Génesis 23
23
Cyim Sara ex ocx maku'n
1O ten Sara 127 abk'i, 2ex cyim tuj Quiriat-arba (aju ax juntl tbi Hebrón) tuj cytx'otx' aj Canaán. Oc ten Abraham ok'el ti'j Sara tej tcyim, ex cyaj ten tuj bis. 3Jawtzun we' Abraham jatum tcubsa'n t-ximlal Sara, ex xi tma'n cye aj Hetey cyja':
4—Stranjer ex betin xjal kine cyxole. Cyc'ayintze jun piẍ tx'otx' te nmukbile. Atzun c'oquex makut ncyimniye, chi Abraham.
5Xitzun cytzak'we'n ke aj Hetey te Abraham cyja':
6—Tat, ko tbintza. Aya jun nejenel kxole tu'n Dios. Maku'ncxa tcyimniya tuj kmukbile mas tbanil. Mi a'l jun keye jacu cub t-xc'ayin tmukbil tu'n tcu'x maket tcyimniya.
7Jawtzun we' Abraham ex cub moc'e' cywitz aj Hetey, akeju najl tuj tx'otx' lu, 8ex xi tma'n cyja':
—Ka ax toc cyajbile tu'n tocx nmaku'ne ncyimniye tzalu, cybinchame xtalbil tu'n cyyoline wi'je twitz Efrón aju tcy'ajal Zohar, 9tu'n ttzaj tc'ayin aju toy' pic at tuj Macpela, aju tcub ttzi ttx'otx'. Jacu txi nchjo'ne cabal twi' toy' pic, ex cyja'tzun jacu chin oque tajwil mukbil cyxole, chi Abraham.
10K'ukltok Efrón cyxol aj Hetey, ex in che bintok aj Hetey ex cycyakil ke xjal in che ocxtok ttzi tpwertil tnam tej t-xi ttzak'we'n Efrón te Abraham cyja':
11—Mi'n, tat. Chin tbintza. Jacu txi nk'o'ne tx'otx' teya, tuc'ix toy' pic tcub tuj. Jacu txi nk'o'ne teya cywitz cycyakil nxjalile. Maku'ncx tcyimniya, chi Efrón.
12Atzunte Abraham cub moc'e' juntl maj cywitz xjal, akeju najl tuj tx'otx' lu, 13ex xi ttzak'we'n te Efrón cywitz xjal cyja':
—Chin tbintza. Chin cubsale twitza tu'n t-xi tc'mo'na twi tx'otx'. Jacutzun tz'ocx nmaku'ne ncyimniye tuj, chi Abraham.
14Xi ttzak'we'n Efrón te Abraham cyja':
15—Chin tbintza tat: cyaje syent tajlal sak pwak twi tx'otx'. ¿Nimpetzun jlu te ke? Maku'ncx tcyimniya, chi Efrón.
16Cubtzun tuj twitz Abraham aju twi tx'otx' tma Efrón. Cywitz aj Hetey jaw tmalo'n Abraham aju cyaje syent tajlal sak pwak ex xi tk'o'n te Efrón, cabalxix talil. 17Cyja'tzun o baj ti'j ttx'otx' Efrón tuj Macpela, aju tocx ti'jxi Mamre tuj tjawitz k'ij, tuc'ix toy' pic ex cycyakil tze' ate'tok tuj tx'otx'; 18oc Abraham tajwil tx'otx' lu cywitz ke aj Hetey ex cycyakil ke xjal in che ocxtok ttzi tpwertil tnam.
19Tbajlenxi tcyakil jlu, xi'tzun Abraham makulte ktzan Sara aju t-xu'jil. Ocx tmaku'n tuj toy' pic tcub tuj Macpela, tocx ti'jxi Mamre (aju ax juntl tbi Hebrón), tuj cytx'otx' ke aj Canaán. 20Octzun Abraham tajwil tx'otx' tuc'ix toy' pic tcub tuj. Xi c'ayin jlu cyu'n aj Hetey tu'n tocx makut cyimni tuj.
Currently Selected:
Génesis 23: MAMH
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Mam del Norte © Sociedades Bíblicas Unidas 1993