SENESI 36
36
Hakoga o Esau (Etome)
1Koeni te hakoga o Esau, ae ko Etome.
2Nee ohoana leva ia Esau mo ni taahine o Kanaane: ko Ata, ofafine o te tagata Eti ko Eloni; mo Oholipama, ofafine o Ana, ofafine o te tagata Evi ko Sipeoni; 3pea mo Pasemati, ofafine o Isemaele, tuagaane o Nepasote. 4Nee fanaui leva e Ata kia Esau ia Elifasi, pea nee fanaui leva e Pasemati ia Leuele; 5nee fanaui leva e Oholipama ia Seuse, mo Saelame, mo Kole. Ko te u foha aia o Esau ae nee tupu kia ia i te fenua o Kanaane. 6Nee ave leva e Esau ona ohoana, mo ona foha, mo ona ofafine, mo ona kauga api katoa, mo ana faga pipi, mo ana faga ovi, mo ana tao, pea mo ona koloa fuli ae nee ina mau i te fenua o Kanaane, pea nee alu leva ia ia ki he tahi ake fenua kehe, ke mamao mai tona tehina ko Sakopo. 7Koteuhi nee lahi osi ona koloa, pea nee mole kei feala ke na nofo fakatahi, pea nee mole kei feauga te fenua ae nee na nofo i ai ki ana faga manu. 8Nee nofo leva ia Esau i te mouga o Seili. Ko Esau, ko Etome aia.
9Koeni te hakoga o Esau, tamai a Etome, ae nee nofo i te mouga o Seili. 10Koeni te u higoa o te u foha o Esau: ko Elifasi, tama o tona ohoana ko Ata: mo Leuele, tama o tona ohoana ko Pasemati. 11Ko te u foha o Elifasi: ko Temane, mo Omale, mo Tesefo, mo Katami, mo Kenasi. 12Pea ko Timina ko te sinifu o te foha o Esau ko Elifasi; Nee ina fanaui leva kia Elifasi ia Amaleke. Ko te u foha aena o Esau kia Ata. 13Koeni te u foha o Leuele: ko Naate, mo Selake, mo Sama, mo Misa. Ko te u foha aena o Esau ki tona ohoana ko Pasemati. 14Koeni te u foha o Oholipama, taahine a Ana, taahine a Sipeoni. Nee ina fanaui leva kia Esau ia Seuse, mo Salami, mo Kole.
15Koeni te u aliki ae nee hoholo mai ai te u foha o Esau. Ko te u aliki ae nee hoholo mai ai te foha uluaki o Esau ko Elifasi: ko te aliki ko Temane, mo te aliki ko Omale, mo te aliki ko Tesefo, mo te aliki ko Kenasi, 16mo te aliki ko Kole, mo te aliki ko Katami, mo te aliki ko Amaleke. Ko te u aliki aia nee hoholo maia Elifasi, i te fenua o Etome. Ko te u foha aia o Esau ki tona ohoana ko Ata. 17Koeni te u foha o Leuele, foha o Esau: ko te pule ko Naate, mo te pule ko Selake, mo te pule ko Sama, mo te pule ko Misa. Ko te u pule aia nee hoholo maia Leuele, i te fenua o Etome. Ko te u foha aia o Esau ki tona ohoana ko Pasemati. 18Koeni te u aliki ae nee hoholo mai te u foha o te ohoana o Esau ko Oholipama: ko te pule ko Seuse, mo te pule ko Saelame, mo te pule ko Kole. Ko te u pule aia nee hoholo mai te ohoana o Esau ko Oholipama, taahine a Ana. 19Ko te u foha aena o Esau, ae nee liliu ko te u aliki o Etome. Ko Esau ko Etome.
20Koeni te u foha o Seili, ko te tagata Oli, ae nee uluaki nonofo i te fenua: ko Lotane, mo Sopale, mo Sipeoni, mo Ana, 21mo Tisoni, mo Etesele, mo Tisani. Ko te u aliki aia o te kau Oli, te u foha o Seili, i te fenua ko Etome. 22Ko te u foha o Lotane ko Oli mo Emami. Ko te tuagaane o Lotane ko Timina. 23Koeni te u foha o Sopale: ko Alevane, mo Manaate, mo Epale, mo Sefo, mo Onama. 24Koeni te u foha o Sipeoni: ko Asa mo Ana. Ko te Ana aia ae nee ina mau te u matapuna vai vevela i te toafa, i tana tauhi te u asino o tana tamai ko Sipeoni. 25Koeni te u fanau a Ana: ko Tisoni mo te taahine ko Oholipama. 26Koeni te u foha o Tisoni: ko Emitani, mo Esipani, mo Sitilane, mo Kelane. 27Koeni te u foha o Etesele: ko Pilane, mo Saavane, mo Akane. 28Koeni te u foha o Tisani: ko Usi mo Alane.
29Koeni te u aliki o te kau Oli: ko te aliki ko Lotane, mo te aliki ko Sopale, mo te aliki ko Sipeoni, mo te aliki ko Ana, 30mo te aliki ko Tisoni, mo te aliki ko Etesele, mo te aliki ko Tisani. Ko te u aliki aia o te kau Oli, ae nee natou mau i te fenua o Seili.
31Koeni te u hau ae nee pule i te fenua o Etome, ia mua o te fakanofo o he hau ki te u fanau o Iselaele. 32Ko Pela, ko te foha o Peoli, nee hau leva i Etome, ko te higoa o tona kolo ko Tinapa. 33Nee mate leva ia Pela, pea nee hau leva ia Sopape, ko te foha o Selake mai Potisela, o fetogi ia ia. 34Nee mate leva Sopape, pea nee hau leva ia Usami, mai te fenua o te kau Temane, o fetogi ia ia. 35Nee mate ia Usami, pea nee hau leva ia Atati, ko te foha o Petate, o fetogi ia ia. Ko ia ae nee ina tamatei leva ia Matiane i te gaueaga o Moape. Ko te higoa o tona kolo ko Aviti. 36Nee mate leva ia Atati, pea nee hau leva ia Samela mai Masileka, o fetogi ia ia. 37Nee mate leva ia Samela, pea nee hau leva ia Saulo mai Leopoti i te vaitafe, o fetogi ia ia. 38Nee mate leva ia Saulo, pea nee hau leva ia Paale-Anani, foha o Akepole, o fetogi ia ia. 39Nee mate leva ia Paale-Anani, foha o Akepole, pea nee hau leva ia Atale, o fetogi ia ia. Ko te higoa o tona kolo ko Pau; ko te higoa o tona ohoana ko Mesesapeele, ko te taahine o Mateleti, pea ko te mokopuna o Mesapi.
40Koeni te u higoa o te u aliki ae nee hoholo maia Esau, o mulimuli ki onatou famili, mo onatou kele, pea mo onatou higoa: ko te aliki ko Timina, mo te aliki ko Aliva, mo te aliki ko Seteti, 41mo te aliki ko Oholipama, mo te aliki ko Ela, mo te aliki ko Pinone, 42mo te aliki ko Kenasi, mo te aliki ko Temane, mo te aliki ko Mipisali, 43mo te aliki ko Maketiele, mo te aliki ko Ilame. Ko te u aliki aia o Etome, o mulimuli ki onatou nofoaga i te fenua ae nee natou mau. Koena ia Esau ko te tamai o Etome.
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland