Ubutukilo 4
4
Kene ni Abele
1Mba Samutu#4:1 Namutu tala 3:20 yalimona ni mukwo pwo, Namutu#4:1 Namutu tala 3:20, neye yaka ufumba, yasema mwana wa lunga. Neye yamba ngwenyi: “Mwene Zambi hangukwasa, hinabwa ni mwana wa lunga.” Kashika yamuluka jina ngwenyi, Kene#4:1 KENE ha kulivuluka mu hebreu linalifu ni “natambula.”. 2Kulutwe yasema nawa mwana mukwo wa lunga, yamuluka jina ngwenyi, Abele. Abele milimo yenyi kufunga yimuna, Kene milimo yenyi kulima minda. 3Muze matangwa amwe haabalika, Kene yanda mihuko ya mu munda wenyi, yayilambula kuli Mwene Zambi. 4Abele neye yanda mwana mutangu wa umwe panga wa ku chendo chenyi, yamushiha, yanda yifwo yibema yahiana ni e maji jayo, yayilambula. Mwene Zambi yatayiza Abele ni mulambu wenyi, 5alioze Kene yamumba nyima ni we mulambu wenyi. Kashika Kene yevwa ufwatulo, yanyakana ku meso. 6Mba Mwene Zambi yahula Kene ngwenyi: “Ufwatulo waka? Mumu yika unanyakana ku meso? 7Nyi kuwalinga kanawa, kachi kuwevwile kuwaha, nyi? Alioze mumu hiwalinga chibi, nyingika ngwe, shili yili ngwe kashitu wa chilianyi yoze unautama ku chikolo cha mbunge ye hanga akukwate. Shili yinambe kukuyula alioze sako tachi ha kuyikumba.”
8Mba Kene yambila mwanakwo Abele ngwenyi: “Tuye ni kwendangana hakepe#4:8 Mu mukanda wa hebreu maliji wano “Tuye ni kwendangana hakepe,” keeshimo, alioze kaali mu mikanda ya maliji akwo..” Muze haaheta mu munda, Kene yatumbukila mwanakwo, yamushiha.
9Mwene Zambi yahula Kene ngwenyi: “Mwanakwenu kuli ali?”
Kene ngwenyi: “Chanyingikine. Yami nguli kafunga ka mwanakwetu, nyi?”
10Mwene Zambi ngwenyi: “Kuchi walinga? Banjika! Liji lia mwanakwenu mu mavu linakololoka kuli yami ha kumukafa. 11Kuwashingiwa ku mavu waze haanwa manyinga ja mwanakwenu muze wamushiha. 12Muze muulima hashi, yakulia kuyichi kwiza ho. Muubwa mukwa kuchinachina kanda chendanganyi hashi heswe.”
13Mba Kene yakumbulula Mwene Zambi ngwenyi: “Mama yami! Lamba liami! Malaa! Chichikuhasa. 14Musono hiwanguhuma ku mavu wano a chinuno ni ku meso je. Mungubwa mukwa kuchinachina kanda chendanganyi. Ha chino mweswawo mangutakana mangushiha lume.”
15Alioze Mwene Zambi ngwenyi: “Ka. Mweswawo makushiha yena, atu maakukala yishuho shimbiali.” Kashika Mwene Zambi yamusa chinyingi, hanga niumwe kechi kamushiha muze makamutakana. 16Kene yakatuka ku meso ja Mwene Zambi, yaya ni kutwama ku chivumbuko cha Edene mu chifuchi chize akuvuluka ngwo: Kwendangana.
Vungu lia Kene
17Kene yalimona ni mukwo pwo, neye yaka ufumba, yasema mwana wa lunga, yamuluka jina ngwenyi, Enoke. Mba Kene yatunga limbo, yaliluka jina lia mwanenyi Enoke. 18Enoke yasema mwana wa lunga, jina lienyi Irade. Irade yasema Mahujele. Mahujele yasema Matujele. Matujele yasema Lameke. 19Lameke yambata mapwo aali, Ada ni Zila. 20Ada yasema Jabale, mwe kashakulu ka atu waze akubita yimuna ni waze akutwama mu mazuwo akutunga ni makubu. 21Jina lia mwanakwo Jubale. Jubale mwe kashakulu ka waze te akwimba tulialia ni ndembo. 22Zila neye yasema Tubale Kene te mwe kashakulu ka eswe waze akufula yikungo ya utale ni ya unengu. Tubale Kene te ndumbwenyi akwete, jina lienyi Nama. 23Mba mwe Lameke yalweza mapwo jenyi ngwenyi:
“Yenu mapwo jami Ada ni Zila, banjikenu.
Mutu nashiha mumu hangulemeka, mwana lunga, mumu hangusa chilonda.
24Nyi maakala Kene yisuho shimbiali,
nyi mashiha yami, atu maangukala yisuho makumi shimbiali ni shimbiali.”
Sete ni mwanenyi Enoshe
25Mba Samutu yalimona nawa ni mukwo pwo, neye yasema mwana wa lunga. Pwo yamba ngwenyi: “Zambi hangwaha mwana mukwo ha kusalakana Abele yoze ashihile kuli Kene.” Kashika yamuluka ngwenyi, Sete#4:25 SETE ha kulivuluka mu hebreu linalifu ni “hinatambula.”. 26Sete yasema mwana wa lunga, yamuluka jina ngwenyi, Enoshe. Ha matangwa waze atu yaabutuka kuvuluka jina lia Mwene Zambi mu kuwayila cho.
Currently Selected:
Ubutukilo 4: CHK1970
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.