Baverset oyo Eyebani Mpenza ewuti na San Mateo 6

Share

Jirinhantsï je urheta Diósïri irechekuani ka ísï jáma je eska Diósï na uéjka ka máteru ambejtsï ísku kúndamenhaaka.

Ísï jimbo, pauani anapu ambe ásï uandanhea je, jimboka mándani pauani jutsïkorheaka uandanheata jinguni. Sésku jarhasïndi mándani pauani anapujku uandanheata.”

“Ísï jimbo, jíksïni arhixaka: Ásï uandanhea je chári tsípekua jimbo, ambejtsï t'irea ka ambejtsï itsïmaa o xukuparhakua ambe jimbo ¿Andi no tsípekua sánderu jukaparhakueski eska t'irekua? ¿Ka andi no anhanhatakua sánderu jukaparhakueski eska xukuparhakua?

K'óru t'u, na engari jatini Diósïni uandajpaaka, inchakorhentsï ka mínhakorheni ka jandiojku chéti Táteni aiangukorhe, ka chéti Táte enga sïpatekuarhujtu exejka, imakini maiamuati.”

Cháchka arisï kómarhijpekorhe je: ‘Táte, engari auandarhu jaka, k'éri ambeskari, chéti jakangurhikua kánekua k'éri ambesti. Chéti irechekuajtsïni janoche. Úkorhe parhakpeni ísï eskamenduri t'u na uéjka, májkueni eska auandarhu na úkorheni jaka.

Íntskujtsïni iásï, mándani pauani anapu t'irekua.

Púachentajtsïni ambe engachi nósesi útspeka, ísï eskani jucha na púakuantajka imechani engajtsïni nósesi úcheka.

Ásïjtsïni jiáreta eskachi ísku ambe niátaaka, kénditachejtsïni nósesi jásï ambe. [Jimboka chétiska Juramukua ka uinhapekua ka k'érikua méntku isï. Ka ísïue.]’”

“Ísï jimbo ekajtsï cha púatspentaska ambe engaksïni nósesi úcheka, chári Tátejtuksïni, enga auandarhu jaka, púachentaati

Exea je káratichani, nóksï tsíri jatsisïndi ka níksï p'ikuntajki ka níksï xanini patsarakua jatsijki; ka k'óru chári Táte auandarhu anapu t'ireraasïndi. ¿Andi nójtsï cha sánderu jukaparhaski eskaksï káraticha?

“Ásï parhakpeni anapu jatsikorhekua kánerakorhe je, ixu enga seperi arhajka ka púni ka tereni ka engaksï sïpajkurhecha sïpajka. Sánderu sáni auandarhu anapu jatsikorhekua kánerakorhe je, jini enga seperi no arhajka ka no tereni ka engaksï sïpajkurhecha no újka sïpani. Jimboka nani enga chári jatsikorhekua jauaka, chári mintsitajtu jima jauati.”

“Nónema úsïndi tsimani achechani marhuakuani, jimboka ima ma ísïni kurhunheaka ka máteruni xénhchani, o ima ma ísïni sánderu sési kámaati ka máteruni ísku exeni. Nójtsï úaka Diósïni marhuakuni ka jatsikorhekuantu marhuakuni.”

Ka enga Diósï tsïtsïki juátarhu anapuechani ísï kasïperajka, enga iásï jukarini jaka ka enga tátsekua kurhiatanhajka, ¿Andi no sánderu ambe ua chánksïni jimbo, sántku jakajkuticha?

K'óru t'u na engari jatini no jatsikorherini ma jarhuataaka, ásï míte chéti jájki uikixkandani ambe enga jurhijkandani íntspeka, eska sïpatekuarhkueuaka chéti jarhojperata ka chéti Táte engakini sïpatekuarhku exejka, imakini maiamuati.”

“Ásï jáma je uánekuechani japarini sési pakarakuekani, sési ambe úrini, jimboka ekajtsï ísï jámaska, chári Táte enga auandarhu jaka nómbemaksïni íntskuati.”

“Ekajtsï k'arhinda jauaka, ásï kómu jánharhintsï je, ísï eskaksï ima engaksï ísku ísï uandajka, engaksï kómu nínharhiparini xarhatakorheni úejka eskaksï k'arhinda jarhasïnga; sési jimboksïni arhisïnga eskaksï ima maiamunhatixakaia. K'óru t'u na engari jatini k'arhinda jauaka, jupanharhikorhe ka ambajtsïkorhe, eskari no xarhatatspeaka eskari karhinda jarhasïnga ka Tátentkuri xarhatakuni engari t'újku p'ikuarhenheparini újka, ka chéti Táte enga iámendu ambe exejka, imakini maiamuati.”