Lucas 15
15
Ro Istorya Parti sa Naduea nga Karnero
(Mat 18:12-14)
1Permi nga nagainadto kay Jesus ro kaabo-abo nga *manogsukot it buhis ag iba pang ginakabig nga mga makasasaea agod magpamati sa anang pagturo. 2Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.” 3Ngani nagsabat si Jesus sa mga nagmueo-mueo kana paagi sa rayang paanggid nga istorya. 4Hambae nana, “Kon may isaeang ka tawo nga may 100 nga ka karnero ag naduea ro sambilog, bukon abi it anang aywanan#15:4 Ana anay siguro nga ibilin ro 99 ngato sa anang kapareho nga manogbantay it karnero. ro 99 idto sa pahangeaban ag usuyon ratong naduea? 5Kon hikita nana ro ana ngatong karnero hay malipay imaw it duro ag ana rato nga pas-anon pauli. 6Pag-abot nana sa anda hay anang pangtawgon ro anang mga amigo ag mga kahilapit. Hambaeon nana sanda, ‘Mali kamo, magkasadya kita. Nalipay gid ako it duro ay hakita ko eon ro akong karnero nga naduea.’ 7Ginahambae ko kinyo nga mabahoe gid ro kalipay idto sa eangit sa bisan sambato eang nga makasasaea iya sa kalibutan nga maghinuesoe ag magtalikod sa anang mga saea. Pero owa gid it kalipay idto sa eangit sa 99 nga iya sa kalibutan nga nagaeaom nga matarong sanda ag owa eon it kinahangean nga magtalikod sa saea.”
Ro Istorya Parti sa Naduea nga Kwarta
8Hambae pa gid ni Jesus, “Kon may sangka bayi nga may 10 bilog nga pilak nga kwarta#15:8 Sa Griniyego, raya hay drakma. Ku ratong tyempo, ro sang drakma hay sweldo it trabahador sa sang adlaw. ag naduea ro sambilog, bukon abi it masindi imaw it iwag ag ana nga silhigan ro bilog nga baeay ag usuyon it mayad hasta hikita nana rato? 9Kon hikita eon nana rato hay pangtawgon nana ro anang mga amiga ag kahilapit. Hambaeon nana sanda, ‘Mali kamo, magkasadya kita! Nalipay gid ako it duro ay hakita eon nakon ro akong naduea nga drakma.’ 10Ginahambae ko kinyo nga magakalipay ro mga anghel it Dyos kon may sangka makasasaea nga maghinuesoe ag magtalikod sa anang mga saea.”
Ro Istorya Parti sa Naduea nga Unga
11May gin-istorya pa gid si Jesus kanda. Hambae nana, “May sangka tatay nga may daywang ka unga nga eaki. 12Naghambae kana ro anang kamanghuran, ‘Tay, bue-on eon nakon ro akong hueay sa among paeanublion kimo.’ Ngani ginhueay ku ama sa anang daywang ka unga ro andang paeanublion. 13Pagkapilang adlaw, ginbaligya't-a tanan ku kamanghuran ro anang hueay ag pumanaw sa maeayo nga lugar, daea ro anang kabakeanan. Pag-abot idto hay nagpinagusto imaw ag anang ginwaldas ro anang kwarta. 14Tag naubos eon nana it gasto ro anang kwarta hay nag-abot man ro grabi nga tiggueutom sa rato nga lugar ag nagpiot ro anang pagpangabuhi. 15Ngani nagsueod lang imaw it trabaho sa sangka tagaidto ag gin-obra imaw nga manogbahog it baboy idto sa ana karang uma. 16Nagutom gid imaw it duro nga matsa makaon eon imaw it bahog it baboy pero owa it gatao kana it makaon.
17“Ku ulihi hay nakatagumpaaw imaw. Hambae nana sa anang kaugalingon, ‘Ro mga trabahador ni Tatay hay gapaeanubra ro pagkaon pero ako iya hay haeos mamatay eon sa gutom. 18Mauli eon lang ako kay Tatay ag hambaeon ko imaw, “Tay, nagkasaea gid ako sa Dyos ag kimo. 19Bukon eon ako it bagay nga bilangon nga unga nimo. Bilanga lang ako nga sambilog sa imong mga trabahador.” ’ 20Ngani, nag-uli imaw sa anang ama. Hapantawan eagi imaw kara bisan maeayo pa imaw sa anda. Naeuoy gid ra kana it duro ag nagdaeagan ra ag ginsueang-sueang imaw ag ginhakos ag ginharuan. 21Naghambae dayon ro unga, ‘Tay, nagkasaea gid ako sa Dyos ag kimo. Bukon eon ako it bagay nga bilangon nga imong unga.’ 22Pero naghambae ro ama sa anang mga ulipon, ‘Bakasa ninyo! Bue-a to ro pinakamanami nga mahabang eambong ag ilisan imaw. Suksuki man imaw it singsing ag sandalyas 23ag matansaha ninyo tag pinatambok nga baka. Makaon kita ag magkinasadya 24dahil ro akong unga nga eaom ko hay patay eo't-a hay buhi't-a gali. Naduea imaw pero hakita eon.’ Gintuman ro sugo ku ama ag nag-umpisa dayon ro andang paghilinadya.
25“Tag nagakatabo ra, idto pa karon ro magueang nga unga sa eanas. Nag-uli imaw ag tag maeapit lang imaw sa andang baeay, nakabati imaw it tukar ag tunog it mga nagasinaot. 26Gintawag nana ro sambilog sa mga ulipon ag ginpangutana, ‘May alin iya sa aton ay?’ 27Nagsabat ro ulipon, ‘Nag-abot eon ro imong manghod ag ginpamatansa ni Tatay mo tag pinatambok nga baka ay nakabalik kana ro imong manghod nga sa mayad nga kahimtangan.’ 28Pero naakig ro magueang ag indi imaw magsueod sa baeay. Nagguwa ro andang ama ag ginhininyo imaw nga magsueod. 29Pero ginsabat nana ro andang ama, ‘Kabatas ka ma't-ing, Tay. Nagpinamuskoe ako kimo it pilang dag-on ag gintuman ko tanan ro imong sugo. Hataw-an mo gid baea ako it bisan tiyo eon lang it kanding nga akong ihanda sa akong mga amigo ag magkueukalipay man mana? Owa gid! 30Pero pag-uli ku imo ngarong unga nga nagwaldas sa mga maeain nga bayi ku imong ginpapanubli kana hay imo pa nga ginpamatansahan ku pinatambok nga baka!’ 31Nagsabat ro ama, ‘Toto, iya ka't-ing permi sa akong euyo ag kon ano ro akon hay imo man. 32Pero dapat kita nga magselebrar ag magkalipay ay ro imong manghod nga eaom naton nga patay eon hay buhi't-a gali. Naduea imaw pero nag-uli eon.’ ”
Currently Selected:
Lucas 15: akl
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.
Lucas 15
15
Ro Istorya Parti sa Naduea nga Karnero
(Mat 18:12-14)
1Permi nga nagainadto kay Jesus ro kaabo-abo nga *manogsukot it buhis ag iba pang ginakabig nga mga makasasaea agod magpamati sa anang pagturo. 2Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.” 3Ngani nagsabat si Jesus sa mga nagmueo-mueo kana paagi sa rayang paanggid nga istorya. 4Hambae nana, “Kon may isaeang ka tawo nga may 100 nga ka karnero ag naduea ro sambilog, bukon abi it anang aywanan#15:4 Ana anay siguro nga ibilin ro 99 ngato sa anang kapareho nga manogbantay it karnero. ro 99 idto sa pahangeaban ag usuyon ratong naduea? 5Kon hikita nana ro ana ngatong karnero hay malipay imaw it duro ag ana rato nga pas-anon pauli. 6Pag-abot nana sa anda hay anang pangtawgon ro anang mga amigo ag mga kahilapit. Hambaeon nana sanda, ‘Mali kamo, magkasadya kita. Nalipay gid ako it duro ay hakita ko eon ro akong karnero nga naduea.’ 7Ginahambae ko kinyo nga mabahoe gid ro kalipay idto sa eangit sa bisan sambato eang nga makasasaea iya sa kalibutan nga maghinuesoe ag magtalikod sa anang mga saea. Pero owa gid it kalipay idto sa eangit sa 99 nga iya sa kalibutan nga nagaeaom nga matarong sanda ag owa eon it kinahangean nga magtalikod sa saea.”
Ro Istorya Parti sa Naduea nga Kwarta
8Hambae pa gid ni Jesus, “Kon may sangka bayi nga may 10 bilog nga pilak nga kwarta#15:8 Sa Griniyego, raya hay drakma. Ku ratong tyempo, ro sang drakma hay sweldo it trabahador sa sang adlaw. ag naduea ro sambilog, bukon abi it masindi imaw it iwag ag ana nga silhigan ro bilog nga baeay ag usuyon it mayad hasta hikita nana rato? 9Kon hikita eon nana rato hay pangtawgon nana ro anang mga amiga ag kahilapit. Hambaeon nana sanda, ‘Mali kamo, magkasadya kita! Nalipay gid ako it duro ay hakita eon nakon ro akong naduea nga drakma.’ 10Ginahambae ko kinyo nga magakalipay ro mga anghel it Dyos kon may sangka makasasaea nga maghinuesoe ag magtalikod sa anang mga saea.”
Ro Istorya Parti sa Naduea nga Unga
11May gin-istorya pa gid si Jesus kanda. Hambae nana, “May sangka tatay nga may daywang ka unga nga eaki. 12Naghambae kana ro anang kamanghuran, ‘Tay, bue-on eon nakon ro akong hueay sa among paeanublion kimo.’ Ngani ginhueay ku ama sa anang daywang ka unga ro andang paeanublion. 13Pagkapilang adlaw, ginbaligya't-a tanan ku kamanghuran ro anang hueay ag pumanaw sa maeayo nga lugar, daea ro anang kabakeanan. Pag-abot idto hay nagpinagusto imaw ag anang ginwaldas ro anang kwarta. 14Tag naubos eon nana it gasto ro anang kwarta hay nag-abot man ro grabi nga tiggueutom sa rato nga lugar ag nagpiot ro anang pagpangabuhi. 15Ngani nagsueod lang imaw it trabaho sa sangka tagaidto ag gin-obra imaw nga manogbahog it baboy idto sa ana karang uma. 16Nagutom gid imaw it duro nga matsa makaon eon imaw it bahog it baboy pero owa it gatao kana it makaon.
17“Ku ulihi hay nakatagumpaaw imaw. Hambae nana sa anang kaugalingon, ‘Ro mga trabahador ni Tatay hay gapaeanubra ro pagkaon pero ako iya hay haeos mamatay eon sa gutom. 18Mauli eon lang ako kay Tatay ag hambaeon ko imaw, “Tay, nagkasaea gid ako sa Dyos ag kimo. 19Bukon eon ako it bagay nga bilangon nga unga nimo. Bilanga lang ako nga sambilog sa imong mga trabahador.” ’ 20Ngani, nag-uli imaw sa anang ama. Hapantawan eagi imaw kara bisan maeayo pa imaw sa anda. Naeuoy gid ra kana it duro ag nagdaeagan ra ag ginsueang-sueang imaw ag ginhakos ag ginharuan. 21Naghambae dayon ro unga, ‘Tay, nagkasaea gid ako sa Dyos ag kimo. Bukon eon ako it bagay nga bilangon nga imong unga.’ 22Pero naghambae ro ama sa anang mga ulipon, ‘Bakasa ninyo! Bue-a to ro pinakamanami nga mahabang eambong ag ilisan imaw. Suksuki man imaw it singsing ag sandalyas 23ag matansaha ninyo tag pinatambok nga baka. Makaon kita ag magkinasadya 24dahil ro akong unga nga eaom ko hay patay eo't-a hay buhi't-a gali. Naduea imaw pero hakita eon.’ Gintuman ro sugo ku ama ag nag-umpisa dayon ro andang paghilinadya.
25“Tag nagakatabo ra, idto pa karon ro magueang nga unga sa eanas. Nag-uli imaw ag tag maeapit lang imaw sa andang baeay, nakabati imaw it tukar ag tunog it mga nagasinaot. 26Gintawag nana ro sambilog sa mga ulipon ag ginpangutana, ‘May alin iya sa aton ay?’ 27Nagsabat ro ulipon, ‘Nag-abot eon ro imong manghod ag ginpamatansa ni Tatay mo tag pinatambok nga baka ay nakabalik kana ro imong manghod nga sa mayad nga kahimtangan.’ 28Pero naakig ro magueang ag indi imaw magsueod sa baeay. Nagguwa ro andang ama ag ginhininyo imaw nga magsueod. 29Pero ginsabat nana ro andang ama, ‘Kabatas ka ma't-ing, Tay. Nagpinamuskoe ako kimo it pilang dag-on ag gintuman ko tanan ro imong sugo. Hataw-an mo gid baea ako it bisan tiyo eon lang it kanding nga akong ihanda sa akong mga amigo ag magkueukalipay man mana? Owa gid! 30Pero pag-uli ku imo ngarong unga nga nagwaldas sa mga maeain nga bayi ku imong ginpapanubli kana hay imo pa nga ginpamatansahan ku pinatambok nga baka!’ 31Nagsabat ro ama, ‘Toto, iya ka't-ing permi sa akong euyo ag kon ano ro akon hay imo man. 32Pero dapat kita nga magselebrar ag magkalipay ay ro imong manghod nga eaom naton nga patay eon hay buhi't-a gali. Naduea imaw pero nag-uli eon.’ ”
Currently Selected:
:
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.