Ioan 16
16
1-4“Dw i wedi gweud i pethe hyn wrthoch chi i'ch safio chi gwmpo bant. Bydd dinion in stopo chi fynd miwn i'r sinagog. I weud i gwir, ma'r amser in dwâd pan fydd rhiwun sy'n ich lladd chi in meddwl u bo nhw wedi neud i peth iawn, u diletswydd. Newn nhwy hyn achos senyn nhwy wedi nabod i Tad na fi. Ond dw i wedi gweud i pethe 'ma fel, pan ddaw'r amser iddyn nhwy ddigwydd, biddwch chi'n cofio bo fi wedi rhoi rhibudd ichi'n barod amdanyn nhwy. Nes i ddim gweud i pethe ma wrthoch chi in dachre'n deg, achos pre 'ny wen i 'da chi.
Beth fydd ir Isbryd Glân in neud
5-16Ond nawr dw i'n mynd at i sawl nâth in hala i, a sdim un o chi'n holi fi, 'Ble wit ti'n mynd?'; ond achos bo fi wedi gweud i peth 'ma, ma'ch calone'n llawn galgar. On wedyn weth gweud i gwir wdw i: er ich lles chi dw i'n mynd bant, achos os na â i bant, deith ir Helpwr ddim atoch chi; ond os â i, bidda i'n i hala fe atoch chi. Pan ddeith e bydd e'n dangos i'r byd beth yw istyr pechod, cifiawnder a band, a'n profi shwt mor euog yw dinion. Bydd e'n dangos i bod hi'n bechod peido credu inda i. Bydd e'n profi ing gifawnder i achos bo fi'n mynd nôl at i Tad fel bo chi ddim in ing ngweld i mwy. Bydd e'n profi bo barn wedi dod achos bydd i'r un sy'n rhedeg i byd 'ma in câl wedi'i farnu'n barod. Ma lot da fi weu 'tho chi 'tp, ond gallech chi ddim i odde fe nawr; ond pan ddeith e, Isbryd i gwirionedd, bydd e in ich hebrwng chi miwn i'r gwirionedd i gyd; achos ddim o'i gomands i unan fydd e'n sharad, ond bydd e'n gweud beth fydd e'n i gliwed, a bydd e'n gweu 'tho chi am bethe sy ddod. Bydd e'n rhoi gogoniant i fi achos bydd beth bydd e'n gweu 'tho chi in dwâd wrth beth sy pia fi. Ma bob peth sy 'da'r Tad in pia fi; 'na pam wedes i bydd beth bydd e'n gweu 'tho chi in dwâd wrth beth sy pia fi.
O fon hir newch chi ddim ing ngweld i 'to; a wedyn miwn tamed bach weth biddwch chi in ing ngweld i.
Tristwch i disgiblion in troi in llawenydd
17-33Gwedo rhei o'i ddisgiblion e wrth i gily, “Beth mae e'n goligu wrth weud, 'O fon hir newch chi ddim ing ngweld i 'to; a wedyn miwn tamed bach weth biddwch chi in ing ngweld i'? a 'Achos bo fi'n mynd at i Tad'?” So wedon nhwy, “Beth mae e'n meddwl wrth wedu 'o fon hir'? Senon ni'n gwbod beth mae e'n sharad amdano.” We Iesu in gwbod u bod nhw am i gwestjwno fe, a wedodd e wrthyn nhwy, “Beth ŷch chi'n holi i'ch hunen? Ody e am beth dwi wedi'i weud, 'O fon hir newch chi ddim ing ngweld i 'to; a wedyn miwn tamed bach weth biddwch chi in ing ngweld i'? Dw i'n gweud i gwir wrthoch chi, biddwch chi'n galaru ac in mwrno, ond bydd i byd wrth i fodd; biddwch chi'n drist, ond bydd ich tristwch chi'n troi in llawenydd. Pan ma menyw in geni babi ma i miwn pwen ofnadw achos bo'i thymp i wedi dod; ond wedi i'r babi gâl i eni, seni wedyn in cofio'r bwen achos i llawenydd bo babi newy wedi dwâd miwn i'r byd. Ma'n rhaid ichi fod in drist nawr; ond wela i chi weth, a bydd ich calon in llawen, a fydd neb in galler mynd â'ch llawenydd bant wrthoch chi. A'r dwarnod 'ny fiddwch chi ddim in holi unrhiw gwestjwne i fi. Dw i'n gweud i gwir wrthoch chi, os gofinnwch chi unrhiw beth i'r Tad in in enw i bydd e'n i roi e ichi. Hyd nawr senoch chi wedi holi am ddim byd in in enw i; gofinnwch a fe gewch chi, fel bo'ch llawenydd chi'n gifan.
“Gwedes i'r pethe hyn wrthoch chi mewn ffordd dewill. Ma'r amser in dwâd pa fydda i ddim in sharad â chi fel 'ny, ond bidda i'n sharad 'da chi'n blaen am i Tad. A'r dwarnod 'ny biddwch chi'n holi in in enw i, a sena i'n gweud wrthoch chi bidda i'n holi'r Tad drosto chi; achos ma'r Tad i unan in ich caru chi, achos ich bo chi wedi'ng ngaru i a credu bo fi'n dod wrth Dduw. Des i wrth i Tad, a dw i wedi dod miwn i'r byd; ond dw i'n gadel i byd 'to a'n mynd at in Dad.” Gwedodd i ddisgiblion, “A, nawr wit ti'n sharad in blaen, a ddim miwn ffordd dewill. Ŷn ni'n gwbod nawr bod ti'n gwbod pob peth, a sdim ishe i neb holi ddim byd i ti; 'na shwt ŷn ni'n gwbod bo ti wedi dwâd wrth Dduw.” Atebo Iesu nhwy, “Odych chi'n credu nawr? Drichwch, ma'r amser in dwâd — mae e ma in barod — pan fiddwch chi'n câl ich whalu i bob man, bob un i'w getre i unan, a'n gadel i ar in ben in unan; ond wedyn weth fidda i ddim ar in ben in unan, achos ma'r Tad 'da fi. Dw i wedi gweud i pethe hyn wrthoch chi fel bo chi'n galler câl heddwch. Biddwch chi'n câl trwbwl in i byd. O peidwch chi becso, achos dw i wedi concro'r byd.
Currently Selected:
Ioan 16: DAFIS
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Y Beder Ifingyl gan Lyn Lewis Dafis. Hawlfraint – M ac R Davies