ကမ္ဘာႏစ 1

1အစအရီးသွတ်ꩻ ဗွေႏဘုရာꩻ ထွိုင်ႏဖန်ဆင်ꩻ မာꩻထွာလွဉ် စကြာဝဠာႏချိန်ႏ၊ 2ဟံႏတန်နဝ်ꩻ အပွုံႏအပွိုင် အဲဉ်ထဝ်းတဲင် အဝ်ႏခြေင်ဒျာႏသွူ။ သမုဒ္ဒရာႏ အဝ်ႏလုမ်ႏတဲင် ထာꩻခေ့ꩻကရစ်ꩻတန်သွူ။ ဗွေႏဘုရာꩻ တန်ꩻခိုꩻနဝ်ꩻ #၁:၂ ဗွေႏဘုရာꩻအတန်ႏခိုꩻ မဉ်ႏတမွေးတဝ်း ဗွေႏဘုရာꩻ အဝိညာဉ်ႏတောႏ မဉ်ႏတမွေးတဝ်း တလီꩻကအဝ်ႏဗွေႏဘုရာꩻထျꩻမဉ်ႏတမွေးတဝ်း အံႏဖြာႏခရာႏ တလီꩻသန်တစွိုး အဝ်ႏတသွိုးထာꩻ ထီခိုႏလောင်းသွူ။ 3#၂ကော ၄:၆။ နဝ်ꩻထွူ ထာဝရဘုရာꩻ ဗွေႏဘုရာꩻ မိန်း၊ “ထာꩻလေ ရောင်ႏသွော့” တဲင် ထာꩻလေ ပေါႏလွဉ်စွဉ်ႏသွူ။ 4ဗွေႏဘုရာꩻ ထွိုင်ႏထီႏ ထာꩻလေ ဝွေꩻဗွေႏ နစ်သက်ဟဝ်ငါႏသွူ။ နဝ်ꩻထွူ အဝ်ႏထာꩻခေ့ꩻနဝ်ꩻ ဝွေꩻဗွေႏဖခေါ် ထာꩻလေ 5တဲင် ဝွေꩻဗွေႏဖန်ဟဲ့ꩻ ထာꩻလေနဝ်ꩻ “နီꩻ”တဲင် ထာꩻခေ့ꩻနဝ်ꩻဟဲ့ꩻ “နာꩻ” သွူ။ “ထာꩻခေ့ꩻ” လဲဥ်းထိုꩻထွူ “ထာꩻလေ” ဖျော်လွဉ်၊ နဝ်ꩻနဝ်ꩻထွာ အရီးသွတ်ꩻ ပထမနီꩻသွူ။

6-7 # ၂ပေ ၃:၅။ နဝ်ꩻထွူ ဗွေႏဘုရာꩻမိန်း၊ “ထီနဝ်ꩻ ယံကဖသွော့ ခင်ႏလမ်းနီထွောင်း၊ မို့ꩻဒို့ꩻနဝ်ꩻ ယံကပေါႏလွဉ်သွော့၊” နဝ်ꩻနဝ်ꩻ အထွာလွဉ်စွဉ်ႏသွူ။ ပွိုးနဝ်ꩻမꩻ ဗွေႏဘုရာꩻ မာꩻထွာလွဉ် မို့ꩻတဲင် ထီနဝ်ꩻ ဖအွဉ်ႏခေါ်ထိုꩻ ဆꩻလဖဲ့ꩻတွမ်ႏ ဆꩻကီဖဲ့ꩻသွူ။ 8ဝွေꩻဗွေႏ ဖန်ဟဲ့ꩻဖေႏ မို့ꩻဒို့ꩻနဝ်ꩻ “မို့ꩻ” သွူ။ ထာꩻခေ့ꩻလဲဉ်းထိုꩻ ထာꩻလေဖျော်လွဉ် နဝ်ꩻနဝ်ꩻ ထွာဒုတိယနီꩻသွူ။

9နဝ်ꩻထွူ ဗွေႏဘုရာꩻမိန်း၊ “ထီကအဝ်ႏ မို့ꩻဖဲ့ꩻလ လွဉ်အဝ်ႏစုခြွဥ်းသွော့ တထွောင်းချင်ႏ ဖေႏနေး ထာꩻပူႏကောင်သဲင် ကပေါႏလွဉ်” တဲင် ပေါႏလွဉ်စွဉ်ႏသွူ။ 10ဝွေꩻဗွေႏဖန်ဟဲ့ꩻ ကောင်သဲင်နဝ်ꩻ “ဟံႏတန်” တဲင် ထီကအဝ်ႏ စုဗူႏဝင်ꩻနဝ်ꩻဟဲ့ꩻ “ပင်ႏလယ်ႏသမုဒ္ဒရာႏ”သွူ။ ဗွေႏဘုရာꩻ ထွိုင်ႏထီႏနဝ်ꩻ ဝွေꩻဗွေႏ နစ်သက်ငါႏသွူ။ 11နဝ်ꩻထွူ ဝွေꩻဗွေႏမိန်း၊ “ဟံႏတန်နဝ်ꩻ ကရာႏဒါႏ ဗာႏမျိုꩻ အခူꩻသားတွမ်ႏ အကရာႏဒါႏ အရောင်ꩻအရာႏ သေင်ႏထာꩻမွူး အမျိုꩻမျိုꩻဖုံႏ ဒေါ့ꩻလွဉ်သွော့” တဲင် အဒေါ့ꩻလွဉ်မွေးသွူ။ 12ပွိုးဟံႏတန်လောင်း ထာꩻမွူးဖုံႏ ကားကအဝ်ႏ ဒေါ့ꩻဖြော့လွဉ်တဲင် ဗွေႏဘုရာꩻ ထွိုင်ႏထီႏနဝ်ꩻ ဝွေꩻဗွေႏ နစ်သက်ငါႏသွူ။ 13ထာꩻခေ့ꩻလဲဉ်းထိုꩻ ထာꩻလေဖျော်လွဉ် နဝ်ꩻနဝ်ꩻ ထွာလွဉ် တတိယနီꩻသွူ။

14နဝ်ꩻထွူ ဗွေႏဘုရာꩻမိန်း “မို့ꩻလောင်း ထာꩻလေ ပေါႏလွဉ်သွော့ ဖေႏကဖခေါ် နီꩻတွမ်ႏနာꩻတဲင် အွဉ်ႏနယ် အချိန်ႏ၊ မွူးနီꩻ၊ နေင်ႏ၊ ဘာႏသာႏရေꩻပွယ်ꩻ အဝ်ႏလွဉ်နဝ်ꩻသွူ။ #၁:၁၄ ဘာႏသာႏရေꩻပွယ်ꩻ မဉ်ႏတမွေးတဝ်း ရာႏသီႏဥတု 15ထာꩻလေအရောင်ႏ ဖေႏကတောင်ႏလေ မို့ꩻလောင်း ဖေႏကဖေႏသွော့ ဟံႏတန်ထာꩻလေ” တဲင် ထွာလွဉ်မွေးစွဉ်ႏသွူ။ 16ပွိုးနုဲင်းနဝ်ꩻ ဗွေႏဘုရာꩻမာꩻထွာ ထာꩻလေတန်နီဖြုံႏ၊ မွူးနဝ်ꩻ ဖေႏကအုပ်စိုꩻ မွူးနီꩻတွမ်ႏ လာနဝ်ꩻ ဖေႏကအုပ်စိုꩻ နာꩻတဲင် ဝွေꩻဗွေႏ ဖန်ဆင်ꩻပါ ဆာႏဖုံႏသွူ။ 17ထာꩻလေနဝ်ꩻ ဝွေꩻဗွေႏအွဉ်ႏ မို့ꩻလောင်း ဖေႏကတောင်ႏလေလင်ꩻ ဟံႏတန်သွူ၊ 18ဖေႏကအုပ်စိုꩻ မွူးနီꩻ တွမ်ႏမွူးနာꩻတဲင် ဖေႏနေးကဖခေါ် ထာꩻလေ တွမ်ႏထာꩻခေ့ꩻ ဗွေႏဘုရာꩻ ထွိုင်ႏထီႏနဝ်ꩻ ဝွေꩻဗွေႏ နစ်သက်ငါႏသွူ။ 19ထာꩻခေ့ꩻလဲဉ်းထိုꩻ ထာꩻလေဖျော်လွဉ် နဝ်ꩻနဝ်ꩻထွာ စတုတ္ထနီꩻသွူ။

20နဝ်ꩻထွူ ဗွေႏဘုရာꩻ ဖေႏအမိန်း၊ “ထီကိုနဝ်ꩻ ဖေႏကအဝ်ႏဗွေ သက်မွန်သတ္တဝါႏ အမျိုꩻမျိုꩻ တလီꩻကိုနဝ်ꩻတဲ့ ဖေႏကအဝ်ႏဗွေစွဉ်ႏ ဝါးအမျိုꩻမျိုꩻဖုံႏတဲ့ꩻ။” 21နဝ်ꩻမꩻ ဗွေႏဘုရာꩻဖန်ဆင်ꩻ ပင်ႏလယ်ႏ ဘီလူꩻတွမ်ႏ ထီသတ္တဝါႏ အမျိုꩻပေါင်ꩻ ကားကအဝ်ႏ တွမ်ႏဝါးဖုံႏ အမျိုꩻမျိုꩻသွူ။ ဗွေႏဘုရာꩻ ထွိုင်ႏထီႏနဝ်ꩻ နစ်သက်ငါႏသွူ။ 22သတ္တဝါႏ ကားကအဝ်ႏနဝ်ꩻ ဝွေꩻဗွေႏဖေႏ မင်္ဂလာႏတဲင် ဝွေꩻဗွေႏမိန်း သက်မွန်သတ္တဝါႏ ထီကို တိုꩻပွါꩻ အာလွဉ်သွော့ ယံကဗွေ သော့ꩻသွော့ ပင်ႏလယ်ႏကိုတဲင် ဝွေꩻဗွေႏမိန်းဖေႏ ဝါးဖုံႏအဗာႏ ဖေႏကတိုꩻပွါꩻ အာလွဉ်သွော့။ 23ထာꩻခေ့ꩻလဲဉ်းထိုꩻ ထာꩻလေဖျော်လွဉ် နဝ်ꩻနဝ်ꩻထွာ ပဉ္စမနီꩻသွူ။

24နဝ်ꩻထွူ ဗွေႏဘုရာꩻမိန်း၊ “ဟံႏတန်လောင်း ထာꩻသောင်ꩻထာꩻသား မျိုꩻပေါင်ꩻ ကားကအဝ်ႏ ထာꩻသားငဲ၊ ထာꩻသားမီꩻ၊ အတန်၊ အပေႏ၊ ကားကအဝ်ႏ ယံကတိုꩻပွါꩻ အာလွဉ်သွော့” နုဲင်းနဝ်ꩻတဲင် ထွာလွဉ်မွေးသွူ။ 25ပွိုးနဝ်ꩻမꩻ ဗွေႏဘုရာꩻ ဖန်ဆင်ꩻ မာꩻထွာလွဉ်နဝ်ꩻဖုံႏ ကားကအဝ်ႏတဲင် ဝွေꩻဗွေႏ ထွိုင်ႏထီႏနဝ်ꩻ နစ်သက်ငါႏသွူ။

26 # ၁ကော ၁၁:၇။ နဝ်ꩻထွူ ဗွေႏဘုရာꩻမိန်းရိုꩻ “ယိုခါ နီအီႏမာꩻထွာလွဉ်လိုꩻ၊ ဝွေꩻသီးနဝ်ꩻ အပွိုင် ပွုံႏသဏ္ဌာန်ႏနဝ်ꩻ အီႏဗွိုန်နုဲင်းနီသွူ။ ဝွေꩻသီးအီႏအုပ်စိုꩻ ထီသတ္တဝါႏ ဝါးတွမ်ႏ ထာꩻသားငဲတွမ်ႏ ထာꩻသားမီꩻ တိရစ္ဆာန်ႏပေႏတန် ကားကအဝ်ႏသွူ။” 27#မ ၁၉:၄၊ မာ ၁၀:၆။ #ကမ္ဘာႏ ၅:၁–၂။ ပွိုးနဝ်ꩻမꩻ ဗွေႏဘုရာꩻ ဖန်ဆင်ꩻ မာꩻထွာလွဉ် လိုꩻနဝ်ꩻ မာꩻဗွိုန်နုဲင်း ဝွေꩻဗွေႏနမ်း ပွုံႏသဏ္ဌာန်ႏတဲင် မာꩻထွာလွဉ် အခိုတွမ်ႏ အမူႏသွူ။ 28ဝွေꩻဗွေႏဖေႏ ဝွေꩻသီး မင်္ဂလာႏရိုꩻ “သီပိုလီꩻစွိုးခွိုꩻဖုံႏ ဖေႏကအာ ယံဖေႏ ကအုံအဝ်ႏဗွေ သော့ꩻသွော့ ဟံႏတန်လောင်းတဲင် အွဉ်ႏဝွေꩻသီးထိန်ꩻထွား ထပေႏဖုံႏ ဝါးဖုံႏတွမ်ႏ တိရစ္ဆာန်ႏမီꩻဖုံႏ ကားကအဝ်ႏနဝ်ꩻသွူ။ 29ခွေအီႏဖေႏသီ အံႏတာႏ ဗာႏအရာႏအခူꩻသား ကားကအဝ်ႏ တွမ်ႏသေင်ႏရောင်ꩻ သေင်ႏရာႏ ကားကအဝ်ႏ နဝ်ꩻသွူ။ 30ကွဲတွော့ꩻ ထာꩻသားမီꩻဖုံႏတွမ်ႏ ဝါးဖုံႏအံႏတာႏနဝ်ꩻ ခွေအီႏဖေႏဝွေꩻသီး ထာꩻအီႏတွမ်ႏ သေင်ႏမွူး အမျိုꩻမျိုꩻဖုံႏ” တဲင်အထွာလွဉ်စွဥ်ႏသွူ။ 31ဗွေႏဘုရာꩻထွား ဝွေꩻဗွေႏ ကဖန်ဆင်ꩻ မာꩻထွာလွဉ်လဲဉ်း ထာꩻဖုံႏ ကားကအဝ်ႏတဲင် ဝွေꩻဗွေႏနဝ်ꩻ နစ်သက်ဟဝ်မွေးငါႏသွူ။ ထာꩻခေ့ꩻလဲဉ်းထို ထာꩻလေဖျော်လွဉ် နဝ်ꩻနဝ်ꩻထွာ ဆဌမမွူးနီꩻသွူ။