Baverset oyo Eyebani Mpenza ewuti na San Lucas 23

Share

[Ihcuacon Jesús oquihtoh: —NoTahtzin, ixquimontlapohpolui, amo icmatih tlenoh icchiuah.] In soldados ocmotlatlanilihqueh nitilmah uan ocmoxixiluihqueh.

Jesús ocnanquilih: —Tlamilauca inmitzoniluia, axan nouan tonisqui campa tlamouisticayan.

Uan ompa oquiluih Jesús: —Jesús, ixnechonilnamiqui ihcuac tonpeuas tontlanauatis.

Ihcuacon Jesús chicauac otzahtzic, oquihtoh: —¡NoTahtzin, momactzinco incaua noespíritu! Ihcuac ohcon oquihtoh, omihyocau uan ohcon omomiquilih.

Ihcuac oahsitoh campa itoocaayan Miquetzonticontlah, ompa ocsohsaqueh Jesús uan sannoiuqui non omen tlacameh amo cualimeh, se tlaopochmapan uan se tlayecmapan.

Quemeh tlahcotonal, itich nochi in tlalticpactli otlayouac, uan ohcon otlayouatoya hasta ipan yeyi hora tiotlac. In tonaltzin acmo otlanextaya, uan in ueyi tilmahtli tlen ica otlahcoxiliutoya in teopantli otlahcotzayan.

Ihcuac in soldadohtlayacanqui oquitac tlen omochiu, opeu icuehcapantlalia Dios, oquihtoh: —Tlamilauca, nin tlacatl amotlen tlahtlacol ocpiaya.