ᒨᓯᓯ ᓯᕗᓪᓖᑦ 1
1
ᐱᓐᖑᕐᑎᑕᐅᓂᐅᑉ ᐅᓂᒃᑲᐅᓯᐅᓂᖓ
1ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ. 2ᓄᓇᕐᔪᐊᕐᓕ ᐋᖅᑭᒃᓯᒪᓚᐅᓐᖏᓚᖅ ᓱᓇᑕᖃᕋᓂᓗ, ᐃᑎᔪᕐᔪᐊᒥᒃ ᑖᕐᑐᐊᓘᓪᓗᓂ; ᒎᑎᐅᓪᓗ ᐊᓂᕐᓂᖓ ᐃᖏᕐᕋᓚᐅᕐᐳᖅ ᐃᒫᓘᑉ ᖁᓛᒍᑦ. 3#2 ᑯᕆᓐᑎ 4:6.ᒎᑎᓗ ᐅᖃᕐᐳᖅ, “ᖃᐅᒪᔪᖃᕐᓕ” ᖃᐅᒪᔪᒥᒡᓗ ᓴᖅᑭᑦᑐᖃᕐᐳᖅ. 4ᒎᑎᐅᓪᓗ ᖃᐅᒪᔪᖅ ᕿᒥᕐᕈᒐᒥᐅᒃ ᓈᒻᒪᒋᕚ; ᒎᑎᐅᓪᓗ ᖃᐅᒪᔪᖅ ᐊᕕᑎᑉᐹ ᑖᕐᑐᒥᑦ, 5ᒎᑎᐅᓪᓗ ᖃᐅᒪᔪᖅ ᑍᕚ ᐅᓪᓗᒥᒃ, ᑖᕐᑐᕐᓗ ᑍᓪᓗᒍ ᐅᓐᓄᐊᒥᒃ. ᐅᓐᓄᐊᕐᓗ ᐊᓂᒍᕐᒪᑦ ᐅᓪᓛᓐᖑᕐᐳᖅ, ᑕᕝᕙ ᐅᓪᓗᖅ ᓯᕗᓪᓕᕐᐹᖅ.
6 #
2 ᐲᑦᑐᕉᓯ 3:5. ᒎᑎᓗ ᐅᖃᕆᕗᖅ, “ᐃᒪᖅ ᖁᓕᒥᐅᑕᕐᑖᕐᓕ ᐊᐅᓚᖏᑦᑐᒥᒃ ᐃᒪᐅᑉ ᕿᑎᖓᓂ, ᐊᕕᒃᓯᓗᓂ ᐃᒪᕐᒥᒃ ᐃᒪᕐᓂᒡᓗ.” 7ᒎᑎᓗ ᑕᕝᕙ ᓴᓇᕗᖅ ᐊᐅᓚᖏᑦᑐᒥᒃ ᐊᕕᒃᓗᒋᑦ ᐃᒪᖅ ᐊᓪᓕᐅᓕᕐᓗᓂ ᐃᒪᕐᒥᑦ ᖁᓕᕆᔭᒥᓂᑦ ᑍᒤᓕᖓᓕᓚᐅᕐᐳᖅ. 8ᒎᑎᐅᓪᓗ ᖁᓛᓕᐊᓂ ᐊᐅᓚᖏᑦᑐᖅ ᑍᕙ ᕿᓚᖕᒥᒃ. ᐅᓐᓄᐊᕐᓗ ᐊᓂᒍᕐᒪᑦ ᐅᓪᓛᓐᖑᕐᐳᖅ, ᑕᕝᕙ ᐅᓪᓘᑉ ᐂᑉᐸᖓ.
9ᒎᑎᓗ ᐅᖃᕆᕗᖅ, “ᐃᒪᕐᔪᐊᖅ ᕿᓚᐅᑉ ᐊᑖᓂᑦᑐᖅ ᑲᑎᓪᓕ ᐊᑕᐅᓯᕐᒧᑦ, ᓄᓇᓗ ᐸᓂᕐᑐᖅ ᓴᖅᑭᓕᕐᓕ.” ᑍᒤᓕᕐᐳᕐᓗ. 10ᒎᑎᐅᓪᓗ ᐸᓂᕐᑐᖅ ᑍᕚ ᓄᓇᕐᔪᐊᒥᒃ, ᐃᒪᖅ ᐊᑕᐅᓯᕐᒧᑦ ᑲᑎᓯᒪᔪᖅ ᑍᓪᓗᓂᐅᒃ ᐃᒪᕐᔪᐊᕐᒥᒃ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 11ᐊᒻᒪ ᒎᑎ ᐅᖃᕆᕗᖅ, “ᓄᓇᕐᔪᐊᖅ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᖃᕐᓕ, ᐱᕈᕐᑐᓂᒃ ᐱᕈᕐᓯᐊᒃᓴᖃᕈᓐᓇᕐᑐᓂᒃ, ᐸᐅᕐᖓᓕᖕᓂᒡᓗ ᓇᐹᕐᑐᓂᒃ ᐸᐅᕐᖓᖏᓪᓗ ᐱᕈᕐᓯᐊᒃᓴᖃᕐᓗᑎᒃ ᐃᓗᐊᒍᑦ, ᐊᑐᓂᑦ ᖃᓄᐃᑦᑑᓂᑎᒃ ᒪᓕᒡᓗᒋᑦ ᓄᓇᒥ.” ᑍᒤᓕᕐᐳᕐᓗ. 12ᓄᓇᕐᔪᐊᕐᓗ ᐱᕈᕐᑐᖃᓕᕐᐳᖅ, ᐱᕈᕐᑐᑦ ᐊᑦᔨᒥᖕᓂᒃ ᐱᕈᕐᓯᐊᒃᓴᓖᑦ, ᓇᐹᕐᑐᓪᓗ ᐸᐅᕐᖓᓖᑦ ᐱᕈᕐᓯᐊᒃᓴᓖᑦ ᐸᐅᕐᖓᒥᖕᓂᒃ, ᖃᓄᐃᑦᑑᓂᑎᒃ ᒪᓕᒡᓗᒋᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 13ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕆᕗᖅ, ᑕᕝᕙ ᐅᓪᓗᐃᑦ ᐱᖓᔪᐊᑦ.
14ᒎᑎᓗ ᐅᖃᕆᕗᖅ, ᖃᐅᒪᔫᖕᓂᒃ ᓴᖅᑭᑦᑐᖃᕐᓕ ᐊᐅᓚᖏᑦᑐᒥ ᕿᓚᖕᒥ ᐅᓪᓗᕐᓗ ᐅᓐᓄᐊᕐᓗ ᐊᕕᓯᒪᖁᓪᓗᒋᒃ; ᑖᒃᑯᐊ ᓇᓗᓁᒃᑯᑕᐅᓂᐊᕐᒪᑕ ᐅᑭᐅᖃᑦᑕᕐᑐᒧᑦ ᐊᐅᔭᕈᖃᑦᑕᕐᑐᒧᓪᓗ ᐅᓪᓗᓄᑦ ᐊᕐᕌᒍᓄᓪᓗ. 15ᑖᒃᑯᐊᓗ ᖃᐅᒪᔪᒃᓴᐅᓪᓗᑎᒃ ᐊᐅᓚᖏᑦᑐᒥ ᕿᓚᖕᒥ ᓄᓇᕐᔪᐊᕐᒥᒃ ᖃᐅᒪᑎᑦᓯᖁᓪᓗᒋᑦ, ᑍᒤᓕᕐᐳᕐᓗ. 16ᒎᑎᓗ ᒪᕐᕉᖕᓂᒃ ᖃᐅᒪᑎᑦᓯᓂᕐᐹᖕᓂᒃ ᐱᓐᖑᕐᑎᑦᓯᕗᖅ, ᖃᐅᒪᓂᕐᓴᖅ ᐊᐅᓚᑦᓯᖁᓪᓗᒍ ᐅᓪᓗᒃᑯᑦ, ᖃᐅᒪᖏᓐᓂᕐᓴᕐᓗ ᐊᐅᓚᑦᓯᖁᓪᓗᒍ ᐅᓐᓄᐊᒃᑯᑦ; ᐅᓪᓗᕆᐊᓪᓗᑦᑕᐅᖅ ᐱᓐᖑᕐᑎᑉᐰᑦ. 17ᑖᒃᑯᐊᓗ ᒎᑎᐅᑉ ᐊᐅᓚᖏᑦᑐᒥ ᕿᓚᖕᒥ ᐃᓂᖃᕐᑎᑉᐰᑦ ᓄᓇᕐᔪᐊᖅ ᖃᐅᒪᑎᑕᐅᖁᓪᓗᒍ, 18ᖃᐅᒪᓂᕐᐹᕐᑕᖃᖁᓪᓗᒍ ᐅᓪᓗᒃᑯ ᐅᓐᓄᐊᒃᑯᓪᓗ ᑖᕐᑐᐊᓗᒃ ᐊᕕᒡᓗᒍ ᖃᐅᒪᔪᒥᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 19ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕆᕗᖅ, ᑕᕝᕙ ᐅᓪᓗᐃᑦ ᓯᑕᒪᖓᑦ.
20ᒎᑎᓗ ᐅᖃᕆᕗᖅ, “ᐃᒪᖅ ᐃᒪᕐᒥᐅᑕᓂᒃ ᐆᒪᔪᖃᕐᓕ ᐅᓄᕐᑐᕐᔪᐊᓂᒃ, ᓯᓚᓗ ᑎᖕᒥᐊᖃᕐᓕ ᓄᓇᐅᑉ ᖁᓛᒎᑦ ᑎᖏᕙᒃᑐᓂᒃ ᕿᓚᖕᒥ ᐊᐅᓚᖏᑦᑐᒥ.” 21ᑍᒫᒃ ᒎᑎ ᐱᓐᖑᕐᑎᑦᓯᕗᖅ ᐆᒪᔪᐊᓗᖕᓂᒃ ᐊᖏᔪᓂᒃ ᐃᑎᔪᒥᐅᑕᕐᓂᒃ ᐆᒪᔪᓕᒫᓂᒡᓗ ᐃᖏᕐᕋᔪᓐᓇᕐᑐᓂᒃ, ᐃᒪᕐᒥᐅᑕᕐᓂᒃ ᐃᒻᒥᒍᑦ ᐊᑦᔨᒌᖕᓂᖃᕐᑐᓂᒃ ᐅᓄᕐᑐᕐᔪᐊᓂᒃ, ᑎᖕᒥᐊᓂᒡᓗ ᐃᒻᒥᒍᑦ ᐊᑦᔨᒌᖕᓂᖃᕐᑐᓂᒃ ᐅᓄᕐᑐᕐᔪᐊᓂᒃ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 22ᒎᑎᐅᓪᓗ ᓮᒻᒪᕐᑎᑉᐰᑦ, ᐅᖃᕐᓗᓂ, ᕿᑐᕐᖏᐅᓕᕆᑦᓯ ᐅᓄᕐᓯᓗᓯᓗ ᐃᒪᕐᕕᒃ ᐆᒪᔪᓂᒃ ᑕᑕᓪᓗᒍ, ᑎᖕᒥᐊᓪᓗ ᐅᓄᕐᓯᓕᑦ ᓄᓇᕐᔪᐊᕐᒥ. 23ᐅᓐᓄᐊᖑᓚᐅᕐᓗᓂ ᐅᓪᓛᓐᖑᕐᐳᖅ ᑕᕝᕙ ᐅᓪᓗᑦ ᑕᓪᓕᒪᖓᑦ.
24ᒎᑎᓗ ᐅᖃᕆᕗᖅ, “ᓄᓇᕐᔪᐊᖅ ᐆᒪᔪᖃᕐᓕ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ; ᐱᓱᒃᑎᓂᒃ ᐹᕐᖑᕐᑐᓂᒡᓗ ᓄᓇᒥ ᓄᔪᐊᕐᑐᓂᒃ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ.” ᑍᒤᓕᕐᐳᕐᓗ. 25ᒎᑎᐅᓪᓗ ᑕᒪᕐᒥᒃ ᑕᒪᒃᑯᐊ ᐱᓐᖑᕐᑎᑉᐰᑦ ᐆᒪᔪᐃᑦ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᐹᕐᖑᕐᑐᓪᓗ ᒪᓂᖅᑲᒥ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.
26 #
1 ᑯᕆᓐᑎ 11:7. ᑕᕝᕙ ᒎᑎ ᐅᖃᕆᕗᖅ, “ᒫᓐᓇᓕ ᐃᓄᖕᒥᒃ ᐊᑦᔨᑦᑎᓐᓂᒃ ᓴᓇᓚᐅᕐᑕ, ᐅᕙᑦᑎᓐᓂᒃ ᐊᑦᔨᖃᐸᓗᖕᓂᐊᕐᑐᓂᒃ; ᐊᖓᔪᖅᑲᐅᓂᐊᕐᑐᓂᒃ ᐃᖃᓗᖕᓄᑦ ᐃᒪᕐᒥᐅᑕᓄᓪᓗ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐆᒪᔪᓕᒫᓄᓪᓗ ᓄᔪᐊᖏᑦᑐᓄᑦ, ᓄᓇᒦᑦᑐᓕᒫᓄᓪᓗ, ᐹᕐᖑᕐᑐᓄᓪᓗ ᑕᒤᓐᓂᒃ ᓄᓇᒥ ᐹᕐᖑᕐᑐᓕᒫᓄᑦ.” 27#ᒨᓯᓯ ᓯᕗᓪᓖᑦ 5:1,2.#ᒫᑎᐅᓯ 19:4; ᒫᑯᓯ 10:6.ᑕᕝᕙ ᒎᑎ ᓴᓇᕗᖅ ᐃᓄᖕᒥᒃ ᐃᒻᒥᑐᑦ ᐊᑦᔨᖃᕐᑎᓪᓗᒍ, ᑕᕝᕙ ᒎᑎ ᐊᑦᔨᒥᓂᒃ ᐃᓄᖕᒥᒃ ᓴᓇᕗᖅ; ᐂᑉᐹ ᐊᖑᑕᐅᓪᓗᒍ ᐂᑉᐹᓗ ᐊᕐᓇᐅᓪᓗᒍ ᓴᓇᕚᒃ. 28ᒎᑎᐅᓪᓗ ᑖᒃᑯᐊᒃ ᓮᒻᒪᕐᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᕐᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᕐᓗᒍᓗ; ᐊᖓᔪᖅᑲᐅᕕᒋᓕᕐᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.” 29ᒎᑎᓗ ᐅᖃᕆᕗᖅ, “ᑕᑯᒋᑦ, ᑐᓂᓯᕕᒋᕙᑦᓯ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᓂᒃ ᑕᒤᓐᓂᒃ ᐱᕈᕐᓯᐊᒃᓴᓕᐅᕐᑐᓂᒃ ᓄᓇᕐᔪᐊᕐᒥ, ᓇᐹᕐᑐᓂᒡᓗ ᑕᒤᓐᓂᒃ ᐱᕈᕐᓯᐊᒃᓴᓕᖕᓂᒃ ᐸᐅᕐᖓᒥᖕᓂᒃ; ᑕᒪᒃᑯᓂᖓ ᓂᕿᒃᓴᖃᖁᓪᓗᓯ. 30ᐊᒻᒪᑦᑕᐅᖅ ᐆᒪᔪᓕᒫᑦ ᓄᓇᕐᔪᐊᕐᒥ, ᑎᖕᒥᐊᓕᒫᓪᓗ ᖃᖓᑕᕙᒃᑐᑦ, ᐹᕐᖑᕐᑐᓕᒫᓪᓗ ᓄᓇᒥ, ᐊᓂᕐᑎᕆᔪᓐᓇᕐᑐᓕᒫᑦ ᓄᓇᕐᔪᐊᕐᒥ, ᐱᕈᕐᑐᓕᒫᑦ ᑐᖑᔪᕐᑐᑦ ᓂᕿᒃᓴᐅᖁᓪᓗᒋᑦ ᑐᓂᕙᒃᑲ.” ᑕᒪᓐᓇᓗ ᑍᒤᓕᕐᐳᖅ. 31ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.
ទើបបានជ្រើសរើសហើយ៖
ᒨᓯᓯ ᓯᕗᓪᓖᑦ 1: EAIB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Eastern Arctic Inuktitut Bible © Canadian Bible Society, 2012, 2021-2023.