Andinin-tSoratra Masina malaza indrindra nalaina tao amin'ny Mpitoriteny 8

Hizara

Dia noderaiko ny fifaliana satria tsy misy mahasoa ny olona etỳ ambanin’ny masoandro afa-tsy ny mihinana sy ny misotro ary ny miravoravo ka izany no hanara-dia azy amin’ny fisasarany mandritra ny andro hiainany izay nomen’Andriamanitra azy etỳ ambanin’ny masoandro.

Eny, fa na manao asa ratsy injato aza ny mpanota ka ela velona ihany, dia fantatro kosa fa hisy soa ho an’izay matahotra an’Andriamanitra, dia izay matahotra eo anatrehany.

fa samy manana ny fotoanany sy ny fitsarana azy ny zava-mitranga rehetra, satria ny ratsy nataon’ny olona dia mitambesatra aminy.

Tsy misy olona manan-kery hahatana ny fofonainy, na manana fahefana ny amin’ny andro hahafatesany; tsy misy afa-miala rehefa misy ady ary ny ratsy fanahy dia tsy ho voavonjin’ny haratsiam-panahiny.

Saingy tsy tanterahina haingana ny didy ho famaliana ny ratsy natao dia feno faniriana hanao asa ratsy ny fon’ny zanak’olombelona ao anatiny.

Izao koa no zava-poana izay atao etỳ ambonin’ny tany: Misy olo-marina iharan-javatra izay tokony ho anjaran’ny ratsy fanahy; ary misy ratsy fanahy mahazo izay tokony ho anjaran’ny marina. Hoy aho: Izany koa dia zava-poana.

Fa tsy mahafantatra izay ho avy izy, sady iza no hampahafantatra azy izay hiavian’izany?