Lucas 5
5
Ro Pagtawag ni Jesus ku Hauna Nana nga mga Sumueunod
(Mat 4:18-22; Mar 1:16-20)
1Isaeang adlaw, tag idto si Jesus nagatindog sa may baybayon ku Dagat it Genesaret,#5:1 Raya nga dagat hay ginatawag man nga Dagat it Galilea o Dagat it Tiberias. nagdaeaguso kana ro kaabo nga mga tawo agod magpamati it mensahi halin sa Dyos. 2Nakakita imaw idto it daywang ka baroto nga una sa bi-bi it dagat. Owa eon runa sa baroto ro mga mangingisda ay nagahugas sanda ku andang mga lambat sa tubi. 3Nagsakay si Jesus sa sambilog sa mga baroto idto. Ro tag-ana ku baroto ngato hay si Simon. Ana dayon nga ginpangabay si Simon nga itikeod sa madaeom-daeom ro baroto. Pagkatapos, nagpungko imaw sa baroto ag nagturo sa mga tawo nga idto sa baybayon.
4Pagkatapos ni Jesus it turo, ginhambae nana si Simon, “Daeha ro imong baroto sa madaeom ag itaktak ro inyong mga lambat agod makadakop kamo.” 5Nagsabat si Simon, “Abaw, Sir, sang gabii ro among pagpinangisda pero owa gid kami it dakop. Pero bangod ruyon ro imong hambae hay di sige, itaktak ko ro mga lambat.” 6Ngani gindaea nanda sa madaeom ro baroto ag gintaktak nanda ro andang mga lambat ag kaabo-abo ro andang hadakpan. Haeos magisi ro mga lambat sa kaabuon it hadakpan nga isda. 7Ginsinyasan nanday Simon ro andang mga kaibahan sa sambilog pa nga baroto nga buligan sanda. Pag-abot ku andang mga kaibahan, ginbutang nanday Simon ro andang dakop sa daywang ka baroto. Napuno ro andang mga baroto ag matsa maeunod eon rato dahil sa kaabuon ku isda. 8Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.” 9Nakahambae kara si Simon tungod hangawa gid imaw sa kaabo ku andang dakop. Hangawa man ro ay Pedro nga mga kaibahan, 10pati man ro mga unga ni Zebedeo nga sanday Santiago ag Juan. Kaibahan gid ra sanda ni Simon sa pagpangisda.
Nagsabat si Jesus kay Simon, “Ayaw mahadlok. Umpisa makaron, imbis nga isda ro inyong dakpon hay tawo ro inyong kumbinsihon nga magtuo kakon.” 11Pagkatapos, ginpabinit nanda ro mga baroto ag in-aywanan dayon nanda rato sa baybayon. Gin-aywanan nanda ro tanan bisan ro andang pagpangisda ag nagsunod kay Jesus, agod mangin anang mga sumueunod.
Ginpamayad ni Jesus ro Isaeang ka Aruon
(Mat 8:2-4; Mar 1:40-45)
12Kaisaea kato, idto si Jesus sa isaeang ka banwa. May tawo idto nga lipos it aro ro anang eawas. Pagkakita nana kay Jesus hay pinaeapitan nana ra ag naghapa sa anang atubang ag nagpakitluoy kana. Hambae ku aruon, “Ginuo, kasayod ako nga mapamayad mo ako kon gusto mo.” 13Ginbuytan imaw ni Jesus ag ginhambae, “Gusto ko nga pamayron ka. Mayad ka eon!” Naduea eagi ro aro sa eawas ku tawo ngato. 14Ginhambae imaw ni Jesus, “Ayaw gid magsugid kara bisan kanyo, pero umadto ka dayon sa saserdote#5:14 Ro pinakatrabaho ku mga saserdote hay bilang tigeawas ku mga tawo sa Dyos. Sanda ro nagahaead sa Dyos it mga sapat bilang sakripisyo ku mga tawo ag nagahaead man it iba pang mga haead. Sanda man ro nagahambae kon ro mga tawo nga may makataeapon nga baeatian sa panit hay limpyo eon kon nagmayad eon sanda (Lev 14:1-32). ag magpatan-aw. Maghaead ka dayon it sakripisyo para sa imong paglimpyo suno sa Kasuguan ni Moises bilang pamatuod sa mga tawo nga mayad ka eon.” 15Pero ro balita parti kay Jesus hay mas kapin nga nageapnaag ngani nag-adto kana ro kaabo nga tawo agod magpamati ag magpabueong. 16Pero may mga beses nga ginaaywan nana sanda ag nagaadto imaw sa *disyerto agod magpangamuyo.
Ginpamayad ni Jesus ro Isaeang ka Paralitiko
(Mat 9:1-8; Mar 2:1-12)
17Kaisaea kato, tag nagaturo si Jesus, may idto man nga mga *Pariseo ag mga *maestro it Kasuguan it Dyos nga nagapungko idto ag nagapamati. Idto pa sanda naghaealin sa mga kabaryuhan ku mga probinsya it Galilea ag Judea, ag pati man sa Jerusalem. Una kay Jesus ro gahom it Dyos agod makapamayad it mga nagamasakit. 18May nag-abot dayon nga mga tawo nga may ginaeayungan nga paralitiko. Anda kunta imaw nga ginadaea sa sueod it baeay ag ibutang sa atubang ni Jesus, 19ugaling hay indi sanda makasueod ay kaabo ro tawo. Ngani gindaea nanda rondatong paralitiko sa bubungan.#5:19 Sa andang lugar, ro bubungan it baeay hay matapan ag puydi nga tikangan, nga human sa pinatig-a nga eapok nga may halo nga matsa dagami, ugaling ro bubungan 't-a ku rayang baeay hay human sa manipis nga tisa. Anda nga ginbuhuan ro bubungan nga tisa ag gintuntun sa tunga nanday Jesus ag ku mga tawo ro paralitiko nga nagaeubog sa ana nga eugban. 20Pagkakita ni Jesus nga nagatuo sanda kana nga mapamayad nana ro paralitiko, ginhambae ra nana, “Toto ginpatawad eon ro imong mga saea.” 21Sa paino-ino it mga maestro it Kasuguan ag ku mga Pariseo, “Matsa kon sin-o gid imaw ra nga ana't-a nga tupungan ro Dyos! Sin-o eang ro makapatawad it mga saea kundi ro Dyos man lang?” 22Pero sayod ni Jesus ro andang ginapaino-ino, ngani naghambae imaw kanda, “Ham-an it makaruyon 't-a ro inyong ginaisip? 23Ano ro mas maeumo nga ihambae? ‘Ginpatawad eon ro imong mga saea’ ukon, ‘Bangon ag magtikang’?#5:23 Mas maeumo eang nga ihambae sa paralitiko nga ginpatawad eon ro anang mga saea ay owa it makasayod kon ginpatawad eon matuod o owa. Pero mas malisod ihambae sa paralitiko nga tindog ay kon indi imaw makatindog hay makasayod ro mga tawo nga owa it gahom ro gahambae karon. 24Pero pamatud-an ko kinyo nga ako nga *Unga it Tawo hay may otoridad nga magpatawad it mga saea iya sa kalibutan.” Ginhambae dayon nana ro paralitiko, “Bangon, hakwata ro imong eugban ag umuli.” 25Bumangon eagi imaw sa atubang it mga tawo, hinakwat ro anang eugban ag umuli nga nagadinayaw sa Dyos. 26Hangawa gid it duro ro mga tawo ag gindayaw nanda ro Dyos sa andang grabi nga pagtaha kana. Hambae nanda, “Matsa indi mapatihan ro atong hakita ngara makaron!”
Gintawag ni Jesus Si Levi Agod Mangin Sumueunod Nana
(Mat 9:9-13; Mar 2:13-17)
27Pagkataliwan it pilang adlaw, nagpanaw si Jesus. Tag nagatikang imaw, hakita nana ro *manogsukot it buhis nga si Levi#5:27 Ginatawag man ra imaw nga si Mateo (basaha sa Mat 9:9). ro ngaean nga nagapungko sa anang opisina nga ginabayaran it buhis. Gintawag imaw ni Jesus, “Mali eon ay obrahon ko ikaw nga akon nga sumueunod.” 28Nagtindog dayon si Levi ag halin kato hay gin-aywanan nana ro tanan, ag nagsunod kay Jesus agod mangin ana nga sumueunod.
29Ku ulihi hay naghiwat it engrande nga handaan si Levi sa ana nga baeay para sa pagpadungog kay Jesus. Abo nga mga *manogsukot it buhis nga andang bisita ag iba pang mga tawo ro nagdungan kanda sa pagkaon. 30Pagkatapos kara hay ginbuslahan ku mga Pariseo ag ku mga maestro it Kasuguan nga kapareho nanda nga mga Pariseo man ro mga sumueunod ni Jesus ay naugot sanda. “Ham-an it nagasaeo kamo sa mga *manogsukot it buhis ag sa iba pa nga mga makasasaea?” hambae nanda. 31Ginsabat sanda ni Jesus, “Ro mga mayad it eawas hay owa gakinahangean it doktor kundi ro mga masakiton eang. 32Owa ako nag-adto riya agod pahinuesueon ro mga nagaeaom nga matarong eon sanda kundi rondato nga haom mag-ako nga sanda hay mga makasasaea.”
Indi Puyding Ibahon ro Daan nga Ginaturo ku mga Pariseo ag ro ay Jesus nga Bag-ong Ginaturo
(Mat 9:14-17; Mar 2:18-22)
33Pagkatapos, may mga tawo nga naghambae kay Jesus, “Ro mga sumueunod ni Juan nga Manogbawtismo hay permi nga nagapuasa ag nagapangamuyo, imaw man ro mga sumueunod it mga Pariseo. Pero ro imo nga mga sumueunod hay owa't-a gapuasa. Ham-an 't-a?” 34Nagsabat si Jesus kanda, “Kon may ponsyon, aeang-aeang ma't-a nga papuasahon ninyo ro mga amigo it nobyo sa ponsyon myentras kaibahan pa nanda imaw. 35Pero maabot ro oras nga bue-on kanda ro nobyo ag rikaron eon dayon sanda gapuasa dahil sa andang kasubo.”
36May gintao dayon kanda si Jesus nga mga halimbawa kon ham-an it indi puydi nga ibahon ro anang bag-o nga mga ginaturo ag ro daan nga ginaturo it mga Pariseo. Hambae nana, “Owa it gagisi it bag-o nga eambong agod eang ieupon sa gisi it daan eon nga eambong. Kon makaruyon ro imong obrahon, samaron mo ro bag-o nga eambong, ag ro gineupon ngato nga bag-o hay indi man mag-angay sa daan ngato nga eambong. 37Owa man it gabutang it bag-o nga bino sa daan nga panit nga sueudlan it bino ay kon magisi ra hay parehong kanugon ro bino ag ro sueudlan. 38Ngani dapat nga isueod ro bag-o nga bino sa bag-o man nga sueudlan.#5:38 Kon bag-o pa ro bino hay nagasupok ra. Ro daan nga panit nga sueudlan it bino hay indi eon kaunat ag kon sige ro pagsupok it bino, mabusdik gid ro sueudlan. Pero ro bag-o't-a nga sueudlan hay gaunat ag indi mabusdik. Ro buot hambaeon kara ni Jesus hay kinahangean ro bukas nga paino-ino agod maeubtan ro anang mga bag-o nga ginaturo. 39Owa it naila mag-inom it bag-o nga bino kon nakainom eon imaw it daan, tungod kon kana hay mas manami ro daan.”#5:39 Abo nga mga mangin-aeamon nga nagaisip nga raya hay mga kahalimbawa it mga Pariseo nga owa nagabaton ku ginaturo ni Jesus ay kon kanda hay bag-o rato ag owa nagakasinanto sa andang mga daan nga ginaturo ag mga kaugalian.
Currently Selected:
Lucas 5: akl
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.
Lucas 5
5
Ro Pagtawag ni Jesus ku Hauna Nana nga mga Sumueunod
(Mat 4:18-22; Mar 1:16-20)
1Isaeang adlaw, tag idto si Jesus nagatindog sa may baybayon ku Dagat it Genesaret,#5:1 Raya nga dagat hay ginatawag man nga Dagat it Galilea o Dagat it Tiberias. nagdaeaguso kana ro kaabo nga mga tawo agod magpamati it mensahi halin sa Dyos. 2Nakakita imaw idto it daywang ka baroto nga una sa bi-bi it dagat. Owa eon runa sa baroto ro mga mangingisda ay nagahugas sanda ku andang mga lambat sa tubi. 3Nagsakay si Jesus sa sambilog sa mga baroto idto. Ro tag-ana ku baroto ngato hay si Simon. Ana dayon nga ginpangabay si Simon nga itikeod sa madaeom-daeom ro baroto. Pagkatapos, nagpungko imaw sa baroto ag nagturo sa mga tawo nga idto sa baybayon.
4Pagkatapos ni Jesus it turo, ginhambae nana si Simon, “Daeha ro imong baroto sa madaeom ag itaktak ro inyong mga lambat agod makadakop kamo.” 5Nagsabat si Simon, “Abaw, Sir, sang gabii ro among pagpinangisda pero owa gid kami it dakop. Pero bangod ruyon ro imong hambae hay di sige, itaktak ko ro mga lambat.” 6Ngani gindaea nanda sa madaeom ro baroto ag gintaktak nanda ro andang mga lambat ag kaabo-abo ro andang hadakpan. Haeos magisi ro mga lambat sa kaabuon it hadakpan nga isda. 7Ginsinyasan nanday Simon ro andang mga kaibahan sa sambilog pa nga baroto nga buligan sanda. Pag-abot ku andang mga kaibahan, ginbutang nanday Simon ro andang dakop sa daywang ka baroto. Napuno ro andang mga baroto ag matsa maeunod eon rato dahil sa kaabuon ku isda. 8Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.” 9Nakahambae kara si Simon tungod hangawa gid imaw sa kaabo ku andang dakop. Hangawa man ro ay Pedro nga mga kaibahan, 10pati man ro mga unga ni Zebedeo nga sanday Santiago ag Juan. Kaibahan gid ra sanda ni Simon sa pagpangisda.
Nagsabat si Jesus kay Simon, “Ayaw mahadlok. Umpisa makaron, imbis nga isda ro inyong dakpon hay tawo ro inyong kumbinsihon nga magtuo kakon.” 11Pagkatapos, ginpabinit nanda ro mga baroto ag in-aywanan dayon nanda rato sa baybayon. Gin-aywanan nanda ro tanan bisan ro andang pagpangisda ag nagsunod kay Jesus, agod mangin anang mga sumueunod.
Ginpamayad ni Jesus ro Isaeang ka Aruon
(Mat 8:2-4; Mar 1:40-45)
12Kaisaea kato, idto si Jesus sa isaeang ka banwa. May tawo idto nga lipos it aro ro anang eawas. Pagkakita nana kay Jesus hay pinaeapitan nana ra ag naghapa sa anang atubang ag nagpakitluoy kana. Hambae ku aruon, “Ginuo, kasayod ako nga mapamayad mo ako kon gusto mo.” 13Ginbuytan imaw ni Jesus ag ginhambae, “Gusto ko nga pamayron ka. Mayad ka eon!” Naduea eagi ro aro sa eawas ku tawo ngato. 14Ginhambae imaw ni Jesus, “Ayaw gid magsugid kara bisan kanyo, pero umadto ka dayon sa saserdote#5:14 Ro pinakatrabaho ku mga saserdote hay bilang tigeawas ku mga tawo sa Dyos. Sanda ro nagahaead sa Dyos it mga sapat bilang sakripisyo ku mga tawo ag nagahaead man it iba pang mga haead. Sanda man ro nagahambae kon ro mga tawo nga may makataeapon nga baeatian sa panit hay limpyo eon kon nagmayad eon sanda (Lev 14:1-32). ag magpatan-aw. Maghaead ka dayon it sakripisyo para sa imong paglimpyo suno sa Kasuguan ni Moises bilang pamatuod sa mga tawo nga mayad ka eon.” 15Pero ro balita parti kay Jesus hay mas kapin nga nageapnaag ngani nag-adto kana ro kaabo nga tawo agod magpamati ag magpabueong. 16Pero may mga beses nga ginaaywan nana sanda ag nagaadto imaw sa *disyerto agod magpangamuyo.
Ginpamayad ni Jesus ro Isaeang ka Paralitiko
(Mat 9:1-8; Mar 2:1-12)
17Kaisaea kato, tag nagaturo si Jesus, may idto man nga mga *Pariseo ag mga *maestro it Kasuguan it Dyos nga nagapungko idto ag nagapamati. Idto pa sanda naghaealin sa mga kabaryuhan ku mga probinsya it Galilea ag Judea, ag pati man sa Jerusalem. Una kay Jesus ro gahom it Dyos agod makapamayad it mga nagamasakit. 18May nag-abot dayon nga mga tawo nga may ginaeayungan nga paralitiko. Anda kunta imaw nga ginadaea sa sueod it baeay ag ibutang sa atubang ni Jesus, 19ugaling hay indi sanda makasueod ay kaabo ro tawo. Ngani gindaea nanda rondatong paralitiko sa bubungan.#5:19 Sa andang lugar, ro bubungan it baeay hay matapan ag puydi nga tikangan, nga human sa pinatig-a nga eapok nga may halo nga matsa dagami, ugaling ro bubungan 't-a ku rayang baeay hay human sa manipis nga tisa. Anda nga ginbuhuan ro bubungan nga tisa ag gintuntun sa tunga nanday Jesus ag ku mga tawo ro paralitiko nga nagaeubog sa ana nga eugban. 20Pagkakita ni Jesus nga nagatuo sanda kana nga mapamayad nana ro paralitiko, ginhambae ra nana, “Toto ginpatawad eon ro imong mga saea.” 21Sa paino-ino it mga maestro it Kasuguan ag ku mga Pariseo, “Matsa kon sin-o gid imaw ra nga ana't-a nga tupungan ro Dyos! Sin-o eang ro makapatawad it mga saea kundi ro Dyos man lang?” 22Pero sayod ni Jesus ro andang ginapaino-ino, ngani naghambae imaw kanda, “Ham-an it makaruyon 't-a ro inyong ginaisip? 23Ano ro mas maeumo nga ihambae? ‘Ginpatawad eon ro imong mga saea’ ukon, ‘Bangon ag magtikang’?#5:23 Mas maeumo eang nga ihambae sa paralitiko nga ginpatawad eon ro anang mga saea ay owa it makasayod kon ginpatawad eon matuod o owa. Pero mas malisod ihambae sa paralitiko nga tindog ay kon indi imaw makatindog hay makasayod ro mga tawo nga owa it gahom ro gahambae karon. 24Pero pamatud-an ko kinyo nga ako nga *Unga it Tawo hay may otoridad nga magpatawad it mga saea iya sa kalibutan.” Ginhambae dayon nana ro paralitiko, “Bangon, hakwata ro imong eugban ag umuli.” 25Bumangon eagi imaw sa atubang it mga tawo, hinakwat ro anang eugban ag umuli nga nagadinayaw sa Dyos. 26Hangawa gid it duro ro mga tawo ag gindayaw nanda ro Dyos sa andang grabi nga pagtaha kana. Hambae nanda, “Matsa indi mapatihan ro atong hakita ngara makaron!”
Gintawag ni Jesus Si Levi Agod Mangin Sumueunod Nana
(Mat 9:9-13; Mar 2:13-17)
27Pagkataliwan it pilang adlaw, nagpanaw si Jesus. Tag nagatikang imaw, hakita nana ro *manogsukot it buhis nga si Levi#5:27 Ginatawag man ra imaw nga si Mateo (basaha sa Mat 9:9). ro ngaean nga nagapungko sa anang opisina nga ginabayaran it buhis. Gintawag imaw ni Jesus, “Mali eon ay obrahon ko ikaw nga akon nga sumueunod.” 28Nagtindog dayon si Levi ag halin kato hay gin-aywanan nana ro tanan, ag nagsunod kay Jesus agod mangin ana nga sumueunod.
29Ku ulihi hay naghiwat it engrande nga handaan si Levi sa ana nga baeay para sa pagpadungog kay Jesus. Abo nga mga *manogsukot it buhis nga andang bisita ag iba pang mga tawo ro nagdungan kanda sa pagkaon. 30Pagkatapos kara hay ginbuslahan ku mga Pariseo ag ku mga maestro it Kasuguan nga kapareho nanda nga mga Pariseo man ro mga sumueunod ni Jesus ay naugot sanda. “Ham-an it nagasaeo kamo sa mga *manogsukot it buhis ag sa iba pa nga mga makasasaea?” hambae nanda. 31Ginsabat sanda ni Jesus, “Ro mga mayad it eawas hay owa gakinahangean it doktor kundi ro mga masakiton eang. 32Owa ako nag-adto riya agod pahinuesueon ro mga nagaeaom nga matarong eon sanda kundi rondato nga haom mag-ako nga sanda hay mga makasasaea.”
Indi Puyding Ibahon ro Daan nga Ginaturo ku mga Pariseo ag ro ay Jesus nga Bag-ong Ginaturo
(Mat 9:14-17; Mar 2:18-22)
33Pagkatapos, may mga tawo nga naghambae kay Jesus, “Ro mga sumueunod ni Juan nga Manogbawtismo hay permi nga nagapuasa ag nagapangamuyo, imaw man ro mga sumueunod it mga Pariseo. Pero ro imo nga mga sumueunod hay owa't-a gapuasa. Ham-an 't-a?” 34Nagsabat si Jesus kanda, “Kon may ponsyon, aeang-aeang ma't-a nga papuasahon ninyo ro mga amigo it nobyo sa ponsyon myentras kaibahan pa nanda imaw. 35Pero maabot ro oras nga bue-on kanda ro nobyo ag rikaron eon dayon sanda gapuasa dahil sa andang kasubo.”
36May gintao dayon kanda si Jesus nga mga halimbawa kon ham-an it indi puydi nga ibahon ro anang bag-o nga mga ginaturo ag ro daan nga ginaturo it mga Pariseo. Hambae nana, “Owa it gagisi it bag-o nga eambong agod eang ieupon sa gisi it daan eon nga eambong. Kon makaruyon ro imong obrahon, samaron mo ro bag-o nga eambong, ag ro gineupon ngato nga bag-o hay indi man mag-angay sa daan ngato nga eambong. 37Owa man it gabutang it bag-o nga bino sa daan nga panit nga sueudlan it bino ay kon magisi ra hay parehong kanugon ro bino ag ro sueudlan. 38Ngani dapat nga isueod ro bag-o nga bino sa bag-o man nga sueudlan.#5:38 Kon bag-o pa ro bino hay nagasupok ra. Ro daan nga panit nga sueudlan it bino hay indi eon kaunat ag kon sige ro pagsupok it bino, mabusdik gid ro sueudlan. Pero ro bag-o't-a nga sueudlan hay gaunat ag indi mabusdik. Ro buot hambaeon kara ni Jesus hay kinahangean ro bukas nga paino-ino agod maeubtan ro anang mga bag-o nga ginaturo. 39Owa it naila mag-inom it bag-o nga bino kon nakainom eon imaw it daan, tungod kon kana hay mas manami ro daan.”#5:39 Abo nga mga mangin-aeamon nga nagaisip nga raya hay mga kahalimbawa it mga Pariseo nga owa nagabaton ku ginaturo ni Jesus ay kon kanda hay bag-o rato ag owa nagakasinanto sa andang mga daan nga ginaturo ag mga kaugalian.
Currently Selected:
:
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2024 (Active) Wycliffe Bible Translators, Inc.