ရှင်လုကာ 10

ခန်း (၁၀)

ဗြိတော်ယော့ခွန်နှစ်ဆယ်နှေ့ယော့ဝို စေလွှတ်တော်မူခြင်း

1အဲနော့ ကိုယ်တော်ဟ ခြားဗြိတော်ခွန်နှစ်ဆယ်နှေ့ယော့#10.1 ခွန်နှစ်ဆယ်နှေ့ယော့ ချို့ကျမ်းစာမှာလော ခုနှေ့ဆယ် ဆိုပီး ရေးရားရယ်။ဝို ဝီးချယ်ပီး နှေ့ယော့စီတွဲပီး ကိုယ်တော်ကြွမဲ့ ဗြို့ဒိုင်း၊ နေရာဒိုင်းဝို ကြိုတံစေလွှတ်လိုက်ရယ်။ 2ကိုယ်တော်ဟ သူ့နို့ဝို “ငါ့ဝို လက်ခံယုံကြည်ဝို့ ဆင်သင့်ဖြစ်နေဝို လူများဂီးရှေ့နေပေမဲ့လဲ အဲမိုလူဒွေဆီဝို ဒန်းဂေါ ဟောပြောဝို့ လူဒွေဟ ရားဒိုင်းနဲဗျင်းရယ်။ အဲမိုလူဒွေဟ ရိသီးဝို့ သင့်ဖြစ်နေဝို ကြီးမားကျယ်ပြန့်ဝို လယ်ဂွမ်းနတူရယ်။ အယ်ဘေမဲ့ အဲမိုဇာဝို ရိသီးဝို့တွက် လုံလော့ဝိုလုပ်သားဒွေမှေ့ရ။ အဲဂျော့ ရိသီးခြင်းရဲ့အရှင် ဘုရားရှင်ဆီမှာ ရိသီးဝို့ လုပ်သားဒွေ ပိုပီးစေလွှတ်ပေးဝို ဆုတောဂေ့လော့။ 3ခုဘဲ့ နန်းနို့ဟ လူဒွေဆီဝို ဒိထားပီး သွားဂေ့လော့။ ဟဲဖြစ်ရိနူးဆိုဝါ ငါဟ နန်းနို့ဝို ဆိုးသွမ်းဝို လူဒွေဆီဝို စေလွှတ်ဇာဂျော့ဖြစ်ရယ်။ နန်းနို့ဟ ရစ်ဆစ်ကြမ်းကြုတ်ဝို ဝံပုလွေဒွေဂျားမှာ အားကိုးရာမဲ့နေဝို သိုးရားဒွေမျိုး ဖြစ်နေလိမယ်။ 4နန်းနို့ဟ ကတ်အိ၊ ခရီးဆော်အိ၊ ခေနပ်ဒွေဝို ယူဝါးပါန။ လမ်းမှာခရီးသွားနေဝိုခီမှာ လူဒွေဝို နှုဆစ်ပီး ခီဖလူးန။

5နန်းနို့ အီတအီဝို ဝမ်ရော့ဝိုခါတိုင်း ရင်ဦးဆုံး ‘အယ်အီမှာရှေ့ဝို လူဒွေဂူလုံးပေါ်မှာ ငြီးချမ်းခြင်းရှေ့ပါစေ’ ဆိုပီး ပြောဂေ့ပါ။ 6အဲမိုအီမှာ နေထိုင်ဝိုလူဒွေဟ ဘုရားရှင်ဆီဟ ငြီးချမ်းခြင်း န ကောချီးဝို လိုလားဝိုသူဒွေဖြစ်ရယ်ဆိုဝါ ငြီးချမ်းခြင်းတွက် နန့်နို့ဆုတောဟ အဲမိုလူဒွေဝို ကောချီးပေးလိမယ်။ အဲမိုလူဒွေဟ လိုမှေ့ရဆိုဝါ ဘုရားရှင်ဟ သူ့နို့ဝို ငြီးချမ်းခြင်း န ကောချီးပေးမှာမုဝ။ 7နန်းနို့သွားဝိုဗြို့ဒိုင်းမှာ နန်းနို့ဝို လက်ခံဝို မိသားဇုနဘဲ့ တူတူနေပါ။ နန်ဟ သူ့နို့ကျွေးဝို စားသော့ဝို နန့်လုပ်အားခဖြစ်န စားနိုင်ရယ်။ အီဟနေ အီဝို ပလောရွှေ့ပီးနေန။

8နန်းနို့ဟ ဗြို့တစ်ဗြို့ဝိုဝမ်ပီး ဗြို့သားဒွေဟ နန်းနို့ဝို ကြိုဆိုဂေ့ဝိုခါမှာ နန်းနို့တွက် ပြင်ဆင်ရားဝို ဟဲမျိုးစားဇာဝိုမဆို စားဂေ့ပါ။ 9အဲမိုဗြို့မှာရှေ့ဝို ဖျားနာနေဝို လူဒွေဝို ကုသပီး ‘ဘုရားရှင်သာသနာတော်ဟ နန့်နီးနားဝို ရော့လာပီ’ ဆိုပီး သူ့နို့ဝို ဟောပြောဂေ့ပါ။ 10အယ်ဘေမဲ့ ဗြို့တဗြို့ဝို နန်းနို့ဝမ်ဝိုခါဒိုင်း အဲမိုဗြို့မှာရှေ့ဝို လူဒွေဟ နန်းနို့ဝို လက်ခံရဆိုဝါ လူဒိုင်းကြားနိုင်ဝို လမ်းပေါ်ဝိုထွက်ပီး ပြောပါ။ 11‘ဘုရားရှင်ဟ နန်းနို့ဝို ပြစ်ဒဏ်စီရင်ဝို့ကြောဝို နန်းနို့ဝို ဒိပေးဝိုနေန နို့ရဲ့ခေဖဝါးမှာ ကပ်နေဝို နန်းနို့ဗြို့ဟ ဖူမှုဒွေဝို ခါခလဇာဖြစ်ရယ်။ အယ်ဘေမဲ့ နို့ဟ နန်းနို့ဝို ဘုရားရှင်သာသနာတော်ဟ နန်းနို့နားဝိုရော့ဝို့ ခီနီးကပ်ပီ ဆိုဇာဝို သိဇေရှင်ရယ်’ ဆိုပီး ပြောဂေ့လော့။ 12အဲဂျော့ နန်းနို့ဝို ငါပြောမယ်၊ ဘုရားရှင်ဟ လူဒိုင်းဝို ရားစီရင်ဝိုခါမှာ သောဒုံဗြို့#10.12 သောဒုံဗြို့ ဂျော်ဒန်နိုင်ငံ ဂျော်ဒန်ဗြစ်ရှေ့ဘက်ကမ်းနေရာ၊ ကမ္ဘာဦးကျမ်း ၁၉:၁-၂၈။ သောဒုံဗြို့န ဂေါမောရဗြို့ဒွေဟ ဆိုးသွမ်းရိတွက် ဘုရားရှင်ဖျစ်စီးခဲ့ဝို ဗြို့နှေ့ဗြို့ဖြစ်ရယ်။ဟလူဆိုးဒွေထက် အဲမိုဗြို့ဟ လူဒွေဝို ပိုပီးပြင်းပြင်းထန်ထန် ပြစ်ပေးတော်မူလိမယ်” ဆိုပီး မိတော်မူလေရယ်။

နော်ဒရဘဲဝို ဗြို့ဒွေ

(ရှင်မဿဲ ၁၁.၂၀-၂၄)

13“ခေါရာဇိန် န ဗက်ဇဲဒဗြို့မှာရှေ့ဝို လူဒွေ၊ နန်းနို့ဟ ဆင်းရဲဒုက္ခဂီးန ကြုံတွီ့ရလိမယ်ဖြစ်ရယ်။ ဟဲဖြစ်ရိနူးဆိုဝါ နန်းနို့ဆီမှာ ပြသခဲ့ဝို အံ့ဖွယ်မှုကိစဒွေဝို လူမျိုးခြားဗြို့တွေဖြစ်ဝို တုရု န ဇိဒုန်ဗြို့ဒွေမှာဘဲ့ ပြသခဲ့မယ်ဆိုဝါ အဲမိုဗြို့ဒွေဟ လူဒွေဟ စဒဲဟ လျှော်တေဝတ်ဝို ဝတ်ပီး ပလာပေါ်မှာထိုင်#10.13 လျှော်တေဝတ်ဝို ဝတ်ပီး ပလာပေါ်မှာထိုင် 'လျှော်တေဝတ်ဝို ဝတ်ပီး ပလာပေါ်မှာထိုင်ရယ်' ဆိုဇာဟ အဲမိုခေတ်ဒူးဟ လူဒွေဟ သူ့နို့ရဲ့ပြစ်ဒွေတွက် နော်ဒရပီး စိမကောဖြစ်ဇာဝို ဖော်ပြဝိုနေန ကြမ်းတမ်းပီး သက်သော့သက်သာမှေ့ဘဲဝိုဝတ်ဒွေဝို ဝတ်ပီး သူ့နို့ရဲ့ခေါ၊ ပုခုံးဒွေပေါ်ဟနေ ပလာမှုဒွေလောပီး ပလာပုံပေါ်မှာ ထိုင်ဝိုဓလေ့ထုံးစံတစ်ခုဖြစ်ရယ်။ပီး သူ့နို့ရဲ့ပြစ်ဒွေတွက် နော်ဒရဂေ့လိမယ်ဖြစ်ရယ်။ 14အဲဂျော့ ရားစီရင်ဝိုနေ့မှာ ဘုရားရှင်ဟ နန်းနို့ဝို တုရု န ဇိဒုန်ဗြို့ဒွေထက် ပိုပီး ပြစ်ဒဏ်ပေးလိမယ်ဖြစ်ရယ်။ 15ကပေရနောင်ဗြို့မှာ ရှေ့ဝိုလူဒွေ၊ နန်းနို့ဝိုလဲ ရွှေဗြို့တော်မှာ ဘုရားရှင်ဟ ချီးမြှော့တော်မူလိမယ်ဆိုပီး နန်းနို့ထံဂေ့န၊ အဲမိုစား နန်းနို့ဝို ငရဲထဲဝို ပစ်ခလလိမယ်ဖြစ်ရယ်။” ဆိုပီး မိတော်မူလေရယ်။

16အဲနော့ ကိုယ်တော်ဟ သူရဲ့ဗြိတော်ဒွေဝို “နန်းနို့ဂါးဝို နားထော်ဝိုသူဟ ငါ့ဂါးဝိုနားထော်ဝိုသူဖြစ်ရယ်၊ နန်းနို့ဝို လက်မခံဝိုသူဟ ငါ့ဝိုလက်မခံသူဖြစ်ပီး ငါ့ဝိုလက်မခံဝိုသူဟ ငါ့ဝိုစေလွှတ်လိုက်ဝို ဘုရားရှင်ဝိုလဲ လက်မခံဝိုသူဘဲ့ ဖြစ်ရယ်” ဆိုပီး မိတော်မူလေရယ်။

ဗြိတော်ယော့ခွန်နှစ်ဆယ်နှေ့ယော့ ပလန်လာခြင်း

17ခီကြာပီးဝိုနော့မှာ ကိုယ်တော်ယေရှုရဲ့ဗြိတော် ခုနှစ်ဆယ့်နှေ့ယော့ဟ သူ့နို့ရဲ့ခရီးဟနေ ပလန်လာဂေ့ပီး ဝမ်းသာအားရန “ကိုယ်တော်၊ ကျနော်ဒို့ဟ ကိုယ်တော်ရဲ့ နော်မယ်ဝို သုံးပြုပီး လူဒွေဆီဟ ကောဆိုးဝါးဒွေဝို ထွက်ဝါးဝို့ မိပေးဝိုခါမှာ သူနို့ဟ နာခံဂေ့ပါရယ်” ဆိုပီး ကိုယ်တော်ဝို ရှော့တံဂေ့လေရယ်။

18ကိုယ်တော်ယေရှုဟ သူ့နို့ဝို “ကောဆိုးဝါးဒွေဟ နန်းနို့ဂါးဝို နာခံဝိုခါမှာ မာရ်နတ်ဟ လျှပ်စီးလက်ဝိုမျိုး ကောကံဟနေ ရုတ်တရစ် ပလုကလရားဇာဝို ငါဗြင်လိုက်ရရယ်” ဆိုပီး ပလန်လည်မိတော်မူလေရယ်။ 19“နားထော်ဂေ့၊ ငါဟ နန်းနို့ဝို ဘွီဆိုးန ကမ်းမီးကော့ဒွေမျိုး ကောဆိုးဝါးဒွေဝို နန်းခလနိုင်ဝို့ န နန်းနို့ရဲ့ရန်သူဖြစ်ဝို မာရ်နတ်ရဲ့ဂိုးဒွေဂူလုံးဝို ဖျစ်ဆီးနိုင်ဝို ခွမ့်အာဏာဝို ပေးအပ်ခဲ့ပီးဖြစ်ရယ်။ ဟဲရာဇာမှ နန်းနို့ဝို ထိခိုက်နာကျင်စေလိမယ် မုဝ။ 20အယ်ဘေမဲ့ ကောဆိုးဝါးဒွေဟ နန်းနို့ဝို နာခံရုံလော့န ပျော်နေဂေ့နအူး၊ နန်းနို့ရဲ့နော်မယ်ဒွေဝို ဘုရားရှင်ဟ ရွှေဗြို့တော်မှာ ရေးသားရားဝိုဇာတွက်ရော ပိုပီးဝမ်းမြော့ဂေ့ပါ” ဆိုပီး မိတော်မူလေရယ်။

ကိုယ်တော်ယေရှု ရွင်လန်းဝမ်းမြော့တော်မူခြင်း

(ရှင်မဿဲ ၁၁.၂၅-၂၇၊ ၁၃.၁၆-၁၇)

21အဲမိုခီမှာ ဉာဏ်လင်းတော်အားန ကိုယ်တော်ယေရှုဟ ပလဲ့ဝရိတွက် သူဟရွှင်လန်းဝမ်းမြော့တော်မူပီး ဘုရားရှင်ဝိုချီးမွှမ်းပီး ပြောဝိုဇာဟ “ကောကံ န ဘာမလေဂီးရဲ့အရှင်ဖြစ်တော်မူဝို ဖခမည်းတော်၊ ဉာဏ်ပညာကီးမားပီး ကိုယ့်ကိုယ်ကိုယ် ပညာရှေ့ဆိုပီး ထံနေဝိုသူဒွေဝို အယ်မိုကြောရာဒွေဝို သိခိုင်းဘဲန သားဂန်းရားဒွေမျိုး သိပညာကြွယ်ဝဘဲဝိုလူဒွေဝို သိဗြင်စေတော်မူရိတွက် အရှင့်ဝို ချီးမွမ်းပါရယ်။ ဖခမည်းတော်၊ အယ်မိုဇာဒွေဟ ဖခမည်းတော်ရဲ့ လိုဆန္ဒတိုင်း လုပ်ဇာဖြစ်ကြောဝို ကျနော်သိပါရယ်။”

22အဲနော့ ကိုယ်တော်ယေရှုဟ လူဒွေဝို “ငါ့ခမည်းတော်ဟ ငါ့ဝို ဂူလုံးဝို ပေးတော် မူခဲ့ပီးဖြစ်လေရယ်၊ ခမည်းတော်ဟနေလွဲပီး သားတော်ဝို ဟယ်သူမှသိဂေ့ရ၊ ခမည်းတော်ဟ ဟယ်သူဟယ်ဝါဆိုဇာဝိုလဲ သားတော်န သားတော်ဟ ထုဖော်ဝီးချယ်ရားဝို လူဒွေဟနေလွဲပီး ဟယ်သူမှသိဂေ့ရ။”

23အဲနော့ ကိုယ်တော်ယေရှုဟ သူရဲ့ဗြိတော်ဒွေဖက်ဝို လှည့်ပီး “နန်းနို့ဟ အယ်မိုဇာဒွေဝို ဗြင်ရရိတွက် ကောကောဂိုမှ ကံကောဝိုသူဒွေဖြစ်ရယ်” ဆိုပီး သူ့နို့ဝိုဘဲ့သီးသန့် ပြောကြားလေရယ်။ 24“ငါ နန်းနို့ဝို ပြောရမယ်ဆိုဝါ ရှေးဒူးဟ ပရောဖက်များဂီးန ဘုရင်များဂီးဂိုမှ နန်းနို့ ဗြင်ရကြားရဝိုမျိုး ဗြင်ရှင်ကြားရှင်ခဲ့ဂေ့ဘေမဲ့ သူ့နို့မှာ ဗြင်ခွမ့်ကြားခွမ့် မှေ့ဂေ့ရရ” ဆိုပီး မိတော်မူလေရယ်။

နို့ရဲ့အီဇာနီးချင်းဟ ဟယ်သူနူး

25နေ့မှာ ကျမ်းတတ်ဆရာတယော့ဟ ကိုယ်တော်ဝို မေးခွန်းန စမ်းသပ်ဝို့ ထရပ်လိုက်ပီး “အရှင်၊ ထာဝရသက်#10.25 ထာဝရသက် ဟယ်ခါမှသေဆုံးဘဲဝိုသက်ဝို ပြောဇာဖြစ်ရယ်။ဝို ရဝို့တွက်ဆိုဝါ ဟဲဇာမျိုးလုပ်ရမယ်နူး” ဆိုပီး မေးလေရယ်။

26ကိုယ်တော်ယေရှုဟ အဲမိုလူဝို “အဲမိုကြောရာနပတ်သက်ပီး ပညတ်ကျမ်းစာမှာ ဟဲမျိုးရေးသားရားနူး၊ နန်ဟ အဲမိုဇာဒွေဝို ဟဲမျိုးနားလည် ဘောပေါ့နူး” ဆိုပီး ပလန်လည်မေးမြန်းလေရယ်။ 27ကျမ်းတတ်ဆရာဟ ကျမ်းစာထဲမှာ “နန့်ရဲ့ဘုရားရှင်ဝို ကိုယ်၊စိ၊နှလုံး သုံးဘားလုံးန ထုဖော်ပြသပီး နန့်ဉာဏ်ရှေ့သမျှန စွမ်းကုန် ကြည်ညိုဆည်းကပ်ဂေ့ပါ ဆိုပီး ရေးသားရားမျိုး ကိုယ့်ရဲ့အီဇာနီးချင်းဝိုလဲ ကိုယ့်ကိုကိုယ် ရှစ်မျိုး ရှစ်ရမယ်ဆိုပီး ရေးရားပါရယ်” ဆိုပီး ပလန်ဖြေကြားလေရယ်။

28ကိုယ်တော်ယေရှုဟ “နန့်ဖြေဟ မှန်ကန်ပါရယ်။ နန်ဟ အဲမိုတိုင်းပြုလုပ်မယ်ဆိုဝါ နိစထာဝရသက်ဝို ရရှေ့ပါလိမယ်” ဆိုပီး ပလန်လည်မိတော်မူလေရယ်။

29အယ်ဘေမဲ့ ကျမ်းတတ်ဆရာဟ သူ့ကိုယ်သူ မှန်ကန်ရယ်ဆိုဇာဝို ပြရှင်ရိတွက် ကိုယ်တော်ယေရှုဝို “အဲမျိုးဆိုဝါ ကျနော်ရဲ့အီဇာနီးချင်းဟ ဟယ်သူဖြစ်မယ်နူး” ဆိုပီး မေးလေရယ်။ 30အဲနော့ ကိုယ်တော်ယေရှုဟ သူ့ဝို ပုံပြင်ခုန ဖြေကြားလေရယ်။ “ဂျေရုဆလင်ဗြို့ဟနေ ဂျေရိခေါဗြို့ဝို သွားဝို လူတစ်ယော့ရှေ့လေရယ်။ သူဟ လမ်းမှာ မလဒွေနတွီ့ပီး မလဒွေဟသူ့ဝို တိုက်ခိုက်ခဲ့ဂေ့လေရယ်၊ သူ့နို့ဟ သူရဲ့ဝတ်ဒွေဝိုခလွတ်ပီး သူ့ဝိုသေလုမျှောပါးဖြစ်လော့အော် ရိုက်နှက်ဂေ့လေရယ်၊ အဲနော့ သူ့နို့ဟ သူ့ဝိုထားရစ်ပီး ထွက်ရားဂေ့လေရယ်။ 31နော့ပိုင်းမှာ ဂျူးပုရောဟိတ်တယော့ဟ အဲမိုလမ်းတိုင်း ခရီးထွက်လာလေရယ်။ သူဟ လမ်းမှာဒဏ်ရာဒွေန လဲကလနေဝိုလူဝို ဗြင်ဝိုခါမှာ လမ်းရဲ့ခြားတဖက်ဟနေ ရှော်ထွက်ရားလေရယ်။ 32အဲမိုမျိုးနဘဲ့ လေဝိမျိုးနွယ်ဟ ဗိမာန်တော်အကူတစ်ယော့ဟလဲ အဲနေရာဝို ရော့လာဝိုခါမှာ လဲကလနေဝိုလူဝို ဗြင်တွီ့လေရယ်။ အယ်ဘေမဲ့ သူဟ ခြားလမ်းတဖက်ဟနေ ရှော်ထွက်ရားလေရယ်။ 33အယ်ဘေမဲ့ နော့ဆုံးမှာ ရှမာရိလူမျိုးတယော့ဟ အဲမိုလမ်းတိုင်း ခရီးထွက်လာဝိုခါမှာ လဲကလနေဝို လူရှေ့ဝိုနေရာဝို ရော့လာလေရယ်။ သူဟ ဒဏ်ရာရနေဝိုလူဝိုဗြင်န နားကြင်နာစိဖြစ်ရားလေရယ်။ 34သူဟ လူနာဆီဝိုသွားပီး ဒဏ်ရာဒွေဝို သက်သာစေဝို့ သံလွင်ဆီ ဝိုင်#10.34 သံလွင်ဆီ အယ်မိုခေတ်ဒူးဟ လူဒွေဟ သံလွင်ဆီ န ဝိုင်ဝို ဆေးဝါးဖြစ်န သုံးပြုဂေ့ရယ်။ ဝိုင်ဝိုကလလောဝါ ပိုးမွှားဒွေဝို သတ်ဝို့န သံလွင်ဆီဝိုကလလောဝါ ဒဏ်ရာဒွေဝို ကုသဝို့နေနသုံးဂေ့ရယ်။ဒွေန ဆေးကြောပေးပီး ပတ်တီးစဲပေးလေရယ်၊ အဲနော့ လူနာဝို မြည်းပေါ်ဝိုတံပီး တည်းခိုခန်းဝို ခေါ်ရားပီး ပြုဇု စော့ရှော့ပေးလေရယ်။ 35နော့နေ့မှာ သူဟ ဒေနာရီနှေ့ပြား#10.35 ဒေနာရီနှေ့ပြား ငွေဒန်းဂါးနှေ့ပြားဝို ထုယူပီး တည်းခိုခန်းပိုင်ရှင်ဝို ပေးပီး ‘အယ်လူဝို စော့ရှော့ပေးပါ၊ သူ့ဝို ပြုဇုဝို့ အဲထပ်ပိုကူကလမယ်ဆိုဝါ ကျနော် နော့တစ်ခါ ပလန်လာဝိုခါမှာ ပလန်ပေးပါမယ်။’ ဆိုပီး မှာရစ်လေရယ်” ဆိုပီး ပြောလေရယ်။

36အဲနော့ ကိုယ်တော်ယေရှုဟ “အဲမိုလူသုံးယော့မှာ မလတိုက်ခံခဲ့ရဝိုသူရဲ့ စစ်မှန်ဝို အီဇာနီးချင်းဟ ဟယ်သူနူး” ဆိုပီး မေးမြန်းတော်မူလေရယ်။

37ကျမ်းတတ်ဆရာဟ “အဲမိုလူဟ လူနာဝို နားဂရုဏာနာသက်ပီး ကူညီပေးသူဖြစ်ပါရယ်” ဆိုပီး ပလန်ဖြေဝိုခါမှာ ကိုယ်တော်ယေရှုဟ “နန်လဲ အဲမိုနည်းတိုင်းဘဲ့ လုပ်ပါ” ဆိုပီး မိတော်မူလေရယ်။

မာသန မာရိ

38ကိုယ်တော်ယေရှု န သူရဲ့ဗြိတော်ဒွေဟ ခရီးဆစ်သွားနေဝိုခီမှာ ဝါတစ်ဝါဝို ဝမ်ဂေ့လေရယ်၊ အဲမိုဝါမှာ မာသ ဆိုပီး နော်မယ်ခေါ်ဝို မျိုးမီးတယော့ရှေ့လေရယ်။ သူဟ သူ့နို့ဝို သူရဲ့အီဝို တည်းခိုဝို့ ဖိခေါ်လေရယ်။ 39သူ့မှာ မာရိ ဆိုပီး နော်မယ်ရှေ့ဝို ညီမတစ်ယော့ရှေ့လေရယ်၊ မာရိဟ ကိုယ်တော်ရဲ့ခေရင်းနားမှာ ထိုင်ပီး ကိုယ်တော်သွန်သန်နေဇာဝို နားထော်နေလေရယ်။ 40အယ်ဘေမဲ့ မာသ ဟ အီမှုကိစဂူလုံးဝို သူ့ယော့ဒဲလုပ်နေရရိတွက် စိပျစ်လာပီး သူဟ ကိုယ်တော်ယေရှုဆီဝို လာပီး “အရှင်၊ ကျမညီမဟ လုပ်ဒွေဂူလုံးဝို ကျမယော့ဒဲလုပ်ရအော် ချန်ရားရစ်ဝိုဇာဝို သင် ဂရုစိုက်ရလော။ ကျမဝို လာရော့ပီး ကူညီပေးဝို့ သူ့ဝိုပြောပေးပါ” ဆိုပီး ရှေ့ာတံလေရယ်။

41အယ်ဘေမဲ့ ကိုယ်တော်ယေရှုဟ “မာသ၊ မာသ နန်ဟ ဂူလုံးဝို စိုးရီစိန သောကရော့နေရယ်” ဆိုပီး မိတော်မူလေရယ်။ 42“အယ်ဘေမဲ့ လိုအပ်နေဇာဟ ခုဘဲ့ရှေ့ရယ်။ မာရိဟ ကောဝိုဇာဝို ဝီးချယ်ရားပီးပီဖြစ်ရိဂျော့ အဲမိုဇာဝို သူ့ဆီဟနေ ယူဝါးရိမရဟန်း” ဆိုပီး မိတော်မူလေရယ်။

ទើបបានជ្រើសរើសហើយ៖

ရှင်လုကာ 10: TVN

គំនូសចំណាំ

ចែករំលែក

ចម្លង