Yona 2
2
Yona nɨ Yehova nɨ zijʉ vɨɨ
1Acete Yona nɨ ovʉrɨa ìꞌbi ɨ̀rɨ kɨ̀le vɨɨ alɨa, zi eꞌyo Yehova Orɨ ɨ̀rɨ awo vɨɨ tia ra. 2Zi Orɨ tia kɨ́nɨ̀:
“Manɨ ibúríá ovʉrɨa eꞌyo ɨ̀wa alɨa Yehova lá,
ma àꞌí mɨ bʉ àzàkoma ra,
díká mɨ ɨrɨ ma owa zitaa ra,
manɨ otarɨa mɨ bʉ dèè ma dìì kara ꞌba dràzà nɨ ovʉjʉ vɨɨ alɨa,
pàbaa mɨ ɨrɨ ma àálé rá.
3Mɨ ꞌbe ma mèrè alí be vɨɨ alɨa,
ànɨ ma apa mèrè ndee sotia dìì,
fè yí ndee sʉ ma drì cʉɨ́rɨ́rɨ́.
Díká yí ndee mɨ awo vɨɨ ɨ̀rɨ nzìzà drʉ,
rɨ nɨ ꞌbe ma drìa òkpo be ngʉ̀làngʉ̀là.
4Ma ɨga ace manɨ ma jàdrì ꞌdà ɨ,
mɨ ngaa mu ace ma ndre kʉ,
díká ma ngaa fɨ Orɨ jó mɨ awo àlá vɨɨ alɨa kʉ.
5Yí ndee sʉ ma ndulu lè fe má yɨ́ ambúambú,
díká mèrè ndee alí be vɨɨ òbɨ ma paaleko tree,
àgba yí alɨa vɨɨ ɨnɨ òtɨ́ ma cɨ.
6Ma zò kpere ꞌbee soti nɨ ɨꞌdorɨa àle,
fè nyawú aꞌbʉ́ ma drì kpúlùkpúlù.
Te Yehova Orɨ ma awo vɨɨ lá,
mɨ ɨ̀pʉ̀ ma ꞌbúlíá àle vɨɨ yɨ̀ ɨdrɨ drʉ ra.
7Sawà manɨ àꞌbaa así ꞌdujʉ ma ɨdrɨ drìa ra vɨɨ yɨ̀,
ma ɨga eꞌyo Yehova lá mɨ zijʉ ra,
ànɨ mɨ ɨrɨ ma awo zitaa vɨɨ ra,
Orɨ jó àlá mɨ awo vɨɨ alɨa.
8ꞌBa orɨa ɨnɨ ìnzì le vɨɨ,
ngáá mụụ asíndrɨ̀zà mɨ awo vɨɨ isú kʉ.
9Mà ngaa mụụ ɨtetaa ɨtee mɨ ìnzìjʉ,
mà ngaa mụụ ongo ìnzìtaa nɨ vɨɨ ɨnɨ ngoo,
mɨ rú inzújʉ́.
Mà ngaa mụụ òyò manɨ sòle mɨ́ yɨ́ eꞌyo ònyɨ̀be ꞌojʉ vɨɨ butia òbɨ̀ɨ kílílí rá.
Pataa ɨ ɨnga Yehova bʉ.”
10Tevɨ́nɨ Yehova fè ìꞌbi ndee ɨꞌbɨ Yona nɨ kúkutia àja.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yona 2: MADI-URL
Highlight
ಹಂಚಿಕೊಳ್ಳಿ
ಕಾಪಿ
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved