Andinin-tSoratra Masina malaza indrindra nalaina tao amin'ny Mateyu 4

Hizara

Aku-na-kolo yuni pundu topa nimbale: “Pulu Yemonga bokumuni nimbale: ‘Kere-langimane mindi yomboma konde mololi ulu-pulumu naa silimú. Pulu Yemone ungu nilimúma pali pilku liku seko molonge kinia konde mololi ulu-pulumu lingí.’ nimba molemo.” nirimu.

Kanu-kinia Yesusini yundu nimbale: “Setene, nu anju pa! Pulu Yemonga bokumuni nimbale: ‘Pulu Yemo ononga Ye-Awilimu manjiku popo toko imbi ambolko paka tondoko, yunga kongonoma manjiku sendeko molangi.’ nimba molemo kanumu.” nirimu.

Yesusini yundu nimbale: “Pulu Yemonga yombomando ungu se pea nimba molemóla. Akumu i-sipa: ‘Pulu Yemo ononga Ye-Awilimuni “Sembó.” nilimú mele ‘Sika nilimúnje molo kolo tolemonje kanamili.’ ningu onone yu manda manjiku naa sangi.’ nimba molemóla kanumu.” nirimu.

Yesusi ˻no liltimu kinia Pulu Yemonga Minimu yu-kinia omba molopale nirimumuni,˼ Minimu yuni ‘˻Kurumanga nokoli˼ depelemone yu kondi topili.’ nimba Yesusi kolea ku lielina memba purumu. Akuna Yesusi oli se koro talo mele kere-langi naa noli we molopa perimu kinia yu gelene kolopa molorumu.

Aku siku seko moloringili kanopa nimbale: “Na lombili wangili. Oma lingilindu oma lili wale se liku nona mania mundulimbili kinia omama walena omba pelemo mele, pe ‘nanga kongonomo sengelendo nanga ungumu pilku ningu siliku andongele kinia yomboma nanga talapena sukundu ongo molangi.’ nimbu ‘Olo na lombili wale.’ nikiru.” nirimu. Aku nirimu kinia pilkuli popenge seko olonga oma lili walema munduku kelko Yesusi lombili puringili.

˻Kapeniame omba molorumu˼ kanu walemonga Yesusini yomboma pulu polopa unguma nimba sipa nimbale: “Pulu Yemo ye nokoli kingimu molopa nokomba walemo nondopa wendo ombá sekemo kene ˻‘Pulu Yemo yuni nokomba yombomanga talapena sukundu molamili.’ ningu˼ ulu-pulu-kiri selemelema munduku kelko konopu topele taa.” nirimu.