ရှင်လုကာ 8
8
အခန်း (၈)
ကိုယ်တော်ယေရှုဓမ္မအမှုအောလ် ကူညီပက်တိမုတောလှီ့
1အချိန်မက်စောအဓီပါလ်နောလ် ကိုယ်တော်ခေါမ် သာဝကကုလာနှိဓေါလ် လုလှီ့နာမ်းလှီ့အောလ် ဈာတ်ရောခ့်ထေ့နား ဖုလော်ရှင်သာသနာတော်အကြောင်း ဆီးတင်ပွန် အာမ်ဟောရောခ့်။ 2အင်မ်အပြင် ရောဂါခိတ်တိလှီ့လား နောတ်ဆီးပူးကပ်ခံလောဒ့်ထေ့နား ခိလ်ဘွာလ်တိ မုတောလှီ့ခါ ကိုယ်တော်ဓေါလ်ဟှတောလ် အာမ်လူး။ အင်မ်လှီ့ဒုလ့်ကာလ် နောတ်ဆီးလူဆိ့ ပူးကပ်ခံဟိလ့်လောဒ့်ထေ့နား ခိလ်ဘွာလ်တိ မာဂဒလနာမ်းမာလ်ကိ မာရိခါအပူလ်။ 3အင်မ်အပြင် အုပ်ချုပ်တိဟေရုတ် စီမံတိအောလ်ထောလ်တိ ခုဇနား အပီးဟာ ယောဟန္န၊ ရှုရှန္နလား အစွာမုတောလှီ့ခါအာမ်ပူလ်။ အင်မ်လှီ့မုတောလှီ့ကိမ်ကိမ်နား စလိပ်ဟို့ဝေါလ် ကိုယ်တော်ယေရှုလားတပည့်လှီ့ အာမ်ကူညီ။
မျိုးစီးကြဲတိ ပုံဥပမာ
(ရှင်မဿဲ ၁၃:၁-၉။ ရှင်မာကု ၄:၁-၉)
4လုလှီ့ နာမ်းလှီ့အောလ်ကိ ခေါင်လှီ့စုဝေးထေ့နား ကိုယ်တော်ယေရှုစငေါလ် အာမ်လူး။ အင်မ်ဟိုဝေါလ် ကိုယ်တော်နား အင်မ်ခေါင်လှီ့အောလ် နီပုံဥပမာ အမိန့်ဟိလ့်။ 5“လိုင်မို့ဘိုးပွလ်ဟှတ် လိုင်ကွင်းဒုလ့်ကာလ် မျိုးစီးပေါက်ဟိုင်ရိုး အဈာတ်။ အင်မ်လိုင်မို့ဘိုးနား မျိုးစီးအပေါက်ဟိုဝေါလ် အချို့မျိုးစီးလှီ့စေး ခေါင်ဈာတ်နောက်လာမ်းမာလ်အကိုးဝေ။ အင်မ်မျိုးစီးလှီ့ ခေါင်လှီ့နား အာမ်လိပါ့ခန်းနောလ် ဟိုးလှီ့နား အာမ်အေ။ 6အချို့မျိုးစီးလှီ့စေး လုံးခုံငေါလ်ကိသပ့်ကာလ် ကိုးဝေထေ့နား အထိင်းလှီ့ အာမ်ဈတ်လူး။ အင်မ်ဘော်နားခါ သွီးအမယ်ယခန်းနောလ် ဓီယော် အဇာလူးလာခ့်။ 7တချို့မျိုးစီးလှီ့စေး ခုမ်တူဒုလ့်ကာလ် အာမ်ကိုးဝေ။ အထိင်းလှီ့ အဈတ်လူးနားခါ ခုမ်ကွားဝေါလ်ယောင် လောင်းရိပ်မိခေါမ် အာမ်ခံလောဒ့်။ 8အချို့မျိုးစီးလှီ့စေး သပ့်ပွန်နောက်ဓိလ်နောလ် အာမ်ကိုးဝေခန်းနောလ် အထိင်းဈာတ်လူးဟိုဝေါလ် အဆဖို့ဟှတ်ဘောင် အဌေ့လှီ့ပူနူးအဌေး” တိရို အမိန့်။
အင်မ်ဘော် အမိန့်ပါလ်နောလ် “နှော်မယ်ထေ့နား ငေထေ့တိတိလှီ့အား အာရုံစိုက်ထေ့နား ငေဘွတ်စူး” တိရို အကြွေးကြော်။
ပုံဥပမာ ရည်ရွယ်ချက်
(ရှင်မဿဲ ၁၃:၁၀-၁၇။ ရှင်မာကု ၄:၁၀-၁၂)
9အင်မ်ပါလ်နောလ် တပည့်တော်လှီ့နား ကိုယ်တော်ဝေါလ် ပုံဥပမာ အဓိပ္ပာယ် အာမ်ဟိ့။ 10အင်မ်ဟိုဝေါလ် ကိုယ်တော်နား “နာင်မီးရိုး ဖုလော်ရှင်သာသနာတော် လျှို့ဝှက်ချက်နောက်ခေါမ် ကေရှင်းပြဟိလ့်ပါလ်။ အင်မ်ဘော်နားခါ ကေးနား အစွာခေါမ်လှီ့အောလ် ပုံဥပမာလှီ့ဓေါလ် ကေဟောလောဒ့်ခေါမ်စေး ပရောဖက်ဟေရှာယကျမ်းစော်ဒုလ့်ကာလ်
ဓေါ့်နားခါ မှူးခွတ်ယော်ဟာ့၊
ရောနားခါ ရောစူးခွတ်ယော်ဟာ့ နောက်ခေါမ် ကျမ်းစော်ပြည့်စုံဟိုင်တွက်ကာလ်အထောလ်”
တိရို အမိန့်။
မျိုးစီးကြဲတိ ပုံဥပမာ အဓိပ္ပာယ်
(ရှင်မဿဲ ၁၃:၁၈-၂၇။ ရှင်မာကု ၄:၁၃-၂၀)
11အထာကွန်ဟှတ် ကိုယ်တော်နား “ပုံဥပမာ ဆိုလိုရင်း အဓိပ္ပါယ်စေး မျိုးစီးခေါမ် ဖုလော်ရှင် နှုတ်ကပါတ်တော်တရားလှီ့အောလ် အထောလ်။ 12လာမ်းမာလ်ကိုးတိ မျိုးစီးလှီ့စေး ဖုလော်ရှင်နှုတ်ကပါတ်တော်တရားလှီ့ ငေလောဒ့်တိလှီ့အောလ် အာမ်ထောလ်။ အင်မ်ဘော်နားခါ မာရ်နောတ် လူးထေ့နား အင်မ်ခေါင်လှီ့ လုန်ငေါလ်ကိ ဖုလော်ရှင်နှုတ်ကပါတ်တော်တရားလှီ့ အဈိအယ်ခန်းနောလ် ယုမ်ကြည်မှုပျက်စီးထေ့နား ကယ်တင်ခေါမ် ခံလောဒ့်ယတိလှီ့အောလ်အာမ်ထောလ်။ 13လုံးခုံငေါလ်ကိသပ့်ကာလ် ကိုးဝေတိ မျိုးစီးနောက်ခေါမ်စေး ဖုလော်ရှင်နှုတ်ကပါတ်တော်တရားလှီ့ အာမ်ငေးလောဒ့်ဟိုဝေါလ် ချက်ချင်း ပျော်ဗာန်လက်ခံတိလှီ့အောလ်အာမ်ထောလ်။ အင်မ်ဘော်နားခါ ဖုလော်ရှင် နှုတ်ကပါတ်တရားလှီ့ အာမ်လုန်ဒုလ့်ကာလ် ဓီဟနောလ်အရုန်းလှီ့ တွယ်ကပ်အယ်ယော်ဟာ့။ အင်မ်လှီ့နား တနိုစောယောင် အာမ်ယုမ်။ ဘဝအောလ် ခက်ခဲကြမ်းတမ်းတိလှီ့ဓေါလ် ရင်ဆိုင်လောဒ့်ဟိုဝေါလ် ဖုလော်ရှင် အာမ်ယုမ်ခေါမ် ချက်ချင်းကုံး လက်လွှတ်တိလှီ့အောလ်အာမ်ထောလ်။ 14ခုမ်တူဒုလ့်ကာလ် ကိုးဝေတိ မျိုးစီးနောက်ခေါမ်စေး ဖုလော်ရှင်နှုတ်ကပါတ်တော်တရားလှီ့ ငေလောဒ့်နားခါ လောကီစည်းစိမ်လား ဘို့ခေါမ်လှီ့၊ ဆဆော်ခေါမ်လှီ့ဓေါလ် အပိတ်ခံလောဒ့်ခန်းနောလ် ဖုလော်ရှင် နှုတ်ကပတ်တရားတော်ဘော် မယ်ယတိလှီ့အောလ် အာမ်ထောလ်။ 15ပွန်နောက်သပ့်ကာလ် ကိုးဝေတိ မျိုးစီးနောက်ခေါမ်စေး နှုတ်ကပါတ်တော်တရားလှီ့ အာမ်ငေးလောဒ့်ဟိုဝေါလ် ရိုးသားထေ့နား ပွန်တိအာမ်လုန်ငေါလ် စီမ်းမေထေ့နား ဖုလော်ရှင်နှုတ်ကပတ်တော်ဘော် မယ်တိလှီ့အောလ်အာမ်ထောလ်” တိရို အမိန့်။
မေးအိမ်း ပုံဥပမာ
(ရှင်မာကု ၄:၂၁-၂၅)
16အင်မ်ပါလ်နောလ် ကိုယ်တော်ယေရှုနား ဆက်ကယ်နား “မေးအိမ်းတော်ထေ့နား တောင်ကွားဝေါလ်ခါဆီးဆတ် ကုတင်ကွားဝေါလ်ခါဆီးဆတ် တောတိ အူခါမယ်ယော်။ အင်မ်အစား မေးအိမ်းခေါမ် မေးတိုင်ငေါလ် ပို့အယ်နား တောဒ့်ဟိုဝေါလ်ယောင် အိမ်းဒုလ့်ကာလ် ဝင်လူးတိလှီ့နား အဝြာအာမ်မှူးလောဒ့်အိုက်။ 17ဟိဘော်ဟိုင်ရိုးနောက်ဟိုဝေါလ်စေး ဆူလ်ရိုးလောဒ့်ယဟနောလ် ထုအောလ်လောဒ့်ခေါမ် အီခါမယ်ယော်။ စုတ်င်ယဟနောလ် တောဒ့်ခွတ်ခေါမ် လျို့ဝှက်ချက်နောက်ခေါမ်ခါ မယ်ယော်။ 18အင်မ်ခန်းနောလ် ကေးဟောခေါမ်လှီ့ အာရုံစိုက်ထေ့နား ငေရိုး။ ဟိဘော်ဟိုင်ရိုးနောက်ဟိုဝေါလ်စေး ရောစူးဟိုင်လီတိလှီ့အောလ် ပိုဝေနား ရောစူးဟနောလ် ဖုလော်ရှင်နားအစိုင်းရိုက်။ အင်မ်ဘော်နားခါ ရောစူးဟိုင်လီယတိလှီ့စငေါလ်ကိစေး အင်မ်လှီ့နား အာမ်ရောက်စုတ်င် တိရို အာမ်ခိန်ခေါမ်ကုံးခါ ဖုလော်ရှင်နား အဈိအယ်ရိုက်” တိရို အမိန့်။
စစ်မှန်တိ မိသားစု
(ရှင်မဿဲ ၁၂:၄၆-၅၀။ ရှင်မာကု ၃:၃၁-၃၅)
19နှိုပ်ဟှတ်တောလ် ကိုယ်တော်ယေရှု အနူးလားအနောင်လှီ့ ကိုယ်တော်ဓေါလ် ခမ်းမယ်ဟိုင် အာမ်ခိုက်လူး။ အင်မ်ဘော်နားခါ ခေါင်ထုလှီ့ ပူနူးအာမ်မယ်ခန်းနောလ် ကိုယ်တော်စငေါလ် ခိုက်ခွတ်ယော်ဟ။ 20အင်မ်ခန်းနောလ် ခေါင်ပွလ်ဟှတ်နား ကိုယ်တော်ဝေါလ် “နာင်နူးလားနာင်နောင်တိ နာင်ဓေါလ် ခမ်းမယ်ဟိုင် အာမ်လီခန်းနောလ် အပြင်ငေါလ် အာမ်စောင်” တိရို အလျှောက်။
21အင်မ်ဘော်နားခါ ကိုယ်တော်နား “ဖုလော်ရှင် နှုတ်ကပါတ်တော်လှီ့ ငေထေ့နား လိုက်နာတိလှီ့ကိမ်ကိမ် ကေး နူးလား ကေးသာနောင်လှီ့အောလ်အာမ်ထောလ်” တိရို အမိန့်။
လီမုန်တိုင်းနား ကိုယ်တော်ယေရှု နာခံခေါမ်
(ရှင်မဿဲ ၈:၂၃-၂၇။ ရှင်မာကု ၄:၃၅-၄၁)
22နှိုပ်ဟှတ်တောလ် ကိုယ်တော်ယေရှုခေါမ် အတပည့်လှီ့ဓေါလ် လော်စင်ဟှတ်တောလ် ကွာထေ့နား “နီအောန်င် ဝင်းလာမ်းမာလ် ကောတ်လူးဘူး” တိရို အမိန့်ခန်းနောလ် စအယ်နားရွက်လွှင့်ငယ်နားအာမ်ဈာတ်။ 23အင်မ်လှီ့ သွီးအောန်င်အာမ်ကောတ်လှူလှူဟိုဝေါလ် ကိုယ်တော်ခေါမ် လော်ခုံငေါလ် အအိပ်။ စါစ်နောက်ကာလ် အောန်င်ငေါလ် မုန်တိုင်းလူးထေ့နား လော်ဒုလ့်ကာလ် သွီးအဝင်ခန်းနောလ် ကိတ်ဟိုင်ရိုးအထောလ်လူးခေါမ် အန္တရာယ်ဓေါလ်အာမ်ခမ်း။
24အင်မ်ဟိုဝေါလ် တပည့်တော်လှီ့နား ကိုယ်တော်ယေရှုကာဝေါလ်ဈာတ်ထေ့နား လှပ်ထေ့နား “ဆလော်ဝြား၊ ဆလော်ဝြား ဟမီး ဟဘာလ့်တိုက်ဟိလ့်” တိရို အာမ်လျှောက်ခန်းနောလ်
ကိုယ်တော်ခေါမ် အိပ်နောက်ကာလ်ကိထောထေ့နား ခီလှီ့၊ လှိုင်းလှီ့ ရပ်တန့်ဟိုင်ရိုး အမိန့်ပက်။ အင်မ်ဟိုဝေါလ် ချက်ချင်းကုံးကိမ်ကိမ် အငြိမ်ကျဘွာလ်။ 25အင်မ်ပါလ်နောလ် ကိုယ်တော်နား အတပည့်လှီ့အောလ် “နာင်မီး ယုမ်ကြည်ချက်စေး ဟိဘောင်ငေါလ်” တိရို အဟိ့ဟိုဝေါလ်
အင်မ်လှီ့ကိမ်ကိမ်နား ကိထေ့နား စါစ်နိုးဗာန် အင်မ်လှီ့နား “နီခေါင်စေး ဟိဘောင်ခေါင်။ လှိုင်းလား ခီလှီ့ကုံးနားခါ နီအမိန့် အာမ်နာခံလောဒ့်ဆီး” တိရို ပွလ်ဟှတ်လားပွလ်ဟှတ် အာမ်ဟောင်ဝေတောင်။
နောတ်ဆီးလှီ့ ဆှုတ်ခေါမ်
(ရှင်မဿဲ ၈:၂၈-၃၄။ ရှင်မာကု ၅:၁-၂၀)
26အင်မ်ပါလ်နောလ် ကိုယ်တော်ယေရှုလား အတပည့်လှီ့ ဂါလိလဲအောန်င် လော်စင်ဟှတ်တောလ် ကောတ်ထေ့နား ဂါရစလုကာဝေါလ်ကိ ကုမ်းကာဝေါလ် အာမ်ခိုက်ယေ။ 27ကိုယ်တော် လော်ဟြှလ်နောလ်ကိ အကာမ်းဟိုဝေါလ် အင်မ်လုအောလ်ကိ ခေါင်ပွလ်ဟှတ် ကိုယ်တော်ဓေါလ် အခမ်းမေလူး။ အင်မ်ခေါင်ခေါမ် နောတ်ဆီးပူးကပ်တိခန်းနောလ် အိမ်းမာလ်ခါ မယ်ယော်၊ ဆူးဆောက်ခါ ခုအယ်ကော် စူလှီ့ကြားဝေါလ် အချိန်ဓီဟနောလ် ဈာတ်ရော့ခ်ထေ့နား မယ်တိပွလ်ဟှတ်တောလ် အထောလ်။ 28အင်မ်ခေါင်နား ကိုယ်တော် အမှူးဟိုဝေါလ် ပါရ်ဗာန် ကိုယ်တော်မော်ဝေါလ် ခုတ်လူရ်ထောက်ထေ့နား “တန်ိခုးအလန်ဆုံးတိ ဖုလော်ရှင်နားအစိုး ယေရှု၊ ကေးစငေါလ်ကိ ဟအီနာလီ။ ကေးနှိပ်စက်ကော့အား။ ကေခို့အယ်” တိရို ပါရ်ထေ့နား အလျှောက်။ 29အင်မ်ဘော် အလျှောက်လောဒ့်ခေါမ်စေး ကိုယ်တော်နား အင်မ်နောတ်ဆီး အင်မ်ခေါင်စငေါလ်ကိ ထွက်လူးဘွာလ်ဟိုင်ရိုး အမိန့်ပက်ခန်းနောလ် အထောလ်။ ဟမာလ် အင်မ်ခေါင်ငေါလ် နောတ်ဆီးနား ကွလ်မှန်အနှိုပ်စက်ဆော်။ အကွတ်ခူလှီ့ ထီးရွရ်းလှီ့အောလ် ခူန်းနားခါ အင်မ်နား ထီးရွရ်းလှီ့ ပါက်ကိုတ်ထေ့နား ခေါင်ဟီန်းနောက်ဓိလ်နောလ် နောတ်ဆီးနား အဈိအယ်ခေါမ်အခံလောဒ့်။
30ကိုယ်တော်နား အင်မ်နောလ် “နာင်မိန်စေး ဟအူ” တိရို အဟိ့ဟိုဝေါလ်
အင်မ်ပုန်းဒုလ့်ကာလ် နောတ်ဆီးပူနူး ပူးကပ်အယ်ခန်းနောလ် အင်မ်နား #8:30 လေဂေါင်=လေဂေါင်နောက်ခေါမ်စေး ရောမစစ်တပ် ပူနူးမယ်တိ စစ်ဆော်အရေတွက်။ လေဂေါင်တိရို ဟောင်ခေါမ် တပ်စုစုဟှတ်တောလ် စစ်ဆော်အရေတွက် ထောင်ဆော့ကြားဝေါလ်အမယ်။“လေဂေါင်” တိရို အဖြေဘွာလ်။ 31အင်မ်နောတ်ဆီးလှီ့နား ကိုယ်တော်ယေရှုအောလ် “နောတ်ဆီးလှီ့ အပြစ်ပက်နောက် တွင်းထုတ်ဟုမ်တိဒုလ့်ကာလ် ထောက်ကော့အား” တိရို အာမ်ခို့အယ်။
32အင်မ်ဟိုဝေါလ် ဝက်လှီ့ဖွဲ့ဟှတ် ကုန်းဟြှလ်နောလ် စောတ်အာမ်အေ။ အင်မ်နောတ်ဆီးလှီ့နား အင်မ်ဝက်လှီ့ဒုလ့်ကာလ်ဝင်ဟိုင်ခွင့်ပက်ဟိုင် ကိုယ်တော်ဝေါလ် အာမ်ခို့အယ်ခန်းနောလ် ကိုယ်တော်နား ခွင့်အပြုဟိလ့်။ 33အင်မ်ပါလ်နောလ် အင်မ်နောတ်ဆီးလှီ့ ခေါင်စငေါလ်ကိ ထွက်ဘွာလ်ထေ့နား ဝက်လှီ့ဒုလ့်ကာလ် အာမ်ဝင်ငယ်။ အင်မ်ဟိုဝေါလ် ဝက်လှီ့ကိမ်ကိမ် ကုန်းဟြှလ်နောလ်ကိ လော်ရိုးကိ သွီးအောန်င်ငေါလ် ဆိုလ်ထေ့နား သွီးအာမ်စူမ်းကြ။
34အင်မ်ဟိုဝေါလ် ဝက်စောင်တိလှီ့နား ဝက်လှီ့အဖြစ်ပျက် အာမ်မှူးလောဒ့်ဟိုဝေါလ် ဈာန်းထေ့နား အင်မ်ဆီးတင် လုတိုင်နာမ်းတိုင်ငေါလ် အာမ်ဆိုက်ရောခ့်လှာလ်။ 35ခေါင်လှီ့နား အင်မ်အဖြစ်ပျက်လှီ့ မှူးလောဒ့်ဟိုင်ရိုး လုအောလ်ကိ ထွက်လူးထေ့နား ကိုယ်တော်ယေရှုစငေါလ် အာမ်ခိုက်လူး။ အင်မ်ဟိုဝေါလ် နောတ်ဆီးပူးကပ်ထေ့နား ခိလ်ဘွာလ်တိခေါင် ဆူဆောက်ခုအယ်ထေ့နား ကိုယ်တော်ခူဇောဝေါလ် အငွာခေါမ် အာမ်မှူးဟိုဝေါလ် ကိုယ်တော် အာမ်ကိအယ်တောင်းကြ။ 36အင်မ်ပါလ်နောလ် အင်မ်အဖြစ်ပျက် မှူးလောဒ့်တိ ခေါင်လှီ့နား အင်မ်ခေါင် နောတ်ဆီး ပူးကပ်ခေါမ်ငေါလ်ကိ ဟိဘော် ကယ်တင်ခေါမ် အခံလောဒ့်နောက်ခေါမ် ခိုက်လူးတိခေါင်လှီ့အောလ် အာမ်ဆိုက်။ 37ဂါရစအောလ်ကိခေါင်တိုင်နား အာမ်ကိခန်းနောလ် ကိုယ်တော်ယေရှု အင်မ်ဓိလ်နောလ်ကိ ဈာတ်ဘွာလ်ဟိုင်အာမ်ခို့အယ်။ ကိုယ်တော်ယေရှုခါ အတပည့်လှီ့ဓေါလ် လော်ခုံငေါလ်ကွာထေ့နား အင်မ်ဓိလ်နောလ်ကိ အဈာတ်ဘွာလ်။
38ကိုယ်တော် အင်မ်ဓိလ်နောလ်ကိ အထွက်လူးလှောင်နောလ် နောတ်ဆီးပူးကပ်ခံလောဒ့်ထေ့နား ခိလ်ဘွာလ်တိနား ကိုယ်တော် ကိုနောလ် ရုန်းဟိုင်အခို့အယ်။ အင်မ်ဘော်နားခါ ကိုယ်တော်နား အင်မ်ခေါင် ခွင့်ပြုယော်။ 39ကိုယ်တော်နား အင်မ်နောလ် “နာအိမ်းမာလ် ဈာတ်ဘွာလ်ထေ့နား ဖုလော်ရှင်နား နာင်တွက် အစိုင်းဟိလ့်ခေါမ်တက ခေါင်တိုင်ငေါလ် ဆိုက်ရောခ့်ဘွတ်” တိရို အမိန့်ဟိလ့်ခန်းနောလ် အင်မ်ခေါင်နား လုတကနာမ်းတကအောလ် ဈာတ်ရောခ့်ထေ့နား ကိုယ်တော်ယေရှုနား အပုန်းဟိုးဝေါလ် စိုင်းဟိလ့်ခေါမ်တကအဆိုက်ရောခ့်။
အဆောက်င်ဟင်ဘွာလ်တိ မုတောစိုးလား ရောဂါခိလ်ဘွာလ်တိမုတေားနူး
(ရှင်မဿဲ ၉:၁၈-၂၆။ ရှင်မာကု ၅:၂၁-၄၃)
40အင်မ်ပါလ်နောလ် ကိုယ်တော်ယေရှုခေါမ် အတပည့်လှီ့ဓေါလ်ဟှတောလ် အောန်င်ဝင်းလာမ်းမာလ် အကြွလူးဘွာလ်ဟိုဝေါလ် ခေါင်ထုပရိတ်သတ်လှီ့နားအာမ်ကြိုဆို။ ဟိဘော်ဟိုင်ရိုးနောက်ဟိုဝေါလ်စေး ကိုယ်တော်လူးဘွာလ်ဟိုင် အာမ်စောင်ခန်းနောလ်ထောလ်။ 41အင်မ်ဓိလ်နောလ် ဂျူးခေါင်ယှီ ယာဣရုမိန်နိုးတိ ဓမ္မာရုံတာဝန်ခံ ပွလ်ဟှတ်အမယ်။ အင်မ်ခေါင်နား ကိုယ်တော်ခူဇောဝေါလ် ခုတ်လူရ်ထေ့နား အအိမ်းမာလ် ကြွလူးပက်ဟိုင် အခို့အယ်။ 42ဟိဘော်ဟိုင်ရိုးနောက်ဟိုစေး ကုမ်ကုလာနှိမယ်တိ ပွလ်ဟှတ်ဘွတ်စော အတောဒ့်ကယ်ခေါမ်အစိုး ဘာလ့်ဟိုင်ထု စာန်းယအောလ် အထောလ်ခန်းနောလ်ထောလ်။
ကိုယ်တော် အင်မ်အိမ်းမာလ် အကြွနောက်လာမ်းမာလ် ခေါင်လှီ့နားခါ ကိုယ်တော်နှုဝေါလ် အာမ်ရုန်းလူ။ 43အင်မ်ခေါင်လှီ့ဒုလ့်ကာလ်ကိ မုတောပွလ်ဟှတ် မုတောရောဂါဝေါလ်အထောလ်ခေါမ် ကုမ်ကုလာနှိ အမယ်ပါလ်နားခါ အီဘောင်ဆလော်နားခါ ခိလ်ဘွာလ်ဟနောလ် #8:43 တချို့ကျမ်းရိုးစေး အင်မ်မုတောနား အတောဒ့်ကယ်လှီ့အဘွတ်ခံထေ့နား ဓူဝေဟိလ့်နားခါ အူနားခါခိလ်ဘွာလ်ဟနောလ် ဓူခွတ်ယော်ဟ တိရို အပူလ်။ ဓူဟိလ့်ခွတ်ယော်ဟ။ 44အင်မ်မုတော ကိုယ်တော်ယေရှုကာဝေါလ် ဈာတ်ထေ့နား ကိုယ်တော်ဝတ်ရုံအဇီလ် အကွတ်တောလ် အလှမ်းဘွတ်တောလ် ချက်ချင်းကုံး အင်မ်မုတောရောဂါ အခိလ်ဘွာလ်လှလ်။
45ကိုယ်တော်နား “ကေး ဟအူနားအလှမ်း” တိရို အဟိ့ဟိုဝေါလ် ခေါင်လှီ့နားခါ ကိုယ်တော် အူနားခါ လှမ်ယော်ဟ တိရို အာမ်ငြင်း။ အင်မ်ဟိုဝေါလ် ပေတရုနား#8:45 တချို့ကျမ်းစော်ဝေါလ်စေး ပေတရုလား ပေတရုဓေါလ်ဟှတ်တောလ်မယ်တိလှီ့အာမ်ဟောင်တိရို အပူလ်။ “ဆလော်ဝြား၊ ဆလော် ကီးကာဝေါလ် ခေါင်လှီ့နက်တယ်တောင်ထေ့နား ပူးနူးအာမ်မယ်” တိရို အလျှောက်ဘွာလ်။
46အင်မ်ဘော်နားခါ ကိုယ်တော်ယေရှုနား “ပွလ်ဟှတ်ဟှတ်နား ကေး အလှမ်း။ ဟိဘော်ဟိုင်ရိုး နောက်ဟိုဝေါလ်စေး ကေးစငေါလ်ကိ တန်ခိုးအထွက်ခေါမ် ကေဘီယေ” တိရို အမိန့်ဘွာလ်။
47အင်မ်မုတောနားခါ အထုခွတ်တီးယခန်းနောလ် ကိထေ့နားစာတ်ဗာန် ကိုယ်တော်မော်ဝေါလ် ခုတ်လူရ်ထောက်ထေ့နား ကေးနား ကေလှမ်းလား အရောဂါချက်ချင်းကုံးအခိတ်ဘွာလ် တိရို ခေါင်လှီ့အောလ် အဆိုက်ဘွာလ်။ 48ကိုယ်တော်နား အင်မ်မုတောဝေါလ် “စိုးဝြား။ နာင်တုအောလ် နာခိလ်ဘွာလ်ခေါမ် နာင်ယုမ်ကြည်မှုကြောင့်ငေါလ် နာခိလ်ဘွာလ်ယောင်။ ငြိမ်းငြိမ်းချမ်းချမ်း ဈာတ်ဟိလ့်ယောင်ငါး” တိရို အမိန့်။
49ကိုယ်တော်ယေရှုနား နီဘော်အမိန့်ဟိုဝေါလ် ဓမ္မာရုံတာဝန်ခံ ယာဣရုအိမ်းမာလ်ကိ ခေါင်ပွလ်ဟှတ် ခိုက်လူးထေ့နား “နာင်စိုး အဘာ့လ်ပါလ်။ ဆလော် နှောက်ယှက်တိကောအား” တိရို ယာဣရုအောလ် အဟောင်။
50အင်မ်ခေခေါ ကိုယ်တော်ယေရှုနား အရောက်ဟိုဝေါလ် ယာဣရုအောလ် “ကိကော့အား။ ယုမ်ကြည်မှုယောင်တောဝြား။ နာင်စိုး အဟင်လူးဘွာလ်ဟိုင်ယောင်” တိရို အမိန့်။
51ကိုယ်တော်ယေရှု ယာဣရုအိမ်းမာလ်အခိုက်ဟိုဝေါလ် ပေတရု၊ ယောဟန်၊ ယာကုပ်လား ဒိပ်စော နူးပေါလ်ပွလ်နှိရိုးကိ လွဲထေ့နား ကျန်တိခေါင်လှီ့ အိမ်းဒုလ့်ကာလ် ဝင်ခွင့်ပေးယော်။ 52ခေါင်တိုင် ဒိပ်စော အဘာလ့်ပါလ် တိရို အာမ်ကာပ်။ အင်မ်ဘော်နားခါ ကိုယ်တော်နား “ကာပ်ကော့စူ။ နီဒိပ်စော အဘာလ့်ဆီးယော်။ အအိပ်ယောင်” တိရို အမိန့်ခန်းနောလ်
53ခေါင်လှီ့နား ကိုယ်တော်ယေရှု လှောင်ပြောင်ထေ့နား အာမ်နုနောက်။ ဟိဘော်ဟိုင်ရိုးနောက်ဟိုစေး အင်မ်ခေါင်လှီ့နား အင်မ်ဒိပ်စော အဘာလ့်ခေါမ် အာမ်စုတ်ခန်းနောလ်ထောလ်။ 54အင်မ်ဘော်နားခါ ကိုယ်တော်ယေရှုနား အင်မ်ဘာလ့်တိ မုတောစော ကွတ်နှိုမ်းကစ်ထေ့နား “ဒိပ်စောဝြား၊ ထောဟိလ့်ယောင်” တိရို အမိန့်။ 55အင်မ်ချိန်ငေါလ် အင်မ်ဒိပ်စောခေါမ် ချက်ချင်း အဆောက်င်ဟင်လူးဘွာလ်ထေ့နား အငွာ။ ကိုယ်တော်နား ဒိပ်စိုး အနူးလားအပေါလ်ဝေါလ် အေဟိုင်အူဟှဟှတ်ပက်ဟိုင် အမိန့်။ 56အင်မ်ဒိပ်စောနူးပေါလ်လှီ့နားခါ အာမ်စါစ်နောက်။ အင်မ်ဘော်နားခါ ကိုယ်တော်နား အင်မ်အဖြစ်ပျက်လှီ့ အူဝေါလ်ခါ ဆိုက်ယဟိုင် အဆိန်ဟိလ့်။
ទើបបានជ្រើសរើសហើយ៖
ရှင်လုကာ 8: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 8
8
အခန်း (၈)
ကိုယ်တော်ယေရှုဓမ္မအမှုအောလ် ကူညီပက်တိမုတောလှီ့
1အချိန်မက်စောအဓီပါလ်နောလ် ကိုယ်တော်ခေါမ် သာဝကကုလာနှိဓေါလ် လုလှီ့နာမ်းလှီ့အောလ် ဈာတ်ရောခ့်ထေ့နား ဖုလော်ရှင်သာသနာတော်အကြောင်း ဆီးတင်ပွန် အာမ်ဟောရောခ့်။ 2အင်မ်အပြင် ရောဂါခိတ်တိလှီ့လား နောတ်ဆီးပူးကပ်ခံလောဒ့်ထေ့နား ခိလ်ဘွာလ်တိ မုတောလှီ့ခါ ကိုယ်တော်ဓေါလ်ဟှတောလ် အာမ်လူး။ အင်မ်လှီ့ဒုလ့်ကာလ် နောတ်ဆီးလူဆိ့ ပူးကပ်ခံဟိလ့်လောဒ့်ထေ့နား ခိလ်ဘွာလ်တိ မာဂဒလနာမ်းမာလ်ကိ မာရိခါအပူလ်။ 3အင်မ်အပြင် အုပ်ချုပ်တိဟေရုတ် စီမံတိအောလ်ထောလ်တိ ခုဇနား အပီးဟာ ယောဟန္န၊ ရှုရှန္နလား အစွာမုတောလှီ့ခါအာမ်ပူလ်။ အင်မ်လှီ့မုတောလှီ့ကိမ်ကိမ်နား စလိပ်ဟို့ဝေါလ် ကိုယ်တော်ယေရှုလားတပည့်လှီ့ အာမ်ကူညီ။
မျိုးစီးကြဲတိ ပုံဥပမာ
(ရှင်မဿဲ ၁၃:၁-၉။ ရှင်မာကု ၄:၁-၉)
4လုလှီ့ နာမ်းလှီ့အောလ်ကိ ခေါင်လှီ့စုဝေးထေ့နား ကိုယ်တော်ယေရှုစငေါလ် အာမ်လူး။ အင်မ်ဟိုဝေါလ် ကိုယ်တော်နား အင်မ်ခေါင်လှီ့အောလ် နီပုံဥပမာ အမိန့်ဟိလ့်။ 5“လိုင်မို့ဘိုးပွလ်ဟှတ် လိုင်ကွင်းဒုလ့်ကာလ် မျိုးစီးပေါက်ဟိုင်ရိုး အဈာတ်။ အင်မ်လိုင်မို့ဘိုးနား မျိုးစီးအပေါက်ဟိုဝေါလ် အချို့မျိုးစီးလှီ့စေး ခေါင်ဈာတ်နောက်လာမ်းမာလ်အကိုးဝေ။ အင်မ်မျိုးစီးလှီ့ ခေါင်လှီ့နား အာမ်လိပါ့ခန်းနောလ် ဟိုးလှီ့နား အာမ်အေ။ 6အချို့မျိုးစီးလှီ့စေး လုံးခုံငေါလ်ကိသပ့်ကာလ် ကိုးဝေထေ့နား အထိင်းလှီ့ အာမ်ဈတ်လူး။ အင်မ်ဘော်နားခါ သွီးအမယ်ယခန်းနောလ် ဓီယော် အဇာလူးလာခ့်။ 7တချို့မျိုးစီးလှီ့စေး ခုမ်တူဒုလ့်ကာလ် အာမ်ကိုးဝေ။ အထိင်းလှီ့ အဈတ်လူးနားခါ ခုမ်ကွားဝေါလ်ယောင် လောင်းရိပ်မိခေါမ် အာမ်ခံလောဒ့်။ 8အချို့မျိုးစီးလှီ့စေး သပ့်ပွန်နောက်ဓိလ်နောလ် အာမ်ကိုးဝေခန်းနောလ် အထိင်းဈာတ်လူးဟိုဝေါလ် အဆဖို့ဟှတ်ဘောင် အဌေ့လှီ့ပူနူးအဌေး” တိရို အမိန့်။
အင်မ်ဘော် အမိန့်ပါလ်နောလ် “နှော်မယ်ထေ့နား ငေထေ့တိတိလှီ့အား အာရုံစိုက်ထေ့နား ငေဘွတ်စူး” တိရို အကြွေးကြော်။
ပုံဥပမာ ရည်ရွယ်ချက်
(ရှင်မဿဲ ၁၃:၁၀-၁၇။ ရှင်မာကု ၄:၁၀-၁၂)
9အင်မ်ပါလ်နောလ် တပည့်တော်လှီ့နား ကိုယ်တော်ဝေါလ် ပုံဥပမာ အဓိပ္ပာယ် အာမ်ဟိ့။ 10အင်မ်ဟိုဝေါလ် ကိုယ်တော်နား “နာင်မီးရိုး ဖုလော်ရှင်သာသနာတော် လျှို့ဝှက်ချက်နောက်ခေါမ် ကေရှင်းပြဟိလ့်ပါလ်။ အင်မ်ဘော်နားခါ ကေးနား အစွာခေါမ်လှီ့အောလ် ပုံဥပမာလှီ့ဓေါလ် ကေဟောလောဒ့်ခေါမ်စေး ပရောဖက်ဟေရှာယကျမ်းစော်ဒုလ့်ကာလ်
ဓေါ့်နားခါ မှူးခွတ်ယော်ဟာ့၊
ရောနားခါ ရောစူးခွတ်ယော်ဟာ့ နောက်ခေါမ် ကျမ်းစော်ပြည့်စုံဟိုင်တွက်ကာလ်အထောလ်”
တိရို အမိန့်။
မျိုးစီးကြဲတိ ပုံဥပမာ အဓိပ္ပာယ်
(ရှင်မဿဲ ၁၃:၁၈-၂၇။ ရှင်မာကု ၄:၁၃-၂၀)
11အထာကွန်ဟှတ် ကိုယ်တော်နား “ပုံဥပမာ ဆိုလိုရင်း အဓိပ္ပါယ်စေး မျိုးစီးခေါမ် ဖုလော်ရှင် နှုတ်ကပါတ်တော်တရားလှီ့အောလ် အထောလ်။ 12လာမ်းမာလ်ကိုးတိ မျိုးစီးလှီ့စေး ဖုလော်ရှင်နှုတ်ကပါတ်တော်တရားလှီ့ ငေလောဒ့်တိလှီ့အောလ် အာမ်ထောလ်။ အင်မ်ဘော်နားခါ မာရ်နောတ် လူးထေ့နား အင်မ်ခေါင်လှီ့ လုန်ငေါလ်ကိ ဖုလော်ရှင်နှုတ်ကပါတ်တော်တရားလှီ့ အဈိအယ်ခန်းနောလ် ယုမ်ကြည်မှုပျက်စီးထေ့နား ကယ်တင်ခေါမ် ခံလောဒ့်ယတိလှီ့အောလ်အာမ်ထောလ်။ 13လုံးခုံငေါလ်ကိသပ့်ကာလ် ကိုးဝေတိ မျိုးစီးနောက်ခေါမ်စေး ဖုလော်ရှင်နှုတ်ကပါတ်တော်တရားလှီ့ အာမ်ငေးလောဒ့်ဟိုဝေါလ် ချက်ချင်း ပျော်ဗာန်လက်ခံတိလှီ့အောလ်အာမ်ထောလ်။ အင်မ်ဘော်နားခါ ဖုလော်ရှင် နှုတ်ကပါတ်တရားလှီ့ အာမ်လုန်ဒုလ့်ကာလ် ဓီဟနောလ်အရုန်းလှီ့ တွယ်ကပ်အယ်ယော်ဟာ့။ အင်မ်လှီ့နား တနိုစောယောင် အာမ်ယုမ်။ ဘဝအောလ် ခက်ခဲကြမ်းတမ်းတိလှီ့ဓေါလ် ရင်ဆိုင်လောဒ့်ဟိုဝေါလ် ဖုလော်ရှင် အာမ်ယုမ်ခေါမ် ချက်ချင်းကုံး လက်လွှတ်တိလှီ့အောလ်အာမ်ထောလ်။ 14ခုမ်တူဒုလ့်ကာလ် ကိုးဝေတိ မျိုးစီးနောက်ခေါမ်စေး ဖုလော်ရှင်နှုတ်ကပါတ်တော်တရားလှီ့ ငေလောဒ့်နားခါ လောကီစည်းစိမ်လား ဘို့ခေါမ်လှီ့၊ ဆဆော်ခေါမ်လှီ့ဓေါလ် အပိတ်ခံလောဒ့်ခန်းနောလ် ဖုလော်ရှင် နှုတ်ကပတ်တရားတော်ဘော် မယ်ယတိလှီ့အောလ် အာမ်ထောလ်။ 15ပွန်နောက်သပ့်ကာလ် ကိုးဝေတိ မျိုးစီးနောက်ခေါမ်စေး နှုတ်ကပါတ်တော်တရားလှီ့ အာမ်ငေးလောဒ့်ဟိုဝေါလ် ရိုးသားထေ့နား ပွန်တိအာမ်လုန်ငေါလ် စီမ်းမေထေ့နား ဖုလော်ရှင်နှုတ်ကပတ်တော်ဘော် မယ်တိလှီ့အောလ်အာမ်ထောလ်” တိရို အမိန့်။
မေးအိမ်း ပုံဥပမာ
(ရှင်မာကု ၄:၂၁-၂၅)
16အင်မ်ပါလ်နောလ် ကိုယ်တော်ယေရှုနား ဆက်ကယ်နား “မေးအိမ်းတော်ထေ့နား တောင်ကွားဝေါလ်ခါဆီးဆတ် ကုတင်ကွားဝေါလ်ခါဆီးဆတ် တောတိ အူခါမယ်ယော်။ အင်မ်အစား မေးအိမ်းခေါမ် မေးတိုင်ငေါလ် ပို့အယ်နား တောဒ့်ဟိုဝေါလ်ယောင် အိမ်းဒုလ့်ကာလ် ဝင်လူးတိလှီ့နား အဝြာအာမ်မှူးလောဒ့်အိုက်။ 17ဟိဘော်ဟိုင်ရိုးနောက်ဟိုဝေါလ်စေး ဆူလ်ရိုးလောဒ့်ယဟနောလ် ထုအောလ်လောဒ့်ခေါမ် အီခါမယ်ယော်။ စုတ်င်ယဟနောလ် တောဒ့်ခွတ်ခေါမ် လျို့ဝှက်ချက်နောက်ခေါမ်ခါ မယ်ယော်။ 18အင်မ်ခန်းနောလ် ကေးဟောခေါမ်လှီ့ အာရုံစိုက်ထေ့နား ငေရိုး။ ဟိဘော်ဟိုင်ရိုးနောက်ဟိုဝေါလ်စေး ရောစူးဟိုင်လီတိလှီ့အောလ် ပိုဝေနား ရောစူးဟနောလ် ဖုလော်ရှင်နားအစိုင်းရိုက်။ အင်မ်ဘော်နားခါ ရောစူးဟိုင်လီယတိလှီ့စငေါလ်ကိစေး အင်မ်လှီ့နား အာမ်ရောက်စုတ်င် တိရို အာမ်ခိန်ခေါမ်ကုံးခါ ဖုလော်ရှင်နား အဈိအယ်ရိုက်” တိရို အမိန့်။
စစ်မှန်တိ မိသားစု
(ရှင်မဿဲ ၁၂:၄၆-၅၀။ ရှင်မာကု ၃:၃၁-၃၅)
19နှိုပ်ဟှတ်တောလ် ကိုယ်တော်ယေရှု အနူးလားအနောင်လှီ့ ကိုယ်တော်ဓေါလ် ခမ်းမယ်ဟိုင် အာမ်ခိုက်လူး။ အင်မ်ဘော်နားခါ ခေါင်ထုလှီ့ ပူနူးအာမ်မယ်ခန်းနောလ် ကိုယ်တော်စငေါလ် ခိုက်ခွတ်ယော်ဟ။ 20အင်မ်ခန်းနောလ် ခေါင်ပွလ်ဟှတ်နား ကိုယ်တော်ဝေါလ် “နာင်နူးလားနာင်နောင်တိ နာင်ဓေါလ် ခမ်းမယ်ဟိုင် အာမ်လီခန်းနောလ် အပြင်ငေါလ် အာမ်စောင်” တိရို အလျှောက်။
21အင်မ်ဘော်နားခါ ကိုယ်တော်နား “ဖုလော်ရှင် နှုတ်ကပါတ်တော်လှီ့ ငေထေ့နား လိုက်နာတိလှီ့ကိမ်ကိမ် ကေး နူးလား ကေးသာနောင်လှီ့အောလ်အာမ်ထောလ်” တိရို အမိန့်။
လီမုန်တိုင်းနား ကိုယ်တော်ယေရှု နာခံခေါမ်
(ရှင်မဿဲ ၈:၂၃-၂၇။ ရှင်မာကု ၄:၃၅-၄၁)
22နှိုပ်ဟှတ်တောလ် ကိုယ်တော်ယေရှုခေါမ် အတပည့်လှီ့ဓေါလ် လော်စင်ဟှတ်တောလ် ကွာထေ့နား “နီအောန်င် ဝင်းလာမ်းမာလ် ကောတ်လူးဘူး” တိရို အမိန့်ခန်းနောလ် စအယ်နားရွက်လွှင့်ငယ်နားအာမ်ဈာတ်။ 23အင်မ်လှီ့ သွီးအောန်င်အာမ်ကောတ်လှူလှူဟိုဝေါလ် ကိုယ်တော်ခေါမ် လော်ခုံငေါလ် အအိပ်။ စါစ်နောက်ကာလ် အောန်င်ငေါလ် မုန်တိုင်းလူးထေ့နား လော်ဒုလ့်ကာလ် သွီးအဝင်ခန်းနောလ် ကိတ်ဟိုင်ရိုးအထောလ်လူးခေါမ် အန္တရာယ်ဓေါလ်အာမ်ခမ်း။
24အင်မ်ဟိုဝေါလ် တပည့်တော်လှီ့နား ကိုယ်တော်ယေရှုကာဝေါလ်ဈာတ်ထေ့နား လှပ်ထေ့နား “ဆလော်ဝြား၊ ဆလော်ဝြား ဟမီး ဟဘာလ့်တိုက်ဟိလ့်” တိရို အာမ်လျှောက်ခန်းနောလ်
ကိုယ်တော်ခေါမ် အိပ်နောက်ကာလ်ကိထောထေ့နား ခီလှီ့၊ လှိုင်းလှီ့ ရပ်တန့်ဟိုင်ရိုး အမိန့်ပက်။ အင်မ်ဟိုဝေါလ် ချက်ချင်းကုံးကိမ်ကိမ် အငြိမ်ကျဘွာလ်။ 25အင်မ်ပါလ်နောလ် ကိုယ်တော်နား အတပည့်လှီ့အောလ် “နာင်မီး ယုမ်ကြည်ချက်စေး ဟိဘောင်ငေါလ်” တိရို အဟိ့ဟိုဝေါလ်
အင်မ်လှီ့ကိမ်ကိမ်နား ကိထေ့နား စါစ်နိုးဗာန် အင်မ်လှီ့နား “နီခေါင်စေး ဟိဘောင်ခေါင်။ လှိုင်းလား ခီလှီ့ကုံးနားခါ နီအမိန့် အာမ်နာခံလောဒ့်ဆီး” တိရို ပွလ်ဟှတ်လားပွလ်ဟှတ် အာမ်ဟောင်ဝေတောင်။
နောတ်ဆီးလှီ့ ဆှုတ်ခေါမ်
(ရှင်မဿဲ ၈:၂၈-၃၄။ ရှင်မာကု ၅:၁-၂၀)
26အင်မ်ပါလ်နောလ် ကိုယ်တော်ယေရှုလား အတပည့်လှီ့ ဂါလိလဲအောန်င် လော်စင်ဟှတ်တောလ် ကောတ်ထေ့နား ဂါရစလုကာဝေါလ်ကိ ကုမ်းကာဝေါလ် အာမ်ခိုက်ယေ။ 27ကိုယ်တော် လော်ဟြှလ်နောလ်ကိ အကာမ်းဟိုဝေါလ် အင်မ်လုအောလ်ကိ ခေါင်ပွလ်ဟှတ် ကိုယ်တော်ဓေါလ် အခမ်းမေလူး။ အင်မ်ခေါင်ခေါမ် နောတ်ဆီးပူးကပ်တိခန်းနောလ် အိမ်းမာလ်ခါ မယ်ယော်၊ ဆူးဆောက်ခါ ခုအယ်ကော် စူလှီ့ကြားဝေါလ် အချိန်ဓီဟနောလ် ဈာတ်ရော့ခ်ထေ့နား မယ်တိပွလ်ဟှတ်တောလ် အထောလ်။ 28အင်မ်ခေါင်နား ကိုယ်တော် အမှူးဟိုဝေါလ် ပါရ်ဗာန် ကိုယ်တော်မော်ဝေါလ် ခုတ်လူရ်ထောက်ထေ့နား “တန်ိခုးအလန်ဆုံးတိ ဖုလော်ရှင်နားအစိုး ယေရှု၊ ကေးစငေါလ်ကိ ဟအီနာလီ။ ကေးနှိပ်စက်ကော့အား။ ကေခို့အယ်” တိရို ပါရ်ထေ့နား အလျှောက်။ 29အင်မ်ဘော် အလျှောက်လောဒ့်ခေါမ်စေး ကိုယ်တော်နား အင်မ်နောတ်ဆီး အင်မ်ခေါင်စငေါလ်ကိ ထွက်လူးဘွာလ်ဟိုင်ရိုး အမိန့်ပက်ခန်းနောလ် အထောလ်။ ဟမာလ် အင်မ်ခေါင်ငေါလ် နောတ်ဆီးနား ကွလ်မှန်အနှိုပ်စက်ဆော်။ အကွတ်ခူလှီ့ ထီးရွရ်းလှီ့အောလ် ခူန်းနားခါ အင်မ်နား ထီးရွရ်းလှီ့ ပါက်ကိုတ်ထေ့နား ခေါင်ဟီန်းနောက်ဓိလ်နောလ် နောတ်ဆီးနား အဈိအယ်ခေါမ်အခံလောဒ့်။
30ကိုယ်တော်နား အင်မ်နောလ် “နာင်မိန်စေး ဟအူ” တိရို အဟိ့ဟိုဝေါလ်
အင်မ်ပုန်းဒုလ့်ကာလ် နောတ်ဆီးပူနူး ပူးကပ်အယ်ခန်းနောလ် အင်မ်နား #8:30 လေဂေါင်=လေဂေါင်နောက်ခေါမ်စေး ရောမစစ်တပ် ပူနူးမယ်တိ စစ်ဆော်အရေတွက်။ လေဂေါင်တိရို ဟောင်ခေါမ် တပ်စုစုဟှတ်တောလ် စစ်ဆော်အရေတွက် ထောင်ဆော့ကြားဝေါလ်အမယ်။“လေဂေါင်” တိရို အဖြေဘွာလ်။ 31အင်မ်နောတ်ဆီးလှီ့နား ကိုယ်တော်ယေရှုအောလ် “နောတ်ဆီးလှီ့ အပြစ်ပက်နောက် တွင်းထုတ်ဟုမ်တိဒုလ့်ကာလ် ထောက်ကော့အား” တိရို အာမ်ခို့အယ်။
32အင်မ်ဟိုဝေါလ် ဝက်လှီ့ဖွဲ့ဟှတ် ကုန်းဟြှလ်နောလ် စောတ်အာမ်အေ။ အင်မ်နောတ်ဆီးလှီ့နား အင်မ်ဝက်လှီ့ဒုလ့်ကာလ်ဝင်ဟိုင်ခွင့်ပက်ဟိုင် ကိုယ်တော်ဝေါလ် အာမ်ခို့အယ်ခန်းနောလ် ကိုယ်တော်နား ခွင့်အပြုဟိလ့်။ 33အင်မ်ပါလ်နောလ် အင်မ်နောတ်ဆီးလှီ့ ခေါင်စငေါလ်ကိ ထွက်ဘွာလ်ထေ့နား ဝက်လှီ့ဒုလ့်ကာလ် အာမ်ဝင်ငယ်။ အင်မ်ဟိုဝေါလ် ဝက်လှီ့ကိမ်ကိမ် ကုန်းဟြှလ်နောလ်ကိ လော်ရိုးကိ သွီးအောန်င်ငေါလ် ဆိုလ်ထေ့နား သွီးအာမ်စူမ်းကြ။
34အင်မ်ဟိုဝေါလ် ဝက်စောင်တိလှီ့နား ဝက်လှီ့အဖြစ်ပျက် အာမ်မှူးလောဒ့်ဟိုဝေါလ် ဈာန်းထေ့နား အင်မ်ဆီးတင် လုတိုင်နာမ်းတိုင်ငေါလ် အာမ်ဆိုက်ရောခ့်လှာလ်။ 35ခေါင်လှီ့နား အင်မ်အဖြစ်ပျက်လှီ့ မှူးလောဒ့်ဟိုင်ရိုး လုအောလ်ကိ ထွက်လူးထေ့နား ကိုယ်တော်ယေရှုစငေါလ် အာမ်ခိုက်လူး။ အင်မ်ဟိုဝေါလ် နောတ်ဆီးပူးကပ်ထေ့နား ခိလ်ဘွာလ်တိခေါင် ဆူဆောက်ခုအယ်ထေ့နား ကိုယ်တော်ခူဇောဝေါလ် အငွာခေါမ် အာမ်မှူးဟိုဝေါလ် ကိုယ်တော် အာမ်ကိအယ်တောင်းကြ။ 36အင်မ်ပါလ်နောလ် အင်မ်အဖြစ်ပျက် မှူးလောဒ့်တိ ခေါင်လှီ့နား အင်မ်ခေါင် နောတ်ဆီး ပူးကပ်ခေါမ်ငေါလ်ကိ ဟိဘော် ကယ်တင်ခေါမ် အခံလောဒ့်နောက်ခေါမ် ခိုက်လူးတိခေါင်လှီ့အောလ် အာမ်ဆိုက်။ 37ဂါရစအောလ်ကိခေါင်တိုင်နား အာမ်ကိခန်းနောလ် ကိုယ်တော်ယေရှု အင်မ်ဓိလ်နောလ်ကိ ဈာတ်ဘွာလ်ဟိုင်အာမ်ခို့အယ်။ ကိုယ်တော်ယေရှုခါ အတပည့်လှီ့ဓေါလ် လော်ခုံငေါလ်ကွာထေ့နား အင်မ်ဓိလ်နောလ်ကိ အဈာတ်ဘွာလ်။
38ကိုယ်တော် အင်မ်ဓိလ်နောလ်ကိ အထွက်လူးလှောင်နောလ် နောတ်ဆီးပူးကပ်ခံလောဒ့်ထေ့နား ခိလ်ဘွာလ်တိနား ကိုယ်တော် ကိုနောလ် ရုန်းဟိုင်အခို့အယ်။ အင်မ်ဘော်နားခါ ကိုယ်တော်နား အင်မ်ခေါင် ခွင့်ပြုယော်။ 39ကိုယ်တော်နား အင်မ်နောလ် “နာအိမ်းမာလ် ဈာတ်ဘွာလ်ထေ့နား ဖုလော်ရှင်နား နာင်တွက် အစိုင်းဟိလ့်ခေါမ်တက ခေါင်တိုင်ငေါလ် ဆိုက်ရောခ့်ဘွတ်” တိရို အမိန့်ဟိလ့်ခန်းနောလ် အင်မ်ခေါင်နား လုတကနာမ်းတကအောလ် ဈာတ်ရောခ့်ထေ့နား ကိုယ်တော်ယေရှုနား အပုန်းဟိုးဝေါလ် စိုင်းဟိလ့်ခေါမ်တကအဆိုက်ရောခ့်။
အဆောက်င်ဟင်ဘွာလ်တိ မုတောစိုးလား ရောဂါခိလ်ဘွာလ်တိမုတေားနူး
(ရှင်မဿဲ ၉:၁၈-၂၆။ ရှင်မာကု ၅:၂၁-၄၃)
40အင်မ်ပါလ်နောလ် ကိုယ်တော်ယေရှုခေါမ် အတပည့်လှီ့ဓေါလ်ဟှတောလ် အောန်င်ဝင်းလာမ်းမာလ် အကြွလူးဘွာလ်ဟိုဝေါလ် ခေါင်ထုပရိတ်သတ်လှီ့နားအာမ်ကြိုဆို။ ဟိဘော်ဟိုင်ရိုးနောက်ဟိုဝေါလ်စေး ကိုယ်တော်လူးဘွာလ်ဟိုင် အာမ်စောင်ခန်းနောလ်ထောလ်။ 41အင်မ်ဓိလ်နောလ် ဂျူးခေါင်ယှီ ယာဣရုမိန်နိုးတိ ဓမ္မာရုံတာဝန်ခံ ပွလ်ဟှတ်အမယ်။ အင်မ်ခေါင်နား ကိုယ်တော်ခူဇောဝေါလ် ခုတ်လူရ်ထေ့နား အအိမ်းမာလ် ကြွလူးပက်ဟိုင် အခို့အယ်။ 42ဟိဘော်ဟိုင်ရိုးနောက်ဟိုစေး ကုမ်ကုလာနှိမယ်တိ ပွလ်ဟှတ်ဘွတ်စော အတောဒ့်ကယ်ခေါမ်အစိုး ဘာလ့်ဟိုင်ထု စာန်းယအောလ် အထောလ်ခန်းနောလ်ထောလ်။
ကိုယ်တော် အင်မ်အိမ်းမာလ် အကြွနောက်လာမ်းမာလ် ခေါင်လှီ့နားခါ ကိုယ်တော်နှုဝေါလ် အာမ်ရုန်းလူ။ 43အင်မ်ခေါင်လှီ့ဒုလ့်ကာလ်ကိ မုတောပွလ်ဟှတ် မုတောရောဂါဝေါလ်အထောလ်ခေါမ် ကုမ်ကုလာနှိ အမယ်ပါလ်နားခါ အီဘောင်ဆလော်နားခါ ခိလ်ဘွာလ်ဟနောလ် #8:43 တချို့ကျမ်းရိုးစေး အင်မ်မုတောနား အတောဒ့်ကယ်လှီ့အဘွတ်ခံထေ့နား ဓူဝေဟိလ့်နားခါ အူနားခါခိလ်ဘွာလ်ဟနောလ် ဓူခွတ်ယော်ဟ တိရို အပူလ်။ ဓူဟိလ့်ခွတ်ယော်ဟ။ 44အင်မ်မုတော ကိုယ်တော်ယေရှုကာဝေါလ် ဈာတ်ထေ့နား ကိုယ်တော်ဝတ်ရုံအဇီလ် အကွတ်တောလ် အလှမ်းဘွတ်တောလ် ချက်ချင်းကုံး အင်မ်မုတောရောဂါ အခိလ်ဘွာလ်လှလ်။
45ကိုယ်တော်နား “ကေး ဟအူနားအလှမ်း” တိရို အဟိ့ဟိုဝေါလ် ခေါင်လှီ့နားခါ ကိုယ်တော် အူနားခါ လှမ်ယော်ဟ တိရို အာမ်ငြင်း။ အင်မ်ဟိုဝေါလ် ပေတရုနား#8:45 တချို့ကျမ်းစော်ဝေါလ်စေး ပေတရုလား ပေတရုဓေါလ်ဟှတ်တောလ်မယ်တိလှီ့အာမ်ဟောင်တိရို အပူလ်။ “ဆလော်ဝြား၊ ဆလော် ကီးကာဝေါလ် ခေါင်လှီ့နက်တယ်တောင်ထေ့နား ပူးနူးအာမ်မယ်” တိရို အလျှောက်ဘွာလ်။
46အင်မ်ဘော်နားခါ ကိုယ်တော်ယေရှုနား “ပွလ်ဟှတ်ဟှတ်နား ကေး အလှမ်း။ ဟိဘော်ဟိုင်ရိုး နောက်ဟိုဝေါလ်စေး ကေးစငေါလ်ကိ တန်ခိုးအထွက်ခေါမ် ကေဘီယေ” တိရို အမိန့်ဘွာလ်။
47အင်မ်မုတောနားခါ အထုခွတ်တီးယခန်းနောလ် ကိထေ့နားစာတ်ဗာန် ကိုယ်တော်မော်ဝေါလ် ခုတ်လူရ်ထောက်ထေ့နား ကေးနား ကေလှမ်းလား အရောဂါချက်ချင်းကုံးအခိတ်ဘွာလ် တိရို ခေါင်လှီ့အောလ် အဆိုက်ဘွာလ်။ 48ကိုယ်တော်နား အင်မ်မုတောဝေါလ် “စိုးဝြား။ နာင်တုအောလ် နာခိလ်ဘွာလ်ခေါမ် နာင်ယုမ်ကြည်မှုကြောင့်ငေါလ် နာခိလ်ဘွာလ်ယောင်။ ငြိမ်းငြိမ်းချမ်းချမ်း ဈာတ်ဟိလ့်ယောင်ငါး” တိရို အမိန့်။
49ကိုယ်တော်ယေရှုနား နီဘော်အမိန့်ဟိုဝေါလ် ဓမ္မာရုံတာဝန်ခံ ယာဣရုအိမ်းမာလ်ကိ ခေါင်ပွလ်ဟှတ် ခိုက်လူးထေ့နား “နာင်စိုး အဘာ့လ်ပါလ်။ ဆလော် နှောက်ယှက်တိကောအား” တိရို ယာဣရုအောလ် အဟောင်။
50အင်မ်ခေခေါ ကိုယ်တော်ယေရှုနား အရောက်ဟိုဝေါလ် ယာဣရုအောလ် “ကိကော့အား။ ယုမ်ကြည်မှုယောင်တောဝြား။ နာင်စိုး အဟင်လူးဘွာလ်ဟိုင်ယောင်” တိရို အမိန့်။
51ကိုယ်တော်ယေရှု ယာဣရုအိမ်းမာလ်အခိုက်ဟိုဝေါလ် ပေတရု၊ ယောဟန်၊ ယာကုပ်လား ဒိပ်စော နူးပေါလ်ပွလ်နှိရိုးကိ လွဲထေ့နား ကျန်တိခေါင်လှီ့ အိမ်းဒုလ့်ကာလ် ဝင်ခွင့်ပေးယော်။ 52ခေါင်တိုင် ဒိပ်စော အဘာလ့်ပါလ် တိရို အာမ်ကာပ်။ အင်မ်ဘော်နားခါ ကိုယ်တော်နား “ကာပ်ကော့စူ။ နီဒိပ်စော အဘာလ့်ဆီးယော်။ အအိပ်ယောင်” တိရို အမိန့်ခန်းနောလ်
53ခေါင်လှီ့နား ကိုယ်တော်ယေရှု လှောင်ပြောင်ထေ့နား အာမ်နုနောက်။ ဟိဘော်ဟိုင်ရိုးနောက်ဟိုစေး အင်မ်ခေါင်လှီ့နား အင်မ်ဒိပ်စော အဘာလ့်ခေါမ် အာမ်စုတ်ခန်းနောလ်ထောလ်။ 54အင်မ်ဘော်နားခါ ကိုယ်တော်ယေရှုနား အင်မ်ဘာလ့်တိ မုတောစော ကွတ်နှိုမ်းကစ်ထေ့နား “ဒိပ်စောဝြား၊ ထောဟိလ့်ယောင်” တိရို အမိန့်။ 55အင်မ်ချိန်ငေါလ် အင်မ်ဒိပ်စောခေါမ် ချက်ချင်း အဆောက်င်ဟင်လူးဘွာလ်ထေ့နား အငွာ။ ကိုယ်တော်နား ဒိပ်စိုး အနူးလားအပေါလ်ဝေါလ် အေဟိုင်အူဟှဟှတ်ပက်ဟိုင် အမိန့်။ 56အင်မ်ဒိပ်စောနူးပေါလ်လှီ့နားခါ အာမ်စါစ်နောက်။ အင်မ်ဘော်နားခါ ကိုယ်တော်နား အင်မ်အဖြစ်ပျက်လှီ့ အူဝေါလ်ခါ ဆိုက်ယဟိုင် အဆိန်ဟိလ့်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.