Maluko 3
3
Yesû wahandia muntû wa kûboko kwa bûlebe
(Matayo 12.9-14; Luka 6.6-11)
1Yesû ûtwelile byonka mu nsese gya milombelo gya Bayuda#3.1 Sinagogi, mubele no muntû gûmo ûbele no kûboko kwa bûlebe. 2Bafalisayo bamulwele soo Yesû, bamone ntêê shaandye sigi lya kwêtûsha lya Bayuda#3.2 Sabato, kibalo bamone kumusongela. 3Yesû umulombwele gûlya muntû wêno kûboko kwa bûlebe: “Gimana kûgêbwa kwa bantû bonse.” 4Yesû wêbabulishe: “Kikêê kitakisibwe kûlonga sigi lya kwêtûsha lya Bayuda#3.4 Sabato? Kûlonga bisoga ao kûlonga bibêê? Kûhandya ao kweyaga?”
Bonse bekene talala. 5Yesû wêbalwele kwansûngû, ûkolelwe biiko kibalo kya lûûma lwa mitêma gyabo. Yesû umulombwele gûlya muntû: “Golola kûboko kobe.” Noge olwele, kûboko kwage kwandile onka alya. 6Onkao Bafalisayo baimine andje bebagêlêle bantû ba Helode, kûlonga sondjelo kibalo kyage bamone ndjêla gya kumwiyaga.
Bantû bangê basile kwê Yesû
7Yesû ûgele no baana babûganga bage kû nkondo gya siba lya Galilaya, kibûngo kikata kya bantû ki mulondile. Kuima Galilaya, no Yudea, 8no Yelusalema, no Idumaya, no bwala bwa Yolodano, no mugela gwa Tilo no Sidona. Kibûngo kikata lwa kitegelele musahû gwa mianda gyabele walonga ba mugêlêle. 9#Malk 4.1; Lk 5.1-3Kibalo kya bûngê bwa bantû, Yesû wê balombwele baana babûganga bage kwana mu mbêkêle bwato, kibalo kya kibungo na kikasi ku mpininika. 10Nagwe nansilya byahandishe bantû bangê, bonse babele no mitongo babêngêle kwalê kibalo bamukume. 11Kyaba bantû babele no minyaga gibe lwa bamumwene Yesû ba mukutamine kûgebwa kwage, no batele kahûndû besambile: “Gwe ûmwana wa Kabesha Mpûngû!”
12Mone Yesû wê bakandile kwa busi na baka mu singûlûsha kû bantû.
Yesû wasolola bikula kumi no Bibêle
(Matayo 10.1-4; Luka 6.12-16)
13Kûwa Yesû ûselile kûlûgûlû wê betile balya be kampilwe gee mwine. Bamugêlêle, 14mu bûkata mwabalya bagitile ûsolwele bantû kumi no babêlê, bagitile bikûla, bekane amo nage, kibalo abe wa libatuma kûsahûla, 15byonka kwê batanga bûkome bwa kûkûmba minyaga gibê.
16Lola bikûla kûmi no bibêlê ûbino: Simo, ûwelwe sina lya Petelo no Yesû, 17Shake mwana wa Sebedayo no Yoane mwanabo, Yesû wê benikile sina lya Boanege, nsitwe gyage: “Baana ba mukuma gwa nkûba” 18Andele, Filipo, Batolomayo, Mateo, Toma, Shake#3.18 Yakobo mwana wa Alufayo, Tadeo, Simo wa mumulongo gwa Baseloti, 19Yuda Isikaliota, ûge gûlya umuiminie Yesû.
Yesû no Belesebuli
(Matayo 12.22-32; Luka 11.14-23; 12.10)
20Kyaba Yesû lwa gibwêlêle mu nsese, kibûngo kikata kibûngakene byonka. Kûba Yesû no baana babûganga bage ha banyonghwene no kwêne kûlya kya kûlya. 21Kyaba ba mbyalwa nage lwa bategelele mwanda gûlya, baimine kûgya ku mutwala Yesû kwabumu, kibalo bantû besambile: “Wa tumuka bûlûbê!”
22 #
Mt 9.34; 10.25 Nobo balangi babisila batukile kuima Yelusalema besambile nansino: “Wêno minyaga gya Belesebuli munda gyage! No kwa bûkome bwa mukûlû wa minyaga gibe wa kûkûmba minyaga.”
23Onkao Yesû wêbetile wê balombwele kwa nkêndê wê sambile: Mu nombole Satana wê bûnyonghona ku mukumba Satana? 24Ntêê ba bûkolo bûmo bo kûsansûlûka, bûkolo bûbo abugililili. 25Byonka bantû ba nsese gimo bo kûsansûlûka, nsese gigyo agigililili. 26Ntêê Satana gee kwê lwêsha gee mwine, no ntêê wa sansûlûka, bûkome bwage abugililili nambo sabuike nfulo.
27“Byonka hakûle muntû wê bûnyonghona kûtwela munda gya nsese gya muntû wêno bûkome, no kuswinia bintû byage ha kumuganga bêlê muntû gûdjo migosi, nambo saa mugange bêlê gûlya wêno bûkome; ao ûalê ka muswinia bintû byage bya mu nsese.
28“Sitêê na nimilombola, baana ba bantû beka lekelelwa bûbe bwabo bonse. No kûbedja kwabo konse kwa besambile kibalo kya Kabesha Mpûngû. 29#Lk 12.10Mone ntêê muntû wa bedja Mutêma Gûlûmbûlûke ha kalekelelwa. Wêno bûbê bwa miaka.” 30Yesû wê balombwele nansho kibalo besambile: “Kwana wêno minyaga gibê.”
Musoo gwa sitê gwa Yesû
(Matayo 12.46-50; Luka 8.19-21)
31Kyaba kisile nyage wa Yesû no bamwanabo, bemene andje, batumine muntû ku mwita. 32No bibûngo bya bantû bangê bibele bi mwalagale Yesû, ba mulombwele: “Lola, nyobe no bakwa nyobe beandje, ba kûkûkeba.”
33Yesû ûêndwêle: “Nani madjû wane? No bambyalwa nane bani?” 34Wê balwele balya babele ba mwalagale, wêsambile: “Lola! Madjû wane no bambyalwa nane! 35Muntû gegense wê kalonga kiswa mutêma kya Kabesha Mpûngû, gûdjo ûmwanetû, no nkasibyala gyane, no hû madjû wane.”
ទើបបានជ្រើសរើសហើយ៖
Maluko 3: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល