Lucas 4
4
Gintinentar ni Satanas si Jesus
(Mat 4:1-11; Mar 1:12-13)
1Ginagamhan eon si Jesus it Espirito Santo tag naghalin imaw sa suba it Jordan. Gin-giyahan dayon imaw it Espirito Santo nga mag-adto sa *disyerto. 2Idto imaw nagtenir sa sueod it kwarenta diyas ag gintinentar imaw idto ni Satanas.#4:2 Sa Griniyego, raya hay “Dyablo” nga ro kahueugan hay manogpakaeain o manogpabangod. Sa Hinebreo, ro kahueugan it Satanas hay kaaway. Pagkatapos it kwarenta diyas hay gin-gutom gid si Jesus ay owa gid imaw it kinaon sa sueod it ratong mga inadlaw.
3Ginhambae dayon imaw ni Satanas,#4:3 Sa Griniyego raya hay “Dyablo”. “Dahil Unga ka it Dyos, sugua rondaya nga bato nga mangin tinapay.” 4Nagsabat si Jesus, “Nasueat sa Sagrado nga Kasueatan nga ‘Bukon eang it sa pagkaon mabuhi ro tawo.’ ”#4:4 Deut 8:3.
5Pagkatapos, gindaea imaw ni Satanas sa mataas nga lugar ag sa sang pamisok hay ginpakita kana ro tanan nga mga nasyon sa bilog nga kalibutan. 6Hambae kana ni Satanas,#4:6 Sa Griniyego raya hay “Dyablo” “Ikaw ro akong padumaeahon karon tanan ag imo pati ro kadungganan ku ruyon nga mga nasyon. Gintao ron kakon tanan ag puydi ko man ron nga itao bisan kanyo nga nailaan ko nga taw-an. 7Ngani kon mageuhod ka sa akong atubang sa pagsimba kakon hay imo ron tanan.”
8Nagsabat si Jesus, “Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”#4:8 Deut 6:13.
9Gindaea dayon imaw ni Satanas sa Jerusalem ag ginpatindog sa pinakamataas nga parti it Templo. Hambae kana ni Satanas, “Dahil Unga ka it Dyos, abi eumpat 10ay nasueat sa Sagrado nga Kasueatan nga ‘Suguon it Dyos ro anang mga anghel nga bantayan ka.’#4:10 Salmo 91:11. 11Ag nasueat man nga ‘Anda ka nga sapnayon agod owa it matabo kimo ag bisan ro imong siki hay indi hinandad sa bato.’ ”#4:11 Salmo 91:12.
12Nagsabat si Jesus kana, “Nasueat man sa Sagrado nga Kasueatan nga, ‘Ayaw pagsamiti ro Ginuo nga imong Dyos.’ ”#4:12 Deut 6:16.
13Tag nahimo eon ni Satanas ro tanan nga paagi agod eang hitentar si Jesus, inaywanan anay nana ra ag naghueat nga makatsansa imaw sa ulihi.
Nag-umpisa si Jesus sa Anang mga Oeobrahon sa Galilea
(Mat 4:12-17; Mar 1:14-15)
14Nagbalik si Jesus sa probinsya it Galilea. Ginagamhan gid imaw ku Espirito Santo ag nangin bantog imaw sa bilog nga Galilea hasta sa palibot nga mga probinsya. 15Nagturo imaw sa mga *sinagoga idto ag ro tanan hay nagdayaw gid kana.
Ginapatay Kunta Si Jesus ku Anang mga Kasimanwa sa Nazaret
(Mat 13:53-58; Mar 6:1-6)
16Pagkatapos, nag-adto si Jesus sa Nazaret nga banwang anang ginbahuean. PagkaAdlaw it Inogpahuway, nag-adto imaw sa sinagoga idto pareho ku ana perming ginaobra. Tag idto eon imaw, nagtindog imaw agod basahon it mabaskog ro Sagrado nga Kasueatan ag 17gintao kana ro nakabalilin nga kasueatan nga ginsueat ni Propeta Isaias. Ginbukad ni Jesus rato ag nakita nana kon siin nasueat raya:
18“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos.
Ana ako nga ginpaadto iya agod ipahayag sa mga bihag nga puydi sandang mahilway
ag sa mga bulag nga makakita sanda it uman
ag sa mga matsa ginaeuok it kalisod nga puydi man sanda nga makatibawas.
19 Iya man ako agod ipahayag nga nag-abot eon ro oras it pagpakamaayo ku Ginuong Dyos.”#4:18-19 Isa 61:1-2.
20Pagkatapos ni Jesus it basa, ana nga ginbalilin ratong kasueatan ag ginbalik sa manogbulig sa sinagoga ag nagpungko imaw agod magturo. Owa gid gahalin kana ro panueok ku tanan nga mga tawo sa sueod it sinagoga. 21Nagturo dayon imaw sa mga tawo. Hambae nana, “Nagakinatuman eon makaron rondatong parti it Sagrado nga Kasueatan nga habatian ninyo nga ginbasa ko kinyo.”
22Pagkabati nanda kara hay gindinayaw nanda tanan imaw ag hangawa gid sanda sa sadyaan nga mga ginpanghambae nana. Pero sinanda man, “Bukon abi it unga man lang ra imaw ni Jose nga tagaiya sa aton?”
23Naghambae si Jesus kanda, “Sigurado ako nga ihambae man ninyo kakon ro haeambaeunon nga, ‘Doktor, buenga ro imong kaugalingon.’ Ag inyo man ako nga hambaeon nga, ‘Obraha iya sa imong banwang ginbahuean ro tanan nga milagro nga among habatian nga gin-obra nimo sa syudad it Capernaum.’ 24Matuod rang ginahambae kinyo nga owa gid it propeta nga ginabaton sa ana mismo nga banwa. 25Pareho anay kay propeta Elias. Owa gid kato nag-uean it tatlong dag-on ag tunga ngani may grabi nga tig-gueutom sa tanan nga kabanwahan sa bilog nga nasyon. Matuod nga abo man ro bayi nga baeo iya sa Israel ku rato nga tyempo 26pero owa it bisan sambilog kanda nga ginpabuligan ro Dyos kay Elias. Idto imaw ginpaadto it Dyos sa Sidon agod buligan rondato nga baeo nga bukon it Judio sa banwa it Zarefat.#4:26 1 Hari 17:1, 7-16. Nagapaeubot-eubot kara si Jesus nga kon indi nanda pagbatunon ro anang ginaobra idto sa andang lugar hay maadto imaw sa ibang lugar ag sa ulihi hay ro Mayad nga Balita hay iwali sa bukon it mga Judio. 27Ag sa tyempo man anay ni propeta Eliseo, abo nga aruon sa Israel pero owa imaw it ginpamayad bisan sambilog kanda. Pero ginpamayad 't-a nana rondato nga tagaSyria nga si Naaman ro ngaean.”#4:27 Basaha sa 1 Hari 5:1-14.
28Pagkabati nanda kara, ro tanan nga mga tawo nga una sa sinagoga hay naakig gid it duro kay Jesus. 29Gulpi eang sanda tumindog ag tinikeod si Jesus paguwa sa sinagoga hasta sa guwa it banwa, idto sa banglid nga natindugan ku andang banwa. Anda kunta imaw nga itikeod idto 30pero umagi ea't-a si Jesus sa andang tunga ag pumanaw.
Ginpamayad ni Jesus Ro Sangka Tawo nga Ginsudlan it Maeain nga Espirito
(Mar 1:21-28)
31Nag-adto dayon si Jesus sa Capernaum nga sangka banwa sa Galilea. Nagturo man imaw idto sa sinagoga tag *Adlaw it Inogpahuway. 32Hangawa gid ro mga tawo nga nagapamati kana ay sigurado gid imaw ku kamatuuran nga anang ginaturo. 33Sa sinagoga ngato hay may idto nga tawo nga ginsudlan it maeain nga espirito. Nagsinggit imaw, 34“Ay a! Ayaw kami pag-intrahi, Jesus nga tagaNazaret. Owa't-a kita it eabot sa kada isaea. Imo eo't-a kami nga ieapog sa impyerno agod pinahan ay? Kilaea ko gid ikaw. Ikaw ro Balaan nga ginpadaea iya it Dyos.”
35Pero ginsaway imaw ni Jesus. Hambae nana, “Hipos! Guwa kana!” Ginpatumba ku maeain nga espirito ro tawo ngato sa atubang nanday Jesus. Nagguwa dayon sa tawo ro maeain nga espirito ag owa gid maalin ratong tawo. 36Hangawa gid it duro ro tanan nga mga tawo idto sa sinagoga ag sinanda sa kada isaea, “Grabi't-a imaw maghambae! May anang otoridad ag gahom sa pagsugo sa maeain nga espirito nga magguwa ag nagatuman 't-a sanda kana.” 37Ginpinamalita it mga tawo ro natabo ngara ngani nangin bantog si Jesus sa tanan nga mga lugar sa palibot.
Abo nga Tawo ro Ginpamayad ni Jesus
(Mat 8:14-17; Mar 1:29-34)
38Nagguwa dayon si Jesus sa sinagoga ngato ag nag-adto sa baeay ni Simon. Haabutan nanda idto nga mataas ro eagnat ku ay Simon nga panugangan nga bayi ngani ginpangabay nanda si Jesus nga buligan rato. 39Nagpaeapit si Jesus sa may ginaeugban ku panugangan ni Simon ag ginpahalin sa eawas kara ro eagnat. Naduea ro anang eagnat ag nagbangon eagi imaw ag ginserbihan sanda.
40Tag nagapatunod eon ro adlaw, ro tanan nga may nagamasakit sa anda it bisan ano nga baeatian hay nagdaea kay Jesus ku andang mga masakiton. Ana nga ginpangtungtungan ku anang alima ro kada isaea kanda ag ginpamayad sanda. 41Abo man nga mga maeain nga espirito ro ginsuboe ni Jesus sa eawas it mga tawo. Nagasinggit ro mga maeain nga espirito nga si Jesus ro Unga it Dyos pero ginpahipos sanda ni Jesus. Owa gid sanda pagpabay-i ni Jesus nga maghambae ay sayod abi nanda nga imaw ro Maneueuwas nga ginpromisa it Dyos.
Nagwali si Jesus sa mga Sinagoga it mga Judio
(Mar 1:35-39)
42Pagkaaga-aga, nag-adto si Jesus sa *disyerto. Gin-inusoy imaw it mga tawo ag pagkakita nanda kay Jesus hay anda imaw nga ginhinawiran nga indi maghalin sa andang banwa. 43Pero nagsabat si Jesus kanda, “Dapat abi nga ro Mayad nga Balita parti sa paghari it Dyos sa anang mga sinakpan hay akon man nga iwali sa iba pang mga lugar. Duyon ro rason nga ginpaadto ako iya it Dyos.”
44Ngani naglinibot si Jesus ag nagwinali sa mga sinagoga it mga Judio.#4:44 Sa Griniyego raya hay “sa mga sinagoga it Judea,” pero posible man nga ro kahueugan it “Judea” hay “mga Judio.” Mas nagakasinanto ra sa ginsueat nanday Mateo ag Marcos nga naglinibot si Jesus sa bilog nga probinsya it Galilea ag nagturo sa mga sinagoga (basaha sa Mat 4:23 ag sa Mar 1:39).
Currently Selected:
Lucas 4: akl
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.
Lucas 4
4
Gintinentar ni Satanas si Jesus
(Mat 4:1-11; Mar 1:12-13)
1Ginagamhan eon si Jesus it Espirito Santo tag naghalin imaw sa suba it Jordan. Gin-giyahan dayon imaw it Espirito Santo nga mag-adto sa *disyerto. 2Idto imaw nagtenir sa sueod it kwarenta diyas ag gintinentar imaw idto ni Satanas.#4:2 Sa Griniyego, raya hay “Dyablo” nga ro kahueugan hay manogpakaeain o manogpabangod. Sa Hinebreo, ro kahueugan it Satanas hay kaaway. Pagkatapos it kwarenta diyas hay gin-gutom gid si Jesus ay owa gid imaw it kinaon sa sueod it ratong mga inadlaw.
3Ginhambae dayon imaw ni Satanas,#4:3 Sa Griniyego raya hay “Dyablo”. “Dahil Unga ka it Dyos, sugua rondaya nga bato nga mangin tinapay.” 4Nagsabat si Jesus, “Nasueat sa Sagrado nga Kasueatan nga ‘Bukon eang it sa pagkaon mabuhi ro tawo.’ ”#4:4 Deut 8:3.
5Pagkatapos, gindaea imaw ni Satanas sa mataas nga lugar ag sa sang pamisok hay ginpakita kana ro tanan nga mga nasyon sa bilog nga kalibutan. 6Hambae kana ni Satanas,#4:6 Sa Griniyego raya hay “Dyablo” “Ikaw ro akong padumaeahon karon tanan ag imo pati ro kadungganan ku ruyon nga mga nasyon. Gintao ron kakon tanan ag puydi ko man ron nga itao bisan kanyo nga nailaan ko nga taw-an. 7Ngani kon mageuhod ka sa akong atubang sa pagsimba kakon hay imo ron tanan.”
8Nagsabat si Jesus, “Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”#4:8 Deut 6:13.
9Gindaea dayon imaw ni Satanas sa Jerusalem ag ginpatindog sa pinakamataas nga parti it Templo. Hambae kana ni Satanas, “Dahil Unga ka it Dyos, abi eumpat 10ay nasueat sa Sagrado nga Kasueatan nga ‘Suguon it Dyos ro anang mga anghel nga bantayan ka.’#4:10 Salmo 91:11. 11Ag nasueat man nga ‘Anda ka nga sapnayon agod owa it matabo kimo ag bisan ro imong siki hay indi hinandad sa bato.’ ”#4:11 Salmo 91:12.
12Nagsabat si Jesus kana, “Nasueat man sa Sagrado nga Kasueatan nga, ‘Ayaw pagsamiti ro Ginuo nga imong Dyos.’ ”#4:12 Deut 6:16.
13Tag nahimo eon ni Satanas ro tanan nga paagi agod eang hitentar si Jesus, inaywanan anay nana ra ag naghueat nga makatsansa imaw sa ulihi.
Nag-umpisa si Jesus sa Anang mga Oeobrahon sa Galilea
(Mat 4:12-17; Mar 1:14-15)
14Nagbalik si Jesus sa probinsya it Galilea. Ginagamhan gid imaw ku Espirito Santo ag nangin bantog imaw sa bilog nga Galilea hasta sa palibot nga mga probinsya. 15Nagturo imaw sa mga *sinagoga idto ag ro tanan hay nagdayaw gid kana.
Ginapatay Kunta Si Jesus ku Anang mga Kasimanwa sa Nazaret
(Mat 13:53-58; Mar 6:1-6)
16Pagkatapos, nag-adto si Jesus sa Nazaret nga banwang anang ginbahuean. PagkaAdlaw it Inogpahuway, nag-adto imaw sa sinagoga idto pareho ku ana perming ginaobra. Tag idto eon imaw, nagtindog imaw agod basahon it mabaskog ro Sagrado nga Kasueatan ag 17gintao kana ro nakabalilin nga kasueatan nga ginsueat ni Propeta Isaias. Ginbukad ni Jesus rato ag nakita nana kon siin nasueat raya:
18“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos.
Ana ako nga ginpaadto iya agod ipahayag sa mga bihag nga puydi sandang mahilway
ag sa mga bulag nga makakita sanda it uman
ag sa mga matsa ginaeuok it kalisod nga puydi man sanda nga makatibawas.
19 Iya man ako agod ipahayag nga nag-abot eon ro oras it pagpakamaayo ku Ginuong Dyos.”#4:18-19 Isa 61:1-2.
20Pagkatapos ni Jesus it basa, ana nga ginbalilin ratong kasueatan ag ginbalik sa manogbulig sa sinagoga ag nagpungko imaw agod magturo. Owa gid gahalin kana ro panueok ku tanan nga mga tawo sa sueod it sinagoga. 21Nagturo dayon imaw sa mga tawo. Hambae nana, “Nagakinatuman eon makaron rondatong parti it Sagrado nga Kasueatan nga habatian ninyo nga ginbasa ko kinyo.”
22Pagkabati nanda kara hay gindinayaw nanda tanan imaw ag hangawa gid sanda sa sadyaan nga mga ginpanghambae nana. Pero sinanda man, “Bukon abi it unga man lang ra imaw ni Jose nga tagaiya sa aton?”
23Naghambae si Jesus kanda, “Sigurado ako nga ihambae man ninyo kakon ro haeambaeunon nga, ‘Doktor, buenga ro imong kaugalingon.’ Ag inyo man ako nga hambaeon nga, ‘Obraha iya sa imong banwang ginbahuean ro tanan nga milagro nga among habatian nga gin-obra nimo sa syudad it Capernaum.’ 24Matuod rang ginahambae kinyo nga owa gid it propeta nga ginabaton sa ana mismo nga banwa. 25Pareho anay kay propeta Elias. Owa gid kato nag-uean it tatlong dag-on ag tunga ngani may grabi nga tig-gueutom sa tanan nga kabanwahan sa bilog nga nasyon. Matuod nga abo man ro bayi nga baeo iya sa Israel ku rato nga tyempo 26pero owa it bisan sambilog kanda nga ginpabuligan ro Dyos kay Elias. Idto imaw ginpaadto it Dyos sa Sidon agod buligan rondato nga baeo nga bukon it Judio sa banwa it Zarefat.#4:26 1 Hari 17:1, 7-16. Nagapaeubot-eubot kara si Jesus nga kon indi nanda pagbatunon ro anang ginaobra idto sa andang lugar hay maadto imaw sa ibang lugar ag sa ulihi hay ro Mayad nga Balita hay iwali sa bukon it mga Judio. 27Ag sa tyempo man anay ni propeta Eliseo, abo nga aruon sa Israel pero owa imaw it ginpamayad bisan sambilog kanda. Pero ginpamayad 't-a nana rondato nga tagaSyria nga si Naaman ro ngaean.”#4:27 Basaha sa 1 Hari 5:1-14.
28Pagkabati nanda kara, ro tanan nga mga tawo nga una sa sinagoga hay naakig gid it duro kay Jesus. 29Gulpi eang sanda tumindog ag tinikeod si Jesus paguwa sa sinagoga hasta sa guwa it banwa, idto sa banglid nga natindugan ku andang banwa. Anda kunta imaw nga itikeod idto 30pero umagi ea't-a si Jesus sa andang tunga ag pumanaw.
Ginpamayad ni Jesus Ro Sangka Tawo nga Ginsudlan it Maeain nga Espirito
(Mar 1:21-28)
31Nag-adto dayon si Jesus sa Capernaum nga sangka banwa sa Galilea. Nagturo man imaw idto sa sinagoga tag *Adlaw it Inogpahuway. 32Hangawa gid ro mga tawo nga nagapamati kana ay sigurado gid imaw ku kamatuuran nga anang ginaturo. 33Sa sinagoga ngato hay may idto nga tawo nga ginsudlan it maeain nga espirito. Nagsinggit imaw, 34“Ay a! Ayaw kami pag-intrahi, Jesus nga tagaNazaret. Owa't-a kita it eabot sa kada isaea. Imo eo't-a kami nga ieapog sa impyerno agod pinahan ay? Kilaea ko gid ikaw. Ikaw ro Balaan nga ginpadaea iya it Dyos.”
35Pero ginsaway imaw ni Jesus. Hambae nana, “Hipos! Guwa kana!” Ginpatumba ku maeain nga espirito ro tawo ngato sa atubang nanday Jesus. Nagguwa dayon sa tawo ro maeain nga espirito ag owa gid maalin ratong tawo. 36Hangawa gid it duro ro tanan nga mga tawo idto sa sinagoga ag sinanda sa kada isaea, “Grabi't-a imaw maghambae! May anang otoridad ag gahom sa pagsugo sa maeain nga espirito nga magguwa ag nagatuman 't-a sanda kana.” 37Ginpinamalita it mga tawo ro natabo ngara ngani nangin bantog si Jesus sa tanan nga mga lugar sa palibot.
Abo nga Tawo ro Ginpamayad ni Jesus
(Mat 8:14-17; Mar 1:29-34)
38Nagguwa dayon si Jesus sa sinagoga ngato ag nag-adto sa baeay ni Simon. Haabutan nanda idto nga mataas ro eagnat ku ay Simon nga panugangan nga bayi ngani ginpangabay nanda si Jesus nga buligan rato. 39Nagpaeapit si Jesus sa may ginaeugban ku panugangan ni Simon ag ginpahalin sa eawas kara ro eagnat. Naduea ro anang eagnat ag nagbangon eagi imaw ag ginserbihan sanda.
40Tag nagapatunod eon ro adlaw, ro tanan nga may nagamasakit sa anda it bisan ano nga baeatian hay nagdaea kay Jesus ku andang mga masakiton. Ana nga ginpangtungtungan ku anang alima ro kada isaea kanda ag ginpamayad sanda. 41Abo man nga mga maeain nga espirito ro ginsuboe ni Jesus sa eawas it mga tawo. Nagasinggit ro mga maeain nga espirito nga si Jesus ro Unga it Dyos pero ginpahipos sanda ni Jesus. Owa gid sanda pagpabay-i ni Jesus nga maghambae ay sayod abi nanda nga imaw ro Maneueuwas nga ginpromisa it Dyos.
Nagwali si Jesus sa mga Sinagoga it mga Judio
(Mar 1:35-39)
42Pagkaaga-aga, nag-adto si Jesus sa *disyerto. Gin-inusoy imaw it mga tawo ag pagkakita nanda kay Jesus hay anda imaw nga ginhinawiran nga indi maghalin sa andang banwa. 43Pero nagsabat si Jesus kanda, “Dapat abi nga ro Mayad nga Balita parti sa paghari it Dyos sa anang mga sinakpan hay akon man nga iwali sa iba pang mga lugar. Duyon ro rason nga ginpaadto ako iya it Dyos.”
44Ngani naglinibot si Jesus ag nagwinali sa mga sinagoga it mga Judio.#4:44 Sa Griniyego raya hay “sa mga sinagoga it Judea,” pero posible man nga ro kahueugan it “Judea” hay “mga Judio.” Mas nagakasinanto ra sa ginsueat nanday Mateo ag Marcos nga naglinibot si Jesus sa bilog nga probinsya it Galilea ag nagturo sa mga sinagoga (basaha sa Mat 4:23 ag sa Mar 1:39).
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.