Lukasi 3
3
BOLENGEDZI MOSALA MWA YEZU
Mosala mwa Yoane mobatisi ntoma wa Nyaamolo
(Mt. 3:1-10; Mk. 1:1-6)
1Makambo mabo masalemaka o ngonga mokondzi Tibelia abaka mokondzi wa baloma na boumedzi bwa bokondzi mbula dzomi na itano. Bato baboko baba bakondzi o nsima yande; yabaka Ponce pilato, mokondzi wa etuka ya Yudea; Elode mokondzi wa'etuka ya galileya; Filipo mwanyango wa Erode wa mama wawi abaka mokondzi wa bituka bya Ituria mpe Trakonite; mpe Lisania abaka mokondzi wa Abilene. 2O ngonga enena Ana mpe na Kaifa baba bakondzi ba banganga-ndzambe. Mpe liloba dza nyaamolo dzayelaka Yoane mwana wa Zakaliya, o ntei ya esobe. 3O nsima, Yoane alandaka o mboka iyèye, iyaba ndzingandzinga ya ebale ya Yaladene mpe abandaka boteidza o bato: alobaka "eengedzi boyambola mpe bobongola mitema ma bino mpe bokula batisimo mpo 'te Nyaamolo aeinya bolimbisi bwa masumu ma bino." 4Mosakoli Isaya asakolaka mpo ya Yoane ntango eyakomaka yo nsango eyautaka na Nyaamolo o ntei ya mokanda mwande: "Moto moko akabelela o esobe 'te: nkolo akayeke, bololeya mokanga mpo yande mpe boembola mikanga miba sembaa: bomilengele mpoo boyei bwa nkolo boundzana nande. 5Ekoki 'te bodziba mabulu ma bangomba mamèeme, bobola bangomba iyèye, inkeke na inene ikoma ndenge yawi. Eengedzi boembola mikanga miba semba, mpe boiyombo walamu." 6Bato bèebe baène lobiko la Nyaamolo. 7Bokokani na maloba ma mosakoli Isaya, Yoane alobaka na bato bababa bakaya o yo 'te: "bokula batisimo: bino bolo na ngenge dza bakoko!" Oekebisi 'te bolota bosambisami bwa Nyaamolo endzaa? 8Bobota mbuma ibongi mpo ya bato 'te babongola ntema. Mpe boleme liloba o ntema ya bino 'te: Abalayama alo tata wa biyo, pamba te, nalobi na bino 'te Nyaamolo akoki botokolèdzi Abalayama bana bauta o mabanga mabo! 9Sika ebo, Nyaamolo alo upe ya boinyi etumbu o bato ba bongodziko ntema yaba te. Alolei ikoko ya boindi mwete mpo atena nkanga ya mwete mumwèemwe mokobota mbuma wa walamu te. Baitena mpe baibwaka o mweya. 10Bato baike bamotuni Yoane 'te: "Nyaamolo atokadzi minaa to'ala edzabo?" 11Yoane aba'ololedza: moto moko o ntei ya bino alo na bitobo bibale, to mpe toma ta bodzei inya na moto odzangi. 12Bakongodzi ba ntako bayei koto o Yoane mpo bakula batisimo. Mpe bamotuni: motei, biyo koto ekoki 'te to'ala edzabo? Mpo 'te tolota etumbu ya Nyaamolo. 13Yoane abayanodzi 'te:" boleme bokoi palanga ya ntako ndzike o bato botubi ituni bakondzi ba ekolo bainyi mitindo 'te bokowa" 14Basoda koto bamotuni: "nampino biyo koto to'eengedzi 'te to'ala dzabo?" Yoane abaololedza 'te: bino nakobotolo bato falanga yaba te; mpe nakofunda bato na ndenge ya molete te; kasi boekelaka bè lifuta dza bino. 15Bato babèebe baba bakadzila Masiya na'elikeya enene 'te ayalai mpe baba bakakanisa 'te Yoane akoki bobei klisto. 16Yoane abalobelaka mpo iyèye 'te: nga naekulidza batisimo na mai kasi moto moko akayeke, antubi na ngwiya, mpe nako na likoki dza boutodzi nsinga ya mapapa mande te. Elo yo moto'owa ekulidza batisimo na ngwiya ya Elimo santu mpe na mweya. 17Alendzi linyongela o maboko mande, aombo eika yande ekemotokèlè ba masango, akabomba masango o bibombele bande; kasi atumba nkaa o mweya mookolola wakudzi mpe mokodzima te. 18Yoane ateyaka bato mpe abalendisaka na maloba mamoko ma nsango ndamu maike mpo bayambola.
(Mt. 14:3-4; Mk. 6:17-18)
19Kasi Yoane apamelaka mokonzi Elode mpo ya mwadzi wa mwanyango na nkombo Erodiade. Mpe aalaka koto makambo maike mabe. 20Mpe Erode aakeyaka likambo libe o likolo dza makambo mande ma mabe ndenge'eya kangaka yo Yoane o boloko.
YESU AKUDZI BATISIMO
(Mt. 5:13-17; Mk. 1:9-11)
21Ngonga'eyaba bato bakadziya batisimo, Yezu mpe adziaka batisimo. Owaba yo akasambela, likolo lidziboi. 22Mpe Elimo santu eyoloi o likolo dzande dza ipule ya kpeti ikoko. Mongongo mowi o likolo, molobi 'te: olo mwana wanga wa bolingo. Na sepedzi nao waike.
23Yezu akomaka na mbula ntuku iyato, owa abandaka yo mosala mwa bosakodzi o bato. Yesu aebanaka dza mwana wa Yozefu; Yozefu owabaka nkoko wa Eliya.
BANKOKO BA YEZU
24Tata wa Eliya yabaka Matati Tata wa matati yabaka Lewi. Tata wa Lewi yabaka Meleki Tata wa Meleki yabaka Zozefu. 25Zozefu mwana wa matatiyase, matatiyase mwana wa amosa, amosa mwana wa nahumu, nahumu mwana wa Esili, mwana wa Nagayi. 26Nagayi mwana wa maati, maati mwana wa matatiyasi, matatiyasi mwana wa semi, semi mwana wa Zozefu, Zozefu mwana wa Zoda. 27Zoda mwana wa Yoane, Yoane mwana wa leza, leza mwana wa zolobabel, zolobabel mwana wa sabatieli, sabatieli mwana wa Neli. 28Neli mwana wa meliki, meliki mwana wa adi, adi mwana wa kosami, kosami mwana wa elimadanyi, elimadanyi mwana wa eli. 29Eli mwana wa Yosuwa, Yosuwa mwana wa elieser, elieser mwana wa Yorimi-Yorimi mwana matate, matate mwana wa lewi. 30Lewi mwana wa simeona, simeona mwana wa Yudea, Yudea mwana wa Zozefu, Zozefu mwana wa Yonami, Yonami mwana wa eliakimi. 31Mwana wa melea, mwana wa mena, mwana wa matata, mwana wa Natana, mwana wa davidi. 32Mwana wa Yaseo, mwana wa obedi, mwana wa boaze, mwana wa salomo, mwana wa Nakasone. 33Mwana wa Aminadaba, mwana wa adomine, mwana wa arni, mwana wa hesron mwana wa pelèze, mwana wa Yuda. 34Mwana wa Yakobo, mwana wa izaka, mwana wa Abalayama, mwana wa Tola, mwana wa nakoti. 35Mwana wa Soreke, mwana wa Raga, mwana wa Faleki, mwana wa Eber, mwana wa Sala. 36Mwana wa Kainama, mwana wa Arfazadi, mwana wa Sema, mwana wa Nowa, mwana wa Lameke. 37Mwana wa Matusala, mwana wa Enoki, mwana wa Zaredi, mwana wa Maleleel, mwana wa Kayinami 38mwana wa Enosi, mwana wa Seti, mwana wa Adama, mwana wa Nyaamolo.
ទើបបានជ្រើសរើសហើយ៖
Lukasi 3: LIZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Libinza Bible by Beyond Translation is licensed under Creative Commons Attribution-ShareAlike 4.0 License.