Chhóng-sṳ Ki 18

Yin-hí Â-pak-lâ-hón Kiung-chṳ́

1Song-chú chhai Man-li kì ke siong-su ke-vi tui Â-pak-lâ-hón hién-hien. Ke-sṳ̀ he tông-chu chui-ngie̍t ke sṳ̀, Â-pak-lâ-hón chhô chhai chong-phùng mùn-héu. 2Kì ngo-thèu yit-khon, khon-tó sâm-ke ngìn khî chhai tui-mien, chhiu chéu ko-hi ngiàng-chiap kì-têu, phu̍k chhai thi-song, 3kóng: “Ngài chú â, ngì na-he ngin-vì ngài khâm-tet, chhiáng lo̍k-lòi hiet-khun yit-ha, pûn ngiâ phu̍k-ngìn chêu-thai chang chéu. 4Ngài nâ súi pûn ngì-têu sé-kiok, chhiáng chhai su-hâ chhô-liòng. 5Ngài nâ yit-si̍t tûng-sî pûn ngì-têu sṳ̍t, ngì-têu sṳ̍t-páu chang yû hi-li̍t ki-siu̍k hàng-lu. Ngì-têu ki-yèn to ngài vuk-hâ lòi, tông-yèn oi pûn ngiâ phu̍k-ngìn chêu-thai.”

Kì-têu en-kóng: “Hó â, cheu ngì kóng ke hi cho.”

6Â-pak-lâ-hón chhiu kón-kín chéu-ngi̍p chong-phùng, tui Sâ-lâ kóng: “Kiak-kiak nâ ngi-sṳ̍p kûng-sṳ̂n chui-hó ke mien-fún chhut-lòi, cho-têu piáng-è.” 7Kì yu chéu-to ngiù-khiùn chûng, tho̍k yit-chak yu-nun yu-phì ke se-ngiù-è, kâu-pûn phu̍k-ngìn, fûn-fu kì kiak-kiak chún-phi. 8Yèn-heu, kì chiông nen-yù, ngiù-nen lâu ngiù-ngiuk nâ-lòi, pài chhai kì-têu mien-chhièn, chhîn-sṳ̂n chhai su-hâ chêu-thai kì-têu; kì-têu chhiu sṳ̍t.

9Kì-têu mun Â-pak-lâ-hón: “Ngiâ pû-ngiòng Sâ-lâ chhai nai-vi?”

Kì en-kóng: “Chhai chong-phùng tú.”

10Khì-chûng yit-sà kóng: “Màng-ngièn liá sṳ̀-chiet, ngài oi to-chón-lòi; ngiâ pû-ngiòng Sâ-lâ voi kiung yit-ke lai-é.”

Sâ-lâ chhai chong-phùng mùn-héu, chhai ke-ngìn heu-poi thâng-tó. 11Ke-sṳ̀, Â-pak-lâ-hón lâu Sâ-lâ yí-kîn chhin-tô se, Sâ-lâ ke ngie̍t-kîn ya chó-chhiu thìn-thet. 12Só-yî Sâ-lâ sîm-tú thêu-thêu-é seu kóng: “Ngài yí-kîn án-ló, ngâ ló-kûng ya án-ló, ngài kám hàn-voi yû ke-chúng him-chhi?”

13Song-chú mun Â-pak-lâ-hón kóng: “Sâ-lâ cho-má-ke thêu-seu, kóng: ‘Ngài án-ló lé, kám hàn-voi kiung nè?’ 14Song-chú kám-yû cho m̀-tó ke sṳ? Màng-ngièn liá sṳ̀-chiet, Ngài oi to-chón-lòi; Sâ-lâ voi kiung yit-ke lai-é.”

15Sâ-lâ chho̍k-kiâng to m̀-kám sṳ̀n-ngin, kóng: “Ngài nai-yû seu!”

Song-chú kóng: “Yû, ngì khok-sṳ̍t yû seu!”

Â-pak-lâ-hón vi Só-tô-mâ Khién-khiù

16Heu-lòi, ke sâm-sà lì-khôi ke-vi, sông-to khon tet-tó Só-tô-mâ ke thi-fông. Â-pak-lâ-hón ya thèn-tén hàng, sung kì-têu yit-chham lu. 17Song-chú kóng: “Ngài só-oi cho ke sṳ, kám hó khong-tén m̀ lâu Â-pak-lâ-hón kóng. 18Â-pak-lâ-hón ke heu-thoi voi sàng-cho khiòng-thai ke koet-kâ; thi-song ke van-koet oi yîn-vi kì tet fuk-hi. 19Ngài kién-sién kì, he oi kì chṳ́-sṳ kì ke lai-é lâu heu-thoi thâng-chhiùng Ngài, chú-chhṳ̀ kûng-tho, sṳ̂n-chông chṳn-ngi. Án-ngiòng, Ngài chang cho-tet sṳ̍t-hien Ngài tui Â-pak-lâ-hón ke yin-hí.”

20Song-chú kóng: “Ngài thâng-tó tông-tô chṳ́-chit Só-tô-mâ lâu Ngò-mô-lâ ke fa; kì-têu ke chhui-ok mân-mân. 21Ngài yit-thin oi hâ-hi, khon só thâng-tó ke chṳ́-chit he m̀-he khok-sṳ̍t.”

22Khì-chûng lióng-sà chhiu chón-sṳ̂n lì-khôi ke-vi, hi Só-tô-mâ; chṳ́-yû Â-pak-lâ-hón khî chhai Song-chú mien-chhièn. 23Â-pak-lâ-hón chin-chhièn, tui Song-chú kóng: “Ngì ton-chṳ̂n oi chiông hó-ngìn lâu fái-ngìn khiung-ha me̍t-thet he-mò? 24Na-he sàng-tú yû ńg-sṳ̍p ke hó-ngìn, Ngì hàn-oi sêu-me̍t chhiòn-sàng mâ? Cho-m̀-tet vi-tó liá ńg-sṳ̍p ke hó-ngìn ngièu liá-sàng mò? 25Ngì yit-thin m̀-voi chiông hó-ngìn lâu fái-ngìn khiung-ha me̍t-thet! Pûn hó-ngìn lâu fái-ngìn khiung-ha su hìn-fa̍t, Ngì yit-thin m̀-voi án-ngiòng cho! Sṳ-kie ke sṳ́m-phan chá hàng-sṳ kám m̀-he yin-kôi tông kûng-chṳn.”

26Song-chú en-kóng: “Na-he Ngài chhai Só-tô-mâ chhìm tet-tó ńg-sṳ̍p ke hó-ngìn, Ngài chhiu vi-tó kì-têu ngièu chhiòn-sàng.”

27Â-pak-lâ-hón yu kóng: “Chú â! Sûi-yèn ngài he nài cho ke, chúng-he ngài oi thai-tám mun kâ yit-pái, 28na-he sàng-tú chṳ́-yû si-sṳ̍p ńg-ke hó-ngìn, Ngì voi yîn-vi séu ńg-sà, chhiu me̍t-thet chhiòn-sàng mò?”

Song-chú en-kóng: “Na-he chhìm tet-tó si-sṳ̍p ńg-ke hó-ngìn, Ngài ya mò-oi me̍t-thet liá-sàng.”

29Â-pak-lâ-hón yu tui Chú kóng: “Na-he chṳ́-yû si-sṳ̍p ke ngìn nè?”

Kì kóng: “Na-he chhìm tet-tó si-sṳ̍p ke, Ngài ya m̀ me̍t-thet liá-sàng.”

30Â-pak-lâ-hón kóng: “Chú â! Khiù Ngì m̀-hó su-hi, ngài oi ki-siu̍k khiù Ngì. Na-he chṳ́-yû sâm-sṳ̍p sà nè?”

Kì en-kóng: “Na-he chhìm tet-tó sâm-sṳ̍p ke, Ngài ya m̀ me̍t liá-sàng.”

31Â-pak-lâ-hón kóng: “Chú â! Chhiáng Ngì ngièn-liong ngài, ngài kha hó-tám khiù Ngì. Na-he yû ngi-sṳ̍p ke nè?”

Kì en-kóng: “Na-he chhìm tet-tó ngi-sṳ̍p ke, Ngài me m̀ me̍t liá-sàng.”

32Chui-heu Â-pak-lâ-hón kóng: “Chú â! Khiù Ngì m̀-hó su-hi, chún ngài chai khiù yit-pái. Na-he chṳ́-yû chhìm-tó sṳ̍p-ke nè?”

Kì en-kóng: “Vi-tó liá sṳ̍p-sà ke yèn-ku, Ngài ya m̀ me̍t liá-sàng.”

33Song-chú lâu Â-pak-lâ-hón kóng-so̍t, chhiu lì-khôi; Â-pak-lâ-hón ya chón vuk-hâ hi.

Šiuo metu pasirinkta:

Chhóng-sṳ Ki 18: THV12Rdb

Paryškinti

Dalintis

Kopijuoti

Norite, kad paryškinimai būtų įrašyti visuose jūsų įrenginiuose? Prisijunkite arba registruokitės

Sužinoti daugiau apie HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 18

Populiarios Biblijos eilutės iš
Chhóng-sṳ Ki 18

Biblija:

Hakkafa (Roman script)

Versija: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 18

Chhóng-sṳ Ki 18

Populiarios Biblijos eilutės iš Chhóng-sṳ Ki 18

Biblija:

Hakkafa (Roman script)

Versija: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 18

Populiarios Biblijos eilutės iš
Chhóng-sṳ Ki 18