Baverset oyo Eyebani Mpenza ewuti na Jòvánì 16

Kabola

Ye ꞌdè ndâ có tí nò ji yo tacó wàa, yo ꞌví dù nìkì maa ta ṛè ye. Ndâ vò i bà ꞌde yo muu to tí nó me gbolò, káa yo ꞌví zèè njembí yo, tacó ye kpò muu ndâ vò i muu to tí nó gî.»

À má énò, Bèṛi-mì-Mbíṛì, tí mbe kû co tí kpokèjì mì yúcó má gì gî, a yí ká bà tè kùṛo yo co tí kpokèjì mì yúcó. Tacó yí bà gì gí bà ꞌdè me ꞌdóó có mì wó gbí muu wó lá. Yí bà gì gí bà ꞌdè ji yo káa ndâ có ŋìnó náa yí ꞌdi nô. Yí bà gì gí bà ma có ndâ i ŋìnó kèjì nô.

Yo yee tí kpónó jé yù i ꞌdo mì Bu ye ta ṛè ye lá. Má énò, yo ꞌbìtà bà yù i ta ṛè ye á ꞌdo tí kpónó, wàa yí bà je ji yo gî. Tacó wàa yo ꞌví dù ta líkíꞌo tí yo ta ꞌbí i mbe gboo ꞌdo mì yo wálá.

Káa ye bà ngùù yúcó ꞌdo tí yo wálá: ye kû ya nó tí nò kpolo ma a i tacó tí yo, tacó ye má ya lá, mbe kpo-gbí-tà-tù yo tí nò bà gì wálá. Káa ye má ya gî, ye bà tuu yí gì tí  ji yo. Yí má gì gî, a yí ká bà ꞌdè có ŋìnó mbe ya gí gbí muu ndâ ꞌduù gítí ndâ vò i, ta ꞌduù ŋìnó mbe ya jáá nó, ta bà waa có mì Mbíṛì.

Nògí, yo kpónó kû zuu nje yo á go bà zuu nje mbe gó-káyì. Káa tàkòcò yo bà giì peteke gî, tacó ndoo bà ꞌde tí ndoo ta ndoo kákáꞌi gî. ꞌBí ꞌduù mbe volo gbí líkíꞌo tí nò náa ye bà je ji yo nò, bà dù wálá. O tí nò má gì gî, yo bà ꞌvee ye gítí ꞌbí i gbaànjé wálá. Ye kû ꞌdè có ji yo ta yúcó máa, Bu ye ta o tí nò bà je ŋa i ŋìnó náa yo bà yù ꞌdo tí wó ta ṛè ye nó ji yo gî.

Ye kû ꞌdè có ji yo ta yúcó máa, yo bà giì wa ku ta ngo-ṛo yo, káa ndâ ꞌbí ꞌduù ta líkíꞌo tí ndú. Nje yo bà giì zuu , káa bà zuu nje yo nò bá ꞌvìsì tí tí líkíꞌo.