Tobikisami Mpo Na Kosala | Eteni 3Mwa ndambo

BOMOTO YA NZAMBE

“Ehyeh asher ehyeh” Oyo elimboli “NAZALI OYO NAZALI” Nkombo yango ezali na bandimbola mibale; ya liboso ezali ete Nzambe azali seko na seko mpe abongwanaka te.

Ya mibale, Nzambe azali na makoki ya kokokisa mokano na ye. Nzambe alingaki ete Mose mpe bana Israel bandimi ete azali, azali Mokonzi, ayebi makambo nyonso, azali Mozwi na Nguya Nyonso, mpe azali na bisika nyonso.

Bosana makambo ya siansi, Nzambe azali. Kozala ya Nzambe ezali ebandeli ya kondima mpo et okoki te kondima eloko oyo ezali te. Soki ondimi ete Nzambe azali, tokoki koloba ete ondimaka ye. Na yango, kokakatana soko moke te na ntina na kozala ya Nzambe mpamba te soki osali bongo, yango elimboli ete; ondimeli Ye te. Kanisa oyo Bibilia elobi: “Soki ozali na kondima te okoki kosepelisa Nzambe ata moke ete”. “Mpe moto oyo azali koya epai ya Nzambe asengeli kondima ete ye azali mpe apesaka Mbano na baoyo balukaka ye makasi”. Nzambe akangami na ntango te to na makambo te, azali seko mpe abongwanaka te. “NAZALI”

Nzambe atindaki Mose asalela nkombo yango, “NAZALI”, mpo na komonisa Nzambe epai na Bayisalaele. Nkombo yango ezalaki kokundwela Bayisalaele ete Nzambe azali, azali na nguya, mpe azali sembo, mpe ezalaki kolendisa bango batyela ye motema ete akobikisa bango. Maloba “NAZALI” ekomaki libanga ya moboko mpo na koyeba Nzambe ya Yisalaele mpe ezalaki kobondisa mpe kopesa bango makasi na boumeli ya lisolo mobimba ya ekolo yango. Kozanga koloba ya Nzambe elakisi te ete azali te, azali ntango nyonso elongo na yo.

Libondeli: Nazali na ntina moko te to eloko moko te ya kotya ntembe na kozala na yo, ee Mozalisi na ngai, osalaki ngai na elilingi na yo mpe lolenge na yo mpo ete nakoka kosalela yo mpe bobele yo. Tata, nazali na makoki mpe nakoki kosalela yo kozanga kotemela yo.

Botangi mosusu: Ebandeli 2:4|Ebandeli 12:1|Ebandeli 26:2|Ebandeli 28:21| Ebandeli 49:18