Yahiya 14
14
Si Isa yana lān pa Tuhan
1Pag-anu, yuk si Isa ni siga mulit na, “Daa gundalaꞌ atay bi. Mangando jaꞌ kam pa Tuhan. Damikiyan, mangando du kam niyaku. 2Ni okoman Mmaꞌ ku ilay, meka patannaan na. Boꞌ aku tu batnaa song pilay na manyap patannaan para ningkaam. Yaꞌ situ ku māꞌ meꞌ tuu ningkaam bong yaꞌ bana. 3Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi. 4Kaam ina, katoonan bi na du lān pa lahat ma tiluꞌ ku.”
5Yuk si Tomas baw siꞌ tu, “Yaꞌ bilay la Papuꞌ katoonan kami bong paninggai tiluꞌ nu. Pooy baw lay meꞌ kami tau lān na?”
6Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs. 7Bong sabana-bana katoonan bi ku, malaingkan katoonan bi du Mmaꞌ ku. Ni sabana na, labba man batnaa, katoonan bi na Mmaꞌ ku maka ndang lay na ya takita bi.”
8Yuk si Pilip baw siꞌ tu, “Bong anu ba Papuꞌ, pakitahan doꞌ kami ba Mmaꞌ nu, boꞌ kami sannang hati.”
9Pag tampung si Isa, “Uy Pilip, meꞌ looy na bay hallom tabi lungbid, masi gi ku yaꞌ katoonan nu? Bong bina jama bay na ngita aku, malaingkan bay du ya ngita Mmaꞌ ku. Ongoy taggahaꞌ nohoꞌ gi ko pinakitahan Mmaꞌ ku? 10Marean ta yaꞌ lagi ko pitsayaꞌ kami ka Mmaꞌ ku tibuuk. Ndang bay na kam baan ku, mimon bay bitsala ku ningkaam saꞌ lakka man dī ku, arapun lakka man Mmaꞌ ku. Damikiyan, mimon pabuwatan kahaylan-haylan bay pōꞌ ku, lakka man kawasa Mmaꞌ ku du ma tibuuk ka aku. 11Pitsayaꞌ na kam ba ni bitsala ku. Kami bitu ka Mmaꞌ ku tibuuk. Bong sawpama masi gi kam kaawran pitsayaꞌ ni bitsala ku, subay siꞌ pitsayaꞌ na kam sabapan siga pabuwatan kahaylan-haylan bay pōꞌ ku.
12“Baan ta kam banahan, soysoy ina pitsayaꞌ niyaku, kapabuwat jaꞌ sina ya mintu pakaradjaan meꞌ ilooy ma bay pabuwat ku sampay labi gi. Batan aku tu moleꞌ na pa mman Mmaꞌ ku. 13Maka oy-oy paku bi ni awon ku,#(14.13) Bong jama maku duwaa ni awon si Isa, hatiyan na, pitsayaꞌ sila si Isa ngantanan mimon kawasa ka kapatut nganduwan paku da sabap tibuuk ya ka Tuhan. duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku. 14Meꞌ halling sambat ku na siꞌ, bong kam maku oy maka oy na ni awon ku, malaingkan duwan ta jaꞌ sina kam.”
Si Isa nganjanjiꞌ matakka Rū Sutsiꞌ pa mman siga mulit na
15Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku. 16San ku itu palakka, pakuhan ta sa kam man Mmaꞌ ku disu Tukang Nabang, gantiꞌ ku, nohoꞌ pinapitu. Iya ina mintu tattap dambuwaꞌ ka kaam saumu. 17Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.
18“Na san ku ina lakka, yaꞌ du sina kam mbanan ku meꞌ saparati siga anak iluꞌ-iluꞌ iyatin. Basta beleng ta du kam sina. 19Yaꞌ na situ hallom, yaꞌ na ku takita leꞌ sagannap ma saꞌ sukuꞌ ku. Sugaꞌ bong baw kaam, sikita gi du sina mintu kitabi. Maka pagka ku itu mintu pinakallum du pabalik, mastiꞌ koleꞌ jaꞌ kam kaallum bahau. 20Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du. 21Soysoy ina nganna sampay mean siga panohoan ku, iya na maaseꞌ niyaku. Maka sagannap ma maaseꞌ niyaku kinaasean du meꞌ Mmaꞌ ku. Aku pun maaseꞌ du ninsila sampay malahil gi ku ninsila hāl pasal dī ku.”
22Pag-anu, tilaw si Judas (saꞌ baw si Judas Iskariyut), yuk na, “Papuꞌ, ongoy lay ningkami jaꞌ man nu malahil dī nu, bong ni jama niyaꞌ?”
23Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na. 24Boꞌ jama ina ma yaꞌ maaseꞌ niyaku, mastiꞌ yaꞌ du mmeꞌ ni bitsala ku. Subay siꞌ saꞌ meꞌ naa batan umanat ma takale bi man ku lakka man Mmaꞌ ku ma bay mapitu aku, saꞌ lakka man dī ku.
25“Aku ilay bay maan kaam meꞌ looy siꞌ padpad ku masi dambuwaꞌ ka kaam. 26Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.
27“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.
28“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku. 29Ngkon bi ilay ndang lay na baan ku mimon ma bay sabbut ku siꞌ supaya magdaruhun gi meꞌ bi pitsayaꞌ niyaku pag taabut mintu binakbul. 30Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku. 31Ilooy ya asip ku, mimon ma sohoꞌ Mmaꞌ ku pinabuwat niyaku mari katoonan mimon manusiyaꞌ bong pooy basag aseꞌ ku ni Mmaꞌ ku. Sūng bi na, pilay na kitabi.”
Currently Selected:
Yahiya 14: sjm
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2021, Wycliffe Bible Translators, Inc. All rights reserved.
Yahiya 14
14
Si Isa yana lān pa Tuhan
1Pag-anu, yuk si Isa ni siga mulit na, “Daa gundalaꞌ atay bi. Mangando jaꞌ kam pa Tuhan. Damikiyan, mangando du kam niyaku. 2Ni okoman Mmaꞌ ku ilay, meka patannaan na. Boꞌ aku tu batnaa song pilay na manyap patannaan para ningkaam. Yaꞌ situ ku māꞌ meꞌ tuu ningkaam bong yaꞌ bana. 3Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi. 4Kaam ina, katoonan bi na du lān pa lahat ma tiluꞌ ku.”
5Yuk si Tomas baw siꞌ tu, “Yaꞌ bilay la Papuꞌ katoonan kami bong paninggai tiluꞌ nu. Pooy baw lay meꞌ kami tau lān na?”
6Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs. 7Bong sabana-bana katoonan bi ku, malaingkan katoonan bi du Mmaꞌ ku. Ni sabana na, labba man batnaa, katoonan bi na Mmaꞌ ku maka ndang lay na ya takita bi.”
8Yuk si Pilip baw siꞌ tu, “Bong anu ba Papuꞌ, pakitahan doꞌ kami ba Mmaꞌ nu, boꞌ kami sannang hati.”
9Pag tampung si Isa, “Uy Pilip, meꞌ looy na bay hallom tabi lungbid, masi gi ku yaꞌ katoonan nu? Bong bina jama bay na ngita aku, malaingkan bay du ya ngita Mmaꞌ ku. Ongoy taggahaꞌ nohoꞌ gi ko pinakitahan Mmaꞌ ku? 10Marean ta yaꞌ lagi ko pitsayaꞌ kami ka Mmaꞌ ku tibuuk. Ndang bay na kam baan ku, mimon bay bitsala ku ningkaam saꞌ lakka man dī ku, arapun lakka man Mmaꞌ ku. Damikiyan, mimon pabuwatan kahaylan-haylan bay pōꞌ ku, lakka man kawasa Mmaꞌ ku du ma tibuuk ka aku. 11Pitsayaꞌ na kam ba ni bitsala ku. Kami bitu ka Mmaꞌ ku tibuuk. Bong sawpama masi gi kam kaawran pitsayaꞌ ni bitsala ku, subay siꞌ pitsayaꞌ na kam sabapan siga pabuwatan kahaylan-haylan bay pōꞌ ku.
12“Baan ta kam banahan, soysoy ina pitsayaꞌ niyaku, kapabuwat jaꞌ sina ya mintu pakaradjaan meꞌ ilooy ma bay pabuwat ku sampay labi gi. Batan aku tu moleꞌ na pa mman Mmaꞌ ku. 13Maka oy-oy paku bi ni awon ku,#(14.13) Bong jama maku duwaa ni awon si Isa, hatiyan na, pitsayaꞌ sila si Isa ngantanan mimon kawasa ka kapatut nganduwan paku da sabap tibuuk ya ka Tuhan. duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku. 14Meꞌ halling sambat ku na siꞌ, bong kam maku oy maka oy na ni awon ku, malaingkan duwan ta jaꞌ sina kam.”
Si Isa nganjanjiꞌ matakka Rū Sutsiꞌ pa mman siga mulit na
15Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku. 16San ku itu palakka, pakuhan ta sa kam man Mmaꞌ ku disu Tukang Nabang, gantiꞌ ku, nohoꞌ pinapitu. Iya ina mintu tattap dambuwaꞌ ka kaam saumu. 17Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.
18“Na san ku ina lakka, yaꞌ du sina kam mbanan ku meꞌ saparati siga anak iluꞌ-iluꞌ iyatin. Basta beleng ta du kam sina. 19Yaꞌ na situ hallom, yaꞌ na ku takita leꞌ sagannap ma saꞌ sukuꞌ ku. Sugaꞌ bong baw kaam, sikita gi du sina mintu kitabi. Maka pagka ku itu mintu pinakallum du pabalik, mastiꞌ koleꞌ jaꞌ kam kaallum bahau. 20Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du. 21Soysoy ina nganna sampay mean siga panohoan ku, iya na maaseꞌ niyaku. Maka sagannap ma maaseꞌ niyaku kinaasean du meꞌ Mmaꞌ ku. Aku pun maaseꞌ du ninsila sampay malahil gi ku ninsila hāl pasal dī ku.”
22Pag-anu, tilaw si Judas (saꞌ baw si Judas Iskariyut), yuk na, “Papuꞌ, ongoy lay ningkami jaꞌ man nu malahil dī nu, bong ni jama niyaꞌ?”
23Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na. 24Boꞌ jama ina ma yaꞌ maaseꞌ niyaku, mastiꞌ yaꞌ du mmeꞌ ni bitsala ku. Subay siꞌ saꞌ meꞌ naa batan umanat ma takale bi man ku lakka man Mmaꞌ ku ma bay mapitu aku, saꞌ lakka man dī ku.
25“Aku ilay bay maan kaam meꞌ looy siꞌ padpad ku masi dambuwaꞌ ka kaam. 26Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.
27“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.
28“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku. 29Ngkon bi ilay ndang lay na baan ku mimon ma bay sabbut ku siꞌ supaya magdaruhun gi meꞌ bi pitsayaꞌ niyaku pag taabut mintu binakbul. 30Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku. 31Ilooy ya asip ku, mimon ma sohoꞌ Mmaꞌ ku pinabuwat niyaku mari katoonan mimon manusiyaꞌ bong pooy basag aseꞌ ku ni Mmaꞌ ku. Sūng bi na, pilay na kitabi.”
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2021, Wycliffe Bible Translators, Inc. All rights reserved.