Mataayo Ʉbhʉkangati
Ʉbhʉkangati
Ɨkɨtabhʉ kɨnʉ chandikirwɨ na Mataayo. Hanʉ Mataayo aarɨ umurihya wa rigʉʉti, Yɨɨsu akamʉbhɨrɨkɨra kʉbha umwɨga waazɨ. Amangʼana maaru ganʉ Mataayo aandikirɨ mʉkɨtabhʉ kɨnʉ, nɨ‑ganʉ aamɨnyɨɨkɨrɨɨryɨ umwene na amɨɨsʉ gaazɨ. Mataayo akaandɨkɨra Abhayaahudi bhanʉ bhiisiriiryɨ Yɨɨsu. Nawe, Ɨngʼana Ɨnzʉmu igʉrʉ wa Yɨɨsu ɨtarɨ igʉrʉ wa Abhayaahudi abheene, nɨ‑kʉbhaatʉ bhʉʉsi bhɨ ɨɨsɨ yɨnʉ. Ɨngʼana Ɨnzʉmu ɨrabhuga, Yɨɨsu newe Kiriisitʉ nʉ Ʉmʉsabhuri wa abhaatʉ. Kʉhɨtɨra Yɨɨsu, Mungu akamara gʉʉsi ganʉ aarɨ aragɨɨnʼyɨ abhaatʉ kʉbha arakora.
Ɨkɨtabhʉ cha Mataayo kɨragambɨra ɨbhɨsɨgʉ bhyaru kubhwikari bhwa Yɨɨsu kʉʉsɨ kʉnʉ, kwɨma ukwibhurwa kwazɨ kuhika ʉkʉgarʉka kwazɨ mwisaarʉ. Gatɨgatɨ kɨrahurucha amiija ganʉ Yɨɨsu aarɨ ariija abhaatʉ. Mumiija gaazɨ, toroobhoora chɨmbu ʉbhʉtɨmi bhwa Mungu bhʉrɨ, na tʉraraarikwa kwikara ubhwikari bhwo okozomeerya Mungu.
Currently Selected:
Mataayo Ʉbhʉkangati: IKZ
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2024 Wycliffe Bible Translators, Inc. All rights reserved.