Baverset oyo Eyebani Mpenza ewuti na Matius 4

Share

Taan si Yesus é nimingkotla, “Witu um Pinantik Lenas méipantik in téntii, ‘Si tou menou-nou én zéi'kan uman pahpaan u roti, taan wana péléng an ipahnuwu'mé ni Opo Empung.’ ”

Taan kuan ni Yesus wia si tonaas né sétang, “É tonaas né sétang, mangémo ko im wia'i! Pahpaan wéwéhan u méipantik, ‘Ni ko é léwo'zéi' i mahongkot wo mahsigi' si Mahpiara, si Opo Empungmu wo ni Sia uman si pahragésannu.’ ”

A sia wingkotela ni Yesus, “Wéwéhan kasii u méipantik in téntii, ‘Tia' ko mema'wa' si Mahpiara, si Opo Empungmu!’ ”

A si Yesus ipahwalima ni Roh ni Opo Empung witi kapelasan i mawa'wa'en ni tonaas né sétang. Im witu si Yesus é mahpuasa epatna pulu' endo wo epatna pulu' wengi, kumawusa niitu a Sia mendané maharem.

Ang kuan ni Yesus wia ni séra, “Méyémo, kumiitomé ni Aku, ni kamu ém wanguneng-Ku mahpenéro tou ing kumiit ni Aku.” Kaitalingamé niitu, an itula'u néramé u lolombo' néra ang kumiit si Yesus.

Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”