ရှင်လုကာ 10
10
အခန်း (၁၀)
တပည့်တော် ဆိ့ကိပ်တိခေါမ်
1အင်မ်ပါလ်နောလ် ကိုယ်တော်နား အစွာတပည့်လှီ့ #10:1 တပည့်တော် ဆိကိပ်= အစွာကျမ်းရိုးစေး ဆိကိပ်ဆလာ ပွလ်နှိတိရို အပူလ်။ဆိ့ကိပ် ရွေးထေ့နား ပွလ်နှိတွဲဟှတ် အပုန်းဟို့ကြွနောက်ဟိုင် လုတိုင်နာမ်းတိုင်ငေါလ် ကြိုတင်ငယ်နား အတိ။ 2ကိုယ်တော်နား အင်မ်လှီ့ အတိလှောင်နောလ် အမိန့်ခေါမ်စေး “ကေး လက်ခံထေ့နား ယုမ်ဟိုင်လှီ့ အဆင်သင့်ထောလ်တိခေါင်လှီ့ ပူနူးမယ်နားခါ အင်မ်လှီ့အောလ် ဆီးတင်ပွန် ဟောဟိုင်ခေါင်လှီ့စေး အာမ်နည်း။ အင်မ်လှီ့နောက်ခေါမ် ယှိုင်းဟိုင် အဆင်သင့်မယ်တိ လိုင်ကွင်းလန်ဒုလ့်ကာလ်ကိစောင်လှီ့ဓေါလ် အာမ်တူဝေ။ အင်မ်ဘော်နားခါ အင်မ်လိုင်ဒုလ့်ကာလ်ကိစောင်ယှိုင်းဟိုင် အလုပ်ဆော်လှီ့ပူနူးမယ်ယော်ဟ။ အင်မ်ခန်းနောလ် လိုင်မို့အောလ်ထောလ်တိ ဖုလော်ရှင်စငေါလ် အလိုင်ဒုလ့်ကာလ် စောင်ယှိုင်းဟိုင် ခေါင်ပူနူးတိလူးပက်ဟိုင် ဆုတောင်ဘွတ်စူး။ 3တုကုံးငေါလ် ဈာတ်တောလ်။ အင်မ်ဘော်နားခါ နာင်မီး ကေတိခေါမ် ရက်စက်တိလှီ့နှီးဖွဲ့ဒုလ့်ကာလ် သိုးစောလှီ့ ကတိခေါမ်ဘော် အန္တာရာယ်လှီ့ဓေါလ် နာမ်ရင်ဆိုင်လောဒ့်အိုက်။ 4နာင်မီး နာမ်ဈာတ်ဟိုဝေါလ် ဒေါင်းဂိုအိတ်၊ ခရီးဆောင်အိတ်၊ ဖိနပ်အပိုလှီ့ ဈိအယ်ကော့စူး။ လာမ်းမာလ်ခါ တုလ်ထေ့နား ခေါင်လှီ့နှုတ်ဆက်ဗာန် အချိန်ဖြုန်းကော့စူး။
5နာင်မီး အိမ်းအိမ်းဟှတ်တောလ် နာမ်ဝင်ဟိုဝေါလ် ‘နီအိမ်းမာလ်မယ်တိခေါင်လှီ့ကိမ်ကိမ် ငြိမ်းချမ်းဆတ်ဟ’ တိရို အရင်ငေါလ်ဟောင်ဘွတ်စူး။ 6အင်မ်အိမ်းမာလ်ကိ ခေါင်လှီ့နား ငြိမ်းချမ်းခေါမ် အာမ်လီဟိုဝေါလ်စေး နာင်မီးပက်ခေါမ် ငြိမ်းချမ်းခေါမ် အင်မ်လှီ့နား အာမ်လောဒ့်အိုက်။ အင်မ်ဘော်နားခါ အင်မ်လှီ့နား အာမ်လီယနားစေး နာင်မီးဟောင်ခေါမ် ငြိမ်းချမ်းခေါမ် အင်မ်လှီ့နား လောဒ့်ဟိုင်ဆီးယော်ဟ။ 7နာင်မီး အင်မ်အိမ်းမာလ် မယ်ထေ့နား အိမ်းမို့လှီ့နား အာမ်ပက်ခေါမ် အေဘွတ်စူး။ ဟိဘော်ဟိုင်ရိုးနောက်ဟိုစေး ဟိုဆော်လှီ့နား ခိုဇောက် အာမ်လောဒ့်သင့်ခန်းနောလ်။ အိမ်းဟှတ်နားအိမ်းဟှတ် လင်လော်ကော့စူး။
8လုလုဟှတ်တောလ် နာမ်ဝင်ဟိုဝေါလ် အင်မ်လုအောလ်ကိ ခေါင်လှီ့နား လက်အာမ်ခံနားစေး အင်မ်လှီ့နား အာမ်ပက်ခေါမ် အေဘွတ်စု။ 9စာန်းယတိလှီ့ နာမ်ဓူပက်ဟိုဝေါလ် ‘ဖုလော်ရှင်သာသနာတော် နာင်မီးစငေါလ် ခိုက်လူးဟိုင် အချိန်အဟျှော်လူးပါလ်’ တိရို အင်မ်လှီ့အောလ် ဟောင်ဘွတ်စူး။ 10အင်မ်ဘော်နားခါ အင်မ်လုအောလ်ကိ ခေါင်လှီ့နား နာင်မီး လက်အာမ်ခံယနားစေး လာမ်းမာလ် ထွက်ထေ့နား 11‘နာင်မီးရိုး သတိပက်ခေါမ်အနေရိုး ကေးမီး ခူဖော်ဝေါလ်ကိ သပ့်ကာမ်ဟွတ်ဟိလ့်တိုက်။ အင်မ်အပြင် ဖုလော်ရှင်သာသနာတော် နာင်မီးစငေါလ် အခိုက်လူးဟိုင် အချိန်အဟျှော်ပါလ် နောက်ခေါမ် နာင်မီးနား နာမ်စုတ်င်ဟိုင်ကာမ်လီ’ တိရို ဟောင်ဟိလ့်ဘွတ်စူး။ 12နာင်မီးရိုး ကေဟောင်ဝိုက်။ တရားစီရင်ခေါမ်နှိုပ်ပါလ် ဖုလော်ရှင်နား အင်မ်လုအောလ်မယ်တိခေါင်လှီ့ #10:12 သောဒုံလု=ဂျော်ဒန်နိုင်ငံ ဂျော်ဒန်မြစ် အရှေ့ဘက်ကမ်းနေရာ၊ သောဒုံလုလား ဂေါမောရလုလှီ့နောက်ခေါမ် အဆိုးသွမ်းဟိလ့်ခန်းနောလ် ဖုလော်ရှင်နား အဖျက်စီးဟိလ့်ခေါမ် လု လုနှိအောလ် အထောလ်။သောဒုံလုအောလ် မယ်တိခေါင်လှီ့ထောက်ကာလ် ပိုဝေနား ဆိုးဆိုးဝါးဝါး အပြစ်ပက်ခေါမ် အာမ်ခံလောဒ့်အိုက်” တိရို အမိန့်။
နောင်တလောဒ့်ယတိ လုလှီ့
(ရှင်မဿဲ ၁၁:၂၀-၂၄)
13အထာကွန်ဟှတ် ကိုယ်တော်နား အမိန့်ခေါမ်စေး “ခေါရာဇိန်လုဆော်လှီ့၊ နာင်မီး ဆိတ်နာမ်ခမ်းမိုက်ဟိလ့်၊ ဗက်ဇဲဒလုဆော်လှီ့ခါ ဆိတ်အာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးစငေါလ် စိုင်းဟိလ့်ခေါမ် စါစ်နောက်ဟိုင်နိမိတ်လက္ခဏာလှီ့ တုရုလား#10:13 တုရုလားဇိဒုံလုနောက်ခေါမ် အစ္စရေးနိုင်ငံ မြောက်လာမ်းမာလ်မယ်ထေ့နား ဂျူးခေါင်ယှီလှီ့ဆီးယတိလှီ့ မယ်နောက်လု။ ဇိဒုန်လုအောလ် စိုင်းဟိလ့်ဟိုဝေါလ်စေး အင်မ်လုအောလ်ကိ ခေါင်လှီ့ခေါမ် ဟမာလ်ကထု လျှော်တေကြမ်း ဆူဆောက်ခုအယ်ထေ့နားဝှိုင်ဝိ့တောလ်#10:13 လျော်တေဆူဆောက် ဝီဝေထေ့နား ဝိုင်ဝိတ်တောလ်ငွာ နောက်ခေါမ်စေး ဟမာလ်ကိ ခေါင်လှီ့နား အာမ်ပုန်းဟို့ အပြစ်တွက် နောင်တလောဒ့်ခေါမ် ဆီးယနား အာမ်လုန်ပွန်ယအောလ်ထောလ်ခေါမ် အာမ်ဓေါင်ဟိုဝေါလ် ကြမ်းတမ်းထေ့နား အဆင်ပြေယတိ ဆူဆောက်ဝီဝေထေ့နား အာမ်လီကီဝေါလ် ဝိုင်ဝိတ်တောလ်အာမ်ငွာခေါမ်ဓလေ့။ ငွာထေ့နား နောင်တအာမ်လောဒ့်ဟိလ့်တိုက်။ 14တရားစီရင်ခေါမ်နှိုပ်ပါလ် ဖုလော်ရှင်နား တုရုလား ဇိဒုန်လုအောလ်ကိ ခေါင်လှီ့ထောက်ကာလ် နာင်မီး ပိုဝေနား ဆိုးဆိုးဝါးဝါး စီရင်ခေါမ် နာမ်ခံလောဒ့်အိုက်။ 15ကပေရနောင် လုဆော်လှီ့အား၊ နာင်မီးနောက်ခေါမ် ဟြှားလုစိ ချီးမြှင့်မြောက်စားခေါမ် နာမ်ခံလောဒ့်အိုက် တိရို နာမ်ခိန်နယ်ယာ။ အင်မ်ဘော်ဆီးယော်။ အင်မ်အစား နာင်မီး ငရဲရိုး ဈာတ်ဟိုင်လှီ့ယောင်” တိရို အမိန့်။
16အင်မ်ပါလ်နောလ် ကိုယ်တော်နား အတပည့်လှီ့အောလ် “နာင်မီးခေခေါ ငေတိခေါင်လှီ့စေး ကေးခေခေါ ငေတိလှီ့အောလ် အာမ်ထောလ်။ နာင်မီး လက်ခံယတိ ခေါင်လှီ့နောက်ခေါမ် ကေး လက်ခံယတိ ခေါင်လှီ့အောလ်ထောလ်ထေ့နား ကေးလက်ခံယတိခေါင်လှီ့နောက်ခေါမ် ကေးတိလူးတိ ဖုလော်ရှင်ခါ လက်ခံယတိလှီ့အောလ် အာမ်ထောလ်” တိရို အမိန့်။
တပည့်တော်ဆိ့ကိပ် အာမ်ခိုက်လူးဘွာလ်ခေါမ်
17တပည့်တော်ဆိ့ကိပ် အာမ်ခိုက်လူးဘွာလ်ဟိုဝေါလ် အင်မ်လှီ့နား ပျော်ဗာန် “အရှင်ငါး၊ ကေးမီးနား ခေါင်လှီ့စငေါလ်ကိထွက်ဟိုင် နောတ်ဆီးလှီ့ နာင်မိန်ဆုမ်မယ်ထေ့နား အမိန့်ကာမ်ပက်ဟိုဝေါလ် နောတ်ဆီးလှီ့နား အာမ်နာခံ” တိရို အာမ်လျှောက်။
18ကိုယ်တော်နားခါ “မာရ်နောတ်ရှုမ်ထေ့နား နေဟြှလ်နောလ်ကိ ကာဖားလလှောက်ဘော် အကိုးလူးခေါမ် ကေမှူး။ 19ကေးနား နာင်မီးရိုး ဖွာရ်ဆီးလှီ့လား တီလှီ့ဘော် နောတ်ဆီးလိထေ့နား ဟမီးဆုန်ပွီရိုးထောလ်တိ မာရ်နောတ်တန်ခိုးကိမ်ကိမ် နိုင်ခွတ်ခေါမ် ခွင့်အာဏာ ကေပက်ပါလ်ခန်းနောလ် အီဘောင်နားခါ နာင်မီးထိခိုက်ဟနောလ် စိုင်းခွတ်တီးဟိုင်ဆီးယော်။ 20အင်မ်ဘော်နားခါ နာင်မီး နောတ်ဆီးလှီ့နား အာမ်နာခံခေါမ်ဟို့အောလ် ပျော်ကော့စူး။ အင်မ်အစား နာင်မီး မိန်လှီ့ ဟြှားလုအောလ် မှတ်တယ်ခေါမ် ခံလောဒ့်ဟိုဝေါလ်ယောင် ပျော်ဘွတ်စူး” တိရို အမိန့်။
ကိုယ်တော်ယေရှု ပျော်ခေါမ်
(ရှင်မဿဲ ၁၁:၂၅-၂၇၊ ၁၃:၁၆-၁၇)
21အင်မ်ချိန်ငေါလ် ကိုယ်တော်ခေါမ် ဉာဏ်အလင်းတော်ကြောင့်ငေါလ် တပြင်းကုံးအပျော်ခန်းနောလ် “ဟြှားလုလား ဆုမ်သပ့်ကာလ်ကိကိမ်ကိမ်ကိ ပိုင်ထေ့နားအုပ်စိုးတိ ပေါလ်ဖုလော်ရှင်ငါး။ နီအမှန်တရားလှီ့ ပုန်းနားပုန်းဟို့ ပညာမယ်ထေ့နား ဉာဏ်ပညာထက်မြက်တိရို ခိန်နယ်တိလှီ့အောလ် စူးခွင့်နာပက်ကော်ဝေါလ် ဒိပ်စောလှီ့ဘော် ပုန်းဟိုနားပုန်းဟို့နိုမ့်ချအေတိလှီ့အောလ် နီအမှန်တရားလှီ့ စူးခွင့်နာပက်ခန်းနောလ် ကေဆိအယ်နောက်။ အင်မ်လှီ့နောက်ခေါမ် ပေါလ်ဖုလော်ရှင် လီမယ်ခေါမ်ဘော် အထောလ်လောဒ့်နောက်ခေါမ် ကေးနား ကေစုတ်င်။
22ပေါလ်ဖုလော်ရှင်နား ကေးရိုး ကိမ်ကိမ်အပက်။ ဖုလော်ရှင်နားအစိုး ဟအူနောက်ခေါမ် ပေါလ်ဖုလော်ပါးဟှတ်နားယောင် အစုတ်င်။ ပေါလ်ဖုလော်ရှင် ဟအူနောက်ခေါမ် စုတ်င်ဟနောလ် ကေးနား ကေရွေးချယ်ခေါမ် ခေါင်လှီ့အောလ်ကိ လွဲထေ့နား အူနားခါစူးယော်ဟ” တိရို အမိန့်။
23အင်မ်ပါလ်နောလ် ကိုယ်တော်နား အတပည့်လှီ့လာမ်းမာလ် မောင်ထေ့နား “တုအောလ် နီလှီ့ နာင်မီးနား နာမ်မှူးလောဒ့်ခေါမ်လှီ့ မှူးလောဒ့်တိလှီ့ခါ အာမ်ခူလ်ပွန်။ 24နာင်မီးရိုး အမှန်ကေဟောင်လောဒ့်အိုက်နောက်ဟိုဝေါလ်စေး ဟမာလ် ပရောဖက်လှီ့လား ဆောင်ဖလောင်လှီ့ကုံးနားခါ နာင်မီး မှူးရောက်လောဒ့်ခေါမ်လှီ့ကိမ်ကိမ် မှူးဟိုင်၊ ရောက်ဟိုင် အာမ်လီဟိလ့်။ အင်မ်ဘော်နားခါ အင်မ်လှီ့နား မှူးရောဟိလ့်လောဒ့်ယော်ဟ” တိရို အမိန့်။
ရှမာရိ ခေါင်ပွန်ပွလ်ဟှတ်ပုံဥပမာ
25နှိုပ်ဟှတ်တောလ် ကိုယ်တော်နား ခေါင်လှီ့အောလ် ဖုလော်ရှင်နှုတ်ကပတ်တော် အဟောလှူဟိုဝေါလ် ကျမ်းဆလော်ပွလ်ဟှတ်နား ကိုယ်တော်ဝေါလ် ထော့ထေ့နား “ဆလော်ဝြား၊ #10:25 နိစ္စထာဝရဆောက်င်=အထာကွန်ဟှတ် မွေးဖွားလူးခေါမ် မယ်တိကောဝေါလ် သံသရာဝဋ် ဆင်းရဲရိုးကိ လွတ်မြောက်ခေါမ်။ နိစ္စထာဝရဆောက်င် လောဒ့်ဟိုင်တွက်ကာလ် ဟအီလှီ့ စိုင်းလောဒ့်အိုက်” တိရို စမ်းသပ်ဟိုင်အလီခန်းနောလ် အဟိ့။
26အင်မ်ဟိုဝေါလ် ကိုယ်တော်ယေရှုနား “မောရှေပညတ်ကျမ်းရိုး ဟအီလှီ့ အရော့ကယ်၊ နာင်နား ဟိဘော် နာင်ယှောက်စုတ်င်” တိရို အဟိ့ဟိုဝေါလ် 27အင်မ်နား “မောရှေပညတ်ကျမ်းရိုး နာင်မီး အရှင်ငေါလ်ထောလ်တိဖုလော်ရှင်ခေါမ် ပုန်း၊ လုန်၊ နှလုံး ပါးထုမ်လုံးငေါလ် ယုမ်ကြည်ကိုးကွယ်ဘွတ်စူး။ နာင်အိမ်းစင်းပွီခါ နာပုန်းဟို့ နာခစ်တယ်ဘော် ခစ်ဘွတ်” တိရို အပူလ် တိရို အဟောင်။
28ကိုယ်တော်နား “နာင် အဖြေမှန်။ နီဘော် နာင်စိုင်းဟိုဝေါလ်စေး နာင်နားနောက်ခေါမ် နိစ္စထာဝါရအဆောက်င် နာလောဒ့်အိုက်” တိရို အမိန့်။
29အင်မ်ဘော်နားခါ ကျမ်းဆလော်နား အပုန်းဟို့ အမှန်နောက်ခေါမ် ဓေါင်ဟိုင် အလီဝေခန်းနောလ် ကိုယ်တော်ဝေါလ် “အင်မ်ဘော်နောက်ဟိုဝေါလ်စေး ကေးမီး အိမ်းစင်းပွီနောက်ခေါမ်စေး ဟအူ” တိရို အဟိ့။ 30အင်မ်ဟိုဝေါလ် ကိုယ်တော်နား “နှိုပ်ဟှတ်တောလ် ခေါင်ပွလ်ဟှတ် ဂျေရုဆလင်လုအောလ်ကထု ဂျေရိခေါလုအောလ် အဈာတ်ဟိုဝေါလ် လာမ်းမာလ် ဓားပြလှီ့ဓေါလ် အခမ်းမေ။ ဓါးပြလှီ့နား အင်မ်ခေါင် ပူလ်နောက်ခေါမ်လှီ့ ဟူ့ထေ့နား အင်မ်ခေါမ် ဘာ့လ်ဟိုင်ထုထောလ်ဟနောလ် မွာထေ့နား အာမ်တောဒ့်ဟိလ့်။ 31အင်မ်ပါလ်နောလ် ဂျူးပုရောဟိတ်ပွလ်ဟှတ် အင်မ်လာမ်းဘော် အလူး။ အင်မ်ခေါင်အမှိုလှီ့ဓေါလ်အဟြမ်းခေါမ် အမှူးဟိုဝေါလ် အစွာလာမ်းမာလ် ဖင်းနယ်ထေ့နား အဈာတ်တောက်။ 32အင်မ်ပါလ်နောလ် လေဝိခေါင်ယှီဒုလ့်ကာလ်ကိပွလ်ဟှတ် ဗိမာန်တော်အကူခါ အင်မ်ဓိလ်နောလ် ခိုက်လူးထေ့နား အင်မ်ခေါင်ဟြမ်းခေါမ်မှူးဗာန် အစွာလာမ်းဘော် ဖန်နယ်ထေ့နား အဈာတ်တောက်ဘွာလ်တီး။ 33အင်မ်ဘော်နားခါ ရှမာရိနာမ်းမာလ်ကိ ပုတောပွလ်ဟှတ် ခရီးအထွက်လူးဟိုဝေါလ် အင်မ်ဓိလ်နောလ် အခိုက်လူး။ အင်မ်နား အင်မ်ခေါင် အမှူးဟိုဝေါလ် တပြင်းကုံးအမာနယ်။ 34အင်မ်ခန်းနောလ် အင်မ်စငေါလ် အဈာတ်တယ်ထေ့နား အင်မ်ခေါင် အမှိုလှီ့ #10:34 အင်မ်ချိန်ငေါလ် ဂျူးခေါင်ယှီလှီ့နား စပျစ်ဝိုင်စေး ပိုးဘာလ့်ဟိုင်တွက်ကာလ်အာမ်ဆုမ်မေ။ သံလွင်ဆီစေး မှိုဆောက်ဆာဟိုင်တွက်ကာလ် အာမ်ဆုမ်မေ။သံလွင်ဆီလား စပျစ်ဝိုင်လှီ့အောလ် ပွတ်ပက်ထေ့နား ဆူဆောက်ကာလ် အပတ်ပက်။ အင်မ်ပါလ်နောလ် မြည်းခုံးငေါလ်တင်ထေ့နား တည်းနောက်ကာလ် အဈိပူလ်နောက်။ အင်မ် တည်းခိုနောက်ကာလ် ခိုက်ယေပါလ်နောလ် အင်မ်ခေါင်အပြုစုပက်။ 35အထာနှိုပ်ဟှတ် ခူအဝြာဟိုဝေါလ် အင်မ်နား အတည်းနောက်အမို့အောလ် ဒေနာရီဒေါင်းဂိုကာပ်နှိပေးထေ့နား ‘ဆိအယ်နိုးထေ့နား နီပြုစုပက်မော်ဘွတ်။ နီထက်ကာလ် ပိုဝေနားအဘွတ်ဟိုဝေါလ်ခါ ကေလူးဘွာလ်ဟိုဝေါလ် ကေပက်ဘွာလ်ဝိုက်’ တိရို အဟောင်ဟိလ့်” တိရို အမိန့်။
36အင်မ်ဟိုဝေါလ် ကိုယ်တော်ယေရှုနား အင်မ်ကျမ်းဆလော်ဝေါလ် “အင်မ်ခေါင်ပွလ်ထုမ်ဒုလ့်ကာလ်ကိ ဓါးပြတိုက်ခံလောဒ့်တိနား အအိမ်းစင်းပွီအစစ်စေး ဟအူဝေါလ်အထောလ်နိုက်တိရို နာခိန်” တိရို အဟိ့။
37အင်မ်ကျမ်းဆလော်နား “ဓါးပြတိုက်ခံလောဒ့်တိ မာနယ်တိအောလ် အထောလ်” တိရို အဟောင်ဘွာလ်။ ကိုယ်တော်နား “နာင်ခါ အင်မ်ဘော် ကျင့်ကြံဘွတ်” တိရို အမိန့်။
မာသလား မာရိ
38အင်မ်ပါလ်နောလ် ကိုယ်တော်ယေရှုလား အတပည့်လှီ့ ဆက်ကယ်နား ခရီးအာမ်ဈာတ်ဟိုဝေါလ် နာမ်းနာမ်းဟှတ်တောလ် အာမ်ခိုက်ယေ။ အင်မ်နာမ်းမာလ်ကိ မာသ မိန်နိုးတိ မုတောပွလ်ဟှတ်နား ကိုယ်တော်လား အတပည့်လှီ့ အအိမ်းမာလ်အဖိတ်။ 39အင်မ်မုတောနား မာရိတိရို မိန်နိုးတိ အနောင်မုတောစောပွလ်ဟှတ်ခါအတောဒ့်ကယ်။ အင်မ်မုတော ကိုယ်တော်ယေရှုခူဇောလ်ဝေါလ် ငွာထေ့နား ကိုယ်တော်ဟောခေါမ် တရားတော်လှီ့အငေ။ 40အင်မ်ဘော်နားခါ မာသစေး ခိန်းလှီ့ ခိန်းနောက်ဟိုင်တွက် အဆို့ဆာတ်ကာလ်။ နောက်ဆုံးငေါလ် မာသခေါမ် ကိုယ်တော်ယေရှုကာဝေါလ်ဈာတ်ထေ့နား “အရှင်ငါး၊ ကေးနောင်နား အလုပ်လှီ့ကိမ်ကိမ် ကေအာဘွတ်နား စိုင်းလောဒ့်ဟနောလ် အတောဒ့်ဟိလ့်ခေါမ်စေးမှန်ကန်ယော်။ ဆိအယ်နိုးထေ့နား ကေးအဖူရ်ဟိုင် ဟောင်ပက်မော်ဝြား” တိရို အလျှောက်။
41အင်မ်ဟိုဝေါလ် ကိုယ်တော်နား “မာသ၊ မာသ နာင်နောက်ခေါမ် အမှုကိစ္စလှီ့တွက် နာဆဆော်ယောင်။ 42အင်မ်ဘော်နားခါ အရေးကြီးတိစေး ပွလ်ဟှတ်ယောင်အမယ်။ မာရိနားစေး အင်မ်အရေးကြီးတိ အရွေးချယ်ပါလ်။ အင်မ်စေး မာရိစငေါလ်ကိ ဖယ်ရှားဝေါလ် လောဒ့်တီးယော်” တိရို အမိန့်။
ទើបបានជ្រើសរើសហើយ៖
ရှင်လုကာ 10: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 10
10
အခန်း (၁၀)
တပည့်တော် ဆိ့ကိပ်တိခေါမ်
1အင်မ်ပါလ်နောလ် ကိုယ်တော်နား အစွာတပည့်လှီ့ #10:1 တပည့်တော် ဆိကိပ်= အစွာကျမ်းရိုးစေး ဆိကိပ်ဆလာ ပွလ်နှိတိရို အပူလ်။ဆိ့ကိပ် ရွေးထေ့နား ပွလ်နှိတွဲဟှတ် အပုန်းဟို့ကြွနောက်ဟိုင် လုတိုင်နာမ်းတိုင်ငေါလ် ကြိုတင်ငယ်နား အတိ။ 2ကိုယ်တော်နား အင်မ်လှီ့ အတိလှောင်နောလ် အမိန့်ခေါမ်စေး “ကေး လက်ခံထေ့နား ယုမ်ဟိုင်လှီ့ အဆင်သင့်ထောလ်တိခေါင်လှီ့ ပူနူးမယ်နားခါ အင်မ်လှီ့အောလ် ဆီးတင်ပွန် ဟောဟိုင်ခေါင်လှီ့စေး အာမ်နည်း။ အင်မ်လှီ့နောက်ခေါမ် ယှိုင်းဟိုင် အဆင်သင့်မယ်တိ လိုင်ကွင်းလန်ဒုလ့်ကာလ်ကိစောင်လှီ့ဓေါလ် အာမ်တူဝေ။ အင်မ်ဘော်နားခါ အင်မ်လိုင်ဒုလ့်ကာလ်ကိစောင်ယှိုင်းဟိုင် အလုပ်ဆော်လှီ့ပူနူးမယ်ယော်ဟ။ အင်မ်ခန်းနောလ် လိုင်မို့အောလ်ထောလ်တိ ဖုလော်ရှင်စငေါလ် အလိုင်ဒုလ့်ကာလ် စောင်ယှိုင်းဟိုင် ခေါင်ပူနူးတိလူးပက်ဟိုင် ဆုတောင်ဘွတ်စူး။ 3တုကုံးငေါလ် ဈာတ်တောလ်။ အင်မ်ဘော်နားခါ နာင်မီး ကေတိခေါမ် ရက်စက်တိလှီ့နှီးဖွဲ့ဒုလ့်ကာလ် သိုးစောလှီ့ ကတိခေါမ်ဘော် အန္တာရာယ်လှီ့ဓေါလ် နာမ်ရင်ဆိုင်လောဒ့်အိုက်။ 4နာင်မီး နာမ်ဈာတ်ဟိုဝေါလ် ဒေါင်းဂိုအိတ်၊ ခရီးဆောင်အိတ်၊ ဖိနပ်အပိုလှီ့ ဈိအယ်ကော့စူး။ လာမ်းမာလ်ခါ တုလ်ထေ့နား ခေါင်လှီ့နှုတ်ဆက်ဗာန် အချိန်ဖြုန်းကော့စူး။
5နာင်မီး အိမ်းအိမ်းဟှတ်တောလ် နာမ်ဝင်ဟိုဝေါလ် ‘နီအိမ်းမာလ်မယ်တိခေါင်လှီ့ကိမ်ကိမ် ငြိမ်းချမ်းဆတ်ဟ’ တိရို အရင်ငေါလ်ဟောင်ဘွတ်စူး။ 6အင်မ်အိမ်းမာလ်ကိ ခေါင်လှီ့နား ငြိမ်းချမ်းခေါမ် အာမ်လီဟိုဝေါလ်စေး နာင်မီးပက်ခေါမ် ငြိမ်းချမ်းခေါမ် အင်မ်လှီ့နား အာမ်လောဒ့်အိုက်။ အင်မ်ဘော်နားခါ အင်မ်လှီ့နား အာမ်လီယနားစေး နာင်မီးဟောင်ခေါမ် ငြိမ်းချမ်းခေါမ် အင်မ်လှီ့နား လောဒ့်ဟိုင်ဆီးယော်ဟ။ 7နာင်မီး အင်မ်အိမ်းမာလ် မယ်ထေ့နား အိမ်းမို့လှီ့နား အာမ်ပက်ခေါမ် အေဘွတ်စူး။ ဟိဘော်ဟိုင်ရိုးနောက်ဟိုစေး ဟိုဆော်လှီ့နား ခိုဇောက် အာမ်လောဒ့်သင့်ခန်းနောလ်။ အိမ်းဟှတ်နားအိမ်းဟှတ် လင်လော်ကော့စူး။
8လုလုဟှတ်တောလ် နာမ်ဝင်ဟိုဝေါလ် အင်မ်လုအောလ်ကိ ခေါင်လှီ့နား လက်အာမ်ခံနားစေး အင်မ်လှီ့နား အာမ်ပက်ခေါမ် အေဘွတ်စု။ 9စာန်းယတိလှီ့ နာမ်ဓူပက်ဟိုဝေါလ် ‘ဖုလော်ရှင်သာသနာတော် နာင်မီးစငေါလ် ခိုက်လူးဟိုင် အချိန်အဟျှော်လူးပါလ်’ တိရို အင်မ်လှီ့အောလ် ဟောင်ဘွတ်စူး။ 10အင်မ်ဘော်နားခါ အင်မ်လုအောလ်ကိ ခေါင်လှီ့နား နာင်မီး လက်အာမ်ခံယနားစေး လာမ်းမာလ် ထွက်ထေ့နား 11‘နာင်မီးရိုး သတိပက်ခေါမ်အနေရိုး ကေးမီး ခူဖော်ဝေါလ်ကိ သပ့်ကာမ်ဟွတ်ဟိလ့်တိုက်။ အင်မ်အပြင် ဖုလော်ရှင်သာသနာတော် နာင်မီးစငေါလ် အခိုက်လူးဟိုင် အချိန်အဟျှော်ပါလ် နောက်ခေါမ် နာင်မီးနား နာမ်စုတ်င်ဟိုင်ကာမ်လီ’ တိရို ဟောင်ဟိလ့်ဘွတ်စူး။ 12နာင်မီးရိုး ကေဟောင်ဝိုက်။ တရားစီရင်ခေါမ်နှိုပ်ပါလ် ဖုလော်ရှင်နား အင်မ်လုအောလ်မယ်တိခေါင်လှီ့ #10:12 သောဒုံလု=ဂျော်ဒန်နိုင်ငံ ဂျော်ဒန်မြစ် အရှေ့ဘက်ကမ်းနေရာ၊ သောဒုံလုလား ဂေါမောရလုလှီ့နောက်ခေါမ် အဆိုးသွမ်းဟိလ့်ခန်းနောလ် ဖုလော်ရှင်နား အဖျက်စီးဟိလ့်ခေါမ် လု လုနှိအောလ် အထောလ်။သောဒုံလုအောလ် မယ်တိခေါင်လှီ့ထောက်ကာလ် ပိုဝေနား ဆိုးဆိုးဝါးဝါး အပြစ်ပက်ခေါမ် အာမ်ခံလောဒ့်အိုက်” တိရို အမိန့်။
နောင်တလောဒ့်ယတိ လုလှီ့
(ရှင်မဿဲ ၁၁:၂၀-၂၄)
13အထာကွန်ဟှတ် ကိုယ်တော်နား အမိန့်ခေါမ်စေး “ခေါရာဇိန်လုဆော်လှီ့၊ နာင်မီး ဆိတ်နာမ်ခမ်းမိုက်ဟိလ့်၊ ဗက်ဇဲဒလုဆော်လှီ့ခါ ဆိတ်အာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးစငေါလ် စိုင်းဟိလ့်ခေါမ် စါစ်နောက်ဟိုင်နိမိတ်လက္ခဏာလှီ့ တုရုလား#10:13 တုရုလားဇိဒုံလုနောက်ခေါမ် အစ္စရေးနိုင်ငံ မြောက်လာမ်းမာလ်မယ်ထေ့နား ဂျူးခေါင်ယှီလှီ့ဆီးယတိလှီ့ မယ်နောက်လု။ ဇိဒုန်လုအောလ် စိုင်းဟိလ့်ဟိုဝေါလ်စေး အင်မ်လုအောလ်ကိ ခေါင်လှီ့ခေါမ် ဟမာလ်ကထု လျှော်တေကြမ်း ဆူဆောက်ခုအယ်ထေ့နားဝှိုင်ဝိ့တောလ်#10:13 လျော်တေဆူဆောက် ဝီဝေထေ့နား ဝိုင်ဝိတ်တောလ်ငွာ နောက်ခေါမ်စေး ဟမာလ်ကိ ခေါင်လှီ့နား အာမ်ပုန်းဟို့ အပြစ်တွက် နောင်တလောဒ့်ခေါမ် ဆီးယနား အာမ်လုန်ပွန်ယအောလ်ထောလ်ခေါမ် အာမ်ဓေါင်ဟိုဝေါလ် ကြမ်းတမ်းထေ့နား အဆင်ပြေယတိ ဆူဆောက်ဝီဝေထေ့နား အာမ်လီကီဝေါလ် ဝိုင်ဝိတ်တောလ်အာမ်ငွာခေါမ်ဓလေ့။ ငွာထေ့နား နောင်တအာမ်လောဒ့်ဟိလ့်တိုက်။ 14တရားစီရင်ခေါမ်နှိုပ်ပါလ် ဖုလော်ရှင်နား တုရုလား ဇိဒုန်လုအောလ်ကိ ခေါင်လှီ့ထောက်ကာလ် နာင်မီး ပိုဝေနား ဆိုးဆိုးဝါးဝါး စီရင်ခေါမ် နာမ်ခံလောဒ့်အိုက်။ 15ကပေရနောင် လုဆော်လှီ့အား၊ နာင်မီးနောက်ခေါမ် ဟြှားလုစိ ချီးမြှင့်မြောက်စားခေါမ် နာမ်ခံလောဒ့်အိုက် တိရို နာမ်ခိန်နယ်ယာ။ အင်မ်ဘော်ဆီးယော်။ အင်မ်အစား နာင်မီး ငရဲရိုး ဈာတ်ဟိုင်လှီ့ယောင်” တိရို အမိန့်။
16အင်မ်ပါလ်နောလ် ကိုယ်တော်နား အတပည့်လှီ့အောလ် “နာင်မီးခေခေါ ငေတိခေါင်လှီ့စေး ကေးခေခေါ ငေတိလှီ့အောလ် အာမ်ထောလ်။ နာင်မီး လက်ခံယတိ ခေါင်လှီ့နောက်ခေါမ် ကေး လက်ခံယတိ ခေါင်လှီ့အောလ်ထောလ်ထေ့နား ကေးလက်ခံယတိခေါင်လှီ့နောက်ခေါမ် ကေးတိလူးတိ ဖုလော်ရှင်ခါ လက်ခံယတိလှီ့အောလ် အာမ်ထောလ်” တိရို အမိန့်။
တပည့်တော်ဆိ့ကိပ် အာမ်ခိုက်လူးဘွာလ်ခေါမ်
17တပည့်တော်ဆိ့ကိပ် အာမ်ခိုက်လူးဘွာလ်ဟိုဝေါလ် အင်မ်လှီ့နား ပျော်ဗာန် “အရှင်ငါး၊ ကေးမီးနား ခေါင်လှီ့စငေါလ်ကိထွက်ဟိုင် နောတ်ဆီးလှီ့ နာင်မိန်ဆုမ်မယ်ထေ့နား အမိန့်ကာမ်ပက်ဟိုဝေါလ် နောတ်ဆီးလှီ့နား အာမ်နာခံ” တိရို အာမ်လျှောက်။
18ကိုယ်တော်နားခါ “မာရ်နောတ်ရှုမ်ထေ့နား နေဟြှလ်နောလ်ကိ ကာဖားလလှောက်ဘော် အကိုးလူးခေါမ် ကေမှူး။ 19ကေးနား နာင်မီးရိုး ဖွာရ်ဆီးလှီ့လား တီလှီ့ဘော် နောတ်ဆီးလိထေ့နား ဟမီးဆုန်ပွီရိုးထောလ်တိ မာရ်နောတ်တန်ခိုးကိမ်ကိမ် နိုင်ခွတ်ခေါမ် ခွင့်အာဏာ ကေပက်ပါလ်ခန်းနောလ် အီဘောင်နားခါ နာင်မီးထိခိုက်ဟနောလ် စိုင်းခွတ်တီးဟိုင်ဆီးယော်။ 20အင်မ်ဘော်နားခါ နာင်မီး နောတ်ဆီးလှီ့နား အာမ်နာခံခေါမ်ဟို့အောလ် ပျော်ကော့စူး။ အင်မ်အစား နာင်မီး မိန်လှီ့ ဟြှားလုအောလ် မှတ်တယ်ခေါမ် ခံလောဒ့်ဟိုဝေါလ်ယောင် ပျော်ဘွတ်စူး” တိရို အမိန့်။
ကိုယ်တော်ယေရှု ပျော်ခေါမ်
(ရှင်မဿဲ ၁၁:၂၅-၂၇၊ ၁၃:၁၆-၁၇)
21အင်မ်ချိန်ငေါလ် ကိုယ်တော်ခေါမ် ဉာဏ်အလင်းတော်ကြောင့်ငေါလ် တပြင်းကုံးအပျော်ခန်းနောလ် “ဟြှားလုလား ဆုမ်သပ့်ကာလ်ကိကိမ်ကိမ်ကိ ပိုင်ထေ့နားအုပ်စိုးတိ ပေါလ်ဖုလော်ရှင်ငါး။ နီအမှန်တရားလှီ့ ပုန်းနားပုန်းဟို့ ပညာမယ်ထေ့နား ဉာဏ်ပညာထက်မြက်တိရို ခိန်နယ်တိလှီ့အောလ် စူးခွင့်နာပက်ကော်ဝေါလ် ဒိပ်စောလှီ့ဘော် ပုန်းဟိုနားပုန်းဟို့နိုမ့်ချအေတိလှီ့အောလ် နီအမှန်တရားလှီ့ စူးခွင့်နာပက်ခန်းနောလ် ကေဆိအယ်နောက်။ အင်မ်လှီ့နောက်ခေါမ် ပေါလ်ဖုလော်ရှင် လီမယ်ခေါမ်ဘော် အထောလ်လောဒ့်နောက်ခေါမ် ကေးနား ကေစုတ်င်။
22ပေါလ်ဖုလော်ရှင်နား ကေးရိုး ကိမ်ကိမ်အပက်။ ဖုလော်ရှင်နားအစိုး ဟအူနောက်ခေါမ် ပေါလ်ဖုလော်ပါးဟှတ်နားယောင် အစုတ်င်။ ပေါလ်ဖုလော်ရှင် ဟအူနောက်ခေါမ် စုတ်င်ဟနောလ် ကေးနား ကေရွေးချယ်ခေါမ် ခေါင်လှီ့အောလ်ကိ လွဲထေ့နား အူနားခါစူးယော်ဟ” တိရို အမိန့်။
23အင်မ်ပါလ်နောလ် ကိုယ်တော်နား အတပည့်လှီ့လာမ်းမာလ် မောင်ထေ့နား “တုအောလ် နီလှီ့ နာင်မီးနား နာမ်မှူးလောဒ့်ခေါမ်လှီ့ မှူးလောဒ့်တိလှီ့ခါ အာမ်ခူလ်ပွန်။ 24နာင်မီးရိုး အမှန်ကေဟောင်လောဒ့်အိုက်နောက်ဟိုဝေါလ်စေး ဟမာလ် ပရောဖက်လှီ့လား ဆောင်ဖလောင်လှီ့ကုံးနားခါ နာင်မီး မှူးရောက်လောဒ့်ခေါမ်လှီ့ကိမ်ကိမ် မှူးဟိုင်၊ ရောက်ဟိုင် အာမ်လီဟိလ့်။ အင်မ်ဘော်နားခါ အင်မ်လှီ့နား မှူးရောဟိလ့်လောဒ့်ယော်ဟ” တိရို အမိန့်။
ရှမာရိ ခေါင်ပွန်ပွလ်ဟှတ်ပုံဥပမာ
25နှိုပ်ဟှတ်တောလ် ကိုယ်တော်နား ခေါင်လှီ့အောလ် ဖုလော်ရှင်နှုတ်ကပတ်တော် အဟောလှူဟိုဝေါလ် ကျမ်းဆလော်ပွလ်ဟှတ်နား ကိုယ်တော်ဝေါလ် ထော့ထေ့နား “ဆလော်ဝြား၊ #10:25 နိစ္စထာဝရဆောက်င်=အထာကွန်ဟှတ် မွေးဖွားလူးခေါမ် မယ်တိကောဝေါလ် သံသရာဝဋ် ဆင်းရဲရိုးကိ လွတ်မြောက်ခေါမ်။ နိစ္စထာဝရဆောက်င် လောဒ့်ဟိုင်တွက်ကာလ် ဟအီလှီ့ စိုင်းလောဒ့်အိုက်” တိရို စမ်းသပ်ဟိုင်အလီခန်းနောလ် အဟိ့။
26အင်မ်ဟိုဝေါလ် ကိုယ်တော်ယေရှုနား “မောရှေပညတ်ကျမ်းရိုး ဟအီလှီ့ အရော့ကယ်၊ နာင်နား ဟိဘော် နာင်ယှောက်စုတ်င်” တိရို အဟိ့ဟိုဝေါလ် 27အင်မ်နား “မောရှေပညတ်ကျမ်းရိုး နာင်မီး အရှင်ငေါလ်ထောလ်တိဖုလော်ရှင်ခေါမ် ပုန်း၊ လုန်၊ နှလုံး ပါးထုမ်လုံးငေါလ် ယုမ်ကြည်ကိုးကွယ်ဘွတ်စူး။ နာင်အိမ်းစင်းပွီခါ နာပုန်းဟို့ နာခစ်တယ်ဘော် ခစ်ဘွတ်” တိရို အပူလ် တိရို အဟောင်။
28ကိုယ်တော်နား “နာင် အဖြေမှန်။ နီဘော် နာင်စိုင်းဟိုဝေါလ်စေး နာင်နားနောက်ခေါမ် နိစ္စထာဝါရအဆောက်င် နာလောဒ့်အိုက်” တိရို အမိန့်။
29အင်မ်ဘော်နားခါ ကျမ်းဆလော်နား အပုန်းဟို့ အမှန်နောက်ခေါမ် ဓေါင်ဟိုင် အလီဝေခန်းနောလ် ကိုယ်တော်ဝေါလ် “အင်မ်ဘော်နောက်ဟိုဝေါလ်စေး ကေးမီး အိမ်းစင်းပွီနောက်ခေါမ်စေး ဟအူ” တိရို အဟိ့။ 30အင်မ်ဟိုဝေါလ် ကိုယ်တော်နား “နှိုပ်ဟှတ်တောလ် ခေါင်ပွလ်ဟှတ် ဂျေရုဆလင်လုအောလ်ကထု ဂျေရိခေါလုအောလ် အဈာတ်ဟိုဝေါလ် လာမ်းမာလ် ဓားပြလှီ့ဓေါလ် အခမ်းမေ။ ဓါးပြလှီ့နား အင်မ်ခေါင် ပူလ်နောက်ခေါမ်လှီ့ ဟူ့ထေ့နား အင်မ်ခေါမ် ဘာ့လ်ဟိုင်ထုထောလ်ဟနောလ် မွာထေ့နား အာမ်တောဒ့်ဟိလ့်။ 31အင်မ်ပါလ်နောလ် ဂျူးပုရောဟိတ်ပွလ်ဟှတ် အင်မ်လာမ်းဘော် အလူး။ အင်မ်ခေါင်အမှိုလှီ့ဓေါလ်အဟြမ်းခေါမ် အမှူးဟိုဝေါလ် အစွာလာမ်းမာလ် ဖင်းနယ်ထေ့နား အဈာတ်တောက်။ 32အင်မ်ပါလ်နောလ် လေဝိခေါင်ယှီဒုလ့်ကာလ်ကိပွလ်ဟှတ် ဗိမာန်တော်အကူခါ အင်မ်ဓိလ်နောလ် ခိုက်လူးထေ့နား အင်မ်ခေါင်ဟြမ်းခေါမ်မှူးဗာန် အစွာလာမ်းဘော် ဖန်နယ်ထေ့နား အဈာတ်တောက်ဘွာလ်တီး။ 33အင်မ်ဘော်နားခါ ရှမာရိနာမ်းမာလ်ကိ ပုတောပွလ်ဟှတ် ခရီးအထွက်လူးဟိုဝေါလ် အင်မ်ဓိလ်နောလ် အခိုက်လူး။ အင်မ်နား အင်မ်ခေါင် အမှူးဟိုဝေါလ် တပြင်းကုံးအမာနယ်။ 34အင်မ်ခန်းနောလ် အင်မ်စငေါလ် အဈာတ်တယ်ထေ့နား အင်မ်ခေါင် အမှိုလှီ့ #10:34 အင်မ်ချိန်ငေါလ် ဂျူးခေါင်ယှီလှီ့နား စပျစ်ဝိုင်စေး ပိုးဘာလ့်ဟိုင်တွက်ကာလ်အာမ်ဆုမ်မေ။ သံလွင်ဆီစေး မှိုဆောက်ဆာဟိုင်တွက်ကာလ် အာမ်ဆုမ်မေ။သံလွင်ဆီလား စပျစ်ဝိုင်လှီ့အောလ် ပွတ်ပက်ထေ့နား ဆူဆောက်ကာလ် အပတ်ပက်။ အင်မ်ပါလ်နောလ် မြည်းခုံးငေါလ်တင်ထေ့နား တည်းနောက်ကာလ် အဈိပူလ်နောက်။ အင်မ် တည်းခိုနောက်ကာလ် ခိုက်ယေပါလ်နောလ် အင်မ်ခေါင်အပြုစုပက်။ 35အထာနှိုပ်ဟှတ် ခူအဝြာဟိုဝေါလ် အင်မ်နား အတည်းနောက်အမို့အောလ် ဒေနာရီဒေါင်းဂိုကာပ်နှိပေးထေ့နား ‘ဆိအယ်နိုးထေ့နား နီပြုစုပက်မော်ဘွတ်။ နီထက်ကာလ် ပိုဝေနားအဘွတ်ဟိုဝေါလ်ခါ ကေလူးဘွာလ်ဟိုဝေါလ် ကေပက်ဘွာလ်ဝိုက်’ တိရို အဟောင်ဟိလ့်” တိရို အမိန့်။
36အင်မ်ဟိုဝေါလ် ကိုယ်တော်ယေရှုနား အင်မ်ကျမ်းဆလော်ဝေါလ် “အင်မ်ခေါင်ပွလ်ထုမ်ဒုလ့်ကာလ်ကိ ဓါးပြတိုက်ခံလောဒ့်တိနား အအိမ်းစင်းပွီအစစ်စေး ဟအူဝေါလ်အထောလ်နိုက်တိရို နာခိန်” တိရို အဟိ့။
37အင်မ်ကျမ်းဆလော်နား “ဓါးပြတိုက်ခံလောဒ့်တိ မာနယ်တိအောလ် အထောလ်” တိရို အဟောင်ဘွာလ်။ ကိုယ်တော်နား “နာင်ခါ အင်မ်ဘော် ကျင့်ကြံဘွတ်” တိရို အမိန့်။
မာသလား မာရိ
38အင်မ်ပါလ်နောလ် ကိုယ်တော်ယေရှုလား အတပည့်လှီ့ ဆက်ကယ်နား ခရီးအာမ်ဈာတ်ဟိုဝေါလ် နာမ်းနာမ်းဟှတ်တောလ် အာမ်ခိုက်ယေ။ အင်မ်နာမ်းမာလ်ကိ မာသ မိန်နိုးတိ မုတောပွလ်ဟှတ်နား ကိုယ်တော်လား အတပည့်လှီ့ အအိမ်းမာလ်အဖိတ်။ 39အင်မ်မုတောနား မာရိတိရို မိန်နိုးတိ အနောင်မုတောစောပွလ်ဟှတ်ခါအတောဒ့်ကယ်။ အင်မ်မုတော ကိုယ်တော်ယေရှုခူဇောလ်ဝေါလ် ငွာထေ့နား ကိုယ်တော်ဟောခေါမ် တရားတော်လှီ့အငေ။ 40အင်မ်ဘော်နားခါ မာသစေး ခိန်းလှီ့ ခိန်းနောက်ဟိုင်တွက် အဆို့ဆာတ်ကာလ်။ နောက်ဆုံးငေါလ် မာသခေါမ် ကိုယ်တော်ယေရှုကာဝေါလ်ဈာတ်ထေ့နား “အရှင်ငါး၊ ကေးနောင်နား အလုပ်လှီ့ကိမ်ကိမ် ကေအာဘွတ်နား စိုင်းလောဒ့်ဟနောလ် အတောဒ့်ဟိလ့်ခေါမ်စေးမှန်ကန်ယော်။ ဆိအယ်နိုးထေ့နား ကေးအဖူရ်ဟိုင် ဟောင်ပက်မော်ဝြား” တိရို အလျှောက်။
41အင်မ်ဟိုဝေါလ် ကိုယ်တော်နား “မာသ၊ မာသ နာင်နောက်ခေါမ် အမှုကိစ္စလှီ့တွက် နာဆဆော်ယောင်။ 42အင်မ်ဘော်နားခါ အရေးကြီးတိစေး ပွလ်ဟှတ်ယောင်အမယ်။ မာရိနားစေး အင်မ်အရေးကြီးတိ အရွေးချယ်ပါလ်။ အင်မ်စေး မာရိစငေါလ်ကိ ဖယ်ရှားဝေါလ် လောဒ့်တီးယော်” တိရို အမိန့်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.