ရှင်လုကာ 7
7
အခန်း (၇)
ရောမတပ်မှူးပွလ်ဟှတ်ယုမ်ကြည်ခေါမ်
(ရှင်မဿဲ ၈:၅-၁၃)
1ကိုယ်တော်ယေရှုနား ခေါင်ထုပရိတ်သတ်လှီ့အောလ် အဆင်ပက်ဟိုင်အလီခေါမ်လှီ့ အဆင်ပက်ပါလ်နောလ် ကပေရနောင်လုအောလ် အကြွ။ 2အင်မ်လုအောလ် ရောမ #7:2 တပ်မှူး= တပ်သားဖို့ဟှတ် အုပ်ချုပ်တိ တပ်မှူး။တပ်မှူးပွလ်ဟှတ် အမယ်။ အင်မ်နား အအားကိုးလောဒ့်ခေါမ် အစေခံပွလ်ဟှတ် ကွားထေ့နား ဘာလ့်ဟိုင်ထုအထောလ်။ 3အင်မ်တပ်မှုနား ကိုယ်တော်ယေရှု အကြောင်းအယှောက်ဟိုဝေါလ် အချို့ဂျူးခေါင်ယှီလန်လှီ့ ကိုယ်တော်စငေါလ် အတိခန်းနောလ် လူးထေ့နား အစေခံ ဓူဒူပက်ဟိုင် အတောင်းဆိုဆောက်။ 4အင်မ်လှီ့ခါ ကိုယ်တော်စငေါလ် ဈာတ်ထေ့နား အင်မ်ခေါင်ကူညီပက်ဟိုင် ပွန်ပွန်အာမ်လျှောက်။ အင်မ်လှီ့နား “နီတပ်မှူးခေါမ် ကိုယ်တော်အကူညီ ခံထိုက်တိရို အထောလ်။ 5ဟိဘော်ဟိုင်ရိုးနောက်ဟိုဝေါလ်စေး အင်မ်ခေါင်ခေါမ် ဟမီးခေါင်ယှီလှီ့ အခစ်ခန်းနောလ် ဟမီးတွက် ဓမ္မာရုံပွလ်ဟှတ်ခါ လှူတိအောလ်ခါ အထောလ်” တိရို အာမ်လျှောက်။
6အင်မ်ခန်းနောလ် ကိုယ်တော်ယေရှုခေါမ် အင်မ်လှီ့ဓေါလ် ဟှတောလ်အကြွ။ အင်မ်တပ်မှူးအိမ်းကာ ခိုက်ဟိလ့်ဟိုဝေါလ် တပ်မှူးနား ခီပွီအချို့လှီ့ တိထေ့နား ကိုယ်တော်ဝေါလ် “အရှင်ငါး၊ ကေးအိမ်းမာလ် နာကြွလူးဟိုင်တွက် ကေထိုက်တန်ယခန်းနောလ် ပင်ပန်းခံထေ့နား ကြွလူးကော့အား။ 7အင်မ်အပြင် ကေးခါ အရှင်စငေါလ် ကေလူးဟိုင်ခါ ထိုက်တန်နယ်ဟီ။ အရှင်နား အမိန့်နာပက်ကုံးငေါလ် ကေးအစေခံ ရောဂါအခိလ်ဘွာလ်ဝိုက်။ 8ကေပုန်းဟို့ခါ အဟြှလ်နောလ်ကိအရာရှိလှီ့ ကွတ်ဒေါင်ငေါလ် ကေမယ်ဘော် ကေးကွတ်ဒေါင်ငေါလ်ခါ စစ်ဆော်လှီ့ ပူနူးအာမ်မယ်။ ကေးနား စစ်ဆော်ပွလ်ဟှတ်တောလ် ‘ဈာတ်တား’ တိရို အမိန့်ကေပက်နားစေး အဈာတ်လောဒ့်။ ‘လူးဝြား’ တိရို အမိန့်ကေပက်နားစေး အလူးလောဒ့်။ ကေးနား ကေစေခံလှီ့အောလ် ‘နီစိုင်းယား’ တိရို ကေဟောင်နားစေး အင်မ်လှီ့နား အာမ်စိုင်းလောဒ့်” တိရို အလျှောက်ဆောက်။
9အင်မ်ဘော်ဟောင်ခေါမ် ကိုယ်တော်ယေရှုနား အယှောက်ဟိုဝေါလ် စါစ်နိုးထေ့နား အနှုဝေါလ်ယုန်းလူးတိလှီ့ ခေါင်ထုလှီ့အောလ် “ကေးနား နာင်မီးရိုး ဟောင်ဟိုင်ကေလီခေါမ်စေး အစ္စရေးခေါင်ယှီလှီ့စငေါလ်ကုံးခါ နီအစ္စရေးခေါင်ယှီဆီးယတိဟို့ ယုမ်ကြည်မှုလန်တိ မှူးဖူဟာမ်းဟီ” တိရို အမိန့်။ 10တပ်မှူးနား အတိလူးခေါမ်လှီ့ အိမ်းမာလ် အာမ်ခိုက်ယေဘွာလ်ဟိုဝေါလ် အင်မ်အစေခံ ပွန်ပွန်အခိလ်ဘွာလ်ခေါမ် အာမ်မှူးလောဒ့်။
မှာလ်နူးပွလ်ဟှတ်လားအစိုး အဆောက်င်ဟင်ဘွာလ်ခေါမ်
11အချိန်မက်စောအဓီပါလ်နောလ် ကိုယ်တော်ယရှု နာဣနလုအောလ် အာမ်ကြွဟိုဝေါလ် အတပည့်လှီ့ဓေါလ်ဟှတောလ် ခေါင်ထုလှီ့နားခါ အာမ်ယုန်းလူ။ 12ကိုယ်တော်ယေရှု လုအောလ်ဝင်နောက်ပေါက်ကာ ခိုက်လူးဟိုဝေါလ် ဘာလ့်တိရုတ် ခိဟိုင် ခေါင်စုဟှတ်နား ပါးထေ့နား လုပြင်ငေါလ် အာမ်လူး။ အင်မ်ဘာလ့်တိနောက်ခေါမ် မှာလ်နူးနား ပွလ်ဟှတ်ဘွတ်စော အတောဒ့်ကယ်ခေါမ် အစိုးဝေါလ်ထောလ်ထေ့နား လုအောလ်ကိ ခေါင်လှီ့နားခါ ခေါင်ခိဟိုင် အင်မ်မှာလ်နူးဓေါလ် ဟှတောလ် အာမ်လူး။ 13အရှင်နား အင်မ်မှာလ်နူး အမှူးဟိုဝေါလ် အင်မ် အမာနယ်ခန်းနောလ် အင်မ်မှာလ်နူးဝေါလ် “ကာပ်ကော့အား” တိရို အမိန့်။
14အင်မ်ပါလ်နောလ် ကိုယ်တော်နား အင်မ်ခေါင်လှီ့ ပါးလူးခေါမ် ရုတ်ကာဝေါလ်ဈာတ်ထေ့နား ရုတ်စင်ခေါမ် ကွတ်တောလ် အလှမ်းမေခန်းနောလ် ရုတ်စင်ပါးလူးတိလှီ့နား အာမ်ဒိလ်းပက်ဟိုဝေါလ် ကိုယ်တော်နား “ပုတောစောဝြား၊ နာင်ငေါလ် ကေဟောင်ဝိုက်။ ထောဝြား” တိရို အမိန့်။ 15အင်မ်ဘော် ကိုယ်တော်ယေရှုနား အမိန့်ဟိုဝေါလ် ချက်ချင်းကုံး အင်မ်ဘာလ့်တိပုတောစောခေါမ် ဆောက်င်ဟင်ဘွာလ်ထေ့နား ငွာထေ့ဗာန် အခေဘွာလ်။ ကိုယ်တော်ယေရှုနား အင်မ်ပုတောစောခေါမ် အနူးဝေါလ် အအပ်ဘွာလ်။
16ခေါင်လှီ့နား ကိအယ်တောင်းထေ့နား စါစ်နိုးဗာန် “ဟမီးစငေါလ် ကြီးမြတ်တိ ပရောဖက်ပါးဟှတ် အပေါ်လူးပါလ်။ ဖုလော်ရှင်နား အပုန်းဟို့ခေါင်ယှီထောလ်တိ ဟမီး ကယ်တင်ဟိုင် အကြွပါလ်” တိရို ဖုလော်ရှင် အာမ်ချီးမွမ်း။ 17ကိုယ်တော်ယေရှု စိုင်းဟိလ့်ခေါမ် နီဆီးတင်းနောက်ခေါမ် ယုဒဘီလား အကီကာဝေါလ်ကိ ပတ်ဝန်းကျင်ငေါလ် အပျံ့နှံ့ရောခ့်။
သွီးဓေါလ်သန့်စင်ခေါမ်မင်္ဂလာပေးတိ ဆလော်ယောဟန်အကြောင်းမိန့်ခေါမ်
(ရှင်မဿဲ ၁၁:၂-၁၉)
18အင်မ်ပါလ်နောလ် သန့်စင်ခေါမ်စိုင်းတိ ယောဟန်တပည့်လှီ့နား ကိုယ်တော်ယေရှု အကြောင်းလှီ့ ယောဟန်ရိုး အာမ်ဆိုက်ဟိုဝေါလ် ယောဟန်နား အတပည့်ပွလ်နှိ ပါနယ်ထေ့နား 19“ကိုယ်တော်နောက်ခေါမ် အကြွလူးဝိုက် တိရို အာမ်ဟောင်ခေါမ် အရှင်ငါ။ ဆီးယနာ ကေးမီးနား အစွာပွလ်ဟှတ် ကာမ်စောင့်လောဒ့် ဟာမ်းမိုက်ယား” တိရို အဟီးယေဟိုင်ရိုး အတိ။
20အင်မ်ဟွဒ့် ကိုယ်တော်ယေရှုစငေါလ် အဟီခိုက်ယေဟိုဝေါလ် “သွီးဓေါလ်သန့်စင်ခေါမ်စိုင်းတိ ဆလော်ယောဟန်နား ကိုယ်တော်စငေါလ် တိလူးထေ့နား ‘ကိုယ်တော်ခေါမ် ကြွလူးဝိုက် တိရိုဟောင်ခေါမ်အရှင်ငါ၊ ဆီးယနား ကေးမီနား အစွာပွလ်ဟှတ် ကာမ်စောင်လောဒ့်ဟာမ်းမိုက်ယား’ တိရို အဟိ့လူးဆောက်” တိရို အဟီလျှောက်။
21အင်မ်ချိန်ငေါလ် ကိုယ်တော်ယေရှုနား ကွားတိလှီ့လား နိမို့လှီ့ ဓူပက်ထေ့နား နောတ်ဆီးပူးကပ် ခံလောဒ့်တိလှီ့စငေါလ်ကိ နောတ်ဆီးလှီ့ အဆှုတ်ခေါမ်တင်ယ မိတ်မှူးယတိလှီ့ခါ မိတ်မှူးဘွာလ်ဟနောလ် အဓူပက်။ 22ကိုယ်တော်နား ယောဟန် တပည့်ဟွဒ့်ရိုး “နာင်ဟီ့နား နာဟီ့မှူး နာဟီရောက်လောဒ့်ခေါမ်လှီ့ ကိမ်ကိမ် ယောဟန်စငေါလ် ဈာတ်ထေ့နား ဆိုက်ယေဘွတ်ဟီ့။ မိတ်မှူးယတိလှီ့ တုအောလ် မိတ်အမှူးဘွာလ်ပါလ်၊ ကွတ်ခူ သန်စွမ်းယတိလှီ့ခါ အာမ်ကောက်ကယ်ခွတ်ဘွာလ်ပါလ်၊ အနာကြီးရောဂါမို့လှီ့ ကေဓူပက်ပါလ်၊ နှိုရောယတိလှီ့နားခါ အာမ်ယှောက်ဘွာလ်ပါလ်၊ ဘာလ့်တိလှီ့ အာမ်ဟင်ဘွာလ်ပါလ်၊ စါက်ကယ်တိလှီ့နား ဆီးတင်ပွန် အာမ်ယှောက်လောဒ့်ပါလ်။ 23ကေး ယုမ်ဆော်တိလှီ့စေး အာမ်ခူလ်ပွန်” တိရို အမိန့်။
24ယောဟန် တပည့်ဟွဒ့် အာမ်ဈာတ်ဘွာလ်ပါလ်နောလ် ကိုယ်တော်နား ခေါင်ထုပရိတ်သတ်လှီ့အောလ် ယောဟန်အကြောင်း အမိန့်ခေါမ်စေး “ခေါင်မယ်နောက်ယဒိုင်ဒုလ့်ကာလ် ယောဟန်နား သွီးဓေါလ်သန့်စင်ခေါမ် အစိုင်းဟိုဝေါလ် နာင်မီး ဟိအီဘောင်လှီ့ ဓေါ့်ဟိုင်ရိုး နာမ်ဈာတ်။ ခီလူးဘော် စကယ်တိ ပါထိင်းဆောင်းတိလှီ့အာ။ 25ဆီးယနား ဟိဘောင်မှူးဟိုင် နာမ်လီခန်းနောလ် နာမ်ဈာတ်။ ဆူပွန်ဆောက်ပွန် ခုအယ်တိလှီ့ မှူးဟိုင်နာမ်လီဝြာ။ ဟိဘော်ဟိုင်ရိုးနောက်ဟိုဝေါလ်စေး အဖူဂါတိ ဆူပွန်ဆောက်ပွန် ခုအယ်ထေ့နား စည်းဇိမ်ခံတိလှီ့ ဆောင်ဖလောင် နန်းဒုလ့်ကာလ်ယောင် မှူးလောဒ့်အိုက်။ 26ဆီးယနား ဟိဘောင်ခေါင်လှီ့ မှူးဟိုင်နာမ်လီခန်းနောလ် နာမ်ဈာတ်။ ပရောဖက် မှူးဟိုင်နာမ်လီဝြာ။ အမှန်။ နာင်မီးရိုး ကေးနား ဟောင်ဟိုင်ကေလီခေါမ်စေး ယောဟန်နောက်ခေါမ် ပရောဖက်ထက်ကာလ် ပိုဝေနား ကြီးမြတ်တိအောလ် အထောလ်။ 27ကျမ်းစော်ဝေါလ် ဖုလော်ရှင်နား မေရှိယအောလ် အမိန့်ခေါမ်စေး
‘ကေးနား နာင် ဈာတ်နောက်ဟိုင်လာမ်း အဆင့်သင့်ထောလ်ဟိုင်ရိုး
နာင်ထက်ကာလ် အရင်ငေါလ် ကေး စေတမန် ကေတိအိုက်’ တိရို အရော့ကယ်ခေါမ်စေး ယောဟန် အကြောင်းယောင်။
28နာင်မီးရိုး ကေဟောင်ဝိုက်။ ယောဟန်ထက်ကာလ် ကြီးမြတ်တိ နီဆုမ်သပ့်ခုံးငေါလ် ပွလ်ဟှတ်ခါ မယ်ဟာမ်းယော်ဟ။ အင်မ်ဘော်နားခါ ဖုလော်ရှင်သာသနာတော်ဝေါလ် အရေးပါယတိကုံးခါ ယောဟန်ထက်ကာလ် အကြီးမြတ်” တိရို အမိန့်။
29ယောဟန်စငေါလ် သွီးဓေါလ်သန့်စင်ခေါမ်ခံပါလ်တိလှီ့ အခွန်ကောက်လှီ့လား ခေါင်လှီ့နား ကိုယ်တော်ယေရှုနား အဟောင်ခေါမ်ခေခေါ အာမ်ရောက်ဟိုဝေါလ် ဖုလော်ရှင် လာမ်းဓေါင်ခေါမ်အမှန်နောက်ခေါမ် အထာခါဝန်အာမ်ခံဘွာလ်တီ။ 30အင်မ်ဘော်နားခါ ဖာရိရှဲလှီ့လား ကျမ်းဆလော်လှီ့နားစေး ယောဟန်စငေါလ် သွီးဓေါလ်သန့်စင်ခေါမ် ခံကော်ဝေါလ် ဖုလော်ရှင်အစီစဉ် အာမ်ပစ်ပယ်ဟိလ့်။
တုံ့ပြန်ခေါမ် စိုင်းယတိယှီ
31အင်မ်ပါလ်နောလ် ကိုယ်တော်နား ဆက်ကယ်နား အမိန့်ခေါမ်စေး “တုခေတ်ရိုးကိ ခေါင်လှီ့ ဟိဘောင်ဓေါလ် ခိုင်းနှိုင်းလောဒ့်အိုက်။ အင်မ်လှီ့ ဟိအီဓေါလ်အာမ်တူဝေ။ 32အင်မ်လှီ့နောက်ခေါမ် ဈေးဒုလ့်ကာလ် ငွာထေ့နား မာန်းငယ်တိ ဒိပ်စောလှီ့ဘော်
‘ကေးမီးနား နာင်မီးတွက် အွတ်တုမ်းနားခါ
လာမ်ထေ့ယော်စူး။
ကေးမီး ကာပ်နောက်ဟိုင်အွတ်အွမ်းနားခါ
နာင်မီး ကာပ်ထေ့ယော်စူး’ တိရို ဟောင်ဝေတောင်တိဒိပ်စောလှီ့ဓေါလ် အာမ်တူဝေး။
33ဟိဘော်ဟိုင်ရိုးနောက်ဟိုဝေါလ်စေး သွီးဓေါလ်သန့်စင်ခေါမ်စိုင်းတိ ဆလော်ယောဟန် အေအောတ်ဟာ#7:33 ယေဟန်နား ခိန်ခီလား ခိုသွီးယောင်အအေ။ထေ့နား စပျစ်ဝိုင်အူးကော် အဈာတ်ရောခ့်နားခါ နာင်မီးနား ‘ယောဟန်စငေါလ် နောတ်ဆီး အပူးကပ်’ တိရို နာမ်ဟောင်။ 34အင်မ်ဘော်နားခါ ခေါင်စိုး အေအူးထေ့နား အဈာတ်ရောခ့်ဟိုဝေါလ်ခါ နာင်မီးနား ‘နီခေါင်စေး အေအောတ်လန်ထေ့နား အခွန်ကောက်တိလှီ့၊ အပြစ်ဒုစရိုက်ဆော်လှီ့ဓေါလ် ခီပွီအဖွဲ့’ တိရို နာမ်ဟောင်ဘွာလ်တီ။ 35အင်မ်ဘော်နားခါ အင်မ်အရာလှီ့ လက်ခံတိခေါင်လှီ့ကိမ်ကိမ် ဖုလော်ရှင် ဉာဏ်ပညာအမှန်နောက်ခေါမ် သက်သေဓေါင်တိလှီ့အောလ်အာမ်ထောလ်” တိရို အမိန့်။
အပြစ်လန်တိ မုတော ခွင့်လွှတ်ခေါမ်
36အင်မ်ပါလ်နောလ် ဖာရိရှဲပွလ်ဟှတ်နား ကိုယ်တော်ယေရှု အအိမ်းမာလ် အမီဘုအေဟိုင် အဖိတ်။ အင်မ်ဘော်ခန်းနောလ် ကိုယ်တော်ခေါမ် ဖာရိရှဲအိမ်းမာလ် ကြွထေ့နား ဘုအေနောက်ခုံငေါလ် ဘုအေဟိုင်အငွာ။ 37အင်မ်လုအောလ် #7:37 အပစ်ကျူးလွန်တိမုတော= ပွန်ယတိမုတောအပြစ်လန်တိ မုတောပွလ်ဟှတ် အမယ်။ ဖာရိရှဲအိမ်းမာလ် ကိုယ်တော်ယေရှု ဘုအအေခေါမ် အယှောက်ခန်းနောလ် အင်မ်မုတောနား အဖူဂါတိ ဆီသွီအအူတိပုလင်ဟှတ် လူဝေထေ့နား အင်မ်ဓိလ်နောလ် အလူး။ 38အင်မ်ပါလ်နောလ် အင်မ်မုတောခေါမ် ကိုယ်တော်နှူဝေါလ် လူးထေ့နားတုလ်ဗာန် အကာပ်ဟိုဝေါလ် အမိတ်ခီကိုးထေ့နား ကိုယ်တော်ခူ အရွားခန်းနောလ် ခူခေါမ်အလူဝေါလ် ဝှါးဟနောလ် အဟွတ်ပက်။ အင်မ်ပါလ်နောလ် ကိုယ်တော်ခူ နှာမ်ထေ့နား ဆီသွီအအူတိ အလှုပ်။
39ကိုယ်တော် ဖိတ်လူးတိ ဖာရိရှဲနား အင်မ်လှီ့အမှူးဟိုဝေါလ် “နီခေါင်နောက်ခေါမ် ပရောဖက်နောက်ဟိုဝေါလ်စေး အပုန်းဟို့လှမ်တိ မုတော ဟိဘောင် မုတောနောက်ခေါမ် အစုတ်င်လောဒ့်အိုက်။ ပွန်းယတိ မုတောနောက်ခေါမ်ခါ အစူတ်င်လောဒ့်အိုက်” တိရို အစဉ်းစား။
40အင်မ်ဟိုဝေါလ် ကိုယ်တော်နား အင်မ်နောလ် “ရှိမုန်ငါး၊ နာင်ငေါလ် အူဟှတ်ဘောင် ကေဟောင်ဟိုင်မယ်” တိရို အမိန့်ဟိုဝေါလ် ရှိမုန်နား
“ဟောင်ဝြား ဆလော်ဝြား” တိရို အဟောင်ဘွာလ်။
41အင်မ်ဟိုဝေါလ် ကိုယ်တော်နား ပုံဥပမာပုဒ်ဟှတ်တောလ် အမိန့်ခေါမ်စေး “ဒေါင်းဂို ဗူတိပွလ်ဟှတ်စငေါလ် ခေါင်ပွလ်နှိနား ဒေါင်းဂို အဟီဗူ။ ပွလ်ဟှတ်နား #7:41 ဒေနာရီ= ဒေနာရီဒေါင်းဂို ပြားဟှတ်နောက်ခေါမ် နေ့စား အလုပ်သမား ပွလ်ဟှတ်နား နှိုပ်ဟှတ်လုပ်အားခဓေါလ် အညီမျှ။ဒေနာရီ ဒေါင်းဂိုဖို့ပိုဟိုရ်၊ အထာပွလ်ဟှတ်နားစေး ဒေနာရီ ဒေါင်းဂိုဟိုးကိပ် လရ်အဟီတင်။ 42အင်မ်ဟွဒ့်နား လရ်မို့ပိုးဝေါလ် လရ်အဟီပက်ဘွာလ်ခွတ်ယခန်းနောလ် လရ်မို့ပိုးနား နာင်ဟီလရ် ပေးဘွာလ်လိုတီးယော် တိရို အဟောင်ဟိုဝေါလ် ဟအူနား လရ်မို့ပိုးဝေါလ် ပိုဝေနား အဆိအယ်နောက်ကိုက်” တိရို အင်မ်ခေါင်ငေါလ်အဟိ့။
43ရှိမုန်နား “ကေးနား ကေအူတ်နောက်ခေါမ်စေး လရ် အလှလ်ရိုး ပူတိနား ပိုဝေနား အဆိအယ်နောက်ကိုက်” တိရို အဟောင်။
ကိုယ်တော်နား “နာင်ဟောင်ခေါမ် အမှန်” တိရို အမိန့်ဘွာလ်။
44ကိုယ်တော်နား အင်မ်မုတော ဓေါ့်ဝေါလ်ထေ့နား ရှိမုန်ငေါလ် “နာင်နား နီသတိနာတောဒ့်ကာ ကေး နာင်မီးအိမ်းမာလ် ကေကြွလူးဟိုဝေါလ် နာင်နား ကေး ခူပွတ်တယ်နောက်ဟိုင် သွီးပေးဟိလ့်ယော်တိ၊ အင်မ်ဘော်နားခါ အင်မ်မုတောနား ကေးခူ အမိတ်ခီရိုး ပွတ်ထေ့နား အလူဝေါလ် ဝှါးဟိုင်နောလ် အဟွတ်ဟိလ့်ပက်။ 45နာင်နား ကေး ကေကြွလူးဟိုဝေါလ် ကေး နှာမ်ထေ့နား ကြိုဟိလ့်ယော်တိ။ အင်မ်ဘော်နားခါ အင်မ်မုတောနားစေး ကေးခူ အဆက်မပြတ်အနှာမ်ဟိလ့်။ 46နာင်နား ကေလကီ သံလွင်ဆီကုံးခါ နာလှုပ်ဟိလ့်ယနားခါ အင်မ်မုတောနား အဖူဂါတိ ဆီသွီအအူတိ ကေးခူဝေါလ် အလှုပ်ဟိ့လ်။ 47အင်မ်ခန်းနောလ် ကေးနား ကေဟောင်ဝိုက်။ နီမုတော အပြစ်လှီ့ ခွင့်လွှတ်ခေါမ်အခံလောဒ့်ပါလ်။ ဟိဘော်ဟိုင်ရိုးနောက်ဟိုဝေါလ်စေး နီမုတောနား ပိုဝေနား အခစ်ခန်းနောလ်ထောလ်။ အပြစ်ဒုစရိုက်မက်စိုးယောင် ခွင့်လွှတ်ခံလောဒ့်တိနားစေး မက်စောယောင် အာမ်ခစ်တိုက်” တိရို အမိန့်။
48အင်မ်ပါလ်နောလ် ကိုယ်တော်နား အင်မ်မုတောဝေါလ် “နာင် အပြစ်ဒုစရိုက်လှီ့ ကိမ်ကိမ်ခွင့်လွှတ်ခေါမ် နာခံလောဒ့်ပါလ်” တိရို အမိန့်။ 49အင်မ်ဟိုဝေါလ် ကိုယ်တော်ယေရှုဓေါလ်ဟှတောလ် ငွာတိလှီ့နား အစွာခေါင်လှီ့နား “အပြစ်ဒုစရိုက် ကုံးခါခွင့်လွှတ်ခွတ် တိရို ဟောင်တိစေး ဟအူ” တိရို အာမ်ခေဝေတောင်။
50အင်မ်ဘော်နားခါ ကိုယ်တော်ယေရှုနား အင်မ်မုတောဝေါလ် “နာင်ယုမ်ကြည်ခေါမ်နား နာင် အကယ်တင်ပါလ်။ ငြိမ်းငြိမ်းချမ်းချမ်း ဈာတ်ဟိလ့်ယောင်ငါး” တိရို အမိန့်။
ទើបបានជ្រើសរើសហើយ៖
ရှင်လုကာ 7: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 7
7
အခန်း (၇)
ရောမတပ်မှူးပွလ်ဟှတ်ယုမ်ကြည်ခေါမ်
(ရှင်မဿဲ ၈:၅-၁၃)
1ကိုယ်တော်ယေရှုနား ခေါင်ထုပရိတ်သတ်လှီ့အောလ် အဆင်ပက်ဟိုင်အလီခေါမ်လှီ့ အဆင်ပက်ပါလ်နောလ် ကပေရနောင်လုအောလ် အကြွ။ 2အင်မ်လုအောလ် ရောမ #7:2 တပ်မှူး= တပ်သားဖို့ဟှတ် အုပ်ချုပ်တိ တပ်မှူး။တပ်မှူးပွလ်ဟှတ် အမယ်။ အင်မ်နား အအားကိုးလောဒ့်ခေါမ် အစေခံပွလ်ဟှတ် ကွားထေ့နား ဘာလ့်ဟိုင်ထုအထောလ်။ 3အင်မ်တပ်မှုနား ကိုယ်တော်ယေရှု အကြောင်းအယှောက်ဟိုဝေါလ် အချို့ဂျူးခေါင်ယှီလန်လှီ့ ကိုယ်တော်စငေါလ် အတိခန်းနောလ် လူးထေ့နား အစေခံ ဓူဒူပက်ဟိုင် အတောင်းဆိုဆောက်။ 4အင်မ်လှီ့ခါ ကိုယ်တော်စငေါလ် ဈာတ်ထေ့နား အင်မ်ခေါင်ကူညီပက်ဟိုင် ပွန်ပွန်အာမ်လျှောက်။ အင်မ်လှီ့နား “နီတပ်မှူးခေါမ် ကိုယ်တော်အကူညီ ခံထိုက်တိရို အထောလ်။ 5ဟိဘော်ဟိုင်ရိုးနောက်ဟိုဝေါလ်စေး အင်မ်ခေါင်ခေါမ် ဟမီးခေါင်ယှီလှီ့ အခစ်ခန်းနောလ် ဟမီးတွက် ဓမ္မာရုံပွလ်ဟှတ်ခါ လှူတိအောလ်ခါ အထောလ်” တိရို အာမ်လျှောက်။
6အင်မ်ခန်းနောလ် ကိုယ်တော်ယေရှုခေါမ် အင်မ်လှီ့ဓေါလ် ဟှတောလ်အကြွ။ အင်မ်တပ်မှူးအိမ်းကာ ခိုက်ဟိလ့်ဟိုဝေါလ် တပ်မှူးနား ခီပွီအချို့လှီ့ တိထေ့နား ကိုယ်တော်ဝေါလ် “အရှင်ငါး၊ ကေးအိမ်းမာလ် နာကြွလူးဟိုင်တွက် ကေထိုက်တန်ယခန်းနောလ် ပင်ပန်းခံထေ့နား ကြွလူးကော့အား။ 7အင်မ်အပြင် ကေးခါ အရှင်စငေါလ် ကေလူးဟိုင်ခါ ထိုက်တန်နယ်ဟီ။ အရှင်နား အမိန့်နာပက်ကုံးငေါလ် ကေးအစေခံ ရောဂါအခိလ်ဘွာလ်ဝိုက်။ 8ကေပုန်းဟို့ခါ အဟြှလ်နောလ်ကိအရာရှိလှီ့ ကွတ်ဒေါင်ငေါလ် ကေမယ်ဘော် ကေးကွတ်ဒေါင်ငေါလ်ခါ စစ်ဆော်လှီ့ ပူနူးအာမ်မယ်။ ကေးနား စစ်ဆော်ပွလ်ဟှတ်တောလ် ‘ဈာတ်တား’ တိရို အမိန့်ကေပက်နားစေး အဈာတ်လောဒ့်။ ‘လူးဝြား’ တိရို အမိန့်ကေပက်နားစေး အလူးလောဒ့်။ ကေးနား ကေစေခံလှီ့အောလ် ‘နီစိုင်းယား’ တိရို ကေဟောင်နားစေး အင်မ်လှီ့နား အာမ်စိုင်းလောဒ့်” တိရို အလျှောက်ဆောက်။
9အင်မ်ဘော်ဟောင်ခေါမ် ကိုယ်တော်ယေရှုနား အယှောက်ဟိုဝေါလ် စါစ်နိုးထေ့နား အနှုဝေါလ်ယုန်းလူးတိလှီ့ ခေါင်ထုလှီ့အောလ် “ကေးနား နာင်မီးရိုး ဟောင်ဟိုင်ကေလီခေါမ်စေး အစ္စရေးခေါင်ယှီလှီ့စငေါလ်ကုံးခါ နီအစ္စရေးခေါင်ယှီဆီးယတိဟို့ ယုမ်ကြည်မှုလန်တိ မှူးဖူဟာမ်းဟီ” တိရို အမိန့်။ 10တပ်မှူးနား အတိလူးခေါမ်လှီ့ အိမ်းမာလ် အာမ်ခိုက်ယေဘွာလ်ဟိုဝေါလ် အင်မ်အစေခံ ပွန်ပွန်အခိလ်ဘွာလ်ခေါမ် အာမ်မှူးလောဒ့်။
မှာလ်နူးပွလ်ဟှတ်လားအစိုး အဆောက်င်ဟင်ဘွာလ်ခေါမ်
11အချိန်မက်စောအဓီပါလ်နောလ် ကိုယ်တော်ယရှု နာဣနလုအောလ် အာမ်ကြွဟိုဝေါလ် အတပည့်လှီ့ဓေါလ်ဟှတောလ် ခေါင်ထုလှီ့နားခါ အာမ်ယုန်းလူ။ 12ကိုယ်တော်ယေရှု လုအောလ်ဝင်နောက်ပေါက်ကာ ခိုက်လူးဟိုဝေါလ် ဘာလ့်တိရုတ် ခိဟိုင် ခေါင်စုဟှတ်နား ပါးထေ့နား လုပြင်ငေါလ် အာမ်လူး။ အင်မ်ဘာလ့်တိနောက်ခေါမ် မှာလ်နူးနား ပွလ်ဟှတ်ဘွတ်စော အတောဒ့်ကယ်ခေါမ် အစိုးဝေါလ်ထောလ်ထေ့နား လုအောလ်ကိ ခေါင်လှီ့နားခါ ခေါင်ခိဟိုင် အင်မ်မှာလ်နူးဓေါလ် ဟှတောလ် အာမ်လူး။ 13အရှင်နား အင်မ်မှာလ်နူး အမှူးဟိုဝေါလ် အင်မ် အမာနယ်ခန်းနောလ် အင်မ်မှာလ်နူးဝေါလ် “ကာပ်ကော့အား” တိရို အမိန့်။
14အင်မ်ပါလ်နောလ် ကိုယ်တော်နား အင်မ်ခေါင်လှီ့ ပါးလူးခေါမ် ရုတ်ကာဝေါလ်ဈာတ်ထေ့နား ရုတ်စင်ခေါမ် ကွတ်တောလ် အလှမ်းမေခန်းနောလ် ရုတ်စင်ပါးလူးတိလှီ့နား အာမ်ဒိလ်းပက်ဟိုဝေါလ် ကိုယ်တော်နား “ပုတောစောဝြား၊ နာင်ငေါလ် ကေဟောင်ဝိုက်။ ထောဝြား” တိရို အမိန့်။ 15အင်မ်ဘော် ကိုယ်တော်ယေရှုနား အမိန့်ဟိုဝေါလ် ချက်ချင်းကုံး အင်မ်ဘာလ့်တိပုတောစောခေါမ် ဆောက်င်ဟင်ဘွာလ်ထေ့နား ငွာထေ့ဗာန် အခေဘွာလ်။ ကိုယ်တော်ယေရှုနား အင်မ်ပုတောစောခေါမ် အနူးဝေါလ် အအပ်ဘွာလ်။
16ခေါင်လှီ့နား ကိအယ်တောင်းထေ့နား စါစ်နိုးဗာန် “ဟမီးစငေါလ် ကြီးမြတ်တိ ပရောဖက်ပါးဟှတ် အပေါ်လူးပါလ်။ ဖုလော်ရှင်နား အပုန်းဟို့ခေါင်ယှီထောလ်တိ ဟမီး ကယ်တင်ဟိုင် အကြွပါလ်” တိရို ဖုလော်ရှင် အာမ်ချီးမွမ်း။ 17ကိုယ်တော်ယေရှု စိုင်းဟိလ့်ခေါမ် နီဆီးတင်းနောက်ခေါမ် ယုဒဘီလား အကီကာဝေါလ်ကိ ပတ်ဝန်းကျင်ငေါလ် အပျံ့နှံ့ရောခ့်။
သွီးဓေါလ်သန့်စင်ခေါမ်မင်္ဂလာပေးတိ ဆလော်ယောဟန်အကြောင်းမိန့်ခေါမ်
(ရှင်မဿဲ ၁၁:၂-၁၉)
18အင်မ်ပါလ်နောလ် သန့်စင်ခေါမ်စိုင်းတိ ယောဟန်တပည့်လှီ့နား ကိုယ်တော်ယေရှု အကြောင်းလှီ့ ယောဟန်ရိုး အာမ်ဆိုက်ဟိုဝေါလ် ယောဟန်နား အတပည့်ပွလ်နှိ ပါနယ်ထေ့နား 19“ကိုယ်တော်နောက်ခေါမ် အကြွလူးဝိုက် တိရို အာမ်ဟောင်ခေါမ် အရှင်ငါ။ ဆီးယနာ ကေးမီးနား အစွာပွလ်ဟှတ် ကာမ်စောင့်လောဒ့် ဟာမ်းမိုက်ယား” တိရို အဟီးယေဟိုင်ရိုး အတိ။
20အင်မ်ဟွဒ့် ကိုယ်တော်ယေရှုစငေါလ် အဟီခိုက်ယေဟိုဝေါလ် “သွီးဓေါလ်သန့်စင်ခေါမ်စိုင်းတိ ဆလော်ယောဟန်နား ကိုယ်တော်စငေါလ် တိလူးထေ့နား ‘ကိုယ်တော်ခေါမ် ကြွလူးဝိုက် တိရိုဟောင်ခေါမ်အရှင်ငါ၊ ဆီးယနား ကေးမီနား အစွာပွလ်ဟှတ် ကာမ်စောင်လောဒ့်ဟာမ်းမိုက်ယား’ တိရို အဟိ့လူးဆောက်” တိရို အဟီလျှောက်။
21အင်မ်ချိန်ငေါလ် ကိုယ်တော်ယေရှုနား ကွားတိလှီ့လား နိမို့လှီ့ ဓူပက်ထေ့နား နောတ်ဆီးပူးကပ် ခံလောဒ့်တိလှီ့စငေါလ်ကိ နောတ်ဆီးလှီ့ အဆှုတ်ခေါမ်တင်ယ မိတ်မှူးယတိလှီ့ခါ မိတ်မှူးဘွာလ်ဟနောလ် အဓူပက်။ 22ကိုယ်တော်နား ယောဟန် တပည့်ဟွဒ့်ရိုး “နာင်ဟီ့နား နာဟီ့မှူး နာဟီရောက်လောဒ့်ခေါမ်လှီ့ ကိမ်ကိမ် ယောဟန်စငေါလ် ဈာတ်ထေ့နား ဆိုက်ယေဘွတ်ဟီ့။ မိတ်မှူးယတိလှီ့ တုအောလ် မိတ်အမှူးဘွာလ်ပါလ်၊ ကွတ်ခူ သန်စွမ်းယတိလှီ့ခါ အာမ်ကောက်ကယ်ခွတ်ဘွာလ်ပါလ်၊ အနာကြီးရောဂါမို့လှီ့ ကေဓူပက်ပါလ်၊ နှိုရောယတိလှီ့နားခါ အာမ်ယှောက်ဘွာလ်ပါလ်၊ ဘာလ့်တိလှီ့ အာမ်ဟင်ဘွာလ်ပါလ်၊ စါက်ကယ်တိလှီ့နား ဆီးတင်ပွန် အာမ်ယှောက်လောဒ့်ပါလ်။ 23ကေး ယုမ်ဆော်တိလှီ့စေး အာမ်ခူလ်ပွန်” တိရို အမိန့်။
24ယောဟန် တပည့်ဟွဒ့် အာမ်ဈာတ်ဘွာလ်ပါလ်နောလ် ကိုယ်တော်နား ခေါင်ထုပရိတ်သတ်လှီ့အောလ် ယောဟန်အကြောင်း အမိန့်ခေါမ်စေး “ခေါင်မယ်နောက်ယဒိုင်ဒုလ့်ကာလ် ယောဟန်နား သွီးဓေါလ်သန့်စင်ခေါမ် အစိုင်းဟိုဝေါလ် နာင်မီး ဟိအီဘောင်လှီ့ ဓေါ့်ဟိုင်ရိုး နာမ်ဈာတ်။ ခီလူးဘော် စကယ်တိ ပါထိင်းဆောင်းတိလှီ့အာ။ 25ဆီးယနား ဟိဘောင်မှူးဟိုင် နာမ်လီခန်းနောလ် နာမ်ဈာတ်။ ဆူပွန်ဆောက်ပွန် ခုအယ်တိလှီ့ မှူးဟိုင်နာမ်လီဝြာ။ ဟိဘော်ဟိုင်ရိုးနောက်ဟိုဝေါလ်စေး အဖူဂါတိ ဆူပွန်ဆောက်ပွန် ခုအယ်ထေ့နား စည်းဇိမ်ခံတိလှီ့ ဆောင်ဖလောင် နန်းဒုလ့်ကာလ်ယောင် မှူးလောဒ့်အိုက်။ 26ဆီးယနား ဟိဘောင်ခေါင်လှီ့ မှူးဟိုင်နာမ်လီခန်းနောလ် နာမ်ဈာတ်။ ပရောဖက် မှူးဟိုင်နာမ်လီဝြာ။ အမှန်။ နာင်မီးရိုး ကေးနား ဟောင်ဟိုင်ကေလီခေါမ်စေး ယောဟန်နောက်ခေါမ် ပရောဖက်ထက်ကာလ် ပိုဝေနား ကြီးမြတ်တိအောလ် အထောလ်။ 27ကျမ်းစော်ဝေါလ် ဖုလော်ရှင်နား မေရှိယအောလ် အမိန့်ခေါမ်စေး
‘ကေးနား နာင် ဈာတ်နောက်ဟိုင်လာမ်း အဆင့်သင့်ထောလ်ဟိုင်ရိုး
နာင်ထက်ကာလ် အရင်ငေါလ် ကေး စေတမန် ကေတိအိုက်’ တိရို အရော့ကယ်ခေါမ်စေး ယောဟန် အကြောင်းယောင်။
28နာင်မီးရိုး ကေဟောင်ဝိုက်။ ယောဟန်ထက်ကာလ် ကြီးမြတ်တိ နီဆုမ်သပ့်ခုံးငေါလ် ပွလ်ဟှတ်ခါ မယ်ဟာမ်းယော်ဟ။ အင်မ်ဘော်နားခါ ဖုလော်ရှင်သာသနာတော်ဝေါလ် အရေးပါယတိကုံးခါ ယောဟန်ထက်ကာလ် အကြီးမြတ်” တိရို အမိန့်။
29ယောဟန်စငေါလ် သွီးဓေါလ်သန့်စင်ခေါမ်ခံပါလ်တိလှီ့ အခွန်ကောက်လှီ့လား ခေါင်လှီ့နား ကိုယ်တော်ယေရှုနား အဟောင်ခေါမ်ခေခေါ အာမ်ရောက်ဟိုဝေါလ် ဖုလော်ရှင် လာမ်းဓေါင်ခေါမ်အမှန်နောက်ခေါမ် အထာခါဝန်အာမ်ခံဘွာလ်တီ။ 30အင်မ်ဘော်နားခါ ဖာရိရှဲလှီ့လား ကျမ်းဆလော်လှီ့နားစေး ယောဟန်စငေါလ် သွီးဓေါလ်သန့်စင်ခေါမ် ခံကော်ဝေါလ် ဖုလော်ရှင်အစီစဉ် အာမ်ပစ်ပယ်ဟိလ့်။
တုံ့ပြန်ခေါမ် စိုင်းယတိယှီ
31အင်မ်ပါလ်နောလ် ကိုယ်တော်နား ဆက်ကယ်နား အမိန့်ခေါမ်စေး “တုခေတ်ရိုးကိ ခေါင်လှီ့ ဟိဘောင်ဓေါလ် ခိုင်းနှိုင်းလောဒ့်အိုက်။ အင်မ်လှီ့ ဟိအီဓေါလ်အာမ်တူဝေ။ 32အင်မ်လှီ့နောက်ခေါမ် ဈေးဒုလ့်ကာလ် ငွာထေ့နား မာန်းငယ်တိ ဒိပ်စောလှီ့ဘော်
‘ကေးမီးနား နာင်မီးတွက် အွတ်တုမ်းနားခါ
လာမ်ထေ့ယော်စူး။
ကေးမီး ကာပ်နောက်ဟိုင်အွတ်အွမ်းနားခါ
နာင်မီး ကာပ်ထေ့ယော်စူး’ တိရို ဟောင်ဝေတောင်တိဒိပ်စောလှီ့ဓေါလ် အာမ်တူဝေး။
33ဟိဘော်ဟိုင်ရိုးနောက်ဟိုဝေါလ်စေး သွီးဓေါလ်သန့်စင်ခေါမ်စိုင်းတိ ဆလော်ယောဟန် အေအောတ်ဟာ#7:33 ယေဟန်နား ခိန်ခီလား ခိုသွီးယောင်အအေ။ထေ့နား စပျစ်ဝိုင်အူးကော် အဈာတ်ရောခ့်နားခါ နာင်မီးနား ‘ယောဟန်စငေါလ် နောတ်ဆီး အပူးကပ်’ တိရို နာမ်ဟောင်။ 34အင်မ်ဘော်နားခါ ခေါင်စိုး အေအူးထေ့နား အဈာတ်ရောခ့်ဟိုဝေါလ်ခါ နာင်မီးနား ‘နီခေါင်စေး အေအောတ်လန်ထေ့နား အခွန်ကောက်တိလှီ့၊ အပြစ်ဒုစရိုက်ဆော်လှီ့ဓေါလ် ခီပွီအဖွဲ့’ တိရို နာမ်ဟောင်ဘွာလ်တီ။ 35အင်မ်ဘော်နားခါ အင်မ်အရာလှီ့ လက်ခံတိခေါင်လှီ့ကိမ်ကိမ် ဖုလော်ရှင် ဉာဏ်ပညာအမှန်နောက်ခေါမ် သက်သေဓေါင်တိလှီ့အောလ်အာမ်ထောလ်” တိရို အမိန့်။
အပြစ်လန်တိ မုတော ခွင့်လွှတ်ခေါမ်
36အင်မ်ပါလ်နောလ် ဖာရိရှဲပွလ်ဟှတ်နား ကိုယ်တော်ယေရှု အအိမ်းမာလ် အမီဘုအေဟိုင် အဖိတ်။ အင်မ်ဘော်ခန်းနောလ် ကိုယ်တော်ခေါမ် ဖာရိရှဲအိမ်းမာလ် ကြွထေ့နား ဘုအေနောက်ခုံငေါလ် ဘုအေဟိုင်အငွာ။ 37အင်မ်လုအောလ် #7:37 အပစ်ကျူးလွန်တိမုတော= ပွန်ယတိမုတောအပြစ်လန်တိ မုတောပွလ်ဟှတ် အမယ်။ ဖာရိရှဲအိမ်းမာလ် ကိုယ်တော်ယေရှု ဘုအအေခေါမ် အယှောက်ခန်းနောလ် အင်မ်မုတောနား အဖူဂါတိ ဆီသွီအအူတိပုလင်ဟှတ် လူဝေထေ့နား အင်မ်ဓိလ်နောလ် အလူး။ 38အင်မ်ပါလ်နောလ် အင်မ်မုတောခေါမ် ကိုယ်တော်နှူဝေါလ် လူးထေ့နားတုလ်ဗာန် အကာပ်ဟိုဝေါလ် အမိတ်ခီကိုးထေ့နား ကိုယ်တော်ခူ အရွားခန်းနောလ် ခူခေါမ်အလူဝေါလ် ဝှါးဟနောလ် အဟွတ်ပက်။ အင်မ်ပါလ်နောလ် ကိုယ်တော်ခူ နှာမ်ထေ့နား ဆီသွီအအူတိ အလှုပ်။
39ကိုယ်တော် ဖိတ်လူးတိ ဖာရိရှဲနား အင်မ်လှီ့အမှူးဟိုဝေါလ် “နီခေါင်နောက်ခေါမ် ပရောဖက်နောက်ဟိုဝေါလ်စေး အပုန်းဟို့လှမ်တိ မုတော ဟိဘောင် မုတောနောက်ခေါမ် အစုတ်င်လောဒ့်အိုက်။ ပွန်းယတိ မုတောနောက်ခေါမ်ခါ အစူတ်င်လောဒ့်အိုက်” တိရို အစဉ်းစား။
40အင်မ်ဟိုဝေါလ် ကိုယ်တော်နား အင်မ်နောလ် “ရှိမုန်ငါး၊ နာင်ငေါလ် အူဟှတ်ဘောင် ကေဟောင်ဟိုင်မယ်” တိရို အမိန့်ဟိုဝေါလ် ရှိမုန်နား
“ဟောင်ဝြား ဆလော်ဝြား” တိရို အဟောင်ဘွာလ်။
41အင်မ်ဟိုဝေါလ် ကိုယ်တော်နား ပုံဥပမာပုဒ်ဟှတ်တောလ် အမိန့်ခေါမ်စေး “ဒေါင်းဂို ဗူတိပွလ်ဟှတ်စငေါလ် ခေါင်ပွလ်နှိနား ဒေါင်းဂို အဟီဗူ။ ပွလ်ဟှတ်နား #7:41 ဒေနာရီ= ဒေနာရီဒေါင်းဂို ပြားဟှတ်နောက်ခေါမ် နေ့စား အလုပ်သမား ပွလ်ဟှတ်နား နှိုပ်ဟှတ်လုပ်အားခဓေါလ် အညီမျှ။ဒေနာရီ ဒေါင်းဂိုဖို့ပိုဟိုရ်၊ အထာပွလ်ဟှတ်နားစေး ဒေနာရီ ဒေါင်းဂိုဟိုးကိပ် လရ်အဟီတင်။ 42အင်မ်ဟွဒ့်နား လရ်မို့ပိုးဝေါလ် လရ်အဟီပက်ဘွာလ်ခွတ်ယခန်းနောလ် လရ်မို့ပိုးနား နာင်ဟီလရ် ပေးဘွာလ်လိုတီးယော် တိရို အဟောင်ဟိုဝေါလ် ဟအူနား လရ်မို့ပိုးဝေါလ် ပိုဝေနား အဆိအယ်နောက်ကိုက်” တိရို အင်မ်ခေါင်ငေါလ်အဟိ့။
43ရှိမုန်နား “ကေးနား ကေအူတ်နောက်ခေါမ်စေး လရ် အလှလ်ရိုး ပူတိနား ပိုဝေနား အဆိအယ်နောက်ကိုက်” တိရို အဟောင်။
ကိုယ်တော်နား “နာင်ဟောင်ခေါမ် အမှန်” တိရို အမိန့်ဘွာလ်။
44ကိုယ်တော်နား အင်မ်မုတော ဓေါ့်ဝေါလ်ထေ့နား ရှိမုန်ငေါလ် “နာင်နား နီသတိနာတောဒ့်ကာ ကေး နာင်မီးအိမ်းမာလ် ကေကြွလူးဟိုဝေါလ် နာင်နား ကေး ခူပွတ်တယ်နောက်ဟိုင် သွီးပေးဟိလ့်ယော်တိ၊ အင်မ်ဘော်နားခါ အင်မ်မုတောနား ကေးခူ အမိတ်ခီရိုး ပွတ်ထေ့နား အလူဝေါလ် ဝှါးဟိုင်နောလ် အဟွတ်ဟိလ့်ပက်။ 45နာင်နား ကေး ကေကြွလူးဟိုဝေါလ် ကေး နှာမ်ထေ့နား ကြိုဟိလ့်ယော်တိ။ အင်မ်ဘော်နားခါ အင်မ်မုတောနားစေး ကေးခူ အဆက်မပြတ်အနှာမ်ဟိလ့်။ 46နာင်နား ကေလကီ သံလွင်ဆီကုံးခါ နာလှုပ်ဟိလ့်ယနားခါ အင်မ်မုတောနား အဖူဂါတိ ဆီသွီအအူတိ ကေးခူဝေါလ် အလှုပ်ဟိ့လ်။ 47အင်မ်ခန်းနောလ် ကေးနား ကေဟောင်ဝိုက်။ နီမုတော အပြစ်လှီ့ ခွင့်လွှတ်ခေါမ်အခံလောဒ့်ပါလ်။ ဟိဘော်ဟိုင်ရိုးနောက်ဟိုဝေါလ်စေး နီမုတောနား ပိုဝေနား အခစ်ခန်းနောလ်ထောလ်။ အပြစ်ဒုစရိုက်မက်စိုးယောင် ခွင့်လွှတ်ခံလောဒ့်တိနားစေး မက်စောယောင် အာမ်ခစ်တိုက်” တိရို အမိန့်။
48အင်မ်ပါလ်နောလ် ကိုယ်တော်နား အင်မ်မုတောဝေါလ် “နာင် အပြစ်ဒုစရိုက်လှီ့ ကိမ်ကိမ်ခွင့်လွှတ်ခေါမ် နာခံလောဒ့်ပါလ်” တိရို အမိန့်။ 49အင်မ်ဟိုဝေါလ် ကိုယ်တော်ယေရှုဓေါလ်ဟှတောလ် ငွာတိလှီ့နား အစွာခေါင်လှီ့နား “အပြစ်ဒုစရိုက် ကုံးခါခွင့်လွှတ်ခွတ် တိရို ဟောင်တိစေး ဟအူ” တိရို အာမ်ခေဝေတောင်။
50အင်မ်ဘော်နားခါ ကိုယ်တော်ယေရှုနား အင်မ်မုတောဝေါလ် “နာင်ယုမ်ကြည်ခေါမ်နား နာင် အကယ်တင်ပါလ်။ ငြိမ်းငြိမ်းချမ်းချမ်း ဈာတ်ဟိလ့်ယောင်ငါး” တိရို အမိန့်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.