Za 2
2
Likweelë ku Nkanë
1Bilumbu byooli bivyookë, mëkweelë mëlëvangënë ku bwaalë bu Kana ku libweeti li Ngalilee. Mamë Yeesu wabë faanë, 2i bëtelë yivaandi Yeesu i bilaanzi byaandi ku mëkweelë beenë. 3Abu viinyi ye mani, mamë Yeesu wukaambë Yeesu : « Baawu bësyeeli yi viinyi ko. » 4Kasi Yeesu wun'vutulilë : « A n'cyeetu njeeyi wufwenikini kun'kaambë mani yifwenikini kuvaangë? Zoolaami yibuunë kufwaanë. » 5Mamë Yeesu wusë kaambooso bisasi : « Vangaanu makë mooso kulukaambë. » 6Foofo fabë bidoyi bi samunu bivangunu mu limanyi linë Sizwiifë bëlësalilaangë ntaangu ntamë mu bulyomisi bwaawu. Kadë cidoyi cyabë cizongulu ci nkamë silitëlë. 7Yeesu wukaambë bisasi : « Waasyaanu masi mu bidoyi obyo. » Baawu bisë biwaasi tembe-tëtee. 8Tee Yeesu wubëkaambë : « Tekaanu buyifanwabu mwa masi be moomo i nataanu maawu ke fumu-n'saangu. » Baawu bisë vangilë boobo. 9Fumu-n'saangu wutootë masi mëbalukë viinyi. Naandi wusye zaabë ko kunë kufuminë viinyi be yooyo, kasi bisasi bitekë masi bëlizaabë. Naandi wutelooso wo wun'kweelë, 10i naandi wun'kaambë : « Bake booso bën'tonaangë kukabë viinyi yi lutwiingu, kumanoofo, mooti bo bëtelu bayitokë kunwa, vandi yakukabulë mëkaambu lutwiingu. Kasi njeeyi, wasweekë viinyi yi lutwiingu tee yi fanwaabu! »
11Talaanu buni Yeesu kuvangilë ciliimbu cin'tetë mu bimaaku byaandi, ku Kana li Ngalilee. Naandi wuleesi boobo bumpumu bwaandi i bilaanzi byaandi bisë ta maanë mu naandi. 12Kwamani ofo, naandi wusë kweendë ku Kapelënawuumë#2.12 Mat 4.13. yimunë mamaandi, baanë yaandi bë nguli i bilaanzi byaandi. Baawu bisë kalë tokë mwa bilumbu.
Yeesu mu n'zo-Nzaambi
(Mat 21.12-13; Mak 11.15-17; Lik 19.45-46)
13N'saangu Sizwiifë wu Paakë wabë wabelëmë, Yeesu wuyendë ku livulë li Yelusaleemë#2.13 Lub 12.1-27.. 14Naandi wuye zakënë ku n'zo-Nzaambi, baatu bëlësumbisyaangë singoombi, mëmemë i mëbeembi, yimunë bo bëlëvingësënaangë simboongo bëkalë fë meesë maawu#2.14 Mak 11.15.. 15Abu kwavaanji lukoti lu misiingë i naandi wubëkulë bakë booso ku n'zo-Nzaambi, yimunë mëmemë maawu i singoombi syaawu. Naandi wutyamunë fë n'toto simboongo syaawu, wukundubulë meesë maawu, 16i naandi wukaambë bo bëlësumbisyaangë mëbeembi : « Botulaanu byakë byooso obyo, kucitulaanu ve n'zo Tataami n'zo lungooso. » 17Bilaanzi byaandi bisë tebukë moonyi mu mëbuungu më Libuuku : « Luzolo luke yaami mu n'zwaaku, a Nzaambi, lukun'viikë buke mbaasu#2.17 Twi 69.10.. »
18Kasi bëkuluutu be Sizwiifë bisë n'yufulë : « Cimaaku mbici cyo njeeyi podi kuvaangë mu kutuleesi ti njeeyi ke n'swa mu kusiilë abwe? » 19Yeesu wubëvutulilë : « Vongëmënaanu n'zo-Nzaambi, miinu yin'tungooso yaawu fë bilumbu bi tatu#2.19 Mat 26.61; 27.40; Mak 14.58; 15.29. . » 20Bwaawu Sizwiifë bëtubilë#2.20 Tungulu yi n'zo-Nzaambi yitoonë mu lutumu lu kuluutu Eloodë, mu mivu mëkumwaali ntetë Yeesu Kliistu kubutu.: « Mu kutuungë n'zo be yiiyi tuvaangë mëkumë-na mivu samunu. Njeeyi mu bilumbu bi tatu wuyitelikë? » 21Kasi n'zo-Nzaambi yo Yeesu wulëtubilaangë, yabë nyitwaandi. 22Ntaangu yavyooci, bunë Yeesu wuvulumukë bilaanzi byaandi bisë tebukë moonyi mu manë naandi kutubë, i baawu bëta maanë mu Libuuku li Nzaambi i libuungu lyo Yeesu kutubë.
Yeesu wuzabisi buboti n'timë muutu
23Ntaangu yo Yeesu wabë ku Yelusaleemë mu ntonunu n'saangu Paakë, mpaapë baatu bëta maanë mu naandi fanë bëmweenë bimaaku kulëvaangaangë. 24Kasi Yeesu sye ba yi lufyaatu mu baawu kuve, cibilë naandi wulëzaabaangë bakë booso buboti. 25Naandi sye zolë kuve bën'lubulë mu mëvaangë maawu cibilë naandi wuzaabë manë mabë mu n'timë muutu.
Currently Selected:
Za 2: NTVIL
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2019, Wycliffe Bible Translators, Inc. and © Alliance Biblique du Congo. All rights reserved.