Matius 4
4
Si Yesus pema'wa'en ni tonaas né sétang
(Luk. 4:1-13; Mrk. 1:12-13)
1 #
Ibr. 2:18, 4:15 A si Yesus ipahwalima ni Roh ni Opo Empung witi kapelasan i mawa'wa'en ni tonaas né sétang. 2Im witu si Yesus é mahpuasa epatna pulu' endo wo epatna pulu' wengi, kumawusa niitu a Sia mendané maharem. 3A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”
4 #
Ul. 8:3; Luk. 4:4 Taan si Yesus é nimingkotla, “Witu um Pinantik Lenas méipantik in téntii,
‘Si tou menou-nou én zéi'kan uman pahpaan u roti,
taan wana péléng an ipahnuwu'mé ni Opo Empung.’ ”
5A Sia ipahwalima ni tonaas né sétang witi Yerusalem um wanua tua'na lenas. Im witu ni Sia é méipekirendaila ni tonaas né sétang witu um wawona um Walé ni Opo Empung. 6#Mzm. 91:11-12; Luk. 4:10-11 Ang kuan ni tonaas né sétang wia ni Sia, “Sa Ko Oki' ni Opo Empung, mapanawu'moma, pahpaan méipantik witu Pinantik Lenas in téntii,
‘Tumoro ni Ko, si Opo Empung é meréntamé sé malaekat-Na
i mésumikop ni Ko
wo un a'é-Mu én zéi'kan ikawasal witu um watu.’ ”
7 #
Ul. 6:16
A sia wingkotela ni Yesus, “Wéwéhan kasii u méipantik in téntii,
‘Tia' ko mema'wa' si Mahpiara, si Opo Empungmu!’ ”
8A si Yesus ipahwali kasiima ni tonaas né sétang witi wawona ung kentur totoz rakék, an ipapaileknala wia ni Sia péléng ang kakolanoan wia ung kaayahan karia ang kawa'ilanan néra. 9Ang kuan ni tonaas né sétang wia si Yesus, “Péléng am pahileken-Numa itii én iwéhéku wia ni Ko sa Ko mongkot wo sumigi' ni aku.”
10 #
Ul. 6:13; Luk. 4:8 Taan kuan ni Yesus wia si tonaas né sétang, “É tonaas né sétang, mangémo ko im wia'i! Pahpaan wéwéhan u méipantik,
‘Ni ko é léwo'zéi' i mahongkot wo mahsigi' si Mahpiara, si Opo Empungmu wo ni Sia uman si pahragésannu.’ ”
11A si Yesus itula'uma ni tonaas né sétang. An ilekena, sé malaekat niméyé i mahselewir ni Sia.
Si Yesus im witi Galilea
(Mrk. 1:14-20; Luk. 4:14-15)
12 #
Mat. 14:3; Mrk. 6:17; Luk. 3:19-20 Ing kinatalingaala ni Yesus sa si Yohanes én tinionano wo méiuntepoma bui, a si Yesus mangé witi Galilea. 13#Yoh. 2:12 Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali. 14Karia in téntu, nimalekepola u méikua ni Opo Empung mengiité si nabi Yesaya in téntii,
15 #
Mrk. 1:15
“Un tana' Zebulon wo un tana' Naftali, u lalan mangé witi tasik,
un tana' witi lewet u so'so'an Yordan,
witi Galilea,
witi tana' né tou zéi'kan Yahudi,
16sé tahsasana wanua mahento' wana ang karimbengbengan, é nimileko u Sena' Wangko'.
Wo im wia ni séra sé mahento' witu un tampa kinawasa um patéan, u Sena' itii é mahsena'moma wia ni séra.”
17 #
Mat. 3:2
Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”
Si Yesus timawah sé pahtuzu'en-Na kataré
(Mrk. 1:16-20; Luk. 5:1-11)
18I si Yesus mahlampang witi tembir u louz Galilea, ileken-Nama sé zua mahtuari, ni séra é si Simon si pahkuan kangkasii im Petrus wo si Andreas katuarina. Ni séra éng karegas i mahlombo' u lolombo' witu u louz, pahpaan ni séra é melolombo'. 19#Mrk. 1:17 Ang kuan ni Yesus wia ni séra, “Méyémo, kumiitomé ni Aku, ni kamu ém wanguneng-Ku mahpenéro tou ing kumiit ni Aku.”
20Kaitalingamé niitu, an itula'u néramé u lolombo' néra ang kumiit si Yesus.
21Karegas si Yesus i mahlampang, an ileken-Na kasiima sé zua mahtuari walina, ni séra é si Yakobus wo si Yohanes, ni séra zua én oki' ni Zebedeus. Ni séra zua wo si ama' néra ém witu u londéi i mahimek#4:21 Um pahimeken néra é mahsondol a repes. u lolombo'. A sé zua itii tawahené ni Yesus, 22a séra rengan in timula'umé si ama' néra karia u londéi, ang kumiit si Yesus.
Sé tou saki liné'os ni Yesus
(Luk. 6:17-19)
23 #
Mat. 9:35; Mrk. 1:39 Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu. 24An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus. 25A sé tou lakez mahto-tondongana i mahkiit ni Sia. Ni séra ém witi Galilea, witi Dekapolis#4:25 Dekapolis ung kalakoana é ‘mapulu' wanua tua'na’., witi Yerusalem, witi Yudea, wo witi leweta u so'so'an Yordan a méyé.
Currently Selected:
Matius 4: LAITOM
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo