ရှင်လုကာ 6
6
အခန်း (၆)
ဥပုသ်နှိုပ်အရှင်သခင်
(ရှင်မဿဲ ၁၂:၁-၈။ ရှင်မာကု ၂:၂၃-၂၈)
1ဥပုသ်နှိုပ်နှိုပ်ဟှတ်တောလ် ကိုယ်တော်ယေရှုလား တပည့်တော်လှီ့ စောင်ဒွားလှီ့ဖြတ်ထေ့နား အာမ်ဈာတ်ဟိုဝေါလ် အတပည့်လှီ့နား စောင်စီးလှီ့ဆိတ်ထေ့နား အဟိုပ်လှီ့ ကွတ်တောလ်ပွာထေ့နား စောင်စီးလှီ့အာမ်အေ။ 2အင်မ်ဟိုဝေါလ် ဖာရိရှဲတချို့နား ကိုယ်တော်ယေရှုအောလ် “နာင်မီးနား ဥပုသ်နှိုပ်ပါလ် ပညတ်တော်ဓေါလ် ညီယတိ ဟိိဘော်ဟိုင်ရိုး နာမ်စိုင်း” တိရို အာမ်ဟောင်။
3ကိုယ်တော်ယေရှုနား ဖာရိရှဲလှီ့အောလ် အဟောင်ဘွာလ်ခေါမ်စေး “ဆောင်ဖလောင်ဒါဝိဒ်လား အတပည့်လှီ့နား ဘုနားအာမ်ဓီဝေဟိုဝေါလ် အင်မ်နား ဟိဘော်အစိုင်းဟိလ့်နောက်ခေါမ် ကျမ်းစော်ဝေါလ် #6:3 အင်မ်အဖြစ်ပျက်အထောလ်ခေါမ်ချိန်ငေါလ် ဆောင်ဖလောင်ဒါဝိဒ်နောက်ခေါမ် ဆောင်ဖလောင်ရှောလုကွတ်တောလ်ကိအဈာန်းခေါမ်ချိန်ငေါလ်ထောလ်။ ဖတ်ဖူယော်စုအာ။ 4ဆောင်ဖလောင်ဒါဝိဒ်ခေါမ် ဖုလော်ရှင်အိမ်း#6:4 ဖုလော်ရှင်အိမ်းနောက်ခေါမ် ခေါပ်ရည်ညွန်း။ ဟိဘော်ဟိုင်ရိုးနောက်ဟိုဝေါလ်းစေး အင်မ်ချိန်ငေါလ် ဗိမာန်တော်မယ်ဟာမ်းယခန်းနောလ်ထောလ်။မာလ်ဝင်ထေ့နား ဖုလော်ရှင်တွက် သီးသန့်ကပ်ခေါမ် ဂျူးပုရောဟိတ်လှီ့နားယောင် အေရိုးလောဒ့်ခေါမ်မုန့်#6:4 ဂျုံဓေါလ်စိုင်းခေါမ်မုန့်။ ဖုလော်ရှင်တွက် သီးသန့်ကပ်ခေါမ်။ ဥပုသ်နှိုပ်တိုင်ငေါလ် မုန့်အဖင်ခေါမ် မုန်အထာတိဓေါလ်လှိုင်ထေ့နား အင်မ်မုန့်ဖင်ခေါမ် ပုရောဟိတ်နားယောင်အေရိုးလောဒ့်။ အပုန်းဟို့နားခါ အေထေ့နား အတပည့်လှီ့အောလ်ခါ အပက်ဟိလ့်” တိရို အမိန့်။ 5ဆက်ကယ်နား ကိုယ်တော်နား “ခေါင်စိုးဝေါလ်ထောလ်တိ ကေးနောက်ခေါမ် ဥပုသ်နှိုပ်အရှင်သခင်ငေါလ် ကေထောလ်” တိရို အမိန့်။
ခစ်လာမ်းကွတ်ဘာလ့်တိ ခေါင်ပွလ်ဟှတ်
(ရှင်မဿဲ ၁၂:၉-၁၄။ ရှင်မာကု ၃:၁-၆)
6အထာဥပုသ်နှိုပ်နှိုပ်ဟှတ်တောလ် ကိုယ်တော်ယေရှုနား ဓမ္မာရုံငေါလ် ဖုလော်ရှင်နှုတ်ကပတ်တော် အဟောဟိုဝေါလ် ခစ်လာမ်းကွတ်ဘာလ့်တိ ခေါင်ပွလ်ဟှတ်အမယ်။ 7အင်မ်ဟိုဝေါလ် ဖာရိရှဲလား ကျမ်းဆလော်အချို့လှီ့နား ကိုယ်တော်ယေရှုနား ဥပုသ်နှိုပ်ပါလ် ပွလ်ဟှတ်ဟှတ် အဓူပက်နားစေး စွပ်စွဲဟိုင်အကြောင်းပြချက် လောဒ့်ခွတ်ဟိုင်တွက်ကာလ် အနီးကပ်စောင်ဗာန်အာမ်ဓေါ့်။ 8အင်မ်ဘော်နားခါ ကိုယ်တော်ယေရှုနား အင်မ်လှီ့နား ဟိဘော်အာမ်ကြံစည်နောက်ခေါမ် အစုတ်င်ခန်းနောလ် အင်မ်ကွတ်ပွန်ယတိ ခေါင်ငေါလ် “ခေါင်လှီ့မော်ဝေါလ် ထောထေ့နားတုလ်ငါး” တိရို အမိန့်ဟိုဝေါလ် အင်မ်ခေါင် ထောထေ့နားအတုလ်။
9အင်မ်ပါလ်နောလ် ကိုယ်တော်ယေရှုနား အင်မ်လှီ့အောလ် “နာင်မီရိုး ကေဟိ့ရိုက်။ ဥပုသ်နှိုပ်ပါလ် ပွန်တိစိုင်းခေါမ်ငါ ဆီးယနား ပွန်ယတိစိုင်းခေါမ်ငါ။ ပွလ်ဟှတ်ဟှတ်ဆောက်င်ကယ်ခေါမ်ငါ ဆီးယနား ပွလ်ဟှတ်ဟှတ်ဆောက်င်ဓုတ်ခေါမ်ငါ၊ ဟိဘောင်စေး ပညတ်တော်ဓေါလ်အညီ” တိရို ဟီးထေ့နား 10အကီကာဝေါလ်ကိ ခေါင်လှီ့ ဓေါ့်ဝေထေ့နား အင်မ် ခစ်လာမ်း ကွတ်ဘာလ့်တိအောလ် “နာင်ကွတ်တာလူးဝြား” တိရို အဟောင်ဟိုဝေါလ် အင်မ်ခေါင်နား ဟောင်ဘော်ဝေါလ် အကွတ်အတာဟိုဝေါလ် အကွတ်ခေါမ် ပကတိဘော် အမယ်ဘွာလ်လှာလ်။ 11အင်မ်ဟိုဝေါလ် ဖာရိရှဲလှီ့လား ကျမ်းဆလော်လှီ့ တပြင်းအာမ်လုန်ဆဆုခန်းနောလ် ကိုယ်တော်ခေါမ် ဟိဘော်အာမ်စိုင်းလောဒ့်အိုက် နောက်ခေါမ် ပွလ်ဟှတ်လားပွလ်ဟှတ် အာမ်တိုင်ပင်။
သာဝကကုလာနှိ
(ရှင်မဿဲ ၁၀:၁-၄။ ရှင်မာကု ၃:၁၃-၁၉)
12နှိုပ်ဟှတ်တောလ် ကိုယ်တော်ယေရှု ဆုတောင်ဟိုင်အလီခန်းနောလ် ကုန်းဟြှလ်နောလ်ကွာထေ့နား မီဟှတ်လုံးလုံး ဖုလော်ရှင်စငေါလ် ဆုအတောင်ငယ်ယေ။ 13ခူအဝြာဟိုဝေါလ် တပည့်တော်လှီ့ကိမ်ကိမ် ပါနယ်ထေ့နား အင်မ်လှီ့ဒုလ့်ကာလ်ကိ #6:13 သာဝက= သာဝကနောက်ခေါမ်စေး ကိုယ်တော်ယေရှုနား အထူးအရွေးကောက်ခေါမ် တပည့်တော်လှီ့အောလ် အာမ်ထောလ်။ကုလာနှိခေါမ် သာဝကအောလ်ထောလ်ဟိုင်ရိုး အလူရ်။
14အင်မ်လှီ့စေး ပေတရု တိရို ကိုယ်တော်နား အမိန်အပက်ဟိလ့်ခေါမ် ရှိမုန်။ ကျန်တိလှီ့စေး ပေတရုနား အနောင် အန္ဒြေ၊
ယာကုပ်၊
ယောဟန်၊
ဖိလိပ္ပု၊
ဗာသောလမဲ၊
15မဿဲ၊
သောမ အာလဖဲနား အစိုး ယာကုပ်
ယှီခစ်တိရှိမုန်#6:15 ရောမအုပ်ချုပ်ခေါမ်ငေါလ်ကိ လွတ်ဟိုင်တွက် တိုက်ခိုက်ဟိလ့်တိ အဖွဲ့လှီ့အောလ်ကိ ပွလ်ဟှတ်တောလ်အထောလ်ဟိလ့်။၊
16ယာကုပ်နား အစိုး ယုဒလား
ဆာဝေါလ် ကိုယ်တော်ဝေါလ် ဆက်ဇော်ဖောက်ဟိုင်ခေါင် #6:16 ရုဒရှာကာရုတ်= နောက်ဆုံး ဆက်ဇော်တောဒ်ခေါမ်အေပွဲရိုး မာရ်နောတ်ခေါမ် အင်မ်ခေါင်ဒုလ့်ကာလ်ဝင်ထေ့နား ကိုယ်တော်ယေရှုအောလ် ဆက်ဇော်ဖောက်ထေ့နား ကိုယ်တော်ယေရှု အပေါ်ဝေါလ် ဆက်ဇော်အဖောက်ခေါမ် တွက်ကာလ် နောင်တလောဒ့်ထေ့နား ပုန်းဟို့နားပုန်းဟို့ အဆုံးစီရင်ခေါမ်။ရုဒရှကာရုတ်တိအောလ် အာမ်ထောလ်။#မ၊ ၂၇:၅
ဖုလော်ရှင်နှုတ်ကပတ်တော်လှီ့ဆင်ခေါမ်လား ရောဂါဓူပက်ခေါမ်
(ရှင်မဿဲ ၄:၂၃-၂၅)
17အင်မ်ပါလ်နောလ် ကိုယ်တော်ခေါမ် သာဝကလှီ့ဓေါလ်ဟှတောလ် ကုန်းဟြှလ်နောလ်ကိ မြေပြန့်အောလ် အာမ်ကာမ်းလူး။ အင်မ်ဓိလ်နောလ် တပည့်တော်လှီ့ဓေါလ်ဟှတောလ် ယုဒဘီ၊ ဂျေရုဆလင်လု၊ ဇိဒုန်လုလား တုရုလု ဂူလျှောက်ဟှတ်လုံးငေါလ် မယ်တိလုလှီ့အောလ်ကိ ခေါင်လှီ့ခါ အာမ်ခိုက်လူး။ 18အင်မ်လှီ့နောက်ခေါမ် ကိုယ်တော်ယေရှုဟောခေါမ် ဖုလော်ရှင်နှုတ်ကပတ်တော်လှီ့ ငေဟိုင်လား အာမ်ပုန်းဟို့ ရောဂါလှီ့ဓူဝေဟိုင် အာမ်လီခန်းနောလ် အာမ်လူး။ ကိုယ်တော်နား နောတ်ဆီး ပူးကပ်တိခေါင်လှီ့ခါ အဓူပက်။ 19ကိုယ်တော်စငေါလ် ခေါင်လှီ့ကိမ်ကိမ်ရောဂါလှီ့ ခိလ်ဘွာလ်ခွတ်နောက် တန်ခိုးလှီ့အမယ်ခန်းနောလ် ခေါင်လှီ့ကိမ်ကိမ်နား ကိုယ်တော်ယေရှု လှမ်ဟိုင်အာမ်ကြိုးစားကြ။
ခူလ်ပွန်တိလှီ့
(ရှင်မဿဲ ၅:၁-၁၂)
20အင်မ်ပါလ်နောလ် ကိုယ်တော်ခေါမ် တပည့်တော်လှီ့လာမ်းမာလ် မောင်ထေ့နား
“တုအောလ် စက်ကယ်တိလှီ့အား နာင်မီး နာမ်ခူလ်ပွန်။
ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင်သာသနာတော်နောက်ခေါမ် နာင်မီးတွက်ကာလ် အထောလ်။
21တုအောလ် မိတ်ဟာ့တိလှီ့အား နာင်မီး နာမ်ခူလ်ပွန်။
ဟိဘော်ဟိုင်ရိုးနောက်ဟိုဝေါလ်စေး နာင်မီး ဟို့ဟနောလ် နာမ်အေလောဒ့်အိုက်ဟိလ့်။ တုအောလ် ကာပ်တိလှီ့ခါ နာမ်ခူလ်ပွန်။ ဟိဘော်ဟိုင်ရိုးနောက်ဟိုဝေါလ်စေး နာင်မီး နာမ်နူဘွာလ်လောဒ့်အိုက်။
22ခေါင်စိုးနာမ်ယုမ်ခန်းနောလ် အစွာခေါင်လှီ့နား နာင်မီး အမှူးတောင်ခေါမ်၊
ပစ်ပယ်ခေါမ်၊ ဆာတ်ဆီခေါမ်၊ စော်ကားခေါမ်လား နာင်မီးကြောင်း
ရိုင်းရိုင်းစိုင်းစိုင်းဟောင်ခေါမ် ခံလောဒ့်နားခါ နာမ်ခူလ်ပွန်။
23အင်မ်ဘော်ထောလ်နားစေး ပျော်ဗာန် လမ်ဘွတ်စူး။ ဟိဘော်ဟိုင်ရိုးနောက်ဟိုဝေါလ်စေး ဟြှားလုအောလ်မယ်တိ နာင်မီး ဆုလာဒ်နောက်ခေါမ် အလန်။ ဟမာလ်ကထု အင်မ်လှီ့ ဆွားကိုင်လှီ့နားခါ ပရောဖက်လှီ့ အင်မ်ဘော် အာမ်စိုင်းဟိလ့်ခန်းနောလ်ထောလ်” တိရို အမိန့်။
ဆိတ်ခမ်းတိလှီ့
24ဆက်ကယ်နား ကိုယ်တော်နား
“အင်မ်ဘော်နားခါ ဘို့တိလှီ့အား ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးစေး
ပွန်ပွန်နာမ်မယ်ဟိလ့်လောဒ့်ခန်းနောလ်ထောလ်။
25တုအောလ် ဟို့ဟနောလ် အေလောဒ့်တိလှီ့အား ဆိတ်နာမ်ခမ်းမိုက်ဟိလ့်။
ဟိဘော်ဟိုင်ရိုးနောက်ဟိုဝေါလ်စေး မိတ်ဟာ့ခေါမ်ဓေါလ် နာမ်ခမ်းလောဒ့်အိုက်ဟိလ်ခန်းနောလ်ထောလ်။ တုအောလ် နူခွတ်တိလှီ့အား ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး ဝမ်းနည်းပူဆွေးခေါမ်ဓေါလ် နာမ်ခမ်းလောဒ့်အိုက်ဟိလ့်ခန်းနောလ်ထောလ်။
26ခေါင်လှီ့နား နာင်မီးအကြောင်း အာမ်ချီးမွှမ်းနားစေး ဆိတ်နာမ်ခမ်းမိုက်။
ဘော်ဟိုင်ရိုးနောက်ဟိုဝေါလ်စေး အင်မ်လှီ့ ဆွားကိုင်လှီ့နားခါ အယောင်ဆောင်ပရောဖက်လှီ့ အင်မ်ဘော် အာမ်ချီးမွမ်းဟိလ့်ခန်းနောလ်ထောလ်”
တိရို အမိန့်။
ဆုန်ပွီလှီ့အောလ် ခစ်ဘွတ်စူး
(ရှင်မဿဲ ၅:၃၈-၄၈၊ ၇:၁၂)
27အင်မ်ပါလ်နောလ် ကိုယ်တော်နား “တုအောလ်ငေတိလှီ့အား နာင်မီးရိုး ကေဟောင်ဝိုက်။ နာင်မီးဆုန်ပွီလှီ့ ခစ်ဘွတ်စူး။ နာင်မီး မှူးတောင်တိလှီ့တွက်ခါ ပွန်တိလှီ့ စိုင်းပက်ဘွတ်စူး။ 28နာင်မီး ထိုင်းဆတ်နိုးတိလှီ့တွက်ခါ ပွန်တိလှီ့ထောလ်ဟိုင် ဖုလော်ရှင်စငေါလ် ဆုတောင်ပက်ဘွတ်စူး။ နာင်မီး ဆဆ္ဆီနိုးတိလှီ့တွက်ခါ ဆုတောင်ပက်ဘွတ်။ 29ပွလ်ဟှတ်ဟှတ်နား နာင်ပမ်းဟေ ဝင်းလာမ်း အမွဟိုဝေါလ် အထာဝင်းလာမ်းခါ မွယေဆောက်ဘွတ်။ ပွလ်ဟှတ်ဟှတ်နား နာင်အခုံဖိုင်း အတောင်ငယ်ဟိုဝေါလ် အဒုလ့်ကာလ်ကိဖိုင်းခါ ပေးဘွတ်။ 30နာင်မီးစငေါလ် အူဟှဟှတ် တောင်ငယ်လူးတိလှီ့အောလ် ပေးဘွတ်စူး။ ပွလ်ဟှတ်ဟှတ်နား နာင်မီးပစ္စည်းလှီ့ ဂိအယ်နားခါ အင်မ်စငေါလ်ကိ တောင်ဘွာလ်ကော့စူး။ 31ပုန်းဟို့ဝေါလ် ဆက်ဆံယေဆောက်ဟိုင် နာမ်လီဘော် ခေါင်လှီ့ခါ ဆက်ဆံပက်ဘွတ်စူး။
32ပုန်းဟိုး ခစ်တိယောင် ခစ်ဘွာလ်ဝိုက်နောက်ဟိုစေး နာင်မီးခေါမ် ဖုလော်ရှင်နား ဟိဘော် အချီးမွမ်းခွတ်ကိုက်။ ဟိဘော်ဟိုင်ရိုးနောက်ဟိုဝေါလ်စေး အပြစ်ဒုစရိုက်ဆော်လှီ့ကုံးနားခါ အာမ်ပုန်းဟို့ခစ်တိလှီ့ အာမ်ခစ်ဘွာလ်ခွတ်ခန်းနောလ်ထောလ်။ 33နာင်မီးရိုး ပွန်တိလှီ့အောလ်ယောင် နာမ်ပွန်ဘွာလ်ဝိုက်နောက်ဟိုဝေါလ်စေး ဖုလော်ရှင်နား နာင်မီး ဟိဘော် အချီးမွမ်းခွတ်ကိုက်။ ဟိဘော်ဟိုင်ရိုးနောက်ဟိုဝေါလ်စေး အပြစ်ဒုစရိုက်ဆော်လှီ့ကုံးနားခါ အင်မ်ဘော် အာမ်စိုင်းခွတ်ခန်းနောလ်ထောလ်။ 34နာင်မီးရိုး ပေးဘွာလ်ဟိုင်လှီ့အောလ်ယောင် မျှော်လင့်ထေ့နား နာမ်ပူဟိုဝေါလ်စေး ဖုလော်ရှင်နား နာင်မီး ဟိဘော် အချီးမွမ်းခွတ်ကိုက်။ ဟိဘော်ဟိုင်ရိုးနောက်ဟိုဝေါလ်စေး အပြစ်ဒုစရိုက်ဆော်လှီ့ကုံးနားခါ အာမ်ပူခေါမ်ဟို့ လောဒ့်ဘွာလ်ဟိုင်ရိုး အာမ်ပူဝေတောင်ခန်းနောလ်ထောလ်။ 35အင်မ်အစား နာင်မီးစေး နာမ်ဆုန်ပွီ ခစ်ထေ့နား အင်မ်လှီ့တွက် ပွန်တိလှီ့ယောင် စိုင်းပက်ဘွတ်စူး။ အူဟှတ်ဟှတ် လောဒ့်ဘွာလ်ဟိုင်လီကော် ပူဘွတ်စူး။ နာင်မီးနား အင်မ်ဘော် နာမ်စိုင်းဟိုဝေါလ်စေး ဖုလော်ရှင်နား နာင်မီးရိုး ဆုလာဘ်လှီ့ပူနူးပေးထေ့နား တန်ခိုးလန်ဆုံးတိ ဖုလော်စိုးနောင်လှီ့အောလ် နာမ်ထောလ်နိုက်။ ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင်နား ကျေးဇူးစူးယတိလှီ့လား ပွန်ယတိလှီ့ခါ အမာနယ်ခန်းနောလ်ထောလ်။ 36နာင်မီး ပေါလ်ဖုလော်ရှင်နား ခေါင်တိုင်ငေါလ် အမာနယ်ခေါမ်လုန်အတောဒ့်ဘော် နာင်မီးနားခါ အစွာခေါင်လှီ့အောလ်ခါ မာနယ်ခေါမ်လုန်တောဘွတ်စူး” တိရို အမိန့်။
ခေါင်လှီ့ စီရင်ကော့စူး
(ရှင်မဿဲ ၇:၁-၅)
37အင်မ်ပါလ်နောလ် ကိုယ်တော်နား ဆက်ကယ်နား “အစွာခေါင်လှီ စီရင်ခေါမ် စိုင်းကော့စူး။ အင်မ်ဘော်ဟိုဝေါလ်ယောင် ဖုလော်ရှင်နားခါ နာင်မီးရိုး စီရင်ခေါမ် စိုင်းဟိုင်ဆီးယော်။ ပွလ်ဟှတ်ဟှတ် အပြစ်တင်ခေါမ် စိုင်းကော့စူး၊ အင်မ်ဟိုဝေါလ်ယောင် ဖုလော်ရှင်နား အပြစ်တင်ခေါမ် ခံလောဒ့်ဟိုင်ဆီးယော်စု။ အစွာခေါင်လှီ့ ခွင့်နာမ်လွှတ်ပက်ဟိုဝေါလ်စေး ဖုလော်ရှင်နားခါ နာင်မီး ခွင့်အလွှတ်ပက်တိုက်။ 38ခေါင်လှီ့အောလ် ပေးဘွတ်စူး။ နာင်မီးနားခါ နာမ်လောဒ့်ဘွာလ်ဝိုက်။ အင်မ်ဘော် နာမ်လောဒ့်ဘွာလ်ဟိုဝေါလ် ပုဗာန်၊ လှိန်ဗာန်၊ ဗလ်ဟနောလ် နာင်မီးအိတ်ဒုလ့်ကာလ် အာမ်ဆာမ်းပက်ဘွာလ်ဝိုက်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား အစွာခေါင်လှီ့အောလ် နာမ်ပက်ဟို့ ဖုလော်ရှင်နားခါ အပက်ဘွာလ်ဝိုက်” တိရို အမိန့်။
39အင်မ်ပါလ်နောလ် ကိုယ်တော်ယေရှုနား အင်မ်လှီ့အောလ် ပုံဥပမာပုဒ်ဟှတ် အမိန့်ခေါမ်စေး “မိတ်မှူးယတိ ခေါင်ပွလ်ဟှတ်နား အစွာမိတ်မှူးယတိပွလ်ဟှတ် လာမ်းအဓေါင်ပက်ခွတ်ကိုက်ယာ။ ပွလ်နှိဓေါလ် လော်ဒုလ့်ကာလ် ကိုးဟိုင်ဆီးယော်ဟွဒ့်ယာ။ 40တပည့်နောက်ခေါမ် ဆလော်ထက်ကာလ် တော်ခွတ်ယော်။ အင်မ်ဘော်နားခါ အင်မ်တပည့် ပွန်ရိုး လေ့ကျင့်ပက်ဟိုစေး ဆလော်ဘော် အထောလ်လူးဝိုက်။
41နာင်နား နာင်ခီပွီ သပ့်မှုံဘော်ဒိပ်ခိတ်တိ အမှော်စေး မှူးထေ့နား ထိင်းတုံးတိဘောင်လန်တိ နာပုန်းဟို့ အမှော်စေး ဟိဘော်ဟိုင်ရိုး သတိတောခွက်ယော်တိ။ 42ထိင်းတုံးတိဘောင်လန်တိ နာပုန်းဟို့ နာမှော်ခေါမ် နာမှူးအယ်ကော် ‘နာခီပွီ အမှော်ဒိတ်ခိတ်တိ ပြင်ဟိုင် ကေကူညီရိုက်’ တိရို ဟိဘော် နာဟောင်ခွတ်။ အယောင်ဆောင်တိလှီ့အား၊ နာမ်ပုန်ဟို့ ထိင်းတုံးတိဘောင်လန်တိ အမှော် အရင်ငေါလ်ပြင်ငယ်ရိုး။ အင်မ်ဘော်ဟိုဝေါလ်ယောင် နာင်ခီပွီ အမှော်ဒိတ်ခိတ်တိ နာကူညီခွတ်ကိုက်” တိရို အမိန့်။
အထိင်းလားအဌေ့
43အင်မ်ပါလ်နောလ် ကိုယ်တော်နား ဆက်ကယ်နား “အထိင်းပွန်တိအောလ် ပွန်ယတိအဌေ့ ဌေးယဘော် အထိင်းပွန်ယတိရိုးခါ အဌေ့ပွန်တိ ဌေးခွတ်ဟိုင်ဆီးယော်။ 44အဌေ့ဓေါ့်ထေ့နား အထိင်းကြောင်း ဟောင်ခွတ်။ ဟိဘော်ဟိုင်ရိုးနောက်ဟိုဝေါလ်စေး အလှိန်ထိင်းငေါလ်ကိ ဆပိဌေ့ ဆိပ်ခွတ်ယဘော် ခူမ်ဒုလ့်ကာလ်ကိ စပျစ်ဌေ့ခါ ဆိပ်ကာလ်လောဒ့်ယော်။ 45အင်မ်ဘော်ဝေါလ် ပွန်တိခေါင်နား အလုန်ဒုလ့်ကာလ် ပွန်တိလှီ့ယောင် အမယ်ခန်းနောလ် ပွန်တိလှီ့ယောင် အစိုင်းထေ့။ ပွန်ယတိခေါင်စေး အလုန်ဒုလ့်ကာလ် ပွန်ယတိလှီ့ယောင် အမယ်ခန်းနောလ် ပွန်ယတိလှီ့ယောင်အစိုင်းထေ့။ အင်မ်ခန်းနောလ် နာင်မီး ခေခေါလှီ့နား နာင်မီးလုန် ဟိဘော်မယ်နောက်ခေါမ်အဓေါင်” တိရို အမိန့်။
အိမ်းဆောက်တိ ခေါင်ပွလ်နှို
(ရှင်မဿဲ ၇:၂၄-၂၇)
46ကိုယ်တော်နား ဆက်ကယ်နား “နာင်မီးနား ကေးခေနာမ်ငေကော် ဟိဘော်ဟိုင်ရိုး ကေး ‘အရှင်၊ အရှင်’ တိရို နာမ်ဟောင်။ 47ကေးစငေါလ်လူးထေ့နား ကေးခေခေါငေထေ့နား လိုက်နာတိလှီ့ ဟအူဓေါလ် တူဝေးနာက်ခေါမ် ကေးနား ကေဟောင်ဝိုက်။ 48အင်မ်ခေါင်ခေါမ် သပ့်ထုဟနောလ်စာလ်ထေ့နား လုံးခုံငေါလ် အုတ်မြစ်ချထေ့နား အိမ်းဆောက်တိဓေါလ် တူဝေး။ သွီးအလန်လူးဟိုဝေါလ် သွီးနားအလေ့နားခါ အင်မ်အိမ်းခေါမ် ပွန်ပွန်အဆောက်ကယ်ခန်းနောလ် စကယ်ခေါမ်မယ်ကော် အီဘော်ခါထောလ်ယော်။ 49အင်မ်ဘော်နားခါ ကေးတရားလှီ့ ငေထေ့နား လိုက်နာယတိ ခေါင်လှီ့စေး အုတ်မြစ်ချကော် သပ့်ခုံငေါလ် အိမ်းဆောက်တိဓေါလ် အတူဝေး။ သွီးအလန်လူးထေ့နား သွီးနားအလေ့ဟိုဝေါလ် အင်မ်အိမ်းခေါမ် ချက်ချင်းကူးဝုန်းထေ့နား အပျက်စီးရိုက်” တိရို အမိန့်။
ទើបបានជ្រើសរើសហើយ៖
ရှင်လုကာ 6: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 6
6
အခန်း (၆)
ဥပုသ်နှိုပ်အရှင်သခင်
(ရှင်မဿဲ ၁၂:၁-၈။ ရှင်မာကု ၂:၂၃-၂၈)
1ဥပုသ်နှိုပ်နှိုပ်ဟှတ်တောလ် ကိုယ်တော်ယေရှုလား တပည့်တော်လှီ့ စောင်ဒွားလှီ့ဖြတ်ထေ့နား အာမ်ဈာတ်ဟိုဝေါလ် အတပည့်လှီ့နား စောင်စီးလှီ့ဆိတ်ထေ့နား အဟိုပ်လှီ့ ကွတ်တောလ်ပွာထေ့နား စောင်စီးလှီ့အာမ်အေ။ 2အင်မ်ဟိုဝေါလ် ဖာရိရှဲတချို့နား ကိုယ်တော်ယေရှုအောလ် “နာင်မီးနား ဥပုသ်နှိုပ်ပါလ် ပညတ်တော်ဓေါလ် ညီယတိ ဟိိဘော်ဟိုင်ရိုး နာမ်စိုင်း” တိရို အာမ်ဟောင်။
3ကိုယ်တော်ယေရှုနား ဖာရိရှဲလှီ့အောလ် အဟောင်ဘွာလ်ခေါမ်စေး “ဆောင်ဖလောင်ဒါဝိဒ်လား အတပည့်လှီ့နား ဘုနားအာမ်ဓီဝေဟိုဝေါလ် အင်မ်နား ဟိဘော်အစိုင်းဟိလ့်နောက်ခေါမ် ကျမ်းစော်ဝေါလ် #6:3 အင်မ်အဖြစ်ပျက်အထောလ်ခေါမ်ချိန်ငေါလ် ဆောင်ဖလောင်ဒါဝိဒ်နောက်ခေါမ် ဆောင်ဖလောင်ရှောလုကွတ်တောလ်ကိအဈာန်းခေါမ်ချိန်ငေါလ်ထောလ်။ ဖတ်ဖူယော်စုအာ။ 4ဆောင်ဖလောင်ဒါဝိဒ်ခေါမ် ဖုလော်ရှင်အိမ်း#6:4 ဖုလော်ရှင်အိမ်းနောက်ခေါမ် ခေါပ်ရည်ညွန်း။ ဟိဘော်ဟိုင်ရိုးနောက်ဟိုဝေါလ်းစေး အင်မ်ချိန်ငေါလ် ဗိမာန်တော်မယ်ဟာမ်းယခန်းနောလ်ထောလ်။မာလ်ဝင်ထေ့နား ဖုလော်ရှင်တွက် သီးသန့်ကပ်ခေါမ် ဂျူးပုရောဟိတ်လှီ့နားယောင် အေရိုးလောဒ့်ခေါမ်မုန့်#6:4 ဂျုံဓေါလ်စိုင်းခေါမ်မုန့်။ ဖုလော်ရှင်တွက် သီးသန့်ကပ်ခေါမ်။ ဥပုသ်နှိုပ်တိုင်ငေါလ် မုန့်အဖင်ခေါမ် မုန်အထာတိဓေါလ်လှိုင်ထေ့နား အင်မ်မုန့်ဖင်ခေါမ် ပုရောဟိတ်နားယောင်အေရိုးလောဒ့်။ အပုန်းဟို့နားခါ အေထေ့နား အတပည့်လှီ့အောလ်ခါ အပက်ဟိလ့်” တိရို အမိန့်။ 5ဆက်ကယ်နား ကိုယ်တော်နား “ခေါင်စိုးဝေါလ်ထောလ်တိ ကေးနောက်ခေါမ် ဥပုသ်နှိုပ်အရှင်သခင်ငေါလ် ကေထောလ်” တိရို အမိန့်။
ခစ်လာမ်းကွတ်ဘာလ့်တိ ခေါင်ပွလ်ဟှတ်
(ရှင်မဿဲ ၁၂:၉-၁၄။ ရှင်မာကု ၃:၁-၆)
6အထာဥပုသ်နှိုပ်နှိုပ်ဟှတ်တောလ် ကိုယ်တော်ယေရှုနား ဓမ္မာရုံငေါလ် ဖုလော်ရှင်နှုတ်ကပတ်တော် အဟောဟိုဝေါလ် ခစ်လာမ်းကွတ်ဘာလ့်တိ ခေါင်ပွလ်ဟှတ်အမယ်။ 7အင်မ်ဟိုဝေါလ် ဖာရိရှဲလား ကျမ်းဆလော်အချို့လှီ့နား ကိုယ်တော်ယေရှုနား ဥပုသ်နှိုပ်ပါလ် ပွလ်ဟှတ်ဟှတ် အဓူပက်နားစေး စွပ်စွဲဟိုင်အကြောင်းပြချက် လောဒ့်ခွတ်ဟိုင်တွက်ကာလ် အနီးကပ်စောင်ဗာန်အာမ်ဓေါ့်။ 8အင်မ်ဘော်နားခါ ကိုယ်တော်ယေရှုနား အင်မ်လှီ့နား ဟိဘော်အာမ်ကြံစည်နောက်ခေါမ် အစုတ်င်ခန်းနောလ် အင်မ်ကွတ်ပွန်ယတိ ခေါင်ငေါလ် “ခေါင်လှီ့မော်ဝေါလ် ထောထေ့နားတုလ်ငါး” တိရို အမိန့်ဟိုဝေါလ် အင်မ်ခေါင် ထောထေ့နားအတုလ်။
9အင်မ်ပါလ်နောလ် ကိုယ်တော်ယေရှုနား အင်မ်လှီ့အောလ် “နာင်မီရိုး ကေဟိ့ရိုက်။ ဥပုသ်နှိုပ်ပါလ် ပွန်တိစိုင်းခေါမ်ငါ ဆီးယနား ပွန်ယတိစိုင်းခေါမ်ငါ။ ပွလ်ဟှတ်ဟှတ်ဆောက်င်ကယ်ခေါမ်ငါ ဆီးယနား ပွလ်ဟှတ်ဟှတ်ဆောက်င်ဓုတ်ခေါမ်ငါ၊ ဟိဘောင်စေး ပညတ်တော်ဓေါလ်အညီ” တိရို ဟီးထေ့နား 10အကီကာဝေါလ်ကိ ခေါင်လှီ့ ဓေါ့်ဝေထေ့နား အင်မ် ခစ်လာမ်း ကွတ်ဘာလ့်တိအောလ် “နာင်ကွတ်တာလူးဝြား” တိရို အဟောင်ဟိုဝေါလ် အင်မ်ခေါင်နား ဟောင်ဘော်ဝေါလ် အကွတ်အတာဟိုဝေါလ် အကွတ်ခေါမ် ပကတိဘော် အမယ်ဘွာလ်လှာလ်။ 11အင်မ်ဟိုဝေါလ် ဖာရိရှဲလှီ့လား ကျမ်းဆလော်လှီ့ တပြင်းအာမ်လုန်ဆဆုခန်းနောလ် ကိုယ်တော်ခေါမ် ဟိဘော်အာမ်စိုင်းလောဒ့်အိုက် နောက်ခေါမ် ပွလ်ဟှတ်လားပွလ်ဟှတ် အာမ်တိုင်ပင်။
သာဝကကုလာနှိ
(ရှင်မဿဲ ၁၀:၁-၄။ ရှင်မာကု ၃:၁၃-၁၉)
12နှိုပ်ဟှတ်တောလ် ကိုယ်တော်ယေရှု ဆုတောင်ဟိုင်အလီခန်းနောလ် ကုန်းဟြှလ်နောလ်ကွာထေ့နား မီဟှတ်လုံးလုံး ဖုလော်ရှင်စငေါလ် ဆုအတောင်ငယ်ယေ။ 13ခူအဝြာဟိုဝေါလ် တပည့်တော်လှီ့ကိမ်ကိမ် ပါနယ်ထေ့နား အင်မ်လှီ့ဒုလ့်ကာလ်ကိ #6:13 သာဝက= သာဝကနောက်ခေါမ်စေး ကိုယ်တော်ယေရှုနား အထူးအရွေးကောက်ခေါမ် တပည့်တော်လှီ့အောလ် အာမ်ထောလ်။ကုလာနှိခေါမ် သာဝကအောလ်ထောလ်ဟိုင်ရိုး အလူရ်။
14အင်မ်လှီ့စေး ပေတရု တိရို ကိုယ်တော်နား အမိန်အပက်ဟိလ့်ခေါမ် ရှိမုန်။ ကျန်တိလှီ့စေး ပေတရုနား အနောင် အန္ဒြေ၊
ယာကုပ်၊
ယောဟန်၊
ဖိလိပ္ပု၊
ဗာသောလမဲ၊
15မဿဲ၊
သောမ အာလဖဲနား အစိုး ယာကုပ်
ယှီခစ်တိရှိမုန်#6:15 ရောမအုပ်ချုပ်ခေါမ်ငေါလ်ကိ လွတ်ဟိုင်တွက် တိုက်ခိုက်ဟိလ့်တိ အဖွဲ့လှီ့အောလ်ကိ ပွလ်ဟှတ်တောလ်အထောလ်ဟိလ့်။၊
16ယာကုပ်နား အစိုး ယုဒလား
ဆာဝေါလ် ကိုယ်တော်ဝေါလ် ဆက်ဇော်ဖောက်ဟိုင်ခေါင် #6:16 ရုဒရှာကာရုတ်= နောက်ဆုံး ဆက်ဇော်တောဒ်ခေါမ်အေပွဲရိုး မာရ်နောတ်ခေါမ် အင်မ်ခေါင်ဒုလ့်ကာလ်ဝင်ထေ့နား ကိုယ်တော်ယေရှုအောလ် ဆက်ဇော်ဖောက်ထေ့နား ကိုယ်တော်ယေရှု အပေါ်ဝေါလ် ဆက်ဇော်အဖောက်ခေါမ် တွက်ကာလ် နောင်တလောဒ့်ထေ့နား ပုန်းဟို့နားပုန်းဟို့ အဆုံးစီရင်ခေါမ်။ရုဒရှကာရုတ်တိအောလ် အာမ်ထောလ်။#မ၊ ၂၇:၅
ဖုလော်ရှင်နှုတ်ကပတ်တော်လှီ့ဆင်ခေါမ်လား ရောဂါဓူပက်ခေါမ်
(ရှင်မဿဲ ၄:၂၃-၂၅)
17အင်မ်ပါလ်နောလ် ကိုယ်တော်ခေါမ် သာဝကလှီ့ဓေါလ်ဟှတောလ် ကုန်းဟြှလ်နောလ်ကိ မြေပြန့်အောလ် အာမ်ကာမ်းလူး။ အင်မ်ဓိလ်နောလ် တပည့်တော်လှီ့ဓေါလ်ဟှတောလ် ယုဒဘီ၊ ဂျေရုဆလင်လု၊ ဇိဒုန်လုလား တုရုလု ဂူလျှောက်ဟှတ်လုံးငေါလ် မယ်တိလုလှီ့အောလ်ကိ ခေါင်လှီ့ခါ အာမ်ခိုက်လူး။ 18အင်မ်လှီ့နောက်ခေါမ် ကိုယ်တော်ယေရှုဟောခေါမ် ဖုလော်ရှင်နှုတ်ကပတ်တော်လှီ့ ငေဟိုင်လား အာမ်ပုန်းဟို့ ရောဂါလှီ့ဓူဝေဟိုင် အာမ်လီခန်းနောလ် အာမ်လူး။ ကိုယ်တော်နား နောတ်ဆီး ပူးကပ်တိခေါင်လှီ့ခါ အဓူပက်။ 19ကိုယ်တော်စငေါလ် ခေါင်လှီ့ကိမ်ကိမ်ရောဂါလှီ့ ခိလ်ဘွာလ်ခွတ်နောက် တန်ခိုးလှီ့အမယ်ခန်းနောလ် ခေါင်လှီ့ကိမ်ကိမ်နား ကိုယ်တော်ယေရှု လှမ်ဟိုင်အာမ်ကြိုးစားကြ။
ခူလ်ပွန်တိလှီ့
(ရှင်မဿဲ ၅:၁-၁၂)
20အင်မ်ပါလ်နောလ် ကိုယ်တော်ခေါမ် တပည့်တော်လှီ့လာမ်းမာလ် မောင်ထေ့နား
“တုအောလ် စက်ကယ်တိလှီ့အား နာင်မီး နာမ်ခူလ်ပွန်။
ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင်သာသနာတော်နောက်ခေါမ် နာင်မီးတွက်ကာလ် အထောလ်။
21တုအောလ် မိတ်ဟာ့တိလှီ့အား နာင်မီး နာမ်ခူလ်ပွန်။
ဟိဘော်ဟိုင်ရိုးနောက်ဟိုဝေါလ်စေး နာင်မီး ဟို့ဟနောလ် နာမ်အေလောဒ့်အိုက်ဟိလ့်။ တုအောလ် ကာပ်တိလှီ့ခါ နာမ်ခူလ်ပွန်။ ဟိဘော်ဟိုင်ရိုးနောက်ဟိုဝေါလ်စေး နာင်မီး နာမ်နူဘွာလ်လောဒ့်အိုက်။
22ခေါင်စိုးနာမ်ယုမ်ခန်းနောလ် အစွာခေါင်လှီ့နား နာင်မီး အမှူးတောင်ခေါမ်၊
ပစ်ပယ်ခေါမ်၊ ဆာတ်ဆီခေါမ်၊ စော်ကားခေါမ်လား နာင်မီးကြောင်း
ရိုင်းရိုင်းစိုင်းစိုင်းဟောင်ခေါမ် ခံလောဒ့်နားခါ နာမ်ခူလ်ပွန်။
23အင်မ်ဘော်ထောလ်နားစေး ပျော်ဗာန် လမ်ဘွတ်စူး။ ဟိဘော်ဟိုင်ရိုးနောက်ဟိုဝေါလ်စေး ဟြှားလုအောလ်မယ်တိ နာင်မီး ဆုလာဒ်နောက်ခေါမ် အလန်။ ဟမာလ်ကထု အင်မ်လှီ့ ဆွားကိုင်လှီ့နားခါ ပရောဖက်လှီ့ အင်မ်ဘော် အာမ်စိုင်းဟိလ့်ခန်းနောလ်ထောလ်” တိရို အမိန့်။
ဆိတ်ခမ်းတိလှီ့
24ဆက်ကယ်နား ကိုယ်တော်နား
“အင်မ်ဘော်နားခါ ဘို့တိလှီ့အား ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး နာင်မီးစေး
ပွန်ပွန်နာမ်မယ်ဟိလ့်လောဒ့်ခန်းနောလ်ထောလ်။
25တုအောလ် ဟို့ဟနောလ် အေလောဒ့်တိလှီ့အား ဆိတ်နာမ်ခမ်းမိုက်ဟိလ့်။
ဟိဘော်ဟိုင်ရိုးနောက်ဟိုဝေါလ်စေး မိတ်ဟာ့ခေါမ်ဓေါလ် နာမ်ခမ်းလောဒ့်အိုက်ဟိလ်ခန်းနောလ်ထောလ်။ တုအောလ် နူခွတ်တိလှီ့အား ဆိတ်နာမ်ခမ်းမိုက်ဟိလ့်။ ဟိဘော်ဟိုင်ရိုးနောက်ဟိုဝေါလ်စေး ဝမ်းနည်းပူဆွေးခေါမ်ဓေါလ် နာမ်ခမ်းလောဒ့်အိုက်ဟိလ့်ခန်းနောလ်ထောလ်။
26ခေါင်လှီ့နား နာင်မီးအကြောင်း အာမ်ချီးမွှမ်းနားစေး ဆိတ်နာမ်ခမ်းမိုက်။
ဘော်ဟိုင်ရိုးနောက်ဟိုဝေါလ်စေး အင်မ်လှီ့ ဆွားကိုင်လှီ့နားခါ အယောင်ဆောင်ပရောဖက်လှီ့ အင်မ်ဘော် အာမ်ချီးမွမ်းဟိလ့်ခန်းနောလ်ထောလ်”
တိရို အမိန့်။
ဆုန်ပွီလှီ့အောလ် ခစ်ဘွတ်စူး
(ရှင်မဿဲ ၅:၃၈-၄၈၊ ၇:၁၂)
27အင်မ်ပါလ်နောလ် ကိုယ်တော်နား “တုအောလ်ငေတိလှီ့အား နာင်မီးရိုး ကေဟောင်ဝိုက်။ နာင်မီးဆုန်ပွီလှီ့ ခစ်ဘွတ်စူး။ နာင်မီး မှူးတောင်တိလှီ့တွက်ခါ ပွန်တိလှီ့ စိုင်းပက်ဘွတ်စူး။ 28နာင်မီး ထိုင်းဆတ်နိုးတိလှီ့တွက်ခါ ပွန်တိလှီ့ထောလ်ဟိုင် ဖုလော်ရှင်စငေါလ် ဆုတောင်ပက်ဘွတ်စူး။ နာင်မီး ဆဆ္ဆီနိုးတိလှီ့တွက်ခါ ဆုတောင်ပက်ဘွတ်။ 29ပွလ်ဟှတ်ဟှတ်နား နာင်ပမ်းဟေ ဝင်းလာမ်း အမွဟိုဝေါလ် အထာဝင်းလာမ်းခါ မွယေဆောက်ဘွတ်။ ပွလ်ဟှတ်ဟှတ်နား နာင်အခုံဖိုင်း အတောင်ငယ်ဟိုဝေါလ် အဒုလ့်ကာလ်ကိဖိုင်းခါ ပေးဘွတ်။ 30နာင်မီးစငေါလ် အူဟှဟှတ် တောင်ငယ်လူးတိလှီ့အောလ် ပေးဘွတ်စူး။ ပွလ်ဟှတ်ဟှတ်နား နာင်မီးပစ္စည်းလှီ့ ဂိအယ်နားခါ အင်မ်စငေါလ်ကိ တောင်ဘွာလ်ကော့စူး။ 31ပုန်းဟို့ဝေါလ် ဆက်ဆံယေဆောက်ဟိုင် နာမ်လီဘော် ခေါင်လှီ့ခါ ဆက်ဆံပက်ဘွတ်စူး။
32ပုန်းဟိုး ခစ်တိယောင် ခစ်ဘွာလ်ဝိုက်နောက်ဟိုစေး နာင်မီးခေါမ် ဖုလော်ရှင်နား ဟိဘော် အချီးမွမ်းခွတ်ကိုက်။ ဟိဘော်ဟိုင်ရိုးနောက်ဟိုဝေါလ်စေး အပြစ်ဒုစရိုက်ဆော်လှီ့ကုံးနားခါ အာမ်ပုန်းဟို့ခစ်တိလှီ့ အာမ်ခစ်ဘွာလ်ခွတ်ခန်းနောလ်ထောလ်။ 33နာင်မီးရိုး ပွန်တိလှီ့အောလ်ယောင် နာမ်ပွန်ဘွာလ်ဝိုက်နောက်ဟိုဝေါလ်စေး ဖုလော်ရှင်နား နာင်မီး ဟိဘော် အချီးမွမ်းခွတ်ကိုက်။ ဟိဘော်ဟိုင်ရိုးနောက်ဟိုဝေါလ်စေး အပြစ်ဒုစရိုက်ဆော်လှီ့ကုံးနားခါ အင်မ်ဘော် အာမ်စိုင်းခွတ်ခန်းနောလ်ထောလ်။ 34နာင်မီးရိုး ပေးဘွာလ်ဟိုင်လှီ့အောလ်ယောင် မျှော်လင့်ထေ့နား နာမ်ပူဟိုဝေါလ်စေး ဖုလော်ရှင်နား နာင်မီး ဟိဘော် အချီးမွမ်းခွတ်ကိုက်။ ဟိဘော်ဟိုင်ရိုးနောက်ဟိုဝေါလ်စေး အပြစ်ဒုစရိုက်ဆော်လှီ့ကုံးနားခါ အာမ်ပူခေါမ်ဟို့ လောဒ့်ဘွာလ်ဟိုင်ရိုး အာမ်ပူဝေတောင်ခန်းနောလ်ထောလ်။ 35အင်မ်အစား နာင်မီးစေး နာမ်ဆုန်ပွီ ခစ်ထေ့နား အင်မ်လှီ့တွက် ပွန်တိလှီ့ယောင် စိုင်းပက်ဘွတ်စူး။ အူဟှတ်ဟှတ် လောဒ့်ဘွာလ်ဟိုင်လီကော် ပူဘွတ်စူး။ နာင်မီးနား အင်မ်ဘော် နာမ်စိုင်းဟိုဝေါလ်စေး ဖုလော်ရှင်နား နာင်မီးရိုး ဆုလာဘ်လှီ့ပူနူးပေးထေ့နား တန်ခိုးလန်ဆုံးတိ ဖုလော်စိုးနောင်လှီ့အောလ် နာမ်ထောလ်နိုက်။ ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင်နား ကျေးဇူးစူးယတိလှီ့လား ပွန်ယတိလှီ့ခါ အမာနယ်ခန်းနောလ်ထောလ်။ 36နာင်မီး ပေါလ်ဖုလော်ရှင်နား ခေါင်တိုင်ငေါလ် အမာနယ်ခေါမ်လုန်အတောဒ့်ဘော် နာင်မီးနားခါ အစွာခေါင်လှီ့အောလ်ခါ မာနယ်ခေါမ်လုန်တောဘွတ်စူး” တိရို အမိန့်။
ခေါင်လှီ့ စီရင်ကော့စူး
(ရှင်မဿဲ ၇:၁-၅)
37အင်မ်ပါလ်နောလ် ကိုယ်တော်နား ဆက်ကယ်နား “အစွာခေါင်လှီ စီရင်ခေါမ် စိုင်းကော့စူး။ အင်မ်ဘော်ဟိုဝေါလ်ယောင် ဖုလော်ရှင်နားခါ နာင်မီးရိုး စီရင်ခေါမ် စိုင်းဟိုင်ဆီးယော်။ ပွလ်ဟှတ်ဟှတ် အပြစ်တင်ခေါမ် စိုင်းကော့စူး၊ အင်မ်ဟိုဝေါလ်ယောင် ဖုလော်ရှင်နား အပြစ်တင်ခေါမ် ခံလောဒ့်ဟိုင်ဆီးယော်စု။ အစွာခေါင်လှီ့ ခွင့်နာမ်လွှတ်ပက်ဟိုဝေါလ်စေး ဖုလော်ရှင်နားခါ နာင်မီး ခွင့်အလွှတ်ပက်တိုက်။ 38ခေါင်လှီ့အောလ် ပေးဘွတ်စူး။ နာင်မီးနားခါ နာမ်လောဒ့်ဘွာလ်ဝိုက်။ အင်မ်ဘော် နာမ်လောဒ့်ဘွာလ်ဟိုဝေါလ် ပုဗာန်၊ လှိန်ဗာန်၊ ဗလ်ဟနောလ် နာင်မီးအိတ်ဒုလ့်ကာလ် အာမ်ဆာမ်းပက်ဘွာလ်ဝိုက်။ ဟိဘော်ဟိုင်ရိုးနောက်ဟိုဝေါလ်စေး နာင်မီးနား အစွာခေါင်လှီ့အောလ် နာမ်ပက်ဟို့ ဖုလော်ရှင်နားခါ အပက်ဘွာလ်ဝိုက်” တိရို အမိန့်။
39အင်မ်ပါလ်နောလ် ကိုယ်တော်ယေရှုနား အင်မ်လှီ့အောလ် ပုံဥပမာပုဒ်ဟှတ် အမိန့်ခေါမ်စေး “မိတ်မှူးယတိ ခေါင်ပွလ်ဟှတ်နား အစွာမိတ်မှူးယတိပွလ်ဟှတ် လာမ်းအဓေါင်ပက်ခွတ်ကိုက်ယာ။ ပွလ်နှိဓေါလ် လော်ဒုလ့်ကာလ် ကိုးဟိုင်ဆီးယော်ဟွဒ့်ယာ။ 40တပည့်နောက်ခေါမ် ဆလော်ထက်ကာလ် တော်ခွတ်ယော်။ အင်မ်ဘော်နားခါ အင်မ်တပည့် ပွန်ရိုး လေ့ကျင့်ပက်ဟိုစေး ဆလော်ဘော် အထောလ်လူးဝိုက်။
41နာင်နား နာင်ခီပွီ သပ့်မှုံဘော်ဒိပ်ခိတ်တိ အမှော်စေး မှူးထေ့နား ထိင်းတုံးတိဘောင်လန်တိ နာပုန်းဟို့ အမှော်စေး ဟိဘော်ဟိုင်ရိုး သတိတောခွက်ယော်တိ။ 42ထိင်းတုံးတိဘောင်လန်တိ နာပုန်းဟို့ နာမှော်ခေါမ် နာမှူးအယ်ကော် ‘နာခီပွီ အမှော်ဒိတ်ခိတ်တိ ပြင်ဟိုင် ကေကူညီရိုက်’ တိရို ဟိဘော် နာဟောင်ခွတ်။ အယောင်ဆောင်တိလှီ့အား၊ နာမ်ပုန်ဟို့ ထိင်းတုံးတိဘောင်လန်တိ အမှော် အရင်ငေါလ်ပြင်ငယ်ရိုး။ အင်မ်ဘော်ဟိုဝေါလ်ယောင် နာင်ခီပွီ အမှော်ဒိတ်ခိတ်တိ နာကူညီခွတ်ကိုက်” တိရို အမိန့်။
အထိင်းလားအဌေ့
43အင်မ်ပါလ်နောလ် ကိုယ်တော်နား ဆက်ကယ်နား “အထိင်းပွန်တိအောလ် ပွန်ယတိအဌေ့ ဌေးယဘော် အထိင်းပွန်ယတိရိုးခါ အဌေ့ပွန်တိ ဌေးခွတ်ဟိုင်ဆီးယော်။ 44အဌေ့ဓေါ့်ထေ့နား အထိင်းကြောင်း ဟောင်ခွတ်။ ဟိဘော်ဟိုင်ရိုးနောက်ဟိုဝေါလ်စေး အလှိန်ထိင်းငေါလ်ကိ ဆပိဌေ့ ဆိပ်ခွတ်ယဘော် ခူမ်ဒုလ့်ကာလ်ကိ စပျစ်ဌေ့ခါ ဆိပ်ကာလ်လောဒ့်ယော်။ 45အင်မ်ဘော်ဝေါလ် ပွန်တိခေါင်နား အလုန်ဒုလ့်ကာလ် ပွန်တိလှီ့ယောင် အမယ်ခန်းနောလ် ပွန်တိလှီ့ယောင် အစိုင်းထေ့။ ပွန်ယတိခေါင်စေး အလုန်ဒုလ့်ကာလ် ပွန်ယတိလှီ့ယောင် အမယ်ခန်းနောလ် ပွန်ယတိလှီ့ယောင်အစိုင်းထေ့။ အင်မ်ခန်းနောလ် နာင်မီး ခေခေါလှီ့နား နာင်မီးလုန် ဟိဘော်မယ်နောက်ခေါမ်အဓေါင်” တိရို အမိန့်။
အိမ်းဆောက်တိ ခေါင်ပွလ်နှို
(ရှင်မဿဲ ၇:၂၄-၂၇)
46ကိုယ်တော်နား ဆက်ကယ်နား “နာင်မီးနား ကေးခေနာမ်ငေကော် ဟိဘော်ဟိုင်ရိုး ကေး ‘အရှင်၊ အရှင်’ တိရို နာမ်ဟောင်။ 47ကေးစငေါလ်လူးထေ့နား ကေးခေခေါငေထေ့နား လိုက်နာတိလှီ့ ဟအူဓေါလ် တူဝေးနာက်ခေါမ် ကေးနား ကေဟောင်ဝိုက်။ 48အင်မ်ခေါင်ခေါမ် သပ့်ထုဟနောလ်စာလ်ထေ့နား လုံးခုံငေါလ် အုတ်မြစ်ချထေ့နား အိမ်းဆောက်တိဓေါလ် တူဝေး။ သွီးအလန်လူးဟိုဝေါလ် သွီးနားအလေ့နားခါ အင်မ်အိမ်းခေါမ် ပွန်ပွန်အဆောက်ကယ်ခန်းနောလ် စကယ်ခေါမ်မယ်ကော် အီဘော်ခါထောလ်ယော်။ 49အင်မ်ဘော်နားခါ ကေးတရားလှီ့ ငေထေ့နား လိုက်နာယတိ ခေါင်လှီ့စေး အုတ်မြစ်ချကော် သပ့်ခုံငေါလ် အိမ်းဆောက်တိဓေါလ် အတူဝေး။ သွီးအလန်လူးထေ့နား သွီးနားအလေ့ဟိုဝေါလ် အင်မ်အိမ်းခေါမ် ချက်ချင်းကူးဝုန်းထေ့နား အပျက်စီးရိုက်” တိရို အမိန့်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.