Baverset oyo Eyebani Mpenza ewuti na Jono 14

Kabola

Me mukav tumenge e patia. Me či dav la tumenge sar e lumia del la. Ke tumaro ilo te na rimol pe, ai te na daral.

O Jesus phenel leske: Me sim e vurma, o čačimos, ai o traio. Khonik či avel ka o Dad ke ferdi mandar.

Ke tumaro ilo te na rimol pe. Patian ande o Del, ai patian ande mande.

Numa kudo kai lela sama tumendar, o Duxo Svinto, kai o Dad tradela ande muřo anav, sikiarela tume sa kadala dieli, ai dela tumen godji sa so me phendem tumenge.

Kudo kai si les muře poronki ai kai garavel le, kudo si kai kamel ma; ai kudo kai kamel ma avela drago muře Dadeske, me kamava les, ai me kerava te prinžiarel ma.

Ai me, me řudjiva le Dades, ai vo tradela tumenge jekh kaver kai lela sama tumendar, eta te bešel sakda tumensa. Vo si o Duxo le čačimasko, kai e lumia naštil te lel, ke vo či dikhel les ai či žianel les; numa tume, tume žianen les, ke vo bešel tumensa.

Ai sa so tume mangena ande muřo anav, me kerava les, eta ke te o Dad luvudil pe ande o Šiav. Te mangena mandar vareso ande muřo anav, me kerava les.

Te kamena tume ma, garavena muře poronki.

Si but thana kai te bešen ande o kher muře Dadesko; te na avilinosas kadia, me phendemas les tumenge. Me žiav te lašiarav tumenge jekh than.

Ai, kana me žiavatar, ai ke lašiardem tumenge jekh than, me avava palpale, ai me lava tumen mansa. Eta ke kothe kai me avava t'aven vi tume.

O Tomas phenel leske: Baria, ame či žianas kai tu žias; sar žianasa ame e vurma?