मती 2
2
पुरुब एतेन बिदुवानकु वेज्ना
1हेरोद राजा राइज याते दोहोनय घनी, जहुदिया देस रआ बयतुलम डीही रे ईसु रआ जनम होयावलेना होनाघनी पुरुब एतेन बिदुवानकु जेरुसलेम रे वेज्नाकु 2जोटोः हुँकू सोधव लिड्कुअकु, “जहुदीकु रेनि राजा जे जनम तनय हुँनि ओकारिया? चितानतआचि आले पुरुब रे होना रआ इपील ञेल तदियाले, आले हुँनि राजा जोहारवा तआ वेज् तनाले।”
3नोआँ अयुम केते राजा हेरोद, जोटोः जेरुसलेम रेनकु गोटे होड़ बोरो यनाकु। 4तब राजा हुँकू जहुदी होड़ रेनकु गोटे मुध पुरोहित जोटोः परमेसर रआ बचन सि-सिखाव अवलाकु जवार केते हुँकूइ सोधव लआ, “मसी रआ जनम ओकारे होयावओ चही?”
5हुँकू हुँनि कथा रुवड़वा लीदियाकु, “जहुदिया रआ बयतुलम रे, चितानतआचि परमेसर पड़ा एतेन दुखमाय अवला होड़कु पड़ा एतेन ओल लआ इदानआँ,
6 #
मीका 5:2
“‘ओय बयतुलम अमः दो जहुदा राइज रआ ओत रेमा,
अमः जहुदिया रेनकु हकिमकु एतेन ओका लेका रे हों गोटे एतेन हुडिञ कुनी मिआँ,
चितानतआचि अमः एतेन मियड् हकिम दिसतारोओय,
जे इञः रेनकु इस्राएल होड़ रआ देख भले रआ चरवाहा पड़ीयोओय।’”
7तब हेरोद बिदुवानकु सच मच राअ् केते सोधव लिड्कुअय हुँनि इपील ओका घनी ञेल दोहोलेनय। 8फिन हुँनि हुँकू बयतुलम बिदा लिड्कुअय जोटोः कथालअय, “जू सेनोःपे हुँनि सेंगोज् रआ बारे रे अछाते पता लगावेपे; जोटोः जब हुँनि ञमोअय, दो इञः हों खभाइर वाइञपे, ताकि इञः हों सेन कोते हुँनि जोहार वाइयञ।” मेनकेते हुँकू कथावा लिड्कुअय।
9हुँकू राजा रआ दुखमा अयुम केते सेनोः यनाकु, जोटोः जे इपील पुरुब रे ञेलोगोन दोहोनय। हुँनि हुँकू रआ मड़ाङ-मड़ाङ सेनलअय, जोटोः जे ठँव रे सेंगोज् ईसु दोहोलेनय हुँनि अगास रे तींगु यनाय। 10हुँकू होड़ हुँनि इपील ञेल केते अगम खुस यनाकु 11हुँकू होना ओड़ाः रे सोदोर कोते हुँनि सेंगोज् एंगाते मरियम अडेकु ञेल लिदिया, हुँकू बोहोः किंड़ु केते सेंगोज् ईसु जोहारवा लिदियाकु जोटोः अपन-अपन झोला सुःअ् केते हुँनि तआ सोना, लोहबन, जोटोः गंधरस भेंट रकब् लआकु।
12तब हुँकू कुमू रे चेतावनी ञम लआकु चि हेरोद एडे अलोपे रुवाड़कोः, हिनाते हुँकू एटाः होरा ते अपन देस रुवाड़ लेनाकु।
ईसु इदी केते मिस्र सेन
13हुँकू रुवाड़ लेनाकु हिना तयोम जोसेफ कुमू रे मियड् परभु रेनि सिरमा दुत ञेल लअय, हुँनि कथालअय, “बिरीड्मी, मुनी सेंगोज् जोटोः एंगाते इदी केते मिस्र देस ञीरेमी, जोटोः इञः जबरे कइञ कथा वाम तब रे हेनेन रे दोहोनमी; चितानतआचि हेरोद नु-ई सेंगोज् गोज् एंडाय तआ ञम यतियय।”
14तब हिना ञीन्द जोसेफ बिरीड् कनते सेंगोज् जोटोः एंगाते इदी केते मिस्र सेनोः यानय, 15#होसे 11:1जोटोः हेरोद गोजोः हमाः हेनेन रे दोहोलेनय चितानतआचि जे बचन परमेसर पड़ा एतेन दुखमाय अवला होड़कु पड़ा एतेन परभु कथा दोहोलअय पुरा योओ “इञः अपन होपोन मिस्र एतेन राअ् तदियाइञ।”
बालेड् कोड़ा सेंगोज्कु गोज् लिड्कुअय
16जब हेरोद ठुवा केदय चि बिदुवानकु इञः धोखा कीदिञाकु, हुँनि कयरव यानय। जोटोः बिदुवानकु जे समय बतलाव दोहोलआकु, मोताबिक बयतुलम जोटोः अस पस डीही रेनकु जे बार बरीस एतेन हुडिंञ गोटे कोड़ा सेंगोज्कु एर गोज् लिड्कुअय।
17तब परमेसर पड़ा एतेन दुखमाय अवला होड़ जिरमयाह जे कथा दोहोलअय हेंका पुराव लेना
18 #
जिर 31:15
“रामाह रे दुख रआ घोल अयुमोना होंडे अगम इयामे जोटोः खोभरावओः रआ घोल अयुमोना,
राहेल अपन सेंगोज् तआ इयाम यतेअय;
कहियो काय मटियाव ओना,
चितानतआचि हुँनि रेनकु सेंगोज्कु कुनीकुआ गोज्यनाकु।”
मिस्र देस एतेन रुवाड़ोः
19हेरोद गोज् कन तयोम, परभु रेनि सिरमा दुत मिस्र रे जोसेफ एडे कुमूरे ञेल लेनय जोटोः कथालअय, 20“बिरीड्मी, सेंगोज् जोटोः हुँनि एंगाते इदी केते इस्राएल राइज रे सेनोःमी, चितानतआचि जे सेंगोज् रआ जीवि अँगाव तआ अराव दोहोनय हुँनि गोज् यानय।”
21जोसेफ बिरीड् कनते सेंगोज् जोटोः एंगाते इदी केते इस्राएल राइज रे वेज्लेनय। 22बकिन जोसेफ अयुम लअय चि जहुदिया रे अनेज् अपाते हेरोद रआ ठँव रे अरखीलाउस राइज चलाव यतेअय, नोआँ अयुम केते होंडे सेन तआ बोरो यानय, जोटोः कुमू रे चेतावनी ञम केते गलील देस सेन कोते बसाव यनय 23#मर 1:24; लुका 2:39; जोह 1:45जोटोः नासरत ञुमुन डीही रे सेन बसाव लेनय ताकि जे परमेसर पड़ा एतेन दुखमाय अवला होड़कु पड़ा एतेन कथा लआ बचन पुरायोः “हुँनि नासरत रेनि कहलावओय।”
ទើបបានជ្រើសរើសហើយ៖
मती 2: BIX
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023 NLCI CC BY-NC-ND 4.0
