1
Matthew 5:15-16
Sümi Tiqhelimi Bible
STB
Momu khunomu akulu küqü pesü alì no qhove chemoe. Tishini ke züqhulo akibepu lo be cheni eno tino aki lo küami kümtsü lau aküvü tsü cheni. Tihutoi, nongu küvü kütami zülo yepüvü lo, tishianguno panongu no okümlà kiviqo ithulu no O Pù kungugha lo akeu je süqhe tsü nani ke.
Mampitaha
Mikaroka Matthew 5:15-16
2
Matthew 5:14
“Nongu ye ayeghiqha ghenguno aküvü ke. Atoghi lakhi lo mishiphu shiqhe püakeu ye küsüve mülae.
Mikaroka Matthew 5:14
3
Matthew 5:8
Amlo mithemithei kemi kümghae, kughengu panongu ye Alhou ithulu nani.
Mikaroka Matthew 5:8
4
Matthew 5:6
Achipiumikucho ghenguno müzüthi kemi kümghae, kughengu panoqo ghapiqitsü nani.
Mikaroka Matthew 5:6
5
Matthew 5:44
Ikemu ino nongu vilo piani, oghümi kimiyelo eno khunoqo no nongu kijipüsa cheni keno panongu ghenguno inikhu tsülo
Mikaroka Matthew 5:44
6
Matthew 5:3
“Aghungú lo athokha shi ani ipi ithi kemi kümghae, kughengu kungugha kükaqha ye panonguw ke.
Mikaroka Matthew 5:3
7
Matthew 5:9
Timi dolo külashitsü chekemiqo kümghae, kughengu panongu ye Alhou nuliqo ipi ku nani.
Mikaroka Matthew 5:9
8
Matthew 5:4
Muloqa chekemiqo kümghae, kughengu panongu lokughuno tsü nani.
Mikaroka Matthew 5:4
9
Matthew 5:10
Achipiumikucho ghenguno kijipüsa sholu kemi kümghae, kughengu kungugha kükaqha ye panoqow ke.
Mikaroka Matthew 5:10
10
Matthew 5:7
Kütami kimiyeqhiyi kemi kümghae, kughengu Alhou no panongu shou kimiyeqhiyi tsü nani.
Mikaroka Matthew 5:7
11
Matthew 5:11-12
“Kughou ighenguno timi no nongu thaigha, kijipüsa eno akimiki lono küsakügha jeli kümtsü pesü nongu shou pipukuni keno nongu kümghae. Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi kijipüsa acheke.
Mikaroka Matthew 5:11-12
12
Matthew 5:5
Ivünhei kemiqo kümghae kughengu panongu no ayeghi lo mheghi ighílu nani.
Mikaroka Matthew 5:5
13
Matthew 5:13
“Nongu ye ayeghilomi ghenguno amitì ke. Ikemu amitì no aküqhü kühave aye tiye kíshi no itaghi qhü kitheluve nani kea? Tiye khalau peleve no timi no qodave nike kumo aye kiumu avehupu kühavae.
Mikaroka Matthew 5:13
14
Matthew 5:48
Kupukülai kemi shilo, kughengu nongu pa Pù kungugha lo akeu ye kupukülai ke.”
Mikaroka Matthew 5:48
15
Matthew 5:37
Nono pi nikeu ye ‘Iyei’ momu ‘Moe’ likhi ke; kiu-kiumu hinguno alau ye küsaküghau lau no ighi cheni ke.
Mikaroka Matthew 5:37
16
Matthew 5:38-39
“Nongu no ishi pipüa keu chiluvae, ‘Anhethi theli lo anhethi, eno ahu theli lo ahu.’ Ikemu ino nongu vilo pìní, küsaküghami mujochile kevilo. Tsalá khuala no ogimuchu ajeu ghatsü aye, ogimuchu tüxau ghí pa lau kughopuwo tsülo.
Mikaroka Matthew 5:38-39
17
Matthew 5:29-30
Tsalá onhethi ajeu no omüsü sasü axiné shive pe aye, ti lejope pevelo. Ophimpi kuchopu pe amiyizü lo vesüve nike züqhulo ophi lo saje lakhi kühave keu pavi ke. Eno o-u ajeu no omüsü sasü axiné shive pe aye, ti ghitha pe pevelo. Ophimpi kuchopu pesü amiyizü lo ilove kepu ye ophi lo saje lakhi kühave keu pavi ke.
Mikaroka Matthew 5:29-30
Fidirana
Baiboly
Planina
Horonan-tsary