Lucas 14
14
Nagpamayad Eon Man si Jesus sa Adlaw it Inogpahuway
1Isaeang ka Adlaw it Inogpahuway, ginkangay si Jesus it sangka manogdumaea it mga Pariseo nga idto magkaon sa anda. Tag nakasaylo eon imaw hay ginbinantayan gid imaw it mga tawo idto. 2Tapos 't-a hay may idto nga eaki nga nagapaeanghaeok sa atubang gid-a ni Jesus. 3Pagkakita ni Jesus ku tawo ngato hay pinangutana nana ro mga maestro it Kasuguan ag ro mga Pariseo ngato nga nagabinantay kana, “Puydi baea sa atong Kasuguan ro magpamayad it masakiton sa Adlaw it Inogpahuway o indi?” 4Pero owa gid sanda magsabat. Ngani ginbuytan dayon ni Jesus rondatong tawo ag ginpamayad. Pagkatapos kara hay ginpapanaw imaw ni Jesus. 5Ginhambae dayon ni Jesus sanda, “Sin-o iya kinyo ro indi eagi magpatakas ku anang unga o baka nga nahueog sa bubon sa Adlaw it Inogpahuway?” 6Pero owa gid sanda makasabat sa mga pangutana ni Jesus.
Ro Mapainubuson hay Pagapadunggan it Dyos
7Hapan-uhan ni Jesus nga ro ginapili gid nga pungkuan ku mga kaibahan nana nga mga kinangay hay tag rato nga para eang sa mga dungganon nga tawo ngani ginhambaean nana sanda, 8“Kon kangayon ka sa ponsyon, ayaw it plastar sa lugar nga para sa pinakadungganon nga tawo ay basi may ginkangay ro tagbaeay nga mas dungganon pa kaysa kimo. 9Tapos hay hambaeon ka ku nagkangay kimo, ‘Taw-an lang abi kana ro imo ngarong lugar.’ Hay kundi mahuy-an ka ag idto ka eon lang dayon ibutang sa lugar nga para sa mga witi-witi. 10Ngani kon kangayon ka, idto plastar sa lugar nga para sa mga witi-witi ag kon hikita ka ku nagkangay kimo hay hambaeon ka nana, ‘Pare, ham-an it iya ka't-ing rikara? Musyon rikato sa lugar nga para sa mga dungganon.’ Hay kundi hikita ka pa ku tanan nimong mga kaibahan sa lamisa nga ginapadunggan ka. 11Dapat kamo nga mangin mapainubuson dahil ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”
Kangaya Tag mga Indi Makabaeos Kimo
12Ginhambaean man ni Jesus ro nagkangay kana, “Kon magpailabas ka o magpaihapon man, ayaw eang pagkinangaya ro imong mga amigo o mga igmanghod o mga igbata o mga kahilapit nga mga manggaranon ay syempre kangayon ka man nanda karon sa ulihi. Hay kundi habaslan ka eon dayon sa imong pagkinangay kanda. 13Pero kon maghanda ka, kangaya't-a permi ro mga pobre, ro mga kimpay, ro mga eupog ag ro mga bulag. 14Kon ruyon ro imong obrahon hay pakamaayuhon ka it Dyos ay indi ron sanda kabaeos kimo. Baeusan ka it Dyos pag-abot it adlaw nga mabanhaw ro mga matarong nga mga tawo.”
Nagturo si Jesus Parti sa mga Nagbaealibad sa Kangay it Dyos
15Pagkabati kara ku sambilog sa mga kaibahan ni Jesus sa lamisa hay naghambae imaw kay Jesus, “Bulahan gid-a ro magakaon sa handaan sa eangit sa oras nga magahari eon gid ro Dyos sa anang mga sinakpan.” 16Nagsabat si Jesus kana paagi sa rayang paanggid nga istorya, “May sangka tawo nga nagpahaom it mabahoe nga handaan ag kaabo ro anang ginkangay. 17Tag oras eon nga inogkaon, ginsugo nana ro anang ulipon nga sueangon ro anang mga ginkangay ngato ay haom eon tanan. 18Pero ro tanan nga mga ginkangay ngato hay nagbaealibad nga indi makaadto. Ro sambilog hay nagbangdanan sa ulipon, ‘Nagbakae abi ako it eugta ag dapat gid nga adtunan ko rato makaron agod tan-awon. Pasensyaha gid ako nga indi ako makaadto ha?’ 19Hambae man it sambilog, ‘Nakabakae abi ako it 10#14:19 Sa Griniyego, raya hay “5 paris” ay 2 ka turo ro ginatakdan it yugo ag dungan nga gabira it arado. ka toro nga pang-arado. Gapanaw eon ngani ako ngara ay akon sanda nga samitan it pag-arado. Pasensyaha gid ako ay indi ako makaadto.’ 20Hambae ma't-a ku isaea, ‘Bag-o eang gid abi ako nga kasae. Indi gid ako makaadto.’ 21Nagbalik ro ulipon sa anang amo ag nagsugid. Pagkabati ku amo hay naakig imaw ag ginhambae nana ro ulipon, ‘Adto makaron eagi sa banwa, ag daeha riya tanan ro imong makita sa mga karsada ag mga iskinita bisan ro mga pobre, ro mga kimpay, ro mga bulag ag ro mga paki.’ 22Nagpanaw ro ulipon ag pagbalik nana hay nagsugid imaw sa amo, ‘Sir, tapos eon nakon ro imong ginsugo ngato pero may lugar pa gihapon sa lamisa.’ 23Nagsabat ro amo, ‘Panaw ag paadtuna riya ro tanan nga tawo nga imong hiagyan sa mga daean sa guwa it banwa ag sa mga aeagyan paadto sa kabaryuhan agod mapuno it tawo ro akong baeay. 24Ginahambae ko eagi kinyo nga owa gid it bisan sambilog sa ratong mga tawo nga hauna ko nga ginpangangay nga makasamit sa pagkaon nga akon nga ginpapahaom.’ ”
Dapat Naton nga Paeabyon ro Pagsunod kay Jesus Eabi sa Tanan
25Nagpadayon si Jesus sa anang pagpamanawon ag kaabo-abo nga mga tawo ro nagsinunod kana. Nagbalikid imaw kanda ag naghambae, 26“Kon may tawo nga mag-adto kakon agod mangin akong sumueunod pero mas ginahigugma#14:26 Sa Griniyego, raya hay “indi nana pagkaugtan” pero ro buot hambaeon ni Jesus hay bukon it kaugtan naton ro mga maeapit katon kundi nga ro atong paghigugma kana hay mas eabaw pa gid dapat kaysa sa atong paghigugma kanda. Basaha sa Mat 10:37. pa nana ro anang ginikanan, asawa, mga unga, mga igmanghod ag ro anang kaugalingon kaysa sa kakon hay indi imaw puydi nga mangin sumueunod nakon. 27Ro bukon it haom nga mag-atubang it kalisod, paghingabot ag kamatayon#14:27 Sa Griniyego, raya hay “indi magpas-an ku anang krus.” tungod nagasunod imaw kakon hay indi puydi nga mangin sumueunod nakon. 28Pero ayaw kamo it pasamang-samang. Huyapa anay ninyo kon man-o it abo ro inyong isakripisyo. Halimbawa, kon may tawo nga gaplano nga magpatindog it tore, ana anay nga huyapon kon pila ro anang magastos, kon masarangan ron nana it pagpahuman. 29Basi abi kon pundasyon eang ro anang hipatindog ag indi man lang gali imaw makapahuman hay intrimison lang imaw it tanan nga makakita karon. 30Sinanda dayon karon it mga tawo, ‘Ay, aki! Hagad-hagad pa! Gin-ueuumpisahan nana ro trabaho ag indi man lang gali imaw makapahuman.’ 31Hara pa gid ro isaeang ka halimbawa. Indi magsukoe sa gira ro sangka hari kon indi anay nana pagpaino-inohon it mayad kon makasarang ro anang 10 mil nga ka soldado kuntra sa 20 mil nga ka soldado ku anang kuntra nga nagapaadto. 32Kon indi sanda makasarang, samtang maeayo pa ro kuntra hay makasugo imaw it tawo nga mangutana kon ano ro kundisyon ku anang kuntra agod indi sanda pagsalakayon. 33Makaruyon man dapat kamo tanan nga magpaino-ino anay it mayad kon gusto ninyo nga mangin sumueunod nakon. Dahil kon indi ninyo pag-aywanan ro tanan ninyong pagkabutang hay indi kamo puydi nga mangin sumueunod nakon.
34“Kon indi kamo magpadayon sa inyong pagsunod kakon hay pareho kamo it asin nga owa eon it aeat. Mapuslanon ro asin pero kon maduea eon ro kaaeat karon hay owa eon it mahimo nga hipaaeat pa ron it uman. 35Indi eon ron mapuslan bisan ihalo sa eapok o bisan obrahon nga abuno ngani ginapilak eon lang. Tamnan gid sa inyong paino-ino ro tanan ngarang ginhambae ko kinyo.”
Currently Selected:
Lucas 14: akl
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.
Lucas 14
14
Nagpamayad Eon Man si Jesus sa Adlaw it Inogpahuway
1Isaeang ka Adlaw it Inogpahuway, ginkangay si Jesus it sangka manogdumaea it mga Pariseo nga idto magkaon sa anda. Tag nakasaylo eon imaw hay ginbinantayan gid imaw it mga tawo idto. 2Tapos 't-a hay may idto nga eaki nga nagapaeanghaeok sa atubang gid-a ni Jesus. 3Pagkakita ni Jesus ku tawo ngato hay pinangutana nana ro mga maestro it Kasuguan ag ro mga Pariseo ngato nga nagabinantay kana, “Puydi baea sa atong Kasuguan ro magpamayad it masakiton sa Adlaw it Inogpahuway o indi?” 4Pero owa gid sanda magsabat. Ngani ginbuytan dayon ni Jesus rondatong tawo ag ginpamayad. Pagkatapos kara hay ginpapanaw imaw ni Jesus. 5Ginhambae dayon ni Jesus sanda, “Sin-o iya kinyo ro indi eagi magpatakas ku anang unga o baka nga nahueog sa bubon sa Adlaw it Inogpahuway?” 6Pero owa gid sanda makasabat sa mga pangutana ni Jesus.
Ro Mapainubuson hay Pagapadunggan it Dyos
7Hapan-uhan ni Jesus nga ro ginapili gid nga pungkuan ku mga kaibahan nana nga mga kinangay hay tag rato nga para eang sa mga dungganon nga tawo ngani ginhambaean nana sanda, 8“Kon kangayon ka sa ponsyon, ayaw it plastar sa lugar nga para sa pinakadungganon nga tawo ay basi may ginkangay ro tagbaeay nga mas dungganon pa kaysa kimo. 9Tapos hay hambaeon ka ku nagkangay kimo, ‘Taw-an lang abi kana ro imo ngarong lugar.’ Hay kundi mahuy-an ka ag idto ka eon lang dayon ibutang sa lugar nga para sa mga witi-witi. 10Ngani kon kangayon ka, idto plastar sa lugar nga para sa mga witi-witi ag kon hikita ka ku nagkangay kimo hay hambaeon ka nana, ‘Pare, ham-an it iya ka't-ing rikara? Musyon rikato sa lugar nga para sa mga dungganon.’ Hay kundi hikita ka pa ku tanan nimong mga kaibahan sa lamisa nga ginapadunggan ka. 11Dapat kamo nga mangin mapainubuson dahil ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”
Kangaya Tag mga Indi Makabaeos Kimo
12Ginhambaean man ni Jesus ro nagkangay kana, “Kon magpailabas ka o magpaihapon man, ayaw eang pagkinangaya ro imong mga amigo o mga igmanghod o mga igbata o mga kahilapit nga mga manggaranon ay syempre kangayon ka man nanda karon sa ulihi. Hay kundi habaslan ka eon dayon sa imong pagkinangay kanda. 13Pero kon maghanda ka, kangaya't-a permi ro mga pobre, ro mga kimpay, ro mga eupog ag ro mga bulag. 14Kon ruyon ro imong obrahon hay pakamaayuhon ka it Dyos ay indi ron sanda kabaeos kimo. Baeusan ka it Dyos pag-abot it adlaw nga mabanhaw ro mga matarong nga mga tawo.”
Nagturo si Jesus Parti sa mga Nagbaealibad sa Kangay it Dyos
15Pagkabati kara ku sambilog sa mga kaibahan ni Jesus sa lamisa hay naghambae imaw kay Jesus, “Bulahan gid-a ro magakaon sa handaan sa eangit sa oras nga magahari eon gid ro Dyos sa anang mga sinakpan.” 16Nagsabat si Jesus kana paagi sa rayang paanggid nga istorya, “May sangka tawo nga nagpahaom it mabahoe nga handaan ag kaabo ro anang ginkangay. 17Tag oras eon nga inogkaon, ginsugo nana ro anang ulipon nga sueangon ro anang mga ginkangay ngato ay haom eon tanan. 18Pero ro tanan nga mga ginkangay ngato hay nagbaealibad nga indi makaadto. Ro sambilog hay nagbangdanan sa ulipon, ‘Nagbakae abi ako it eugta ag dapat gid nga adtunan ko rato makaron agod tan-awon. Pasensyaha gid ako nga indi ako makaadto ha?’ 19Hambae man it sambilog, ‘Nakabakae abi ako it 10#14:19 Sa Griniyego, raya hay “5 paris” ay 2 ka turo ro ginatakdan it yugo ag dungan nga gabira it arado. ka toro nga pang-arado. Gapanaw eon ngani ako ngara ay akon sanda nga samitan it pag-arado. Pasensyaha gid ako ay indi ako makaadto.’ 20Hambae ma't-a ku isaea, ‘Bag-o eang gid abi ako nga kasae. Indi gid ako makaadto.’ 21Nagbalik ro ulipon sa anang amo ag nagsugid. Pagkabati ku amo hay naakig imaw ag ginhambae nana ro ulipon, ‘Adto makaron eagi sa banwa, ag daeha riya tanan ro imong makita sa mga karsada ag mga iskinita bisan ro mga pobre, ro mga kimpay, ro mga bulag ag ro mga paki.’ 22Nagpanaw ro ulipon ag pagbalik nana hay nagsugid imaw sa amo, ‘Sir, tapos eon nakon ro imong ginsugo ngato pero may lugar pa gihapon sa lamisa.’ 23Nagsabat ro amo, ‘Panaw ag paadtuna riya ro tanan nga tawo nga imong hiagyan sa mga daean sa guwa it banwa ag sa mga aeagyan paadto sa kabaryuhan agod mapuno it tawo ro akong baeay. 24Ginahambae ko eagi kinyo nga owa gid it bisan sambilog sa ratong mga tawo nga hauna ko nga ginpangangay nga makasamit sa pagkaon nga akon nga ginpapahaom.’ ”
Dapat Naton nga Paeabyon ro Pagsunod kay Jesus Eabi sa Tanan
25Nagpadayon si Jesus sa anang pagpamanawon ag kaabo-abo nga mga tawo ro nagsinunod kana. Nagbalikid imaw kanda ag naghambae, 26“Kon may tawo nga mag-adto kakon agod mangin akong sumueunod pero mas ginahigugma#14:26 Sa Griniyego, raya hay “indi nana pagkaugtan” pero ro buot hambaeon ni Jesus hay bukon it kaugtan naton ro mga maeapit katon kundi nga ro atong paghigugma kana hay mas eabaw pa gid dapat kaysa sa atong paghigugma kanda. Basaha sa Mat 10:37. pa nana ro anang ginikanan, asawa, mga unga, mga igmanghod ag ro anang kaugalingon kaysa sa kakon hay indi imaw puydi nga mangin sumueunod nakon. 27Ro bukon it haom nga mag-atubang it kalisod, paghingabot ag kamatayon#14:27 Sa Griniyego, raya hay “indi magpas-an ku anang krus.” tungod nagasunod imaw kakon hay indi puydi nga mangin sumueunod nakon. 28Pero ayaw kamo it pasamang-samang. Huyapa anay ninyo kon man-o it abo ro inyong isakripisyo. Halimbawa, kon may tawo nga gaplano nga magpatindog it tore, ana anay nga huyapon kon pila ro anang magastos, kon masarangan ron nana it pagpahuman. 29Basi abi kon pundasyon eang ro anang hipatindog ag indi man lang gali imaw makapahuman hay intrimison lang imaw it tanan nga makakita karon. 30Sinanda dayon karon it mga tawo, ‘Ay, aki! Hagad-hagad pa! Gin-ueuumpisahan nana ro trabaho ag indi man lang gali imaw makapahuman.’ 31Hara pa gid ro isaeang ka halimbawa. Indi magsukoe sa gira ro sangka hari kon indi anay nana pagpaino-inohon it mayad kon makasarang ro anang 10 mil nga ka soldado kuntra sa 20 mil nga ka soldado ku anang kuntra nga nagapaadto. 32Kon indi sanda makasarang, samtang maeayo pa ro kuntra hay makasugo imaw it tawo nga mangutana kon ano ro kundisyon ku anang kuntra agod indi sanda pagsalakayon. 33Makaruyon man dapat kamo tanan nga magpaino-ino anay it mayad kon gusto ninyo nga mangin sumueunod nakon. Dahil kon indi ninyo pag-aywanan ro tanan ninyong pagkabutang hay indi kamo puydi nga mangin sumueunod nakon.
34“Kon indi kamo magpadayon sa inyong pagsunod kakon hay pareho kamo it asin nga owa eon it aeat. Mapuslanon ro asin pero kon maduea eon ro kaaeat karon hay owa eon it mahimo nga hipaaeat pa ron it uman. 35Indi eon ron mapuslan bisan ihalo sa eapok o bisan obrahon nga abuno ngani ginapilak eon lang. Tamnan gid sa inyong paino-ino ro tanan ngarang ginhambae ko kinyo.”
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.