Baverset oyo Eyebani Mpenza ewuti na San Mateo 5

Share

Ka erajkutakua májtu no étskunhasïndi ka purhechirhu ma kápchakuranhani, erajkutakua ch'urhinguarhusï péranhajti eska erajkutauaka iámenduechani engaksï k'umanchekuarhu jarhajka. Májkueni t'íntskare chári t'íntskua uánekuechani japarini, eskaksïni chánksïni sési ambe úni exerini, chári Táteni enga auandarhu jaka k'éri ambe arhiaka.”

“Chájtsï íni parhakpeni anapu erajkutakueska; k'éri ireta ma enga juátarhu karhakua jarhajka no úsïndi no xarharani.

“Tsípeksï ambakiti mintsita jataricha, jimbokaksï Diósïni exeaka.”

“Tsípeksï ima engaksï uékani jaka eska úkorheaka eska Diósï na uéjka, jimbokaksï úmenhaaka ambe engaksï uékani jaka.”

K'óruksïni ji arhixaka: Xénhchaa imechani engaksïni kurhunhejka ka kómu arhijpekua je imechani engaksïni k'amarhentka útacheni.

“Tsípeksï ima engaksï nómbe ma jimbo k'éramakorhejka, jimboka auandarhu anapu irechekua imecheriska”

“Tsípeksï ima engaksï sési pájperakua ambe úni jámka, jimbokaksï Diósï uájpa arhiauaka.”

“Tsípeksï ima engaksï uerani jaka, jimbokaksï sési arhinhantaaka.”

“Tsípeksï ima engaksï sési ambe úrini, útasï atanhani kánhka, jimboka auandarhu anapu irechekua imecheriska.”

“Tsípeksï p'amojpiticha, jimbokaksï p'amojkunhantaaka.”

“Tsípe je cha engaksïni jíndeni jimbo útacheaka ka atakuekanksïni ka mámaru ambeksïni nósesi jásï ambe chkuándiraparini arhiparhatani.” Kánekua tsípe je, ka sési p'ikuarhera je, jimboka auandarhu chári andakua káneska; nóchkaksï Diósïri uandari tua anapuechani májkueni ataaspi andi.

“Tsípeksï kaxumbiticha, jimbokaksï echeri aiakatani ima intsïnhaaka”.

“Chájtsï parhakpeni anapu etukueska, ka enga etukua nóteru etumarhaaka, ¿Ambeteru úni marhuasïnki? Nóteru marhuapirindi, xanharuterku k'uanitamanhasïndi ka jima t'auajchakunhasïndi.”

Cháchka k'amak'amasï sési ambe u je, ísï eska chári Táte enga auandarhu jaka enga k'amak'amasï sési ambe újka.”

Ma ambejku uétarhesïndi eskajtsï uandaaka ‘Jo’ o ‘Nómbe’ jimboka nóambakitiriska ekajtsï jukari uandaaka.”

“Kurhariskajtsï ambe enga uandanhaka: ‘Engakini nema éskua atacheaka, t'újtu éskua atakuntsï ka engakini nema sînichani etsaaskacheaska, t'újtu etsaaskakuantsï.’ Ka jíksïni arhisïnga: Ásï jáma je anhatsekuni imani enga nóambakeka; ekakini nema jurhijkandani páksanharhikuska, máteru akandantukini páksanharhikue.

“Ísï jimbo, ekakini éskua jurhijkandani anapu terungutaraska, p'itanharhi ka k'uaniku, sánderu sésisti eskari ma ambe tsîtaaka ka nóri infiernurhu iámu k'uanijpanhani. Ka ekakini jájki jurhijkandani terungutaraska, kachujku ka k'uaniku, sánderuchka sésisti eskari ma ambejku tsîtaaka ka nóri infiernurhu iámu k'uanijpanhani.”