Baverset oyo Eyebani Mpenza ewuti na Jono 15

Kabola

Me sim e rez, tume san le řaja. Kudo kai bešel ande mande ai ande kaste me bešav del but fruti, ke bi mango tume naštin te keren khanči.

Bešen ande mande, ai me bešava ande tumende. Sar e řai naštil anda peste te del fruta, te na avela phangli ka e rez, kadia vi tume naštin, te na bešena ande mande.

Te bešena tume ande mande, ai ke muře vorbi bešen ande tumende, mangen so tume kamen, ai avela tumen dino.

Nas ke tume alosardian man; numa me, me alosardem tumen, ai me thodem tumen, ai ke tume t'anen fruta, ai ke tumari fruta te bešel, eta ke so tume mangena katar o Dad ande muřo anav, vo del les tumenge.

Nai mai baro kamimos ke te des tjiro traio pala vortača.

Sako řai kai si ande mande ai kai či del fruta, vo šinel la; ai sako řai kai del fruta, vo lašiarel la, eta te del mai but fruta.

Kathe si muři poronka: T'aven drago jekh avreske, sar mange sanas drago.

Te dena tume but fruta, kadia muřo Dad avela luvudime, ai ke tume avena muře vortača.

Me sim e čači rez, ai muřo Dad kai lel sama.

Te si varekon kai či bešel ande mande, si šiudino avri, sar e řai, ai šukiol; porme kjiden le řaja, šiuden le ande e jag, ai von phabon.

Me phendem tumenge kadala dieli, eta ke te muři veselia t'avel ande tumende, ai ke tumari veselia t'avel vorta.

Te garavena tume muře poronki, tume bešena ande muřo kamimos, sar ke me garadem le poronki katar muřo Dad, ai ke me bešav ande lesko kamimos.

So me porončiv tumenge, si t'avel drago jekh avreske.

Te sanas tume anda e lumia, e lumia kamelas tumen, numa ke tume či mai san anda e lumia, ai ke me alosardem tumen anda e lumia, anda kudia e lumia vuřitsil tumen.