ရှင်လုကာ 9
9
အခန်း (၉)
သာဝကကုလာနှိတိခေါမ်
(ရှင်မဿဲ ၁၀:၅-၁၅။ ရှင်မာကု ၆:၇-၁၃)
1နှိုပ်ဟှတ်တောလ် ကိုယ်တော်နား သာဝကကုလာနှိ ပါနယ်ထေ့နား နောတ်ဆီးလှီ့ကိမ်ကိမ် ဆှုတ်ခွတ်နောက်ဟိုင်အခွင့်အာဏာလား ရောဂါလှီ့ခိတ်နောက်ဟိုင် တန်ခိုးအာဏာလှီ့အပက်။ 2အင်မ်ပါလ်နောလ် ကိုယ်တော်နား ခေါင်လှီ့အောလ် ဖုလော်ရှင်သာသနာတော် အကြောင်းလှီ့ဟောဟိုင်လား နိမို့လှီ့ဓူပက်ဟိုင်ရိုး တပည့်တော်လှီ့ အတိ။ 3ကိုယ်တော်ယေရှုနား တပည့်တော်လှီ့အောလ် “ခရီးတွက် နာင်မီးဓေါလ်ဟှတောလ် အီခါ ဈိအယ်ကော့စူး။ ထန်းခွာရ်၊ ခရီးဆောင်အိတ်၊ အေအောတ့်၊ ဒေါင်းဂို၊ ဆူးဆောက်လှိုင်ယေနောက်ဟိုင်လှီ့ ဈိအယ်ကော့စူး။ 4အီဘောင်လုအောလ်ခါဆီးဆတ် နာမ်ဝင်ဟိုဝေါလ် ပွလ်ဟှတ်ဟှတ်နား နာင်မီးအာမ်ကြိုဆိုနားစေး အင်မ်လုအောလ်ကိ နာမ်ဈာတ်ဘွာလ်ဝေ့ အင်မ်ခေါင်အိမ်းမာလ် မယ်ဘွတ်စူး။ 5အပုံငေါလ် အီဘောင်ဓိလ်နောလ်ကိလှီ့နားခါ နာင်မီး အာမ်ကြိုဆိုယနားစေး အင်မ်လုအောလ်ကိ နာမ်ထွက်ဘွာလ်ဟိုဝေါလ် သတိပက်ခေါမ်အနေရိုး နာင်မီး ခူဝေါလ်ကိ #9:5 သပ့်ဖောက်ပေခေါမ်=ခေါင်လှီ့ငြင်းပယ်ခေါမ် အနေရိုး အာမ်စိုင်းခေါမ် ဂျူးခေါင်ယှီလှီ့ ဓလေ့ရိုး အထောလ်။သပ့်ဖောတ်ပေဟိလ့်ဘွတ်စူး” တိရို အမိန့်။ 6အင်မ်လှီ့ခါ အင်မ်ဓိလ်နောလ်ကိ ထွက်လူးထေ့နား နာမ်းဟှတ်ပါလ်နောလ် နာမ်းဟှတ် ဓိလ်တကအောလ် ဈာတ်ရောခ့်ထေ့နား ဖုလော်ရှင် ဆီးတင်ပွန်လှီ့ဟောထေ့နား နိမို့လှီ့ခါ ရောဂါလှီ့အာမ်ဓူပက်။
ကိုယ်တော်ယေရှုမှူးဟိုင်လီတိ ဟေရုဒ်
(ရှင်မဿဲ ၁၄:၁-၁၂။ ရှင်မာကု ၆:၁၄-၂၉)
7ဂါလိလဲဘီ အုပ်ချုပ်တိ ဟေရုဒ်နား ကိုယ်တော်ယေရှု စိုင်းဟိလ့်ခေါမ်လှီ့ကိမ်ကိမ် အရောက်ဟိုဝေါလ် အလုန်ရှုပ်လှာလ်။ ဟိဘော်ဟိုင်ရိုးနောက်ဟိုဝေါလ်စေး ခေါင်တချို့လှီ့နားစေး “သွီးဓေါလ်သန့်စင်ခေါမ်စိုင်းတိ ဆလော်ယောဟန် အဆောက်င်ဟင်လူးဘွာလ်ပါလ်” တိရို အာမ်ဟောင်ခန်းနောလ်ထောလ်။ 8အစွာခေါင်လှီ့နားစေး “ပရောဖက်ဧလိယ အကြွလူးဘွာလ်ပါလ် တိရိုခါ အချို့နားခါ ဟမာလ်မယ်ဟိလ့်တိ ပရောဖက်လှီ့ဒုလ့်ကာလ်ကိပါးဟှတ် အဆောက်င်ဟင်လူးဘွာလ်” တိရိုခါ 9အင်မ်ဘော်နားခါ ဟေရုဒ်နားစေး “ကေးနား ယောဟန် လူကီကေခိမ်းဟိလ့်ဆောက်ပါလ်။ တုအောလ် နီဆီးတင်လှီ့ ကေရောက်လောက်ခေါမ်စေး ဟအူဝေါလ် အထောလ်ခွတ်ကိုက်” တိရို ဟောင်ထေ့နား ကိုယ်တော်ဓေါလ် ခမ်းမေဟိုင်အလီ။
ခေါင်ထောင်ပိုးဟိုဝေါလ် ကျွေးမွေးခေါမ်
(ရှင်မဿဲ ၁၄:၁၃-၂၁။ ရှင်မာကု ၆:၃၀-၄၄။ ရှင်ယောဟန် ၆:၁-၁၄)
10သာဝကလှီ့ ခရီးရိုးကိ အာမ်ခိုက်လူးဘွာလ်ဟိုဝေါလ် ကိုယ်တော်ယေရှုအောလ် အာမ်စိုင်းဟိလ့်ခေါမ်လှီ့ အာမ်တင်ပြကြ။ အင်မ်ပါလ်နောလ် ကိုယ်တော်နား သာဝကလှီ့ယောင် ပါနယ်ထေ့နား ဗက်ဇဲဒလုအောလ် အာမ်ဈာတ်။ 11အင်မ်ဘော်နားခါ အင်မ်အကြောင်းလှီ့ ခေါင်လှီ့နား အာမ်ယှောက်ခန်းနောလ် ကိုယ်တော်နှူဝေါလ် အာမ်ရုန်းလူး။ ကိုယ်တော်နားခါ အင်မ်လှီ့ ကြိုဆိုထေ့နား ဖုလော်ရှင်သာသနာတော်အကြောင်းလှီ့ ဟောထေ့နား နိမို့လှီ့ခါ ခိလ်ဘွာလ်ဟနောလ် အဓူပက်။
12ခူမီလူးဟိလ့်ခန်းနောလ် သာဝကကုလာနှိ ကိုယ်တော်စငေါလ် လူးထေ့နား “နီဓိလ်နောက်ခေါမ် ခေါင်လှီ့မယ်နောက်ယဓိလ်နောလ် အထောလ်ခန်းနောလ် နီခေါင်အုပ်ခေါမ် အကီကာဝေါလ်ကိ နာမ်းလား လိုင်ကွင်းငေါလ် တိအား။ အင်မ်လှီ့နား တည်းနောက်ဟိုင်လား အေဟိုင်အောတ်ဟိုင်လှီ့ အာမ်လီ” တိရို အာမ်လျှောက်။
13အင်မ်ဘော်နားခါ ကိုယ်တော်နား “နာင်မီးနား အင်မ်လှီ့အောလ် အေဟိုင်အူဟှတ်ဟှတ် ပေးဘွတ်စူး” တိရို တပည့်တော်လှီ့အောလ် အမိန့်ဟိုဝေါလ်
အင်မ်လှီ့နား “နီခေါင်လှီ့ကိမ်ကိမ်တွက် အေအောတ်လှီ့ ကေးမီးနား ကာမ်လှည်းယေယနားစေး ကေးမီးစငေါလ် မုန့်လုံးပိုဟိုရ်လား ငေါလူနိယောင်အမယ်ခန်းနောလ် အင်မ်လှီ့စို့ခွတ်ယော်” တိရို အာမ်လျှောက်။ 14ခေါင်လှီ့ကိမ်ကိမ်ပေါင်း ခေါင်ပူတောဦးရေ ထောင်ပိုဟိုရ်ဘောင် အာမ်မယ်။
ကိုယ်တော်နား တပည့်တော်လှီ့အောလ် “ခေါင်လှီ့အောလ် ခေါင်ဟို့ကိပ်စီမ်ငွါဟိုင် ဟောင်ဘွတ်စူး” တိရို အမိန့်။ 15အတပည့်လှီ့နားခါ ကိုယ်တော်ဟောင်ဘော် အာမ်ငွါဆောက်။ ခေါင်လှီ့ခါ အင်မ်လှီ့ဟောင်ဘော် အာမ်ငွာကြ။ 16အင်မ်ပါလ်နောလ် ကိုယ်တော်နား မုန့်လုံးပိုဟိုရ်လား ငေါထစ်နှိကိလ်ထေ့နား ဟြှားလုဓေါ့်ဗာန် ဖုလော်ရှင်ကျေးဇူးတော် အချီးမွမ်း။ အင်မ်ပါလ်နောလ် ကိုယ်တော်နား အကွတ်တောလ် မုန့်လားငေါလှီ့ ဖက်ထေ့နား အတပည့်လှီ့အောလ် ပေးထေ့နား ခေါင်လှီ့အောလ် အဖဲ့ဆောက်။ 17ခေါင်လှီ့ကိမ်ကိမ်နား ဟို့ဟနောလ် အာမ်အေလောဒ့်ခေါမ် အပြင် အင်မ်လှီ့အေဆုမ်လှီ့ တပည့်တော်လှီ့နား အာမ်ကွဟိုဝေါလ် တောင်လုံးကုလာနှိအောလ်အလု အာမ်လောဒ့်။
ကိုယ်တော်ယေရှု မေရှိယအောလ်ထောလ်ခေါမ် ပေတရုနားဝန်အခံခေါမ်
(ရှင်မဿဲ ၁၆:၁၃-၂၀။ ရှင်မာကု ၈:၂၇-၃၀)
18နှိုပ်ဟှတ်တောလ် ကိုယ်တော်ယေရှု အာဘွတ်စော ဆုအတောင်ဟိုဝေါလ် ကိုယ်တော်နား တပည့်တော်လှီ့ခါ ကိုယ်တော်ဓေါလ်ဟှတောလ် အာမ်မယ်။ အင်မ်ဟိုဝေါလ် ကိုယ်တော်နား အင်မ်လှီ့အောလ် “ခေါင်လှီ့နား ကေး ဟအူတိရို အာမ်ဟောင်” တိရို အဟိ့။
19အင်မ်လှီ့နား “တချို့နား ကိုယ်တော်ခေါမ် သွီးဓေါလ်သန့်စင်ခေါမ်ပေးတိ ဆလော်ယောဟန် အဆောက်င်ဟင်လူးဘွာလ်တိရိုခါ၊ ပရောဖက်ဧလိယ အကြွလူးဘွာလ်တိရိုးခါ၊ ဟမာလ်မယ်ဟိလ့်တိ ပရောဖက်လှီ့ဒုလ့်ကာလ်ကိပါးဟှတ် အဆောက်င်ဟင်လူးဘွာလ်တိ တိရိုခါ အာမ်ဟောင်” တိရို အာမ်လျှောက်။
20အင်မ်ဟိုဝေါလ် ကိုယ်တော်ယေရှုနား “နာင်မီးနားစေး ကေး ဟအူတိရို နာမ်ခိန်” တိရို အဟိ့။ ပေတရုနား “ဖုလော်ရှင်တိလူးခေါမ် မေရှိယအောလ်နာထောလ်” တိရို အလျှောက်ဘွာလ်။
အဘာလ့်ခံဟိုင်ကြောင်း စိပ်စိပ်အမိန့်ဗာန်ခေါမ်
21အင်မ်ဟိုဝေါလ် ကိုယ်တော်နား နီအကြောင်းလှီ့ အူဝေါလ်ခါ ဆိုက်ယဟိုင် ပြင်းပြင်းထန်ထန်အငိုင်းယေဟိလ့်။ 22အင်မ်ပါလ်နောလ် ကိုယ်တော်နား အတပည့်လှီ့အောလ် “ခေါင်စိုးနား တပြင်းကုံး ဆိတ်ခံလောဒ့်ထေ့နား ဂျူးခေါင်ယှီဆောက်င်လန်လှီ့၊ ဂျူးပုရောဟိတ်လန်လှီ့လား ကျမ်းဆလော်လှီ့နား ငြင်းပယ်ထေ့နား အာမ်ဓုတ်ကိုက်။ အင်မ်ဘော်နားခါ အထုမ်နှိုပ်ပါလ် အင်မ် အဆောက်င်ဟင်လူးဘွာလ်ဝိုက်” တိရို အမိန့်။
ပုန်းဟို့လက်ဝါးကပ်တိုင် ပါးဘွတ်စူး
(ရှင်မဿဲ ၁၆:၂၀-၂၈။ ရှင်မာကု ၈:၃၀-၉:၁)
23အင်မ်ပါလ်နောလ် ကိုယ်တော်နား ခေါင်လှီ့အောလ် “အူခါဆီးဆတ် ကေးတပည့်အောလ် ထောလ်ဟိုင်လီတိစေး ပုန်းဟို့အကျိုးစွန့်ထေ့နား ပုန်းဟို့လက်ဝါးကပ်တိုင် ပုန်းဟို့နားဘားဗာန်#9:23 လက်ဝါးကပ်တိုင်ပါးနောက်ခေါမ်စေး ဘာလ့်လောဒ့်အိုက်နိုးနားခါ ကိုယ်တော်မိန့်ခေါမ် နှိုပ်တိုင်လိုက်ခွတ်တိအောလ်ထောလ်လောဒ့်အိုက်တိရို အထောလ်။ နှိုပ်တိုင် ကေးနှုဝေါလ် ရုန်းခွတ်တိအောလ် ထောလ်လောဒ့်အိုက်။ 24ဟိဘော်ဟိုင်ရိုးနောက်ဟိုဝေါလ်စေး ပုန်းဟို့ဆောက်င်ကယ်တင်ငယ်ဟိုင် လီတိလှီ့စေး ဆောက်င်ဆုံးရှုံးလောဒ့်အိုက်။ အင်မ်ဘော်နားခါ ကေးတွက်ကာလ် ပုန်းဟို့ဆောက်င်စွန့်တိစေး နိစ္စထာဝရဆောက်င်လောဒ့်အိုက်။ 25နာင်မီးနား ဆုမ်သပ့်ကာလ်မယ်တိတက ပိုင်ခွင့်လောဒ့်ထေ့နား နိစ္စထာဝါဆောက်င် လောဒ့်ယနားစေး ဟအီအကျိုးမယ်ရိုက်။ 26နာင်မီးနား ကေးလား ကေးတရားခေခေါလှီ့ လိုက်နာဟိုင် နာမ်ငြင်းနားစေ ခေါင်စိုးခေါမ် အပုန်းဟို့ဘုန်းတန်ခိုးတော်၊ ပေါလ်ဖုလော်ရှင် ဘုန်းတန်ခိုးတော်လား မြင့်မြတ်တိ နောတ်ဒေဝါလှီ့ဘုန်းတန်ခိုးတော်ဓေါလ်ဟှတောလ် ဆုမ်သပ့်ကာလ်အကြွလူးဘွာလ်ဟိုဝေါလ်ခါ နာင်မီး ကေးနှုန်ဝေါလ်ရုန်းတိလှီ့ တပည့်လှီ့ ဆီးယော်တိရို ကေငြင်းငိုက်။
27နာင်မီးရိုး အမှန်ကေဟောင်လောဒ့်အိုက်နောက်ဟိုဝေါလ်စေး နီဓိလ်နောလ် တုလ်တိအချို့လှီ့ ဖုလော်ရှင်သာသနာတော် မှူးလောဒ့်ယကော် ဘာလ့်ဟာမ်းဟိုင်ဆီးယော်ဟ” တိရို အမိန့်။
ကိုယ်တော်ယေရှုဘုန်းတန်ခိုး တပည့်ပွလ်ထုမ်နား အာမ်မှူးလောဒ့်ခေါမ်
(ရှင်မဿဲ ၁၇:၁-၈။ ရှင်မာကု ၉:၂-၈)
28အင်မ်ဘော်အမိန့်ခေါမ် နှိုပ်ဆာတ့်ဘောင်ငေါလ် ကိုယ်တော်နား ပေတရု၊ ယောဟန်းလား ယာကုပ်တိ ဈိပူနိုးထေ့နား ဆုတောင်းဟိုင် ကုန်းဟြှလ်နောလ် အာမ်ကွာ။ 29ကိုယ်တော် ဆုအတောင်းလှူဟိုဝေါလ် အဟွလ်းပုံသဏ္ဍန်ခေါမ် ပြောင်းလဲထေ့နား ဝတ်ရုံခါ ဗို့ရွားထေ့နား အလလင်းငယ်။ 30အင်မ်ပါလ်နောလ် စါစ်နောက်ကာလ် ခေါင်ပွလ်နှိ ကိုယ်တော်ဓေါလ်ဟှတောလ် အာမ်ခေဝေ။ အင်မ်ဟွဒ့်စေး ပရောဖက်မောရှေလား ပရောဖက်ဧလိယအောလ် အဟီထောလ်။ 31အင်မ်လှီ့နား ဘုန်းတန်ခိုးတော်လှီ့တော်ထေ့နား ထောလ်လူးဟိုင်ဟိလ့်တိ ဂျေရုဆလင်လုအောလ် ကိုယ်တော်အဘာလ့်ခံထေ့နား ကိုယ်တော်ဓေါလ်ပတ်သတ်တိ ဖုလော်ရှင်အစီစဉ် အပြည့်စုံငိုင်ဟိလ့်နောက်ခေါမ်အကြောင်းလှီ့ အာမ်ဟောင်။ 32အင်မ်ချိန်ငေါလ် ပေတရုလား အစွာအတပည့်ပွလ်နှိ အာမ်အိပ်။ အာမ်လတ်လူးဟိုဝေါလ် ချက်ချင်းကုံး ဘုန်းတန်ခိုးဓေါလ်ပြည့်စုံတိ ကိုယ်တော် အာမ်မှူးလောဒ့်။ အင်မ်လှီ့နား ကိုယ်တော်ဓေါလ် တုလ်တိပွလ်နှိခါ အာမ်မှူးလောဒ့်။ 33အင်မ်ပါလ်နောလ် ပရောဖက်မောရှေလား ပရောဖက်ဧလိယ အဟီဈာတ်ဘွာလ်ခေါမ်ချိန်ငေါလ် ပေတရုနား ကိုယ်တော်ဝေါလ် “ဆလော်ဝြား၊ နီဓိလ်နောလ် ဟမယ်ခေါမ် အခိလ်။ အင်မ်ခန်းနောလ် ကိုယ်တော်တွက် ခေါပ်လုံးဟှတ်၊ ဧလိယတွက်ခေါပ်လုံးဟှတ်၊ မောရှေတွက်ခေါပ်လုံးဟှတ် ကေးမီးနား ကာမ်ဆောက်ပက်တိုက်” တိရို အလျှောက်။ အင်မ်ဘော်နားခါ အင်မ်နား အပုန်းဟို့နားအပုန်းဟို့ ဟအီအဟောင်နောက်ခေါမ် စူးဝေယော်။
34ပေတရုနား အင်မ်ဘော် အဟောင်လှူဟိုဝေါလ် ခူဆက်ပွလ်ဟှတ်နား အင်မ်လှီ့ အဟြှလ်နောလ်ကထု ဆုန်ထေ့နား အင်မ်လှီ့ ခူဆတ်အညှာဓေါင်ငေါလ် အာမ်ခိုက်ခန်းနောလ် တပြင်းကုံး အာမ်ကိအယ်တောင်ကြ။ 35အင်မ်ဟိုဝေါလ် ခူဆက်တောလ်ကထု “နီနောက်ခေါမ် ကေးရွေးချယ်ခေါမ် ကေးစိုးဝေါလ် အထောလ်။ အင်မ် ခေငေဘွတ်စူး” နောက်ခေါမ် အထိုင်းပွလ်ဟှတ် အထွက်လူး။ 36အင်မ်အထိုင်းထွက်လူးပါလ်နောလ် ပေတရု၊ ယောဟန်လား ယာကုပ်တိနား ကိုယ်တော်ယေရှု ပါးဟှတ်ဘွတ်ယောင် အမှူးလောဒ့်။ အင်မ်လှီ့နား အာမ်မှူးဟိလ့်ခေါမ်လှီ့ #9:36 အင်မ်နှိုပ်လှီ့နောက်ခေါမ် ကိုယ်တော်ယေရှု ဘာလ့်နောက်ကာလ်ကိ အဆောက်င်ဟင်လူးဘွာလ်ခေါမ်အချိန်စိ။အင်မ်နှိုပ်လှီ့အောလ် အူဝေါလ်ခါ အီခါဟောင်ကော် ဒပ့်ကာလ်အာမ်မယ်ယေ။
နောတ်ဆီးလှီ့ ဆှုတ်ခေါမ်
(ရှင်မဿဲ ၁၇:၁၄-၁၈။ ရှင်မာကု ၉:၁၄-၂၇)
37အထာနှိုပ်ဟှတောလ် ကိုယ်တော်ယေရှေလား အတပည့်လှီ့ပွလ်ထုမ် ကုန်းဟြှလ်နောလ်ကိ အာမ်ကာမ်းလူးဘွာလ်ဟိုဝေါလ် ခေါင်လှီ့ပူးနူးနား အာမ်ကြိုဆို။ 38အင်မ်ခေါင်လှီ့ဒုလ့်ကာလ်ကိ ပွလ်ဟှတ်နား “ဆလော်ဝြား၊ ကေးစိုး ကူညီဟိုင် ကေခို့အယ်။ ကေးနား အင်မ် ကေစိုးပွလ်ဟှတ်ယောင် ကေတောဒ့်ကယ်။ 39ကေးစိုးစငေါလ် နောတ်ဆီးပူးကပ်ခန်းနောလ် စါစ်နောက်ကာလ် အဖလာဗာန် အပါရ်ဆော်။ နောတ်ဆီးနား ကေးစိုး အပုန်းဟှတ်လုံး စာတ်ဟနောလ်စိုင်းထေ့နား အမောင်ဟာဒုလ့်ကာလ်ကိ အဇာဝိုလှီ့ခါ ထွက်လူးဟနောလ် အစိုင်းထေ့။ အင်မ်နောတ်ဆီးနား ကေးစိုးနား တပြင်းကုံးနိအယ်ဟနောလ်စိုင်းထေ့နား တော်တော်ဝေါလ်ထွက်ယော်။ 40ကေးနား နာင်တပည့်လှီ့အောလ်ခါ ခို့အယ်ထေ့နား နီနောတ်ဆီး ဆှုတ်ဆောက်နားခါ အင်မ်လှီ့နား စိုင်းပက်ခွတ်ယော်ဟ” တိရို အလျှောက်။
41အင်မ်ဟိုဝေါလ် ကိုယ်တော်နား အတပည့်လှီ့အောလ် “ယုမ်ကြည်မှုမယ်ကော် အပြစ်ဒုစရိုက်လှီ့ စိုင်းတိလှီ့အား၊ ကေး နာင်မီးဓေါလ်ဟှတောလ်မယ်ထေ့နား အီဝှေ့သည်းကေခံလောဒ့်ဟာမ်းမိုက်” တိရို အမိန့်။ အင်မ်ပါလ်နောလ် ကိုယ်တော်နား အင်မ်ခေါင်ငေါလ် “နာင်စိုး ကေးစငေါလ် လူပူနိုးဝြား” တိရို အမိန့်။
42အင်မ်ဒိပ်စော အလူးပူနောက်ဟိုဝေါလ် နောတ်ဆီးနား အင်မ်ဒိပ်စော သပ့်ကာလ် ဟြမ်းဘောင်းဟနောလ်စိုင်းထေ့နား အင်မ်ဒိပ်စောအပုန်းပြတ် အစာတ်လှလ်။ အင်မ်ဘော်နားခါ ကိုယ်တော်နား နောတ်ဆီးထွက်ဟိုင် အမိန့်ပေးထေ့နား အင်မ်ဒိပ်စော ဓူပက်ပါလ်နောလ် အပေါလ်စငေါလ် အအပ်ဘွာလ်။
ဘာလ့်ခံဟိုင်အကြောင်း အနှိနောက်အမိန့်ခေါမ်
(ရှင်မဿဲ ၁၇:၂၂-၂၃။ ရှင်မာကု ၉:၃၀-၃၂)
43ခေါင်လှီ့နားခါ ဖုလော်ရှင်တန်ခိုးတော်လှီ့ အာမ်မှူးလောဒ့်ခန်းနောလ် စါစ်နိုးနားခါ ဆုံးယော်ဟ။ ကိုယ်တော်ယေရှုနား အစိုင်းခေါမ်လှီ့ ခေါင်လှီ့နား အာမ်စါစ်နောက်ဟိုဝေါလ် ကိုယ်တော်နား အတပည့်လှီ့အောလ် 44“နာင်မီးရိုး ကေးနား ကေဟောင်ခေါမ်လှီ့ အာရုံစိုက်ထေ့နား ငေရိုး။ ခေါင်စိုး ပွန်ယတိခေါင်လှီ့ကွတ်ဒုလ့်ကာလ် အအပ်ခံလောဒ့်အိုက်ဟိလ့်” တိရို အမိန့်။ 45အင်မ်ဘော်နားခါ အတပည့်လှီ့နား ကိုယ်တော် ဟောင်ဟိုင်လီခေါမ်လှီ့ ရောစူးယော်ဟ။ အင်မ် အဓိပ္ပါယ်လှီ့ အပြည့်အစုံ အထုအယ်ခန်းနောလ် အာမ်ယှောက်စုတ်င်ယနားခါ ကိုယ်တော်ဝေါလ် ဟီးဝံ့တီးယော်ဟ။
အကြီးမြတ်ဆုံးတိစေး ဟအူ
(ရှင်မဿဲ ၁၈:၁-၅။ ရှင်မာကု ၉:၃၃-၃၇)
46အင်မ်ပါလ်နောလ် ကိုယ်တော်ယေရှု တပည့်လှီ့နား အာမ်ပုန်းဟို့ ဒုလ့်ကာလ်ကိ ဟအူအကြီးမြတ်ဆုံးနောက်ခေါမ် ပွလ်ဟှတ်လားပွလ်ဟှတ် အာမ်ငြင်းငယ်တောင်။ 47အင်မ်ဘော်နားခါ ကိုယ်တော်နား အင်မ်လှီ့လုန် အစုတ်င်ခန်းနောလ် ဒိပ်စောပွလ်ဟှတ် ပါနယ်ထေ့နား အပုန်းဟို့ကာဝေါလ် တုလ်ဆောက်ထေ့နား 48အတပည့်လှီ့အောလ် “ကေးကြောင့်ငေါလ် နီဒိပ်စောပွလ်ဟှတ် လက်နာမ်ခံခေါမ်ခါ ကေး လက်နာမ်ခံခေါမ်ဘော်ယောင်။ ကေးလက်ခံတိခါ ကေးတိလူးတိဖုလော်ရှင် လက်ခံတိအောလ်အထောလ်။ နာင်မီးဒုလ့်ကာလ် ပုန်းဟို့နားပုန်းဟို့ နှိမ့်ချအယ်ဆုံးတိစေး ဖုလော်ရှင်မှူးအောလ် အကြီးမြတ်ဆုံးတိအောလ်ထောလ်” တိရို အမိန့်။
နာင်မီးဆန့်ကျင်ယတိ
(ရှင်မာကု ၉:၃၈-၄၀)
49အင်မ်ပါလ်နောလ် ယောဟန်နား “ဆလော်ဝြား၊ ဆလော် မိန်ဆူမ်မေထေ့နား ခေါင်လှီ့စငေါလ်ကိ နောတ်ဆီးလှီ့ဆှုတ်တိ ခေါင်ပွလ်ဟှတ် ကာမ်မှူးဟိလ့်။ အင်မ်ခေါင် ကေးမီးဓေါလ်ဟှတ်တောလ်လူးတိ ဆီးယခန်းနောလ် အင်မ်ဘော် အစိုင်းယဟိုင် ကာမ်ငိုင်းယေဟိလ့်” တိရို အလျှောက်ဟိုဝေါလ်
50ကိုယ်တော်နား “အင်မ်ခေါင် ငိုင်းယေကော့စူး။ နာင်မီး ဆန့်ကျင်ယတိခေါင်လှီ့စေး နာင်မီး ခီပွီရိုးအာမ်ထောလ်” တိရို အမိန့်။
ရှမာရိနာမ်းဆော်လှီ့နား ကိုယ်တော်အာမ်ဆန့်ကျင်ခေါမ်
51အင်မ်ပါလ်နောလ် ကိုယ်တော်ခေါမ် ဟြှားလုအောလ် အဈာတ်ဘွာလ်ဟိုင် အချိန်ဟျော်လူးဟိလ့်ခန်းနောလ် ဂျေရုဆလင်လုအောလ် ဈာတ်ဟိုင်အဆုံးဖြတ်။ 52ကိုယ်တော်နား စေတမန်အချို့ ရှမာရိဘီရိုးမယ်တိ နာမ်းနာမ်းဟှတ်တောလ် အရင်ငေါလ်တိထေ့နား အာမ်ပုန်းဟို့တွက်အဆင်သင့်ထောလ်ဟနောလ် အစိုင်းယေဆောက်။ 53အင်မ်ဘော်နားခါ ကိုယ်တော်ခေါမ် ဂျေရုဆလင်လုအောလ် ဦးတည်ယေနားအဈာတ်ခန်းနောလ် ရှမာရိနာမ်းမာလ်ကိ ခေါင်လှီ့နား ကိုယ်တော် လက်ခံယော်ဟ။ 54အင်မ်ဟိုဝေါလ် တပည့်တော်ဟွဒ့် ယာကုပ်လား ယောဟန်နားနောက်ခေါမ် အင်မ်အဖြစ်ပျက်လှီ့ အဟီစုတ်င်ဟိုဝေါလ် “အရှင်ငါး၊ ကေးမီးနား#9:54 တချို့ဂရိကျမ်းရိုးစေး ပရောဖက်ဧလိယစိုင်းဘော်တိရိုအပူလ် နေဟြှလ်နောလ်ကိ မေးကိုးလူးဟနောလ် စိုင်းထေ့နား အင်မ်လှီ့ ပျက်စီးဟနောလ်စိုင်းဟိုင် ဖုလော်ရှင်ငေါ ကာမ်ဟောင်လောဒ့်အိုက်ယာ” တိရို အာမ်လျှောက်။ 55အင်မ်ပါလ်နောလ် ကိုယ်တော်နား လှည့်အယ်ထေ့နား “ခေါင်စိုးနောက်ခေါမ် ခေါင်လှီ့ဓူးဟိုင် အလူးခေါမ်ဆီးယော်။ ကယ်ဟိုင်အလူးယောင်#9:55 တချို့ကျမ်းရိုးစေး “ခေါင်စိုးနောက်ခေါမ် ခေါင်လှီ့ဓူးဟိုင် အလူးခေါမ်ဆီးယော်။ ကယ်ဟိုင်အလူးယောင်” တိရို အရော့ကယ်။” တိရို အဆုံးမ။ 56အင်မ်လှီ့ အစွာနာမ်း နာမ်းဟှတ်တောလ် အာမ်ဈာတ်ဘွာလ်။
တပည့်တော်ဝေါလ် ထောလ်ဟိုင်လီတိလှီ့ ခေါင်ပွလ်ထုမ်
(ရှင်မဿဲ ၈:၁၉-၂၂)
57ကိုယ်တော်ယေရှုလား တပည့်တော်လှီ့ ဈာတ်နောက်ခရီးအောလ် ခေါင်ပွလ်ဟှတ်နား ကိုယ်တော်ဝေါလ် “ကေးခါ ကိုယ်တော် ကြွနောက်ဓိလ်တိုင်ငေါလ် ကေရုန်းလူးဝိုက်” တိရို အလျှောက်။
58ကိုယ်တော်နား “ခီဝါနား အတွင်းအတောဒ့်ကယ်၊ ဟိုးလှီ့နား အာမ်ဗူးအာမ်တောဒ့်ကယ်၊ အင်မ်ဘော်နားခါ ခေါင်စိုးနားစေး လူကီအခေါက်နောက်ဟိုင် အဓိလ်တောဝေယော်” တိရို အမိန့်။ 59အင်မ်ပါလ်နောလ် ကိုယ်တော်နား အစွာခေါင်ပွလ်ဟှတ် အပုန်းဟို့ကွလ်နောလ် ရုန်းဟိုင်အပါနယ်ဟိုဝေါလ် အင်မ်ခေါင်နား “အရှင်ငါး၊ တနိုစော စောင်ပက်မော်ဝြား။ အိမ်းမာလ်ဈာတ်ထေ့နား ကေးပေါလ် အဘာလ့်ပါလ်နောလ် ခိထေ့နား အရှင်ကွလ်နောလ် ကေလူးဝိုက်#9:59 တချို့မူးရင်းကျမ်းရိုး ဘာလ့်တိစေး ဘာလ့်တိလှီ့နား ခိဆက်ဟတိရို အပူလ်။” တိရို အလျှောက်။
60အင်မ်ဟိုဝေါလ် ကိုယ်တော်ယေရှုနား “ဘာလ့်တိစေး လုန်ဘာလ့်တိလှီ့နား ခိဆက်ဟ။ နာင်စေး ခေါင်လှီ့အောလ် ဖုလော်ရှင်သာသနာတော်အကြောင်းလှီ့ယောင် ဈာတ်ရော့ခ်ထေ့နား ဟောထတ်ကား” တိရို အမိန့်။
61အစွာခေါင်ပွလ်ဟှတ်နား “ကိုယ်တော်ဝြား၊ ကေး နာင်နှူဝေါလ် ကေလူးဝိုက်။ အင်မ်ဘော်နားခါ အိမ်းမာလ်ဈာတ်ဘွာလ်ထေ့နား မိသားစု ဘစ်တယ်ယေဟိုင်ခွင့်ပေးမော်ဝြား” တိရို အလျှောက်။
62ကိုယ်တော်နား “ထွန်တုံးဘိလ်ထေ့နား အနှူလာမ်းဓေါ့်ဝေထေ့တိခေါင်တိုင် ဖုလော်ရှင်သာသနာတော်တွက် အမှုးထမ်းဟိုင် အသုံးဝင်ယော်” တိရို အမိန့်။
ទើបបានជ្រើសរើសហើយ៖
ရှင်လုကာ 9: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 9
9
အခန်း (၉)
သာဝကကုလာနှိတိခေါမ်
(ရှင်မဿဲ ၁၀:၅-၁၅။ ရှင်မာကု ၆:၇-၁၃)
1နှိုပ်ဟှတ်တောလ် ကိုယ်တော်နား သာဝကကုလာနှိ ပါနယ်ထေ့နား နောတ်ဆီးလှီ့ကိမ်ကိမ် ဆှုတ်ခွတ်နောက်ဟိုင်အခွင့်အာဏာလား ရောဂါလှီ့ခိတ်နောက်ဟိုင် တန်ခိုးအာဏာလှီ့အပက်။ 2အင်မ်ပါလ်နောလ် ကိုယ်တော်နား ခေါင်လှီ့အောလ် ဖုလော်ရှင်သာသနာတော် အကြောင်းလှီ့ဟောဟိုင်လား နိမို့လှီ့ဓူပက်ဟိုင်ရိုး တပည့်တော်လှီ့ အတိ။ 3ကိုယ်တော်ယေရှုနား တပည့်တော်လှီ့အောလ် “ခရီးတွက် နာင်မီးဓေါလ်ဟှတောလ် အီခါ ဈိအယ်ကော့စူး။ ထန်းခွာရ်၊ ခရီးဆောင်အိတ်၊ အေအောတ့်၊ ဒေါင်းဂို၊ ဆူးဆောက်လှိုင်ယေနောက်ဟိုင်လှီ့ ဈိအယ်ကော့စူး။ 4အီဘောင်လုအောလ်ခါဆီးဆတ် နာမ်ဝင်ဟိုဝေါလ် ပွလ်ဟှတ်ဟှတ်နား နာင်မီးအာမ်ကြိုဆိုနားစေး အင်မ်လုအောလ်ကိ နာမ်ဈာတ်ဘွာလ်ဝေ့ အင်မ်ခေါင်အိမ်းမာလ် မယ်ဘွတ်စူး။ 5အပုံငေါလ် အီဘောင်ဓိလ်နောလ်ကိလှီ့နားခါ နာင်မီး အာမ်ကြိုဆိုယနားစေး အင်မ်လုအောလ်ကိ နာမ်ထွက်ဘွာလ်ဟိုဝေါလ် သတိပက်ခေါမ်အနေရိုး နာင်မီး ခူဝေါလ်ကိ #9:5 သပ့်ဖောက်ပေခေါမ်=ခေါင်လှီ့ငြင်းပယ်ခေါမ် အနေရိုး အာမ်စိုင်းခေါမ် ဂျူးခေါင်ယှီလှီ့ ဓလေ့ရိုး အထောလ်။သပ့်ဖောတ်ပေဟိလ့်ဘွတ်စူး” တိရို အမိန့်။ 6အင်မ်လှီ့ခါ အင်မ်ဓိလ်နောလ်ကိ ထွက်လူးထေ့နား နာမ်းဟှတ်ပါလ်နောလ် နာမ်းဟှတ် ဓိလ်တကအောလ် ဈာတ်ရောခ့်ထေ့နား ဖုလော်ရှင် ဆီးတင်ပွန်လှီ့ဟောထေ့နား နိမို့လှီ့ခါ ရောဂါလှီ့အာမ်ဓူပက်။
ကိုယ်တော်ယေရှုမှူးဟိုင်လီတိ ဟေရုဒ်
(ရှင်မဿဲ ၁၄:၁-၁၂။ ရှင်မာကု ၆:၁၄-၂၉)
7ဂါလိလဲဘီ အုပ်ချုပ်တိ ဟေရုဒ်နား ကိုယ်တော်ယေရှု စိုင်းဟိလ့်ခေါမ်လှီ့ကိမ်ကိမ် အရောက်ဟိုဝေါလ် အလုန်ရှုပ်လှာလ်။ ဟိဘော်ဟိုင်ရိုးနောက်ဟိုဝေါလ်စေး ခေါင်တချို့လှီ့နားစေး “သွီးဓေါလ်သန့်စင်ခေါမ်စိုင်းတိ ဆလော်ယောဟန် အဆောက်င်ဟင်လူးဘွာလ်ပါလ်” တိရို အာမ်ဟောင်ခန်းနောလ်ထောလ်။ 8အစွာခေါင်လှီ့နားစေး “ပရောဖက်ဧလိယ အကြွလူးဘွာလ်ပါလ် တိရိုခါ အချို့နားခါ ဟမာလ်မယ်ဟိလ့်တိ ပရောဖက်လှီ့ဒုလ့်ကာလ်ကိပါးဟှတ် အဆောက်င်ဟင်လူးဘွာလ်” တိရိုခါ 9အင်မ်ဘော်နားခါ ဟေရုဒ်နားစေး “ကေးနား ယောဟန် လူကီကေခိမ်းဟိလ့်ဆောက်ပါလ်။ တုအောလ် နီဆီးတင်လှီ့ ကေရောက်လောက်ခေါမ်စေး ဟအူဝေါလ် အထောလ်ခွတ်ကိုက်” တိရို ဟောင်ထေ့နား ကိုယ်တော်ဓေါလ် ခမ်းမေဟိုင်အလီ။
ခေါင်ထောင်ပိုးဟိုဝေါလ် ကျွေးမွေးခေါမ်
(ရှင်မဿဲ ၁၄:၁၃-၂၁။ ရှင်မာကု ၆:၃၀-၄၄။ ရှင်ယောဟန် ၆:၁-၁၄)
10သာဝကလှီ့ ခရီးရိုးကိ အာမ်ခိုက်လူးဘွာလ်ဟိုဝေါလ် ကိုယ်တော်ယေရှုအောလ် အာမ်စိုင်းဟိလ့်ခေါမ်လှီ့ အာမ်တင်ပြကြ။ အင်မ်ပါလ်နောလ် ကိုယ်တော်နား သာဝကလှီ့ယောင် ပါနယ်ထေ့နား ဗက်ဇဲဒလုအောလ် အာမ်ဈာတ်။ 11အင်မ်ဘော်နားခါ အင်မ်အကြောင်းလှီ့ ခေါင်လှီ့နား အာမ်ယှောက်ခန်းနောလ် ကိုယ်တော်နှူဝေါလ် အာမ်ရုန်းလူး။ ကိုယ်တော်နားခါ အင်မ်လှီ့ ကြိုဆိုထေ့နား ဖုလော်ရှင်သာသနာတော်အကြောင်းလှီ့ ဟောထေ့နား နိမို့လှီ့ခါ ခိလ်ဘွာလ်ဟနောလ် အဓူပက်။
12ခူမီလူးဟိလ့်ခန်းနောလ် သာဝကကုလာနှိ ကိုယ်တော်စငေါလ် လူးထေ့နား “နီဓိလ်နောက်ခေါမ် ခေါင်လှီ့မယ်နောက်ယဓိလ်နောလ် အထောလ်ခန်းနောလ် နီခေါင်အုပ်ခေါမ် အကီကာဝေါလ်ကိ နာမ်းလား လိုင်ကွင်းငေါလ် တိအား။ အင်မ်လှီ့နား တည်းနောက်ဟိုင်လား အေဟိုင်အောတ်ဟိုင်လှီ့ အာမ်လီ” တိရို အာမ်လျှောက်။
13အင်မ်ဘော်နားခါ ကိုယ်တော်နား “နာင်မီးနား အင်မ်လှီ့အောလ် အေဟိုင်အူဟှတ်ဟှတ် ပေးဘွတ်စူး” တိရို တပည့်တော်လှီ့အောလ် အမိန့်ဟိုဝေါလ်
အင်မ်လှီ့နား “နီခေါင်လှီ့ကိမ်ကိမ်တွက် အေအောတ်လှီ့ ကေးမီးနား ကာမ်လှည်းယေယနားစေး ကေးမီးစငေါလ် မုန့်လုံးပိုဟိုရ်လား ငေါလူနိယောင်အမယ်ခန်းနောလ် အင်မ်လှီ့စို့ခွတ်ယော်” တိရို အာမ်လျှောက်။ 14ခေါင်လှီ့ကိမ်ကိမ်ပေါင်း ခေါင်ပူတောဦးရေ ထောင်ပိုဟိုရ်ဘောင် အာမ်မယ်။
ကိုယ်တော်နား တပည့်တော်လှီ့အောလ် “ခေါင်လှီ့အောလ် ခေါင်ဟို့ကိပ်စီမ်ငွါဟိုင် ဟောင်ဘွတ်စူး” တိရို အမိန့်။ 15အတပည့်လှီ့နားခါ ကိုယ်တော်ဟောင်ဘော် အာမ်ငွါဆောက်။ ခေါင်လှီ့ခါ အင်မ်လှီ့ဟောင်ဘော် အာမ်ငွာကြ။ 16အင်မ်ပါလ်နောလ် ကိုယ်တော်နား မုန့်လုံးပိုဟိုရ်လား ငေါထစ်နှိကိလ်ထေ့နား ဟြှားလုဓေါ့်ဗာန် ဖုလော်ရှင်ကျေးဇူးတော် အချီးမွမ်း။ အင်မ်ပါလ်နောလ် ကိုယ်တော်နား အကွတ်တောလ် မုန့်လားငေါလှီ့ ဖက်ထေ့နား အတပည့်လှီ့အောလ် ပေးထေ့နား ခေါင်လှီ့အောလ် အဖဲ့ဆောက်။ 17ခေါင်လှီ့ကိမ်ကိမ်နား ဟို့ဟနောလ် အာမ်အေလောဒ့်ခေါမ် အပြင် အင်မ်လှီ့အေဆုမ်လှီ့ တပည့်တော်လှီ့နား အာမ်ကွဟိုဝေါလ် တောင်လုံးကုလာနှိအောလ်အလု အာမ်လောဒ့်။
ကိုယ်တော်ယေရှု မေရှိယအောလ်ထောလ်ခေါမ် ပေတရုနားဝန်အခံခေါမ်
(ရှင်မဿဲ ၁၆:၁၃-၂၀။ ရှင်မာကု ၈:၂၇-၃၀)
18နှိုပ်ဟှတ်တောလ် ကိုယ်တော်ယေရှု အာဘွတ်စော ဆုအတောင်ဟိုဝေါလ် ကိုယ်တော်နား တပည့်တော်လှီ့ခါ ကိုယ်တော်ဓေါလ်ဟှတောလ် အာမ်မယ်။ အင်မ်ဟိုဝေါလ် ကိုယ်တော်နား အင်မ်လှီ့အောလ် “ခေါင်လှီ့နား ကေး ဟအူတိရို အာမ်ဟောင်” တိရို အဟိ့။
19အင်မ်လှီ့နား “တချို့နား ကိုယ်တော်ခေါမ် သွီးဓေါလ်သန့်စင်ခေါမ်ပေးတိ ဆလော်ယောဟန် အဆောက်င်ဟင်လူးဘွာလ်တိရိုခါ၊ ပရောဖက်ဧလိယ အကြွလူးဘွာလ်တိရိုးခါ၊ ဟမာလ်မယ်ဟိလ့်တိ ပရောဖက်လှီ့ဒုလ့်ကာလ်ကိပါးဟှတ် အဆောက်င်ဟင်လူးဘွာလ်တိ တိရိုခါ အာမ်ဟောင်” တိရို အာမ်လျှောက်။
20အင်မ်ဟိုဝေါလ် ကိုယ်တော်ယေရှုနား “နာင်မီးနားစေး ကေး ဟအူတိရို နာမ်ခိန်” တိရို အဟိ့။ ပေတရုနား “ဖုလော်ရှင်တိလူးခေါမ် မေရှိယအောလ်နာထောလ်” တိရို အလျှောက်ဘွာလ်။
အဘာလ့်ခံဟိုင်ကြောင်း စိပ်စိပ်အမိန့်ဗာန်ခေါမ်
21အင်မ်ဟိုဝေါလ် ကိုယ်တော်နား နီအကြောင်းလှီ့ အူဝေါလ်ခါ ဆိုက်ယဟိုင် ပြင်းပြင်းထန်ထန်အငိုင်းယေဟိလ့်။ 22အင်မ်ပါလ်နောလ် ကိုယ်တော်နား အတပည့်လှီ့အောလ် “ခေါင်စိုးနား တပြင်းကုံး ဆိတ်ခံလောဒ့်ထေ့နား ဂျူးခေါင်ယှီဆောက်င်လန်လှီ့၊ ဂျူးပုရောဟိတ်လန်လှီ့လား ကျမ်းဆလော်လှီ့နား ငြင်းပယ်ထေ့နား အာမ်ဓုတ်ကိုက်။ အင်မ်ဘော်နားခါ အထုမ်နှိုပ်ပါလ် အင်မ် အဆောက်င်ဟင်လူးဘွာလ်ဝိုက်” တိရို အမိန့်။
ပုန်းဟို့လက်ဝါးကပ်တိုင် ပါးဘွတ်စူး
(ရှင်မဿဲ ၁၆:၂၀-၂၈။ ရှင်မာကု ၈:၃၀-၉:၁)
23အင်မ်ပါလ်နောလ် ကိုယ်တော်နား ခေါင်လှီ့အောလ် “အူခါဆီးဆတ် ကေးတပည့်အောလ် ထောလ်ဟိုင်လီတိစေး ပုန်းဟို့အကျိုးစွန့်ထေ့နား ပုန်းဟို့လက်ဝါးကပ်တိုင် ပုန်းဟို့နားဘားဗာန်#9:23 လက်ဝါးကပ်တိုင်ပါးနောက်ခေါမ်စေး ဘာလ့်လောဒ့်အိုက်နိုးနားခါ ကိုယ်တော်မိန့်ခေါမ် နှိုပ်တိုင်လိုက်ခွတ်တိအောလ်ထောလ်လောဒ့်အိုက်တိရို အထောလ်။ နှိုပ်တိုင် ကေးနှုဝေါလ် ရုန်းခွတ်တိအောလ် ထောလ်လောဒ့်အိုက်။ 24ဟိဘော်ဟိုင်ရိုးနောက်ဟိုဝေါလ်စေး ပုန်းဟို့ဆောက်င်ကယ်တင်ငယ်ဟိုင် လီတိလှီ့စေး ဆောက်င်ဆုံးရှုံးလောဒ့်အိုက်။ အင်မ်ဘော်နားခါ ကေးတွက်ကာလ် ပုန်းဟို့ဆောက်င်စွန့်တိစေး နိစ္စထာဝရဆောက်င်လောဒ့်အိုက်။ 25နာင်မီးနား ဆုမ်သပ့်ကာလ်မယ်တိတက ပိုင်ခွင့်လောဒ့်ထေ့နား နိစ္စထာဝါဆောက်င် လောဒ့်ယနားစေး ဟအီအကျိုးမယ်ရိုက်။ 26နာင်မီးနား ကေးလား ကေးတရားခေခေါလှီ့ လိုက်နာဟိုင် နာမ်ငြင်းနားစေ ခေါင်စိုးခေါမ် အပုန်းဟို့ဘုန်းတန်ခိုးတော်၊ ပေါလ်ဖုလော်ရှင် ဘုန်းတန်ခိုးတော်လား မြင့်မြတ်တိ နောတ်ဒေဝါလှီ့ဘုန်းတန်ခိုးတော်ဓေါလ်ဟှတောလ် ဆုမ်သပ့်ကာလ်အကြွလူးဘွာလ်ဟိုဝေါလ်ခါ နာင်မီး ကေးနှုန်ဝေါလ်ရုန်းတိလှီ့ တပည့်လှီ့ ဆီးယော်တိရို ကေငြင်းငိုက်။
27နာင်မီးရိုး အမှန်ကေဟောင်လောဒ့်အိုက်နောက်ဟိုဝေါလ်စေး နီဓိလ်နောလ် တုလ်တိအချို့လှီ့ ဖုလော်ရှင်သာသနာတော် မှူးလောဒ့်ယကော် ဘာလ့်ဟာမ်းဟိုင်ဆီးယော်ဟ” တိရို အမိန့်။
ကိုယ်တော်ယေရှုဘုန်းတန်ခိုး တပည့်ပွလ်ထုမ်နား အာမ်မှူးလောဒ့်ခေါမ်
(ရှင်မဿဲ ၁၇:၁-၈။ ရှင်မာကု ၉:၂-၈)
28အင်မ်ဘော်အမိန့်ခေါမ် နှိုပ်ဆာတ့်ဘောင်ငေါလ် ကိုယ်တော်နား ပေတရု၊ ယောဟန်းလား ယာကုပ်တိ ဈိပူနိုးထေ့နား ဆုတောင်းဟိုင် ကုန်းဟြှလ်နောလ် အာမ်ကွာ။ 29ကိုယ်တော် ဆုအတောင်းလှူဟိုဝေါလ် အဟွလ်းပုံသဏ္ဍန်ခေါမ် ပြောင်းလဲထေ့နား ဝတ်ရုံခါ ဗို့ရွားထေ့နား အလလင်းငယ်။ 30အင်မ်ပါလ်နောလ် စါစ်နောက်ကာလ် ခေါင်ပွလ်နှိ ကိုယ်တော်ဓေါလ်ဟှတောလ် အာမ်ခေဝေ။ အင်မ်ဟွဒ့်စေး ပရောဖက်မောရှေလား ပရောဖက်ဧလိယအောလ် အဟီထောလ်။ 31အင်မ်လှီ့နား ဘုန်းတန်ခိုးတော်လှီ့တော်ထေ့နား ထောလ်လူးဟိုင်ဟိလ့်တိ ဂျေရုဆလင်လုအောလ် ကိုယ်တော်အဘာလ့်ခံထေ့နား ကိုယ်တော်ဓေါလ်ပတ်သတ်တိ ဖုလော်ရှင်အစီစဉ် အပြည့်စုံငိုင်ဟိလ့်နောက်ခေါမ်အကြောင်းလှီ့ အာမ်ဟောင်။ 32အင်မ်ချိန်ငေါလ် ပေတရုလား အစွာအတပည့်ပွလ်နှိ အာမ်အိပ်။ အာမ်လတ်လူးဟိုဝေါလ် ချက်ချင်းကုံး ဘုန်းတန်ခိုးဓေါလ်ပြည့်စုံတိ ကိုယ်တော် အာမ်မှူးလောဒ့်။ အင်မ်လှီ့နား ကိုယ်တော်ဓေါလ် တုလ်တိပွလ်နှိခါ အာမ်မှူးလောဒ့်။ 33အင်မ်ပါလ်နောလ် ပရောဖက်မောရှေလား ပရောဖက်ဧလိယ အဟီဈာတ်ဘွာလ်ခေါမ်ချိန်ငေါလ် ပေတရုနား ကိုယ်တော်ဝေါလ် “ဆလော်ဝြား၊ နီဓိလ်နောလ် ဟမယ်ခေါမ် အခိလ်။ အင်မ်ခန်းနောလ် ကိုယ်တော်တွက် ခေါပ်လုံးဟှတ်၊ ဧလိယတွက်ခေါပ်လုံးဟှတ်၊ မောရှေတွက်ခေါပ်လုံးဟှတ် ကေးမီးနား ကာမ်ဆောက်ပက်တိုက်” တိရို အလျှောက်။ အင်မ်ဘော်နားခါ အင်မ်နား အပုန်းဟို့နားအပုန်းဟို့ ဟအီအဟောင်နောက်ခေါမ် စူးဝေယော်။
34ပေတရုနား အင်မ်ဘော် အဟောင်လှူဟိုဝေါလ် ခူဆက်ပွလ်ဟှတ်နား အင်မ်လှီ့ အဟြှလ်နောလ်ကထု ဆုန်ထေ့နား အင်မ်လှီ့ ခူဆတ်အညှာဓေါင်ငေါလ် အာမ်ခိုက်ခန်းနောလ် တပြင်းကုံး အာမ်ကိအယ်တောင်ကြ။ 35အင်မ်ဟိုဝေါလ် ခူဆက်တောလ်ကထု “နီနောက်ခေါမ် ကေးရွေးချယ်ခေါမ် ကေးစိုးဝေါလ် အထောလ်။ အင်မ် ခေငေဘွတ်စူး” နောက်ခေါမ် အထိုင်းပွလ်ဟှတ် အထွက်လူး။ 36အင်မ်အထိုင်းထွက်လူးပါလ်နောလ် ပေတရု၊ ယောဟန်လား ယာကုပ်တိနား ကိုယ်တော်ယေရှု ပါးဟှတ်ဘွတ်ယောင် အမှူးလောဒ့်။ အင်မ်လှီ့နား အာမ်မှူးဟိလ့်ခေါမ်လှီ့ #9:36 အင်မ်နှိုပ်လှီ့နောက်ခေါမ် ကိုယ်တော်ယေရှု ဘာလ့်နောက်ကာလ်ကိ အဆောက်င်ဟင်လူးဘွာလ်ခေါမ်အချိန်စိ။အင်မ်နှိုပ်လှီ့အောလ် အူဝေါလ်ခါ အီခါဟောင်ကော် ဒပ့်ကာလ်အာမ်မယ်ယေ။
နောတ်ဆီးလှီ့ ဆှုတ်ခေါမ်
(ရှင်မဿဲ ၁၇:၁၄-၁၈။ ရှင်မာကု ၉:၁၄-၂၇)
37အထာနှိုပ်ဟှတောလ် ကိုယ်တော်ယေရှေလား အတပည့်လှီ့ပွလ်ထုမ် ကုန်းဟြှလ်နောလ်ကိ အာမ်ကာမ်းလူးဘွာလ်ဟိုဝေါလ် ခေါင်လှီ့ပူးနူးနား အာမ်ကြိုဆို။ 38အင်မ်ခေါင်လှီ့ဒုလ့်ကာလ်ကိ ပွလ်ဟှတ်နား “ဆလော်ဝြား၊ ကေးစိုး ကူညီဟိုင် ကေခို့အယ်။ ကေးနား အင်မ် ကေစိုးပွလ်ဟှတ်ယောင် ကေတောဒ့်ကယ်။ 39ကေးစိုးစငေါလ် နောတ်ဆီးပူးကပ်ခန်းနောလ် စါစ်နောက်ကာလ် အဖလာဗာန် အပါရ်ဆော်။ နောတ်ဆီးနား ကေးစိုး အပုန်းဟှတ်လုံး စာတ်ဟနောလ်စိုင်းထေ့နား အမောင်ဟာဒုလ့်ကာလ်ကိ အဇာဝိုလှီ့ခါ ထွက်လူးဟနောလ် အစိုင်းထေ့။ အင်မ်နောတ်ဆီးနား ကေးစိုးနား တပြင်းကုံးနိအယ်ဟနောလ်စိုင်းထေ့နား တော်တော်ဝေါလ်ထွက်ယော်။ 40ကေးနား နာင်တပည့်လှီ့အောလ်ခါ ခို့အယ်ထေ့နား နီနောတ်ဆီး ဆှုတ်ဆောက်နားခါ အင်မ်လှီ့နား စိုင်းပက်ခွတ်ယော်ဟ” တိရို အလျှောက်။
41အင်မ်ဟိုဝေါလ် ကိုယ်တော်နား အတပည့်လှီ့အောလ် “ယုမ်ကြည်မှုမယ်ကော် အပြစ်ဒုစရိုက်လှီ့ စိုင်းတိလှီ့အား၊ ကေး နာင်မီးဓေါလ်ဟှတောလ်မယ်ထေ့နား အီဝှေ့သည်းကေခံလောဒ့်ဟာမ်းမိုက်” တိရို အမိန့်။ အင်မ်ပါလ်နောလ် ကိုယ်တော်နား အင်မ်ခေါင်ငေါလ် “နာင်စိုး ကေးစငေါလ် လူပူနိုးဝြား” တိရို အမိန့်။
42အင်မ်ဒိပ်စော အလူးပူနောက်ဟိုဝေါလ် နောတ်ဆီးနား အင်မ်ဒိပ်စော သပ့်ကာလ် ဟြမ်းဘောင်းဟနောလ်စိုင်းထေ့နား အင်မ်ဒိပ်စောအပုန်းပြတ် အစာတ်လှလ်။ အင်မ်ဘော်နားခါ ကိုယ်တော်နား နောတ်ဆီးထွက်ဟိုင် အမိန့်ပေးထေ့နား အင်မ်ဒိပ်စော ဓူပက်ပါလ်နောလ် အပေါလ်စငေါလ် အအပ်ဘွာလ်။
ဘာလ့်ခံဟိုင်အကြောင်း အနှိနောက်အမိန့်ခေါမ်
(ရှင်မဿဲ ၁၇:၂၂-၂၃။ ရှင်မာကု ၉:၃၀-၃၂)
43ခေါင်လှီ့နားခါ ဖုလော်ရှင်တန်ခိုးတော်လှီ့ အာမ်မှူးလောဒ့်ခန်းနောလ် စါစ်နိုးနားခါ ဆုံးယော်ဟ။ ကိုယ်တော်ယေရှုနား အစိုင်းခေါမ်လှီ့ ခေါင်လှီ့နား အာမ်စါစ်နောက်ဟိုဝေါလ် ကိုယ်တော်နား အတပည့်လှီ့အောလ် 44“နာင်မီးရိုး ကေးနား ကေဟောင်ခေါမ်လှီ့ အာရုံစိုက်ထေ့နား ငေရိုး။ ခေါင်စိုး ပွန်ယတိခေါင်လှီ့ကွတ်ဒုလ့်ကာလ် အအပ်ခံလောဒ့်အိုက်ဟိလ့်” တိရို အမိန့်။ 45အင်မ်ဘော်နားခါ အတပည့်လှီ့နား ကိုယ်တော် ဟောင်ဟိုင်လီခေါမ်လှီ့ ရောစူးယော်ဟ။ အင်မ် အဓိပ္ပါယ်လှီ့ အပြည့်အစုံ အထုအယ်ခန်းနောလ် အာမ်ယှောက်စုတ်င်ယနားခါ ကိုယ်တော်ဝေါလ် ဟီးဝံ့တီးယော်ဟ။
အကြီးမြတ်ဆုံးတိစေး ဟအူ
(ရှင်မဿဲ ၁၈:၁-၅။ ရှင်မာကု ၉:၃၃-၃၇)
46အင်မ်ပါလ်နောလ် ကိုယ်တော်ယေရှု တပည့်လှီ့နား အာမ်ပုန်းဟို့ ဒုလ့်ကာလ်ကိ ဟအူအကြီးမြတ်ဆုံးနောက်ခေါမ် ပွလ်ဟှတ်လားပွလ်ဟှတ် အာမ်ငြင်းငယ်တောင်။ 47အင်မ်ဘော်နားခါ ကိုယ်တော်နား အင်မ်လှီ့လုန် အစုတ်င်ခန်းနောလ် ဒိပ်စောပွလ်ဟှတ် ပါနယ်ထေ့နား အပုန်းဟို့ကာဝေါလ် တုလ်ဆောက်ထေ့နား 48အတပည့်လှီ့အောလ် “ကေးကြောင့်ငေါလ် နီဒိပ်စောပွလ်ဟှတ် လက်နာမ်ခံခေါမ်ခါ ကေး လက်နာမ်ခံခေါမ်ဘော်ယောင်။ ကေးလက်ခံတိခါ ကေးတိလူးတိဖုလော်ရှင် လက်ခံတိအောလ်အထောလ်။ နာင်မီးဒုလ့်ကာလ် ပုန်းဟို့နားပုန်းဟို့ နှိမ့်ချအယ်ဆုံးတိစေး ဖုလော်ရှင်မှူးအောလ် အကြီးမြတ်ဆုံးတိအောလ်ထောလ်” တိရို အမိန့်။
နာင်မီးဆန့်ကျင်ယတိ
(ရှင်မာကု ၉:၃၈-၄၀)
49အင်မ်ပါလ်နောလ် ယောဟန်နား “ဆလော်ဝြား၊ ဆလော် မိန်ဆူမ်မေထေ့နား ခေါင်လှီ့စငေါလ်ကိ နောတ်ဆီးလှီ့ဆှုတ်တိ ခေါင်ပွလ်ဟှတ် ကာမ်မှူးဟိလ့်။ အင်မ်ခေါင် ကေးမီးဓေါလ်ဟှတ်တောလ်လူးတိ ဆီးယခန်းနောလ် အင်မ်ဘော် အစိုင်းယဟိုင် ကာမ်ငိုင်းယေဟိလ့်” တိရို အလျှောက်ဟိုဝေါလ်
50ကိုယ်တော်နား “အင်မ်ခေါင် ငိုင်းယေကော့စူး။ နာင်မီး ဆန့်ကျင်ယတိခေါင်လှီ့စေး နာင်မီး ခီပွီရိုးအာမ်ထောလ်” တိရို အမိန့်။
ရှမာရိနာမ်းဆော်လှီ့နား ကိုယ်တော်အာမ်ဆန့်ကျင်ခေါမ်
51အင်မ်ပါလ်နောလ် ကိုယ်တော်ခေါမ် ဟြှားလုအောလ် အဈာတ်ဘွာလ်ဟိုင် အချိန်ဟျော်လူးဟိလ့်ခန်းနောလ် ဂျေရုဆလင်လုအောလ် ဈာတ်ဟိုင်အဆုံးဖြတ်။ 52ကိုယ်တော်နား စေတမန်အချို့ ရှမာရိဘီရိုးမယ်တိ နာမ်းနာမ်းဟှတ်တောလ် အရင်ငေါလ်တိထေ့နား အာမ်ပုန်းဟို့တွက်အဆင်သင့်ထောလ်ဟနောလ် အစိုင်းယေဆောက်။ 53အင်မ်ဘော်နားခါ ကိုယ်တော်ခေါမ် ဂျေရုဆလင်လုအောလ် ဦးတည်ယေနားအဈာတ်ခန်းနောလ် ရှမာရိနာမ်းမာလ်ကိ ခေါင်လှီ့နား ကိုယ်တော် လက်ခံယော်ဟ။ 54အင်မ်ဟိုဝေါလ် တပည့်တော်ဟွဒ့် ယာကုပ်လား ယောဟန်နားနောက်ခေါမ် အင်မ်အဖြစ်ပျက်လှီ့ အဟီစုတ်င်ဟိုဝေါလ် “အရှင်ငါး၊ ကေးမီးနား#9:54 တချို့ဂရိကျမ်းရိုးစေး ပရောဖက်ဧလိယစိုင်းဘော်တိရိုအပူလ် နေဟြှလ်နောလ်ကိ မေးကိုးလူးဟနောလ် စိုင်းထေ့နား အင်မ်လှီ့ ပျက်စီးဟနောလ်စိုင်းဟိုင် ဖုလော်ရှင်ငေါ ကာမ်ဟောင်လောဒ့်အိုက်ယာ” တိရို အာမ်လျှောက်။ 55အင်မ်ပါလ်နောလ် ကိုယ်တော်နား လှည့်အယ်ထေ့နား “ခေါင်စိုးနောက်ခေါမ် ခေါင်လှီ့ဓူးဟိုင် အလူးခေါမ်ဆီးယော်။ ကယ်ဟိုင်အလူးယောင်#9:55 တချို့ကျမ်းရိုးစေး “ခေါင်စိုးနောက်ခေါမ် ခေါင်လှီ့ဓူးဟိုင် အလူးခေါမ်ဆီးယော်။ ကယ်ဟိုင်အလူးယောင်” တိရို အရော့ကယ်။” တိရို အဆုံးမ။ 56အင်မ်လှီ့ အစွာနာမ်း နာမ်းဟှတ်တောလ် အာမ်ဈာတ်ဘွာလ်။
တပည့်တော်ဝေါလ် ထောလ်ဟိုင်လီတိလှီ့ ခေါင်ပွလ်ထုမ်
(ရှင်မဿဲ ၈:၁၉-၂၂)
57ကိုယ်တော်ယေရှုလား တပည့်တော်လှီ့ ဈာတ်နောက်ခရီးအောလ် ခေါင်ပွလ်ဟှတ်နား ကိုယ်တော်ဝေါလ် “ကေးခါ ကိုယ်တော် ကြွနောက်ဓိလ်တိုင်ငေါလ် ကေရုန်းလူးဝိုက်” တိရို အလျှောက်။
58ကိုယ်တော်နား “ခီဝါနား အတွင်းအတောဒ့်ကယ်၊ ဟိုးလှီ့နား အာမ်ဗူးအာမ်တောဒ့်ကယ်၊ အင်မ်ဘော်နားခါ ခေါင်စိုးနားစေး လူကီအခေါက်နောက်ဟိုင် အဓိလ်တောဝေယော်” တိရို အမိန့်။ 59အင်မ်ပါလ်နောလ် ကိုယ်တော်နား အစွာခေါင်ပွလ်ဟှတ် အပုန်းဟို့ကွလ်နောလ် ရုန်းဟိုင်အပါနယ်ဟိုဝေါလ် အင်မ်ခေါင်နား “အရှင်ငါး၊ တနိုစော စောင်ပက်မော်ဝြား။ အိမ်းမာလ်ဈာတ်ထေ့နား ကေးပေါလ် အဘာလ့်ပါလ်နောလ် ခိထေ့နား အရှင်ကွလ်နောလ် ကေလူးဝိုက်#9:59 တချို့မူးရင်းကျမ်းရိုး ဘာလ့်တိစေး ဘာလ့်တိလှီ့နား ခိဆက်ဟတိရို အပူလ်။” တိရို အလျှောက်။
60အင်မ်ဟိုဝေါလ် ကိုယ်တော်ယေရှုနား “ဘာလ့်တိစေး လုန်ဘာလ့်တိလှီ့နား ခိဆက်ဟ။ နာင်စေး ခေါင်လှီ့အောလ် ဖုလော်ရှင်သာသနာတော်အကြောင်းလှီ့ယောင် ဈာတ်ရော့ခ်ထေ့နား ဟောထတ်ကား” တိရို အမိန့်။
61အစွာခေါင်ပွလ်ဟှတ်နား “ကိုယ်တော်ဝြား၊ ကေး နာင်နှူဝေါလ် ကေလူးဝိုက်။ အင်မ်ဘော်နားခါ အိမ်းမာလ်ဈာတ်ဘွာလ်ထေ့နား မိသားစု ဘစ်တယ်ယေဟိုင်ခွင့်ပေးမော်ဝြား” တိရို အလျှောက်။
62ကိုယ်တော်နား “ထွန်တုံးဘိလ်ထေ့နား အနှူလာမ်းဓေါ့်ဝေထေ့တိခေါင်တိုင် ဖုလော်ရှင်သာသနာတော်တွက် အမှုးထမ်းဟိုင် အသုံးဝင်ယော်” တိရို အမိန့်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.