Chhòng-sè-kì 9

Siōng-tè kap Ná-a Li̍p-iok

1Siōng-tè sù-hok Ná-a kap i ê kiáⁿ, tùi in kóng, “Tio̍h siⁿ-thòaⁿ, ke-thiⁿ chin chōe, chhiong-móa choân-tōe. 2Tōe-chiūⁿ só͘-ū ê iá-siù, thiⁿ-téng ê pe-chiáu, tōe-bīn teh pê ê tōng-bu̍t, kap hái--ni̍h ê hî-lūi lóng ōe kiaⁿ lín, ùi lín, siū lín koán-lí. 3Góa chiong só͘-ū oa̍h ê tōng-bu̍t, chhin-chhiūⁿ chhài-soe kâng-khoán hō͘ lín chòe chia̍h-mi̍h. 4M̄-kú ū sìⁿ-miā ê bah, chiū-sī ū kâⁿ-huih ê bah, lín m̄-thang chia̍h. 5Lâu lín ê huih ê lâng, chiū-sī sat-hāi lín sìⁿ-miā ê lâng, góa beh kā in chhú-sí; góa beh chiong hāi lín sìⁿ-miā ê iá-siù, lâng, sīm-chì lín ê tông-pau chhú-sí.

6Só͘-ū lâu lâng ê huih ê lâng,

lâng mā beh lâu i ê huih;

in-ūi Siōng-tè chiàu I ka-kī ê hêng-siōng chō lâng.

7Lín tio̍h siⁿ-thòaⁿ chin chōe,

tī tōe-chiūⁿ heng-ōng, ke-thiⁿ chin chōe.”

8Siōng-tè kā Ná-a kap i ê kiáⁿ kóng, 9“Taⁿ, góa kap lín í-ki̍p lín ê hō͘-tāi li̍p-iok; 10mā kap hiah-ê kap lín chòe-hé, tùi tōa-chûn chhut--lâi ê oa̍h-mi̍h, pau-koat pe-chiáu, cheng-siⁿ, iá-siù li̍p-iok. 11Góa kap lín li̍p-iok: Só͘-ū ū jio̍k-thé ê seng-bu̍t, bōe koh hō͘ tōa-chúi siau-bia̍t, mā bōe koh ū tōa-chúi húi-hoāi choân-tōe.” 12-13Siōng-tè koh kóng, “Góa beh kap lín, í-ki̍p só͘-ū kap lín chòe-hé ê seng-bu̍t li̍p éng-oán ê iok; góa beh hō͘ khēng chhut-hiān tī hûn--ni̍h, chòe li̍p-iok ê kì-hō. 14Góa hō͘ hûn jia tōe, khēng chhut-hiān tī hûn--ni̍h ê sî, 15góa chiū kì-liām góa kap lín í-ki̍p ta̍k-khoán ū jio̍k-thé ê seng-bu̍t só͘ li̍p ê iok, bōe koh hō͘ chúi hoàn-lām, húi-bia̍t só͘-ū ê seng-bu̍t. 16Góa khòaⁿ-tio̍h khēng tī hûn--ni̍h chhut-hiān, chiū kì-liām góa kap tōe-chiūⁿ ta̍k-khoán ū jio̍k-thé ê seng-bu̍t só͘ li̍p éng-oán ê iok.” 17Siōng-tè tùi Ná-a kóng, “Che chiū-sī góa kap tōe-chiūⁿ ta̍k-khoán ū jio̍k-thé ê seng-bu̍t li̍p-iok ê kì-hō.”

Ná-a kap I ê Kiáⁿ

18 Ná-a ê kiáⁿ, tùi tōa-chûn chhut--lâi-ê, chiū-sī Siám, Hâm, Ngá-hut; Hâm sī Ka-lâm ê lāu-pē. 19Chit saⁿ ê sī Ná-a ê kiáⁿ; in ê hō͘-tāi hun-sòaⁿ khì choân sè-kài.

20 Ná-a sī tē-it ê chai-chèng phû-tô ê choh-sit-lâng. 21Ná-a lim chiú-chùi, tī pò͘-pîⁿ lāi chhiah-sin-lō͘-thé. 22Ka-lâm ê lāu-pē Hâm khòaⁿ-tio̍h in lāu-pē chhiah-sin-lō͘-thé, khì kā tī gōa-bīn nn̄g ê hiaⁿ-tī kóng. 23Siám kap Ngá-hut the̍h chi̍t niá saⁿ, khòa tī in ê keng-thâu téng, tò-thè kiâⁿ, jia in lāu-pē ê seng-khu; in ê bīn ǹg gōa-bīn, bô khòaⁿ-tio̍h in lāu-pē chhiah-sin-lō͘-thé. 24Ná-a chiú-chùi chhíⁿ, chiah chai sòe-hàn-kiáⁿ ê só͘-chòe, 25chiū kóng:

Ka-lâm tio̍h siū chiù-chó͘;

i beh chòe i ê hiaⁿ-tī siōng pi-chiān ê lô͘-lē.

26 Ná-a koh kóng:

Tio̍h o-ló Siōng Chú — Siám ê Siōng-tè;

Ka-lâm beh chòe Siám ê lô͘-lē.

27Goān Siōng-tè hō͘ Ngá-hut#9.27 “Ngá-hut” ì-sù sī “khok-tián, hoân-êng”. khok-tián,

hō͘ i tòa tī Siám ê pò͘-pîⁿ;

Ka-lâm chòe in ê lô͘-lē.

28Tōa-chúi liáu-āu, Ná-a iáu oa̍h saⁿ-pah gō͘-cha̍p nî. 29Ná-a chóng-kiōng oa̍h káu-pah gō͘-cha̍p hè chiah sí.

Šiuo metu pasirinkta:

Chhòng-sè-kì 9: TTVR

Paryškinti

Dalintis

Kopijuoti

Norite, kad paryškinimai būtų įrašyti visuose jūsų įrenginiuose? Prisijunkite arba registruokitės

The Bible Society in Taiwan

Sužinoti daugiau apie 現代台語譯本羅馬字版

Chhòng-sè-kì 9

Populiarios Biblijos eilutės iš
Chhòng-sè-kì 9

Biblija:

Chinese, Min Nan

Versija: 現代台語譯本羅馬字版 - TTVR

Chhòng-sè-kì 9

Chhòng-sè-kì 9

Populiarios Biblijos eilutės iš Chhòng-sè-kì 9

Biblija:

Chinese, Min Nan

Versija: 現代台語譯本羅馬字版 - TTVR

Chhòng-sè-kì 9

Populiarios Biblijos eilutės iš
Chhòng-sè-kì 9