ကမ္ဘာႏစ 2
2
1စကြာဝဠာႏ တဗာႏလွုမ်းနဝ်ꩻ ဖန်ဆင်ꩻ စွုမ်ႏစေ့ꩻလို့လဲဉ်းသွူ။ 2#ထလ ၂၀:၁၁။ #ဟေဗြဲ ၄:၄၊ ၁၀။ သတ္တမမွူးနီꩻနဝ်ꩻ နုဲင်းဝွေꩻဗွေႏ ကမာꩻလဲဉ်း ထာꩻမာꩻဖုံႏနဝ်ꩻ ထွူလို့လဲဉ်းနဝ်ꩻမꩻ အွဉ်ႏထွူထိုꩻထာꩻမာꩻသွူ။ 3သတ္တမမွူးနီꩻနဝ်ꩻ ဝွေꩻဗွေႏဖေႏ မင်္ဂလာႏတဲင် ထွော့အွဉ်ႏမွူးနီꩻဟဝ် မွူးနီꩻမျတ်သွူ။ ပွိုးစွဉ်ႏအနီꩻနဝ်ꩻ ဝွေꩻဗွေႏဖန်ဆင်ꩻ မာꩻထွူလို့လဲဉ်း အတွက် အွဉ်ႏထွူထိုꩻ ထာꩻမာꩻတဲင် ထွာမွူးနီꩻ အုံပဆားသွူ။ 4တွမ်ႏအနယ်ꩻ နုဲင်းယိုတဲင် ဖန်ဆင်ꩻမာꩻထွာလွဉ် စကြာဝဠာႏ ဟံႏတန် နုဲင်းမုဲင်ꩻခရာႏသွူ။
ဧဒေင်ဥယျာဉ်ႏခြံ
ထာဝရဘုရာꩻ ဗွေႏဘုရာꩻ #၂:၄ ထာဝရအဗွေႏ (ထာဝရဘုရာꩻ)၊ ဟေဗြဲလိတ်မူ ဇာႏတိကိုနဝ်ꩻ ယာဝွေး၊ ဝွေꩻသီး အထွုံꩻစံႏ ဓလေ့ကိုနဝ်ꩻ အငဝ်းထန်ႏဒျာႏ ယေဟောဝါ ကဖန်ဆင်ꩻမာꩻထွာ စကြာဝဠာႏ ဟံႏတန်ချိန်ႏ 5ဟံႏတန်လောင်းနဝ်ꩻ သေင်ႏမွူးဖုံႏ အဲဉ်ထဝ်းတဲင် ထာꩻခြွီဖုံႏတဲ့ လꩻဖြော့ဒေါ့ꩻလွဉ်ဒွိုန်း၊ ပွိုးတွော့ꩻ ဝွေꩻဗွေႏ တအွဉ်ႏစွꩻလွဉ် တဝ်းဒွိုန်းခမ်း တစိꩻစိꩻတဲင် ဟံႏလောင်း၊ ပါမုဲင်ꩻတဲ့ တဆို့ꩻရုဲင် တဝ်းဒွိုန်းသွူ။ 6ကွဲႏတွော့ꩻ ထီနဝ်ꩻ အဝ်ႏဟံႏကို အီႏထန်ႏလွဉ်တဲင် မာꩻစဝ်ႏဖေႏဟံႏသွူ။
7 #
၁ကော ၁၅:၄၅။ နဝ်ꩻထွူ ထာဝရဘုရာꩻ ဗွေႏဘုရာꩻ ထူႏဟံႏယင်ဟန်ႏ ဟံႏလောင်းတဲင် မာꩻလိုꩻခိုတဖြာꩻ တွမ်ႏဟံႏနဝ်ꩻသွူ။ ဝွေꩻဗွေႏ သာသော့ꩻဖေႏ အသက်ထာꩻသာ ဝွေꩻအနေ့ဖူကိုတဲင် လိုꩻခိုနဝ်ꩻ အသက်မွန်လွဉ်သွူ။
8နဝ်ꩻထွူ ထာဝရဘုရာꩻ ဗွေႏဘုရာꩻ ဆို့ꩻဖေႏဥယျာဉ်ႏ ဧဒေင်ခြံကို အခဝ်ကွဉ်ႏဖဲ့ꩻတဲင် ဝွေꩻဗွေႏ ကဖန်ဆင်ꩻဒါႏ လိုꩻခိုနဝ်ꩻ ဝွေꩻဗွေႏ အွဉ်ႏအုံသော့ꩻ နဝ်ꩻကိုသွူ။ 9#ဗျာ ၂:၇၊ ၂၂:၂၊ ၁၄။ ဝွေꩻဗွေႏ ကဖန်ဆင်ꩻဒါႏ သေင်ႏတရေꩻဖုံႏ ကားကအဝ်ႏ ဒေါ့ꩻလွဉ်သော့ꩻ ဥယျာဉ်ႏခြံကိုတဲင် အရာႏဟဝ်ဖုံႏ ရာႏလွဉ်သွူ။ ဥယျာဉ်ႏခြံ ကဲဥ်ကိုနဝ်ꩻ သေင်ႏကဖေႏ အသက်မွန်အီ မွူးတွမ်ႏ သေင်ႏကသေအီဒါႏ အဟဝ်တွမ်ႏ အကုဲင်မွူးနဝ်ꩻ အဝ်ႏဒေါ့ꩻသော့ꩻသွူ။
10ဥယျာဉ်ႏခြံ ဖေႏထီကစိုႏနဝ်ꩻ ထီခြောင်တန် အဝ်ႏတလီးသွူ။ ကာႏလဲဉ်းထိုꩻ ဥယျာဉ်ႏခြံ ထီခြောင်တန်နဝ်ꩻ အဖထန်ႏထိုꩻ လစ်ꩻလီးသွူ။ 11ပထမ ထီခြောင်နဝ်ꩻဟဲ့ꩻ ဖိရုန် ခြောင်တန်သွူ။ ခြောင်တန်နဝ်ꩻနဝ်ꩻ အဝ်ႏထွတ်ꩻလေပ်ခူလင်ꩻစွဥ်ႏ ဟာဝိလ တခမ်းလွုမ်းသွူ။ 12(ခမ်းနဝ်ꩻ ခံꩻထန်ႏတဲင် ကထန်ႏဒါႏခံꩻနဝ်ꩻ ထွာခံꩻလွစ်ခံꩻဟဝ်တွော့ꩻ အငိုꩻတန် ရာရဲ နံꩻသာႏဟွမ်တွမ်ႏ သဲင်ဟဝ် လုံးမျတ်တဲ့ꩻ ထန်ႏသွူ။) 13ဒုတိယ ခြောင်တန်နဝ်ꩻဟဲ့ꩻ ဂိဟုန် သွူ၊ ခြောင်နဝ်ꩻ အဝ်ႏထွတ်ꩻလေပ်ခူလင်ꩻစွဉ်ႏ ကုသျ တခမ်းလွုမ်းသွူ။ 14တတိယ ခြောင်တန်နဝ်ꩻဟဲ့ꩻ တုဲင်းဂရစ် ခြောင်တန်တဲင် ထွတ်ꩻလင်ꩻ အာသီးရီးယားခမ်း အခဝ်ကွဉ်ႏဖဲ့ꩻသွူ။ စတုတ္ထ ခြောင်တန်နဝ်ꩻဟဲ့ꩻ ဥဖရတ် ခြောင်တန် သွူ။
15နဝ်ꩻထွူ ထာဝရဘုရာꩻ ဗွေႏဘုရာꩻ အွဉ်ႏအုံသော့ꩻ လိုꩻခို ဧဒေင် ဥယျာဉ်ႏခြံကို ဖေႏနေး ကမွဉ်းဖျင် ပွေါးထွားဖေႏသွူ။ 16ထာဝရဘုရာꩻ ဗွေႏဘုရာꩻ မိန်းဖေႏဝွေꩻ၊ “ဥယျာဉ်ႏခြံကို သေင်ႏမွူးအရာႏဖုံႏ ကားကအဝ်ႏနဝ်ꩻ နာꩻအံႏလꩻလို့ဒျာႏ၊ 17လွိုတဲင်သေင်ႏမွူး ပညာႏကသေအီဒါႏ အဟဝ်တွမ်ႏအကုဲင် အမွူးရာႏနဝ်ꩻ အံႏလꩻလို့ဒျာႏ။ သေင်ႏနဝ်ꩻ တမွူးရာႏနဝ်ꩻ အံႏဗာႏတဝ်း နာꩻမဉ်ႏအံႏ အနီꩻနဝ်ꩻ နာꩻအီႏသီဗာႏ” နုဲင်းနဝ်ꩻသွူ။
18နဝ်ꩻထွူ ထာဝရဘုရာꩻ ဗွေႏဘုရာꩻ မိန်းရိုꩻ “လိုꩻခိုတာႏ အုံအဝ်ႏ တဖြာꩻဒျာႏနဝ်ꩻ တဟဝ်တဝ်း၊ ဖေႏနေးကစွဲကို မဲဉ်ႏသꩻလꩻဝွေꩻနဝ်ꩻ သင်ꩻရာꩻ ခွေအီႏမာꩻဖေႏ” နုဲင်းနဝ်ꩻသွူ။ 19ပွိုးနဝ်ꩻမꩻ ဝွေꩻဗွေႏထူႏ ဟံႏယင်ဟန်ႏ ဟံႏလောင်းတဲင် ဖန်ဆင်ꩻမာꩻ တိရစ္ဆာန်ႏ ကားကအဝ်ႏတွမ်ႏ ဝါးဖုံႏ ကားကအဝ်ႏထွူ ဝွေꩻအီႏ ဖန်ဟဲ့ꩻဖေႏ ဝွေꩻသီးမဉ်ꩻ နုဲင်းမုဲင်ꩻဖေႏကသေနဝ်ꩻ ဝွေꩻဗွေႏ အီလွဉ်ဖေႏ လိုꩻခိုထျꩻနဝ်ꩻသွူ။ 20ပွိုးနဝ်ꩻမꩻ လိုꩻခိုဖေႏ ဝါးဖုံႏ ကားကအဝ်ႏတွမ်ႏ ထာꩻသားဖုံႏ ကားကအဝ်ႏ အမဉ်ꩻသွူ။ ကွဲတွော့ꩻ နဝ်ꩻဖုံႏနဝ်ꩻ တဗာႏငါတဲ့ စွဲကို မဲဉ်ႏသꩻလꩻဝွေꩻ တပါတဝ်းသွူ။
21နဝ်ꩻထွူ ထာဝရဘုရာꩻ ဗွေႏဘုရာꩻ အွဉ်ႏဗေင်ႏတဖေင်ꩻထိုꩻ လိုꩻခိုတဲင် အတွင်ꩻ ဝွေꩻကအဝ်ႏဗေင်ႏ တဖေင်ꩻထာꩻချိန်ႏ ဝွေꩻဗွေႏ ထေထန်ႏ လိုꩻခိုအရွို့ဆွတ်ꩻ တလီးတဲင် အွဉ်ႏပစ်ꩻ ဗွေသော့ꩻဖေႏယင်း အယာႏသွူ။ 22တွမ်ႏလိုꩻခိုရွို့ဆွတ်ꩻ ဝွေꩻဗွေႏမာꩻထွာ လိုꩻမူႏထွူ အီလွဉ်ဖေႏ ဝွေꩻထျꩻသွူ။ 23နဝ်ꩻထွူ လိုꩻခိုရိုꩻ
“ယိုတဖြာꩻမꩻ ထွာခွေခွိုꩻမျိုꩻ ဝွေꩻယိုနဝ်ꩻ
အဝ်ႏခွေဆွတ်ꩻကို ထေထန်ႏလွဉ် အဆွတ်ꩻဒျာႏ။
အဝ်ႏခွေအယာႏမꩻ အယာႏ။ ဝွေꩻမူႏယိုနဝ်ꩻ ပွိုးထေထန်ႏလွဉ် လိုꩻခိုထျꩻတဲင် ဖန်ဟဲ့ꩻဗာႏ လိုꩻမူႏ” နုဲင်းနဝ်ꩻသွူ။
24 #
မ ၁၉:၅၊ မာ ၁၀:၇–၈၊ ၁ကော ၆:၁၆၊ ဧ ၅:၃၁။ ပွိုးနဝ်ꩻမ လိုꩻခိုတဖြာꩻယို ဝွေꩻအွဉ်ႏကုဲင်ထိုꩻ အမွိုးဖါတဲင် အုံငီꩻ တလွောင်ႏတဗူႏတွမ်ႏ ဝွေꩻမာꩻတွော့ꩻ ဝွေꩻသီးယိုထွာဗာႏ တဖြာꩻချင်ႏသွူ။
25လိုꩻခိုတွမ်ႏလိုꩻမူႏ ဝွေꩻသီးဝင်ꩻနီယို အခွမ်ꩻလာꩻ တပါတဝ်းတဲ့ꩻ တဝင်ꩻသꩻ လို့တဝ်းဝင်ꩻသွူ။
Pao Bible Common Language© Bible Society of Myanmar, 2019.