Daa 11
11
Babɛli kpɛdidiakɔ̃a
1Dũnia guu yãa pii bui mɛndoɛ, yãdoũ wì o. 2Lá wàlɛ sɔ̃kĩikpakpa gukpɛ oi, kɛ́ aa kà Babiloni busu gusalalau, ɔ̃ aa zɔ̃̀lɛ we. 3Aa òkɔ̃ɛ: Wà gɛ wà bilikibɔ, wí kpasa maamaa. Biliki mɛ́ ń gbɛ ũ, kɔtaa mɛ́ ń sĩmaa ũ. 4Ɔ̃ aa mɛ̀: Wà mɛɛwia kalɛ wà kpɛdidiakɔ̃a bo, a misona zɔ̃ luabɛwa. Wà wazĩa tɔbɔ, kɛ́ wásu gɔ̃ gbandodo dũniauo yãi.
5Ɔ̃ Dii pìla à mɛɛwiapi gwà ń kpɛ́ lɛsĩ pɔ gbɛ̃nazĩnaɔ bòo. 6Ɔ̃ à mɛ̀: Ampii an bui doũɛ, yãdoũ aaì o, ɔ̃ yã pɔ aa bɔ̀òn laa? Yã pɔ aa a laasookɛ̀, tiasa aa kɛɛ, pɔe a kpanɛ́ a guu lɔo. 7Wà pila wà gɛ́ we wà ń yã yãalɛnɛ́, kɛ́ aasu kɔ̃yãma lɔo. 8Ɔ̃ Dii ń fãaa we gbandodo dũniau pii, ɔ̃ aa ń mɛɛwia kalɛa tò. 9Ayãmɛto wà tɔkpà wɛ̃lɛpiɛ Babɛli,#11.9 Bee mɛ̀ yãalɛ #Zia 16.19, 17.5, 18.2 asa wekĩi ɔ̃ Dii tò dũnia bui pii yã bɔ̀u. Za wekĩi à ń fãaa dũniau pii.
Sɛũ ń Telao buiɔ
(1 Lad 1.24-27)
10Sɛũ buiɔ yãn kɛ: Sɛũ wɛ̃̀ basɔodeu ɔ̃ à Aapasa ì í daa dũniaa gbɛa wɛ̃̀ pla. 11A gbɛa à kɛ̀ wɛ̃̀ ɔaa pla ń basɔoo, à nɛ pãleɔ ì lɔ gɔ̃ɛɔ ń nɔɛɔ.
12Aapasa wɛ̃̀ bla sɔosaideu ɔ̃ à Sela ì. 13A gbɛa à kɛ̀ wɛ̃̀ ɔaa pla ń aaɔ̃o, à nɛ pãleɔ ì lɔ gɔ̃ɛɔ ń nɔɛɔ.
14Sela wɛ̃̀ baakwideu ɔ̃ à Hɛbɛlu ì. 15A gbɛa à kɛ̀ wɛ̃̀ ɔaa pla ń aaɔ̃o, à nɛ pãleɔ ì lɔ gɔ̃ɛɔ ń nɔɛɔ.
16Hɛbɛlu wɛ̃̀ baakwi ń siiɔ̃odeu ɔ̃ à Pɛlɛgi ì. 17A gbɛa à kɛ̀ wɛ̃̀ ɔaa pla ń baakwio, à nɛ pãleɔ ì lɔ gɔ̃ɛɔ ń nɔɛɔ.
18Pɛlɛgi wɛ̃̀ baakwideu ɔ̃ à Leu ì. 19A gbɛa à kɛ̀ wɛ̃̀ ɔaa do ń kɛ̃okwio, à nɛ pãleɔ ì lɔ gɔ̃ɛɔ ń nɔɛɔ.
20Leu wɛ̃̀ baakwi ń plaodeu ɔ̃ à Selugi ì. 21A gbɛa à kɛ̀ wɛ̃̀ ɔaa do ń soplao, à nɛ pãleɔ ì lɔ gɔ̃ɛɔ ń nɔɛɔ.
22Selugi wɛ̃̀ baakwideu ɔ̃ à Nakɔɔ ì. 23A gbɛa à kɛ̀ wɛ̃̀ ɔaa do, à nɛ pãleɔ ì lɔ gɔ̃ɛɔ ń nɔɛɔ.
24Nakɔɔ wɛ̃̀ baakwi mɛndosaideu ɔ̃ à Tela ì. 25A gbɛa à kɛ̀ wɛ̃̀ basoolo mɛndosai, à nɛ pãleɔ ì lɔ gɔ̃ɛɔ ń nɔɛɔ.
26Kɛ́ Tela kà wɛ̃̀ baaɔ̃kwi ɔ̃ à Ablaũ ń Nakɔɔo ń Halanao ì.
27Tela buiɔ yãn kɛ: Tela Ablaũ ń Nakɔɔo ń Halanao ì, ɔ̃ Halana Lɔtu ì. 28Halana gà a mae Tela wáa Uluɛ, Babiloni busuu, gu pɔ wà aà ìu. 29Ablaũ ń Nakɔɔo nɔsɛ̀. Ablaũ na tɔ́n Salai, Nakɔɔ na sɔ̃ ɔ̃n Halana nɛ Milika ũ. Halana mɛ́ Isika ì lɔ. 30Salaiá fĩiɛ, i nɛ'io.
31Ɔ̃ Tela a nɛ Ablaũ ń a tɔũna Lɔtuo ń Ablaũ na Salaio sɛ̀lɛ à bɔ̀lɛńnɔ Ulu, Babiloni busuu, aalɛ gɛ́ Kanaa busuu. Kɛ́ aa kà Halana, aa zɔ̃̀lɛ we. 32Tela wɛ̃̀ ɔaa do ń sɔoodeu ɔ̃ à gà Halana.
Currently Selected:
Daa 11: Boo2024
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Boko Bible © SIM International, 2024.