Andinin-tSoratra Masina malaza indrindra nalaina tao amin'ny Paidáish 18

Hizara

Kyá ḲHUDáWAND ke nazdík koí bát mushkil hai? Mausim i bahár meṉ mu‘aiyan waqt par maiṉ tere pás phir áúṉgá, aur Sárah ke beṭá hogá.

Tab Sárah ne apne dil meṉ haṉskar kahá, Kyá is qadr ‘umr rasída hone par bhí mere liye shádmání ho saktí hai, háláṉki merá ḳhudáwand bhí za‘íf hai?

Abrahám se to yaqínan ek baṛí aur zabardast qaum paidá hogí, aur zamín kí sab qaumeṉ us ke wasíle se barakat páeṉgí.

Tab Abrahám ne nazdík jákar kahá, Kyá tú nek ko bad ke sáth halák karegá? Sháyad us shahr meṉ pachás rástbáz hoṉ: kyá tú use halák karegá, aur un pachás rástbázoṉ kí ḳhátir, jo us meṉ hoṉ, us maqám ko na chhoṛegá?

Aur ḲHUDáWAND ne farmáyá, ki Agar mujhe Sadúm meṉ, shahr ke andar, pachás rástbáz mileṉ, to maiṉ un kí ḳhátir us maqám ko chhoṛ dúṉgá.