يُحَنَّ 2
2
ࢡَنغَلْ حَا کَنَ
1ࢩَلْطٜ طِطِ ࢡَاوٛ مَاجُمْ، ࢡَنغَلْ وَطِ حَا کَنَ ندٜرْ لٜسْدِ غَلِيلِ؞ دَادَ#2:1 دَادَ مَلَّ عِنَّ؞ عِيسَى طٛنّٛ تٛنْ، 2عِيسَى عٜ ݠُکَرَعٜنْ مُوطُمْ بٛو عٜوْنَامَ حَا ࢡَنغَلْ مَنْ؞ 3ندٜ عِنَبٛوجَمْ تِمِّ حَا مَࢡّٜ، دَادَ عِيسَى وِعِمٛ: «ࢡٜنغَلَا عِنَبٛوجَمْ؞» 4عِيسَى وِعِمٛ: «دٜبّٛ، کٛ يَالُ مَ بٜى عَمْ؟ وَکَّتِ عَمْ سِوَا وَرْغٛ تَوٛنْ؞» 5ندٜنْ دَادَ مَاکٛ وِعِ سُکَعٜنْ: «مبَطٜ کٛ عٛوِعَتَ عٛنْ ڢُو؞»
6حَا تٛنْ، وٛودِ لٛوطٜ کَاعٜ جٛوٜىٰغٛ، يَحُودُعٜنْ طٛنْ کُووْتِنِرَ طٜ نغَمْ لَࢡِّنٜىٰکِ، ڢٛدّٜ عُمْرٛورٜ دِينَ مَࢡّٜ؞ لٛوطٜ مَنْ، وٛورٜ مَاجٜ ڢُو طٛنْ حٛوعَ ندِيَمْ بَاکِنْ لِيتِرْ تٜىٰمٜرّٜ؞ 7عِيسَى وِعِ سُکَعٜنْ: «کٜبِّنٜ لٛوطٜ طٜعٜ بٜى ندِيَمْ؞» ࢡٜکٜبِّنِ طٜ؞ 8ندٜنْ عٛوِعِ ࢡٜ: «جٛنْتَ، ࢩٜطٜ، نجَحْرَنٜ کَلِيڢَاجٛ ࢡَنغَلْ#2:8 کَلِيڢَاجٛ ࢡَنغَلْ طُمْ غٛطّٛ مٛ سُکْلَنْتٛ ࢩَامْدُ عٜ نجَرَمْ حَا ࢡَنغَلْ؞؞» ࢡٜࢩٜطِ، ࢡٜنجَحْرَنِمٛ؞ 9کَلِيڢَاجٛ ࢡَنغَلْ مٜتِّ طَمْ، تَوِ ندِيَمْ لَاتَکٜ عِنَبٛوجَمْ؞ عَمَّا عٛعَنْدَا حَا تٛيْ عِنَبٛوجَمْ طَمْ عِوِ، سٜيْ سُکَعٜنْ ࢩٜطْنٛوࢡٜ ندِيَمْ غٛ عَنْدِ؞ عٛعٜوْنِ ࢡَنغْطٛ، 10عٛوِعِمٛ: «کٛو مٛيْ طٛنْ عَارْتَ حٛکُّغٛ عٜوْنَاࢡٜ مُمْ عِنَبٛوجَمْ مبٛوطَّمْ؞ تٛ يِمْࢡٜ نغُيْکِ، عٛحٛکَّنْ ࢡٜ ڢَمْطَ-دَکَمْجَمْ؞ عَمَّا عَنْ عَسِغِ عِنَبٛوجَمْ مبٛوطَّمْ حَا جٛنْتَ!»
11کَنْجُمْ وٛنِ کَايٜىٰڢِوٛلْ نغٛلْ عِيسَى عَارْتِ وَطُغٛ؞ عٛوَطِ نغٛلْ حَا کَنَ ندٜرْ لٜسْدِ غَلِيلِ؞ عٛوَنغِنِ تٜدُّنغَلْ مَاکٛ؞ ݠُکَرَعٜنْ مَاکٛ نُطِّنِمٛ؞
12ࢡَاوٛ مَنْ، عٛيٜحِ کَڢَرْنَحُمْ بٜى دَادَ مَاکٛ عٜ دٜىٰرْطِرَاࢡٜ مَاکٛ عٜ ݠُکَرَعٜنْ مَاکٛ، ࢡٜنجٛوطِ تٛنْ ࢩَلْطٜ سٜطَّ#مَتَّ 4:13؞؞
عِيسَى ندٜرْ حَيْکَلِيرُ
(مَتَّ 21:12-13؛ مَرْکُسْ 11:15-17؛ لُکَ 19:45-46)
13ندٜ جُولْدٜ ݠَسْکَ يَحُودُعٜنْ ࢡَدَکٜ، عِيسَى يٜحِ عُرُسَلِيمَ#غُرْتَاکِ 12:1-27؞؞ 14عٛتَوِ سٛورّٛوࢡٜ نَعِ عٜ بَالِ عٜ ݠٛولِ ندٜرْ حَيْکَلِيرُ، عٛتَوِ بٛو سَنْجٛوࢡٜ شٜىٰدٜ طٛنْ نجٛوطِ تٛنْ؞ 15عٛحَوْتِ ࢡٛغِّ، عٛوَطِ ࢡٛشّٛلْ، عٛرِيوِ ࢡٜ بٜى بَالِ مَࢡّٜ عٜ نَعِ مَࢡّٜ ڢُو دِغَ حَيْکَلِيرُ؞ عٛحِݠِّ تَابٜ سَنْجٛوࢡٜ شٜىٰدٜ حَا شٜىٰدٜ مَࢡّٜ شَنغْکِتِ؞ 16عٛوِعِ سٛورّٛوࢡٜ ݠٛولِ بٛو: «شٛتِّنٜ طِ، تَا لَاتِنٜ سُودُ بَابِرَاوٛ عَمْ سُودُ ڢِلُ!» 17ݠُکَرَعٜنْ مَاکٛ شِڢْتٛرِ کٛ وِنْدَ ندٜرْ دٜڢْتٜرٜ: «يِيدٜ ندٜ مَرْمِ نغَمْ سُودُ مَ، طٛنْ وُلَ ندٜرْ ࢡٜرْندٜ عَمْ بَنَ يِيتٜ#جَبُورَ 69:10؞؞»
18عَمَّا يَحُودُعٜنْ ࢨَمِمٛ: «کَايٜىٰڢِوٛلْ نغٛلٜ عَوَطَتَ نغَمْ حٛلُّغٛ مِنْ عَوٛودِ بَاوْطٜ وَطُغٛ بَنَ نِي؟» 19عِيسَى جَابِ ࢡٜ: «نغِبِّنٜ حَيْکَلِيرُ ندُعُ، مِنْ مِمَحِتَنْ ندُ ندٜرْ ࢩَلْطٜ تَتِ#مَتَّ 26:61؛ 27:40؛ مَرْکُسْ 14:58؛ 15:29؞؞» 20ندٜنْ يَحُودُعٜنْ مبِعِمٛ: «ࢡٜمَحِ حَيْکَلِيرُ ندُ ندٜرْ دُوࢡِ شَݠَّنْطٜ نَيِ عٜ جٛوٜىٰغٛ؞ عَنْ عَمَحِتَنْ ندُ ندٜرْ ࢩَلْطٜ تَتِ؟»
21عَمَّا کَنغْکٛ عٛوٛلْوَنِ ࢡٜ دٛوْ ࢡَنْدُ مَاکٛ لَاتِيندُ حَيْکَلِيرُ؞ 22ندٜ عِيسَى عُمِّتِ دِغَ مَايْدٜ، ݠُکَرَعٜنْ مَاکٛ شِڢْتٛرِ کٛ عٛوٛلْوِنٛ، ࢡٜنُطِّنِ کٛ وِنْدَ ندٜرْ دٜڢْتٜرٜ عٜ بٛلّٜ طٜ عِيسَى وِعْنٛ ڢُو؞
عِيسَى عَنْدِ کٛو مٛيْ
23يَاکٜ عِيسَى طٛنّٛ حَا عُرُسَلِيمَ ندٜرْ ࢩَلْطٜ جُولْدٜ ݠَسْکَ، طُوطْࢡٜ نُطِّنِمٛ نغَمْ ࢡٜنغِعِ کَايٜىٰڢِيجِ طِ عٛوَطِ؞ 24عَمَّا عِيسَى حٛولَاکِ ࢡٜ نغَمْ عٛعَنْدِ يِمْࢡٜ ڢُو؞ 25عٛوَلَا حَاجٜ غٛطّٛ عَنْدِنَ مٛ حَالَ يِمْࢡٜ، نغَمْ عٛعَنْدِ کٛ وٛنِ ندٜرْ ࢡٜرْطٜ مَࢡّٜ؞
Currently Selected:
يُحَنَّ 2: داَ
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Fulfulde Bible Ajamiya © Bible Society of Cameroon, 2016.