Mak, echî ACHÎ ACHOT MMA Á RÎ KA NWET I MAK
ACHÎ ACHOT MMA Á RÎ KA NWET I MAK
Otîp mbi Mak a séŋe ó róghe sê, “Otîp ogyebhá-ḿbə́ŋé mbi ó kpée na Jisos Krayis, mmon Obhasi.” Á tóŋe êt Jisos noŋ nne nnyo Obhasi a karê yê ikom, á yimá ejûm, á bhó bhibhi ebhú. Ikom ifê í tóŋe ka okpígha-ejûm obhê, ebhímím nji á bhimá ojê a yighá ka ḿbə́ŋé ane mba á fóne, na ikom mfi á rik nsôn a yighá obhí ane. Jisos a bhiŋî biji se, “Mmon-î-ntem-nne” nnyo a bháe a bhá karé ekpin, a yim fə́ne ane á sém ka obhí.
Mak a sə́re egan í Jisos tə́níní noŋ ekpak é fábhe, títí na iyîm mbi Jisos a yimî. Á ka garé ochot a kpe na nchot i nnyo Jisos na okpígha-ejûm obhê. A chorê mkpât a kpê na Jon nnyo mfúgha-ane ayép Obhasi, na ofúgha-ayép mbi Jisos na egaám nji Satan a gaê yê. Nji a manê mô nchot nnyó, a kpíghi ntə̂m yə́t a gyê ka etûm í Jisos. A sêŋ nchot egbánám nji Jisos a gbáne ane na okpígha-ejûm obhê. Nji mfín a kí ji ochî, ane mba á tóbha Jisos á róghe mân eməŋə́m nono, ekpak í nne nnyo Jisos a ri. Kən ane oyírí abhê oyámá-ḿbə́ŋé ábho ó soná ó jak ochî. Mak a jeghê nwet eye na achot mma á fábhe na Jisos, ogəm bhə́t kən á yúí yê, títí nji á kúmi yê ka ego na enyəmə́m nji a nyəmê ka ekʉ̂. Mkpak a ri ébháe nnyi á jéghe nwet nnyí. Á kí kere sê nne etat egyê nâ a séŋe, Mak asík.
Nji é rî ka etím í Nwet i Mak
1. Eróghá ndə́p i nwet 1.1-13
2. Etûm í Jisos ka Gariri 1.14—9.50
3. Jisos a mághe Gariri, a jî Jerusarem 10.1-52
4. Nji é fábhe kpít na Jerusarem na ka etím í Jerusarem, ogəm bhə́t kən á yúí Jisos 11.1—15.47
5. Jisos a nyə́me ka ekʉ̂ 16.1-8
6. Ntûfâm i Jisos a tóŋe biji ibhê ebhú a nyəmê ka ekʉ̂, a gyʉ̂t a jî ka ósô 16.9-20
Currently Selected:
Mak, echî ACHÎ ACHOT MMA Á RÎ KA NWET I MAK: ETUNT
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Ejagham New Testament © Bible Society of Nigeria and Bible Society of Cameroon, 1996.