင့်ပက်တိုက်။
11အပုံဘောင်ငေါလ် စိုးနောင်လှီ့နား ငေါအာမ်တောင်နားစေး နာင်မီးဒုလ့်ကာလ်ကိ ဟိဘောင်ပေါလ်နား ဖွာရ်အပက်တိုက်။ 12အပုံငေါလ် စိုးနောင်လှီ့နား အာတူရ် အာမ်တောင်းဟိုဝေါလ် နာင်မီးဒုလ့်ကာလ်ကိ ဟိဘောင်ပေါလ်နား တီအပက်တိုက်။ 13အင်မ်ဘော်ခန်းနောလ် နာင်မီး ပွန်ယတိလှီ့အောလ် နာမ်ထောလ်နားခါ နာမ်စိုးနောင်လှီ့အောလ် ပွန်တိလှီ့ယောင် ပက်လောဒ့်အိုက်နောက်ခေါမ် နာမ်စုတ်င်ဟိုဝေါလ်စေး ဟြှားလုအောလ်ကိ ဖုလော်ရှင်နားခါ အပုန်းဟိုဝေါလ်စငေါလ် တောင်ငယ်တိ အူဝေါလ်ခါဆီးဆတ် ဉာဏ်အလင်းတော်ကုံးခါ အပက်ဟိုင်အဆင်သင့်အမယ်” တိရို အမိန့်။
ကိုယ်တော်ယေရှုလားနောတ်ဆီးဆောင်ဖလောင် ဗေလဇေဗုလ
(ရှင်မဿဲ ၁၂:၂၂-၃၀။ ရှင်မာကု ၃:၂၀-၂၇)
14နှိုပ်ဟှတ်တောလ် ကိုယ်တော်ယေရှုနား ခေါင်ပွလ်ဟှတ် ခေခေါယဟနောလ် ပူအယ်တိ နောတ်ဆီးလူဟှတ် အဆှုတ်။ အင်မ်နောတ်ဆီးအထွက်ဘွာလ်ဟိုဝေါလ် ခေခွတ်ယတိ အခေဘွာလ်ခွတ်ဟိုဝေါလ် ခေါင်ထုလှီ့နား အာမ်စါစ်နောက်။ 15အင်မ်ဘော်နားခါ ခေါင်တချို့နား “နီခေါင်နား နောတ်ဆီးဆောင်ဖလောင် ဗေလဇေဗုလစငေါလ်ကိ တန်ခိုးလှီ့ဓေါလ် အင်မ်နောတ်ဆီးလှီ့ အဆှုတ်ခေါမ်ယောင်” တိရို အာမ်ဟောင်။ 16အစွာခေါင်လှီ့နား ကိုယ်တော်စမ်းသပ်ဟိုင်အာမ်လီခန်းနောလ် အင်မ်လှီ့နား ကိုယ်တော် တန်ခိုးနောက်ခေါမ် ဟြှားလုအောလ်ကိ ဖုလော်ရှင်စငေါလ်ကိ အလူးနောက်ခေါမ် စါစ်နောက်ဟိုင်နိမိတ်လက္ခဏာလှီ့ အူဟှတ်ဟှတ်ဓေါင်ဟိုင် အာမ်တောင်။
17ကိုယ်တော်နား အင်မ်ခေါင်လှီ့လုန်ဒုလ့်ကာလ် ဟိဘော် အာမ်စဉ်းစားနောက်ခေါမ် အစုတ်င်ခန်းနောလ် အင်မ်လှီ့အောလ် “နိုင်ငံဟှတ်တောလ်မယ်တိခေါင်လှီ့ခါ ပွလ်ဟှတ်လားပွလ်ဟှတ် အာမ်တိုက်ခိုက်ယေတောင်နားစေး အင်မ်နိုင်ငံခေါမ် ပြိုကွဲထေ့နား အပျက်စီးရိုက်။ မိသားစုစုဟှတ်တောလ်ကိ ခေါင်လှီ့ခါ ပွလ်ဟှတ်လားပွလ်ဟှတ် အာမ်တိုက်ခိုက်ယေတောင်နားစေး အင်မ်မိသားစုခေါမ် အာမ်ပြိုကွဲရိုက်။ 18အပုံငေါလ် မာရ်နောတ်လား နောတ်ဆီးလှီ့ အာမ်ပုန်းဟို့ချင်းချင်း အာမ်တိုက်ခိုက်ယေနားစေး အင်မ်လှီ့နိုင်ငံ ဟိဘော် အာမ်တည်မြဲခွတ်ကိုက်။ တုအောလ် ကေးနား နီဘော်ကေဟောင်လောဒ့်ခေါမ်စေး ကေးနား ဗေလဇေဗုလ တန်ခိုးအာဏာဓေါလ် နောတ်ဆီးလှီ့ ကေဆှုတ်တိရို နာင်မီးနား နာမ်ဟောင်။ 19အပုံငေါလ် ကေးနား ဗေလဇေဗုလတန်ခိုးဝေါလ် နောတ်ဆီးလှီ့ ကေဆှုတ်နောက်ဟိုဝေါလ်စေး နာင်မီး တပည့်လှီ့နား ဟအူတန်ခိုးဝေါလ် နောတ်ဆီးလှီ့ အာမ်ဆှုတ်။ အင်မ်ခန်းနောလ် နာင်မီးတပည့်လှီ့နောက်ခေါမ် နာင်မီး နာမ်မှားနောက်ခေါမ် သက်သေလှီ့အောလ် အာမ်ထောလ်။ 20အင်မ်ဘော်နားခါ အပုံငေါလ် ကေးနား ဖုလော်ရှင်တန်ခိုး အသုံးပြုထေ့နား နောတ်ဆီးလှီ့ ကေဆှုတ်ခန်းနောလ် နာင်မီးစငေါလ် ဖုလော်ရှင်သာသနာတော် အခိုက်ပါလ်နောက်ခေါမ် သက်သေဓေါင်ခွတ်ပါလ်” တိရို အမိန့်။
21အင်မ်ပါလ်နောလ် ကိုယ်တော်နား အပုန်းဟို့ မာရ်နောတ်ထောက်ကာလ် တန်ခိုးလန်နောက်ခေါမ် ပုံဥပမာဝေါလ် အမိန့်ခေါမ်စေး “ခွန်အားလန်တိ ခေါင်ပွလ်ဟှတ်နား လက်နက်လှီ့ဓေါလ် အအိမ်းဟိုး အစောင့်ဟိုဝေါလ် အပိုင်ခေါမ်လှီ့ကိမ်ကိမ် လုံခြုံမှုအမယ်။ 22အင်မ်ဘော်နားခါ အင်မ်ထက်ကာလ် ခွန်အားလန်တိနား အင်မ်ခေါင် အတိုက်ခိုက်လူးဟိုဝေါလ် အနိုင်နားစေး အအားကိုးခေါမ် လက်နက်လှီ့သိမ်းထေ့နား အသိမ်းလူးခေါမ်ပစ္စည်းလှီ့ အစွာခေါင်လှီ့ဓေါလ်ဟှတ်တောလ် အဖဲ့ယေရိုက်။
23ကေးလာမ်းမာလ်မယ်ယတိ အူခါဆီးဆတ် ကေးဆန့်ကျင်တိအောလ် အာမ်ထောလ်။ ဖုလော်ရှင်တွက် ခေါင်လှီ့စုဝေးဟိုင် ကေးကူညီယတိလှီ့ခေါင်လှီ့ ဖုလော်ရှင်စငေါလ်ကိ အလှမ်းမာလ်ဈာတ်ဟနောလ် စိုင်းတိလှီ့အောလ်အာမ်ထောလ်” တိရို အမိန့်။
လူးဘွာလ်တိနောတ်ဆီး
24ကိုယ်တော်ယေရှုနား ဆက်ကယ်နား ခေါင်လှီ့အောလ် ပုံဥပမာပုဒ်ဟှတ်တောလ် အမိန့်ဘွာလ်တီခေါမ်စေး “နောတ်ဆီးလူဟှတ် အပူးကပ်နောက် ခေါင်စငေါလ်ကိ ထွက်ထေ့နား ခေါင်မယ်နောက်ယဒိုင်ဒုလ့်ကာလ် အမယ်နောက်ဟိုင်ဓိလ်အဆူလ်။ အင်မ်ဘော်နားခါ အမယ့်နောက်ဟိုင် ဓိလ်အဆူလ်ဟိုဝေါလ် အမှူးယခန်းနောလ် ‘ကေမယ်ဖူနောက် ခေါင်စငေါလ်ယောင် ကေဈာတ်ဘွာလ့်ဝိုက်’ တိရိုဟောင်ထေ့နား အလူးဘွာလ်။ 25အခိုက်ယေဘွာလ်ဟိုဝေါလ် အင်မ်ခေါင်ယောင် သန့်ရှင်းထေ့နား မယ်ယေဖားနောက်ဟိုင်အိမ်းအလွတ်ဘော် အမှူး။ 26အင်မ်ဟိုဝေါလ် နောတ်ဆီးနား အပုန်းဟို့ထက်ကာလ် ဆီးတိ နောတ်ဆီးလူဆိ့ အဟောင်ဝေ။ အင်မ်နောတ်ဆီးလှီ့ကိမ်ကိမ် အင်မ်ခေါင်စငေါလ် အာမ်ပူးကပ်ဟိုဝေါလ် အင်မ်ခေါင်ခေါမ် ဟမာလ်ကိထက်ကာလ် အဆိုးဝါးလူး” တိရို အမိန့်။
ခူလ်ပွန်တိလှီ့
27ကိုယ်တော်ယေရှုနား ခေါင်ထုလှီ့အောလ် တရားလှီ့အဟောဟိုဝေါလ် အင်မ်ခေါင်လှီ့ဒုလ့်ကာလ်ကိ မုတောပွလ်ဟှတ်နား “အရှင် ဇောနိုးပက်ထေ့နား ပြုစုဟိ့လ်တိ အရှင်နားအနူးစေး အခူလ်ပွန်တိပွလ်ဟှတ်တောလ် အထောလ်” တိရို အလျှောက်။
28အင်မ်ဟိုဝေါလ် ကိုယ်တော်နား “နီခေခေါခေါမ် အမှန်။ အင်မ်ဘော်နားခါ ဖုလော်ရှင်နှုတ်ကပတ်တော်လှီ့ ငေခွင့်လောဒ့်ထေ့နား လိုက်နာတိလှီ့ယောင် အမှန်မီးကုံး ခူလ်ပွန်တိလှီ့အောလ် အာမ်ထောလ်” တိရို အဟောင်ဘွာလ်။
ပရောဖက်ယောနနိမိတ်လက္ခဏာ
(ရှင်မဿဲ ၁၂:၃၈-၄၂)
29ခေါင်ထုပရိတ်သတ်လှီ့နား ကိုယ်တော်ယေရှု အာမ်ဝိုင်းလူးဟိုဝေါလ် ကိုယ်တော်နား “တုခေတ်ရိုးကိ ခေါင်လှီ့ ဆိုးဝါးတိလှီ့အောလ် အာမ်ထောလ်။ ဟိဘော်ဟိုင်ရိုးနောက်ဟိုဝေါလ်စေး အင်မ်လှီ့နား နိမိတ်လက္ခဏာဓေါင်ဟိုင် တောင်နားခါ #11:29 ယောန=ဟမာလ်မယ်ဟိလ့်တိ ပရောဖက်ပါးဟှတ်တောလ်အထောလ်။ ငေါလန်ပိုးတိနား အင်မ်ဒွါအုတ်ထေ့နား နှိုပ်ထုမ်ဓီပါလ်နောလ် ဖုလော်ရှင်နား ငေါလန်တိအောလ် ယောနခေါမ် ကုန်းဟြှလ်နောလ် အလို့ဟိလ့်ဘွာလ်။ပရောဖက်ယောနနိမိတ်လက္ခဏာဝေါလ်ကိ လွဲထေ့နား အစွာနိမိတ်လက္ခဏာ ဓေါင်ဟိုင်ဆီးဟီ။ 30ဟိဘော်ဟိုင်ရိုးနောက်ဟိုဝေါလ်စေး နိနေဝေလုဆော်လှီ့တွက် ပရောဖက်ယောနခေါမ် နိမိတ်လက္ခဏာ ပွလ်ဟှတ်တောလ် အထောလ်ဟိလ့်ဘော် ခေါင်စိုးခါ တုခေတ်ရိုးကိ ခေါင်လှီ့တွက် နိမိတ်လက္ခဏာပွလ်ဟှတ်တောလ် အထောလ်နိုက်။ 31တရားစီရင်ခေါမ် အချိန်ခိုက်လူးဟိုဝေါလ် ရှေဘဘီရိုးကိ ဆောင်ဖလောင်နူးနား#11:31 ရှေဘဆောင်ဖလောင်နူးနောက်ခေါမ် တောင်ပိုင်းလာမ်းမာလ်ကိ ဆောင်ဖလောင်နူးငေါလ် အထောလ်။ အင်မ်မုတောနား ဘီနောက်ခေါမ် အစ္စရေးဘီ တောင်ပိုင်းလာမ်းမာလ်အမယ်။ တုခေတ်ရိုးကိ တုလ်ထေ့နားစွဲချက်အတင်ငိုက်။ ဟိဘော်ဟိုင်ရိုးနောက်ဟိုဝေါလ်စေး အင်မ်ဆောင်ဖလောင်နူးနား ပညာရှိရှောလမုန်စငေါလ်ကိ ပညာမယ်တိခေခေါ ငေဟိုင်အလီခန်းနောလ် အလှမ်းနောက်ကာလ်ကိ ရှေဘီရိုးကိအလူးဟိလ့်လောဒ့်။ ဓေါ့်ဝေါလ်။ တုအောလ်နီဓိလ်နောလ် ပညာရှိရှောလမုန်ထက်ကာလ် မြင့်မြတ်တိ အခိုက်လူးပါလ်။ 32တရားစီရင်ခေါမ် အချိန်ခိုက်လူးဟိုဝေါလ် နိနေဝေလုဆော်လှီ့နား တုခေတ်ရိုးကိခေါင်လှီ့ တုလ်ထေ့နားစွဲချက်အာမ်တင်ငိုက်။ ဟိဘော်ဟိုင်ရိုးနောက်ဟိုဝေါလ်စေး အင်မ်လုဆော်လှီ့နောက်ခေါမ် ယောနနား အသွန်သင်ဟိတ့်ခေါမ်ကြောင့်ငေါလ် အပြစ်ဒုလ်စရိုက်ရိုးကိ နောင်တသံဝေဂ လောဒ့်ဘွာလ်တိလှီ့အောလ်အာမ်ထောလ်။ ဓေါ့်ဝေါလ်။ တုအောလ်နီဓိလ်နောလ် ပရောဖက်ယောနထက်ကာလ် ကြီးမြတ်တိခေါင်ပွလ်ဟှတ် အခိုက်လူးပါလ်” တိရို အမိန့်။
ပုန်းဓေါလ်တူဝေတိ မေးအိမ်း
(ရှင်မဿဲ ၅:၁၅၊ ၆:၂၂-၂၃)
33အင်မ်ပါလ်နောလ် ကိုယ်တော်နား “မေးတော်ဝေတိ မေးအိမ်း အူနားခါ ထုဆိုင်းယော်ဟ။ တောင်ဂွါးဝေါလ်ခါ တောယော်ဟ။ အင်မ်အစား အိမ်းဒုလ့်ကာလ် လူးတိလှီ့နား အဝြာလောဒ့်ဟိုင်ရိုး မေးအိမ်းခေါမ် မေးတိုင်ငေါလ်ယောင် အာမ်ပို့။ 34နာင်မီး မိတ်အူလှီ့နောက်ခေါမ် နာင်မီး ပုန်းဟှတ်လုံးထောက်ပံ့ပက်တိ မေးအိမ်းဓေါလ် အတူဝေ။ နာင်မီး မိတ်ပွန်ဟိုဝေါလ်ယောင် နာမ်ပုန်းဟှတ်လုံးနားအဝြာ လောဒ့်ခွတ်ထေ့နား နာမ်မိတ်ပွန်ယနားစေး နာင်မီးပုန်းယီဟှတ်လုံး အယှုန်ငိုက်။ 35အင်မ်ဘော်ခန်းနောလ် နာင်မီးတောဒ့်ကယ်ခေါမ် အဝြာရောင် အယှုန်ငေါလ်ထောလ်ယဟနောလ် ဂရုစိုက်ဘွတ်စူး။ 36အင်မ်ခန်းနောလ် အပုံငေါလ် နာင်မီးပုန်းယီဟှတ်လုံး ယှုန်နောက်ဓိလ်မယ်တီးကော် အဝြာဓေါလ်အတော်နောက်ဟိုဝေါလ်စေး မေးအိမ်းမာလ်တော်တိအဝြာခေါမ် နာင်မီးစငေါလ်အတော်ဘော် ဓိလ်တိုင်ခါ အဝြာဝိုက်” တိရို အမိန့်။
ခေါင်ပွန်ဟန်ဆောင်တလှီ့ ဖာရိရှဲလှီ့လား ကျမ်းဆလော်လှီ့
(ရှင်မဿဲ ၂၃:၁-၃၆။ ရှင်မာကု ၁၂:၃၈-၄၀)
37အင်မ်ဘော် အမိန့်ပါလ်နောလ် ဖာရိရှဲပွလ်ဟှတ်နား ကိုယ်တော်ယေရှု အမီဘုအေဟိုင် အအိမ်းမာလ်အဖိတ်။ ကိုယ်တော်ယေရှု အင်မ်အိမ်းမာလ်ကြွထေ့နား ဘုအေနောက်ကာလ်အငွာ။ 38ဂျူးခေါင်ယှီလှီ့စငေါလ် အေအောတ်အေလှောင်နောလ် ကွတ်ပွတ်တယ်လောဒ့်ဟိုင်ထုံအမယ်ခန်းနောလ် ကိုယ်တော်ခေါမ် ဘုအေလှာလ်နောလ် ကွတ်ပွတ်တယ်ယခေါမ် အင်မ်ဖာရိရှဲနား အမှူးဟိုဝေါလ်အစါစ်နောက်။
39အင်မ်ဟိုဝေါလ် ကိုယ်တော်ယေရှုနား အင်မ်ခေါင်လှီ့အောလ် “နာင်မီး ဖာရိရှဲလှီ့နား ပြာလာခွက်လှီ့ အခုံလာမ်းယောင်ပွတ်ထေ့နား နာမ်လုန်ဒုလ့်စေး လောဘလှီ့လား တရားယတိလှီ့အလုပိတ်။ 40ခေါင်ဆီးလှီ့အား၊ ဖုလော်ရှင်နား အဒုလ့်လားအပြင် ပွလ်နှိဓေါလ် အဖန်ဆင်း ဆီးယော်ဝြာ။ 41အင်မ်ခန်းနောလ် နာမ်လုန်ငေါလ် လောဘလန်ခေါမ် တရားယတိလှီ့မယ်တီးကော်ဝေါလ် နာင်မီးစငေါလ် မယ်တိလှီ့ စါက်ကယ်တိလှီ့အောလ် နာမ်ပက်ဟိုဝေါလ်စေး နာင်မီးနောက်ခေါမ် ဖုလော်ရှင်မော်ဝေါလ် အမှန်မီးကုံး သန့်ရှင်းတိလှီ့အောလ် နာမ်ထောလ်နိုက်။
42ဖာရိရှဲလှီ့အား နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား ဖုလော်ရှင်ငေါလ် #11:42 ပူစီဆယ်လား လျူဆယ်နောက်ခေါမ် စဉ့်မက်လား နံနံဘော် ဈီလွယ်တိ ဒိပ်ခိတ်တိ ဓူဝေါလ်ဝင်တိအောလ်ထောလ်။ပူစီဆယ်၊ လျူဆယ်လား တစွာဥယျာဉ်ရိုးကိထွက်တိ ဓူဝေါလ်ဝင်တိလှီ့အောလ်ကိ ဆယ်ဖို့တစ်ဖို့နာမ်လှူနားခါ ခေါင်လှီ့ မျှမျှတတ နာမ်ဆက်ဆံယဘော် ဖုလော်ရှင်ခါ ခစ်ယော်စု။ နာင်မီးနား ဖုလော်ရှင်ငေါလ် ဆယ်ဖို့တစ်ဖို့ နာင်လှူခေါမ်အပြင် အစွာခေါင်လှီ့အောလ်ခါ မျှမျှတတဆက်ဆံထေ့နား ဖုလော်ရှင်ခါ နာမ်ခစ်လောဒ့်အိုက်။ 43ဖာရိရှဲလှီ့အား၊ နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး ဓမ္မာရုံလှီ့အောလ်ခါ မော်ဆုံးငေါလ် ငွာဟိုင်နာမ်လီ။ ပါလ်နောလ်စေး ဈေးဒုလ့်ကာလ် ခေါင်လှီ့နား လေးလေးစားစား အာမ်ဘစ်တယ်ခေါမ်နာမ်လီ။
44ဖာရိရှဲလှီ့အား၊ နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီး အမှတ်သား မယ်ယတိ ခမ်းစူမ်းသပ့်လှီ့ဓေါလ် နာမ်တူဝေ။ ခေါင်လှီ့နား သန့်ရှင်ယခေါမ် အာမ်စုတ်င်ကော်ဝေါလ် အင်မ်စူသပ့်ခုံငေါလ် အာမ်ဈာတ်ရောခ့်ထေ့” တိရို အမိန့်။
45အင်မ်ဟိုဝေါလ် ကျမ်းဆလော်ပွလ်ဟှတ်နား ကိုယ်တော်ယေရှုအောလ် “ဆလော်ဝြား အင်မ်ဘော် နာမိန့်ခေါမ် ကေးမီးခါ နာစော်ကားယောင်” တိရို အဟောင်ဘွာလ်။ 46ကိုယ်တော်နား “ကျမ်းဆလော်လှီ့အား နာင်မီး ဆိတ်နာမ်ခမ်းပါလ်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား ခေါင်လှီ့အောလ် ယိခိတ်တိဝန်လာလှီ့ နာမ်ပါးဆောက်။ အင်မ်ဘော်နားခါ နာင်မီးနား အင်မ်ခေါင်လှီ့ ပါးခေါမ်ဝန်လှီ့ ကွတ်ရုန်းကုံးငေါလ်ခါလှမ်ယော်စူး။
47နာင်မီး ဆိတ်ခမ်းနာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး ဟမာလ် နာင်မီး ဆွားကိုင်လှီ့နား ဓုတ်ဟိလ့်ခေါမ် ပညာရှိပရောဖက်လှီ့တွက် အထိမ်းအမှတ်စူဂူလှီ့နာမ်စိုင်း ပက်ခန်းနောလ်ထောလ်။ 48အင်မ်ဘော် နာမ်စိုင်းခေါမ် နာင်မီး ဆွာကိုင်လှီ့ စိုင်းဟိလ့်ခေါမ် အမှန်တိရို နာမ်ခိလ်နယ်ခန်းနောလ်ထောလ်။ အင်မ်ဘော် ဆီးယနားစေး နာင်မီးနား အင်မ်လှီ့ ဓုတ်ဟိလ့်ခေါမ် ပညာရှိပရောဖက်လှီ့တွက် စူဂူလှီ့ စိုင်းပက်ဟိုင်ဆီးယော်စူး။ 49အင်မ်ခန်းနောလ် ကိမ်ကိမ်စူးတိ ဖုလော်ရှင်နား နာင်မီးစငေါလ် ‘ပညာရှိပရောဖက်လှီ့လား သာဝကလှီ့ အတိဟိလ့်။ အင်မ်ဘော်နားခါ နာင်မီးနား အင်မ်ပရောဖက်လှီ့၊ တမန်တော်လှီ့ တချို့ဓူးထေ့နား တချို့စေး အာမ်ဆဆ္ဆီနောက်ကိုက်’ တိရို အမိန့်ဟိလ့်။ 50ဆုမ်သပ့်အစဟိုဝေါလ်ကထု နာင်မီး ဆွားကိုင်လှီ့နား အာမ်ဓုတ်ဟိလ့်ခေါမ် ပညာရှိပရောဖက်လှီ့ကိမ်ကိမ်တွက် တုခေတ်ရိုးကိ ခေါင်လှီ့နား ပြစ်ဒဏ်စီရင်ခေါမ် အာမ်ခံလောဒ့်အိုက်။ 51အင်မ်လှီ့စေး ပရောဖက် အာဗေလအောလ်#11:51 အာဗေလနောက်ခေါမ် ဓမ္မဟောင်းကျမ်းဒုလ့်ကာ စိပ်စိပ်အဓုတ်ခံဟိလ့်လောဒ့်တိအောလ်အထောလ်။ ဇာခရိစေး နောက်ဆုံးအဓုတ်ခံဟိလ့်လောဒ့်တိအောလ်အထောလ်။ ကထုစအယ်နား ဗိမာန်တော်ဒုလ့်ကာလ်ကိ မြင့်မြတ်တိဓိလ်လား ပူဇော်ပလ္လင် ကိုးကိုဝေါလ် အဓုတ်ခံဟိလ့်လောဒ့်တိ ဇာခရိစိ။ အင်မ်ဘော်ခန်းနောလ် နီလှီ့ကိမ်ကိမ်တွက် တုခေတ်ခေါင်စိုးလှီ့အပြစ် ပက်ခေါမ်ခံလောဒ့်ဟိုင် အသေချာယောင်။
52ကျမ်းဆလော်လှီ့အား၊ နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား ဖုလော်ရှင်ဓေါလ်ဆိုင်တိ အသိပညာဆောလ့်ဖွင့်နောက် ဆွ စီမ်းမေထေ့နား နာမ်ပုန်းဟိုးခါ ဝင်ယော်စု။ အစွာခေါင်လှီ့ဝင်ဟိုင်ခါ နာမ်ငိုင်းယေ” တိရို အမိန့်။
53အင်မ်ဘော် အမိန့်ပါလ်နောလ် ကျမ်းဆလော်လှီ့လား ဖာရိရှဲလှီ့နား ကိုယ်တော်ခေါမ် တပြင်းအာမ်လုန်နားဆဆုနောက်ခန်းနောလ် ကိုယ်တော်ဝေါလ် အစွာအကြောင်းလှီ့ဓေါလ် ပါတ်သတ်ကာလ်နား မေးခွန်းလှီ့ အာမ်ဟိ့။ 54အင်မ်လှီ့နား ကိုယ်တော်မိန့်ခေါမ် ခေခေါလှီ့အောလ် အမှားအူဟှဟှတ် ပူလ်နားစေး ကိုယ်တော်ခေါမ် စွပ်စွဲဟိုင် အာမ်လီခန်းနောလ် အနီးကပ်အာမ်စောင်။
ទើបបានជ្រើសរើសហើយ៖
ရှင်လုကာ 11: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 11
11
အခန်း (၁၁)
ကိုယ်တော်ယေရှုနား ဆုတောင်ဟိုင်အဆောင်ပက်ခေါမ်
(ရှင်မဿဲ ၆:၉-၁၃၊ ၇:၇-၁၁)
1နှိုပ်ဟှတ်တောလ် ကိုယ်တော်ယေရှု ဓိလ်ဟှတ်တောလ် ဆုအတောင်။ ဆုအတောင်ပါလ်နောလ် အတပည့်လှီ့ဒုလ့်ကာလ်ကိပွလ်ဟှတ်နား “အရှင်ငါး၊ သွီးဓေါလ်သန့်စင်ခေါမ်ပေးတိ ဆလော်ယောဟန်နား အတပည့်လှီ့အောလ် ဆုတောင်ဟိုင်အဆောင်ပက်ဘော် ကေးမီးရိုးခါ ဆုတောင်ဟိုင်ဆောင်ပက်မိုဝြား” တိရို အလျှောက်။ 2အင်မ်ဟိုဝေါလ် ကိုယ်တော်ယေရှုနား အင်မ်လှီ့အောလ် “ဆုနာမ်တောင်ဟိုဝေါလ်
‘ပေါလ်ဖုလော်ရှင်ငါး၊ ခေါင်တိုင်နား မြင့်မြတ်တိ ဖုလော်ရှင်မိန် အာမ်ရိုသေဟိုင် ကေးမီးနား ဆုကာမ်တောင်။ ဖုလော်ရှင်နား ခေါင်ပွလ်ဟှတ်စီမ်မာလ် အုပ်စိုးဟိုင်ခါ ကေးမီးနား ဆုကာမ်တောင်။
ဖုလော်ရှင် ကြွလူးထေ့နား ခေါင်ပွလ်ဟှတ်စီမာလ် အုပ်စိုးဘွတ်။
3ကေးမီးတွက် နှိုပ်တိုင်နှိုပ်တိုင်လီခေါမ် အေဟိုင်အောတ်ဟိုင်လှီ့ ပေးဘွတ်။
4ကေးမီးရိုး အပြစ်စိုင်းတိခေါင်လှီ့ခါ
ကေးမီးနား ခွင့်ကာမ်လွှတ်ဘော်
ကေးမီးဒုစရိုက်အပြစ်ခါ ခွင့်လွှတ်ပက်ဘွတ်။
ကေးမီးနား အပြစ်လှီ့စိုင်းပါ့ယဟနောလ်
ဖြားယောင်းခေါမ်ခါ ကာကွယ်ပက်ဘွတ်’ တိရို ဆုတောင်ဘွတ်စူး” တိရို အမိန့်။
တောင်းဘွတ်စူး၊ ဆူလ်ဘွတ်စူး၊ ဆောလ့်ခေါက်ဘွတ်စူး
5အင်မ်ပါလ်နောလ် ကိုယ်တော်ယေရှုနား အထာကွန်ဟှတ် “နာင်မီးဒုလ့်ကာလ်ကိ ပွလ်ဟှတ်နား ခီပွီပွလ်ဟှတ်အိမ်းမာလ် ခူယျောင်တူထိမ် ပေါင်မုန့်ပူဝေဟိုင် အဈာတ်တိရိုး ဟောင်ဝြား။ 6နာင်နား အင်မ်နောလ် ‘ခီပွီးယား၊ ကေး ခီပွီပွလ်ဟှတ် ခရီးအဈာတ်နောက်ကာလ်ကိ ကေးစငေါလ် အခိုက်လူး။ ကေးနား အင်မ်ကေခိန်းနောက်ဟိုင် အီခါမယ်တီးယခန်းနောလ် ကေးရိုး မုန့်လုံးထုမ်ဘောင် ပူမိုဝြား’ တိရို နာဟောင်နားခါ 7အင်မ်နား ‘ကေး နှောက်ယှက်ကော့အား၊ ဆော့လ်လှီ့ခါ ကေခါးပါလ်၊ ကေးစိုးလှီ့ခါ ကေးဓေါလ်ဟှတောလ် အာမ်အိပ်ဟိလ့်။ အိပ်နောက်ကာလ်ကိထောထေ့နား အီခါပေးလူးခွတ်တီးယော်’ တိရို အိမ်းဒုလ့်ကာလ်ကထု အဟောင်ဘွာလ်ဝိုက်။ 8နာင်ငေါလ် ဟောင်ဟိုင်ကေလီခေါမ်စေး အင်မ်ခေါင် နာင် ခီပွီပွလ်ဟှတ်တောလ်ထောလ်နားခါ အိပ်နောက်ကာလ်ကိထောထေ့နား နာင်ငေါလ် အီခါပေးလူးဟိုင်ဆီးယော်။ အင်မ်ဘော်နားခါ အားလျှော့ကော် ဆက်ကယ်နား နာတောင်းဟိုဝေါလ်စေး အင်မ်ခေါင်နား အပုန်းဟို့ဆီးတင်ကာကွယ်ဟိုင်တွက် အိပ်နောက်ကာလ်ကိထောထေ့နား နာင်လီခေါမ်ဟို့ အပက်လူဝိုက်။
9အင်မ်ခန်းနောလ် နာင်မီးရိုး ဟောင်ဟိုင်ကေလီခေါမ်စေး တောင်ဘွတ်စူး၊ နာမ်လောဒ့်စီရိုက်။ ဆူလ်တိနား အာမ်မှူးအိုက်။ ဆော့လ်ခေါက်ဘွတ်စူး၊ အဖွင့်ပက်တိုက်။ 10တောင်တိတိုင်နား အာမ်လောဒ်အိုက်။ ဆူလ်တိတိုင်နား အမှူးလောဒ့်အိုက်။ ဆော့လ်ခေါက်တိတိုင်ငေါလ် ဖွင့်ပက်တိုက်။
11အပုံဘောင်ငေါလ် စိုးနောင်လှီ့နား ငေါအာမ်တောင်နားစေး နာင်မီးဒုလ့်ကာလ်ကိ ဟိဘောင်ပေါလ်နား ဖွာရ်အပက်တိုက်။ 12အပုံငေါလ် စိုးနောင်လှီ့နား အာတူရ် အာမ်တောင်းဟိုဝေါလ် နာင်မီးဒုလ့်ကာလ်ကိ ဟိဘောင်ပေါလ်နား တီအပက်တိုက်။ 13အင်မ်ဘော်ခန်းနောလ် နာင်မီး ပွန်ယတိလှီ့အောလ် နာမ်ထောလ်နားခါ နာမ်စိုးနောင်လှီ့အောလ် ပွန်တိလှီ့ယောင် ပက်လောဒ့်အိုက်နောက်ခေါမ် နာမ်စုတ်င်ဟိုဝေါလ်စေး ဟြှားလုအောလ်ကိ ဖုလော်ရှင်နားခါ အပုန်းဟိုဝေါလ်စငေါလ် တောင်ငယ်တိ အူဝေါလ်ခါဆီးဆတ် ဉာဏ်အလင်းတော်ကုံးခါ အပက်ဟိုင်အဆင်သင့်အမယ်” တိရို အမိန့်။
ကိုယ်တော်ယေရှုလားနောတ်ဆီးဆောင်ဖလောင် ဗေလဇေဗုလ
(ရှင်မဿဲ ၁၂:၂၂-၃၀။ ရှင်မာကု ၃:၂၀-၂၇)
14နှိုပ်ဟှတ်တောလ် ကိုယ်တော်ယေရှုနား ခေါင်ပွလ်ဟှတ် ခေခေါယဟနောလ် ပူအယ်တိ နောတ်ဆီးလူဟှတ် အဆှုတ်။ အင်မ်နောတ်ဆီးအထွက်ဘွာလ်ဟိုဝေါလ် ခေခွတ်ယတိ အခေဘွာလ်ခွတ်ဟိုဝေါလ် ခေါင်ထုလှီ့နား အာမ်စါစ်နောက်။ 15အင်မ်ဘော်နားခါ ခေါင်တချို့နား “နီခေါင်နား နောတ်ဆီးဆောင်ဖလောင် ဗေလဇေဗုလစငေါလ်ကိ တန်ခိုးလှီ့ဓေါလ် အင်မ်နောတ်ဆီးလှီ့ အဆှုတ်ခေါမ်ယောင်” တိရို အာမ်ဟောင်။ 16အစွာခေါင်လှီ့နား ကိုယ်တော်စမ်းသပ်ဟိုင်အာမ်လီခန်းနောလ် အင်မ်လှီ့နား ကိုယ်တော် တန်ခိုးနောက်ခေါမ် ဟြှားလုအောလ်ကိ ဖုလော်ရှင်စငေါလ်ကိ အလူးနောက်ခေါမ် စါစ်နောက်ဟိုင်နိမိတ်လက္ခဏာလှီ့ အူဟှတ်ဟှတ်ဓေါင်ဟိုင် အာမ်တောင်။
17ကိုယ်တော်နား အင်မ်ခေါင်လှီ့လုန်ဒုလ့်ကာလ် ဟိဘော် အာမ်စဉ်းစားနောက်ခေါမ် အစုတ်င်ခန်းနောလ် အင်မ်လှီ့အောလ် “နိုင်ငံဟှတ်တောလ်မယ်တိခေါင်လှီ့ခါ ပွလ်ဟှတ်လားပွလ်ဟှတ် အာမ်တိုက်ခိုက်ယေတောင်နားစေး အင်မ်နိုင်ငံခေါမ် ပြိုကွဲထေ့နား အပျက်စီးရိုက်။ မိသားစုစုဟှတ်တောလ်ကိ ခေါင်လှီ့ခါ ပွလ်ဟှတ်လားပွလ်ဟှတ် အာမ်တိုက်ခိုက်ယေတောင်နားစေး အင်မ်မိသားစုခေါမ် အာမ်ပြိုကွဲရိုက်။ 18အပုံငေါလ် မာရ်နောတ်လား နောတ်ဆီးလှီ့ အာမ်ပုန်းဟို့ချင်းချင်း အာမ်တိုက်ခိုက်ယေနားစေး အင်မ်လှီ့နိုင်ငံ ဟိဘော် အာမ်တည်မြဲခွတ်ကိုက်။ တုအောလ် ကေးနား နီဘော်ကေဟောင်လောဒ့်ခေါမ်စေး ကေးနား ဗေလဇေဗုလ တန်ခိုးအာဏာဓေါလ် နောတ်ဆီးလှီ့ ကေဆှုတ်တိရို နာင်မီးနား နာမ်ဟောင်။ 19အပုံငေါလ် ကေးနား ဗေလဇေဗုလတန်ခိုးဝေါလ် နောတ်ဆီးလှီ့ ကေဆှုတ်နောက်ဟိုဝေါလ်စေး နာင်မီး တပည့်လှီ့နား ဟအူတန်ခိုးဝေါလ် နောတ်ဆီးလှီ့ အာမ်ဆှုတ်။ အင်မ်ခန်းနောလ် နာင်မီးတပည့်လှီ့နောက်ခေါမ် နာင်မီး နာမ်မှားနောက်ခေါမ် သက်သေလှီ့အောလ် အာမ်ထောလ်။ 20အင်မ်ဘော်နားခါ အပုံငေါလ် ကေးနား ဖုလော်ရှင်တန်ခိုး အသုံးပြုထေ့နား နောတ်ဆီးလှီ့ ကေဆှုတ်ခန်းနောလ် နာင်မီးစငေါလ် ဖုလော်ရှင်သာသနာတော် အခိုက်ပါလ်နောက်ခေါမ် သက်သေဓေါင်ခွတ်ပါလ်” တိရို အမိန့်။
21အင်မ်ပါလ်နောလ် ကိုယ်တော်နား အပုန်းဟို့ မာရ်နောတ်ထောက်ကာလ် တန်ခိုးလန်နောက်ခေါမ် ပုံဥပမာဝေါလ် အမိန့်ခေါမ်စေး “ခွန်အားလန်တိ ခေါင်ပွလ်ဟှတ်နား လက်နက်လှီ့ဓေါလ် အအိမ်းဟိုး အစောင့်ဟိုဝေါလ် အပိုင်ခေါမ်လှီ့ကိမ်ကိမ် လုံခြုံမှုအမယ်။ 22အင်မ်ဘော်နားခါ အင်မ်ထက်ကာလ် ခွန်အားလန်တိနား အင်မ်ခေါင် အတိုက်ခိုက်လူးဟိုဝေါလ် အနိုင်နားစေး အအားကိုးခေါမ် လက်နက်လှီ့သိမ်းထေ့နား အသိမ်းလူးခေါမ်ပစ္စည်းလှီ့ အစွာခေါင်လှီ့ဓေါလ်ဟှတ်တောလ် အဖဲ့ယေရိုက်။
23ကေးလာမ်းမာလ်မယ်ယတိ အူခါဆီးဆတ် ကေးဆန့်ကျင်တိအောလ် အာမ်ထောလ်။ ဖုလော်ရှင်တွက် ခေါင်လှီ့စုဝေးဟိုင် ကေးကူညီယတိလှီ့ခေါင်လှီ့ ဖုလော်ရှင်စငေါလ်ကိ အလှမ်းမာလ်ဈာတ်ဟနောလ် စိုင်းတိလှီ့အောလ်အာမ်ထောလ်” တိရို အမိန့်။
လူးဘွာလ်တိနောတ်ဆီး
24ကိုယ်တော်ယေရှုနား ဆက်ကယ်နား ခေါင်လှီ့အောလ် ပုံဥပမာပုဒ်ဟှတ်တောလ် အမိန့်ဘွာလ်တီခေါမ်စေး “နောတ်ဆီးလူဟှတ် အပူးကပ်နောက် ခေါင်စငေါလ်ကိ ထွက်ထေ့နား ခေါင်မယ်နောက်ယဒိုင်ဒုလ့်ကာလ် အမယ်နောက်ဟိုင်ဓိလ်အဆူလ်။ အင်မ်ဘော်နားခါ အမယ့်နောက်ဟိုင် ဓိလ်အဆူလ်ဟိုဝေါလ် အမှူးယခန်းနောလ် ‘ကေမယ်ဖူနောက် ခေါင်စငေါလ်ယောင် ကေဈာတ်ဘွာလ့်ဝိုက်’ တိရိုဟောင်ထေ့နား အလူးဘွာလ်။ 25အခိုက်ယေဘွာလ်ဟိုဝေါလ် အင်မ်ခေါင်ယောင် သန့်ရှင်းထေ့နား မယ်ယေဖားနောက်ဟိုင်အိမ်းအလွတ်ဘော် အမှူး။ 26အင်မ်ဟိုဝေါလ် နောတ်ဆီးနား အပုန်းဟို့ထက်ကာလ် ဆီးတိ နောတ်ဆီးလူဆိ့ အဟောင်ဝေ။ အင်မ်နောတ်ဆီးလှီ့ကိမ်ကိမ် အင်မ်ခေါင်စငေါလ် အာမ်ပူးကပ်ဟိုဝေါလ် အင်မ်ခေါင်ခေါမ် ဟမာလ်ကိထက်ကာလ် အဆိုးဝါးလူး” တိရို အမိန့်။
ခူလ်ပွန်တိလှီ့
27ကိုယ်တော်ယေရှုနား ခေါင်ထုလှီ့အောလ် တရားလှီ့အဟောဟိုဝေါလ် အင်မ်ခေါင်လှီ့ဒုလ့်ကာလ်ကိ မုတောပွလ်ဟှတ်နား “အရှင် ဇောနိုးပက်ထေ့နား ပြုစုဟိ့လ်တိ အရှင်နားအနူးစေး အခူလ်ပွန်တိပွလ်ဟှတ်တောလ် အထောလ်” တိရို အလျှောက်။
28အင်မ်ဟိုဝေါလ် ကိုယ်တော်နား “နီခေခေါခေါမ် အမှန်။ အင်မ်ဘော်နားခါ ဖုလော်ရှင်နှုတ်ကပတ်တော်လှီ့ ငေခွင့်လောဒ့်ထေ့နား လိုက်နာတိလှီ့ယောင် အမှန်မီးကုံး ခူလ်ပွန်တိလှီ့အောလ် အာမ်ထောလ်” တိရို အဟောင်ဘွာလ်။
ပရောဖက်ယောနနိမိတ်လက္ခဏာ
(ရှင်မဿဲ ၁၂:၃၈-၄၂)
29ခေါင်ထုပရိတ်သတ်လှီ့နား ကိုယ်တော်ယေရှု အာမ်ဝိုင်းလူးဟိုဝေါလ် ကိုယ်တော်နား “တုခေတ်ရိုးကိ ခေါင်လှီ့ ဆိုးဝါးတိလှီ့အောလ် အာမ်ထောလ်။ ဟိဘော်ဟိုင်ရိုးနောက်ဟိုဝေါလ်စေး အင်မ်လှီ့နား နိမိတ်လက္ခဏာဓေါင်ဟိုင် တောင်နားခါ #11:29 ယောန=ဟမာလ်မယ်ဟိလ့်တိ ပရောဖက်ပါးဟှတ်တောလ်အထောလ်။ ငေါလန်ပိုးတိနား အင်မ်ဒွါအုတ်ထေ့နား နှိုပ်ထုမ်ဓီပါလ်နောလ် ဖုလော်ရှင်နား ငေါလန်တိအောလ် ယောနခေါမ် ကုန်းဟြှလ်နောလ် အလို့ဟိလ့်ဘွာလ်။ပရောဖက်ယောနနိမိတ်လက္ခဏာဝေါလ်ကိ လွဲထေ့နား အစွာနိမိတ်လက္ခဏာ ဓေါင်ဟိုင်ဆီးဟီ။ 30ဟိဘော်ဟိုင်ရိုးနောက်ဟိုဝေါလ်စေး နိနေဝေလုဆော်လှီ့တွက် ပရောဖက်ယောနခေါမ် နိမိတ်လက္ခဏာ ပွလ်ဟှတ်တောလ် အထောလ်ဟိလ့်ဘော် ခေါင်စိုးခါ တုခေတ်ရိုးကိ ခေါင်လှီ့တွက် နိမိတ်လက္ခဏာပွလ်ဟှတ်တောလ် အထောလ်နိုက်။ 31တရားစီရင်ခေါမ် အချိန်ခိုက်လူးဟိုဝေါလ် ရှေဘဘီရိုးကိ ဆောင်ဖလောင်နူးနား#11:31 ရှေဘဆောင်ဖလောင်နူးနောက်ခေါမ် တောင်ပိုင်းလာမ်းမာလ်ကိ ဆောင်ဖလောင်နူးငေါလ် အထောလ်။ အင်မ်မုတောနား ဘီနောက်ခေါမ် အစ္စရေးဘီ တောင်ပိုင်းလာမ်းမာလ်အမယ်။ တုခေတ်ရိုးကိ တုလ်ထေ့နားစွဲချက်အတင်ငိုက်။ ဟိဘော်ဟိုင်ရိုးနောက်ဟိုဝေါလ်စေး အင်မ်ဆောင်ဖလောင်နူးနား ပညာရှိရှောလမုန်စငေါလ်ကိ ပညာမယ်တိခေခေါ ငေဟိုင်အလီခန်းနောလ် အလှမ်းနောက်ကာလ်ကိ ရှေဘီရိုးကိအလူးဟိလ့်လောဒ့်။ ဓေါ့်ဝေါလ်။ တုအောလ်နီဓိလ်နောလ် ပညာရှိရှောလမုန်ထက်ကာလ် မြင့်မြတ်တိ အခိုက်လူးပါလ်။ 32တရားစီရင်ခေါမ် အချိန်ခိုက်လူးဟိုဝေါလ် နိနေဝေလုဆော်လှီ့နား တုခေတ်ရိုးကိခေါင်လှီ့ တုလ်ထေ့နားစွဲချက်အာမ်တင်ငိုက်။ ဟိဘော်ဟိုင်ရိုးနောက်ဟိုဝေါလ်စေး အင်မ်လုဆော်လှီ့နောက်ခေါမ် ယောနနား အသွန်သင်ဟိတ့်ခေါမ်ကြောင့်ငေါလ် အပြစ်ဒုလ်စရိုက်ရိုးကိ နောင်တသံဝေဂ လောဒ့်ဘွာလ်တိလှီ့အောလ်အာမ်ထောလ်။ ဓေါ့်ဝေါလ်။ တုအောလ်နီဓိလ်နောလ် ပရောဖက်ယောနထက်ကာလ် ကြီးမြတ်တိခေါင်ပွလ်ဟှတ် အခိုက်လူးပါလ်” တိရို အမိန့်။
ပုန်းဓေါလ်တူဝေတိ မေးအိမ်း
(ရှင်မဿဲ ၅:၁၅၊ ၆:၂၂-၂၃)
33အင်မ်ပါလ်နောလ် ကိုယ်တော်နား “မေးတော်ဝေတိ မေးအိမ်း အူနားခါ ထုဆိုင်းယော်ဟ။ တောင်ဂွါးဝေါလ်ခါ တောယော်ဟ။ အင်မ်အစား အိမ်းဒုလ့်ကာလ် လူးတိလှီ့နား အဝြာလောဒ့်ဟိုင်ရိုး မေးအိမ်းခေါမ် မေးတိုင်ငေါလ်ယောင် အာမ်ပို့။ 34နာင်မီး မိတ်အူလှီ့နောက်ခေါမ် နာင်မီး ပုန်းဟှတ်လုံးထောက်ပံ့ပက်တိ မေးအိမ်းဓေါလ် အတူဝေ။ နာင်မီး မိတ်ပွန်ဟိုဝေါလ်ယောင် နာမ်ပုန်းဟှတ်လုံးနားအဝြာ လောဒ့်ခွတ်ထေ့နား နာမ်မိတ်ပွန်ယနားစေး နာင်မီးပုန်းယီဟှတ်လုံး အယှုန်ငိုက်။ 35အင်မ်ဘော်ခန်းနောလ် နာင်မီးတောဒ့်ကယ်ခေါမ် အဝြာရောင် အယှုန်ငေါလ်ထောလ်ယဟနောလ် ဂရုစိုက်ဘွတ်စူး။ 36အင်မ်ခန်းနောလ် အပုံငေါလ် နာင်မီးပုန်းယီဟှတ်လုံး ယှုန်နောက်ဓိလ်မယ်တီးကော် အဝြာဓေါလ်အတော်နောက်ဟိုဝေါလ်စေး မေးအိမ်းမာလ်တော်တိအဝြာခေါမ် နာင်မီးစငေါလ်အတော်ဘော် ဓိလ်တိုင်ခါ အဝြာဝိုက်” တိရို အမိန့်။
ခေါင်ပွန်ဟန်ဆောင်တလှီ့ ဖာရိရှဲလှီ့လား ကျမ်းဆလော်လှီ့
(ရှင်မဿဲ ၂၃:၁-၃၆။ ရှင်မာကု ၁၂:၃၈-၄၀)
37အင်မ်ဘော် အမိန့်ပါလ်နောလ် ဖာရိရှဲပွလ်ဟှတ်နား ကိုယ်တော်ယေရှု အမီဘုအေဟိုင် အအိမ်းမာလ်အဖိတ်။ ကိုယ်တော်ယေရှု အင်မ်အိမ်းမာလ်ကြွထေ့နား ဘုအေနောက်ကာလ်အငွာ။ 38ဂျူးခေါင်ယှီလှီ့စငေါလ် အေအောတ်အေလှောင်နောလ် ကွတ်ပွတ်တယ်လောဒ့်ဟိုင်ထုံအမယ်ခန်းနောလ် ကိုယ်တော်ခေါမ် ဘုအေလှာလ်နောလ် ကွတ်ပွတ်တယ်ယခေါမ် အင်မ်ဖာရိရှဲနား အမှူးဟိုဝေါလ်အစါစ်နောက်။
39အင်မ်ဟိုဝေါလ် ကိုယ်တော်ယေရှုနား အင်မ်ခေါင်လှီ့အောလ် “နာင်မီး ဖာရိရှဲလှီ့နား ပြာလာခွက်လှီ့ အခုံလာမ်းယောင်ပွတ်ထေ့နား နာမ်လုန်ဒုလ့်စေး လောဘလှီ့လား တရားယတိလှီ့အလုပိတ်။ 40ခေါင်ဆီးလှီ့အား၊ ဖုလော်ရှင်နား အဒုလ့်လားအပြင် ပွလ်နှိဓေါလ် အဖန်ဆင်း ဆီးယော်ဝြာ။ 41အင်မ်ခန်းနောလ် နာမ်လုန်ငေါလ် လောဘလန်ခေါမ် တရားယတိလှီ့မယ်တီးကော်ဝေါလ် နာင်မီးစငေါလ် မယ်တိလှီ့ စါက်ကယ်တိလှီ့အောလ် နာမ်ပက်ဟိုဝေါလ်စေး နာင်မီးနောက်ခေါမ် ဖုလော်ရှင်မော်ဝေါလ် အမှန်မီးကုံး သန့်ရှင်းတိလှီ့အောလ် နာမ်ထောလ်နိုက်။
42ဖာရိရှဲလှီ့အား နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား ဖုလော်ရှင်ငေါလ် #11:42 ပူစီဆယ်လား လျူဆယ်နောက်ခေါမ် စဉ့်မက်လား နံနံဘော် ဈီလွယ်တိ ဒိပ်ခိတ်တိ ဓူဝေါလ်ဝင်တိအောလ်ထောလ်။ပူစီဆယ်၊ လျူဆယ်လား တစွာဥယျာဉ်ရိုးကိထွက်တိ ဓူဝေါလ်ဝင်တိလှီ့အောလ်ကိ ဆယ်ဖို့တစ်ဖို့နာမ်လှူနားခါ ခေါင်လှီ့ မျှမျှတတ နာမ်ဆက်ဆံယဘော် ဖုလော်ရှင်ခါ ခစ်ယော်စု။ နာင်မီးနား ဖုလော်ရှင်ငေါလ် ဆယ်ဖို့တစ်ဖို့ နာင်လှူခေါမ်အပြင် အစွာခေါင်လှီ့အောလ်ခါ မျှမျှတတဆက်ဆံထေ့နား ဖုလော်ရှင်ခါ နာမ်ခစ်လောဒ့်အိုက်။ 43ဖာရိရှဲလှီ့အား၊ နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး ဓမ္မာရုံလှီ့အောလ်ခါ မော်ဆုံးငေါလ် ငွာဟိုင်နာမ်လီ။ ပါလ်နောလ်စေး ဈေးဒုလ့်ကာလ် ခေါင်လှီ့နား လေးလေးစားစား အာမ်ဘစ်တယ်ခေါမ်နာမ်လီ။
44ဖာရိရှဲလှီ့အား၊ နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီး အမှတ်သား မယ်ယတိ ခမ်းစူမ်းသပ့်လှီ့ဓေါလ် နာမ်တူဝေ။ ခေါင်လှီ့နား သန့်ရှင်ယခေါမ် အာမ်စုတ်င်ကော်ဝေါလ် အင်မ်စူသပ့်ခုံငေါလ် အာမ်ဈာတ်ရောခ့်ထေ့” တိရို အမိန့်။
45အင်မ်ဟိုဝေါလ် ကျမ်းဆလော်ပွလ်ဟှတ်နား ကိုယ်တော်ယေရှုအောလ် “ဆလော်ဝြား အင်မ်ဘော် နာမိန့်ခေါမ် ကေးမီးခါ နာစော်ကားယောင်” တိရို အဟောင်ဘွာလ်။ 46ကိုယ်တော်နား “ကျမ်းဆလော်လှီ့အား နာင်မီး ဆိတ်နာမ်ခမ်းပါလ်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား ခေါင်လှီ့အောလ် ယိခိတ်တိဝန်လာလှီ့ နာမ်ပါးဆောက်။ အင်မ်ဘော်နားခါ နာင်မီးနား အင်မ်ခေါင်လှီ့ ပါးခေါမ်ဝန်လှီ့ ကွတ်ရုန်းကုံးငေါလ်ခါလှမ်ယော်စူး။
47နာင်မီး ဆိတ်ခမ်းနာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး ဟမာလ် နာင်မီး ဆွားကိုင်လှီ့နား ဓုတ်ဟိလ့်ခေါမ် ပညာရှိပရောဖက်လှီ့တွက် အထိမ်းအမှတ်စူဂူလှီ့နာမ်စိုင်း ပက်ခန်းနောလ်ထောလ်။ 48အင်မ်ဘော် နာမ်စိုင်းခေါမ် နာင်မီး ဆွာကိုင်လှီ့ စိုင်းဟိလ့်ခေါမ် အမှန်တိရို နာမ်ခိလ်နယ်ခန်းနောလ်ထောလ်။ အင်မ်ဘော် ဆီးယနားစေး နာင်မီးနား အင်မ်လှီ့ ဓုတ်ဟိလ့်ခေါမ် ပညာရှိပရောဖက်လှီ့တွက် စူဂူလှီ့ စိုင်းပက်ဟိုင်ဆီးယော်စူး။ 49အင်မ်ခန်းနောလ် ကိမ်ကိမ်စူးတိ ဖုလော်ရှင်နား နာင်မီးစငေါလ် ‘ပညာရှိပရောဖက်လှီ့လား သာဝကလှီ့ အတိဟိလ့်။ အင်မ်ဘော်နားခါ နာင်မီးနား အင်မ်ပရောဖက်လှီ့၊ တမန်တော်လှီ့ တချို့ဓူးထေ့နား တချို့စေး အာမ်ဆဆ္ဆီနောက်ကိုက်’ တိရို အမိန့်ဟိလ့်။ 50ဆုမ်သပ့်အစဟိုဝေါလ်ကထု နာင်မီး ဆွားကိုင်လှီ့နား အာမ်ဓုတ်ဟိလ့်ခေါမ် ပညာရှိပရောဖက်လှီ့ကိမ်ကိမ်တွက် တုခေတ်ရိုးကိ ခေါင်လှီ့နား ပြစ်ဒဏ်စီရင်ခေါမ် အာမ်ခံလောဒ့်အိုက်။ 51အင်မ်လှီ့စေး ပရောဖက် အာဗေလအောလ်#11:51 အာဗေလနောက်ခေါမ် ဓမ္မဟောင်းကျမ်းဒုလ့်ကာ စိပ်စိပ်အဓုတ်ခံဟိလ့်လောဒ့်တိအောလ်အထောလ်။ ဇာခရိစေး နောက်ဆုံးအဓုတ်ခံဟိလ့်လောဒ့်တိအောလ်အထောလ်။ ကထုစအယ်နား ဗိမာန်တော်ဒုလ့်ကာလ်ကိ မြင့်မြတ်တိဓိလ်လား ပူဇော်ပလ္လင် ကိုးကိုဝေါလ် အဓုတ်ခံဟိလ့်လောဒ့်တိ ဇာခရိစိ။ အင်မ်ဘော်ခန်းနောလ် နီလှီ့ကိမ်ကိမ်တွက် တုခေတ်ခေါင်စိုးလှီ့အပြစ် ပက်ခေါမ်ခံလောဒ့်ဟိုင် အသေချာယောင်။
52ကျမ်းဆလော်လှီ့အား၊ နာင်မီး ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား ဖုလော်ရှင်ဓေါလ်ဆိုင်တိ အသိပညာဆောလ့်ဖွင့်နောက် ဆွ စီမ်းမေထေ့နား နာမ်ပုန်းဟိုးခါ ဝင်ယော်စု။ အစွာခေါင်လှီ့ဝင်ဟိုင်ခါ နာမ်ငိုင်းယေ” တိရို အမိန့်။
53အင်မ်ဘော် အမိန့်ပါလ်နောလ် ကျမ်းဆလော်လှီ့လား ဖာရိရှဲလှီ့နား ကိုယ်တော်ခေါမ် တပြင်းအာမ်လုန်နားဆဆုနောက်ခန်းနောလ် ကိုယ်တော်ဝေါလ် အစွာအကြောင်းလှီ့ဓေါလ် ပါတ်သတ်ကာလ်နား မေးခွန်းလှီ့ အာမ်ဟိ့။ 54အင်မ်လှီ့နား ကိုယ်တော်မိန့်ခေါမ် ခေခေါလှီ့အောလ် အမှားအူဟှဟှတ် ပူလ်နားစေး ကိုယ်တော်ခေါမ် စွပ်စွဲဟိုင် အာမ်လီခန်းနောလ် အနီးကပ်အာမ်စောင်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.