मती ञेपेल
ञेपेल
मती ओल लआ ईसु मसी रआ बढ़ियाँ दुखमा नवाँ नियम रआ होना चइरो बाही मे से मियड् हके, जे ईसु मसी रआ जिनगी रआ चइल-चलन रआ कबनित इदानआँ। होना मे से गोटा “बढ़ियाँ दुखमा” कहलावओ, जेकर रआ माने होयावओ “बढ़ियाँ खभाइर।” होना ईसु रआ गोज् कन तयोम मती, मरकुस, लुका जोटोः जोहन दोवसते ओल दोहोलआ। बिदवानकु ककु ठुवावना चि मती ओल लआ ईसु मसी रआ बढ़ियाँ दुखमा बस्ताव रे उकेन तारीख रे ओल लआ, बकिन अनुमान मोताबिक; नोआँ मसी रआ जनम रआ लगे भगे साठ बरिस तयोम ओल तड्आ मनावओकु नोआँ ओका ठाँव रे ओल तड्आ, नोआँ रआ जनकारी हों कोनाआँ, बकिन अगम होड़कु मनावओकु चि नोआँ पलीस्तीन रे ओल दोहोलआ, चहे हो सके जेरुसलेम सहर रे। नोआँ ओ-ओली मती हके, जे ईसु रेनि चेला रआ बोलाहट ञमे एतेन पहिल हुँनि तसिलदार दोहोलेनय। हुँनि लेवी रआ ञुमुन तेहों ठुवायति दोहोलेनाकु। मती 12 अगुवाकु मे से मियड् दोहोलेनय, जोटोः हुँनि जहुदी प-पढ़ावकु तआ ओल दोहोलअय। नोआँ 60 एतेन बगरा मारी नियम एतेन उदाहरन एम केते सफा-सफा ञेल सकावेए। हुँनि नोआँ बतलाव चहाव दोहोलेनय चि ईसु ही आगमजानी लआ रेनि परमेसर रेनि रींबड़ लिदी मसी दोहोलेनय। मती परमेसर रआ राइज बारे हों अगम ओल तड्अय। जहुदीकु रआ असरा दोहोलेना चि मसी राजनयतिक साम्राज्य रेनि मियड् राजा पड़ियोओय। मती अगम चड़चित दोहो कोते नोआँ सारी परमेसर रआ पुरा आतमिक राइज रआ कबनित केते चुनावती एमेअय। नवाँ नियम रआ बु-बुहड़ी तआ मती ओल लआ बढ़ियाँ दुखमा मियड् सुभरित बाही हके, चितानतआचि नोआँ बाही रे मारी नियम रआ अगम बगरा संदर्भ इदानआँ। नोआँ बरिया नियम जोरानेए। बिदवानकु नोंका हों मनावओकु चि मती हो सके मारी नियम रआ मुसा रआ पाँच बाही रआ नमूना ओतोङ याते दोहोनय। ईसु रआ टोंगरी उपदेस (मती 5:7) रआ जोखा परमेसर दोवसते मुसा तआ एम लआ नियम ते कराव सकावेए (नियम 19:3—28:33)।
रंङ-रुप
1. मती ओल लआ बढ़ियाँ दुखमा रआ बुहड़ी ईसु मसी रआ जनम हेनते हुँनि रआ सेवा रआ कबनित ते कराव तड्आ (1—4)
2. फिन मती ईसु रआ सेवा जोटोः हुँनि रआ अगम सारी सिछा रआ बारे रे कबनितेए (5—25)
3. मती रआ अखरी हिसा ईसु रआ सेवा रआ उनाती मनेकी हुँनि रआ गोजोः जोटोः जीवेड् बिरीदोः रआ बारे बतलावेए (26—28)
ទើបបានជ្រើសរើសហើយ៖
मती ञेपेल: BIX
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023 NLCI CC BY-NC-ND 4.0