Chhòng-sè-kì 10

Ná-a Saⁿ Ê Kiáⁿ ê Hō͘-tāi

(1 Tāi 1.5-23)

1Ē-bīn sī Ná-a ê kiáⁿ Siám, Hâm, Ngá-hut ê hō͘-tāi. Tōa-chúi í-āu, in ū siⁿ kiáⁿ-jî-sun.

2 Ngá-hut ê kiáⁿ sī Ko-bia̍t, Má-kok, Má-tāi, Ngá-oân, Thó͘-pa, Bí-siat, Thê-la.#10.2 Tē 2, 6, 15, 22 téng chat tiong ê miâ, ū ê sī tōe-miâ, ū ê sī lâng-miâ. Hiah-ê tōe-miâ mā-sī chó͘-sian ê miâ. 3Ko-bia̍t ê kiáⁿ sī A-si̍t-ki-ná, Lī-hoat, Tô-ka-má. 4Ngá-oân ê kiáⁿ sī Í-lī-sa, Tha-si, Ki-thê-lâng, Lô-tek-lâng. 5Chiah-ê lâng ê hō͘-tāi, kok chiàu in ê gú-giân, chong-cho̍k, pang-kok, hun-sòaⁿ khiā-khí tī iân-hái tōe-khu.

6 Hâm ê kiáⁿ sī Kó͘-si̍t, Ai-ki̍p, Hut, Ka-lâm. 7Kó͘-si̍t ê kiáⁿ sī Se-pa, Hap-hui-la, Sat-hut-tha, La-má, Sat-hut-thê-ka. La-má ê kiáⁿ sī Sī-pa, Tí-tān. 8Kó͘-si̍t koh siⁿ Lêng-lio̍k; i sī sè-kan tē-it ê ióng-sū. 9I in-ūi Siōng Chú ê pang-chān chiâⁿ-chòe gâu phah-la̍h ê ióng-sū; só͘-í sio̍k-gú kóng, “Goān Siōng Chú hō͘ lí chiâⁿ-chòe chi̍t ê chhin-chhiūⁿ Lêng-lio̍k hiah-ni̍h gâu phah-la̍h ê ióng-sū.” 10Lêng-lio̍k thóng-tī ê hoān-ûi tāi-seng sī Sī-ná tōe-khu, pau-koat Pa-pia̍t, Í-le̍k, A-kah, kap Kah-nî, 11āu-lâi khok-tián kàu A-su̍t. I ū khí-chō Nî-nî-bî, Lī-hô-pek, Ka-la, 12í-ki̍p tī Nî-nî-bî kap Ka-la tiong-kan ê tōa-siâⁿ Lī-sián.

13 Ai-ki̍p siⁿ Lō͘-te-lâng, A-ná-bí-lâng, Lī-hap-pí-lâng, Ná-hut-thó͘-hi-lâng, 14Phà-su-ló͘-sòe-lâng#10.14 “Phà-su-ló͘-sòe-lâng” chiū-sī tòa tī Pa-te̍k-lô ê lâng; chham-khòaⁿ Sài 11.11; Iâ 44.1, 15., Ka-su-lō͘-hi-lâng, kap Ka-hui-thok-lâng; Hui-lī-sū-lâng sī chit-cho̍k#10.14 “Chit-cho̍k” goân-bûn sī “Ka-su-lō͘-hi-lâng”. ê hō͘-tāi.

15 Ka-lâm siⁿ tōa-kiáⁿ Se-tùn, kap Hek, 16Iâ-pò͘-su-lâng, A-mô͘-lī-lâng, Kek-ka-sat-lâng, 17Hi-bī-lâng, A-ki-lâng, Se-nî-lâng, 18A-óa-tí-lâng, Sé-má-lī-lâng, kap Hap-má-lâng; āu-lâi Ka-lâm chiah-ê cho̍k hun-sòaⁿ chin khoah. 19Ka-lâm ê kéng-kài sī tùi Se-tùn ǹg Ki-la-ní ê lō͘, kàu Ka-sat; koh ǹg Só͘-to-má, Gô-mô͘-la, Ap-má, Sé-pián ê lō͘, kàu La-sa. 20Che chiū-sī Hâm ê hō͘-tāi, kok chiàu in ê chong-cho̍k, gú-giân, thó͘-tōe, pang-kok khiā-khí.

21 Ngá-hut ê hiaⁿ-ko Siám sī Hi-pek#10.21 “Hi-pek” chiū-sī Hi-pek-lâi-lâng ê chó͘-sian. choân-cho̍k ê chó͘-sian, mā ū siⁿ kiáⁿ-jî-sun. 22Siám ê kiáⁿ sī Í-lân, A-su̍t, A-hoat-sat, Lō͘-tek, kap A-lân. 23A-lân ê kiáⁿ sī O͘-su, Hō͘-le̍k, Ki-thiap, kap Bí-siat. 24A-hoat-sat siⁿ Sa-la; Sa-la siⁿ Hi-pek. 25Hi-pek siⁿ nn̄g ê kiáⁿ; chi̍t ê kiò-chòe Hoat-le̍k#10.25 “Hoat-le̍k” ì-sù sī “hun-sòaⁿ”., in-ūi tī i ê sî-tāi lâng hun-sòaⁿ tī ta̍k só͘-chāi khiā-khí; Hoat-le̍k ê sió-tī kiò-chòe Iok-tan. 26Iok-tan siⁿ A-mô͘-tap, Sa-lia̍t, Hap-sat-má-hui, Iâ-la, 27Hap-to-lân, O͘-sat, Tek-la, 28Gô-pa-lō͘, A-pí-má-lī, Sī-pa, 29Gô-hui, Hap-hui-la, Iok-pa; chiah-ê lóng sī Iok-tan ê kiáⁿ. 30In khiā-khí tī Bí-sa kàu Se-hoat tang-pêng ê soaⁿ-khu. 31Chiah-ê sī Siám ê hō͘-tāi; in chiàu ka-kī ê chong-cho̍k, gú-giân, thó͘-tōe, pang-kok khiā-khí.

32Chiah-ê lóng sī Ná-a ê kiáⁿ ê chong-cho̍k, kok chiàu in ê sè-hē, kiàn-li̍p ka-kī ê kok-ka; tōa-chúi í-āu, in tī tōe-chiūⁿ pun-chòe chin chōe pang-kok.

Šiuo metu pasirinkta:

Chhòng-sè-kì 10: TTVR

Paryškinti

Dalintis

Kopijuoti

Norite, kad paryškinimai būtų įrašyti visuose jūsų įrenginiuose? Prisijunkite arba registruokitės

The Bible Society in Taiwan

Sužinoti daugiau apie 現代台語譯本羅馬字版

Chhòng-sè-kì 10

Populiarios Biblijos eilutės iš
Chhòng-sè-kì 10

Biblija:

Chinese, Min Nan

Versija: 現代台語譯本羅馬字版 - TTVR

Chhòng-sè-kì 10

Chhòng-sè-kì 10

Populiarios Biblijos eilutės iš Chhòng-sè-kì 10

Biblija:

Chinese, Min Nan

Versija: 現代台語譯本羅馬字版 - TTVR

Chhòng-sè-kì 10

Populiarios Biblijos eilutės iš
Chhòng-sè-kì 10