ရှင်လုကာ 2
2
အခန်း (၂)
ကိုယ်တော်ယေရှုမယ်လူးခေါမ်
(ရှင်မဿဲ ၁:၁၈-၂၅)
1အင်မ်ချိန်ငေါလ် #2:1 ဆောင်ဖလောင်လန်= ရောမလှီ့နား အာမ်သိမ်းခေါမ် နိုင်ငံလှီ့ ဆောင်ဖလောင်လှီ့လားအုပ်ချုပ်တိလှီ့ အုပ်ချုပ်တိ ဆောင်ဖလောင်။ရောမဆောင်ဖလောင်လန် ဩဂုတ္တုနား ရောမအင်ပါယာ အုပ်စိုးမှုဒေါင်ငေါလ် မယ်တိခေါင်တိုင် အိမ်းထောင်စုစာရင်း ကောက်လောဒ့်အိုက် တိရို အမိန့်အထုတ်ဟိလ့်။ 2နီဘော် စိပ်စိပ်ဆုံး အိမ်းထောင်စုစာရင်း ကောက်ခေါမ်အချိန်ငေါလ် ကုရေနိနောက်ခေါမ် ဆီးရီးယားဘီ အုပ်ချုပ်တိအောလ် အထောလ်ဟိလ့်။ 3အင်မ်ခန်းနောလ် ခေါင်တိုင် အင်မ်လှီ့အာမ်ဆွားကိုင်လုလှီ့အောလ် အိမ်းထောင်စုစာရင်းသွင်းဟိုင် အာမ်ဈာတ်လောဒ့်။
4ယောသပ်ခါ ဆောင်ဖလောင်ဒါဝိဒ်ယှီဝေါလ်ကိ မယ်လူးတိ ပွလ်ဟှတ်တောလ်အထောလ်ခန်းနောလ် ဂါလိလဲဘီရိုးမယ်တိ နာဇရက်လုအောလ်ကိထွက်ထေ့နား ဆောင်ဖလောင်ဒါဝိဒ် ဇာတိလုအောလ်ထောလ်တိ ယုဒဘီရိုးမယ်ကိ ဗက်လင်လုအောလ် အဈာတ်လောဒ့်။ 5ယောသပ် အင်မ်ဓိလ်နောလ် အိမ်းထောင်စုစာရင်းသွင်းဟိုင် အဈာတ်ဟိုဝေါလ် အပုန်းဟို့ဓေါလ် စေ့စပ်အယ်ထေ့နား ဟြွလ်မယ်ပါလ်တိ မာရိဓေါလ်ဟှတောလ် အဈာတ်ဟိလ့်။ 6အင်မ်ဟွဒ့် ဗက်လင်လုအောလ် အဟီမယ်ဟိုဝေါလ် မာရိ ဒိပ်စောညှာယေဟိုင် အချိန်ခိုက်လူးထေ့နား 7အင်မ်နား စိုးစိပ်ပုတောစောပွလ်ဟှတ် အဇောနောက်။ အင်မ်ချိန်ငေါလ် အင်မ်လှီ့တွက် မယ့်နောက်ဟိုင်အခန်း မယ်တီးယခန်းနောလ် မာရိနား ဒိပ်စောခေါမ် ဟူဒွါ့အောလ်ပတ်ထေ့နား ဆာစောက်(င်)ပက်နောက်ကောက်(င်)ဒုလ့်ကာလ် အတောဒ့်လောဒ့်။
သိုးစောင်တိလှီ့လား နောတ်ဒေဝါလှီ့
8အင်မ်မီဝေါလ် သိုးစောင်တိလှီ့နား ဗက်လင်လုကာဝေါလ်ကိ လိုင်ပြင်ငေါလ် သိုးလှီ့အာမ်စောင်။ 9အင်မ်ချိန်ငေါလ် ဖုလော်ရှင်နောတ်ဒေဝါ#2:9 နောတ်ဒေဝါ= ဖုလော်ရှင်စငေါလ်ကိ လူးတိနတ်ပွန် ပါးဟှတ်ခေါမ် အင်မ်လှီ့မော်ဝေါလ် စါစ်နောက်ကုံးငေါလ် ပေါ်လူးထေ့နား ဖုလော်ရှင် ဘုန်းတန်ခိုးလှီ့ဓေါလ် အင်မ်လှီ့ကာဝေါလ် အတော်လူးခန်းနောလ် သိုးစောင်တိလှီ့နား တပြင်းကုံး အာမ်ကိအယ်တောင်ကြ။ 10အင်မ်ဘော်နားခါ နောတ်ဒေဝါနား အင်မ်လှီ့အောလ် “ကိကော့စု။ ဟိဘော်ဟိုင်ရိုးနောက်ဟိုဝေါလ်စေး ကေးနား ခေါင်လှီ့ကိမ်ကိမ်တွက် တပြင်းကုံးပျော်ရွှင်နောက်ဟိုင် ဆီးတင်ပွန် နာင်မီးရိုး ကေလူ။ 11တုမီဝေါလ် အရှင်မေရှိယနောက်ခေါမ်#2:11 မေရှိယ= ဖုလော်ရှင်နားကတိ အပက်ဟိလ့်ခေါမ်ဘော်တိလူးခေါမ်ကယ်တင်ရှင် ကယ်တင်ရှင် ဆောင်ဖလောင် ဒါဝိဒ်လုအောလ်ထောလ်တိ ဗက်လင်လုအောလ် နာင်မီးတွက်ကာလ် အမယ်ဟိလ့်ပါလ်။ 12နာင်မီးနား အင်မ်ဒိပ်စော ဟိဘော် နာမ်စုတ်င်ခွတ်ကိုက်နောက်ခေါမ်#2:12 အင်မ်နောက်ခေါမ် ဖုလော်ရှင်နား ဟအီအစိုင်းနောက်ခေါမ် နိမိတ်လက္ခဏာဝေါလ်အထောလ်။ ကေးနား ကေဟောင်ဝိုက်။ ဟူးဒွါ့ဓေါလ် ပတ်အယ်ထေ့နား ဆာစောက်(င်)ပက်နောက်ကောက်(င်)ဒုလ့်ကာလ် ဟြမ်းငယ်တိဒိပ်စော နာမ်မှူးဟိုဝေါလ် အင်မ်ဒိပ်စောနောက်ခေါမ် နာမ်စုတ်ကိုက်” တိရို အဟောင်။
13စါစ်နောက်ကုံးငေါလ် #2:13 ဟြှားလု= ဖုလော်ရှင် မယ်ဆော်နောက်ဓိလ်ဟြှားလုအောလ်ကိ အစွာနောတ်ဒေဝါလှီ့ခါ အင်မ်နောတ်ဒေဝါဓေါလ်ဟှတောလ် ပေါ်လူးထေ့နား
14“အလှိန်ဆုံးတိ ဟြှားလုအောလ်မယ်တိ ဖုလော်ရှင် ကေးမီးနား ကာမ်ချီးမွမ်း။
နီဆုမ်သပ့်ခုံငေါလ်မယ်တိလှီ့ ဖုလော်ရှင်နား အနှစ်သက်ခေါမ် ခံလောဒ့်တိလှီ့ကိမ်ကိမ် ငြိမ်းချမ်းဆတ်ဟ” တိရို ဖုလော်ရှင် အာမ်ချီးမွမ်း။
15အင်မ်ပါလ်နောလ် နောတ်ဒေဝါလှီ့ သိုးစောင်တိလှီ့စငေါလ်ကိ ဟြှားလုအောလ် အာမ်ကွာဘွာလ်ပါလ်နောလ် အင်မ်လှီ့နား “ဖုလော်ရှင်နား နောတ်ဒေဝါဝေါလ်ကထုဆင့်ဟှတ် ဟမီးရိုး အမိန့်ဟိလ့်ခေါမ် အဖြစ်ပျက်လှီ့ ဓေါ့်ဝေဟိုင်ရိုး ဗက်လင်လုအောလ် ဈာတ်လူးပီး” တိရို ပွလ်ဟှတ်လား ပွလ်ဟှတ်အာမ်ခေဝေတောင်။
16အင်မ်ခန်းနောလ် အင်မ်လှီ့ ဗက်လင်လုအောလ် အရင်ငေါလ်ဈာတ်ထေ့နား ဆာစောက်(င်)ပက်နောက်ကောက်(င်)ဒုလ့်ကာလ် ဟြမ်းငယ်တိ ဒိပ်စောဓေါလ်ဟှတ်တောလ် မာရိလားယောသပ်ခါ အမှူးလောဒ့်။ 17သိုးစောင်တိလှီ့နား အင်မ်ဒိပ်စော အမှူးဟိုဝေါလ် နောတ်ဒေဝါနား အာမ်ပုန်းဟိုးဝေါလ် အဟောင်ဟိလ့်ခေါမ် နီဒိပ်စောဓေါလ်ပါတ်သတ်တိလှီ့ ခေါင်လှီ့ကိမ်ကိမ်ငေါလ် အာမ်ဆိုက်ဘွာလ်။ 18သိုးစောင်တိလှီ့နား အာမ်ဟောင်ခေါမ် အကြောင်းလှီ့ ရောလောဒ့်တိလှီ့ ခေါင်လှီ့ကိမ်ကိမ်နားခါ အာမ်စါစ်နောက်ကြ။ 19အင်မ်ဘော်နားခါ မာရိနား ထောလ်ဟိလ့်တိလှီ့ကိမ်ကိမ် အလုန်ဒုလ့်ကာလ်စီမ်းမေထေ့နား အင်မ်အဖြစ်ပျက်လှီ့ ဟအီအဆိုလိုနောက်ခေါမ် ဆက်ကယ်နားအစဉ်းစားဟိလ့်။ 20သိုးစောင်တိလှီ့နား ဖုလော်ရှင် ရိုရိုသေသေချီးမွမ်းဗာန် အာမ်သိုးလှီ့စငေါလ် အာမ်ဈာတ်ဘွာလ်။ ဟိဘော်ဟိုင်ရိုးနောက်ဟိုဝေါလ်စေး အင်မ်လှီ့နား အမှူးဟိလ့် အာမ်ရောက်ဟိလ့်လောဒ့်ခေါမ်လှီ့ကိမ်ကိမ် နောတ်ဒေဝါနား အာမ်ပုန်းဟိုးဝေါလ် အဟောင်ဟိလ့်ခေါမ်ဘော် အမှန်နောလ် အထောလ်ဟိလ့်ခန်းနောလ်ထောလ်။
ဒိပ်စောယေရှု ဖုလော်ရှင်စငေါလ် အာပ်ခေါမ်
21အင်မ်ပါလ်နောလ် ဒိပ်စောအဆောက်င် နှိုပ်ဆာတ့်နှိုပ်ပါလ် အင်မ် အရေးဖျားလှီ့မင်္ဂလာ အာမ်စိုင်းပက်ဟိုဝေါလ် မာရိလား ယောသပ်နား ဒိပ်စောခေါမ် မာရိနား အဟြွလ်နောက်ဟာမ်းယဟိုဝေါလ်ကထု နောတ်ဒေဝါနား အဟောင်ဟိလ့်ခေါမ်ဘော် ယေရှုတိရို အမိန် အဟီဆူ။
22မောရှေပညတ်ကျမ်းရိုး ရော့ကယ်တိဘော် မာရိနား#2:22 သန့်စင်ခေါမ်မင်္ဂလာ= မောရှေပညတ်ကျမ်းရိုး ရော့ကယ်တိဘော် မုတောတိုင် ဒိပ်စောညှာယေပါလ်နောလ် နှိုပ်ဖီးကိပ်ဓီဟနောလ် စောင်ထေ့နား သန့်ရှင်းဟနောလ် ဂျေရုဆလင်လုအောလ်မယ်တိ ဗိမာန်တော်ဝေါလ် ပူဇော်မှုစိုင်းလောဒ့်ခေါမ်ငေါလ်အထောလ်။သန့်စင်ခေါမ်အစိုင်းယေပါလ်နောလ် ယောသပ်လားမာရိနား ဒိပ်စောယေရှုခေါမ် ဖုလော်ရှင်စငေါလ်အာပ်ဟိုင် ဂျေရုဆလင်လုအောလ်မယ်တိ ဗိမာန်တော်ဝေါလ် အဟီလူပူနောက်။ 23အင်မ်လှီ့နား အင်မ်ဘော်အာမ်စိုင်းလောဒ့်ခေါမ်စေး ဖုလော်ရှင်ပညတ်ကျမ်းရိုး ရော့ကယ်တိဘော် “စိုးစိပ် ပုတောစောတိုင် တန်ခိုးလန်တိဖုလော်ရှင်စငေါလ် အာပ်လောဒ့်အိုက်” လား 24“ခိုခူလူနှိခါဆီးဆတ် ဆီးယနား ခီစောလူနှိုခါဆီးဆတ် ပူဇော်လောဒ့်အိုက်” တိရို ဖုလော်ရှင်ပညတ်ကျမ်းရိုး ရော့ကယ်တိဘော် အာမ်ပူဇော်ခေါမ်ငေါလ်ထောလ်။
ရှုမောင်နားဖုလော်ရှင်ခေခေါကိုယ်စားအဟောခေါမ်
25အင်မ်ချိန်ငေါလ် ဂျေရုဆလင်လုအောလ် ရှုမောင် မိန်နိုးတိ ခေါင်ပွလ်ဟှတ်အမယ်။ အင်မ်နောက်ခေါမ် ဖြောင့်မတ်တိအောလ်ထောလ်ထေ့နား ဖုလော်ရှင်ယုမ်တိအောလ်အထောလ်။ အင်မ်နား ဖုလော်ရှင်တိလူးဟိုင် အရှင်မေရှိယနား အစ္စရေးခေါင်ယှီလှီ့ အကယ်ဟိုင် စောင်တိအောလ်အထောလ်ခန်းနောလ် ဉာဏ်အလင်းတော်ခါ အင်မ်ဓေါလ်ဟှတောလ်အမယ်။ 26ဉာဏ်အလင်းတော်နား အင်မ်နောလ် “နာင်နောက်ခေါမ် ဖုလော်ရှင်တိလူးဟိုင် မေရှိယ မှူးလောဒ့်ကော် ဘာလ့်လောဒ့်ဟိုင် ဆီးယော်တိ” တိရို ဟမာလ်အမိန့်ဟိလ့်။ 27မာရိလား ယောသပ်နား ဖုလော်ရှင်ပညတ်ကျမ်းရိုး ရော့ကယ်တိဘော် ဒိပ်စောယေရှုခေါမ် အာပ်ဟိုင်ရိုး ဗိမာန်တော်ဝေါလ် အဟီလူးပူနောက်ဟိုဝေါလ် ရှုမောင်ခေါမ် ဗိမာန်တော်ခြံငေါလ်ဝင်ဟိုင် ဉာဏ်အလင်းတော်နား လာမ်းအဓေါင်ဟိလ့်။ 28အင်မ်ပါလ်နောလ် ရှုမောင်နား ဒိပ်စောယေရှုခေါမ် အကွတ်တောလ်ပိလ်ထေ့နား ဖုလော်ရှင် နီဘော်အချီးမွမ်းဟိလ့်။
29“ဖုလော်ရှင်ငါး၊ နာင်ပက်ဟိလ့်ခေါမ် ကတိဘော် ဖုလော်ရှင်အစေခံမာလ်ထောလ့်တိကေး တုအောလ်ငြိမ်းငြိမ်းချမ်းချမ်း ဘာလ့်ခွင့်ပေးဟိလ့်ယောင်ငါး။
30ဟိဘော်ဟိုင်ရိုးနောက်ဟိုဝေါလ်စေး ဆုမ်သပ့်ကာလ်မယ်တိ ခေါင်လှီ့ကိမ်ကိမ် ကယ်တင်ဟိုင်တွက်ကာလ် နာင်တိလူးခေါမ် အရှင် ကေးနား ကေမှူးလောဒ့်ပါလ်။
31ဆုမ်သပ့်ကာလ်မယ်တိ ခေါင်လှီ့ကိမ်ကိမ်နားခါ နာင်နား နာပြင်ဆင်ပက်ခေါမ် အရှင် အာမ်မှူးလောဒ့်အိုက်။
32အင်မ်အရှင်ခေါမ် ဂျူးခေါင်ယှီဆီးယတိလှီ့နား ဖုလော်ရှင် စူးဟနောလ် စိုင်းပက်ဟိုင် အဝြာဝေါလ်ထောလ်ထေ့နား ဖုလော်ရှင်ခေါင်ယှီဝေါလ်ထောလ်တိ အစ္စရေးခေါင်ယှီလှီ့ ရိုသေလေးစားခေါမ် ခံလောဒ့်ဟနောလ် အစိုင်းပက်တိုက်” တိရို အထောလ်။
33မာရိလား ယောသပ်နား ရှုမောင်ဟောင်ခေါမ် ဒိပ်စောယေရှုအကြောင်း အဟီယှောက်ဟိုဝေါလ် အဟီစါစ်နောက်။ 34အင်မ်ပါလ်နောလ် ရှုမောင်နား မာရိလားယောသပ်အောလ် ခေခေါပွန်တိလှီ့ ဟောင်ထေ့နား မာရိအောလ် “ဖုလော်ရှင်နား နာင်စိုးခေါမ် အစ္စရေးခေါင်ယှီလှီ့ကီကိုယ်ဝေါလ် ဖုလော်ရှင်နား အပြစ်ပက်ခေါမ်ခံလောဒ့်ဟိုင်လှီ့လား ကယ်တင်ခေါမ်ခံလောဒ့်ဟိုင်လှီ့ ခွဲခြားဟိုင် အရွေးချယ်ပါလ်။ အင်မ်နောက်ခေါမ် ဖုလော်ရှင်စငေါလ်ကိ နိမိတ်လက္ခဏာပွလ်ဟှတ်တောလ် အထောလ်လူးဝိုက်နိုးနားခါ ခေါင်လှီ့နား အင်မ် အာမ်ဆန့်ကျင်ငိုက်။ 35အင်မ်ခန်းနောလ် နီဒိပ်စောနား ခေါင်လှီ့လုန်ဒုလ့်ကာလ်ကိ အာမ်ကြံစည်ခေါမ်လှီ့ကိမ်ကိမ် ပေါ်လူးဟနောလ်အစိုင်းရိုက်။ နာင်နားခါ ယှုန်ပိန်တိ စီမ်ချောင်းဟှတ် နာင်နှလုံးဒုလ့်ကာလ် အဆုမ်နယ်ဘော် နာနိအယ်ခေါမ် နာခံစားလောဒ့်အိုက်” တိရို အဟောင်။
ဒိပ်စောယေရှုဓေါလ် ပတ်သတ်တိအကြောင်းလှီ့ အန္နနားအဆိုက်ခေါမ်
36အင်မ်ဓိလ်နောလ် တပြင်းအဆောက်င်စာန်ဟိလ့်တိ အာရှာယှီ ဖနွေလနားအစိုးမုတော ပရောဖက်အန္နခါ#2:36 ပရောဖက်= မော်ဝေါလ် ထောလ်လူးဟိုင်အဖြစ်ပျက်လှီ့ ဟောတိ၊ ဖုလော်ရှင်ခေခေါလှီ့ ခေါင်လှီ့အောလ် တဆင့်ဟောင်တိ။ အမယ်။ အင်မ်မုတောခေါမ် အိမ်းထောင် အယ်ထေ့နား အပုတောဓေါလ်ဟှတောလ် ကုမ်ဆိ့ဘောင်ယောင် အဟီမယ်ဟိလ့်လောဒ့်။ အင်မ်ပါလ်နောလ် အင်မ်မုတောနား အပုတော အဘာလ့်။ 37တုအောလ် အင်မ်မုတော မှာလ်နူးဝေါလ်ထောလ်ထေ့နား အဆောက်င် ဆာ့တ်ကိပ်ဆီးလား ကုမ်ပလှီ အမယ်ပါလ်။ အင်မ်မုတော ဗိမာန်တော်ဝေါလ်ကိ အီဟိုဝေါလ်ခါထွက်ကော် ဖုလော်ခခ်ခေါမ်၊ အေအောတ့်ဟာထေ့နား ဥပုသ်စောင်ခေါမ်လှီ့လား ဆုတောင်ခေါမ်လှီ့ နှိုပ်တိုင်မီတိုင် စိုင်းတိအောလ် အထောလ်။#2:37 တစွာကျမ်းစော်ဝေါလ်စေး မှလ်နူးဝေါလ်အထောလ်ခေါမ် ဆာ့ကိပ်ဆီးလားကုမ်ပလှီအမယ်ဟိလ့်တိရို အပူလ်။ 38ရှုမောင်ခေါမ် မာရိလားယောသပ်ဓေါလ် အခေဝေဟိုဝေါလ် အန္နခါ ဗိမာန်တော်ခြံဒုလ့်ကာလ် ခိုက်လူးထေ့နား ဖုလော်ရှင် စအယ်နားအချီးမွမ်း။ အန္နနား ဂျေရုဆလင်လုအောလ်မယ်တိလှီ့လား အစွာအစ္စရေးခေါင်ယှီလှီ့ လွတ်ဟိုင်တွက်ကာလ် ဖုလော်ရှင်တိလူးဟိုင် မေရှိယ မျှော်လင့်ချက်အပြည့်ဓေါလ် စောင်ငယ်တိလှီ့ကိမ်ကိမ်ငေါလ် ဒိပ်စောယေရှု အကြောင်းလှီ့ အဆိုက်။
နာဇရက်လုအောလ် အာမ်ဈာတ်ဘွာလ်ခေါမ်
39အင်မ်ပါလ်နောလ် မာရိလား ယောသပ်နား ဖုလော်ရှင်ပညတ်ကျမ်းရိုး ရော့ကယ်တိလှီ့ကိမ်ကိမ် အဟီစိုင်းပါလ်နောလ် အင်မ်လှီ့ ဇာတိလုအောလ်ထောလ်တိ ဂါလိလဲဘီရိုးမယ်တိ နာဇရက်လုအောလ် အာမ်ဈာတ်ဘွာလ်။ 40အင်မ်ဒိပ်စော အလန်လူးဟိုဝေါလ် အပုန်းသန်မာလူးထေ့နား ဉာဏ်ပညာဓေါလ်ပြည့်စုံထေ့နား ဖုလော်ရှင်နား အနှစ်သက်ခေါမ်အခံလောဒ့်။
ဗိမာန်တော်ဝေါလ်အမယ်ခေါမ်
41ဒိပ်စောယေရှု အနူးလားအပေါလ်ခေါမ် #2:41 ပသခါပွဲ= ဟင်းပူလ်ယတိပွဲ၊ ဖုလော်ရှင်နား အီဂျစ်ပြည်ရိုးကိ အစ္စရေးခေါင်ယှီလှီ့ မာဘဝအောလ်ကိ လွတ်လူးခေါမ် အထိမ်းမှတ်တွက် ဂျေရုဆလင်လုအောလ်အာမ်စိုင်းခေါမ် အစ္စရေးခေါင်ယှီလှီ့ အေအောတ့်ပွဲ။ ပသခါပွဲရိုး ကုမ်တိုင် ဂျေရုဆလင်လုအောလ် အဟီဈာတ်။ 42အင်မ်ခန်းနောလ် မာရိလားယောသပ်နောက်ခေါမ် အာမ်စိုင်းဆော်ဘော် ဒိပ်စောယေရှုဓေါလ်ဟှတောလ် အင်မ်လုအောလ် အာမ်ဈာတ်။ အင်မ်ချိန်ငေါလ် ဒိပ်စောယေရှုနောက်ခေါမ် အဆောက်င်ကုမ်ကုလာနှိအမယ်ပါလ်။ 43ပသခါပွဲနှိုပ်လှီ့ ကာပါလ်နောလ် မာရိလားယောသပ်နား ဒိပ်စိုးယေရှု ဂျေရုဆလင်လုအောလ် အမယ်ယေဟိလ့်ခေါမ်စူးကော် အိမ်းမာလ် အဟီလူးဘွာလ်။ 44မာရိလားယောသပ်နား ဒိပ်စိုးယေရှုခေါမ် အဟီပုန်းဟို့ဓေါလ်ဟှတောလ် ခရီးဈာတ်တိလှီ့ဒုလ့်ကာလ် အပူလ်လူးတိရို အဟီတော်ခန်းနောလ် နှိုပ်ဟှတ်လုံးလုံး ခရီးအဟီဈာတ်။ အင်မ်ပါလ်နောလ်ယောင် အင်မ်ဟွဒ့်နား ဒိပ်စောယေရှုခေါမ် ယှီယောင်လှီ့လား ခီပွီလှီ့ကီကိုယ်ဝေါလ် အဟီဆူလ်ယေဘွာလ်။ 45အင်မ်ဘော်နားခါ အင်မ်လှီ့နား အဟီဆူလ်လွခန်းနောလ် အင်မ် ဆူလ်ဟိုင်ရိုး ဂျေရုဆလင်လုအောလ် အဟီလူးဘွာလ်။ 46နှိုပ်ထုမ်ဓီပါလ်နောလ် အင်မ်ဟွဒ့်နား ဒိပ်စောယေရှုခေါမ် ဗိမာန်တော်ခြံငေါလ် ကျမ်းဆလော်လှီ့ကီကိုယ်ဝေါလ် အငွာခေါမ်အဟီမှူးဘွာလ်။ အင်မ်နား ကျမ်းဆလော်လှီ့နား အာမ်ဆောင်ခေါမ်ခေခေါလှီ့ငေးဗာန် အင်မ်လှီ့အောလ် မေးခွန်းလှီ့ အဟိ့ဘွာလ်။ 47ဒိပ်စောယေရှုခေခေါ ရောလောဒ့်တိလှီ့ ခေါင်လှီ့ကိမ်ကိမ်နား အင်မ်နား အရောက်စုတ်င်ခွတ်ခေါမ်ဓေါလ် ကျမ်းဆလော်လှီ့ဟိ့ခေါမ် မေးခွန်းလှီ့ ပွန်ပွန်အဖြေခွတ်ဘွာလ်ခန်းနောလ် အာမ်စါစ်နောက်။ 48မာရိလား ယောသပ်နား ဒိပ်စောယေရှု အင်မ်ဓိလ်နောလ် အဟီမှူးဘွာလ်ဟိုဝေါလ် အဟီစါစ်နောက်လှလ်။ အနူးနား “စိုးဝြား၊ ဟိဘော်ဟိုင်ရိုး ကေးမီး နီဘော်နာစိုင်းလောဒ့်။ နာပေါလ်ဓေါလ် တပြင်းကုံးဆဆော်ဗာန် နာင် ကေဟီဆူလ်ရောခ့်လောဒ့်” တိရို အဟောင်။
49ဒိပ်စောယေရှုနား “ဟိဘော်ဟိုင်းရိုး ကေး နာဟီဆူလ်ရောခ့်။ ကေး ကေးပေါလ်အိမ်း#2:49 ပေါလ်နောက်ခေါမ်နီကျမ်းပိုဒ်ရိုး ပေါလ်နောက်ခေါမ် ဖုလော်ရှင်။မာလ် ကေမယ်လောဒ့်အိုက်နောက်ခေါမ် စူးယော်တီးဟီ့အာ” တိရို အဟောင်ဘွာလ်။ 50အင်မ်ဘော်နားခါ အင်မ်ဟွဒ့်နား ဒိပ်စောယေရှုနား အဟောင်ဘွာလ်ခေါမ် ခေခေါအဓိပ္ပာယ် ရောဇူးယော်ဟွဒ့်။
ဖုလော်ရှင်လား ခေါင်လှီ့နား အာမ်နှစ်သက်ခေါမ်
51အင်မ်ပါလ်နောလ်ယောင် ဒိပ်စောယေရှုခေါမ် မာရိလားယောသပ်ဓေါလ်ဟှတောလ် နာဇရက်လုအောလ်ဈာတ်ဘွာလ်ထေ့နား မာရိလားယောသပ်ခေ ဆက်ကယ်နားအငေး။ အင်မ်ဘော်နားခါ အနူးနားစေး ထောလ်ဟိလ့်တိလှီ့ကိမ်ကိမ် အလုန်ဒုလ့်ကာလ်ယောင် အစဉ်းစားယေ။ 52အင်မ်ပါလ်နောလ် ကိုယ်တော်ယေရှု အဆောက်င်လန်လူးဟိုဝေါလ် အပုန်းလန်လူးထေ့နား ဉာဏ်ပညာဓေါလ်ပြည့်စုံထေ့နား ဖုလော်ရှင်လား ခေါင်လှီ့နှစ်သက်ခေါမ်အခံလောဒ့်။
ទើបបានជ្រើសរើសហើយ៖
ရှင်လုကာ 2: CSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.